ᱥᱚᱧᱡᱚᱱᱟ ᱠᱟᱯᱩᱨ
ᱥᱚᱧᱡᱚᱱᱟ ᱠᱟᱯᱩᱨ (ᱡᱟᱱᱟᱢ ᱒᱗ ᱱᱚᱵᱷᱮᱢᱵᱚᱨ ᱑᱙᱖᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱛᱷᱤᱭᱮᱴᱚᱨ ᱯᱟᱨᱥᱚᱱᱟᱞᱤᱴᱤ ᱟᱨ ᱢᱟᱨᱮ ᱯᱷᱤᱞᱢ ᱮᱠᱴᱨᱮᱥ ᱠᱟᱱᱟᱭ᱾ ᱩᱱᱤ ᱫᱚ ᱮᱠᱴᱚᱨ ᱥᱟᱥᱤ ᱠᱟᱯᱩᱨ ᱟᱨ ᱡᱮᱱᱤᱯᱷᱟᱨ ᱠᱟᱯᱩᱨ ᱨᱤᱱᱤᱡ ᱠᱩᱲᱤ ᱠᱟᱱᱟᱭ᱾ ᱩᱱᱤ ᱫᱚ ᱑᱙᱙᱓ ᱥᱟᱞ ᱠᱷᱚᱱ ᱯᱷᱮᱵᱽᱨᱩᱣᱟᱨᱤ ᱒᱐᱑᱒ ᱦᱟᱹᱵᱤᱡ ᱢᱩᱢᱵᱟᱭ ᱨᱮ ᱯᱨᱤᱛᱷᱵᱤ ᱛᱷᱤᱭᱮᱴᱚᱨ ᱮ ᱪᱟᱞᱟᱣ ᱠᱮᱫᱟ᱾
ᱡᱤᱭᱚᱱ ᱠᱟᱹᱦᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱚᱧᱡᱚᱱᱟ ᱠᱟᱯᱩᱨ ᱫᱚ ᱠᱟᱯᱩᱨ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡᱤᱡ ᱦᱟᱯᱲᱟᱢ ᱟᱭᱳ ᱯᱟᱦᱴᱟ ᱨᱤᱱ ᱫᱚ ᱯᱨᱤᱛᱷᱵᱤᱨᱟᱡᱽ ᱠᱟᱯᱩᱨ ᱠᱟᱱᱟᱭ ᱟᱨ ᱟᱡᱤᱡ ᱦᱟᱯᱲᱟᱢ ᱦᱚᱯᱚᱱ ᱫᱚ ᱨᱟᱡᱽ ᱠᱟᱯᱩᱨ ᱟᱨ ᱥᱟᱢᱢᱤ ᱠᱟᱯᱩᱨ ᱠᱤᱱ ᱛᱟᱦᱮᱸ ᱠᱟᱱᱟ᱾ ᱟᱡᱤᱡ ᱵᱚᱭᱦᱟ ᱠᱩᱱᱟᱞ ᱠᱟᱯᱩᱨ ᱟᱨ ᱠᱟᱨᱟᱱ ᱠᱟᱯᱩᱨ ᱦᱚᱸ ᱠᱤᱪᱷᱩ ᱯᱷᱤᱞᱢ ᱨᱮᱠᱤᱱ ᱯᱟᱴ ᱟᱠᱟᱫᱟ᱾ ᱟᱡᱤᱡ ᱟᱭᱳ ᱯᱟᱦᱴᱟ ᱨᱤᱱ ᱦᱟᱯᱲᱟᱢ ᱠᱚ, ᱡᱤᱭᱳᱯᱷᱨᱤ ᱠᱮᱸᱰᱟᱞ ᱟᱨ ᱞᱳᱨᱟ ᱠᱮᱸᱰᱟᱞ, ᱮᱠᱴᱚᱨ ᱠᱤᱱ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱥᱮᱠᱥᱯᱤᱭᱟᱨ ᱟᱨ ᱥᱳᱣ ᱯᱟᱨᱯᱷᱚᱨᱢ ᱠᱟᱛᱮ ᱟᱠᱚᱣᱟᱜ ᱛᱷᱤᱭᱮᱴᱚᱨ ᱜᱩᱴ ᱥᱮᱠᱥᱯᱤᱭᱟᱨᱤᱭᱟᱱᱟ ᱥᱟᱶ ᱥᱤᱧᱚᱛ ᱟᱨ ᱮᱥᱤᱭᱟ ᱠᱤᱱ ᱫᱟᱬᱟ ᱟᱹᱜᱩ ᱠᱮᱫᱟ᱾ ᱫᱟ ᱢᱚᱨᱪᱮᱱᱴ ᱟᱭᱵᱷᱚᱨᱤ ᱯᱷᱤᱞᱢ, ᱥᱮᱠᱥᱯᱤᱭᱟᱨ ᱣᱟᱞᱟᱦ, ᱚᱱᱟ ᱜᱷᱟᱨᱚᱸᱡᱽ ᱪᱮᱛᱟᱱ ᱨᱮ ᱵᱮᱱᱟᱣ ᱦᱩᱭ ᱟᱠᱟᱱ ᱛᱟᱦᱮᱸᱱᱟ, ᱡᱟᱦᱟᱸ ᱨᱮ ᱟᱡᱤᱡ ᱟᱯᱟᱛ ᱟᱨ ᱟᱡᱤᱡ ᱠᱟᱹᱠᱤ, ᱮᱠᱴᱨᱮᱥ ᱯᱷᱮᱞᱤᱥᱤᱴᱤ ᱠᱮᱸᱰᱟᱞ ᱠᱤᱱ ᱯᱟᱴ ᱟᱠᱟᱫᱟ᱾ ᱥᱚᱧᱡᱚᱱᱟ ᱫᱚ ᱢᱩᱢᱵᱟᱭ ᱨᱮ ᱵᱳᱢᱵᱮ ᱤᱱᱴᱚᱨᱱᱮᱥᱚᱱᱟᱞ ᱟᱥᱲᱟ ᱨᱮᱭ ᱥᱮᱞᱮᱫ ᱞᱮᱱᱟ᱾
ᱩᱱᱤ ᱫᱚ ᱑᱙᱘᱑ ᱥᱟᱞ ᱨᱮᱭᱟᱜ ᱯᱷᱤᱞᱢ ᱓᱖ ᱪᱚᱣᱨᱤᱝᱜᱤ ᱞᱮᱱ ᱨᱮ ᱟᱡᱟᱜ ᱮᱠᱴᱤᱝ ᱰᱮᱵᱭᱩ ᱮ ᱠᱮᱫᱟ ᱡᱟᱦᱟᱸ ᱫᱚ ᱟᱡᱤᱡ ᱟᱯᱟᱛ ᱯᱨᱳᱰᱭᱩᱥ ᱞᱮᱫ ᱛᱟᱦᱮᱸᱱᱟ ᱟᱨ ᱟᱡᱤᱡ ᱟᱭᱳ ᱡᱮᱱᱤᱯᱷᱟᱨ ᱠᱮᱸᱰᱟᱞ ᱢᱩᱬ ᱨᱳᱞ ᱮ ᱠᱚᱨᱟᱣ ᱞᱮᱫᱟ᱾ ᱩᱱᱤ ᱫᱚ ᱟᱡᱤᱡ ᱟᱭᱳ ᱯᱞᱮ ᱟᱠᱟᱫ ᱠᱮᱨᱮᱠᱴᱟᱨ ᱨᱮᱭᱟᱜ ᱠᱟᱹᱴᱤᱡ ᱵᱷᱚᱨᱡᱚᱱ ᱮ ᱠᱚᱨᱟᱣ ᱞᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱩᱛᱥᱟᱵ (᱑᱙᱘᱔) ᱨᱮ ᱦᱚᱸᱭ ᱧᱮᱞ ᱮᱱᱟ, ᱚᱱᱟ ᱦᱚᱸ ᱟᱡᱤᱡ ᱟᱯᱟᱛ ᱯᱨᱳᱰᱭᱩᱥ ᱞᱮᱫ ᱛᱟᱦᱮᱸᱱᱟ, ᱟᱨ ᱦᱤᱨᱳ ᱦᱤᱨᱟᱞᱟᱞ (᱑᱙᱘᱙) ᱧᱩᱛᱩᱢ ᱛᱮ ᱢᱤᱫ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱟᱡᱟᱜ ᱯᱩᱭᱞᱩ ᱞᱤᱰᱤᱝ ᱨᱳᱞ ᱮ ᱯᱞᱮ ᱠᱮᱫᱟ, ᱡᱟᱦᱟᱸ ᱫᱚ ᱵᱳᱠᱥ ᱚᱯᱷᱤᱥ ᱨᱮ ᱥᱟᱹᱠᱥᱮᱥ ᱞᱮᱱ ᱛᱟᱦᱮᱸᱱᱟ᱾
ᱛᱟᱭᱚᱢ ᱛᱮ ᱩᱱᱤ ᱢᱤᱨᱟ ᱱᱟᱭᱚᱨ ᱭᱟᱜ ᱠᱨᱤᱴᱤᱠᱟᱞ ᱮᱠᱞᱮᱢ ᱟᱠᱟᱫ ᱯᱷᱤᱞᱢ ᱥᱟᱞᱟᱢ ᱵᱳᱢᱵᱮ ᱨᱮ ᱑᱙᱘᱘ ᱥᱟᱞ ᱨᱮ ᱧᱮᱞ ᱮᱱᱟ ᱢᱮᱱᱠᱷᱟᱱ ᱚᱱᱟ ᱛᱟᱭᱚᱢ ᱠᱷᱚᱱ ᱯᱷᱤᱞᱢ ᱨᱮ ᱮᱠᱴᱤᱝ ᱵᱟᱹᱜᱤ ᱠᱟᱛᱮ ᱑᱙᱙᱐ ᱨᱮ ᱛᱷᱤᱭᱮᱴᱚᱨ ᱥᱮᱫ ᱟᱡᱟᱜ ᱯᱷᱳᱠᱟᱥ ᱮ ᱩᱪᱟᱹᱲ ᱠᱮᱫᱟ᱾ ᱑᱙᱙᱑ ᱥᱟᱞ ᱨᱮ, ᱩᱱᱤ ᱟᱠᱤᱨᱟ ᱠᱩᱨᱳᱥᱟᱣᱟ ᱭᱟᱜ ᱟᱢᱚᱨᱴᱟᱞᱟᱭᱤᱡᱽ ᱯᱷᱤᱞᱢ ᱨᱟᱥᱚᱢᱚᱱ ᱨᱮ ᱡᱟᱯᱟᱱᱤ ᱮᱨᱟ ᱨᱮᱭᱟᱜ ᱨᱳᱞ ᱮ ᱯᱞᱮ ᱠᱮᱫᱟ, ᱱᱚᱣᱟ ᱫᱚ ᱯᱷᱟᱭ ᱟᱨ ᱢᱤᱠᱟᱭᱮᱞ ᱠᱟᱱᱤᱱ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱵᱨᱳᱰᱣᱮ ᱜᱟᱭᱟᱱ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱ ᱛᱟᱦᱮᱸᱱᱟ᱾ ᱩᱱᱤ ᱮ. ᱠᱮ. ᱵᱤᱨ ᱭᱟᱜ ᱟᱨᱚᱱᱭᱟᱠᱟ (᱑᱙᱙᱔) ᱨᱮ ᱦᱚᱸᱭ ᱮᱠᱴᱤᱝ ᱟᱠᱟᱫᱟ᱾
ᱩᱱᱤ ᱥᱟᱬᱮᱥ ᱧᱩᱛᱩᱢ ᱠᱟᱛᱮ ᱚᱞ ᱠᱟᱛᱮ ᱥᱚᱫᱚᱨ ᱟᱠᱟᱫ ᱥᱟᱛᱟᱢ, ᱟᱢᱩᱞ ᱤᱱᱰᱤᱭᱟ ᱥᱳᱣ ᱴᱮᱞᱤᱵᱤᱡᱚᱱ ᱨᱮ ᱓.᱕ ᱥᱮᱨᱢᱟ ᱫᱷᱟᱹᱵᱤᱡ ᱮ ᱦᱳᱥᱴ ᱟᱠᱟᱫᱟ᱾
ᱩᱱᱤ ᱫᱚ ᱡᱩᱦᱩ, ᱢᱩᱢᱵᱟᱭ ᱨᱮ ᱯᱨᱤᱛᱷᱵᱤ ᱛᱷᱤᱭᱮᱴᱚᱨ ᱮ ᱪᱟᱞᱟᱣ ᱠᱮᱫᱟ ᱟᱨ ᱒᱐᱑᱑ ᱥᱟᱞ ᱫᱷᱟᱹᱵᱤᱡ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱛᱷᱤᱭᱮᱴᱚᱨ ᱣᱚᱨᱠᱥᱚᱯ ᱮ ᱫᱟᱹᱲ ᱠᱮᱫᱟ᱾[᱑]
᱒᱐᱑᱑ ᱥᱟᱞ ᱨᱮ, ᱩᱱᱤ ᱯᱨᱤᱛᱷᱵᱤ ᱛᱷᱤᱭᱮᱴᱚᱨ ᱵᱟᱹᱜᱤ ᱨᱮᱭᱟᱜ ᱟᱡᱟᱜ ᱜᱚᱴᱟ ᱮ ᱞᱟᱹᱭ ᱥᱚᱫᱚᱨ ᱠᱮᱫᱟ, ᱟᱨ ᱒᱐᱑᱒ ᱥᱟᱞ ᱨᱮ ᱡᱩᱱᱩᱱ ᱛᱷᱤᱭᱮᱴᱚᱨ ᱮ ᱞᱳᱸᱪ ᱠᱮᱫᱟ, ᱱᱚᱣᱟ ᱫᱚ ᱟᱨᱴᱥ ᱵᱮᱥᱰ ᱳᱨᱜᱟᱱᱟᱭᱤᱡᱮᱥᱚᱱ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮ ᱠᱚᱢ ᱡᱟᱭᱜᱟ ᱨᱮ ᱜᱟᱭᱟᱱ ᱥᱴᱮᱡᱤᱝ ᱠᱟᱛᱮ ᱫᱟᱬᱟᱱ ᱜᱩᱴ ᱥᱟᱶ ᱠᱟᱹᱢᱤᱭᱟ᱾
ᱥᱚᱧᱡᱚᱱᱟ ᱠᱟᱯᱩᱨ ᱫᱚ ᱒᱐᱒᱐ ᱥᱟᱞ ᱨᱮ ᱛᱷᱤᱭᱮᱴᱚᱨ ᱨᱮ ᱟᱡᱟᱜ ᱱᱟᱯᱟᱭ ᱮᱱᱮᱢ ᱞᱟᱹᱜᱤᱫ ᱪᱮᱵᱟᱞᱤᱭᱟᱨ ᱰᱟᱸᱥ ᱞ'ᱚᱨᱰᱨᱮ ᱰᱮᱥ ᱟᱨᱴᱥ ᱮᱴ ᱰᱮᱥ ᱞᱮᱴᱨᱮᱥ' (ᱚᱨᱰᱟᱨ ᱚᱯᱷ ᱟᱨᱴᱥ ᱮᱱᱰ ᱞᱮᱴᱟᱨᱥ ᱨᱤᱱ ᱱᱟᱭᱤᱴ) ᱨᱮᱭᱟᱜ ᱯᱷᱨᱮᱸᱪ ᱢᱟᱱ ᱮ ᱧᱟᱢ ᱠᱮᱫᱟ᱾[᱒]
ᱟᱯᱱᱟᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱧᱡᱚᱱᱟ ᱠᱟᱯᱩᱨ ᱫᱚ ᱵᱟᱨ ᱫᱷᱟᱣ ᱮ ᱵᱟᱯᱞᱟ ᱟᱠᱟᱱᱟ᱾ ᱟᱡᱤᱡ ᱯᱩᱭᱞᱩ ᱡᱟᱶᱟᱭ ᱫᱚ ᱯᱷᱤᱞᱢ ᱵᱮᱱᱟᱣᱤᱡ ᱵᱟᱥᱩ ᱵᱷᱚᱴᱟᱪᱟᱨᱭᱚ ᱟᱨ ᱨᱤᱸᱠᱤ ᱵᱷᱚᱴᱟᱪᱟᱨᱭᱚ (ᱯᱷᱤᱞᱢ ᱵᱮᱱᱟᱣᱤᱡ ᱵᱤᱢᱟᱞ ᱨᱳᱭ ᱨᱤᱱᱤᱡ ᱠᱩᱲᱤ) ᱨᱤᱱᱤᱡ ᱠᱚᱲᱟ ᱜᱤᱫᱽᱨᱟᱹ ᱮᱠᱴᱚᱨ ᱟᱨ ᱰᱤᱨᱮᱠᱴᱚᱨ ᱟᱫᱤᱛᱭᱚ ᱵᱷᱚᱴᱟᱪᱟᱨᱭᱚ ᱮ ᱛᱟᱦᱮᱸ ᱠᱟᱱᱟ᱾[᱓]
ᱠᱟᱯᱩᱨ ᱫᱚ ᱛᱟᱭᱚᱢ ᱛᱮ ᱡᱚᱨᱱᱟᱞᱤᱥᱴ ᱨᱳᱢᱮᱥ ᱛᱷᱟᱯᱟᱨ ᱨᱤᱱᱤᱡ ᱠᱚᱲᱟ ᱜᱤᱫᱽᱨᱟᱹ ᱛᱟᱭᱜᱟᱨ ᱠᱚᱱᱡᱚᱨᱵᱷᱮᱥᱚᱱᱤᱥᱴ, ᱵᱟᱞᱢᱤᱠ ᱛᱷᱟᱯᱟᱨ ᱥᱟᱶ ᱮ ᱵᱟᱯᱞᱟ ᱮᱱᱟ᱾ ᱵᱟᱞᱢᱤᱠ ᱫᱚ ᱡᱮᱮᱱᱭᱩ ᱱᱟᱜᱟᱢᱤᱭᱟᱹ ᱨᱳᱢᱤᱞᱟ ᱛᱷᱟᱯᱟᱨ ᱨᱤᱱᱤᱡ ᱵᱷᱟᱹᱭ ᱠᱟᱱᱟᱭ (ᱨᱳᱢᱮᱥ ᱛᱷᱟᱯᱟᱨ ᱨᱤᱱᱤᱡ ᱵᱚᱭᱦᱟ)᱾ ᱥᱚᱧᱡᱚᱱᱟ ᱟᱨ ᱵᱟᱞᱢᱤᱠ ᱨᱤᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭᱟ, ᱒᱐᱐᱒ ᱥᱟᱞ ᱨᱮ ᱦᱟᱢᱤᱨ ᱛᱷᱟᱯᱟᱨ ᱮ ᱡᱟᱱᱟᱢ ᱟᱠᱟᱱᱟ᱾[᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Sanjna's passion". The Tribune. 6 August 2000. Retrieved 2 February 2021.
- ↑ PTI (29 January 2020). "Theatre artist Sanjna Kapoor receives French honour". The Hindu (in Indian English). Retrieved 18 March 2022.
- ↑ "Sanjana Kapoor". The Times of India. 11 December 2002. Retrieved 1 August 2015.
- ↑ Sawhney, Anubha (18 July 2002). "Hamir spells sonrise for Sanjana". The Times of India. Retrieved 1 August 2015.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱚᱧᱡᱚᱱᱟ ᱠᱟᱯᱩᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Carrying On With Family Tradition, An Interview[permanent dead link]
- The Moving Stage