ᱥᱚᱨᱳᱡᱽ ᱠᱩᱢᱟᱨ ᱥᱚᱨᱮᱱ
| ᱥᱚᱨᱳᱡᱽ ᱠᱩᱢᱟᱨ ᱥᱚᱨᱮᱱ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱱᱩᱣᱟᱨᱤ ᱔, ᱑᱙᱖᱐ ᱡᱟᱢᱥᱩᱞᱤ, ᱵᱟᱞᱮᱥᱚᱨ ᱦᱚᱱᱚᱛ, ᱳᱰᱤᱥᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ | ᱟᱭ.ᱮ. (I.A.) |
| ᱥᱮᱪᱮᱫ ᱟᱠᱷᱲᱟ | ᱰᱤ.ᱮ.ᱵᱷᱤ. ᱠᱚᱞᱮᱡᱽ, ᱠᱳᱲᱟᱯᱩᱴ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱜᱟᱭᱟᱱ ᱚᱱᱚᱞᱤᱭᱟᱹ |
| ᱮᱢᱤᱡ | ᱦᱤᱱᱫᱩᱥᱛᱟᱱ ᱮᱭᱟᱨᱳᱱᱚᱴᱤᱠᱥ ᱞᱤᱢᱤᱴᱮᱰ (HAL) |
| ᱟᱯᱟᱛ ᱮᱸᱜᱟᱛ | ᱡᱚᱭᱨᱟᱢ ᱥᱚᱨᱮᱱ (ᱵᱟᱵᱟ) ᱥᱩᱢᱤᱢᱚᱱᱤ ᱥᱚᱨᱮᱱ (ᱟᱭᱳ) |
ᱥᱚᱨᱳᱡᱽ ᱠᱩᱢᱟᱨ ᱥᱚᱨᱮᱱ ᱫᱚ ᱢᱤᱫ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱟᱨ ᱜᱟᱭᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾
ᱡᱟᱱᱟᱢ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱨᱳᱡᱽ ᱠᱩᱢᱟᱨ ᱥᱚᱨᱮᱱ ᱫᱚ ᱔ ᱡᱟᱱᱩᱣᱟᱨᱤ ᱑᱙᱖᱐ ᱥᱟᱞᱮ ᱨᱮ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱵᱟᱞᱮᱥᱚᱨ ᱦᱚᱱᱚᱛ ᱨᱮ ᱢᱮᱱᱟᱜ ᱡᱟᱢᱥᱩᱞᱤ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱡᱚᱭᱨᱟᱢ ᱥᱚᱨᱮᱱ ᱟᱨ ᱟᱭᱳ ᱫᱚ ᱥᱩᱢᱤᱢᱚᱱᱤ ᱥᱚᱨᱮᱱ᱾
ᱟᱡᱟᱜ ᱥᱮᱪᱮᱫ ᱡᱤᱭᱚᱱ ᱵᱟᱵᱚᱛ ᱛᱮ ᱵᱟᱰᱟᱭᱚᱜᱼᱟ ᱡᱮ, ᱩᱱᱤ ᱫᱚ ᱠᱳᱲᱟᱯᱩᱴ ᱨᱮᱱᱟᱜ ᱰᱤ.ᱮ.ᱵᱷᱤ. (DAV) ᱠᱚᱞᱮᱡᱽ ᱠᱷᱚᱱ ᱟᱭ.ᱮ. (I.A.) ᱮ ᱯᱟᱥ ᱞᱮᱫᱟ᱾[᱑]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱪᱮᱫ ᱢᱩᱪᱟᱹᱫ ᱛᱟᱭᱚᱢ ᱩᱱᱤ ᱫᱚ ᱦᱤᱱᱫᱩᱥᱛᱟᱱ ᱮᱭᱟᱨᱳᱱᱚᱴᱤᱠᱥ ᱞᱤᱢᱤᱴᱮᱰ (Hindustan Aeronautics Ltd.) ᱨᱮ ᱠᱟᱹᱢᱤ ᱨᱮ ᱥᱮᱞᱮᱫ ᱞᱮᱱᱟᱭ᱾ ᱟᱡᱟᱜ ᱠᱟᱹᱢᱤ ᱴᱷᱟᱶ ᱫᱚ ᱠᱳᱲᱟᱯᱩᱴ ᱦᱚᱱᱚᱛ ᱨᱮᱱᱟᱜ ᱥᱩᱱᱟᱵᱮᱰᱟ ᱨᱮ ᱛᱟᱦᱮᱸ ᱠᱟᱱᱟ᱾[᱑]
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲᱤ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮ ᱥᱚᱨᱳᱡᱽ ᱫᱚ ᱢᱤᱫ ᱛᱷᱤᱨ-ᱛᱷᱟᱰ ᱠᱟᱹᱢᱤᱭᱟᱹ ᱠᱟᱱᱟᱭ᱾ ᱚᱱᱟᱛᱮ ᱟᱹᱰᱤ ᱜᱟᱱ ᱯᱟᱛᱷᱟᱢ ᱠᱚᱨᱮ ᱟᱡᱟᱜ ᱚᱞ ᱠᱚ ᱵᱟᱝ ᱧᱮᱞᱚᱜᱼᱟ᱾ ᱩᱱᱤ ᱫᱚ ᱟᱥᱚᱠᱟᱭ ᱛᱮ ᱜᱟᱭᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱟᱭᱢᱟ ᱜᱟᱱ ᱱᱟᱜᱟᱢ ᱟᱱᱟᱜ ᱟᱨ ᱥᱟᱶᱛᱟ ᱟᱹᱨᱤ ᱪᱮᱛᱟᱱ ᱨᱮ ᱜᱟᱭᱟᱱ ᱠᱚᱭ ᱚᱞ ᱟᱠᱟᱫᱟ᱾ ᱟᱡᱟᱜ ᱚᱞ ᱟᱠᱟᱫ ᱠᱤᱪᱷᱩ ᱧᱩᱛᱩᱢᱟᱱ ᱜᱟᱭᱟᱱ ᱠᱚᱫᱚ ᱦᱩᱭᱩᱜ ᱠᱟᱱᱟ:
- ᱥᱤᱫᱚ-ᱠᱟᱹᱱᱦᱩ
- ᱵᱤᱨᱥᱟ ᱢᱩᱱᱰᱟ
- ᱚᱞᱚᱝ
ᱱᱚᱣᱟ ᱠᱚ ᱵᱮᱜᱚᱨ ᱦᱚᱸ ᱩᱱᱤ ᱫᱚ "ᱱᱟᱣᱟ ᱵᱟᱦᱟ ᱱᱟᱣᱟ ᱨᱟᱥᱟ" ᱧᱩᱛᱩᱢᱟᱱ ᱢᱤᱫ ᱥᱮᱨᱢᱟᱠᱤᱭᱟᱹ ᱯᱟᱛᱷᱟᱢ ᱮ ᱥᱟᱯᱲᱟᱣ ᱟᱨ ᱩᱪᱷᱟᱹᱱ ᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱟᱭᱢᱟ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱜᱟᱶᱛᱟ ᱠᱚ ᱥᱟᱶ ᱡᱚᱯᱲᱟᱣ ᱢᱮᱱᱟᱭᱟ᱾[᱑]