ᱥᱟᱛᱟᱵᱽᱫᱤ ᱨᱚᱭ
| ᱥᱟᱛᱟᱵᱽᱫᱤ ᱨᱚᱭ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱕ ᱚᱠᱴᱚᱵᱚᱨ ᱑᱙᱖᱙ ᱟᱜᱟᱨᱯᱟᱨᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱮᱠᱴᱨᱮᱥ, ᱯᱷᱤᱞᱢ ᱰᱟᱭᱨᱮᱠᱴᱚᱨ ᱨᱟᱡᱽᱟᱹᱨᱤᱭᱟᱹ |
| ᱠᱟᱹᱢᱤ ᱚᱠᱛᱚ | 1986–present |
| ᱥᱤᱨᱯᱷᱟᱹ | BFJA Awards[᱑] |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱨᱟᱡᱽᱟᱹᱨᱤ ᱫᱚᱞ | Trinamool Congress |
| ᱡᱤᱭᱚᱱ ᱥᱚᱦᱮᱫ | Mriganko Banerjee (m. 2001) |
| ᱦᱚᱯᱚᱱ | 2 |
| ᱚᱲᱟᱜ | ᱠᱚᱞᱠᱟᱛᱟ |
| ᱥᱟᱹᱠᱷᱭᱟᱹᱛ[᱒] | |
ᱥᱟᱛᱟᱵᱽᱫᱤ ᱨᱚᱭ (ᱡᱟᱱᱟᱢ ᱕ ᱚᱠᱴᱚᱵᱚᱨ ᱑᱙᱖᱙) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ, ᱯᱷᱤᱞᱢ ᱰᱤᱨᱮᱠᱴᱚᱨ ᱟᱨ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ ᱾ ᱮᱠᱴᱨᱮᱥ ᱞᱮᱠᱟᱛᱮ ᱩᱱᱤ ᱫᱚ ᱵᱟᱸᱜᱽᱞᱟ ᱥᱤᱱᱮᱢᱟ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾ ᱩᱱᱤ ᱫᱚ ᱵᱟᱨ ᱫᱷᱟᱣ BFJA ᱟᱣᱟᱨᱰ ᱧᱟᱢ ᱟᱠᱟᱫᱟᱭ ᱾ ᱑᱙᱘᱐ ᱟᱨ ᱑᱙᱙᱐ ᱥᱮᱨᱢᱟ ᱠᱚᱨᱮ ᱟᱠᱴᱨᱮᱥ ᱞᱮᱠᱟᱛᱮ ᱵᱮᱸᱜᱚᱞᱤ ᱥᱤᱱᱮᱢᱟ ᱨᱮ ᱠᱟ.ᱢᱤ ᱞᱮᱭᱟ । ᱰᱤᱨᱮᱠᱴᱚᱨ ᱞᱮᱠᱟᱛᱮ, ᱩᱱᱤ ᱫᱚ ᱵᱟᱹᱲᱛᱤ ᱛᱷᱤᱢ ᱵᱮᱵᱷᱟᱨ ᱞᱟᱹᱜᱤᱫ ᱛᱮ ᱟᱹᱰᱤ ᱱᱟᱯᱟᱭ ᱛᱮᱭ ᱪᱟᱞ ᱟᱠᱟᱱᱟ ᱾ ᱒᱐᱐᱙ ᱥᱮᱨᱢᱟ ᱠᱷᱚᱱ ᱞᱳᱠ ᱥᱚᱵᱷᱟ ᱨᱮ ᱛᱨᱤᱱᱟᱢᱩᱞ ᱠᱚᱝᱜᱽᱨᱮᱥ ᱨᱤᱱᱤᱡ ᱥᱚᱦᱮᱛ ᱠᱟᱱᱟᱭ ᱾
ᱨᱚᱭ ᱫᱚ ᱯᱨᱚᱥᱮᱱᱡᱤᱛ ᱪᱟᱴᱟᱨᱡᱤ ᱥᱟᱶ ᱛᱮ ᱴᱚᱯᱚᱱ ᱥᱤᱱᱦᱟ ᱟᱜ ᱟᱭᱢᱟ ᱥᱟᱨᱦᱟᱣ ᱟᱠᱟᱱ ᱵᱟᱸᱜᱽᱞᱟ ᱯᱷᱤᱞᱢ ᱟᱛᱚᱝᱠᱟ (᱑᱙᱘᱖) ᱨᱮ ᱠᱟ.ᱢᱤ ᱟᱠᱟᱫ-ᱟ, ᱡᱟᱦᱟᱸ ᱫᱚ ᱑᱙᱘᱗ ᱥᱟᱞᱮ ᱨᱮ ᱵᱤ.ᱯᱤ.ᱡᱮ.ᱮ. ᱟᱣᱟᱨᱰᱥ ᱯᱷᱚᱨ ᱵᱮᱥᱴ ᱥᱯᱳᱨᱴᱤᱝ ᱟᱠᱴᱨᱮᱥ (BFJA Awards for the Best Supporting Actress) ᱮ ᱟᱢᱮᱴ ᱞᱮᱫ-ᱟ ᱾ ᱚᱢᱚᱨ ᱵᱚᱱᱫᱷᱚᱱ (᱑᱙᱘᱖), ᱜᱩᱨᱩ ᱫᱟᱠᱥᱤᱱᱟ (᱑᱙᱘᱗), ᱟᱱᱛᱟᱨᱚᱝᱜᱟ (᱑᱙᱘᱘), ᱟᱯᱟᱱ ᱚᱢᱚᱨ ᱚᱯᱟᱱ (᱑᱙᱙᱐) ᱟᱨ ᱚᱵᱤᱥᱠᱟᱨ (᱑᱙᱙᱐) ᱮᱢᱟᱱ ᱯᱷᱤᱞᱢ ᱠᱚᱨᱮ ᱛᱟᱯᱟᱥ ᱯᱚᱞ ᱥᱟᱶ ᱠᱟ.ᱢᱤ ᱠᱟᱛᱮ ᱩᱱᱤ ᱫᱚ ᱧᱩᱛᱩᱢᱮ ᱦᱟᱢᱮᱴ ᱞᱮᱫᱟ । ᱯᱨᱳᱥᱮᱱᱡᱤᱛ ᱪᱟᱴᱟᱨᱡᱤ ᱥᱟᱶ ᱟᱡᱟᱜ ᱢᱟᱨᱟᱝ ᱦᱤᱴ ᱠᱚᱫᱚ ᱟᱞᱤᱝᱜᱚᱱ (᱑᱙᱙᱐), ᱥᱨᱚᱫᱷᱚᱱᱡᱚᱞᱤ (᱑᱙᱙᱓), ᱞᱚᱛᱷᱤ (᱑᱙᱙᱖), ᱥᱟᱠᱷᱤ ᱛᱩᱢᱤ ᱠᱟᱨ (᱑᱙᱙᱖), ᱪᱚᱱᱫᱽᱨᱚᱜᱨᱚᱦᱚᱱ (᱑᱙᱙᱗), ᱨᱟᱱᱳᱠᱷᱮᱛᱨᱚ (᱑᱙᱙᱘), ᱥᱟᱡᱟᱱᱤ ᱚᱢᱟᱨ ᱥᱳᱦᱟᱜ (᱒᱐᱐᱐) ᱟᱨ ᱛᱨᱤᱥᱩᱞ (᱒᱐᱐᱐) ᱮᱢᱟᱱ ᱾ ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱡ ᱰᱤᱨᱮᱠᱴᱚᱨ ᱡᱤᱭᱳᱴᱤ ᱥᱟᱨᱩᱯ ᱟᱜ ᱱᱟᱭᱟ ᱡᱚᱦᱚᱨ (᱑᱙᱙᱑) ᱨᱮ ᱟᱡᱟᱜ ᱵᱚᱞᱤᱣᱩᱰ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱑᱙᱙᱒ ᱥᱟᱞ ᱨᱮ ᱩᱱᱤ ᱫᱚ ᱴᱚᱯᱚᱱ ᱥᱤᱱᱦᱟ ᱥᱟᱶ ᱟᱡᱟᱜ ᱟᱱᱴᱟᱨᱫᱷᱟᱱ ᱨᱮ ᱫᱚᱥᱟᱨ ᱫᱷᱟᱣ ᱮ ᱠᱟᱹᱢᱤ ᱞᱮᱫ-ᱟ ᱾ ᱒᱐᱐᱕ ᱥᱟᱞ ᱨᱮ ᱨᱟᱡᱟ ᱥᱮᱱ ᱟᱜ ᱫᱮᱵᱤᱯᱚᱠᱥᱚ ᱨᱮ ᱟᱡᱟᱜ ᱠᱟᱢᱤ ᱞᱟᱹᱜᱤᱫ ᱛᱮ ᱫᱚᱥᱟᱨ ᱫᱷᱟᱣ ᱵᱤ.ᱯᱤ.ᱡᱮ.ᱮ. ᱟᱣᱟᱨᱰᱥ ᱯᱷᱚᱨ ᱵᱮᱥᱴ ᱥᱯᱳᱨᱴᱤᱝ ᱟᱠᱴᱨᱮᱥ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱩᱢᱮᱨ ᱚᱠᱛᱚ ᱨᱮ, ᱩᱱᱤ ᱫᱚ ᱫᱮᱵᱟᱥᱨᱤ ᱨᱚᱭ ᱟᱨ ᱨᱤᱛᱩᱯᱚᱨᱱᱟ ᱥᱮᱱᱜᱩᱯᱛᱟ ᱞᱮᱠᱟᱱ ᱟᱡᱟᱜ ᱥᱟᱶᱛᱟ ᱨᱮᱱ ᱠᱚ ᱥᱟᱶ ᱜᱮᱭ ᱥᱚᱢᱵᱷᱚᱵ ᱞᱮᱱᱟ ᱾ ᱩᱱᱤ ᱫᱚ ᱟᱡᱟᱜ ᱰᱤᱨᱮᱠᱴᱚᱨᱤ ᱮᱱᱮᱡ ᱫᱚ ᱚᱵᱷᱤᱱᱮᱛᱨᱤ (᱒᱐᱐᱖) ᱥᱟᱶ ᱮ ᱮᱛᱚᱦᱚᱵ ᱞᱮᱫ-ᱟ, ᱡᱟᱦᱟᱸ ᱫᱚ ᱵᱮᱝᱜᱚᱞᱤ ᱢᱤᱴᱤᱱᱤ ᱤᱰᱳᱞ ᱥᱩᱪᱤᱛᱨᱟ ᱥᱮᱱ ᱟᱜ ᱡᱤᱭᱚᱱ ᱟᱨ ᱠᱮᱨᱤᱭᱚᱨ ᱨᱮᱱᱟᱜ ᱢᱤᱫ ᱱᱟᱯᱟᱭ ᱨᱩᱯ ᱠᱟᱱᱟ ᱾ ᱯᱷᱤᱞᱢ ᱫᱚ ᱠᱮᱢᱯᱟᱨᱥᱤᱭᱟᱞ ᱨᱮ ᱦᱮᱡ ᱮᱱᱟ ᱟᱨ ᱠᱨᱤᱴᱤᱠ ᱨᱮᱫᱚ ᱵᱟᱝ ᱠᱚ ᱠᱩᱥᱤ ᱞᱮᱱᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱥᱷᱟᱭᱞᱮᱱ ᱟᱨ ᱱᱤᱞᱤᱢᱟ ᱨᱚᱭ ᱨᱮ ᱟᱜᱚᱨᱯᱟᱨᱟ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱓] ᱥᱚᱛᱟᱵᱽᱫᱤ ᱨᱚᱭ ᱫᱚ ᱑᱙᱘᱖ ᱥᱟᱞᱮ ᱨᱮ ᱥᱚᱨᱳᱡᱤᱱᱤ ᱦᱟᱭ ᱤᱥᱠᱩᱞ ᱠᱷᱚᱱ ᱢᱟᱫᱷᱭᱟᱢᱤᱠ ᱯᱟᱥ ᱞᱮᱫᱟᱭ ᱟᱨ ᱛᱟᱭᱚᱢ ᱛᱮ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱢᱤᱫ ᱠᱩᱲᱤ ᱠᱚᱞᱮᱡᱽ ᱡᱳᱜᱟᱢᱚᱭᱟ ᱫᱮᱵᱤ ᱠᱚᱞᱮᱡᱽ ᱨᱮ ᱥᱮᱞᱮᱫ ᱞᱮᱱᱟᱭ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Satabdi Roy Awards and Nominations". FilmiClub (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 26 November 2024. Retrieved 24 May 2021.
- ↑ "Detailed Profile: Smt. Satabdi Roy". Indian Government. Retrieved 23 May 2012.
- ↑ "করোনার কবলে শতাব্দী রায়ের পরিবার, আক্রান্ত তারকা সাংসদের বাবা". Hindustantimes Bangla (in Bengali). 29 July 2020. Retrieved 30 July 2020.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱛᱟᱵᱽᱫᱤ ᱨᱚᱭ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)