ᱥᱟᱛᱷᱩᱯᱚᱛᱤ ᱯᱨᱚᱥᱟᱱᱱᱟ ᱥᱨᱤ
ᱥᱟᱛᱷᱩᱯᱚᱛᱤ ᱯᱨᱚᱥᱟᱱᱱᱟ ᱥᱨᱤ (ᱡᱟᱱᱟᱢ: ᱒ ᱥᱮᱯᱴᱮᱢᱵᱚᱨ ᱑᱙᱖᱔)[᱑] ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱠᱟᱱᱟᱭ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱨᱚᱥᱟᱱᱱᱟ ᱥᱨᱤ ᱫᱚ ᱑᱙᱖᱔ ᱥᱟᱞ ᱨᱮ ᱢᱤᱫ ᱛᱮᱞᱩᱜᱩ ᱯᱟᱹᱨᱥᱤ ᱨᱚᱲ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱟᱡᱟᱜ ᱟᱹᱫᱤᱵᱟᱹᱥᱤ ᱪᱮᱦᱨᱟᱭ ᱧᱟᱢ ᱠᱮᱫᱟ᱾ ᱱᱚᱣᱟ ᱵᱟᱰᱟᱭ ᱫᱚ ᱜᱚᱨᱚᱡᱽ ᱟᱠᱟᱱ ᱯᱟᱹᱨᱥᱤ ᱟᱨ ᱟᱹᱨᱤᱪᱟᱹᱞᱤ ᱠᱚ ᱵᱟᱧᱪᱟᱣ ᱫᱚᱦᱚ ᱞᱟᱹᱜᱤᱫ ᱟᱡᱟᱜ ᱠᱩᱠᱢᱩ ᱮ ᱡᱷᱟᱞᱠᱟᱣ ᱠᱮᱫᱟ᱾ ᱩᱱᱤ ᱫᱚ ᱤᱝᱞᱤᱥ ᱥᱟᱶᱦᱮᱫ ᱨᱮ ᱰᱚᱠᱴᱚᱨᱮᱴ ᱮ ᱧᱟᱢ ᱠᱮᱫᱟ ᱟᱨ ᱟᱱᱫᱷᱨᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱤᱫ ᱯᱨᱚᱯᱷᱮᱥᱚᱨ ᱮ ᱵᱮᱱᱟᱣ ᱮᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱨᱤ ᱫᱚ ᱟᱱᱫᱷᱨᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱤᱝᱞᱤᱥ ᱨᱮᱱᱟᱜ ᱯᱨᱚᱯᱷᱮᱥᱚᱨ ᱟᱨ ᱵᱚᱨᱰ ᱚᱯᱷ ᱥᱴᱟᱰᱤᱥ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱠᱟᱱᱟᱭ᱾ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱥᱨᱤ ᱫᱚ ᱵᱷᱟᱨᱚᱛ ᱵᱷᱤᱛᱨᱤ ᱨᱮ ᱢᱟᱭᱱᱚᱨᱤᱴᱤ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱠᱚ ᱵᱟᱧᱪᱟᱣ ᱫᱚᱦᱚ ᱟᱨ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱠᱚ ᱞᱟᱹᱜᱤᱫ ᱱᱟᱣᱟ ᱚᱞ ᱛᱚᱦᱚᱨ ᱵᱮᱱᱟᱣ ᱨᱮᱭ ᱠᱟᱹᱢᱤ ᱟᱠᱟᱫᱟ᱾[᱒][᱓]
ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱥᱟᱶ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱰᱤᱜᱟᱱ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱠᱚ ᱪᱟᱵᱟᱜ ᱨᱮᱱᱟᱜ ᱵᱚᱛᱚᱨ ᱠᱷᱚᱱ ᱵᱟᱰᱟᱭ ᱠᱟᱛᱮ, ᱯᱨᱚᱥᱟᱱᱱᱟ ᱥᱨᱤ ᱫᱚ ᱩᱱᱠᱩᱣᱟᱜ ᱰᱚᱠᱩᱢᱮᱱᱴᱮᱥᱚᱱ (documentation) ᱟᱨ ᱨᱤᱵᱷᱟᱭᱴᱟᱞᱟᱭᱤᱡᱮᱥᱚᱱ (revitalization) ᱞᱟᱹᱜᱤᱫ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱟᱞᱟᱭ ᱠᱮᱫᱟ᱾ ᱩᱱᱤ ᱫᱚ ᱟᱱᱫᱷᱨᱟ ᱯᱨᱚᱫᱮᱥ ᱨᱮᱱᱟᱜ ᱟᱹᱰᱤᱜᱟᱱ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱠᱚᱨᱮ ᱥᱮᱨᱢᱟ ᱠᱚᱭ ᱠᱷᱮᱢᱟᱣ ᱠᱮᱫᱟ, ᱟᱹᱰᱤ ᱡᱚᱛᱚᱱ ᱥᱟᱞᱟᱜ ᱩᱱᱠᱩᱣᱟᱜ ᱯᱟᱹᱨᱥᱤ ᱟᱨ ᱟᱹᱨᱤᱪᱟᱹᱞᱤ ᱠᱟᱹᱢᱤᱦᱚᱨᱟᱭ ᱯᱟᱲᱦᱟᱣ ᱠᱮᱫᱟ᱾
ᱥᱨᱤ ᱫᱚ ᱠᱩᱯᱤᱭᱟ, ᱠᱚᱭᱟ, ᱯᱳᱨᱡᱟ, ᱡᱟᱛᱟᱯᱩ, ᱠᱚᱸᱰᱟ-ᱰᱳᱨᱟ, ᱜᱟᱫᱟᱵᱟ, ᱠᱳᱞᱟᱢ, ᱜᱳᱸᱰᱤ, ᱠᱳᱴᱤᱭᱟ, ᱥᱟᱵᱟᱨᱟ, ᱠᱩᱨᱩᱠᱷ, ᱥᱩᱜᱟᱞᱤ, ᱞᱤᱝᱜᱩᱣᱟ ᱜᱳᱩᱰᱩ, ᱢᱩᱠᱷᱟᱰᱷᱳᱨᱟ ᱟᱨ ᱨᱟᱱᱟ ᱯᱟᱹᱨᱥᱤ ᱞᱟᱹᱜᱤᱫ ᱚᱞ ᱛᱚᱦᱚᱨ ᱮ ᱵᱮᱱᱟᱣ ᱟᱠᱟᱫᱟ᱾[᱔] ᱩᱱᱤ ᱫᱚ ᱡᱮᱜᱮᱛ ᱛᱤᱨᱞᱟᱹ ᱢᱟᱦᱟᱸ ᱒᱐᱒᱒ ᱨᱮ ᱫᱤᱥᱚᱢ ᱜᱚᱢᱠᱮ ᱨᱟᱢ ᱱᱟᱛᱷ ᱠᱳᱵᱤᱱᱫᱽ ᱴᱷᱮᱱ ᱠᱷᱚᱱ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱠᱮᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "CV" (PDF). ijmer.in. Retrieved 30 April 2022.
- ↑ "Language gets a new face". The Hindu. Retrieved 11 November 2017.
- ↑ "Scripting it!". Yo! Vizag. Retrieved 11 November 2017.
- ↑ "Professor Prasanna Sree". Omniglot. Retrieved 11 November 2017.