ᱥᱟᱢᱟᱝ ᱥᱩᱢᱟᱛᱨᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Republik Indonesia Serikat

ᱥᱟᱢᱟᱝ ᱥᱩᱢᱟᱛᱨᱟ ᱫᱚ ᱑᱙᱔᱗ ᱥᱮᱨᱢᱟ ᱨᱮ ᱤᱱᱫᱳᱱᱮᱥᱤᱭᱟ ᱯᱨᱚᱡᱟᱛᱚᱱᱛᱨᱚ ᱵᱤᱨᱩᱫᱷ ᱨᱮ ᱱᱮᱫᱟᱨᱞᱮᱱᱰ ᱠᱳ ᱞᱟᱹᱲᱦᱟᱹᱭ ᱮᱛᱦᱚᱵ ᱛᱟᱭᱚᱢ ᱛᱮᱭᱟᱨ ᱟᱠᱟᱱᱟ᱾ ᱑᱙᱔᱙ ᱥᱮᱨᱢᱟ ᱨᱮ ᱤᱱᱫᱳᱱᱮᱥᱤᱭᱳ ᱡᱟᱛᱤᱭᱳ ᱞᱟᱹᱲᱦᱟᱹᱭ ᱨᱮᱱᱟᱜ ᱥᱟᱱᱛᱤ ᱜᱟᱞᱢᱟᱨᱟᱣ ᱨᱮᱱᱟᱜ ᱚᱝᱥᱚ ᱦᱤᱥᱟᱹᱵᱛᱮ ᱥᱟᱢᱟᱝ ᱥᱩᱢᱟᱛᱨᱟ ᱤᱱᱫᱳᱱᱮᱥᱤᱭᱟ ᱫᱚ ᱡᱚᱱᱚᱲ ᱯᱚᱱᱚᱛ ᱫᱤᱥᱟᱹᱢ ᱨᱮᱱᱟᱜ ᱚᱝᱥᱚ ᱦᱩᱭ ᱟᱠᱟᱱᱟ᱾ ᱤᱱᱫᱳᱱᱮᱥᱤᱭᱟ ᱯᱨᱚᱡᱟᱛᱚᱱᱛᱨᱚ ᱦᱚᱸ ᱡᱟᱱᱚᱲ ᱯᱚᱱᱚᱛ ᱫᱤᱥᱟᱹᱢ ᱨᱮᱱᱟᱜ ᱚᱝᱥᱚ ᱛᱟᱸᱦᱮᱸᱠᱟᱱᱟ᱾ ᱑᱙᱕᱐ ᱥᱮᱨᱢᱟ ᱨᱮᱱᱟᱜ ᱟᱜᱚᱥᱴ ᱪᱟᱸᱫᱚ ᱥᱟᱢᱟᱝ ᱥᱩᱢᱟᱛᱨᱟ ᱮᱛᱚᱢ ᱥᱩᱢᱟᱛᱨᱟ ᱨᱮᱱᱟᱜ ᱚᱝᱥᱚ ᱦᱩᱭᱞᱮᱱᱟ᱾[᱑]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱹᱣᱰᱤ ᱟᱹᱨᱤ ᱟᱨ ᱨᱟᱡᱟᱨᱤ ᱠᱷᱟᱹᱛᱤᱨ ᱰᱟᱪ ᱠᱚ ᱫᱚ ᱥᱩᱢᱟᱛᱨᱟ ᱟᱨ ᱥᱟᱢᱟᱝ ᱮᱞᱟᱠᱟ ᱠᱚᱨᱮ ᱫᱚᱲᱦᱟᱭᱛᱮ ᱩᱯᱳᱱᱤᱵᱮᱥ ᱵᱮᱱᱟᱣ ᱨᱟᱠᱟᱯ ᱠᱳ ᱢᱮᱱ ᱞᱮᱫᱟ᱾ ᱑᱙᱔᱒ ᱥᱮᱨᱢᱟ ᱥᱮᱡ ᱰᱟᱪ ᱤᱥᱴ ᱤᱱᱰᱤᱡᱮ ᱡᱟᱯᱟᱱ ᱨᱮᱱᱟᱜ ᱞᱟᱹᱲᱦᱟᱹᱭ ᱮᱛᱦᱚᱵ ᱞᱟᱦᱟᱨᱮ ᱱᱚᱸᱰᱮ ᱟᱹᱰᱤ ᱢᱚᱡᱽ ᱪᱟᱥᱵᱟᱥ ᱟᱨ ᱥᱩᱱᱩᱢ ᱠᱷᱟᱫᱟᱱ ᱛᱟᱸᱦᱮᱸᱠᱟᱱᱟ᱾ ᱚᱱᱚ ᱞᱟᱹᱲᱦᱟᱹᱭ ᱛᱟᱭᱚᱢ ᱰᱟᱪ ᱠᱳ ᱢᱟᱞᱚᱭᱤ ᱥᱩᱞᱛᱟᱱ ᱠᱩ ᱥᱟᱶᱛᱮ ᱥᱟᱥᱚᱱ ᱠᱚ ᱮᱛᱦᱚᱵ ᱞᱮᱫᱟ ᱟᱨ ᱱᱚᱸᱰᱮᱱᱟᱜ ᱥᱚᱦᱟᱭ ᱥᱚᱢᱯᱚᱫ ᱟᱹᱠᱩ ᱞᱟᱹᱜᱤᱫ ᱠᱩ ᱥᱚᱦᱚᱡᱽ ᱠᱮᱫᱟ᱾ ᱑᱙᱓᱐ ᱫᱚᱥᱚᱠ ᱥᱮᱡ ᱪᱟᱥᱟᱵᱟᱫᱽ ᱞᱟᱹᱜᱤᱛ ᱦᱚᱲ ᱠᱩ ᱟᱨ ᱢᱮᱫᱟᱱᱮ ᱥᱚᱦᱚᱨ ᱨᱮᱱ ᱡᱟᱹᱥᱛᱤ ᱵᱷᱟᱜᱽ ᱦᱚᱲ ᱜᱮ ᱥᱩᱢᱟᱛᱨᱟ ᱟᱨ ᱡᱟᱵᱷᱟ ᱨᱮᱱᱟᱜ ᱟᱨᱦᱚᱸ ᱮᱴᱟᱜ ᱡᱟᱜᱟ ᱠᱷᱚᱡ ᱠᱚ ᱦᱮᱡ ᱞᱮᱱᱟ᱾ ᱟᱨ ᱮᱴᱟᱜ ᱦᱩᱰᱤᱧ ᱦᱩᱰᱤᱧ ᱡᱟᱹᱛᱤ ᱠᱚ ᱫᱚ ᱡᱮᱢᱚᱱ ᱢᱟᱞᱚᱭᱤ, ᱥᱤᱢᱟᱞᱩᱱᱜᱩᱱ ᱟᱨ ᱦᱮᱡ ᱟᱠᱟᱱ ᱪᱤᱱᱟ ᱦᱚᱲ ᱫᱚ ᱵᱤᱥᱮᱥ ᱥᱩᱵᱤᱫᱷᱟ ᱠᱚ ᱧᱟᱢᱮᱛ ᱠᱟᱱ ᱛᱟᱸᱦᱮᱸᱱᱟ᱾

ᱡᱟᱯᱟᱱᱤ ᱠᱳᱣᱟᱜ ᱦᱟᱨᱟᱣ ᱛᱟᱭᱚᱢ ᱑᱙᱔᱕ ᱥᱮᱨᱢᱟ ᱨᱮᱱᱟᱜ ᱟᱜᱚᱥᱴ ᱪᱟᱸᱫᱚ ᱥᱩᱠᱚᱨᱱᱚ ᱟᱨ ᱢᱩᱦᱟᱢᱢᱚᱫ ᱦᱟᱛᱛᱟ ᱫᱟᱨᱟᱭᱛᱮ ᱤᱱᱫᱳᱱᱮᱥᱤᱭᱟ ᱯᱷᱩᱨᱜᱟᱹᱞᱮ ᱧᱟᱢ ᱠᱮᱛ ᱠᱷᱟᱡ ᱤᱱᱫᱳᱱᱮᱥᱤᱭᱟ ᱯᱨᱚᱡᱟᱛᱚᱱᱛᱨᱚ ᱥᱟᱢᱟᱝ ᱥᱩᱢᱟᱛᱨᱟ ᱨᱮ ᱟᱭᱟᱜ ᱚᱯᱷᱤᱥ ᱛᱮᱭᱟᱨᱮ ᱫᱷᱩᱨᱟᱹᱣ ᱞᱮᱱᱟ᱾ ᱛᱚᱵᱮ ᱯᱨᱚᱡᱟᱛᱚᱱᱛᱨᱚ ᱨᱮᱱ ᱥᱚᱨᱠᱟᱨᱤ ᱠᱟᱹᱢᱤ ᱦᱚᱲ ᱠᱚ ᱫᱚ ᱞᱟᱹᱲᱦᱟᱹᱭ ᱟᱠᱟᱱ ᱠᱩ ᱡᱩᱣᱟᱱ ᱠᱚᱲᱟ ᱪᱮᱛᱟᱱ ᱩᱱᱟᱹ ᱯᱟᱹᱛᱭᱟᱹᱣ ᱵᱟᱹᱠᱩ ᱛᱮᱭᱟᱨ ᱫᱟᱲᱮᱭᱟᱫᱟ᱾ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱡᱚᱠᱷᱚᱡ ᱩᱱᱠᱩ ᱫᱚ ᱡᱟᱯᱟᱱᱤ ᱴᱷᱮᱱ ᱞᱟᱹᱲᱦᱟᱹᱭ ᱨᱮᱱᱟᱜ ᱠᱳᱣᱥᱳᱞ ᱠᱩ ᱪᱤᱫ ᱞᱮᱫᱟ᱾ ᱛᱟᱭᱚᱢ ᱫᱟᱨᱟᱢ ᱯᱨᱚᱡᱟᱛᱚᱱᱛᱨᱚ ᱨᱮᱱ ᱠᱟᱹᱢᱤ ᱦᱚᱲ ᱠᱳ ᱪᱮᱛᱟᱱ ᱱᱩᱠᱩ ᱜᱮ ᱦᱩᱞ ᱠᱩ ᱮᱛᱦᱚᱵ ᱠᱮᱫᱟ᱾ ᱱᱚᱣᱟ ᱞᱟᱹᱲᱦᱟᱹᱭ ᱨᱮ ᱢᱟᱞᱚᱭᱤ ᱟᱨ ᱥᱤᱢᱟᱞᱩᱱᱜᱩᱱ ᱞᱟᱹᱴᱩ ᱦᱚᱲ ᱠᱚ ᱠᱩ ᱜᱚᱪ ᱚᱪᱚ ᱞᱮᱱᱟ᱾ ᱠᱤᱥᱟᱺᱲ ᱦᱚᱲ ᱠᱩᱣᱟᱜ ᱫᱳᱠᱟᱱ ᱵᱮᱵᱥᱟ ᱠᱳ ᱨᱮᱡ ᱞᱮᱛ ᱠᱳᱣᱟ᱾ ᱢᱤᱫ ᱥᱮᱨᱢᱟ ᱛᱟᱭᱚᱢ ᱰᱟᱪ ᱠᱚ ᱠᱩ ᱵᱩᱡᱷᱟᱹᱣ ᱠᱮᱫᱟ ᱡᱮ ᱥᱟᱢᱟᱝ ᱥᱮᱡ ᱟᱞᱟᱫᱟ ᱥᱚᱨᱠᱟᱨ ᱵᱮᱨᱮᱫᱽ ᱨᱟᱠᱟᱵ ᱞᱮᱠᱷᱟᱡ ᱯᱨᱚᱡᱟᱛᱚᱱᱛᱨᱚ ᱥᱟᱶᱛᱮ ᱦᱮᱯᱨᱟᱣ ᱦᱩᱭᱩᱜᱼᱟ᱾

᱑᱙᱔᱙ ᱥᱮᱨᱢᱟ ᱨᱮ ᱰᱟᱪ-ᱤᱱᱫᱳᱱᱮᱥᱤᱭᱳ ᱜᱳᱞ ᱴᱮᱵᱤᱞ ᱜᱟᱞᱢᱟᱨᱟᱣ ᱛᱟᱭᱚᱢ ᱰᱟᱪ ᱠᱩ ᱥᱟᱢᱟᱝ ᱥᱩᱢᱟᱛᱨᱟ ᱠᱷᱚᱡ ᱟᱹᱠᱩ ᱨᱮᱱ ᱥᱮᱱᱟᱵᱟᱦᱤᱱᱤ ᱠᱚ ᱚᱪᱚᱜ ᱠᱮᱫ ᱠᱳᱣᱟ᱾ ᱤᱱᱟᱹ ᱛᱟᱭᱚᱢ ᱚᱸᱰᱮᱱᱠᱩ ᱥᱟᱥᱚᱠ ᱠᱚ ᱫᱩᱨᱵᱚᱞᱮᱱᱟ᱾ ᱑᱙᱕᱐ ᱥᱮᱨᱢᱟ ᱨᱮᱱᱟᱜ ᱢᱮ ᱪᱟᱸᱫᱚ ᱰᱚᱠᱴᱚᱨ ᱢᱚᱱᱥᱩᱨ ᱟᱨ ᱢᱩᱦᱟᱢᱢᱚᱫᱽ ᱦᱟᱛᱛᱟ ᱥᱟᱢᱟᱝ ᱥᱩᱢᱟᱛᱨᱟ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱚᱝᱥᱚ ᱦᱤᱥᱟᱹᱵ ᱛᱮ ᱥᱮᱞᱮᱫᱽ ᱵᱟᱠᱷᱨᱟ ᱜᱟᱞᱢᱟᱨᱟᱣ ᱠᱤᱱ ᱮᱛᱦᱚᱵ ᱠᱮᱫᱟ᱾ ᱑᱙᱕᱐ ᱥᱮᱨᱢᱟ ᱨᱮ ᱥᱟᱢᱟᱝ ᱥᱩᱢᱟᱛᱨᱟ ᱛᱟᱯᱟᱱᱩᱞ ᱨᱮᱱᱟᱜ ᱚᱝᱥᱚ ᱦᱤᱥᱟᱹᱵᱛᱮ ᱮᱛᱚᱢ ᱥᱩᱢᱟᱛᱨᱟ ᱨᱮᱱᱟᱜ ᱚᱝᱥᱚ ᱦᱩᱭᱮᱱᱟ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Reid, Anthony. The Blood of the People: Revolution & the End of Traditional Rule in Northern Sumatra. Singapore: NUS Press, 2014. 274–277