ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱴᱚᱴᱷᱟ
| ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ | |
|---|---|
  15-East Coast Railway | |
| ECoR | |
| ᱴᱷᱟᱶ | ᱳᱰᱤᱥᱟ ᱪᱷᱚᱛᱛᱤᱥᱜᱚᱲ ᱟᱱᱫᱷᱨᱚ ᱯᱨᱚᱫᱮᱥ |
| ᱚᱯᱟᱨᱮᱥᱚᱱ ᱨᱮᱱᱟᱜ ᱢᱟᱹᱦᱤᱛ ᱠᱚ | 1 ᱮᱯᱨᱤᱞ 2003– |
| ᱢᱟᱲᱟᱝ ᱟᱜ | ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱴᱚᱴᱷᱟ |
| ᱨᱮᱞ ᱜᱮᱡᱽ | 5 ft 6 in (᱑,᱖᱗᱖ mm) |
| ᱵᱤᱡᱽᱞᱤ ᱟᱹᱨᱤ | ᱪᱷᱟᱸᱪ:25 kV 50 Hz |
| ᱦᱮᱰᱠᱣᱟᱴᱟᱨ | ᱵᱷᱩᱵᱽᱱᱮᱥᱚᱨ |
| ᱣᱮᱵᱽ ᱥᱟᱭᱤᱴ | eastcoastrail |
ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ (ᱠᱷᱟᱴᱚ ECoR) ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱑᱙ ᱴᱚᱴᱷᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱫᱚ ᱑ ᱮᱯᱨᱤᱞ ᱒᱐᱐᱓ ᱨᱮ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱨᱮᱭᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜᱼᱟ ᱾[᱑]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱝᱥᱚᱫᱽ ᱨᱮᱱᱟᱜ ᱢᱟᱱᱚᱛ ᱦᱚᱛᱮᱛᱮ, ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱫᱚ ᱗ ᱱᱟᱣᱟ ᱴᱚᱴᱷᱟ ᱠᱷᱚᱱ ᱯᱩᱭᱞᱩ ᱴᱚᱴᱷᱟ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱘ ᱚᱜᱚᱥᱴ ᱑᱙᱙᱖ ᱨᱮ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱢᱟᱨᱟᱝ ᱢᱚᱱᱛᱨᱤ ᱮᱪ.ᱰᱤ. ᱫᱮᱵᱮᱜᱚᱣᱲᱟ ᱮ ᱩᱰᱷᱟᱹᱣ ᱥᱟᱹᱜᱩᱱ ᱞᱮᱫ ᱾ ᱥᱤᱥᱚᱞ ᱠᱟᱹᱢᱤ ᱟᱫᱷᱤᱠᱟᱨᱤ ᱫᱚ ᱑᱖ ᱥᱮᱯᱴᱮᱢᱵᱚᱨ ᱑᱙᱙᱖ ᱨᱮ ᱱᱟᱣᱟ ᱞᱟᱹᱭ ᱟᱠᱟᱱ ᱴᱚᱴᱷᱟ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱠᱚ ᱪᱟᱞ ᱟᱫᱮᱭᱟ ᱾ ᱮᱛᱚᱦᱚᱵ ᱨᱮ, ᱢᱤᱫᱴᱟᱹᱝ ᱰᱤᱵᱤᱡᱚᱱ, ᱠᱷᱩᱨᱫᱟ ᱨᱳᱰ, ᱱᱚᱣᱟ ᱨᱮᱞᱣᱮ ᱥᱟᱶ ᱡᱚᱲᱟᱣ ᱛᱟᱦᱮᱸ ᱠᱟᱱᱟ ᱾
ᱱᱚᱣᱟ ᱴᱚᱴᱷᱟ ᱫᱚ ᱑ ᱮᱯᱨᱤᱞ ᱒᱐᱐᱓ ᱨᱮ ᱯᱩᱨᱟᱹᱣ ᱠᱟᱛᱮ ᱠᱟᱹᱢᱤ ᱮᱦᱚᱵ ᱮᱱᱟ ᱾ ᱒᱗ ᱯᱷᱮᱵᱽᱨᱩᱣᱟᱨᱤ ᱒᱐᱑᱙ ᱦᱤᱞᱚᱜ ᱣᱟᱞᱴᱮᱭᱟᱨ ᱰᱤᱵᱤᱡᱚᱱ ᱫᱚ ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱴᱚᱴᱷᱟ ᱠᱷᱚᱱ ᱵᱷᱮᱜᱟᱨ ᱞᱟᱹᱜᱤᱫ ᱵᱟᱰᱟᱭ ᱮᱱᱟ ᱾ ᱣᱟᱞᱴᱮᱭᱟᱨ ᱰᱤᱵᱤᱡᱚᱱ ᱨᱮᱱᱟᱜ ᱳᱰᱤᱥᱟ ᱦᱟᱹᱴᱤᱧ ᱫᱚ ᱱᱟᱣᱟ ᱨᱟᱭᱜᱚᱲ ᱰᱤᱵᱤᱡᱚᱱ ᱨᱮᱱᱟᱜ ᱵᱮᱱᱟᱣ ᱦᱩᱭᱩᱜᱼᱟ, ᱟᱫᱚ ᱟᱱᱫᱷᱨᱚ ᱯᱨᱚᱫᱮᱥ ᱦᱟᱹᱴᱤᱧ ᱫᱚ ᱠᱟᱹᱢᱤ ᱛᱟᱭᱚᱢ ᱮᱛᱚᱢ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱦᱩᱭᱩᱜᱼᱟ ᱾[᱒]
ᱦᱟᱹᱴᱤᱧ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱡᱟᱜᱟᱴᱤᱭᱟᱹᱨᱤ ᱴᱚᱴᱷᱟ ᱫᱚ ᱯᱮᱭᱟ ᱯᱚᱱᱚᱛ ᱨᱮ ᱯᱟᱥᱱᱟᱣ ᱟᱠᱟᱱᱟ, ᱡᱟᱦᱟᱸ ᱨᱮ ᱳᱰᱤᱥᱟ ᱨᱮᱱᱟᱜ ᱡᱚᱛᱚ ᱴᱚᱴᱷᱟ ᱟᱨ ᱪᱷᱚᱛᱛᱤᱥᱜᱚᱲ ᱨᱮᱱᱟᱜ ᱵᱚᱥᱛᱟᱨ, ᱢᱚᱦᱟᱥᱟᱢᱩᱸᱫᱽ ᱟᱨ ᱰᱟᱱᱴᱮᱣᱟᱰᱟ ᱦᱚᱱᱚᱛ ᱟᱨ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱥᱨᱤᱠᱚᱠᱩᱞᱚᱢ ᱦᱚᱱᱚᱛ ᱨᱮᱱᱟᱜ ᱯᱟᱞᱟᱥᱟ, ᱥᱳᱢᱯᱮᱴᱟ ᱟᱨ ᱮᱴᱟᱜ ᱗ ᱜᱚᱴᱟᱝ ᱥᱴᱮᱥᱚᱱ ᱥᱮᱞᱮᱫ ᱢᱮᱱᱟᱜᱼᱟ ᱾ ᱴᱚᱴᱷᱟᱠᱤᱭᱟᱹ ᱦᱮᱰᱠᱩᱣᱟᱴᱚᱨ ᱫᱚ ᱳᱰᱤᱥᱟ ᱨᱮᱭᱟᱜ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜᱼᱟ ᱾
ᱱᱚᱣᱟ ᱴᱚᱴᱷᱟ ᱨᱮ ᱯᱮᱭᱟ ᱦᱟᱹᱴᱤᱧ ᱢᱮᱱᱟᱜᱼᱟ: ᱥᱚᱢᱵᱚᱞᱯᱩᱨ, ᱠᱷᱩᱨᱫᱟ ᱟᱨ ᱨᱟᱭᱜᱚᱲ ᱾
ᱨᱟᱭᱜᱚᱲ ᱨᱮᱞᱣᱮ ᱦᱟᱹᱴᱤᱧ ᱫᱚ ᱢᱟᱨᱮ ᱣᱟᱞᱴᱮᱭᱟᱨ ᱦᱟᱹᱴᱤᱧ ᱨᱮᱱᱟᱜ ᱢᱤᱫ ᱴᱷᱟᱶ ᱵᱮᱱᱟᱣ ᱞᱟᱹᱜᱤᱫ ᱛᱮ ᱢᱮᱱ ᱞᱮᱱᱟ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱦᱟᱹᱴᱤᱧ ᱛᱟᱭᱚᱢ ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱴᱚᱴᱷᱟ ᱨᱮ ᱛᱟᱦᱮᱸᱱᱟ ᱾[᱓] ᱴᱚᱴᱷᱟ ᱨᱮᱱᱟᱜ ᱯᱟᱹᱦᱤᱞ ᱫᱷᱤᱨᱤ ᱖ ᱡᱟᱱᱩᱣᱟᱨᱤ ᱒᱐᱒᱕ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱴᱚᱴᱷᱟ ᱨᱮᱱᱟᱜ ᱥᱤᱢᱟᱹ ᱫᱚ ᱗ ᱯᱷᱮᱵᱽᱨᱩᱣᱟᱨᱤ ᱒᱐᱒᱕ ᱨᱮ ᱯᱩᱨᱟᱹᱣ ᱞᱮᱱᱟ ᱾[᱔]
ᱤᱞᱮᱠᱴᱨᱤᱯᱷᱤᱠᱮᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱓᱑ ᱱᱚᱵᱷᱮᱢᱵᱚᱨ ᱒᱐᱒᱑ ᱫᱷᱟᱹᱨᱤᱡ, ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱯᱮᱭᱟ ᱑᱐᱐% ᱤᱞᱮᱠᱴᱨᱤᱠ ᱨᱮᱞᱣᱮ ᱴᱚᱴᱷᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾[᱕] ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱞᱟᱭᱤᱱ ᱫᱚ ᱒᱙ ᱱᱚᱵᱷᱮᱢᱵᱚᱨ ᱒᱐᱐᱕ ᱨᱮ ᱦᱟᱣᱲᱟ-ᱪᱮᱱᱱᱟᱭ ᱤᱞᱮᱠᱴᱨᱤᱯᱷᱤᱞᱰ ᱛᱮᱭᱟᱨ ᱞᱟᱹᱜᱤᱫ ᱛᱮ ᱥᱮᱞᱮᱫ ᱞᱮᱱᱟ ᱛᱟᱦᱮᱸᱫ ᱾ ᱠᱷᱚᱲᱚᱜᱽᱯᱩᱨ ᱟᱨ ᱵᱤᱥᱟᱠᱷᱟᱯᱟᱴᱱᱟᱢ ᱥᱴᱮᱥᱚᱱ ᱛᱟᱞᱟ ᱨᱮ ᱢᱤᱫᱴᱟᱹᱝ ᱞᱤᱸᱠ ᱟᱫ ᱞᱮᱱ ᱛᱟᱦᱮᱸᱫ ᱟᱨ ᱦᱟᱣᱲᱟ ᱠᱷᱚᱱ ᱪᱮᱱᱱᱟᱭ ᱞᱟᱹᱜᱤᱫ ᱡᱚᱛᱚ ᱴᱨᱮᱱ ᱳᱰᱤᱥᱟ ᱠᱷᱚᱱ ᱥᱮᱱᱚᱜ ᱞᱟᱹᱜᱤᱫ ᱠᱷᱚᱲᱚᱜᱯᱩᱨ ᱨᱮ ᱤᱞᱮᱠᱴᱨᱤᱠ ᱠᱷᱚᱱ ᱰᱤᱡᱮᱞ ᱨᱮ ᱟᱨ ᱵᱤᱥᱟᱠᱷᱟᱯᱟᱴᱱᱟᱢ ᱨᱮ ᱱᱚᱶᱟ ᱠᱷᱚᱱ ᱮᱴᱟᱜ ᱤᱱᱡᱤᱱ ᱛᱮ ᱥᱮᱱᱚᱜ ᱞᱟᱹᱠᱛᱤ ᱛᱟᱦᱮᱸ ᱠᱟᱱᱟ ᱾ ᱱᱟᱣᱟ ᱫᱤᱞᱞᱤ ᱠᱷᱚᱱ ᱵᱷᱩᱵᱽᱱᱮᱥᱚᱨ ᱨᱟᱡᱽᱫᱷᱟᱱᱤ ᱞᱮᱠᱟᱱ ᱨᱮᱞ ᱨᱮᱦᱚᱸ ᱠᱷᱚᱲᱚᱜᱽᱯᱩᱨ ᱨᱮ ᱵᱚᱫᱚᱞ ᱦᱩᱭᱩᱜᱼᱟ ᱾ ᱴᱨᱟᱸᱠ ᱰᱟᱦᱟᱨ ᱨᱮ ᱱᱚᱶᱟ ᱞᱳᱠᱳ ᱯᱟᱨᱥᱟᱞ ᱢᱤᱫ ᱚᱠᱛᱚ ᱦᱟᱛᱟᱣ ᱟᱨ ᱵᱟᱹᱲᱤᱡ ᱯᱨᱚᱠᱨᱤᱭᱟ ᱦᱩᱭ ᱮᱱᱟ ᱾ ᱗᱖᱕ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱠᱷᱚᱲᱚᱜᱽᱯᱩᱨ-ᱵᱤᱥᱟᱠᱷᱟᱯᱟᱴᱱᱟᱢ ᱦᱟᱹᱴᱤᱧ ᱨᱮ ᱤᱞᱮᱠᱴᱨᱤᱯᱷᱤᱠᱮᱥᱚᱱ ᱥᱟᱶᱛᱮ, ᱴᱨᱮᱱ ᱠᱚ ᱨᱮᱱᱟᱜ ᱥᱮᱱᱚᱜ ᱫᱚ ᱵᱟᱹᱲᱛᱤ ᱦᱩᱭ ᱮᱱᱟ ᱟᱨ ᱦᱟᱭ ᱥᱯᱤᱰ ᱮᱠᱥᱯᱨᱮᱥ ᱴᱨᱮᱱ ᱠᱚ ᱞᱟᱹᱜᱤᱫ ᱰᱚᱵᱚᱞ ᱦᱮᱰᱮᱰ ᱰᱤᱡᱮᱞ ᱨᱮᱱᱟᱜ ᱞᱟᱹᱠᱛᱤ ᱫᱚ ᱪᱟᱵᱟ ᱮᱱᱟ ᱾ ᱚᱱᱟ ᱵᱮᱜᱚᱨ, ᱠᱷᱩᱨᱫᱟ ᱨᱳᱰ ᱠᱷᱚᱱ ᱯᱩᱨᱤ ᱫᱷᱟᱹᱨᱤᱡ ᱪᱟᱞᱟᱜ ᱠᱟᱱ ᱤᱞᱮᱠᱴᱨᱤᱯᱷᱤᱠᱮᱥᱚᱱ ᱰᱟᱦᱟᱨ ᱦᱚᱸ ᱤᱞᱮᱠᱴᱨᱤᱯᱷᱤᱠᱮᱥᱚᱱ ᱦᱩᱭ ᱮᱱᱟ ᱾ ᱛᱟᱭᱚᱢ ᱛᱮ, ᱠᱚᱴᱚᱠ-ᱚᱝᱜᱩᱞ ᱞᱟᱭᱤᱱ, ᱠᱚᱴᱚᱠ-ᱯᱟᱨᱟᱫᱤᱯ ᱞᱟᱭᱤᱱ ᱟᱨ ᱡᱟᱠᱷᱟᱯᱩᱨᱟ ᱠᱷᱚᱱ ᱵᱚᱲᱵᱤᱞ ᱫᱷᱟᱹᱨᱤᱡ ᱪᱟᱞᱟᱜ ᱠᱟᱱ ᱪᱟᱸᱜᱟ ᱞᱟᱭᱤᱱ ᱦᱚᱸ ᱤᱞᱮᱠᱴᱨᱤᱯᱷᱤᱞᱰ ᱛᱮᱭᱟᱨ ᱦᱩᱭ ᱟᱠᱟᱱᱟ ᱾
ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱛᱚ ᱴᱚᱴᱷᱟ ᱨᱮ ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ - ᱵᱷᱩᱵᱽᱱᱮᱥᱚᱨ, ᱠᱚᱴᱚᱠ, ᱪᱷᱚᱛᱨᱚᱯᱩᱨ, ᱯᱩᱨᱤ, ᱥᱚᱢᱵᱚᱞᱯᱩᱨ, ᱠᱷᱩᱨᱫᱟ ᱨᱳᱰ, ᱵᱟᱞᱩᱜᱟᱶ, ᱨᱟᱭᱜᱚᱲᱟ, ᱵᱨᱚᱦᱢᱟᱯᱩᱨ, ᱚᱱᱜᱩᱞ, ᱰᱷᱮᱝᱠᱟᱱᱟᱲ, ᱵᱷᱚᱫᱽᱨᱚᱠ, ᱵᱚᱞᱟᱝᱜᱤᱨ, ᱵᱚᱨᱜᱚᱲ, ᱡᱟᱡᱽᱯᱩᱨ ᱠᱮᱶᱡᱷᱚᱨ ᱨᱳᱰ, ᱴᱤᱴᱤᱞᱟᱜᱚᱲ, ᱠᱮᱥᱤᱝᱜᱟ, ᱞᱟᱧᱡᱤᱜᱚᱲ, ᱠᱳᱨᱟᱯᱩᱴ, ᱢᱚᱦᱟᱥᱢᱩᱸᱫᱽ, ᱡᱚᱜᱽᱫᱚᱞᱯᱩᱨ, ᱠᱮᱱᱫᱽᱨᱩᱡᱟᱨᱜᱚᱲ, ᱯᱟᱞᱟᱥᱟ ᱟᱨ ᱵᱚᱲᱵᱤᱞ ᱾
ᱳᱰᱤᱥᱟ, ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮ ᱡᱟᱹᱥᱛᱤ ᱜᱟᱱ ᱢᱩᱬ ᱥᱴᱮᱥᱚᱱ ᱢᱮᱱᱟᱜᱼᱟ ᱾
ᱪᱤᱛᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]-
ᱫᱮᱵᱽᱱᱟᱜᱽᱨᱤ ᱛᱮ ᱚᱞ ᱟᱠᱟᱱ ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ
ᱨᱮᱞ ᱤᱱᱯᱷᱨᱚᱥᱴᱨᱠᱪᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱠᱟᱨᱮᱡᱽ ᱨᱤᱯᱮᱭᱟᱨ ᱣᱟᱨᱠᱥᱚᱯ - ᱢᱟᱱᱪᱮᱥᱣᱚᱨ, ᱵᱷᱩᱵᱽᱱᱮᱥᱚᱨ
- ᱢᱮᱢᱩ ᱥᱮᱰ – ᱠᱷᱩᱨᱫᱟ ᱨᱳᱰ
ᱰᱟᱦᱟᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱢᱟᱝ ᱫᱚᱨᱭᱟ ᱫᱷᱟᱨᱮ ᱨᱮᱞᱣᱮ ᱴᱚᱴᱷᱟ ᱨᱮ ᱒᱗᱓ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱡᱤᱞᱤᱧ ᱫᱚ ᱕᱒᱑᱔ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱱᱚᱝᱠᱟ ᱢᱮᱱᱟᱜᱼᱟ:-
| ᱦᱟᱹᱴᱤᱧ | ᱜᱩᱴ ᱠᱤᱞᱚᱢᱤᱴᱚᱨ | ᱤᱞᱮᱠᱴᱨᱤᱯᱷᱤᱞᱰ ᱠᱤᱞᱚᱢᱤᱴᱚᱨ | ||
|---|---|---|---|---|
| ᱴᱨᱮᱠ | ᱰᱟᱦᱟᱨ | ᱴᱨᱮᱠ | ᱰᱟᱦᱟᱨ | - |
| ᱜᱩᱴ | ᱕,᱒᱑᱔ | ᱒,᱖᱗᱗ | ᱓,᱓᱗᱑ | ᱑,᱕᱔᱓ |
ᱨᱮᱞᱣᱮ ᱞᱟᱭᱤᱱ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ECoR ᱴᱚᱴᱷᱟ ᱨᱮ ᱞᱟᱛᱟᱨ ᱨᱮ ᱢᱮᱱᱟᱜ ᱴᱨᱮᱠ ᱠᱚ ᱢᱮᱱᱟᱜᱼᱟ ᱾ ᱥᱟᱱᱟᱢ ᱕ ᱯᱷᱩᱴ ᱖ ᱤᱸᱪ (᱑,᱖᱗᱖ ᱢᱤᱞᱤᱢᱤᱴᱚᱨ) ᱵᱨᱚᱰ ᱜᱮᱡᱽ ᱢᱮᱱᱟᱜᱼᱟ ᱾ ᱥᱮᱠᱥᱚᱱ ᱠᱚᱫᱚ ᱱᱚᱝᱠᱟ ᱢᱮᱱᱟᱜᱼᱟ:-
- ᱵᱷᱚᱫᱽᱨᱚᱠ-ᱵᱷᱩᱵᱽᱱᱮᱥᱚᱨ-ᱠᱷᱩᱨᱫᱟ ᱨᱳᱰ- ᱵᱟᱨᱭᱟ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱙᱒ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ]
- ᱛᱟᱞᱪᱮᱨ-ᱠᱚᱴᱚᱠ ᱵᱟᱨᱭᱟ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱒᱑ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ]
- ᱴᱤᱴᱞᱚᱜᱚᱲ ᱡᱚᱸᱠᱥᱚᱱ-ᱢᱚᱦᱟᱥᱟᱢᱩᱸᱫᱽ ᱢᱤᱫᱴᱟᱹᱝ ᱵᱤ. ᱡᱤ. ᱞᱟᱭᱤᱱ [᱑᱕ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ] (ᱱᱚᱣᱟ ᱞᱟᱭᱤᱱ ᱨᱮᱱᱟᱜ ᱤᱞᱮᱠᱨᱤᱠ ᱱᱤᱛᱚᱜ ᱪᱟᱞᱟᱜ ᱠᱟᱱᱟ)
- ᱠᱚᱴᱚᱠ-ᱯᱟᱨᱟᱫᱤᱯ ᱵᱟᱨᱭᱟ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱑᱐ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ]
- ᱠᱷᱩᱨᱫᱟ ᱨᱳᱰ-ᱯᱩᱨᱤ ᱵᱟᱨᱭᱟ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱑᱑ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ]
- ᱥᱚᱢᱵᱚᱞᱯᱩᱨ ᱡᱚᱸᱠᱥᱚᱱ-ᱛᱟᱞᱪᱮᱨ ᱢᱤᱫᱴᱟᱹᱝ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱑᱖ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ](ᱱᱚᱣᱟ ᱞᱟᱭᱤᱱ ᱨᱮᱱᱟᱜ ᱤᱞᱮᱠᱴᱨᱤᱠ ᱰᱚᱵᱚᱞᱤᱝ ᱱᱤᱛᱚᱜ ᱪᱟᱞᱟᱜ ᱠᱟᱱᱟ)
- ᱴᱤᱴᱤᱞᱟᱜᱚᱲ ᱡᱚᱸᱠᱥᱚᱱ-ᱥᱚᱢᱵᱚᱞᱯᱩᱨ ᱡᱚᱸᱠᱥᱚᱱ ᱢᱤᱫᱴᱟᱹᱝ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱑᱖ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ] (ᱱᱚᱣᱟ ᱞᱟᱭᱤᱱ ᱨᱮᱱᱟᱜ ᱤᱞᱮᱠᱴᱨᱤᱠ ᱰᱚᱵᱚᱞᱤᱝ ᱱᱤᱛᱚᱜ ᱪᱟᱞᱟᱜ ᱠᱟᱱᱟ)
- ᱥᱚᱢᱵᱚᱞᱯᱩᱨ ᱡᱚᱸᱠᱥᱚᱱ-ᱡᱷᱟᱨᱥᱩᱜᱩᱰᱟ ᱡᱚᱸᱠᱥᱚᱱ ᱵᱟᱨᱭᱟ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱑᱐ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ]
- ᱨᱟᱭᱜᱚᱲᱟ-ᱠᱳᱨᱟᱯᱩᱴ ᱢᱤᱫᱴᱟᱹᱝ ᱤᱞᱮᱠᱴᱨᱤᱠ ᱵᱤ.ᱡᱤ. ᱞᱟᱭᱤᱱ [᱑᱕ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ]
- ᱱᱚᱣᱟᱯᱚᱫᱟ ᱡᱚᱸᱠᱥᱚᱱ-ᱜᱩᱱᱩᱯᱩᱨ ᱢᱤᱫᱴᱟᱹᱝ ᱰᱤᱡᱮᱞ ᱵᱤ.ᱡᱤ. ᱞᱟᱭᱤᱱ [᱑᱔ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ]
- ᱡᱟᱠᱷᱟᱯᱩᱨᱟ ᱡᱚᱸᱠᱥᱚᱱ-ᱵᱟᱸᱥᱯᱟᱹᱱᱤ ᱢᱤᱫᱴᱟᱹᱝ ᱤᱞᱮᱠᱴᱨᱤᱯᱷᱤᱞᱰ ᱵᱤ.ᱡᱤ. ᱞᱟᱭᱤᱱ [᱑᱗ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱚ] (ᱱᱚᱣᱟ ᱞᱟᱭᱤᱱ ᱨᱮᱱᱟᱜ ᱤᱞᱮᱠᱴᱨᱤᱠ ᱰᱚᱵᱚᱞᱤᱝ ᱱᱤᱛᱚᱜ ᱪᱟᱞᱟᱜ ᱠᱟᱱᱟ)
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Railway Zones and Divisions in The Country". Press Information Bureau. Ministry of Railways (Government of India). 21 July 2017. Retrieved 1 January 2025.
- ↑ "QUOTE ON ESTABLISHMENT OF SOUTH COAST RAILWAY _ RAILWAYS CLARIFIES". eastcoastrail.indianrailways.gov.in. 28 September 2022.
- ↑ "Delays dog new railway zone". The Hindu. 2021-12-27. Retrieved 2022-05-09.
- ↑ "Revision of divisional jurisdiction under the South Coast Railway zone at Vishakhapatnam by retention of truncated Waltair division". PIB. 7 February 2025.
- ↑ "Major Leap towards 100% Electrification: 3 Railway Zones of Indian Railways, i.e, West Central Railway, Kolkata Metro and East Coast Railway have been fully electrified, reducing carbon footprints". Twitter.com. Retrieved 3 February 2022.