ᱥᱟᱢᱟᱠᱷᱩᱱᱴᱟ ᱵᱽᱞᱚᱠ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱥᱟᱢᱟᱠᱷᱩᱱᱴᱟ(ଶାମାଖୁଣ୍ଟା/Shamakhunta): ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ [᱑]ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱥᱟᱢᱟᱠᱷᱩᱱᱴᱟ ᱵᱽᱞᱚᱠ ᱾ ᱥᱟᱢᱟᱠᱷᱩᱱᱴᱟ ᱵᱽᱞᱚᱠ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱵᱟᱨᱤᱯᱚᱫᱟ ᱠᱷᱚᱱ 10.2 ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜ-ᱟ ᱾ ᱵᱟᱨᱤᱯᱚᱫᱟ ᱠᱷᱚᱱ ᱑᱙ ᱱᱚᱢᱵᱚᱨ ᱯᱚᱱᱚᱛ ᱰᱟᱦᱟᱨᱛᱮ 10.20 ᱠᱤᱞᱚᱢᱤᱴᱚᱨ ᱵᱟᱞᱮᱥᱚᱨ ᱜᱩᱞᱟᱹᱭ ᱠᱷᱚᱱ ᱚᱥᱛᱤᱭᱟ ᱵᱟᱡᱟᱨ ᱥᱮᱫ ᱛᱮ ᱞᱚᱠᱷᱢᱤᱯᱩᱨ, ᱫᱷᱚᱱᱯᱩᱨ ᱮᱢᱟᱱ ᱯᱟᱨᱚᱢ ᱟᱛᱮᱫ ᱥᱟᱢᱟᱠᱷᱩᱱᱴᱟ ᱧᱟᱢᱚᱜ-ᱟ ᱾ ᱴᱨᱮᱱ ᱛᱮ ᱥᱚᱡᱷᱮ ᱥᱮᱴᱮᱨᱚᱜ ᱨᱮᱱᱟᱜ ᱰᱟᱦᱟᱨ ᱥᱟᱢᱟᱠᱷᱩᱱᱴᱟ ᱛᱮ ᱵᱟᱹᱱᱩᱜ ᱟᱱᱟ, ᱵᱟᱞᱮᱥᱚᱨ,ᱵᱟᱨᱤᱯᱚᱫᱟ ᱱᱚᱣᱟ ᱨᱮᱱᱟᱜ ᱥᱩᱯᱩᱨ ᱨᱮᱞ ᱥᱴᱮᱥᱚᱱ ᱠᱟᱱᱟ ᱾ ᱚᱱᱰᱮᱠᱷᱚᱱ ᱴᱨᱮᱱ ᱛᱮ ᱟᱬᱜᱚ ᱟᱛᱮᱫ ᱵᱚᱥ ᱛᱮ ᱥᱟᱢᱟᱠᱷᱩᱱᱴᱟ ᱪᱟᱞᱟᱜ ᱞᱟᱹᱜᱤᱫ ᱵᱷᱮᱜᱟᱨ ᱵᱚᱥ ᱥᱟᱵᱽ ᱦᱩᱭᱩᱜ-ᱟ ᱾ ᱠᱚᱲᱚᱜᱽᱯᱩᱨ ᱠᱷᱚᱱ ᱢᱤᱫ ᱦᱚᱲ ᱮ ᱦᱟᱹᱡᱩᱜ ᱠᱷᱟᱱ ᱜᱳᱯᱤᱵᱚᱞᱚᱵᱷᱯᱩᱨ ᱥᱮᱫ ᱛᱮ ᱵᱟᱹᱨᱤᱯᱚᱫᱟᱭ ᱥᱮᱴᱮᱨᱚᱜ ᱠᱷᱟᱱ ᱮ ᱥᱩᱨᱩᱜ-ᱟ , ᱵᱟᱨᱤᱯᱚᱫᱟ ᱠᱷᱚᱱ ᱥᱟᱢᱟᱠᱷᱩᱱᱴᱟᱭ ᱪᱟᱞᱟᱜ-ᱟ ᱾ ᱵᱟᱨᱤᱯᱚᱫᱟ ᱥᱮᱫ ᱛᱮ ᱥᱟᱢᱟᱠᱷᱩᱱᱴᱟ ᱫᱚ ᱠᱷᱚᱲᱚᱜᱽᱯᱩᱨ ᱠᱷᱚᱱ ᱑᱒᱔ ᱠᱤᱞᱚᱢᱤᱴᱚᱨ ᱦᱩᱭᱩᱜ-ᱟ ᱾

ᱥᱤᱢᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱱᱛᱱᱚᱴᱤ ᱵᱽᱞᱚᱠ ᱨᱮᱱᱟᱜ ᱥᱤᱢᱟᱹ ᱟᱭᱛᱟᱱ ᱫᱚ ᱒᱒᱒ᱹ᱒᱓ km² ᱠᱟᱱᱟ [᱒]᱾ ᱥᱟᱢᱟᱠᱷᱩᱱᱴᱟ ᱵᱽᱞᱚᱠ ᱨᱮᱱᱟᱜ ᱥᱟᱢᱟᱝ ᱨᱮ ᱵᱚᱰᱚᱥᱟᱦᱤ ᱟᱨ ᱜᱳᱯᱚᱵᱚᱱᱫᱷᱩᱱᱚᱜᱚᱨ ᱵᱽᱞᱚᱠ ᱢᱮᱱᱟᱜ-ᱟ ,ᱮᱛᱚᱢ ᱨᱮ ᱵᱚᱰᱚᱥᱟᱦᱤ ᱟᱨ ᱥᱟᱢᱟᱥᱟᱢᱟᱠᱷᱩᱱᱴᱟ ᱵᱽᱞᱚᱠ ᱢᱮᱱᱟᱜ-ᱟ , ᱯᱟᱪᱮᱨᱮ ᱥᱟᱢᱟᱥᱟᱢᱟᱠᱷᱩᱱᱴᱟ ᱟᱨ ᱩᱫᱚᱲᱟ ᱵᱽᱞᱚᱠ ᱢᱮᱱᱟᱜ-ᱟ ᱟᱨ ᱠᱚᱸᱡᱮ ᱨᱮ ᱜᱳᱯᱚᱵᱚᱱᱫᱷᱩᱱᱚᱜᱚᱨ ᱟᱨ ᱩᱫᱚᱲᱟ ᱵᱽᱞᱚᱠ ᱢᱮᱱᱟᱜ-ᱟ ᱾ [᱓]

ᱞᱮᱠᱷᱟᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮᱱᱟᱜ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱵᱽᱞᱚᱠ ᱨᱮ ᱑᱓᱒ ᱜᱚᱴᱟᱝ ᱟᱹᱛᱩ ᱟᱨ ᱑᱔ ᱜᱚᱴᱟᱝ ᱜᱨᱟᱢᱯᱚᱸᱪᱟᱭᱚᱛ ᱢᱮᱱᱟᱜ-ᱟ ᱾ ᱵᱽᱞᱚᱠ ᱨᱮ ᱑᱗,᱕᱕᱐ ᱚᱲᱟᱜ ᱢᱮᱱᱟᱜ-ᱟ ᱾ ᱱᱚᱣᱟ ᱵᱽᱞᱚᱠ ᱨᱮ ᱗᱔,᱑᱕᱕ ᱦᱚᱲ ᱢᱮᱱᱟᱜ ᱠᱚᱣᱟ ᱚᱱᱟ ᱢᱩᱫ ᱨᱮ ᱠᱚᱲᱟ ᱠᱚ ᱦᱩᱭᱩᱜ ᱠᱟᱱᱟ ᱓᱖,᱔᱖᱖ ᱟᱨ ᱠᱩᱲᱤ ᱠᱚ ᱦᱩᱭᱩᱜ ᱠᱟᱱᱟ ᱓᱗,᱖᱘᱙᱾ ᱱᱚᱰᱮ ᱨᱮᱱ ᱡᱚᱛᱚ ᱵᱟᱹᱥᱤᱸᱫᱟ ᱟᱹᱛᱩ ᱨᱤᱱ ᱠᱟᱱᱟ ᱠᱚ [᱔]

ᱟᱹᱢᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱟᱠᱷᱩᱱᱴᱟ ᱨᱮᱱᱟᱜ ᱵᱽᱞᱚᱠ ᱫᱚ ᱥᱟᱢᱟᱠᱷᱩᱱᱴᱟᱹ ᱟᱨ ᱛᱚᱦᱚᱥᱤᱞ ᱫᱚ ᱵᱟᱨ ᱰᱟᱸᱜᱩᱣᱟ ᱥᱟᱢᱟᱠᱷᱩᱱᱴᱟ ᱨᱮ ᱢᱮᱱᱟᱜ-ᱟ ᱾ ᱥᱟᱢᱟᱠᱷᱩᱱᱴᱟ ᱛᱚᱦᱚᱥᱤᱞ ᱨᱮ ᱗ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜ-ᱟ ᱡᱮᱢᱚᱱ ᱥᱟᱢᱟᱠᱷᱩᱱᱴᱟ, ᱰᱩᱠᱨᱟ, ᱵᱟᱥᱤᱯᱤᱴᱷᱟ, ᱵᱷᱳᱲᱟᱜᱚᱰᱤᱭᱟ, ᱵᱚᱰᱚᱯᱚᱛᱷᱚᱨᱚ,ᱵᱚᱰᱚᱯᱷᱮᱬᱤ, ᱟᱨ ᱵᱤ ᱥᱤ ᱵᱩᱨ ᱾ [᱕]᱾ ᱵᱽᱞᱚᱠ ᱨᱮ ᱥᱟᱢᱟᱠᱷᱩᱱᱴᱟ ᱨᱮᱜᱮ ᱢᱤᱫᱴᱟᱝ ᱛᱷᱟᱱᱟ ᱢᱮᱱᱟᱜ-ᱟ [᱖] ᱾ ᱥᱟᱢᱟᱠᱷᱩᱱᱴᱟ ᱨᱮᱱᱟᱜ ᱰᱩᱠᱩᱨᱟ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱷᱟᱱᱟ ᱢᱮᱱᱟᱜ-ᱟ [᱗] ᱾ ᱚᱱᱟ ᱥᱟᱶ ᱢᱟᱸᱠᱚᱰᱽᱠᱮᱸᱫᱟ, ᱠᱩᱥᱚᱞᱫᱟ,ᱨᱟᱬᱤᱵᱚᱸᱫᱷ,ᱥᱟᱸᱭᱠᱩᱲᱟ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜ-ᱟ [᱘]᱾ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱠᱚᱨᱯᱳᱨᱮᱥᱚᱱ ᱵᱮᱸᱠ, ᱠᱟᱱᱟᱨᱟ ᱵᱮᱸᱠ, ᱭᱩᱠᱳ ᱵᱮᱸᱠ, ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ,ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱮᱢᱟᱱ ᱵᱮᱸᱠ ᱠᱚᱦᱚᱸ ᱱᱚᱣᱟ ᱵᱞᱚᱠ ᱨᱮ ᱢᱮᱱᱟᱜ-ᱟ ᱾

ᱵᱟᱰᱟᱭᱡᱚᱝ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]