ᱥᱟᱢᱟ ᱡᱮᱭᱫᱤ
ᱥᱟᱢᱟ ᱡᱮᱭᱫᱤ (ᱡᱟᱱᱟᱢ ᱒᱕ ᱥᱮᱯᱴᱮᱢᱵᱚᱨ ᱑᱙᱓᱘) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱥᱠᱨᱤᱱᱯᱞᱮ ᱚᱱᱚᱞᱤᱭᱟᱹ, ᱠᱚᱥᱴᱭᱩᱢ ᱰᱤᱡᱟᱭᱱᱟᱨ, ᱟᱨᱴ ᱰᱤᱨᱮᱠᱴᱚᱨ, ᱛᱷᱤᱭᱮᱴᱚᱨ ᱦᱚᱲ, ᱟᱨᱴ ᱠᱨᱤᱴᱤᱠ ᱟᱨ ᱰᱚᱠᱩᱢᱮᱱᱴᱟᱨᱤ ᱯᱷᱤᱞᱢ ᱵᱮᱱᱟᱣᱤᱡ ᱠᱟᱱᱟᱭ᱾ ᱩᱱᱤ ᱫᱚ ᱰᱤᱨᱮᱠᱴᱚᱨ ᱮᱢ. ᱮᱥ. ᱥᱟᱛᱷᱭᱩ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ᱾ ᱥᱟᱢᱟ ᱡᱮᱭᱫᱤ ᱫᱚ ᱒᱐᱒᱑ ᱨᱮ ᱟᱭᱥᱤᱮ - ᱤᱱᱴᱟᱨᱱᱮᱥᱱᱟᱞ ᱠᱟᱞᱪᱟᱨᱟᱞ ᱟᱨᱴᱤᱯᱷᱮᱠᱴ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱨᱮ ᱞᱟᱭᱤᱯᱷᱴᱟᱭᱤᱢ ᱮᱪᱤᱵᱷᱢᱮᱱᱴ ᱟᱣᱟᱨᱰ ᱥᱟᱶᱛᱮ ᱢᱟᱱᱚᱛ ᱦᱩᱭ ᱟᱠᱟᱱᱟ᱾
ᱯᱟᱹᱪᱷᱞᱟᱹ ᱦᱟᱞᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱢᱟ ᱡᱮᱭᱫᱤ ᱫᱚ ᱵᱟᱥᱤᱨ ᱦᱩᱥᱮᱱ ᱡᱮᱭᱫᱤ ᱨᱤᱱ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱤᱫ ᱨᱟᱡᱽᱟᱹᱨᱤᱭᱟᱹ ᱟᱨ ᱥᱮᱪᱮᱫ ᱯᱟᱹᱨᱩᱠᱷᱤᱭᱟᱹ ᱠᱟᱱ ᱛᱟᱦᱮᱸᱫ, ᱟᱨ ᱩᱱᱤ ᱨᱤᱱ ᱮᱨᱟ ᱠᱩᱫᱥᱤᱭᱟ ᱡᱮᱭᱫᱤ ᱠᱟᱱᱟᱭ᱾ ᱩᱱᱤ ᱟᱡ ᱟᱭᱳ ᱠᱩᱫᱥᱤᱭᱟ ᱫᱚ ᱦᱟᱵᱤᱵᱽ ᱛᱟᱱᱵᱤᱨ ᱨᱤᱱ ᱜᱚᱲᱚ ᱠᱩᱲᱤ ᱠᱟᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱠᱚᱢᱭᱩᱱᱤᱥᱴ ᱟᱭᱰᱤᱭᱳᱞᱳᱜ ᱟᱨ ᱛᱷᱤᱭᱮᱴᱚᱨ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱥᱟᱢᱟ ᱫᱚ ᱱᱚᱶᱟ ᱡᱩᱨᱤ ᱨᱤᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱠᱟᱱ ᱛᱟᱦᱮᱸᱫ ᱟᱨ ᱩᱱᱤ ᱨᱤᱱ ᱵᱟᱨᱭᱟ ᱵᱚᱭᱦᱟ ᱢᱮᱱᱟᱜ ᱠᱤᱱᱟ᱾ ᱟᱡ ᱨᱤᱱ ᱵᱟᱱᱟᱨ ᱟᱭᱳ ᱵᱟᱵᱟ ᱫᱚ ᱵᱷᱟᱨᱚᱛ ᱨᱮᱱᱟᱜ "ᱯᱨᱳᱜᱨᱮᱥᱤᱵᱷ" ᱠᱚᱢᱭᱩᱱᱤᱥᱴ ᱢᱩᱵᱷᱢᱮᱱᱴ ᱥᱟᱶ ᱥᱩᱨ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱ ᱛᱟᱠᱤᱱᱟ, ᱟᱨ ᱥᱟᱢᱟ ᱫᱚ ᱢᱤᱫ ᱫᱟᱲᱮ ᱠᱟᱛᱮ ᱞᱮᱯᱷᱴ-ᱣᱤᱝ ᱦᱟᱞᱟᱛ ᱨᱮ ᱦᱟᱨᱟ ᱵᱩᱨᱩ ᱞᱮᱱᱟᱭ᱾ ᱩᱱᱤ ᱫᱚ ᱣᱩᱰᱥᱴᱳᱠ ᱥᱠᱩᱞ, ᱢᱩᱥᱳᱨᱤ ᱨᱮ ᱟᱨ ᱛᱟᱭᱚᱢ ᱛᱮ ᱢᱤᱨᱟᱸᱰᱟ ᱦᱟᱣᱩᱥ, ᱱᱟᱣᱟ ᱫᱤᱞᱞᱤ ᱨᱮᱭ ᱥᱮᱪᱮᱫ ᱞᱮᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱝᱜᱽᱞᱤᱥ ᱨᱮ ᱢᱤᱫ ᱵᱮᱪᱞᱚᱨ ᱰᱤᱜᱽᱨᱤ ᱟᱨ ᱞᱚᱱᱰᱚᱱ ᱨᱮᱱᱟᱜ ᱥᱞᱮᱰ ᱥᱠᱩᱞ ᱚᱯᱷ ᱟᱨᱴ ᱠᱷᱚᱱ ᱥᱴᱮᱡᱽ ᱰᱤᱡᱟᱭᱤᱱ ᱨᱮ ᱢᱤᱫ ᱰᱤᱯᱞᱚᱢᱟ ᱢᱮᱱᱟᱜ ᱛᱟᱭᱟ᱾ ᱩᱱᱤ ᱫᱚ ᱴᱤ.ᱵᱷᱤ. ᱥᱤᱨᱤᱭᱟᱞ "ᱵᱷᱟᱨᱚᱛ ᱮᱠ ᱠᱷᱳᱡᱽ" ᱨᱮ ᱟᱹᱰᱤ ᱱᱟᱯᱟᱭ ᱥᱠᱨᱤᱱ ᱚᱞ ᱞᱟᱹᱜᱤᱫ ᱠᱚ ᱥᱟᱨᱦᱟᱣ ᱮᱭᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱨᱱᱟᱞᱤᱡᱤᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱫᱟ ᱥᱴᱮᱴᱥᱢᱮᱱ, ᱫᱟ ᱯᱮᱴᱨᱤᱭᱳᱴ ᱟᱨ ᱥᱟᱝᱠᱟᱨᱥ ᱣᱤᱠᱞᱤ, ᱱᱟᱣᱟ ᱫᱤᱞᱞᱤ ᱞᱟᱹᱜᱤᱫ ᱟᱨᱴ ᱠᱨᱤᱴᱤᱠ᱾
- ᱥᱤᱱᱮᱢᱟ ᱵᱷᱤᱡᱚᱱ, ᱥᱤᱱᱮᱢᱟ ᱤᱱ ᱤᱱᱰᱤᱭᱟ ᱮᱢᱟᱱ ᱟᱨ ᱮᱴᱟᱜ ᱡᱚᱨᱱᱟᱞ ᱟᱨ ᱠᱷᱚᱵᱚᱨ ᱠᱟᱜᱚᱡᱽ ᱞᱟᱹᱜᱤᱫ ᱯᱷᱤᱞᱢ, ᱛᱷᱤᱭᱮᱴᱚᱨ ᱟᱨ ᱴᱮᱞᱤᱵᱷᱤᱡᱚᱱ ᱪᱮᱛᱟᱱ ᱨᱮ ᱟᱹᱰᱤ ᱜᱟᱱ ᱟᱨᱴᱤᱠᱟᱞ ᱚᱞ ᱟᱠᱟᱫᱟ᱾
ᱛᱷᱤᱭᱮᱴᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱮᱭᱫᱤ ᱫᱚ ᱣᱩᱰᱥᱴᱳᱠ, ᱢᱩᱥᱳᱨᱤ ᱨᱮ ᱥᱠᱩᱞ ᱨᱮ ᱛᱟᱦᱮᱸᱱ ᱚᱠᱛᱚ ᱠᱚᱥᱴᱭᱩᱢ ᱰᱤᱡᱟᱭᱤᱱ ᱨᱮ ᱨᱟᱹᱥᱠᱟᱹᱭ ᱵᱩᱡᱷᱟᱹᱣ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱟᱹᱰᱤ ᱵᱟᱹᱲᱛᱤ ᱛᱷᱤᱭᱮᱴᱚᱨ ᱮᱠᱴᱤᱵᱷᱤᱴᱤ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱥᱟᱶᱛᱮ ᱟᱡ ᱟᱭᱳ ᱠᱩᱫᱥᱤᱭᱟ ᱡᱮᱭᱫᱤᱭᱟᱜ ᱮᱥᱮᱨ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱦᱟᱵᱤᱵᱽ ᱛᱟᱱᱵᱤᱨ ᱟᱨ ᱮᱴᱟᱜ ᱜᱟᱛᱮ ᱠᱚ ᱥᱟᱶ ᱑᱙᱕᱐ ᱜᱮᱞᱟᱝ ᱢᱩᱪᱟᱹᱫ ᱨᱮ ᱦᱤᱱᱫᱩᱥᱛᱟᱱᱤ ᱛᱷᱤᱭᱮᱴᱚᱨ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ᱾ ᱢᱤᱨᱟᱸᱰᱟ ᱦᱟᱣᱩᱥ ᱨᱮ ᱠᱚᱞᱮᱡᱽ ᱚᱠᱛᱚ ᱨᱮ ᱩᱱᱤ ᱫᱚ ᱦᱤᱱᱫᱩᱥᱛᱟᱱᱤ ᱛᱷᱤᱭᱮᱴᱚᱨ ᱨᱮ ᱮᱠᱴᱤᱵᱷ ᱨᱟᱹᱥᱠᱟᱹ ᱦᱟᱛᱟᱣ ᱵᱮᱜᱚᱨ ᱚᱸᱰᱮᱱᱟᱜ ᱥᱴᱮᱡᱽ ᱯᱨᱳᱰᱟᱠᱥᱚᱱ ᱨᱮ ᱜᱚᱲᱚ ᱮᱢ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ᱾
ᱟᱡᱟᱜ ᱵᱤ.ᱮ. ᱛᱟᱭᱚᱢ ᱥᱟᱢᱟ ᱫᱚ ᱥᱴᱮᱡᱽ ᱟᱨ ᱠᱚᱥᱴᱭᱩᱢ ᱰᱤᱡᱟᱭᱤᱱ ᱨᱮ ᱢᱤᱫ ᱥᱮᱨᱢᱟ ᱠᱳᱨᱥ ᱞᱟᱹᱜᱤᱫ ᱞᱚᱱᱰᱚᱱ ᱨᱮᱱᱟᱜ ᱥᱞᱮᱰ ᱥᱠᱩᱞ ᱚᱯᱷ ᱟᱨᱴ ᱮ ᱥᱮᱱ ᱮᱱᱟ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱡᱟᱨᱢᱟᱱᱤ ᱨᱮ ᱯᱷᱨᱮᱸᱠᱯᱷᱚᱨᱴ ᱢᱩᱱᱤᱥᱤᱯᱟᱞ ᱛᱷᱤᱭᱮᱴᱚᱨ ᱨᱮ ᱮᱯᱨᱮᱱᱴᱤᱥ ᱞᱮᱠᱟᱛᱮ ᱟᱨ ᱠᱤᱪᱷᱩ ᱚᱠᱛᱚ ᱵᱟᱨᱞᱤᱱᱟᱨ ᱮᱱᱥᱮᱢᱵᱮᱞ ᱨᱮ ᱧᱮᱞ ᱦᱚᱲ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ (ᱯᱟᱹᱪᱷᱤᱢ ᱡᱟᱨᱢᱟᱱᱤ ᱨᱮᱱᱟᱜ ᱢᱮᱭᱤᱱ ᱨᱮ ᱦᱮᱨ ᱦᱮᱱ ᱦᱮᱠᱨᱳᱛᱷ ᱴᱷᱮᱱ ᱥᱴᱮᱡᱽ, ᱯᱷᱤᱞᱢ ᱟᱨ ᱴᱤ.ᱵᱷᱤ ᱰᱤᱡᱟᱭᱤᱱ ᱨᱮ ᱮᱯᱨᱮᱱᱴᱤᱥ᱾ ᱦᱮᱨ ᱦᱮᱠᱨᱳᱛᱷ ᱫᱚ ᱨᱮᱰ ᱥᱩᱡᱽ ᱦᱳᱯᱷᱢᱮᱱᱥ ᱴᱮᱞᱥ ᱮᱢᱟᱱ ᱨᱮᱱ ᱰᱤᱡᱟᱭᱱᱟᱨ ᱮ ᱛᱟᱦᱮᱸ ᱠᱟᱱᱟ᱾)
ᱩᱱᱤ ᱫᱚ ᱑᱙᱖᱑ ᱨᱮ ᱫᱤᱞᱞᱤ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱑᱙᱖᱕ ᱨᱮ ᱵᱳᱢᱵᱮ ᱥᱮᱱᱚᱜ ᱞᱟᱦᱟ ᱦᱤᱱᱫᱩᱥᱛᱟᱱᱤ ᱛᱷᱤᱭᱮᱴᱚᱨ ᱞᱟᱹᱜᱤᱫ ᱠᱚᱥᱴᱭᱩᱢ ᱰᱤᱡᱟᱭᱤᱱ ᱠᱮᱫᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱯᱤᱯᱩᱞᱥ ᱛᱷᱤᱭᱮᱴᱚᱨ ᱮᱥᱳᱥᱤᱭᱮᱥᱚᱱ (IPTA), ᱢᱩᱢᱵᱟᱭ ᱞᱟᱹᱜᱤᱫ ᱚᱱᱚᱞᱤᱭᱟᱹ, ᱰᱤᱡᱟᱭᱱᱟᱨ, ᱯᱟᱨᱯᱷᱳᱨᱢᱟᱨ ᱟᱨ ᱰᱤᱨᱮᱠᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱑᱙᱘᱐ ᱠᱷᱚᱱ ᱩᱱᱤ ᱫᱚ ᱛᱷᱤᱭᱮᱴᱚᱨ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱞᱟᱹᱜᱤᱫ ᱰᱤᱡᱟᱭᱤᱱ ᱟᱠᱟᱫᱟ᱾