ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ

ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ
བསམ་གྲུབ་ལྗོངས་མཁར་རྫོང་ཁག།
ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ; བསམ་གྲུབ་ལྗོངས་མཁར་རྫོང་ཁག།
ᱦᱚᱱᱚᱛ
	; ᱵᱷᱩᱴᱟᱱ ᱨᱮ ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ ᱨᱮᱱᱟᱜ ᱱᱚᱠᱥᱟ
ᱫᱤᱥᱚᱢ	ᱵᱷᱩᱴᱟᱱ
ᱦᱮᱰᱠᱩᱣᱟᱴᱚᱨ	ᱥᱟᱢᱫᱽᱨᱩᱯ ᱡᱚᱝᱠᱷᱟᱨ
ᱮᱨᱤᱭᱟ
• ᱞᱮᱠᱷᱟᱜᱩᱴ	1878 ᱠᱤᱢᱤ২ (725 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱗)
• ᱞᱮᱠᱷᱟᱜᱩᱴ	᱓᱕,᱐᱗᱙
• ᱰᱮᱱᱥᱤᱴᱤ	18.68/ᱠᱤᱢᱤ2 (48.4/ᱜᱟᱺᱴ ᱢᱟᱹᱭᱤᱞ)
	ᱵᱷᱩᱴᱟᱱ ᱚᱠᱛᱚ (ᱭᱩᱴᱤᱥᱤ+᱖)
ᱣᱮᱵᱽᱥᱟᱭᱤᱴ	www.samdrupjongkhar.gov.bt

ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ (ᱡᱚᱝᱠᱷᱟ: བསམ་གྲུབ་ལྗོངས་མཁར་རྫོང་ཁག།) ᱫᱚ ᱵᱷᱩᱴᱟᱱ ᱨᱮᱱᱟᱜ ᱒᱐ ᱜᱚᱴᱟᱝ ᱡᱚᱝᱠᱷᱟᱜᱽ (ᱦᱚᱱᱚᱛ) ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱢᱩᱬᱩᱛ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱠᱚᱧᱮ ᱟᱨ ᱯᱟᱪᱮ ᱨᱮ ᱛᱥᱟᱝᱞᱟ (ᱥᱟᱨᱪᱳᱯᱠᱷᱟ) ᱟᱨ ᱥᱟᱢᱟᱝ ᱨᱮ ᱞᱷᱳᱛᱥᱟᱢ᱾ ᱱᱚᱣᱟ ᱫᱚ ᱑,᱘᱗᱘ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱴᱚᱴᱷᱟ ᱛᱮ ᱯᱟᱥᱱᱟᱣ ᱟᱠᱟᱱᱟ᱾ ᱥᱟᱢᱰᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ ᱨᱮ ᱵᱟᱨᱭᱟ ᱰᱩᱝᱠᱷᱟᱜᱽ (Dungkhag) ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱡᱳᱢᱳᱛᱥᱟᱝᱠᱷᱟ ᱟᱨ ᱥᱟᱢᱰᱨᱩᱯᱪᱳᱞᱤᱝ, ᱟᱨ ᱑᱑ ᱜᱚᱴᱟᱝ ᱜᱮᱣᱚᱜᱽ (Gewog) ᱢᱮᱱᱟᱜᱼᱟ᱾

ᱚᱛᱱᱚᱜ

ᱥᱟᱢᱰᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ ᱫᱚ ᱫᱤᱥᱚᱢ ᱨᱮᱱᱟᱜ ᱮᱛᱚᱢ-ᱥᱟᱢᱟᱝ (southeastern) ᱠᱚᱬ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱮᱛᱚᱢ ᱟᱨ ᱥᱟᱢᱟᱝ ᱥᱤᱢᱟᱹ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱟᱥᱟᱢ ᱟᱨ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱥᱟᱶ ᱞᱟᱜᱟᱣ ᱟᱠᱟᱱᱟ᱾ ᱱᱚᱶᱟ ᱦᱚᱱᱚᱛ ᱫᱚ ᱥᱟᱵᱽ-ᱴᱨᱚᱯᱤᱠᱟᱞ ᱦᱚᱭ ᱦᱤᱥᱤᱫ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱫᱚᱨᱭᱟ ᱟᱴᱮᱫ ᱠᱷᱚᱱ ᱒᱐᱐ ᱠᱷᱚᱱ ᱓᱖᱐᱐ ᱢᱤᱴᱚᱨ ᱩᱥᱩᱞ ᱨᱮ ᱢᱮᱱᱟᱜᱼᱟ᱾ ᱱᱚᱸᱰᱮᱱᱟᱜ ᱞᱚᱞᱚᱥᱚᱝ ᱫᱚ ᱠᱚᱢ ᱠᱷᱚᱱ ᱠᱚᱢ ᱑᱔° ᱥᱮᱞᱥᱤᱭᱟᱥ ᱟᱨ ᱥᱤᱛᱩᱝ ᱫᱤᱱ ᱨᱮ ᱡᱟᱹᱥᱛᱤ ᱠᱷᱚᱱ ᱡᱟᱹᱥᱛᱤ ᱓᱖° ᱥᱮᱞᱥᱤᱭᱟᱥ ᱫᱷᱟᱹᱵᱤᱡ ᱛᱟᱦᱮᱸᱱᱟ᱾ ᱮᱨᱚᱝ (Aerong) ᱨᱮ ᱨᱮᱠᱚᱨᱰ ᱟᱠᱟᱱ ᱞᱮᱠᱟᱛᱮ, ᱥᱮᱨᱢᱟᱠᱤᱭᱟᱹ ᱫᱟᱜ ᱡᱟᱹᱲᱤ ᱫᱚ ᱕᱓᱐᱙.᱔ ᱢᱤᱞᱤᱢᱤᱴᱚᱨ ᱛᱟᱸᱦᱮ ᱠᱟᱱᱟ᱾ ᱦᱚᱱᱚᱛ ᱨᱮᱱᱟᱜ ᱜᱷᱩᱴ ᱥᱮᱨᱢᱟᱠᱤᱭᱟᱹ ᱞᱚᱞᱚᱥᱚᱝ ᱫᱚ ᱒᱓.᱘° ᱥᱮᱞᱥᱤᱭᱟᱥ ᱟᱨ ᱥᱮᱨᱢᱟᱠᱤᱭᱟᱹ ᱫᱟᱜ ᱡᱟᱹᱲᱤ ᱫᱚ ᱒᱗᱔᱙ ᱢᱤᱞᱤᱢᱤᱴᱚᱨ ᱦᱩᱭᱩᱜᱼᱟ᱾^[᱑]

ᱡᱚᱝᱫᱟᱜᱽ ᱠᱚᱣᱟᱜ ᱛᱟᱹᱞᱠᱟᱹ

"ᱡᱚᱝᱫᱟᱜᱽ"^[᱒] ᱫᱚ ᱵᱷᱩᱴᱟᱱ ᱨᱮ ᱢᱤᱫ ᱦᱚᱱᱚᱛ ᱨᱤᱱᱤᱡ ᱢᱩᱠᱷᱤᱭᱟᱹ ᱠᱚ ᱢᱮᱛᱟᱭᱟ ᱾ ᱡᱚᱝᱫᱟᱜᱽ ᱫᱚ ᱦᱚᱱᱚᱛ ᱨᱤᱱᱤᱡ ᱥᱟᱥᱚᱱᱤᱭᱟᱹ ᱢᱩᱠᱷᱤᱭᱟᱹ ᱠᱟᱱᱟᱭ ᱟᱨ ᱦᱚᱱᱚᱛ ᱨᱮᱱᱟᱜ ᱥᱚᱨᱠᱟᱨᱤ ᱠᱟᱹᱢᱤᱦᱚᱨᱟ ᱠᱚ ᱧᱮᱞ ᱥᱟᱢᱴᱟᱣᱟᱭ ᱾

ᱮᱞ	ᱧᱩᱛᱩᱢ	ᱥᱮᱨᱢᱟ	ᱟᱹᱛᱩ
᱑	ᱫᱟᱥᱳ ᱠᱚᱨᱢᱟ ᱫᱚᱨᱡᱤ	᱑᱙᱗᱖-᱑᱙᱘᱑	ᱨᱟᱢᱡᱟᱨ ᱛᱨᱟᱥᱤ ᱭᱟᱝᱥᱮ
᱒	ᱫᱟᱥᱳ ᱯᱟᱥᱟᱝ ᱛᱳᱵᱷᱮ	᱑᱙᱘᱑-᱑᱙᱘᱕	ᱥᱟᱢᱠᱷᱟᱨ ᱛᱨᱟᱥᱤᱜᱟᱝ
᱓	ᱫᱟᱥᱳ ᱛᱷᱩᱡᱤ ᱭᱳᱱᱛᱮᱱ	᱑᱙᱘᱕-᱑᱙᱘᱘	ᱡᱟᱝᱥᱟ ᱯᱟᱨᱳ
᱔	ᱫᱟᱥᱳ ᱜᱳᱭᱮᱱᱯᱳ ᱛᱥᱮᱨᱤᱝ	᱑᱙᱘᱘-᱑᱙᱘᱙	ᱯᱟᱨᱳ
᱕	ᱫᱟᱥᱳ ᱫᱚᱨᱡᱤ ᱱᱟᱢᱜᱭᱟᱞ	᱑᱙᱘᱙-᱑᱙᱙᱑	ᱯᱟᱨᱳ
᱖	ᱫᱟᱥᱳ ᱫᱚᱨᱡᱤ ᱣᱟᱝᱰᱤ	᱑᱙᱙᱑-᱑᱙᱙᱗	ᱰᱨᱟᱢᱮᱴᱥᱮ ᱢᱳᱝᱜᱟᱨ
᱗	ᱫᱟᱥᱳ ᱯᱟᱞᱰᱮᱱ ᱣᱟᱝᱪᱩᱠ	᱑᱙᱙᱗-᱒᱐᱐᱓	ᱣᱟᱝᱰᱩᱯᱷᱳᱰᱨᱟᱝ
᱘	ᱫᱟᱥᱳ ᱥᱟᱝᱜᱮ ᱫᱚᱨᱡᱤ	᱒᱐᱐᱓-᱒᱐᱐᱗	ᱛᱨᱟᱥᱤ ᱭᱟᱝᱥᱮ
᱙	ᱫᱟᱥᱳ ᱯᱷᱩᱵᱽ ᱛᱥᱮᱨᱤᱝ	᱒᱐᱐᱗-᱒᱐᱑᱓	ᱯᱟᱨᱳ
᱑᱐	ᱫᱟᱥᱳ ᱜᱳᱞᱤᱝ ᱛᱥᱮᱨᱤᱝ	᱒᱐᱑᱓-᱒᱐᱑᱖	ᱜᱳᱞᱤᱝ ᱡᱷᱮᱢᱜᱟᱝ
᱑᱑	ᱫᱟᱥᱳ ᱛᱷᱟᱨᱪᱤᱱ ᱞᱷᱮᱱᱰᱩᱯ	᱒᱐᱑᱖-᱒᱐᱒᱒	ᱪᱩᱢᱮ ᱵᱩᱢᱛᱷᱟᱝ
᱑᱒	ᱫᱟᱥᱳ ᱛᱟᱥᱤ ᱣᱟᱝᱢᱳ	᱒᱐᱒᱒ – ᱱᱤᱛ ᱫᱷᱟᱹᱵᱤᱡ	ᱦᱟ

ᱩᱭᱦᱟᱹᱨ

ᱢᱤᱫ ᱟᱯᱱᱟᱨ ᱛᱮ ᱛᱤᱸᱜᱩ ᱠᱮᱴᱮᱡ ᱟᱠᱟᱱ ᱡᱚᱝᱠᱷᱟᱜᱽ, ᱡᱟᱦᱟᱸ ᱨᱮ ᱥᱟᱶᱛᱟ-ᱠᱟᱹᱣᱰᱤᱭᱟᱹᱨᱤ ᱢᱟᱱ, ᱠᱤᱥᱟᱹᱬ ᱯᱨᱚᱠᱨᱤᱛᱤ ᱟᱨ ᱞᱟᱠᱪᱟᱨ ᱥᱮᱨᱣᱟ ᱥᱟᱶᱛᱮ ᱥᱩᱠᱷ ᱟᱨ ᱥᱟᱹᱱᱛᱤ ᱢᱮᱱᱟᱜᱼᱟ᱾

༉ དགའ་སྐྱིད་དང་མཐུན་འབྲེལ་ཐོག་ དཔལ་འབྱོར་གོང་འཕེལ་དང་རང་བཞིན་གནས་སྟངས་ དེ་ལས་ རང་ལུགས་ལམ་སྲོལ་དང་ལྡན་པའི་ རང་གིས་རང་ལངས་ཚུགས་པའི་ རྫོང་ཁག། །།

ᱡᱚᱥ

ᱞᱟᱠᱪᱟᱨ ᱟᱨ ᱦᱚᱭ-ᱦᱤᱥᱤᱫ ᱥᱟᱶ ᱛᱟᱞᱢᱮᱞ ᱫᱚᱦᱚ ᱠᱟᱛᱮ ᱱᱟᱯᱟᱭ ᱥᱟᱥᱚᱱ ᱦᱚᱨᱟ ᱛᱮ ᱟᱹᱛᱩ ᱫᱤᱥᱚᱢ ᱨᱮᱱᱟᱜ ᱡᱤᱭᱚᱱ ᱠᱷᱟᱸᱰᱟᱣ ᱨᱮ ᱩᱛᱱᱟᱹᱣ ᱟᱹᱜᱩ᱾

༉ རང་བཞིན་གནས་སྟངས་དང་ རང་ལུགས་ལམ་སྲོལ་དང་མཐུན་སྟེ་ གྲོང་གསེབ་གོང་འཕེལ་དང་ ས་གནས་གཞུང་གོང་འཕེལ་གཏང་ནི།། །།

ᱦᱚᱲᱞᱮᱠᱷᱟ

᱒᱐᱑᱗ ᱥᱮᱨᱢᱟ ᱨᱮᱱᱟᱜ ᱵᱷᱩᱴᱟᱱ ᱦᱚᱲ ᱞᱮᱠᱷᱟ ᱟᱨ ᱚᱲᱟᱜ ᱞᱮᱠᱷᱟ (PHCB) ᱞᱮᱠᱟᱛᱮ, ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱫᱚ ᱓᱕,᱐᱗᱙ ᱨᱮᱠᱚᱨᱰ ᱟᱠᱟᱱᱟ᱾^[᱓]

ᱥᱟᱥᱚᱱᱤᱭᱟᱹ ᱦᱟᱹᱴᱤᱧ ᱠᱚ

ᱥᱟᱢᱰᱨᱩᱯ ᱡᱚᱝᱠᱷᱟᱨ ᱡᱚᱝ ᱫᱚ ᱒᱔ ᱱᱚᱵᱷᱮᱢᱵᱚᱨ ᱑᱙᱘᱓ ᱨᱮ ᱢᱟᱱᱚᱛᱟᱱ ᱜᱷᱟᱨᱚᱸᱡᱽ ᱢᱚᱱᱛᱨᱤ ᱞᱤᱭᱳᱱᱯᱳ ᱴᱤ. ᱡᱟᱜᱚᱨ ᱦᱚᱛᱮᱛᱮ ᱩᱰᱷᱟᱹᱣ ᱞᱮᱱᱟ᱾ ᱥᱟᱢᱰᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ ᱫᱚ ᱵᱟᱨᱭᱟ ᱡᱚᱜᱚ-ᱦᱚᱱᱚᱛ (ᱥᱮ ᱰᱩᱝᱠᱷᱟᱜᱽ) ᱟᱨ ᱜᱮᱞ-ᱢᱤᱫ ᱟᱹᱛᱩ ᱜᱩᱴ (ᱥᱮ ᱜᱮᱣᱚᱜᱽ)^[᱔] ᱨᱮ ᱦᱟᱹᱴᱤᱧ ᱟᱠᱟᱱᱟ:

ᱰᱩᱝᱠᱷᱟᱜᱽ

ᱥᱟᱢᱫᱽᱨᱩᱯ ᱪᱳᱞᱤᱝ ᱰᱩᱝᱠᱷᱟᱜᱽ ᱫᱚ ᱢᱩᱬᱩᱛ ᱥᱟᱥᱚᱱᱤᱭᱟᱹ ᱡᱳᱱ ᱠᱷᱚᱱ ᱖᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱥᱟᱢᱨᱟᱝ, ᱯᱮᱢᱟᱛᱷᱟᱝ, ᱯᱷᱩᱱᱛᱥᱳᱛᱷᱟᱝ ᱟᱨ ᱢᱟᱨᱴᱥᱟᱞᱟ ᱜᱮᱣᱚᱜᱽ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾ ᱡᱳᱢᱳᱛᱥᱟᱝᱠᱷᱟ ᱰᱩᱝᱠᱷᱟᱜᱽ ᱫᱚ ᱥᱤᱧᱚᱛ ᱦᱚᱨ ᱛᱮ ᱑᱘᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱞᱟᱣᱨᱤ, ᱥᱮᱨᱛᱷᱤ ᱟᱨ ᱞᱟᱝᱪᱮᱱᱯᱷᱩ ᱜᱮᱣᱚᱜᱽ ᱠᱚ ᱢᱮᱱᱟᱜᱼᱟ᱾

ᱠᱟᱹᱣᱰᱤᱭᱟᱹᱨᱤ

ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱵᱨᱟᱸᱰ

"ᱥᱟᱢᱡᱚᱝ" (SAMJONG), ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱦᱚᱱᱚᱛ ᱨᱮᱱᱟᱜ ᱵᱤᱥᱮᱥ ᱵᱨᱟᱸᱰ, ᱒᱓ ᱡᱩᱱ ᱒᱐᱒᱓ ᱨᱮ ᱩᱰᱷᱟᱹᱣ ᱞᱮᱱᱟ᱾^[᱕] ᱱᱚᱣᱟ ᱨᱮᱱᱟᱜ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱞᱚᱠᱟᱞ ᱡᱤᱱᱤᱥ ᱟᱨ ᱡᱟᱭᱜᱟ ᱠᱚ ᱞᱟᱦᱟ ᱤᱫᱤ᱾

ᱪᱟᱹᱥᱤ ᱜᱩᱴ ᱟᱨ ᱥᱚᱢᱚᱵᱟᱭ

ᱦᱚᱱᱚᱛ ᱨᱮ ᱖ ᱜᱚᱴᱟᱝ ᱨᱮᱡᱤᱥᱴᱟᱨᱰ ᱥᱚᱢᱚᱵᱟᱭ ᱟᱨ ᱔᱗ ᱜᱚᱴᱟᱝ ᱪᱟᱹᱥᱤ ᱜᱩᱴ ᱢᱮᱱᱟᱜᱼᱟ᱾ ᱡᱟᱹᱥᱛᱤ ᱠᱷᱚᱱ ᱡᱟᱹᱥᱛᱤ ᱜᱩᱴ ᱫᱚ ᱪᱟᱥᱵᱟᱥ ᱥᱮᱠᱴᱚᱨ ᱨᱮ ᱢᱮᱱᱟᱜᱼᱟ (᱔᱑%), ᱚᱱᱟ ᱛᱟᱭᱚᱢ ᱡᱤᱭᱟᱹᱞᱤ ᱯᱟᱞᱚᱱ (᱓᱒%) ᱟᱨ ᱵᱤᱨ ᱥᱮᱠᱴᱚᱨ (᱑᱘%) ᱨᱮ ᱢᱮᱱᱟᱜᱼᱟ᱾^[᱖]

ᱥᱮᱞᱮᱫ ᱟᱠᱟᱱ ᱪᱟᱥ ᱠᱟᱹᱢᱤ

ᱴᱩᱴᱩ ᱨᱟᱭ ᱟᱜ ᱯᱷᱟᱨᱢ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱟᱯᱱᱟᱨ ᱛᱮ ᱪᱚᱞᱚᱱᱚᱜ ᱠᱟᱱᱟ ᱾ ᱩᱱᱤ ᱴᱷᱮᱱ ᱟᱭᱢᱟ ᱞᱮᱠᱟᱱ ᱡᱤᱭᱟᱹᱞᱤ ᱢᱮᱱᱟᱜ ᱠᱚᱣᱟ, ᱡᱮᱞᱮᱠᱟ ᱢᱮᱨᱚᱢ, ᱥᱤᱢ, ᱦᱟᱹᱠᱩ, ᱥᱩᱠᱨᱤ, ᱧᱩ ᱟᱨ ᱜᱮᱰᱮ ᱾ ᱩᱱᱤ ᱫᱚ ᱯᱩᱱ ᱮᱠᱚᱲ ᱫᱟᱜ ᱚᱛ ᱨᱮ ᱦᱩᱲᱩ ᱟᱨ ᱢᱚᱬᱮ ᱮᱠᱚᱲ ᱨᱚᱦᱚᱲ ᱚᱛ ᱨᱮ ᱠᱚᱢᱞᱟ ᱮ ᱪᱟᱥᱟ᱾^[᱗]

ᱪᱟᱥ ᱟᱨ ᱡᱤᱭᱟᱹᱞᱤ

ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱨᱮᱱᱟᱜ ᱢᱩᱬᱩᱛ ᱠᱟᱹᱣᱰᱤ ᱟᱨᱡᱟᱣ ᱪᱟᱥ ᱠᱚᱫᱚ ᱦᱩᱭᱩᱜ ᱠᱟᱱᱟ ᱜᱩᱣᱟᱹ (areca nuts), ᱟᱫᱮ, ᱨᱟᱹᱥᱩᱱ, ᱠᱚᱢᱞᱟ, ᱟᱨ ᱮᱞᱟᱪᱤ ᱾

ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱨᱮ ᱦᱩᱭᱩᱜ ᱠᱟᱱ ᱡᱚ ᱠᱚ

ᱮᱞ	ᱡᱚ	ᱟᱨᱡᱟᱣ (MT)	ᱜᱟᱪᱷᱤ/ᱞᱟᱜᱟᱣ ᱟᱠᱟᱱ ᱡᱟᱭᱜᱟ (ᱮᱠᱚᱲ)
᱑	ᱟᱯᱮᱞ (Apple)	᱐.᱑᱖	᱑᱒᱘᱕
᱒	ᱜᱩᱣᱟᱹ (Areca Nut)	᱑᱖᱐᱔.᱖᱔	᱓᱖᱖᱒᱒᱓
᱓	ᱠᱚᱢᱞᱟ (Mandarin)	᱒᱓᱗᱗.᱙᱕	᱒᱐᱗᱕᱙᱙
᱔	ᱛᱚᱨᱵᱩᱡᱽ	᱒.᱘᱙	᱑.᱒᱖
᱕	ᱰᱨᱟᱜᱚᱱ ᱯᱷᱨᱩᱴ	᱐.᱐᱙	᱕᱔᱖
᱖	ᱩᱞ	᱔᱑.᱔᱐	᱘᱙᱕᱔

ᱠᱷᱟᱫᱟᱱ

ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱨᱮ ᱟᱭᱢᱟ ᱞᱮᱠᱟᱱ ᱠᱷᱟᱫᱟᱱ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱠᱚᱭᱞᱟ ᱠᱷᱟᱫᱟᱱ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱶᱟ ᱠᱚᱫᱚ ᱴᱚᱴᱷᱟᱠᱤᱭᱟᱹ ᱠᱟᱹᱣᱰᱤᱟᱹᱨᱤ ᱨᱮ ᱢᱟᱨᱟᱝ ᱮᱱᱮᱢ ᱮ ᱮᱢᱟ ᱾

ᱦᱟᱵᱽᱨᱟᱝ ᱠᱚᱭᱞᱟ ᱠᱷᱟᱫᱟᱱ - ᱠᱷᱟᱛᱳᱭᱮᱛᱷᱟᱝ, ᱯᱷᱩᱱᱛᱥᱳᱛᱷᱟᱝ
ᱛᱥᱳᱯᱟᱢᱟ ᱠᱚᱭᱞᱟ ᱠᱷᱟᱫᱟᱱ - ᱛᱥᱳᱯᱷᱟᱜᱽᱢᱟ, ᱢᱟᱨᱴᱥᱟᱞᱟ
ᱢᱟᱡᱩᱣᱟ ᱠᱚᱭᱞᱟ ᱠᱷᱟᱫᱟᱱ - ᱛᱥᱳᱞᱤᱝᱠᱷᱟᱨ, ᱯᱷᱩᱱᱛᱥᱳᱛᱷᱟᱝ
ᱨᱤᱥᱳᱨ ᱠᱚᱭᱞᱟ ᱠᱷᱟᱫᱟᱱ - ᱨᱤᱥᱳᱨ, ᱫᱳᱭᱮᱛᱷᱟᱝ

ᱧᱮᱞ ᱡᱚᱝ ᱴᱷᱟᱶ

ᱪᱳᱠᱭᱤ ᱜᱭᱟᱛᱥᱳ ᱤᱱᱥᱴᱤᱴᱭᱩᱴ (CGI): ᱱᱚᱶᱟ ᱫᱚ ᱫᱮᱣᱟᱛᱷᱟᱝ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱢᱤᱫ ᱫᱷᱚᱨᱚᱢ ᱟᱠᱷᱲᱟ ᱠᱟᱱᱟ ᱾

ᱵᱷᱚᱭᱨᱚᱵᱽ ᱠᱩᱸᱰᱚ ᱥᱤᱵᱽ ᱢᱚᱱᱫᱤᱨ: ᱡᱳᱢᱳᱛᱥᱟᱝᱠᱷᱟ ᱨᱮ ᱢᱮᱱᱟᱜ ᱥᱤᱵᱽ ᱢᱚᱱᱫᱤᱨ ᱫᱚ ᱴᱚᱴᱷᱟᱠᱤᱭᱟᱹ ᱟᱨ ᱥᱤᱧᱚᱛ ᱥᱤᱢᱟᱹ ᱠᱷᱚᱱ ᱦᱤᱡᱩᱜ ᱠᱟᱱ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱤᱫ ᱟᱹᱰᱤ ᱧᱩᱛᱩᱢᱟᱱᱟ᱾

ᱱᱟᱨᱯᱷᱩ - ᱥᱟᱢᱰᱨᱩᱯᱡᱚᱝᱠᱷᱟᱨ ᱪᱮᱬᱮ ᱧᱮᱞ ᱦᱚᱨ: ᱱᱚᱶᱟ ᱴᱚᱴᱷᱟ ᱨᱮ ᱓᱖᱐ ᱞᱮᱠᱟᱱ ᱪᱮᱬᱮ ᱠᱚ ᱧᱟᱢᱚᱜᱼᱟ ᱾ ᱫᱩᱝᱥᱟᱢ ᱵᱤᱡᱽ ᱵᱮᱸᱠ (Seeds Bank): ᱱᱚᱸᱰᱮ ᱖᱗ ᱞᱮᱠᱟᱱ ᱫᱤᱥᱤ ᱵᱤᱡᱽ ᱠᱚ ᱫᱚᱦᱚ ᱢᱮᱱᱟᱜᱼᱟ ᱾

ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱛᱥᱮᱪᱩ: ᱱᱚᱶᱟ ᱫᱚ ᱵᱷᱩᱴᱟᱱᱤᱡᱽ ᱠᱮᱞᱮᱱᱰᱟᱨ ᱨᱮᱱᱟᱜ ᱑᱑ ᱟᱱᱟᱜ ᱪᱟᱸᱫᱚ ᱨᱮᱱᱟᱜ ᱑᱓ ᱠᱷᱚᱱ ᱑᱕ ᱢᱟᱹᱦᱤᱛ ᱫᱷᱟᱹᱵᱤᱡ ᱦᱩᱭᱩᱜᱼᱟ᱾

ᱠᱟᱹᱨᱠᱷᱟᱱᱟ

ᱢᱳᱛᱟᱝᱜᱟ ᱤᱱᱰᱟᱥᱴᱨᱤᱭᱟᱞ ᱯᱟᱨᱠ ᱫᱚ ᱥᱟᱢᱫᱽᱨᱩᱯ ᱡᱚᱝᱠᱷᱟᱨ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱠᱟᱹᱴᱤᱡ ᱟᱨ ᱛᱟᱞᱟ ᱢᱟᱞᱟ ᱠᱟᱹᱨᱠᱷᱟᱱᱟ ᱠᱚ ᱩᱛᱱᱟᱹᱣ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱᱟ᱾ ᱱᱚᱣᱟ ᱫᱚ ᱑᱕᱖ ᱮᱠᱚᱲ ᱡᱟᱭᱜᱟ ᱛᱮ ᱯᱟᱥᱱᱟᱣ ᱟᱠᱟᱱᱟ᱾

ᱨᱟᱠᱷᱟ ᱫᱚᱦᱚ ᱴᱚᱴᱷᱟ

ᱡᱳᱢᱳᱛᱥᱟᱝᱠᱷᱟ ᱵᱤᱨ ᱡᱤᱭᱟᱹᱞᱤ ᱨᱟᱠᱷᱟᱵᱤᱨ (ᱢᱟᱨᱮ ᱧᱩᱛᱩᱢ ᱠᱷᱟᱞᱤᱝ ᱵᱤᱨ ᱡᱤᱭᱟᱹᱞᱤ ᱨᱟᱠᱷᱟᱵᱤᱨ) ᱫᱚ ᱵᱷᱩᱴᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱠᱟᱹᱴᱤᱡ ᱨᱟᱠᱷᱟ ᱫᱚᱦᱚ ᱴᱚᱴᱷᱟ ᱠᱟᱱᱟ, ᱡᱟᱦᱟᱸ ᱫᱚ ᱓᱓᱔.᱗᱓ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱛᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱶᱟ ᱫᱚ ᱟᱥᱟᱢ ᱥᱤᱢᱟᱹ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱦᱟᱹᱛᱤ, ᱜᱟᱹᱭ (gaur) ᱟᱨ ᱮᱴᱟᱜ ᱡᱤᱭᱟᱹᱞᱤ ᱠᱚ ᱢᱮᱱᱟᱜ ᱠᱚᱣᱟ᱾

ᱱᱚᱶᱟ ᱦᱚᱸ ᱧᱮᱞᱢᱮ

ᱵᱷᱩᱴᱟᱱ ᱨᱮᱱᱟᱜ ᱦᱚᱱᱚᱛ ᱠᱚ

ᱥᱟᱹᱠᱷᱭᱟᱹᱛ

↑ "GPI Atlantic in Bhutan". www.gpiatlantic.org. Retrieved 2024-02-13.
↑ "Local Government Act of Bhutan, 2009". Parliament of Bhutan (in ᱟᱝᱜᱽᱨᱮᱡᱤ). Archived from the original on 2024-03-27. Retrieved 2024-03-27.
↑ "District Profile". www.samdrupjongkhar.gov.bt (in ᱟᱝᱜᱽᱨᱮᱡᱤ). Archived from the original on 2023-12-10. Retrieved 2024-02-11.
↑ "Chiwogs in Samdrup Jongkhar" (PDF). Election Commission, Government of Bhutan. 2011. Archived from the original (PDF) on 2011-10-02. Retrieved 2011-07-28.
↑ "Samdrup Jongkhar unveils brand 'SAMJONG" to promote local products". BBSCL (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2023-06-25. Retrieved 2024-02-26.
↑ "FGs Report, 2023". www.samdrupjongkhar.gov.bt (in ᱟᱝᱜᱽᱨᱮᱡᱤ). Archived from the original on 2023-12-05. Retrieved 2024-02-11.
↑ "CNR-College of Natural Resources, RUB" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2024-04-22.

ᱵᱟᱦᱨᱮ ᱡᱚᱱᱚᱲ

ᱥᱟᱢᱰᱨᱩᱯ ᱡᱚᱝᱠᱷᱟᱨ ᱴᱨᱟᱵᱷᱮᱞ ᱜᱟᱭᱤᱰ - ᱣᱤᱠᱤᱵᱷᱚᱭᱮᱡᱽ

ᱪᱷᱟᱸᱪ:ᱵᱷᱩᱴᱟᱱ ᱨᱮᱱᱟᱜ ᱦᱚᱱᱚᱛ ᱠᱚ

[1] "GPI Atlantic in Bhutan". www.gpiatlantic.org. Retrieved 2024-02-13.

[2] "Local Government Act of Bhutan, 2009". Parliament of Bhutan (in ᱟᱝᱜᱽᱨᱮᱡᱤ). Archived from the original on 2024-03-27. Retrieved 2024-03-27.

[3] "District Profile". www.samdrupjongkhar.gov.bt (in ᱟᱝᱜᱽᱨᱮᱡᱤ). Archived from the original on 2023-12-10. Retrieved 2024-02-11.

[EC-4] "Chiwogs in Samdrup Jongkhar" (PDF). Election Commission, Government of Bhutan. 2011. Archived from the original (PDF) on 2011-10-02. Retrieved 2011-07-28.

[5] "Samdrup Jongkhar unveils brand 'SAMJONG" to promote local products". BBSCL (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2023-06-25. Retrieved 2024-02-26.

[6] "FGs Report, 2023". www.samdrupjongkhar.gov.bt (in ᱟᱝᱜᱽᱨᱮᱡᱤ). Archived from the original on 2023-12-05. Retrieved 2024-02-11.

[7] "CNR-College of Natural Resources, RUB" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2024-04-22.

[᱑]

[᱒]

[᱓]

[᱔]

[᱕]

[᱖]

[᱗]