ᱥᱟᱥᱤᱠᱟᱞᱟ ᱥᱟᱭᱜᱟᱞ
ᱥᱟᱥᱤᱠᱟᱞᱟ ᱥᱟᱭᱜᱟᱞ (ᱡᱟᱣᱟᱞᱠᱟᱨ ᱧᱩᱛᱩᱢ ᱛᱟᱦᱮᱸ ᱠᱟᱱᱟ; ᱔ ᱚᱜᱚᱥᱴ ᱑᱙᱓᱒ – ᱔ ᱮᱯᱨᱤᱞ ᱒᱐᱒᱑), ᱟᱡᱟᱜ ᱯᱩᱭᱞᱩ ᱧᱩᱛᱩᱢ ᱛᱮ ᱵᱟᱹᱲᱛᱤ ᱩᱨᱩᱢ ᱜᱮᱭᱟ, ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱮᱠᱴᱨᱮᱥ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱙᱔᱐ ᱜᱮᱞᱟᱝ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱥᱟᱭᱼᱥᱟᱭ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱥᱚᱯᱚᱨᱴᱤᱝ ᱨᱳᱞ ᱮ ᱠᱚᱨᱟᱣ ᱟᱠᱟᱫᱟ᱾
ᱮᱛᱚᱦᱚᱵ ᱥᱮᱨᱢᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱥᱤᱠᱟᱞᱟ ᱡᱟᱣᱟᱞᱠᱟᱨ ᱫᱚ ᱥᱚᱞᱟᱯᱩᱨ, ᱢᱚᱦᱟᱨᱟᱥᱴᱨᱚ ᱨᱮ ᱢᱤᱫ ᱦᱤᱱᱫᱩ ᱵᱷᱟᱣᱥᱟᱨ ᱥᱤᱢᱯᱤ ᱡᱟᱹᱛᱤ ᱨᱤᱱ ᱢᱟᱨᱟᱴᱷᱤ ᱯᱟᱹᱨᱥᱤ ᱛᱮ ᱨᱚᱲ ᱟᱠᱟᱱ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱟᱠᱟᱱ ᱛᱩᱨᱩᱭ ᱜᱚᱴᱟᱝ ᱜᱤᱫᱽᱨᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱕ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱫᱚ ᱥᱚᱞᱟᱯᱩᱨ ᱦᱚᱱᱚᱛ ᱨᱮᱱᱟᱜ ᱟᱭᱢᱟ ᱴᱟᱺᱰᱤ ᱨᱮ ᱮᱱᱮᱡ, ᱥᱮᱨᱮᱧ ᱟᱨ ᱮᱠᱴᱤᱝ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ᱾ ᱡᱚᱠᱷᱚᱱ ᱥᱟᱥᱤᱠᱟᱞᱟ ᱟᱡᱟᱜ ᱴᱤᱱᱮᱡᱽ ᱢᱟᱬᱟᱝ ᱨᱮ ᱛᱟᱦᱮᱸ ᱠᱟᱱᱟ, ᱵᱟᱹᱲᱤᱡ ᱚᱦᱚᱫ ᱛᱟᱞᱟᱛᱮ, ᱟᱡ ᱵᱟᱵᱟ ᱫᱚ ᱫᱩᱵᱽᱲᱩ ᱮᱱᱟᱭ, ᱟᱨ ᱩᱱᱤ ᱟᱡᱟᱜ ᱜᱷᱟᱨᱚᱸᱡᱽ ᱵᱚᱢᱵᱮ (ᱱᱤᱛᱚᱜ ᱫᱚ ᱢᱩᱢᱵᱟᱭ) ᱮ ᱟᱹᱜᱩ ᱠᱮᱫ ᱠᱚᱣᱟ, ᱡᱟᱦᱟᱸ ᱨᱮ ᱩᱱᱠᱩ ᱫᱚ ᱵᱤᱪᱟᱹᱨ ᱠᱮᱫᱟ ᱡᱮ ᱥᱟᱥᱤᱠᱟᱞᱟ, ᱟᱡ ᱨᱤᱱ ᱜᱤᱫᱽᱨᱟᱹ ᱠᱷᱚᱱ ᱡᱚᱛᱚ ᱠᱷᱚᱱ ᱱᱟᱯᱟᱭ ᱧᱮᱞᱚᱜᱤᱡ ᱟᱨ ᱵᱟᱹᱲᱛᱤ ᱜᱩᱱᱟᱱᱤᱡ ᱠᱟᱱᱟᱭ, ᱯᱷᱤᱞᱢ ᱨᱮ ᱠᱟᱹᱢᱤ ᱮ ᱧᱟᱢ ᱫᱟᱲᱮᱭᱟᱜᱼᱟ᱾ ᱠᱤᱪᱷᱩ ᱚᱠᱛᱚ ᱫᱷᱟᱹᱵᱤᱡ, ᱜᱷᱟᱨᱚᱸᱡᱽ ᱫᱚ ᱜᱟᱛᱮ ᱠᱚ ᱥᱟᱶ ᱠᱚ ᱛᱟᱦᱮᱸ ᱮᱱᱟ ᱟᱨ ᱠᱚᱢ ᱜᱮ ᱡᱤᱣᱤ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ, ᱡᱚᱠᱷᱚᱱ ᱥᱟᱥᱤᱠᱟᱞᱟ ᱠᱟᱹᱢᱤ ᱯᱟᱱᱛᱮ ᱠᱟᱛᱮ ᱢᱤᱫ ᱥᱴᱩᱰᱤᱭᱳ ᱠᱷᱚᱱ ᱮᱴᱟᱜ ᱥᱴᱩᱰᱤᱭᱳ ᱮ ᱫᱟᱬᱟ ᱵᱟᱲᱟᱭᱮᱫ ᱛᱟᱦᱮᱸᱫ᱾ ᱩᱱᱤ ᱠᱤᱪᱷᱩ ᱠᱤᱪᱷᱩ ᱮ ᱠᱟᱹᱢᱟᱣᱮᱫ ᱛᱟᱦᱮᱸᱫ ᱛᱤᱱ ᱫᱷᱟᱹᱵᱤᱡ ᱩᱱᱤ ᱱᱩᱨ ᱡᱟᱦᱟᱸ ᱥᱟᱶ ᱵᱟᱭ ᱧᱟᱯᱟᱢ ᱟᱠᱟᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱥᱠᱨᱤᱱ ᱨᱤᱱᱤᱡ ᱨᱟᱹᱱᱤ ᱮ ᱛᱟᱦᱮᱸ ᱠᱟᱱᱟ᱾
ᱱᱩᱨ ᱡᱟᱦᱟᱸ ᱨᱤᱱ ᱡᱟᱶᱟᱭ ᱥᱚᱣᱠᱚᱛ ᱦᱩᱥᱮᱱ ᱨᱤᱡᱽᱵᱤ, ᱩᱱ ᱚᱠᱛᱚ ᱨᱮ ᱡᱤᱱᱟᱛ ᱯᱷᱤᱞᱢ ᱮ ᱵᱮᱱᱟᱣᱮᱫ ᱛᱟᱦᱮᱸᱫ, ᱟᱨ ᱥᱟᱥᱤᱠᱟᱞᱟ ᱫᱚ ᱢᱤᱫ ᱠᱟᱣᱣᱟᱞᱤ ᱥᱤᱱ ᱨᱮ ᱥᱮᱞᱮᱫ ᱠᱮᱫᱮᱭᱟ᱾ ᱨᱤᱡᱽᱵᱤ ᱫᱚ ᱩᱱᱤ ᱑᱙᱔᱗ ᱨᱮᱭᱟᱜ ᱡᱩᱜᱱᱩ ᱯᱷᱤᱞᱢ ᱨᱮ ᱱᱩᱨᱡᱟᱦᱟᱸ ᱟᱨ ᱫᱤᱞᱤᱯ ᱠᱩᱢᱟᱨ ᱥᱟᱶᱛᱮ ᱢᱤᱫ ᱥᱚᱯᱚᱨᱴᱤᱝ ᱨᱳᱞ ᱮ ᱮᱢᱟᱫᱮᱭᱟ᱾ ᱩᱱᱤ ᱫᱚ ᱑᱙᱕᱐ ᱨᱮᱭᱟᱜ ᱯᱷᱤᱞᱢ ᱟᱨᱡᱩ ᱨᱮ ᱫᱤᱞᱤᱯ ᱠᱩᱢᱟᱨ ᱥᱟᱶᱛᱮ ᱟᱨᱦᱚᱸ ᱮᱠᱴᱤᱝ ᱠᱮᱫᱟ᱾
ᱩᱱᱤ ᱫᱚ ᱑᱙᱕᱕ ᱨᱮ ᱫᱟᱠᱩ ᱯᱷᱤᱞᱢ ᱨᱮ ᱥᱟᱢᱢᱤ ᱠᱟᱯᱩᱨ ᱥᱟᱶᱛᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱮᱴᱠᱮᱴᱚᱬᱮ ᱥᱟᱶ ᱮ ᱛᱟᱦᱮᱸ ᱮᱱᱟ ᱟᱨ ᱯᱤᱹ ᱮᱱᱹ ᱟᱨᱳᱲᱟ, ᱟᱢᱤᱭᱟ ᱪᱚᱠᱨᱚᱵᱚᱨᱛᱤ, ᱟᱨ ᱠᱤᱪᱷᱩ ᱮᱴᱟᱜ ᱯᱨᱚᱰᱭᱩᱥᱚᱨ ᱠᱚ ᱵᱮᱱᱟᱣ ᱟᱠᱟᱫ ᱯᱷᱤᱞᱢ ᱨᱮ ᱠᱟᱹᱴᱤᱡ ᱨᱳᱞ ᱮ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱦᱤᱱᱫᱤ ᱯᱷᱤᱞᱢ ᱯᱟᱜᱽᱫᱤ (᱑᱙᱔᱘) ᱨᱮ ᱟᱡᱟᱜ ᱨᱳᱞ ᱠᱷᱟᱹᱛᱤᱨ ᱧᱩᱛᱩᱢ ᱮ ᱧᱟᱢ ᱠᱮᱫᱟ ᱡᱟᱦᱟᱸ ᱫᱚ ᱯᱨᱮᱢ ᱱᱟᱨᱟᱭᱚᱱ ᱟᱨᱳᱲᱟᱭ ᱯᱨᱚᱰᱭᱩᱥ ᱞᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱵᱷᱤᱹ ᱥᱟᱱᱛᱟᱨᱟᱢ ᱟᱜ ᱛᱤᱱ ᱵᱟᱛᱛᱤ ᱪᱟᱨ ᱨᱟᱥᱛᱟ (᱑᱙᱕᱓) ᱟᱨ ᱠᱤᱪᱷᱩ ᱮᱴᱟᱜ ᱯᱷᱤᱞᱢ ᱠᱚᱨᱮ ᱨᱳᱞ ᱮ ᱧᱟᱢ ᱠᱮᱫᱟ᱾ ᱟᱡᱟᱜ ᱵᱟᱜᱮ ᱥᱮᱨᱢᱟ ᱩᱢᱮᱨ ᱨᱮ, ᱥᱟᱥᱤᱠᱟᱞᱟ ᱫᱚ ᱳᱢ ᱯᱨᱚᱠᱟᱥ ᱥᱟᱭᱜᱟᱞ ᱥᱟᱶ ᱮ ᱧᱟᱯᱟᱢ ᱮᱱᱟ ᱟᱨ ᱮ ᱵᱟᱯᱞᱟ ᱮᱱᱟ, ᱡᱟᱦᱟᱸᱭ ᱫᱚ ᱠᱩᱱᱫᱟᱱ ᱞᱟᱞ ᱥᱟᱭᱜᱟᱞ ᱜᱷᱟᱨᱚᱸᱡᱽ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ, ᱟᱨ ᱩᱱᱤ ᱨᱤᱱ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱟᱥᱤᱠᱟᱞᱟ ᱥᱟᱭᱜᱟᱞ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)