ᱥᱟᱦᱡᱟᱦᱟᱸ ᱟᱯᱟ
| ᱥᱟᱦᱡᱟᱦᱟᱸ ᱟᱯᱟ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Expression error: ᱵᱟᱝ ᱧᱮᱞ ᱴᱷᱤᱠᱚᱜᱠᱟᱱ ᱪᱤᱱᱦᱟᱹ ᱠᱚ "{"., ᱑᱙᱓᱖ |
| ᱜᱩᱨ | ᱐᱘ ᱥᱮᱯᱴᱮᱢᱵᱚᱨ ᱒᱐᱑᱓ (ᱩᱢᱮᱨ Error: Need valid year, month, day ᱥᱮᱨᱢᱟ) |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | Women's rights activist |
| ᱧᱩᱢᱱᱟᱢ | Feminist activism, Co-founding Shakti Shalini |
ᱥᱟᱦᱡᱟᱦᱟᱸ ᱟᱯᱟ (᱑᱙᱓᱖ - ᱥᱮᱯᱴᱮᱢᱵᱚᱨ ᱘, ᱒᱐᱑᱓) ᱫᱚ ᱥᱤᱧᱚᱛ ᱨᱮᱱᱤᱡ ᱢᱤᱫ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱡᱚᱠᱷᱚᱱ ᱩᱱᱤᱭᱟᱜ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱫᱚ ᱰᱟᱣᱨᱤ (dowry) ᱠᱷᱟᱹᱛᱤᱨ ᱠᱚ ᱜᱚᱡ ᱠᱮᱫᱮᱭᱟ, ᱩᱱ ᱠᱷᱚᱱ ᱟᱯᱟ ᱫᱚ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤ ᱮᱦᱚᱵ ᱞᱟᱹᱜᱤᱫ ᱮ ᱩᱫᱽᱜᱟᱹᱣ ᱮᱱᱟ, ᱟᱨ ᱥᱤᱧᱚᱛ ᱨᱮᱱ ᱮᱴᱟᱜ ᱛᱤᱨᱞᱟᱹ ᱟᱨ ᱟᱭᱳ ᱠᱚ ᱥᱟᱶ ᱢᱮᱥᱟ ᱠᱟᱛᱮ ᱡᱟᱣᱡᱟᱛᱩᱠ ᱜᱚᱡ, ᱚᱱᱟ ᱵᱚᱫᱚᱞ ᱟᱨ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚ ᱪᱮᱛᱟᱱ ᱨᱮ ᱵᱷᱮᱫᱽᱵᱷᱟᱵᱽ ᱵᱤᱨᱩᱫᱽ ᱨᱮ ᱠᱟᱹᱢᱤ ᱮᱦᱚᱵ ᱠᱮᱫᱟ᱾ ᱑᱙᱘᱗ ᱥᱟᱞᱮ ᱨᱮ, ᱥᱟᱦᱡᱟᱦᱟᱸ ᱟᱯᱟ ᱫᱚ ᱥᱚᱠᱛᱤ ᱥᱟᱞᱤᱱᱤ ᱧᱩᱛᱩᱢᱟᱱ ᱜᱟᱶᱛᱟᱭ ᱵᱮᱨᱮᱫ ᱠᱮᱫᱟ, ᱡᱟᱦᱟᱸ ᱫᱚ ᱱᱟᱣᱟ ᱫᱤᱞᱞᱤ ᱨᱮ ᱛᱟᱞᱢᱟ ᱠᱟᱛᱮ, ᱡᱟᱱᱟᱝ ᱪᱮᱛᱟᱱ ᱨᱮ ᱦᱩᱭᱩᱜ ᱠᱟᱱ ᱦᱤᱝᱥᱟᱹ ᱵᱤᱨᱩᱫᱽ ᱨᱮ ᱠᱟᱹᱢᱤᱭᱟ ᱟᱨ ᱥᱤᱧᱚᱛ ᱨᱮᱱ ᱥᱟᱥᱟᱭ ᱛᱤᱨᱞᱟᱹ ᱠᱚ ᱜᱚᱲᱚ ᱮᱢᱟᱠᱚᱣᱟ᱾[᱑]
ᱩᱱᱤᱭᱟᱜ ᱡᱤᱭᱚᱱ ᱠᱟᱹᱢᱤ ᱫᱚ ᱢᱤᱪᱤᱜᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ (University of Michigan) ᱨᱮᱭᱟᱜ ᱜᱞᱚᱵᱟᱞ ᱯᱷᱮᱢᱤᱱᱤᱡᱢ ᱯᱨᱚᱡᱮᱠᱴ (Global Feminisms Project) ᱨᱮ ᱚᱞ ᱥᱚᱫᱚᱨ ᱟᱠᱟᱱᱟ, ᱡᱟᱦᱟᱸ ᱫᱚ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤᱭᱟᱹ ᱟᱨ ᱥᱟᱯᱲᱟᱣᱤᱡ ᱠᱚᱣᱟᱜ ᱢᱚᱪᱟ ᱠᱟᱹᱦᱱᱤ ᱨᱮᱭᱟᱜ ᱥᱤᱨᱤᱡᱽ ᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱦᱡᱟᱦᱟᱸ ᱟᱯᱟ ᱨᱮᱱ ᱡᱟᱱᱟᱢ ᱟᱭᱳ ᱵᱟᱵᱟ ᱫᱚ ᱑᱙᱔᱗ ᱨᱮ ᱥᱤᱧᱚᱛ ᱦᱟᱹᱴᱤᱧ ᱚᱠᱛᱮ ᱠᱤᱱ ᱜᱚᱡ ᱮᱱᱟ, ᱩᱱ ᱡᱚᱠᱷᱚᱡ ᱩᱱᱤ ᱫᱚ ᱑᱑ ᱥᱮᱨᱢᱟ ᱩᱢᱮᱨ ᱨᱮᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡ ᱵᱚᱭᱦᱟ ᱥᱟᱶᱛᱮ ᱢᱟᱛᱷᱩᱨᱟ (Mathura), ᱥᱤᱧᱚᱛ ᱨᱮᱱᱟᱜ ᱟᱹᱛᱩ ᱴᱚᱞᱟ ᱨᱮ ᱢᱤᱫ ᱨᱮᱸᱜᱮᱡ ᱚᱲᱟᱜ ᱨᱮ ᱦᱟᱨᱟ ᱵᱩᱨᱩ ᱞᱮᱱᱟ᱾ ᱟᱡ ᱨᱮᱱ ᱟᱥᱨᱟ ᱟᱭᱳ ᱵᱟᱵᱟ ᱫᱚ ᱩᱱᱤ ᱢᱟᱫᱟᱨᱥᱟ (Madarsa) ᱥᱮᱱᱚᱜ ᱞᱟᱹᱜᱤᱫ ᱠᱤᱱ ᱮᱢᱟᱫᱮᱭᱟ, ᱡᱟᱦᱟᱸ ᱫᱚ ᱢᱤᱫ ᱫᱷᱚᱨᱚᱢ ᱤᱥᱞᱟᱢ ᱮᱛᱚᱦᱚᱵ ᱟᱥᱲᱟ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱩᱱᱤ ᱫᱚ ᱠᱚᱨᱟᱱ (Koran) ᱟᱨ ᱩᱨᱫᱩ (Urdu) ᱪᱮᱛᱟᱱ ᱨᱮ ᱵᱩᱱᱭᱟᱹᱫᱤ ᱥᱮᱪᱮᱫ ᱮ ᱧᱟᱢ ᱠᱮᱫᱟ᱾
᱑᱔ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱫᱚ ᱟᱡ ᱨᱮᱱ ᱟᱥᱨᱟ ᱟᱭᱳ ᱵᱟᱵᱟ ᱦᱟᱜ ᱠᱚᱲᱟ ᱥᱟᱶ ᱵᱟᱯᱞᱟ ᱠᱚ ᱮᱢᱟᱫᱮᱭᱟ᱾ ᱩᱱᱤ ᱫᱚ ᱚᱲᱟᱜ ᱨᱮᱭᱟᱜ ᱪᱟᱥᱵᱟᱥ ᱟᱨ ᱮᱴᱟᱜ ᱠᱟᱹᱢᱤ ᱠᱚᱭ ᱠᱚᱨᱟᱣ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱰᱟᱝᱜᱽᱨᱟ ᱟᱨ ᱜᱟᱹᱭ ᱠᱚ ᱡᱚᱛᱚᱱ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱡᱩᱫᱤ ᱩᱱᱤ ᱚᱠᱟ ᱠᱟᱹᱢᱤ ᱵᱟᱭ ᱠᱚᱨᱟᱣ ᱥᱟᱹᱱᱟᱭᱮᱫ ᱛᱟᱦᱮᱸᱱᱟ, ᱮᱱᱠᱷᱟᱱ ᱟᱡ ᱨᱮᱱ ᱡᱟᱶᱟᱭ ᱫᱚ ᱢᱚᱪᱟ ᱛᱮ ᱟᱹᱲᱤᱥ ᱟᱨ ᱦᱚᱲᱢᱚ ᱛᱮ ᱦᱚᱸ ᱠᱚ ᱪᱟᱯᱟᱫ ᱜᱚᱡᱮ ᱛᱟᱦᱮᱸᱱᱟ᱾ ᱡᱚᱛᱚ ᱛᱮ, ᱩᱱᱤ ᱨᱮᱱ ᱗ ᱜᱚᱴᱟᱝ ᱠᱚᱲᱟ ᱟᱨ ᱒ ᱜᱚᱴᱟᱝ ᱠᱩᱲᱤ ᱜᱤᱫᱽᱨᱟᱹ ᱠᱚ ᱦᱩᱭ ᱞᱮᱱᱟ, ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱵᱟᱯᱞᱟ ᱵᱟᱹᱜᱤ ᱠᱮᱫᱟ᱾
ᱵᱟᱯᱞᱟ ᱵᱟᱹᱜᱤ ᱠᱟᱛᱮ, ᱩᱱᱤ ᱫᱚ ᱫᱤᱞᱞᱤ ᱛᱮ ᱪᱟᱞᱟᱣ ᱮᱱᱟ, ᱡᱟᱦᱟᱸ ᱨᱮ ᱟᱡ ᱨᱮᱱ ᱵᱚᱭᱦᱟ ᱠᱚ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱟᱹᱴᱤᱡ ᱠᱟᱹᱢᱤ ᱠᱟᱛᱮ ᱟᱡ ᱨᱮᱱ ᱜᱤᱫᱽᱨᱟᱹ ᱠᱚᱭ ᱦᱟᱨᱟ ᱵᱩᱨᱩ ᱠᱮᱫ ᱠᱚᱣᱟ, ᱡᱟᱦᱟᱸ ᱨᱮ ᱥᱩᱭ ᱛᱮ ᱞᱩᱜᱽᱲᱤ ᱠᱚ ᱛᱚᱞ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱯᱴᱮᱢᱵᱚᱨ ᱒᱘, ᱒᱐᱑᱓ ᱨᱮ, ᱥᱟᱦᱡᱟᱦᱟᱸ ᱟᱯᱟ ᱫᱚ ᱗᱗ ᱥᱮᱨᱢᱟ ᱩᱢᱮᱨ ᱨᱮᱭ ᱜᱚᱡ ᱮᱱᱟ᱾ ᱢᱟᱦᱤᱞᱟ ᱯᱚᱸᱪᱟᱭᱚᱛ (mahila panchayat) ᱥᱮᱱᱚᱜ ᱚᱠᱛᱮ, ᱡᱟᱦᱟᱸ ᱫᱚ ᱛᱤᱨᱞᱟᱹ ᱠᱚᱣᱟᱜ ᱜᱟᱶᱛᱟ ᱠᱟᱱᱟ ᱦᱤᱝᱥᱟᱹ ᱪᱟᱵᱟ ᱟᱨ ᱵᱚᱫᱚᱞ ᱮᱢ ᱞᱟᱹᱜᱤᱫ, ᱥᱟᱦᱡᱟᱦᱟᱸ ᱫᱚ ᱢᱤᱫ ᱢᱚᱴᱚᱨ ᱜᱟᱹᱰᱤ ᱦᱚᱛᱮᱛᱮ ᱜᱷᱟᱹᱞ ᱮᱱᱟ ᱟᱨ ᱜᱷᱚᱴᱚᱱ ᱨᱮᱜᱮᱭ ᱜᱚᱡ ᱮᱱᱟ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Frederick, Jennifer K.; Stewart, Abigail J. (May 2018). ""'I Became a Lioness': Pathways to Feminist Identity Among Women's Movement Activists"". Psychology of Women Quarterly. 42 (3): 263–278. doi:10.1177/0361684318771326. ISSN 0361-6843 – via Sage Journals.
- ↑ "Shahjahan Apa (India) | WikiPeaceWomen – English". wikipeacewomen.org. Archived from the original on 2025-04-17. Retrieved 2023-11-16.