ᱥᱟᱨᱚᱞᱟ ᱫᱮᱵᱤ
ᱥᱟᱨᱚᱞᱟ ᱫᱮᱵᱤ (᱙ ᱚᱜᱚᱥᱴ ᱑᱙᱐᱔ – ᱔ ᱚᱠᱴᱚᱵᱚᱨ ᱑᱙᱘᱖) ᱫᱚ ᱢᱤᱫ ᱵᱷᱟᱨᱚᱛᱤᱭᱟᱹ ᱯᱷᱩᱨᱜᱟᱹᱞ ᱮᱠᱴᱤᱵᱷᱤᱥᱴ, ᱯᱷᱮᱢᱤᱱᱤᱥᱴ, ᱥᱟᱶᱛᱟ ᱮᱠᱴᱤᱵᱷᱤᱥᱴ, ᱨᱟᱡᱽᱱᱮᱛᱟ ᱟᱨ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱑᱙᱒᱑ ᱨᱮ ᱵᱟᱝ-ᱥᱚᱦᱚᱫ ᱟᱱᱫᱚᱲ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱯᱩᱭᱞᱩ ᱳᱰᱤᱭᱟ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ ᱨᱮᱱ ᱯᱩᱭᱞᱩ ᱳᱰᱤᱭᱟ ᱛᱤᱨᱞᱟᱹ ᱰᱮᱞᱤᱜᱮᱴ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱑ ᱮᱯᱨᱤᱞ ᱑᱙᱓᱖ ᱨᱮ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱨᱮ ᱵᱟᱪᱷᱟᱣ ᱠᱟᱛᱮ ᱦᱮᱡ ᱟᱠᱟᱱ ᱯᱩᱭᱞᱩ ᱛᱤᱨᱞᱟᱹ ᱮ ᱵᱮᱱᱟᱣ ᱮᱱᱟ᱾[᱑]
ᱩᱱᱤ ᱫᱚ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱥᱯᱤᱠᱟᱨ ᱦᱚᱸᱭ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱥᱩᱢᱩᱝ ᱢᱤᱫ ᱫᱤᱱ ᱞᱟᱹᱜᱤᱫ ᱟᱨ ᱚᱱᱟ ᱚᱠᱛᱚ ᱥᱯᱤᱠᱟᱨ ᱢᱩᱠᱩᱱᱫᱟ ᱯᱨᱚᱥᱟᱫᱽ ᱫᱟᱥ ᱟᱜ ᱟᱱᱩᱯᱥᱛᱷᱤᱛᱤ ᱨᱮ ᱟᱨ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱨᱮ ᱠᱚᱱᱚ ᱚᱯᱷᱤᱥᱤᱭᱟᱞ ᱨᱤᱠᱳᱨᱰ ᱵᱟᱝ ᱢᱮᱱᱟᱜᱼᱟ, ᱩᱱᱤ ᱫᱚ ᱠᱚᱴᱚᱠ ᱠᱳ-ᱚᱯᱮᱨᱮᱴᱤᱵᱷ ᱵᱮᱸᱠ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱰᱟᱭᱨᱮᱠᱴᱚᱨ, ᱟᱨ ᱩᱛᱠᱚᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱥᱤᱱᱮᱴ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱯᱟᱨᱥᱮᱛ ᱰᱟ. ᱮᱥ. ᱨᱟᱫᱷᱟᱠᱨᱤᱥᱱᱟᱱ ᱟᱜ ᱮᱰᱩᱠᱮᱥᱚᱱ ᱠᱚᱢᱤᱥᱚᱱ ᱨᱮᱱ ᱳᱰᱤᱥᱟ ᱠᱷᱚᱱ ᱢᱤᱫᱴᱟᱝ ᱜᱮ ᱨᱤᱯᱨᱮᱡᱮᱸᱴᱮᱴᱤᱵᱷ ᱮ ᱛᱟᱦᱮᱸ ᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱨᱚᱞᱟ ᱫᱮᱵᱤ ᱫᱚ ᱙ ᱚᱜᱚᱥᱴ ᱑᱙᱐᱔ ᱨᱮ ᱱᱟᱨᱤᱞᱳ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ, ᱵᱟᱞᱤᱠᱩᱰᱟ ᱥᱩᱨ ᱨᱮ, ᱛᱚᱠᱷᱚᱱ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ (ᱱᱤᱛᱚᱜ ᱡᱚᱜᱚᱛᱥᱤᱝᱯᱩᱨ ᱦᱚᱱᱚᱛ, ᱳᱰᱤᱥᱟ ᱨᱮ) ᱨᱮᱱᱟᱜ ᱳᱨᱤᱥᱟ ᱠᱷᱚᱸᱰ ᱨᱮ ᱢᱮᱱᱟᱜᱼᱟ, ᱢᱤᱫ ᱟᱹᱰᱤ ᱠᱤᱥᱟᱹᱬ, ᱮᱨᱤᱥᱴᱳᱠᱨᱟᱴᱤᱠ ᱡᱟᱢᱤᱸᱫᱟᱨ ᱠᱟᱨᱚᱱ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱫᱚ ᱫᱤᱣᱟᱱ ᱵᱟᱥᱩᱫᱮᱵ ᱠᱟᱱᱩᱝᱜᱳᱭ ᱛᱟᱦᱮᱸ ᱠᱟᱱᱟ, ᱟᱨ ᱟᱡ ᱟᱭᱳ ᱫᱚ ᱯᱚᱫᱽᱢᱟᱵᱟᱛᱤ ᱫᱮᱵᱤᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡ ᱵᱟᱵᱟ ᱨᱮᱱ ᱢᱟᱨᱟᱝ ᱵᱚᱭᱦᱟ, ᱵᱟᱞᱟᱢᱩᱠᱩᱱᱫᱟ ᱠᱟᱱᱩᱝᱜᱳ ᱦᱚᱛᱮᱛᱮ ᱥᱮᱞᱮᱫ ᱦᱩᱭ ᱟᱠᱟᱱ ᱟᱨ ᱥᱟᱨᱦᱟᱣ ᱦᱩᱭ ᱞᱮᱱᱟ, ᱩᱱᱤ ᱫᱚ ᱢᱤᱫ ᱰᱮᱯᱩᱴᱤ ᱠᱚᱞᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ᱾[᱒][᱓][᱔][᱕][᱖][᱗]
ᱥᱟᱨᱚᱞᱟ ᱫᱚ ᱟᱡᱟᱜ ᱯᱨᱟᱭᱢᱟᱨᱤ ᱥᱮᱪᱮᱫ ᱫᱚ ᱵᱟᱸᱠᱤ ᱨᱮᱭ ᱧᱟᱢ ᱠᱮᱫᱟ, ᱡᱟᱦᱟᱸ ᱨᱮ ᱟᱡ ᱠᱟᱠᱟᱭ ᱯᱳᱥᱴ ᱦᱩᱭ ᱞᱮᱱᱟ᱾ ᱩᱱ ᱚᱠᱛᱚ ᱨᱮ ᱛᱤᱨᱞᱟᱹ ᱠᱚᱣᱟᱜ ᱪᱮᱛᱟᱱ ᱥᱮᱪᱮᱫ ᱨᱮ ᱥᱮᱴᱮᱨ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱟᱹᱛᱤᱨ ᱟᱡ ᱠᱟᱠᱟ ᱫᱚ ᱢᱤᱫ ᱚᱲᱟᱜ ᱴᱭᱩᱴᱚᱨ ᱨᱮᱱᱟᱜ ᱥᱮᱵᱟᱭ ᱫᱚᱦᱚ ᱠᱮᱫᱟ᱾ ᱥᱟᱨᱚᱞᱟ ᱫᱚ ᱟᱡ ᱴᱭᱩᱴᱚᱨ ᱠᱷᱚᱱ ᱵᱮᱝᱜᱟᱞᱤ, ᱥᱚᱸᱥᱠᱨᱤᱛ, ᱳᱰᱤᱭᱟ ᱟᱨ ᱵᱮᱥᱤᱠ ᱤᱝᱞᱤᱥ ᱮ ᱪᱮᱫ ᱠᱮᱫᱟ᱾ ᱩᱱᱤ ᱫᱚ ᱟᱡ ᱠᱟᱠᱟ ᱥᱟᱶ ᱑᱓ ᱥᱮᱨᱢᱟ ᱩᱢᱮᱨ ᱫᱷᱟᱹᱵᱤᱡ ᱮ ᱵᱟᱥᱟ ᱞᱮᱱᱟ᱾
ᱯᱚᱵᱽᱞᱤᱠ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱸᱠᱤ ᱨᱮ ᱛᱟᱦᱮᱸ ᱚᱠᱛᱚ ᱨᱮ, ᱥᱟᱨᱚᱞᱟ ᱫᱚ ᱯᱷᱩᱨᱜᱟᱹᱞ ᱟᱱᱫᱚᱲ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱵᱟᱸᱠᱤ ᱨᱮᱱ ᱨᱟᱱᱤ ᱥᱩᱠᱟ ᱫᱮᱵᱤ ᱠᱷᱚᱱ ᱤᱱᱥᱯᱟᱭᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱟᱡᱟᱜ ᱜᱚᱦᱤᱨ ᱜᱚᱦᱚᱱᱟ ᱠᱚᱞᱮᱠᱥᱚᱱ ᱟᱨ ᱟᱹᱰᱤ ᱯᱟᱥᱱᱟᱣ ᱠᱟᱛᱮ ᱨᱤᱭᱟᱞ ᱮᱥᱴᱮᱴ ᱨᱮᱱᱟᱜ ᱢᱤᱫ ᱜᱟᱱᱟᱝ ᱦᱟᱹᱴᱤᱧ ᱮ ᱫᱟᱱ ᱠᱮᱫᱟ᱾ ᱩᱱᱤ ᱫᱚ ᱑᱙᱑᱗ ᱨᱮ ᱱᱟᱯᱟᱭ ᱧᱩᱛᱩᱢᱟᱱ ᱣᱚᱠᱤᱞ ᱵᱷᱟᱜᱤᱨᱟᱛᱷᱤ ᱢᱳᱦᱟᱯᱟᱛᱨᱟ ᱥᱟᱶ ᱮ ᱵᱟᱯᱞᱟ ᱮᱱᱟ, ᱟᱨ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱑᱙᱑᱘ ᱨᱮ ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ ᱨᱮᱭ ᱥᱮᱞᱮᱫ ᱮᱱᱟ᱾ ᱥᱟᱨᱚᱞᱟ ᱟᱡ ᱜᱮ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱥᱚᱦᱮᱫ ᱥᱟᱶ ᱢᱤᱫ ᱫᱤᱱ ᱞᱟᱹᱜᱤᱫ ᱟᱡ ᱨᱮᱱ ᱦᱚᱸ ᱯᱩᱭᱞᱩ ᱛᱤᱨᱞᱟᱹ ᱥᱯᱤᱠᱟᱨ ᱮ ᱛᱟᱦᱮᱸ ᱠᱟᱱᱟ᱾[᱘]
ᱩᱱᱤ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ, ᱡᱚᱣᱟᱦᱚᱨᱞᱟᱞ ᱱᱮᱦᱨᱩ, ᱫᱩᱨᱜᱟᱵᱟᱭᱤ ᱫᱮᱥᱢᱩᱠᱷ, ᱟᱪᱟᱨᱭᱚ ᱠᱨᱤᱯᱟᱞᱟᱱᱤ, ᱠᱟᱢᱟᱞᱟᱫᱮᱵᱤ ᱪᱚᱴᱴᱳᱯᱟᱫᱷᱭᱟᱭ ᱟᱨ ᱥᱚᱨᱳᱡᱤᱱᱤ ᱱᱟᱭᱤᱰᱩ ᱥᱟᱶ ᱟᱹᱰᱤ ᱜᱟᱹᱦᱤᱨ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱩᱱᱤ ᱫᱚ ᱑᱙᱔᱓ ᱠᱷᱚᱱ ᱑᱙᱔᱖ ᱫᱷᱟᱹᱵᱤᱡ ᱠᱚᱴᱚᱠ ᱨᱮ ᱩᱛᱠᱚᱞ ᱥᱟᱦᱤᱛᱭᱚ ᱥᱚᱢᱟᱡᱽ ᱨᱮᱱ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Mahotsav, Amrit. "Sarala Devi". Azadi Ka Amrit Mahotsav, Ministry of Culture, Government of India (in English). Retrieved 2022-11-28.
{{cite web}}: CS1 maint: unrecognized language (link) - ↑ "Sarala Devi: A centenary tribute". The Hindu. 7 November 2004. Archived from the original on 26 August 2015. Retrieved 18 December 2016.
- ↑ Mohanty, Sachidananda. "Sarala Devi: The Biplababi of Orissa" (PDF). Manushi. Retrieved 18 December 2016.
- ↑ Mohanty, Sachidananda. "Sarala Devi: The Biplababi of Orissa" (PDF). Manushi. Archived from the original (PDF) on 20 December 2016. Retrieved 18 December 2016.
- ↑ Jena, Bijaya Lakhmi (January 2014). "Sarala Devi, An Inspiration for Women" (PDF). Government of Odisha. Retrieved 18 December 2016.
- ↑ Prabhukalyan, Mohapatra (January 2008). "Oriya Women in National Movement" (PDF). Government of Odisha. Retrieved 18 December 2016.
- ↑ Dhyanimudra, Kanungo (August 2014). "Sarala Devi as a Freedom Fighter" (PDF). Government of Odisha. Retrieved 18 December 2016.
- ↑ Ratha, Prabodha Kumar (August 2013). "Sarala Devi : the Socio-Political Reformer of Odisha" (PDF). Government of Odisha. Retrieved 18 December 2016.