ᱥᱟᱨᱟ ᱥᱟᱜᱩᱯᱷᱛᱟ
ᱥᱟᱨᱟ ᱥᱟᱜᱩᱯᱷᱛᱟ (᱓᱑ ᱚᱠᱴᱳᱵᱚᱨ ᱑᱙᱕᱔ – ᱔ ᱡᱩᱱ ᱑᱙᱘᱔) ᱫᱚ ᱢᱤᱫ ᱯᱟᱠᱤᱥᱛᱟᱱᱤ ᱚᱱᱚᱬᱦᱮᱸ ᱚᱞᱤᱡ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱩᱨᱫᱩ ᱟᱨ ᱯᱟᱧᱡᱟᱵᱤ ᱯᱟᱹᱨᱥᱤ ᱛᱮ ᱚᱱᱚᱬᱦᱮᱸ ᱮ ᱚᱞ ᱡᱚᱠᱷᱟ ᱮᱫ ᱛᱟᱦᱮᱸᱱᱟ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱨᱟ ᱫᱚ ᱓᱑ ᱚᱠᱴᱳᱵᱚᱨ, ᱑᱙᱕᱔ ᱥᱟᱞᱮᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱜᱩᱡᱨᱟᱱᱣᱟᱞᱟ ᱨᱮ ᱢᱤᱫ ᱞᱟᱛᱟᱨ ᱪᱟᱱᱚᱪ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟ᱾ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱑᱙᱖᱐ ᱨᱮᱱᱟᱜ ᱜᱮᱞᱟᱝ ᱨᱮ ᱥᱤᱧᱚᱛ ᱦᱟᱹᱴᱤᱧ ᱚᱠᱛᱚ ᱨᱮ ᱯᱟᱧᱡᱟᱵᱽ ᱠᱷᱚᱱ ᱠᱟᱨᱟᱪᱤ ᱠᱚ ᱪᱟᱞᱟᱣ ᱮᱱᱟ᱾ ᱟᱡ ᱵᱟᱵᱟ ᱫᱚ ᱫᱩᱥᱟᱨ ᱮ ᱵᱟᱯᱞᱟ ᱞᱮᱱᱟ, ᱚᱱᱟᱛᱮ ᱟᱡ ᱟᱭᱳ ᱜᱮ ᱩᱱᱤ ᱟᱨ ᱟᱡ ᱨᱤᱱ ᱵᱚᱭᱦᱟ ᱢᱤᱥᱨᱟ ᱠᱚ ᱦᱟᱨᱟ ᱵᱩᱨᱩ ᱠᱚ ᱨᱮᱱᱟᱜ ᱫᱟᱹᱭᱵᱷᱟᱨ ᱫᱚ ᱦᱟᱛᱟᱣ ᱞᱮᱫᱟ᱾ ᱟᱡ ᱟᱭᱳ ᱫᱚ ᱚᱲᱟᱜ ᱵᱮᱥ ᱠᱟᱹᱢᱤ ᱛᱟᱞᱟᱛᱮ ᱜᱷᱟᱨᱚᱸᱡᱽ ᱮ ᱥᱟᱯᱚᱴᱮᱫ ᱠᱟᱱ ᱛᱟᱦᱮᱸᱱᱟ ᱡᱮᱞᱮᱠᱟ ᱵᱟᱦᱟ ᱢᱟᱞᱟ ᱵᱮᱱᱟᱣ ᱮᱢᱟᱱ᱾ ᱥᱟᱨᱟ ᱟᱜ ᱪᱤᱴᱷᱤ ᱫᱚ ᱩᱱᱤ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱢᱟᱝ ᱮᱱ ᱟᱹᱥᱩᱵᱤᱫᱷᱟ ᱪᱮᱛᱟᱱ ᱨᱮ ᱵᱩᱫᱷ ᱥᱚᱫᱚᱨ ᱮᱢᱟᱜ ᱠᱟᱱ ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱢᱤᱫ ᱵᱟᱹᱜᱤ ᱟᱠᱟᱱ ᱵᱟᱵᱟ ᱥᱟᱶ ᱢᱤᱫ ᱚᱲᱟᱜ ᱨᱮ ᱦᱟᱨᱟ ᱵᱩᱨᱩ ᱨᱮ ᱛᱟᱦᱮᱸ ᱠᱟᱱᱟ᱾ ᱩᱱᱠᱩ ᱫᱚ ᱠᱟᱹᱣᱰᱤ ᱨᱮᱱᱟᱜ ᱟᱱᱟᱴ ᱠᱚ ᱥᱟᱢᱟᱝ ᱠᱮᱫᱟ, ᱡᱟᱦᱟᱸ ᱫᱚ ᱜᱷᱟᱨᱚᱸᱡᱽ ᱨᱮ ᱨᱮᱸᱜᱮᱡ ᱥᱟᱹᱛ ᱦᱟᱹᱵᱤᱡ ᱠᱚ ᱪᱟᱞᱟᱣ ᱮᱱᱟ᱾ ᱢᱤᱫ ᱨᱮᱸᱜᱮᱡ ᱟᱨ ᱵᱟᱝ ᱥᱮᱪᱮᱫ ᱟᱠᱟᱱ ᱜᱷᱟᱨᱚᱸᱡᱽ ᱨᱤᱱ ᱦᱩᱭ ᱠᱟᱛᱮ ᱩᱱᱤ ᱫᱚ ᱥᱟᱶᱛᱟ ᱞᱮᱠᱟᱛᱮ ᱪᱮᱛᱟᱱ ᱛᱮ ᱨᱟᱠᱟᱵ ᱥᱟᱱᱟᱭᱮᱫ ᱛᱟᱦᱮᱸᱱᱟ ᱢᱮᱱᱠᱷᱟᱱ ᱟᱡᱟᱜ ᱢᱮᱴᱨᱤᱠᱩᱞᱮᱥᱚᱱ ᱵᱟᱭ ᱯᱟᱥ ᱫᱟᱲᱮᱭᱟᱫᱟ᱾[᱑][᱒]
ᱩᱱᱤ ᱫᱚ ᱑᱗ ᱥᱮᱨᱢᱟ ᱩᱢᱮᱨ ᱨᱮ ᱫᱷᱚᱠᱠᱟᱛ ᱠᱟᱛᱮ ᱠᱚ ᱵᱟᱯᱞᱟ ᱠᱮᱫᱮᱭᱟ ᱟᱨ ᱟᱡᱤᱡ ᱡᱟᱶᱟᱭ ᱥᱟᱶ ᱢᱤᱫ ᱜᱤᱫᱽᱨᱟᱹ ᱦᱩᱭ ᱮᱱ ᱛᱟᱭᱟ, ᱡᱟᱦᱟᱸᱭ ᱫᱚ ᱡᱟᱱᱟᱢ ᱛᱟᱭᱚᱢ ᱜᱮ ᱜᱩᱨ ᱮᱱᱟ᱾ ᱜᱤᱫᱽᱨᱟᱹ ᱜᱩᱨ ᱞᱟᱹᱜᱤᱫ ᱫᱳᱥ ᱫᱚ ᱥᱟᱨᱟ ᱪᱮᱛᱟᱱ ᱨᱮ ᱠᱚ ᱞᱟᱜᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱟᱡᱟᱜ ᱡᱟᱶᱟᱭ ᱥᱟᱶ ᱛᱚᱯᱟᱜ ᱦᱩᱭ ᱮᱱ ᱛᱟᱭᱟ᱾ ᱱᱚᱣᱟ ᱫᱚ ᱯᱮᱭᱟ ᱮᱴᱟᱜ ᱵᱟᱝ ᱥᱟᱹᱠᱷᱭᱟᱹᱛᱟᱱ ᱵᱟᱯᱞᱟ ᱛᱟᱭᱚᱢ ᱦᱩᱭ ᱞᱮᱱᱟ᱾
ᱟᱡ ᱵᱟᱵᱟ ᱥᱟᱶ ᱢᱤᱫ ᱦᱟᱛᱟᱭᱟ ᱟᱠᱟᱱ ᱥᱟᱹᱜᱟᱹᱭ, ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱨᱮ ᱢᱚᱱ ᱦᱚᱛᱮᱛᱮ ᱟᱨ ᱡᱳᱣᱱᱚ ᱞᱮᱠᱟᱛᱮ ᱦᱟᱛᱟᱭᱟ ᱦᱩᱭ ᱞᱮᱱᱟ, ᱯᱩᱱᱭᱟ ᱦᱚᱲ ᱦᱚᱛᱮᱛᱮ ᱠᱚ ᱵᱤᱵᱷᱟᱡᱚᱱ ᱠᱮᱫᱮᱭᱟ, ᱟᱡ ᱨᱤᱱ ᱜᱤᱫᱽᱨᱟᱹ ᱠᱚ ᱦᱚᱛᱮᱛᱮ ᱠᱚ ᱧᱩᱨ ᱠᱮᱫᱮᱭᱟ ᱟᱨ ᱥᱚᱥᱟᱭᱴᱤ ᱦᱚᱛᱮᱛᱮ ᱵᱟᱦᱨᱮ ᱠᱚ ᱧᱩᱨ ᱠᱮᱫᱮᱭᱟ, ᱥᱟᱨᱟ ᱥᱟᱜᱩᱯᱷᱛᱟ ᱫᱚ ᱫᱩᱠᱷ ᱥᱟᱞᱟᱜ ᱯᱩᱨᱟᱹᱣ ᱡᱤᱭᱚᱱ ᱮ ᱠᱷᱚᱨᱪᱟᱣ ᱠᱮᱫᱟ᱾ ᱩᱱᱤ ᱫᱚ ᱥᱟᱢᱟᱝ ᱟᱠᱟᱱ ᱪᱩᱱᱳᱛᱤ ᱨᱮᱱᱟᱜ ᱚᱨᱡᱚ ᱞᱮᱠᱟᱛᱮ ᱢᱟᱱᱥᱤᱠ ᱵᱮᱢᱟᱨ ᱮ ᱵᱟᱹᱲᱛᱤ ᱠᱮᱫᱟ᱾ ᱟᱡᱟᱜ ᱵᱮᱢᱟᱨ ᱠᱷᱟᱹᱛᱤᱨ ᱢᱤᱫ ᱢᱟᱱᱥᱤᱠ ᱦᱟᱥᱯᱟᱛᱟᱞ ᱨᱮ ᱩᱱᱤ ᱫᱚ ᱵᱷᱩᱨᱛᱤ ᱠᱚ ᱫᱚᱦᱚ ᱠᱮᱫᱮᱭᱟ᱾ ᱢᱤᱫ ᱵᱟᱝ ᱜᱷᱟᱭᱚᱞᱟᱱ ᱜᱩᱡᱩᱜ ᱠᱩᱨᱩᱢᱩᱴᱩ ᱛᱟᱭᱚᱢ ᱩᱱᱤ ᱫᱚ ᱔ ᱡᱩᱱ ᱑᱙᱘᱔ ᱥᱟᱞᱮᱨᱮ ᱒᱙ ᱥᱮᱨᱢᱟ ᱩᱢᱮᱨ ᱨᱮ ᱑᱑ ᱯᱤᱮᱢ ᱥᱩᱨᱥᱩᱯᱩᱨ ᱜᱩᱡᱩᱜ ᱠᱟᱛᱮ ᱜᱩᱨ ᱮᱱᱟ᱾
ᱠᱟᱹᱢᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱱᱚᱬᱦᱮᱸ ᱨᱮᱱᱟᱜ ᱟᱡᱟᱜ ᱥᱟᱸᱜᱽᱨᱚᱦ ᱫᱚ ᱥᱟᱭᱤᱫ ᱟᱦᱢᱮᱫ ᱦᱚᱛᱮᱛᱮ ᱟᱸᱠᱷᱮᱸ ᱟᱨ ᱱᱤᱱᱫ ᱠᱟ ᱨᱟᱝ ᱞᱮᱠᱟᱛᱮ ᱩᱪᱷᱟᱹᱱ ᱦᱩᱭ ᱞᱮᱱᱟ, ᱩᱱᱤ ᱥᱟᱶ ᱫᱩᱞᱟᱹᱲ ᱛᱟᱦᱮᱸ ᱠᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱟᱥᱟᱫ ᱟᱞᱵᱤ ᱟᱡᱟᱜ ᱚᱱᱚᱬᱦᱮᱸ ᱫᱚ ᱤᱝᱞᱤᱥ ᱛᱮ ᱛᱚᱨᱡᱚᱢᱟ ᱠᱟᱛᱮ ᱫᱟ ᱠᱟᱞᱟᱨ ᱚᱯᱷ ᱥᱞᱤᱯ ᱮᱱᱰ ᱚᱫᱟᱨ ᱯᱳᱭᱟᱢᱥ (᱒᱐᱑᱖) ᱞᱮᱠᱟᱛᱮ ᱩᱪᱷᱟᱹᱱ ᱠᱮᱫᱟ᱾ ᱩᱱᱤᱭᱟᱜ ᱚᱱᱚᱬᱦᱮᱸ 'ᱣᱩᱢᱮᱱ ᱮᱱᱰ ᱥᱚᱞᱴ', 'ᱴᱩ ᱰᱳᱴᱟᱨ, ᱥᱤᱞᱤ' ᱟᱨ 'ᱫᱟ ᱢᱩᱱ ᱤᱡ ᱠᱣᱟᱭᱤᱴ ᱟᱞᱳᱱ' ᱨᱮᱱᱟᱜ ᱤᱝᱞᱤᱥ ᱛᱚᱨᱡᱚᱢᱟ ᱨᱩᱠᱷᱥᱟᱱᱟ ᱟᱦᱢᱟᱫ ᱦᱚᱛᱮᱛᱮ ᱣᱤ ᱥᱤᱱᱯᱷᱩᱞ ᱣᱩᱢᱮᱱ ᱨᱮ ᱧᱮᱞ ᱧᱟᱢᱚᱜᱼᱟ᱾[᱓]
ᱞᱟᱜᱮᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛᱤᱭᱟᱹ ᱚᱱᱚᱞᱤᱭᱟᱹ ᱟᱢᱨᱤᱛᱟ ᱯᱨᱤᱛᱟᱢ, ᱥᱟᱨᱟ ᱨᱤᱱᱤᱡ ᱡᱩᱨᱤ ᱜᱟᱛᱮ ᱦᱚᱸ, ᱥᱟᱨᱟ ᱟᱜ ᱡᱤᱭᱚᱱ ᱟᱨ ᱠᱟᱹᱢᱤ ᱠᱚ ᱪᱮᱛᱟᱱ ᱨᱮ ᱵᱮᱥ ᱠᱟᱛᱮ ᱵᱟᱨᱭᱟ ᱯᱚᱛᱚᱵ ᱮ ᱚᱞ ᱠᱮᱫᱟ; ᱮᱠ ᱛᱷᱤ ᱥᱟᱨᱟ (ᱚᱸᱰᱮ ᱥᱟᱨᱟ ᱛᱟᱦᱮᱸ ᱠᱟᱱᱟ) (᱑᱙᱙᱐) ᱟᱨ ᱞᱟᱭᱤᱯᱷ ᱮᱱᱰ ᱯᱳᱭᱮᱴᱨᱤ ᱚᱯᱷ ᱥᱟᱨᱟ ᱥᱟᱜᱩᱯᱷᱛᱟ (᱑᱙᱙᱔)᱾ ᱢᱮᱭᱱ ᱥᱟᱨᱟ (ᱤᱧ, ᱥᱟᱨᱟ), ᱥᱟᱦᱤᱫ ᱟᱱᱣᱟᱨ ᱦᱚᱛᱮᱛᱮ ᱚᱞ ᱟᱠᱟᱱ ᱢᱤᱫ ᱯᱞᱮ ᱥᱟᱨᱟ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱵᱮᱥ ᱟᱠᱟᱱᱟ᱾ ᱥᱟᱨᱟ ᱠᱟ ᱥᱟᱨᱟ ᱟᱥᱢᱟᱱ, ᱟᱨ ᱢᱤᱫ ᱮᱴᱟᱜ ᱯᱞᱮ ᱡᱟᱦᱟᱸ ᱫᱚ ᱫᱟᱱᱤᱥ ᱤᱠᱵᱟᱞ ᱦᱚᱛᱮᱛᱮ ᱚᱞ ᱟᱠᱟᱱᱟ ᱟᱨ ᱛᱟᱨᱤᱠ ᱦᱟᱢᱤᱫ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱᱟ, ᱱᱚᱣᱟ ᱦᱚᱸ ᱥᱟᱨᱟ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱵᱮᱥ ᱟᱠᱟᱱᱟ᱾ ᱥᱟᱨᱟ ᱪᱮᱛᱟᱱ ᱨᱮ ᱟᱢᱨᱤᱛᱟ ᱯᱨᱤᱛᱟᱢ ᱟᱜ ᱯᱚᱛᱚᱵ ᱪᱮᱛᱟᱱ ᱨᱮ ᱵᱮᱥ ᱠᱟᱛᱮ ᱯᱞᱮ ᱫᱚ ᱣᱤᱝᱥ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ ᱦᱚᱛᱮᱛᱮ ᱒᱐᱑᱕ ᱥᱟᱞᱮᱨᱮ ᱟᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮᱱᱟᱜ ᱩᱨᱫᱩ ᱛᱷᱤᱭᱮᱴᱟᱨ ᱯᱷᱮᱥᱴᱤᱵᱷᱟᱞ ᱨᱮ ᱩᱯᱥᱛᱷᱟᱯᱤᱛ ᱦᱩᱭ ᱞᱮᱱᱟ᱾[᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Parekh, Rauf (2015-04-27). "Creativity and mental disorder: Urdu poets and writers who committed suicide". DAWN.COM. Retrieved 2018-02-14.
- ↑ "सारा शगुफ़्ता : इंसान से पहले मौत ज़िंदा थी- Amarujala". Amar Ujala (in ᱦᱤᱱᱫᱤ). 2017-10-01. Retrieved 2018-02-14.
- ↑ Ahmad, R. (1991). We sinful women: Contemporary Urdu feminist poetry. London: The Women's Press.
- ↑ Daftuar, Swati (2015-03-27). "A life in defiance". The Hindu. Retrieved 2018-02-14.