ᱥᱟᱨᱫᱟ ᱢᱩᱠᱷᱚᱨᱡᱤ
| ᱥᱟᱨᱫᱟ ᱢᱩᱠᱷᱚᱨᱡᱤ | |
|---|---|
| ᱟᱱᱫᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ (भूतपूर्व), ᱜᱩᱡᱽᱨᱟᱴ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ (भूतपूर्व) | |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱯᱷᱮᱵᱽᱨᱩᱣᱟᱨᱤ ᱒᱔, ᱑᱙᱑᱙ ᱢᱩᱢᱵᱟᱹᱭ |
ᱥᱟᱨᱫᱟ ᱢᱩᱠᱷᱚᱨᱡᱤ (ᱡᱟᱱᱟᱢ ᱒᱔ ᱯᱷᱮᱵᱽᱨᱩᱣᱟᱨᱤ ᱑᱙᱑᱙)[᱑]) ᱟᱱᱫᱷᱨᱚ ᱯᱨᱚᱫᱮᱥ ᱟᱨ ᱜᱩᱡᱽᱨᱟᱴ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱹᱱᱤᱡ ᱢᱩᱠᱷᱚᱨᱡᱤ ᱟᱜ ᱡᱟᱱᱟᱢ ᱫᱚ ᱒᱔ ᱯᱷᱮᱵᱽᱨᱩᱣᱟᱨᱤ ᱑᱙᱑᱙ ᱨᱮ ᱢᱩᱢᱵᱟᱭ ᱨᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱨᱚᱛᱟᱯ ᱥᱤᱛᱟᱨᱟᱢ ᱯᱚᱸᱰᱮᱛ ᱟᱨ ᱵᱤᱡᱚᱭᱞᱚᱠᱷᱢᱤ ᱯᱚᱸᱰᱤᱛ ᱛᱤᱠᱤᱱᱤᱡ ᱦᱚᱢᱚᱱ ᱠᱩᱲᱤᱭᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱥᱮᱪᱮᱫ ᱥᱤᱠᱷᱱᱟᱹᱛ ᱫᱚ ᱯᱩᱭᱞᱩ ᱠᱮᱛᱷᱮᱰᱨᱚᱞ ᱠᱩᱲᱤ ᱜᱤᱫᱽᱨᱟᱹ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ ᱢᱩᱢᱵᱟᱭ ᱟᱨ ᱛᱟᱭᱚᱢ ᱛᱮᱫᱚ ᱮᱞᱯᱷᱤᱱᱥᱴᱚᱱ ᱵᱤᱨᱫᱟᱹᱜᱟᱲ ᱟᱨ ᱠᱟᱱᱩᱱ ᱵᱤᱨᱫᱟᱹᱜᱟᱲ ᱢᱩᱢᱵᱟᱭ ᱨᱮ ᱦᱩᱭ ᱞᱮᱱᱟ ᱾ ᱫᱚᱥᱥᱟᱨ ᱡᱮᱜᱮᱛ ᱦᱩᱭᱥᱟᱹᱭ ᱚᱠᱛᱚ ᱨᱮᱫᱚ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱥᱮᱱᱟ ᱨᱤᱱᱤᱡ ᱢᱩᱠᱷᱤᱭᱟᱹ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱥᱩᱵᱽᱨᱳᱛᱚ ᱢᱩᱠᱷᱚᱨᱡᱤ ᱴᱷᱮᱱ ᱩᱱᱤ ᱫᱚᱠᱚ ᱡᱟᱶᱟᱭ ᱠᱟᱫᱮᱭᱟ ᱾ ᱡᱟᱦᱟᱸᱭᱟᱜ ᱟᱹᱰᱤ ᱜᱚ ᱫᱩᱠᱷᱟᱹᱞᱤ ᱜᱩᱨ ᱫᱚ ᱠᱟᱹᱢᱤ ᱨᱮ ᱛᱟᱦᱮᱸᱱ ᱚᱠᱛᱚ ᱨᱮᱜᱮ ᱴᱚᱠᱭᱚ ᱨᱮ ᱱᱚᱵᱷᱮᱢᱵᱚᱨ ᱑᱙᱖᱐ ᱥᱟᱹᱦᱤᱛ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱹᱱᱤᱡ ᱢᱩᱠᱷᱚᱨᱡᱤ ᱫᱚ ᱟᱹᱰᱤ ᱥᱮᱨᱢᱟ ᱫᱷᱟᱹᱵᱤᱡ ᱢᱤᱫ ᱥᱟᱶᱛᱟᱨᱤ ᱠᱟᱹᱢᱤᱭᱟᱹ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫ-ᱟ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱦᱚᱭᱥᱮᱱᱟ ᱯᱚᱨᱳᱯᱚᱠᱟᱨ ᱮᱥᱳᱥᱤᱭᱮᱥᱳᱱ ᱨᱮ ᱠᱟᱹᱢᱤᱭᱟᱹ ᱥᱚᱸᱥᱛᱷᱟ ᱨᱤᱱᱤᱡ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱤᱱᱟᱹ ᱚᱠᱛᱚ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱢᱟᱹᱱᱤᱡ ᱤᱸᱫᱤᱨᱟ ᱜᱟᱹᱱᱫᱷᱤ ᱟᱜ ᱛᱟᱹᱨᱤ ᱨᱮ ᱫᱤᱞᱞᱤ ᱨᱮ ᱱᱟᱜᱟᱨᱤᱭᱟᱹ ᱛᱟᱞᱢᱟ ᱜᱟᱶᱛᱟ ᱨᱤᱱᱤᱡ ᱢᱤᱫ ᱪᱟᱸᱜᱟ ᱜᱟᱶᱛᱟ ᱨᱮ ᱵᱷᱟᱹᱞᱟᱹᱭ ᱜᱟᱫᱮᱞ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾ ᱩᱱᱤ ᱫᱚ ᱯᱟᱱᱛᱷᱟ ᱟᱨ ᱯᱨᱚᱥᱟᱥᱚᱱᱤᱠ ᱵᱷᱟᱹᱞᱟᱹᱭ ᱢᱟᱰᱮᱨ ᱨᱤᱱᱤᱡ ᱨᱩᱠᱷᱤᱭᱟᱹ ᱢᱟᱵᱽᱞᱟ ᱨᱮᱱᱟᱜ ᱴᱤᱢ ᱨᱮ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱛᱟᱞᱢᱟ ᱥᱤᱧᱚᱛᱤᱭᱟᱹ ᱠᱚᱸᱜᱽᱨᱮᱥ ᱟᱜ ᱴᱤᱠᱮᱴ ᱛᱮ ᱑᱙᱖᱒ ᱟᱨ ᱑᱙᱖᱗ ᱨᱮ ᱨᱚᱛᱱᱟᱜᱤᱨᱤ ᱵᱟᱪᱷᱱᱟᱣ ᱴᱚᱴᱷᱟ (ᱢᱚᱦᱟᱨᱟᱥᱴᱨᱚ) ᱠᱷᱚᱱ ᱞᱳᱠᱥᱚᱵᱷᱟ (ᱥᱚᱝᱥᱚᱫᱽ) ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ [᱒] ᱢᱤᱫ ᱥᱟᱝᱥᱚᱫᱽ ᱞᱮᱠᱟᱛᱮ ᱩᱱᱤ ᱫᱚ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱮᱭᱟᱨᱯᱷᱚᱨᱥ ᱢᱟᱨᱥᱟᱞ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫ-ᱟ ᱾ ᱩᱱᱤ ᱫᱤ ᱕ ᱢᱮ ᱑᱙᱗᱗ ᱨᱮ ᱟᱱᱫᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮᱭ ᱵᱟᱦᱟᱞ ᱮᱱᱟ ᱾ ᱩᱱᱤ ᱫᱚ ᱑᱔ ᱚᱜᱚᱥᱴ ᱑᱙᱗᱘ ᱠᱷᱚᱱ ᱘ ᱢᱮ ᱑᱙᱘᱓ ᱫᱷᱟᱹᱵᱤᱡ ᱜᱩᱡᱽᱨᱟᱴ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾ [᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Members Profile". Archived from the original on 12 मार्च 2016. Retrieved 22 नवम्बर 2013.
{{cite web}}: Check date values in:|accessdate=and|archive-date=(help) - ↑ "Former Members of Lok Sabha". Archived from the original on 16 जनवरी 2014. Retrieved 22 नवम्बर 2013.
{{cite web}}: Check date values in:|accessdate=and|archive-date=(help) - ↑ "राजभवन गुजरात की वेबसाईट पर शारदा मुखर्जी का जीवन वृत". Archived from the original on 3 दिसंबर 2013. Retrieved 22 नवंबर 2013.
{{cite web}}: Check date values in:|access-date=and|archive-date=(help)