ᱥᱟᱨᱫᱟ ᱯᱨᱟᱥᱟᱫ ᱠᱤᱥᱠᱩ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱚᱱᱚᱞᱤᱭᱟᱹ ᱥᱟᱨᱚᱫᱟ ᱯᱨᱟᱥᱟᱫᱽ ᱠᱤᱥᱠᱩ, ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ, ᱵᱤᱦᱟᱨ, ᱡᱷᱟᱨᱠᱷᱚᱸᱰ ᱳᱰᱤᱥᱟ ᱟᱨ ᱟᱥᱟᱢ ᱯᱚᱱᱚᱛ ᱨᱮᱱ ᱦᱚᱲᱠᱳ ᱴᱷᱮᱱ ᱟᱹᱰᱤ ᱥᱮᱵᱮᱞ ᱢᱤᱫ ᱧᱩᱛᱩᱢ ᱠᱟᱱᱟ᱾ ᱚᱱᱟ ᱥᱟᱶᱛᱮ ᱱᱟᱦᱟᱜ ᱡᱩᱜᱽ ᱨᱮ ᱩᱱᱤ ᱫᱚ, ᱫᱷᱟᱹᱨᱛᱤ ᱨᱮᱱ ᱥᱟᱱᱟᱢ ᱟᱹᱫᱤᱵᱟᱹᱥᱤᱠᱳ ᱨᱮᱱ ᱡᱳᱞᱳᱜ ᱤᱯᱤᱞ ᱮ ᱛᱟᱦᱮᱸ ᱞᱮᱱᱟ᱾ ᱥᱟᱱᱛᱟᱲᱤ ᱥᱟᱦᱤᱛᱭᱚ ᱨᱮᱱ ᱱᱩᱭ ᱵᱷᱩᱨᱠᱟᱹᱜ ᱤᱯᱤᱞ ᱑᱙᱒᱙ ᱥᱮᱨᱢᱟ ᱵᱟᱝ ᱦᱟᱹᱴᱤᱧ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱢᱟᱱᱵᱟᱡᱟᱨ ᱒ ᱱᱳ ᱵᱞᱚᱠ ᱨᱮᱱᱟᱜ ᱫᱟᱬᱤᱠᱟᱰᱳᱵᱟ ᱟᱛᱳ ᱨᱮᱭ ᱡᱟᱱᱟᱢ ᱞᱮᱱᱟ᱾

SARADA PRASAD KISKU

ᱡᱟᱱᱟᱢ:- ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱒ ᱯᱷᱮᱵᱨᱩᱣᱟᱨᱤ ᱑᱙᱒᱙ ᱥᱟᱞᱮ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱟᱯᱟᱛᱼᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱪᱚᱨᱚᱱ ᱠᱤᱥᱠᱩ ᱟᱨ ᱮᱸᱜᱟᱛᱼᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱫᱷᱚᱱᱢᱚᱱᱤ ᱠᱤᱥᱠᱩ᱾

ᱥᱮᱪᱮᱫᱺ- ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱡᱚᱨᱚᱵᱟᱲᱤ ᱟᱛᱳ ᱵᱤᱨᱫᱟ.ᱜᱟᱲ ᱨᱮ ᱑᱙᱓᱘ ᱥᱟᱞᱮ ᱠᱷᱚᱱ ᱚᱞ ᱯᱟᱲᱦᱟᱣ ᱛᱟᱭᱱᱚᱢ ᱵᱚᱲᱜᱮ.ᱲᱤᱭᱟ ᱵᱤᱨᱫᱟ.ᱜᱟᱲ ᱛᱮᱠᱳ ᱩᱪᱟ.ᱲ ᱞᱮᱫᱮᱭᱟ᱾ᱚᱸᱰᱮᱠᱷᱚᱱ ᱑᱙᱔᱐ ᱥᱟᱞᱮ ᱨᱮ ᱫᱚ ᱵᱟᱸᱠᱩᱲᱟ ᱡᱤᱞᱟ. ᱨᱮᱭᱟᱜ ᱨᱟᱱᱤᱵᱟᱸᱫᱷ ᱢᱤᱰᱤᱞ ᱤᱝᱨᱮᱹᱡᱤ ᱵᱤᱨᱫᱟ.ᱜᱟᱲ ᱨᱮ ᱠᱳ ᱩᱪᱟ.ᱲ ᱞᱮᱫᱮᱭᱟ᱾ ᱚᱸᱰᱮᱠᱷᱚᱱ ᱜᱮ ᱑᱙᱔᱓ ᱥᱟᱞᱮ ᱨᱮ "ᱢᱮ.ᱴᱨᱤᱠ ᱥᱠᱚᱞᱟᱨᱥᱤᱯ"ᱼᱮ ᱧᱟᱢ ᱞᱮᱫᱼᱟ᱾ ᱚᱱᱟ ᱜᱚᱜᱼᱲᱚ ᱠᱟ.ᱣᱰᱤ ᱛᱮᱜᱮ ᱯᱟᱲᱦᱟᱣ ᱠᱟᱛᱮᱫ ᱑᱙᱔᱘ ᱥᱟᱞᱮ ᱨᱮ ᱯᱳ.ᱭᱞᱳ ᱛᱷᱚᱠ (First Division) ᱛᱮ ᱜᱮᱞ ᱪᱟᱱᱟᱪ ᱯᱟᱲᱦᱟᱣ ᱯᱩᱨᱟ.ᱣ ᱛᱟᱭᱱᱚᱢ ᱟᱭ ᱮ. (I. A.) ᱯᱟᱲᱦᱟᱜ ᱞᱟ.ᱜᱤᱫ ᱵᱤᱥᱱᱩᱯᱩᱨ ᱨᱟᱢᱟᱱᱚᱱᱫᱚ ᱠᱚᱞᱮᱡᱽ ᱨᱮᱭ ᱵᱷᱩᱨᱛᱤ ᱞᱮᱱᱟ᱾ ᱢᱮᱱᱠᱷᱟᱱ ᱦᱚᱲᱢᱚ ᱡᱤᱣᱤ ᱵᱳᱜᱮ ᱵᱟᱝᱛᱮ ᱞᱟᱯᱷᱟᱝ ᱥᱮᱪᱮᱫ ᱵᱟᱝᱼᱮ ᱯᱟᱲᱦᱟᱣ ᱯᱩᱨᱟ.ᱣ ᱞᱮᱫᱼᱟ᱾

ᱠᱟ.ᱢᱤ ᱡᱤᱭᱚᱱᱺ- ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱟᱯᱟᱥᱩᱞᱚᱜ ᱞᱟ.ᱜᱤᱫ ᱑᱙᱕᱐ ᱥᱟᱞᱮ ᱨᱮ ᱯᱩᱨᱩᱞᱤᱭᱟ ᱡᱤᱞᱟ. ᱨᱮᱭᱟᱜ ᱵᱟᱱᱫᱳᱭᱟᱱ ᱨᱮᱭᱟᱜ ᱦᱤᱱᱫᱤ ᱥᱮᱪᱮᱫ ᱵᱤᱨᱫᱟ.ᱜᱟᱲ ᱠᱷᱚᱱ ᱯᱮ ᱪᱟᱱᱫᱳ ᱨᱮᱭᱟᱜ ᱥᱤᱠᱷᱱᱟ.ᱛᱼᱮ ᱟᱨᱡᱟᱣᱼᱟᱱ ᱛᱟᱦᱮᱸ ᱠᱟᱱᱟ᱾ᱤᱱᱟ. ᱛᱟᱭᱱᱚᱢ ᱤᱱᱟ. ᱥᱮᱨᱢᱟ ᱜᱮ ᱡᱟᱢᱛᱳᱲᱤᱭᱟ ᱢᱤᱰᱤᱞ ᱵᱤᱨᱫᱟ.ᱜᱟᱲ ᱨᱮᱱ ᱢᱟᱪᱮᱫ ᱦᱤᱥᱟ.ᱵᱽ ᱛᱮᱭ ᱵᱟᱦᱟᱞ ᱞᱮᱱᱟ᱾ ᱡᱟ.ᱛᱤ ᱥᱟᱶᱛᱟ ᱩᱛᱱᱟ.ᱣ ᱞᱟ.ᱜᱤᱫ ᱩᱭᱦᱟ.ᱨ ᱠᱟᱛᱮᱫ ᱑᱙᱖᱑ ᱥᱟᱞᱮ ᱨᱮ ᱠᱚᱵᱤ ᱠᱥᱠᱩ ᱫᱚ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱠᱚᱝᱜᱨᱮ.ᱥ ᱜᱟᱸᱛᱟᱠ ᱦᱚᱛᱮᱛᱮᱭ ᱛᱮᱸᱜᱳ ᱞᱮᱱᱟ᱾ᱢᱮᱱᱠᱷᱟᱱ ᱵᱟᱝᱼᱮ ᱡᱤᱛᱠᱟ.ᱨ ᱞᱮᱱᱛᱮ ᱟᱫᱚ ᱚᱲᱟᱜ ᱨᱮᱭᱟᱜ ᱪᱟᱥ ᱠᱟ.ᱢᱤ ᱨᱮᱭ ᱫᱷᱩᱨᱟ.ᱣ ᱞᱮᱱᱟ᱾ ᱤᱱᱟ.ᱛᱟᱭᱱᱚᱢ ᱟᱠᱳ ᱟᱛᱳ ᱠᱷᱚᱱᱟᱜ ᱛᱩᱨᱩᱭ ᱢᱟᱭᱤᱞ ᱥᱟᱺᱜᱤᱧ ᱥᱤᱝᱨᱟᱭᱰᱤ ᱮᱛᱚᱦᱚᱵ ᱥᱮᱪᱮᱫ ᱵᱤᱨᱫᱟ.ᱜᱟᱲ ᱨᱮᱱ ᱢᱟᱪᱮᱫ ᱦᱤᱥᱟ.ᱵᱽ ᱛᱮᱭ ᱵᱟᱦᱟᱞ ᱞᱮᱱᱟ᱾ᱚᱸᱰᱮ ᱵᱟᱨ ᱥᱮᱨᱢᱟ ᱠᱟ.ᱢᱤ ᱛᱟᱭᱱᱚᱢ ᱟᱠᱳ ᱟᱛᱳ ᱥᱳᱨ ᱵᱚᱲᱫᱚᱦᱤ ᱮᱛᱚᱦᱚᱵ ᱥᱮᱪᱮᱫ ᱵᱤᱨᱫᱟ.ᱜᱟᱲ ᱨᱮᱭ ᱩᱪᱟ.ᱲ ᱞᱮᱱᱟ ᱟᱨ ᱚᱸᱰᱮ ᱜᱮ ᱑᱙᱘᱙ ᱥᱟᱞᱮ ᱦᱟ.ᱵᱤᱡ ᱢᱟᱪᱮᱫ ᱠᱟ.ᱢᱤ ᱯᱩᱨᱟ.ᱣ ᱠᱟᱛᱮᱫᱼᱮ ᱡᱤᱨᱟᱹᱣ ᱞᱮᱱᱟ᱾

ᱚᱞ ᱵᱮᱞ:- ᱯᱟᱲᱦᱟᱜ ᱡᱤᱭᱚᱱ ᱨᱮ ᱢᱟᱱᱚᱛᱟᱱ ᱠᱤᱥᱠᱩ ᱴᱷᱮᱱ ᱥᱟᱱᱛᱟᱲᱤ ᱯᱟ.ᱨᱥᱤ ᱪᱮᱛᱟᱱ ᱫᱩᱞᱟ.ᱲ ᱫᱚ ᱠᱤᱱ ᱥᱤᱨᱡᱟ.ᱣ ᱞᱮᱫ ᱛᱟᱦᱮᱸ ᱠᱟᱱᱟ ᱢᱟᱪᱮᱫ ᱫᱟᱨᱚᱠᱱᱟᱛᱷ ᱥᱤᱠᱫᱟᱨ ᱟᱨ ᱦᱟᱨᱟᱫᱷᱚᱱ ᱦᱮᱢᱵᱨᱚᱢ᱾ ᱤᱱᱟ. ᱥᱟᱶᱛᱮ ᱠᱚᱵᱤ ᱜᱩᱨᱩ ᱥᱟ.ᱫᱷᱩ ᱨᱟᱢᱪᱟᱸᱫᱽᱼᱟᱜ ᱚᱱᱚᱬᱦᱮ ᱥᱮᱨᱮᱧ ᱠᱳ ᱯᱟᱲᱦᱟᱣ ᱠᱟᱛᱮ ᱥᱟᱱᱛᱟᱲᱤ ᱛᱮ ᱚᱞᱚᱜᱼᱮ ᱮᱛᱚᱦᱚᱵ ᱞᱮᱫᱼᱟ᱾ᱯᱳ.ᱭᱞᱳ ᱩᱛᱟ.ᱨ ᱫᱚ ᱵᱤᱦᱟᱨ ᱥᱚᱨᱠᱟᱨᱼᱟᱜ ᱠᱷᱚᱵᱚᱨ ᱠᱟᱜᱚᱡᱽ "ᱦᱚᱲ ᱥᱚᱢᱵᱟᱫᱽ" ᱨᱮ "ᱚᱞ" ᱧᱩᱛᱩᱢᱟᱱ ᱚᱱᱚᱬᱦᱮ ᱩᱪᱷᱟᱹᱱ ᱞᱮᱱ ᱛᱟᱭᱟ᱾ᱤᱱᱟ. ᱛᱟᱭᱱᱚᱢ ᱛᱟᱢᱟᱢ ᱵᱤᱦᱟᱨ ᱟᱨ ᱠᱳᱞᱠᱟᱛᱟ ᱠᱳᱨᱮᱱᱟᱜ ᱥᱟᱶᱦᱮᱫ ᱥᱟᱠᱟᱢᱠᱳ ᱨᱮ ᱚᱞ ᱵᱮᱞᱠᱳ ᱪᱷᱟᱯᱟᱣᱟᱠᱟᱱ ᱛᱟᱭᱟ᱾ ᱑᱙᱕᱗-᱕᱘ ᱥᱟᱞᱮ ᱨᱮ ᱫᱚ ᱵᱷᱚᱵᱚᱛᱳᱥ ᱥᱚᱨᱮᱱᱼᱟᱜ "ᱠᱷᱮᱨᱣᱟᱞ ᱟᱲᱟᱝ" ᱥᱟᱶᱦᱮᱫ ᱥᱟᱠᱟᱢ ᱨᱮ "ᱴᱚᱴᱠᱳ ᱢᱚᱞᱚᱝ" ᱵᱟᱦᱱᱟ ᱧᱩᱛᱩᱢ ᱛᱮᱭ ᱚᱜᱼᱚᱞ ᱠᱟᱱ ᱛᱟᱦᱮᱸ ᱠᱟᱱᱟ᱾ᱚᱱᱟ ᱥᱟᱶᱛᱮ "ᱦᱚᱲ ᱥᱚᱢᱵᱟᱫᱽ" ᱟᱨ "ᱛᱮᱛᱨᱮ" ᱯᱟᱛᱷᱟᱢ ᱨᱮ ᱫᱚ "ᱯᱟᱛᱟᱝ ᱥᱩᱨᱟ.ᱭ" ᱵᱟᱦᱱᱟ ᱧᱩᱛᱩᱢ ᱛᱮᱭ ᱚᱜᱼᱚᱞ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩᱼᱟᱜ ᱧᱩᱛᱩᱢᱟᱱ ᱚᱱᱚᱬᱦᱮ ᱯᱩᱛᱷᱤᱠᱳ ᱫᱚ ᱦᱳᱭᱳᱜ ᱠᱟᱱᱟ -

᱑) "ᱵᱷᱩᱨᱠᱟ.ᱜ ᱤᱯᱤᱞ"(᱑᱙᱕᱓),

᱒) "ᱠᱩᱦᱩᱵᱟ.ᱣ"(᱑᱙᱖᱐),

᱓) "ᱜᱟᱢ ᱜᱚᱸᱫᱟᱨ"(᱑᱙᱖᱗),

᱔) "ᱞᱟᱦᱟᱜ ᱦᱚᱨᱨᱮ"(᱑᱙᱘᱕),

᱕) "ᱵᱤᱫᱟ.ᱜ ᱵᱮᱲᱟ"(᱑᱙᱙᱗),

᱖) "ᱥᱮᱨᱮᱧ ᱥᱮᱯᱮᱧ"(ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨᱼᱟᱜ "ᱜᱤᱛᱟᱧᱡᱚᱞᱤ" ᱠᱟᱵᱭᱚᱜᱨᱚᱱᱛᱷᱚ ᱨᱮᱭᱟᱜ ᱥᱟᱱᱛᱟᱲᱤ ᱛᱚᱨᱡᱚᱢᱟ),

᱗) ᱠᱟ.ᱦᱱᱤ ᱯᱩᱛᱷᱤ "ᱥᱚᱞᱚᱢ ᱞᱚᱴᱚᱢ"(᱑᱙᱘᱘) ᱟᱨ

᱘) ᱥᱟᱱᱟᱢ ᱚᱱᱚᱞᱠᱳ ᱨᱮᱭᱟᱜ ᱯᱩᱛᱷᱤ "ᱡᱩᱰᱟ.ᱥᱤ ᱚᱱᱚᱞ ᱢᱚᱞᱟ"(᱑᱙᱙᱔)᱾

ᱥᱤᱨᱯᱷᱟ. ᱟᱨ ᱥᱟᱨᱦᱟᱣᱱᱟᱺ- ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ, ᱫᱤᱥᱚᱢ ᱦᱚᱲ ᱟᱨ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱡᱟᱸᱦᱟᱠᱳ ᱢᱟ.ᱱᱼᱮ ᱧᱟᱢ ᱟᱠᱟᱫᱼᱟ ᱚᱱᱟᱠᱳ ᱫᱚ ᱦᱳᱭᱳᱜ ᱠᱟᱱᱟ-

᱑) ᱑᱙᱖᱓ ᱥᱟᱞᱮ ᱨᱮ "ᱟᱵᱳᱣᱟᱜ ᱜᱟᱶᱛᱟ" ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ ᱥᱤᱨᱷᱯᱟ.᱾

᱒)᱑᱙᱗᱓ ᱥᱟᱞᱮ ᱨᱮ "ᱵᱷᱟᱨᱚᱛᱤᱭᱚ ᱥᱟᱶᱦᱮᱫ ᱯᱚᱨᱤᱥᱚᱫᱽ" ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ ᱥᱤᱨᱯᱷᱟ.᱾

᱓)᱑᱙᱗᱓ ᱥᱟᱞᱮ ᱨᱮ "ᱡᱟ.ᱛᱤᱭᱟ.ᱨᱤ ᱢᱟᱪᱮᱫ" ᱢᱮᱱᱛᱮ ᱨᱟᱥᱴᱨᱚᱯᱚᱛᱤ ᱥᱤᱨᱷᱯᱟ.᱾ ᱩᱱ ᱡᱚᱦᱚᱜᱼᱤᱡ ᱨᱟᱥᱴᱨᱚᱯᱚᱛᱤ ᱵᱷᱤ ᱵᱷᱤ ᱜᱤᱨᱤᱼᱟᱜ ᱛᱤ ᱠᱷᱚᱱᱼᱮ ᱟᱛᱟᱝ ᱞᱮᱫᱼᱟ᱾

᱔)᱑᱙᱘᱑ ᱥᱟᱞᱮ ᱨᱮ ᱢᱚᱦᱟᱨᱟᱡᱟ ᱱᱟᱜᱟᱨ ᱟ.ᱫᱤᱵᱟ.ᱥᱤ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ ᱥᱤᱨᱯᱷᱟ.᱾

᱕) ᱑᱙᱘᱒ ᱥᱟᱞᱮ ᱨᱮ ᱵᱤᱠᱠᱨᱚᱢᱥᱤᱞᱟ ᱦᱤᱱᱫᱤ ᱵᱤᱫᱼᱫᱟᱯᱤᱴᱷ (ᱵᱷᱟᱜᱚᱞᱯᱩᱨ) ᱠᱷᱚᱱ "ᱠᱚᱵᱤᱨᱚᱛᱱᱚ" ᱢᱟ.ᱱ᱾

᱖)᱑᱙᱘᱖ ᱥᱟᱞᱮ ᱨᱮ ᱥᱟᱱᱛᱟᱲᱤ ᱨᱟᱭᱴᱟᱨᱥ ᱨᱤᱥᱮ.ᱯᱥᱚᱱ ᱠᱩᱢᱩᱴ (ᱥᱟᱸᱛᱨᱟᱜᱟᱪᱷᱤ, ᱦᱟᱣᱲᱟ) ᱯᱟᱦᱴᱟ ᱠᱷᱚᱱ "ᱦᱤᱦᱤᱲᱤ ᱯᱤᱯᱤᱲᱤ" ᱥᱤᱨᱯᱷᱟ.᱾

᱗)᱑᱙᱘᱖-᱘᱗ ᱥᱟᱞᱮ ᱨᱮ ᱵᱤᱦᱟᱨ ᱥᱚᱨᱠᱟᱨ ᱨᱟᱡᱽᱵᱷᱟᱥᱟ ᱯᱟᱦᱴᱟ ᱠᱷᱚᱱ "ᱡᱚᱱᱚᱡᱟᱛᱤᱭᱚ" ᱥᱤᱨᱯᱷᱟ.᱾

ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱩᱯᱚᱢᱚᱦᱟᱫᱮ.ᱥ ᱨᱮᱱᱟᱜ ᱜᱳᱱᱚᱛᱚᱱᱛᱨᱚ ᱞᱟᱦᱟ ᱞᱟ.ᱜᱤᱫ ᱟ.ᱰᱤ ᱜᱟ.ᱠᱦᱩᱲ ᱢᱤᱫ ᱦᱚᱲᱼᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱟᱺᱛ ᱫᱚᱥᱚᱢ ᱨᱮ ᱨᱟᱡᱽᱱᱤᱛᱤᱠ ᱠᱟ.ᱢᱤᱭᱟ. ᱥᱟᱸᱣᱦᱮᱫ ᱥᱳᱢᱟᱡᱽ ᱥᱚᱸᱥᱠᱟᱨᱚᱠ ᱦᱚᱸᱭᱮ ᱛᱟᱦᱮᱸ ᱠᱟᱱᱟ᱾ᱟᱡᱼᱟᱜ ᱡᱟᱱᱟᱢ ᱫᱤᱥᱚᱢ ᱯᱩᱨᱩᱞᱤᱭᱟ ᱨᱮᱭᱟᱜ ᱥᱳᱢᱟᱡᱽ ᱥᱚᱸᱥᱠᱟᱨ ᱞᱟ.ᱜᱤᱫ ᱦᱚᱸᱭᱮ ᱠᱟᱢᱤ ᱞᱮᱫᱼᱟ᱾ ᱠᱩᱲᱤ ᱦᱚᱯᱚᱱᱠᱳ ᱰᱟ.ᱱ ᱢᱮᱱᱛᱮ ᱥᱚᱢᱟᱡᱽ ᱠᱷᱚᱱ ᱵᱟᱦᱮᱨ ᱜᱤᱰᱤ ᱟᱨ ᱢᱟᱜ ᱜᱚᱡ ᱟ.ᱱ ᱵᱤᱨᱩᱫᱽ ᱨᱮ ᱯᱳ.ᱭᱞᱳ ᱫᱚ ᱩᱱᱤᱭᱮ ᱛᱤᱝᱜᱩ ᱞᱮᱱᱟ᱾

ᱜᱩᱨᱺ- ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱑᱙᱙᱖ ᱥᱟᱞᱮ ᱨᱮᱱᱟᱜ ᱑᱘ ᱢᱟᱨᱪ (᱒ ᱪᱟ.ᱛ ᱑᱔᱐᱒) ᱦᱤᱞᱳᱜ ᱱᱚᱣᱟ ᱫᱷᱩᱤ ᱫᱷᱟ.ᱨᱛᱤ ᱵᱟ.ᱜᱤ ᱠᱟᱛᱮᱫᱼᱮ ᱵᱚᱝᱜᱟᱛᱟᱞᱟ ᱟᱠᱟᱱᱟ᱾