ᱥᱟᱨ ᱥᱟᱫᱽᱞᱮ
| ᱥᱟᱯᱲᱟᱣᱤᱡ | ᱱᱮᱛᱷᱟᱱᱤᱭᱮᱞ ᱢᱩᱨᱢᱩ |
|---|---|
| ᱯᱟᱨᱥᱟᱞ ᱚᱠᱛᱚ | ᱵᱟᱨ ᱪᱟᱸᱫᱚ ᱨᱮ ᱢᱤᱫ ᱫᱷᱟᱣ (Bi-monthly) |
| ᱯᱟᱯᱟᱨᱥᱟᱞᱤᱡ | ᱥᱟᱱᱛᱟᱲᱤ ᱞᱤᱴᱟᱨᱮᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ |
| ᱫᱤᱥᱚᱢ | ᱥᱤᱧᱚᱛ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱥᱟᱨ ᱥᱟᱫᱽᱞᱮ ᱫᱚ ᱑᱙᱖᱖ ᱥᱟᱞ ᱨᱮ ᱠᱚᱞᱠᱟᱛᱟ ᱠᱷᱚᱱ ᱩᱪᱷᱟᱹᱱ ᱞᱮᱱ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ ᱠᱟᱱᱟ ᱾ ᱱᱚᱣᱟ ᱯᱟᱛᱷᱟᱢ ᱫᱚ ᱛᱟᱭᱚᱢ ᱛᱮ ᱡᱩᱜᱽ ᱥᱤᱨᱤᱡᱚᱞ ᱧᱩᱛᱩᱢ ᱛᱮ ᱩᱪᱷᱟᱹᱱ ᱟᱹᱜᱩ ᱟᱠᱟᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱖᱕ ᱥᱟᱞ ᱨᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱠᱚᱸᱭᱮ ᱟᱨ ᱠᱚᱸᱭᱮ-ᱥᱟᱢᱟᱝ ᱴᱚᱴᱷᱟ ᱥᱟᱶᱛᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱠᱚᱸᱭᱮ ᱱᱟᱠᱷᱟ ᱠᱷᱚᱱ ᱪᱟᱹᱠᱨᱤ ᱠᱷᱟᱹᱛᱤᱨ ᱠᱚᱞᱠᱟᱛᱟ ᱛᱮ ᱦᱮᱡ ᱟᱠᱟᱱ ᱥᱟᱱᱛᱟᱲ ᱠᱚ ᱢᱤᱫ ᱥᱟᱶ ᱠᱟᱛᱮ ᱥᱟᱱᱛᱟᱲᱤ ᱞᱤᱴᱟᱨᱮᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ ᱠᱚ ᱵᱮᱱᱟᱣ ᱞᱮᱫᱼᱟ ᱾ ᱱᱚᱣᱟ ᱜᱟᱶᱛᱟ ᱨᱮᱱ ᱰᱷᱮᱨ ᱛᱮᱫ ᱥᱚᱦᱮᱫ ᱠᱚᱫᱚ ᱤᱥᱟᱹᱭ ᱫᱷᱚᱨᱚᱢ ᱨᱮᱱ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞ ᱞᱟᱹᱜᱤᱫ ᱨᱳᱢᱟᱱ ᱞᱤᱯᱤ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾[᱑]
ᱩᱪᱷᱟᱹᱱ ᱟᱨ ᱥᱟᱯᱲᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱖᱖ ᱥᱟᱞ ᱨᱮ ᱱᱚᱣᱟ ᱜᱟᱶᱛᱟ ᱯᱟᱦᱴᱟ ᱠᱷᱚᱱ "ᱥᱟᱨ ᱥᱟᱫᱽᱞᱮ" ᱧᱩᱛᱩᱢ ᱛᱮ ᱢᱤᱫ ᱵᱟᱨ ᱪᱟᱸᱫᱚ ᱠᱤᱭᱟᱹ (bi-monthly) ᱥᱟᱶᱦᱮᱫ ᱯᱟᱛᱷᱟᱢ ᱩᱪᱷᱟᱹᱱ ᱮᱛᱚᱦᱚᱵ ᱞᱮᱱᱟ ᱾ ᱱᱚᱣᱟ ᱨᱮᱱ ᱯᱩᱭᱞᱩ ᱥᱟᱯᱲᱟᱣᱤᱡ ᱫᱚ ᱧᱩᱛᱩᱢᱟᱱ ᱥᱟᱶᱦᱮᱫᱤᱭᱟᱹ ᱱᱮᱛᱷᱟᱱᱤᱭᱮᱞ ᱢᱩᱨᱢᱩ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾ ᱱᱚᱣᱟ ᱯᱟᱛᱷᱟᱢ ᱫᱚ ᱠᱚᱞᱠᱟᱛᱟ ᱠᱷᱚᱱ ᱜᱮ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾
ᱥᱟᱶᱦᱮᱫ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱯᱟᱛᱷᱟᱢ ᱨᱮ ᱠᱟᱹᱦᱱᱤ, ᱚᱱᱚᱲᱦᱮ, ᱚᱱᱚᱞ ᱟᱨ ᱱᱟᱱᱟ-ᱦᱩᱱᱟᱹᱨ ᱠᱷᱚᱵᱚᱨ ᱠᱚ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾ ᱨᱳᱢᱟᱱ ᱞᱤᱯᱤ ᱵᱮᱵᱷᱟᱨᱤᱡ ᱟᱭᱢᱟ ᱚᱱᱚᱲᱦᱤᱭᱟᱹ ᱟᱨ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱠᱚ ᱱᱚᱣᱟ 'ᱥᱟᱨ ᱥᱟᱫᱽᱞᱮ' ᱯᱟᱛᱷᱟᱢ ᱛᱟᱞᱟ ᱛᱮᱜᱮ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮ ᱯᱩᱭᱞᱩ ᱫᱷᱟᱣ ᱠᱚ ᱥᱚᱫᱚᱨ ᱞᱮᱱᱟ ᱾
ᱧᱩᱛᱩᱢ ᱵᱚᱫᱚᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱮᱛᱟᱲ ᱢᱚᱬᱮ ᱥᱮᱨᱢᱟ ᱩᱪᱷᱟᱹᱱ ᱮᱱ ᱛᱟᱭᱚᱢ 'ᱥᱟᱨ ᱥᱟᱫᱽᱞᱮ' ᱯᱟᱛᱷᱟᱢ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ "ᱡᱩᱜᱽ ᱥᱤᱨᱤᱡᱚᱞ" ᱫᱚᱦᱚ ᱮᱱᱟ ᱾ ᱑᱙᱗᱑ ᱥᱟᱞ ᱨᱮ ᱡᱩᱜᱽ ᱥᱤᱨᱤᱡᱚᱞ ᱯᱩᱭᱞᱩ ᱫᱷᱟᱣ ᱩᱪᱷᱟᱹᱱ ᱞᱮᱱᱟ, ᱡᱟᱦᱟᱸ ᱫᱚ ᱱᱤᱛ ᱦᱚᱸ ᱞᱮᱛᱟᱲ ᱜᱮ ᱩᱪᱷᱟᱹᱱᱚᱜ ᱠᱟᱱᱟ ᱾ ᱡᱩᱜᱽ ᱥᱤᱨᱤᱡᱚᱞ ᱨᱮᱱ ᱯᱩᱭᱞᱩ ᱥᱟᱯᱲᱟᱣᱤᱡ ᱦᱚᱸ ᱱᱟᱛᱷᱟᱱᱤᱭᱮᱞ ᱢᱩᱨᱢᱩ ᱜᱮ ᱛᱟᱦᱮᱸ ᱠᱟᱱᱟᱭ ᱾[᱒]
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Pages using infobox magazine with unsupported parameters
- CS1 uses Bengali-language script (bn)
- CS1 Bengali-language sources (bn)
- ᱯᱟᱛᱷᱟᱢ
- ᱥᱟᱱᱛᱟᱲᱤ ᱯᱟᱛᱷᱟᱢ
- ᱥᱟᱶᱦᱮᱫ
- ᱥᱟᱱᱛᱟᱲᱤ ᱥᱟᱶᱦᱮᱫ
- ᱥᱟᱶᱦᱮᱫ ᱯᱟᱛᱷᱟᱢ
- ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ
- ᱨᱳᱢᱟᱱ ᱪᱤᱠᱤ ᱛᱮ ᱯᱟᱨᱥᱟᱞ ᱥᱟᱱᱛᱟᱲᱤ ᱯᱟᱛᱷᱟᱢ
- ᱑᱙᱖᱖ ᱨᱮ ᱮᱦᱚᱵ ᱟᱠᱟᱱ ᱥᱟᱱᱛᱟᱲᱤ ᱯᱟᱛᱷᱟᱢ
- ᱥᱟᱦᱴᱟ ᱨᱮ ᱥᱟᱹᱠᱷᱭᱟᱹᱛ ᱠᱚ ᱵᱷᱩᱞ ᱜᱮ ᱢᱮᱱᱟᱜᱼᱟ