ᱥᱟᱫᱷᱤᱠᱟ ᱨᱟᱱᱫᱷᱟᱣᱟ
ᱥᱟᱫᱷᱤᱠᱟ ᱨᱟᱱᱫᱷᱟᱣᱟ, ᱡᱟᱦᱟᱸᱭ ᱫᱚ ᱥᱟᱫᱷᱤᱠᱟ ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ᱾ ᱩᱱᱤ ᱫᱚ ᱢᱩᱬᱩᱛ ᱦᱤᱱᱫᱤ ᱯᱟᱹᱨᱥᱤ ᱵᱚᱞᱤᱣᱩᱰ ᱢᱩᱵᱷᱤ ᱨᱮ ᱧᱮᱞ ᱟᱠᱟᱱᱟᱭ ᱟᱨ ᱛᱟᱢᱤᱞ, ᱛᱮᱞᱩᱜᱩ, ᱯᱟᱧᱡᱟᱵᱤ, ᱜᱩᱡᱽᱨᱟᱛᱤ, ᱢᱟᱨᱟᱴᱷᱤ ᱟᱨ ᱵᱷᱳᱡᱽᱯᱩᱨᱤ ᱢᱩᱵᱷᱤ ᱤᱱᱰᱚᱥᱴᱨᱤ ᱥᱟᱶᱛᱮ ᱟᱭᱢᱟ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ ᱢᱩᱵᱷᱤ ᱨᱮᱦᱚᱸ ᱠᱟᱹᱢᱤ ᱟᱠᱟᱫᱟᱭ᱾
ᱥᱟᱫᱷᱤᱠᱟ ᱫᱚ ᱑᱙᱙᱕ ᱥᱟᱞ ᱨᱮ ᱥᱟᱱᱟᱢ ᱦᱟᱨᱡᱟᱭᱤ ᱨᱮ ᱯᱩᱭᱞᱩ ᱫᱷᱟᱣ ᱮ ᱧᱮᱞ ᱧᱟᱢ ᱞᱮᱱᱟ᱾ ᱚᱱᱟ ᱛᱟᱭᱚᱢ, ᱩᱱᱤ ᱫᱚ ᱑᱙᱙᱗ ᱥᱟᱞ ᱨᱮ ᱥᱟᱣᱟᱱ ᱠᱩᱢᱟᱨ ᱟᱜ ᱥᱟᱞᱢᱟ ᱯᱮ ᱫᱤᱞ ᱟ ᱜᱟᱭᱟ ᱨᱮ ᱟᱭᱩᱵᱽ ᱠᱷᱟᱱ ᱥᱟᱢᱟᱝ ᱨᱮ ᱠᱟᱹᱢᱤ ᱞᱮᱫᱟ᱾ ᱥᱟᱫᱷᱤᱠᱟ ᱫᱚ ᱟᱭᱢᱟ ᱯᱟᱹᱨᱥᱤ ᱨᱮᱭᱟᱜ ᱯᱷᱤᱞᱢ ᱨᱮ ᱧᱮᱞ ᱟᱠᱟᱱᱟᱭ ᱡᱟᱦᱟᱸ ᱨᱮ ᱦᱟᱯᱷᱛᱟ ᱵᱟᱥᱩᱞᱤ, ᱥᱩᱥᱣᱟᱜᱟᱛᱟᱢ, ᱟᱵᱽ ᱠᱮ ᱵᱟᱨᱟᱥ, ᱯᱭᱟᱥᱟ, ᱒ ᱚᱠᱴᱚᱵᱚᱨ, ᱠᱟᱥ ᱟᱯ ᱦᱟᱢᱟᱨᱮ ᱦᱳᱛᱮ, ᱥᱤᱠᱟᱨ, ᱵᱩᱞᱮᱴ: ᱮᱠ ᱫᱷᱟᱢᱟᱠᱟ ᱟᱨ ᱟᱜᱽᱜᱟᱨ ᱥᱮᱞᱮᱫ ᱢᱮᱱᱟᱜᱼᱟ᱾[᱑] ᱒᱐᱑᱐ ᱠᱷᱚᱱ ᱮᱛᱚᱦᱚᱵ ᱠᱟᱛᱮ, ᱩᱱᱤ ᱫᱚ ᱯᱚᱧᱡᱟᱵᱤ ᱯᱷᱤᱞᱢ ᱥᱤᱢᱨᱟᱱ ᱟᱨ ᱦᱤᱱᱫᱤ ᱯᱷᱤᱞᱢ ᱨᱤᱣᱟᱡᱽ, ᱪᱟᱸᱫᱽ ᱠᱮ ᱯᱟᱨᱮ ᱟᱨ ᱵᱷᱟᱱᱣᱟᱨᱤ ᱠᱟ ᱡᱟᱞ ᱞᱮᱠᱟᱱ ᱛᱤᱨᱞᱟᱹ ᱠᱮᱱᱫᱽᱨᱤᱠ ᱢᱩᱵᱷᱤ ᱨᱮ ᱞᱤᱰ ᱮ ᱠᱷᱮᱞ ᱟᱠᱟᱫᱟ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱭᱟᱜ ᱢᱟᱨᱟᱝ ᱵᱚᱭᱦᱟ ᱫᱚ ᱢᱚᱰᱮᱞ ᱟᱨ ᱮᱠᱴᱨᱮᱥ ᱡᱮᱥᱤ ᱨᱟᱱᱫᱷᱟᱣᱟ ᱠᱟᱱᱟᱭ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱓ - ᱑᱙᱙᱗: ᱮᱛᱚᱦᱚᱵ ᱟᱨ ᱵᱨᱮᱠᱛᱷᱨᱩ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱡᱟᱜ ᱯᱷᱚᱴᱚ ᱥᱟᱣᱟᱱ ᱠᱩᱢᱟᱨ ᱴᱷᱮᱱ ᱤᱢᱮᱞ ᱞᱮᱫᱟ᱾ ᱩᱱᱤ ᱫᱚ ᱩᱱᱤ ᱥᱤᱢᱨᱟᱱ ᱥᱟᱶ ᱥᱟᱱᱟᱢ ᱦᱟᱨᱡᱟᱭᱤ ᱞᱟᱹᱜᱤᱫ ᱥᱟᱭᱤᱱ ᱠᱮᱫᱮᱭᱟ ᱡᱟᱦᱟᱸ ᱫᱚ ᱑᱙᱙᱕ ᱥᱟᱞ ᱨᱮ ᱨᱤᱞᱤᱡᱽ ᱞᱮᱱᱟ᱾ ᱱᱚᱣᱟ ᱫᱚ ᱱᱤᱭᱩᱡᱤᱞᱮᱱᱰ ᱨᱮ ᱥᱩᱴᱤᱝ ᱟᱠᱟᱱ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱢᱩᱵᱷᱤ ᱫᱚ ᱨᱤᱞᱤᱡᱽ ᱛᱟᱭᱚᱢ ᱵᱚᱠᱥ ᱚᱯᱷᱤᱥ ᱨᱮ ᱵᱟᱭ ᱠᱟᱹᱢᱤ ᱫᱟᱲᱮᱭᱟᱫᱟ᱾ ᱑᱙᱙᱗ ᱥᱟᱞ ᱨᱮ ᱩᱱᱤ ᱫᱚ ᱟᱭᱩᱵᱽ ᱠᱷᱟᱱ ᱥᱟᱢᱟᱝ ᱨᱮ ᱥᱟᱞᱢᱟ ᱯᱮ ᱫᱤᱞ ᱟ ᱜᱟᱭᱟ ᱯᱷᱤᱞᱢ ᱨᱮ ᱥᱟᱞᱢᱟ ᱧᱩᱛᱩᱢ ᱛᱮ ᱞᱤᱰ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱪᱟᱞᱟᱣ ᱞᱮᱱᱟ᱾ ᱚᱱᱟ ᱥᱮᱨᱢᱟ ᱨᱮ ᱩᱱᱤ ᱫᱚ ᱛᱮᱞᱩᱜᱩ ᱢᱩᱵᱷᱤ ᱦᱮᱞᱳ ᱟᱭᱤ ᱞᱚᱵᱽ ᱭᱩ ᱥᱟᱶ ᱦᱚᱸ ᱚᱸᱰᱮ ᱯᱩᱭᱞᱩ ᱫᱷᱟᱣ ᱮ ᱧᱮᱞ ᱧᱟᱢ ᱞᱮᱱᱟ᱾
᱑᱙᱙᱘ - ᱒᱐᱐᱙: ᱠᱚᱢᱚᱨᱥᱤᱭᱟᱞ ᱢᱩᱵᱷᱤ ᱨᱮ ᱥᱟᱠᱥᱮᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱘ ᱥᱟᱞ ᱠᱷᱚᱱ ᱮᱛᱚᱦᱚᱵ ᱠᱟᱛᱮ, ᱩᱱᱤ ᱫᱚ ᱫᱟᱠᱷᱤᱱ ᱥᱤᱧᱚᱛ ᱨᱮᱭᱟᱜ ᱢᱩᱵᱷᱤ ᱤᱱᱰᱚᱥᱴᱨᱤ ᱨᱮ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟ᱾ ᱵᱚᱞᱤᱣᱩᱰ ᱨᱮ ᱩᱱᱤ ᱫᱚ ᱟᱭᱩᱵᱽ ᱠᱷᱟᱱ ᱥᱟᱶ ᱟᱨᱦᱚᱸ ᱢᱤᱫ ᱫᱷᱟᱣ ᱢᱟᱞᱴᱤ ᱥᱴᱟᱨᱟᱨ ᱦᱟᱯᱷᱛᱟ ᱵᱟᱥᱩᱞᱤ ᱨᱮ ᱧᱮᱞ ᱟᱠᱟᱱᱟ᱾
᱒᱐᱐᱐ ᱥᱟᱞ ᱨᱮ, ᱩᱱᱤ ᱫᱚ ᱵᱚᱞᱤᱣᱩᱰ ᱨᱮ ᱯᱩᱨᱟᱹ ᱚᱠᱛᱚ ᱞᱟᱹᱜᱤᱫ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱥᱟᱵᱽᱥᱮ ᱵᱟᱰᱟ ᱵᱮᱭᱢᱟᱱ ᱨᱮ ᱞᱤᱰ ᱮ ᱠᱷᱮᱞ ᱠᱮᱫᱟ᱾ ᱒᱐᱐᱒ ᱥᱟᱞ ᱨᱮ ᱩᱱᱤ ᱫᱚ ᱠᱟᱵᱳ, ᱟᱵᱽ ᱠᱮ ᱵᱟᱨᱟᱥ ᱟᱨ ᱯᱭᱟᱥᱟ ᱞᱮᱠᱟᱱ ᱟᱭᱢᱟ ᱨᱤᱞᱤᱡᱽ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱟᱥ ᱟᱯ ᱦᱟᱢᱟᱨᱮ ᱦᱳᱛᱮ (᱒᱐᱐᱓), ᱥᱤᱠᱟᱨ (᱒᱐᱐᱔) ᱟᱨ ᱵᱩᱞᱮᱴ: ᱮᱠ ᱫᱷᱟᱢᱟᱠᱟ (᱒᱐᱐᱕) ᱨᱮ ᱜᱽᱨᱮ ᱥᱮᱰ ᱥᱟᱶ ᱠᱮᱨᱮᱠᱴᱚᱨ ᱮ ᱠᱷᱮᱞ ᱞᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱠᱨᱩᱥᱱᱟ ᱟᱵᱷᱤᱥᱮᱠ ᱥᱟᱢᱟᱝ ᱨᱮ ᱟᱱᱟᱱᱛᱷ, ᱨᱟᱡᱽ ᱥᱤᱯᱤ ᱟᱜ ᱢᱤᱥᱴᱟᱨ ᱠᱷᱩᱡᱟᱞᱤ, ᱦᱟᱭᱫᱟᱨ ᱠᱷᱟᱱ ᱥᱟᱢᱟᱝ ᱨᱮ ᱨᱚᱵᱤ ᱥᱤᱱᱦᱟ ᱟᱜ ᱜᱷᱟᱣ, ᱫᱟ ᱨᱤᱭᱟᱞ ᱥᱟᱭᱟᱱᱟᱭᱤᱰ, ᱢᱟᱭ ᱯᱷᱨᱮᱱᱰ ᱜᱟᱱᱮᱥᱟ ᱔ ᱟᱨ ᱯᱨᱚᱰᱭᱩᱥᱚᱨ ᱵᱮᱫᱽ ᱜᱟᱱᱫᱷᱤ ᱟᱜ ᱟᱭᱮ ᱣᱟᱛᱟᱱ ᱞᱮᱠᱟᱱ ᱯᱨᱚᱡᱮᱠᱴ ᱨᱮ ᱥᱟᱭᱤᱱ ᱠᱮᱫᱟ᱾ ᱱᱚᱣᱟ ᱡᱚᱛᱚ ᱜᱮ ᱥᱮᱞᱵᱷ ᱜᱚᱫ ᱮᱱᱟ, ᱵᱟᱝ ᱨᱤᱞᱤᱡᱽ ᱟᱠᱟᱱ ᱛᱟᱦᱮᱸᱱᱟ ᱟᱨ ᱪᱩᱴᱤᱝ ᱰᱮᱴ ᱥᱟᱶ ᱡᱩᱲᱟᱹᱭ ᱟᱠᱟᱱ ᱤᱥᱩ ᱠᱷᱟᱹᱛᱤᱨ ᱛᱮ ᱩᱱᱤ ᱫᱚ ᱚᱱᱟ ᱠᱷᱚᱱ ᱵᱟᱭ ᱵᱟᱪᱷᱟᱣ ᱞᱮᱱᱟ᱾ ᱥᱟᱫᱷᱤᱠᱟ ᱫᱚ ᱟᱜᱽᱜᱟᱨ (᱒᱐᱐᱗), ᱯᱷᱤᱨ ᱛᱟᱣᱵᱟ ᱛᱟᱣᱵᱟ (᱒᱐᱐᱘) ᱟᱨ ᱢᱮᱨᱤ ᱯᱚᱰᱚᱥᱚᱱ (᱒᱐᱐᱙) ᱨᱮ ᱜᱽᱞᱮᱢᱚᱨᱟᱥ ᱨᱳᱞ ᱮ ᱠᱷᱮᱞ ᱞᱮᱫᱟ᱾ ᱩᱱᱤ ᱫᱚ ᱟᱭᱢᱟ ᱯᱷᱤᱞᱢ ᱨᱮ ᱟᱭᱤᱴᱮᱢ ᱱᱚᱢᱵᱚᱨ ᱨᱮᱦᱚᱸ ᱧᱮᱞ ᱟᱠᱟᱱᱟ ᱡᱮᱞᱮᱠᱟ ᱪᱩᱥᱳᱫᱽᱫᱟᱢ ᱨᱟᱱᱰᱤ (᱒᱐᱐᱐), ᱥᱟᱛᱛᱟ (᱒᱐᱐᱓), ᱡᱟᱱᱟᱢ ᱡᱟᱱᱟᱢ ᱠᱮ ᱥᱟᱛᱷ (᱒᱐᱐᱗) ᱟᱨ ᱣᱮᱠ ᱟᱯ ᱤᱱᱰᱤᱭᱟ (᱒᱐᱑᱓)᱾ ᱩᱱᱤ ᱫᱚ ᱟᱫᱤᱛᱭᱚ ᱱᱟᱨᱟᱭᱚᱱ ᱦᱚᱛᱮᱛᱮ ᱥᱮᱨᱮᱧ ᱟᱠᱟᱱ ᱭᱮ ᱠᱟᱞᱤ ᱠᱟᱞᱤ ᱟᱠᱷᱮᱱ ᱨᱤᱢᱤᱠᱥ ᱞᱮᱠᱟᱱ ᱮᱞᱵᱟᱢ ᱥᱮᱨᱮᱧ ᱨᱮ ᱦᱚᱸ ᱯᱷᱤᱪᱟᱨ ᱟᱠᱟᱱᱟᱭ ᱟᱨ ᱩᱱᱤ ᱫᱚ ᱧᱩᱛᱩᱢᱟᱱ ᱥᱮᱨᱮᱧᱤᱭᱟᱹ ᱫᱟᱞᱮᱨ ᱢᱮᱦᱮᱸᱫᱤ ᱥᱟᱶ ᱩᱱᱤᱭᱟᱜ ᱢᱤᱭᱩᱡᱤᱠ ᱵᱤᱰᱤᱭᱚ ᱮᱞᱵᱟᱢ ᱱᱟᱵᱤ ᱵᱩᱵᱟ ᱱᱟᱵᱤ ᱨᱮ ᱠᱟᱹᱢᱤ ᱟᱠᱟᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Bollywood Hungama". Bollywood Hungama. Archived from the original on 22 February 2008.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱟᱫᱷᱤᱠᱟ ᱨᱟᱱᱫᱷᱟᱣᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Saadhika Randhawa ᱯᱷᱮᱥᱵᱩᱠ ᱨᱮ