Jump to content

ᱥᱟᱫᱽᱭᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱫᱽᱭᱟ
ᱡᱟᱱᱟᱢ ᱴᱷᱟᱶᱥᱤᱧᱚᱛ
ᱴᱚᱴᱷᱟ ᱟᱨᱵᱟᱝ ᱯᱚᱱᱚᱛᱠᱮᱨᱟᱞᱟ
ᱵᱟᱹᱲᱛᱤᱠᱟᱢᱟᱭᱟᱱ
ᱟᱹᱨᱤᱪᱟᱹᱞᱤ ᱠᱮᱨᱟᱞᱟ ᱥᱟᱫᱽᱭᱟ

ᱥᱟᱫᱽᱭᱟ (Malayalam: സദ്യ), ᱡᱟᱦᱟᱸ ᱫᱚ ᱥᱟᱫᱷᱭᱟ ᱦᱚᱸ ᱠᱚ ᱚᱞᱟ, ᱱᱚᱣᱟ ᱫᱚ ᱠᱮᱨᱟᱞᱟ ᱨᱮᱭᱟᱜ ᱢᱤᱫ ᱡᱚᱢᱟᱜ ᱠᱟᱱᱟ ᱟᱨ ᱡᱚᱛᱚ ᱢᱟᱞᱟᱭᱟᱞᱤ ᱠᱚ ᱞᱟᱹᱜᱤᱫ ᱟᱹᱰᱤ ᱞᱟᱹᱠᱛᱤᱭᱟᱱᱟᱜ ᱠᱟᱱᱟ, ᱡᱟᱦᱟᱸ ᱨᱮ ᱟᱭᱢᱟ ᱞᱮᱠᱟᱱ ᱟᱹᱨᱤᱪᱟᱹᱞᱤ ᱱᱤᱨᱟᱢᱤᱥ ᱡᱚᱢᱟᱜ ᱠᱚ ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱵᱟᱹᱲᱛᱤ ᱠᱟᱛᱮ ᱴᱤᱠᱤᱱ ᱡᱚᱢᱟᱜ ᱞᱮᱠᱟᱛᱮ ᱢᱤᱫ ᱠᱟᱭᱨᱟ ᱥᱟᱠᱟᱢ ᱨᱮᱠᱚ ᱮᱢᱟᱜᱼᱟ ᱾[᱑] ᱥᱟᱫᱽᱭᱟ ᱫᱚ ᱵᱟᱹᱲᱛᱤ ᱠᱟᱛᱮ ᱦᱤᱱᱫᱩ ᱯᱟᱨᱟᱵᱽ ᱠᱚ ᱡᱮᱞᱮᱠᱟ ᱳᱱᱟᱢ ᱟᱨ ᱵᱤᱥᱩ ᱞᱟᱹᱜᱤᱫ ᱟᱹᱨᱤᱪᱟᱹᱞᱤ ᱵᱷᱳᱡᱽ ᱞᱮᱠᱟᱛᱮ ᱠᱚ ᱮᱢᱟᱜᱼᱟ,[᱒] ᱚᱱᱟ ᱥᱟᱶᱛᱮ ᱮᱴᱟᱜ ᱟᱥᱚᱠᱟᱭ ᱚᱠᱛᱚ ᱠᱚᱨᱮ ᱡᱮᱞᱮᱠᱟ ᱡᱟᱱᱟᱢ ᱢᱟᱦᱟ ᱟᱨ ᱵᱟᱯᱞᱟ ᱠᱚᱨᱮ ᱦᱚᱸ ᱠᱚ ᱮᱢᱟᱜ ᱜᱮᱭᱟ ᱾

ᱟᱹᱲᱟᱹ ᱥᱤᱨᱡᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱞᱟᱭᱟᱞᱟᱢ ᱟᱹᱲᱟᱹ ᱥᱟᱫᱽᱭᱟ ᱫᱚ ᱥᱚᱸᱥᱠᱨᱤᱛ ᱟᱹᱲᱟᱹ ságdhi- ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱢᱤᱫ ᱜᱟᱶᱛᱟᱨᱤ ᱵᱷᱳᱡᱽ ᱠᱟᱱᱟ ᱾[᱓]

ᱧᱮᱱᱮᱞ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱟᱞᱞᱟ ᱥᱟᱫᱽᱭᱟ

ᱢᱤᱫ ᱥᱟᱫᱷᱟᱨᱚᱱ ᱥᱟᱫᱽᱭᱟ ᱨᱮ ᱒᱔ ᱠᱷᱚᱱ ᱒᱘ ᱜᱚᱴᱟᱝ ᱡᱚᱢᱟᱜ ᱢᱤᱫ ᱫᱷᱟᱣ ᱨᱮᱠᱚ ᱮᱢᱟᱜᱼᱟ ᱾[᱔] ᱟᱫᱚᱢ ᱚᱠᱛᱚ ᱨᱮ, ᱡᱟᱦᱟᱸ ᱨᱮ ᱱᱚᱣᱟ ᱟᱹᱰᱤ ᱢᱟᱨᱟᱝ ᱛᱟᱦᱮᱸᱱᱟ, ᱚᱸᱰᱮ ᱖᱔ ᱠᱷᱚᱱ ᱦᱚᱸ ᱵᱟᱹᱲᱛᱤ ᱡᱚᱢᱟᱜ ᱛᱟᱦᱮᱸ ᱫᱟᱲᱮᱭᱟᱜᱼᱟ, ᱡᱮᱞᱮᱠᱟ ᱟᱨᱚᱱᱢᱩᱞᱟ ᱵᱷᱟᱞᱞᱟᱢᱠᱟᱞᱤ ᱞᱟᱹᱜᱤᱫ ᱥᱟᱫᱽᱭᱟ (ᱵᱷᱟᱞᱞᱟ-ᱥᱟᱫᱽᱭᱟ) ᱾[᱕] ᱢᱤᱫ ᱟᱹᱨᱤᱪᱟᱹᱞᱤ ᱥᱟᱫᱽᱭᱟ ᱡᱚᱢ ᱚᱠᱛᱚ, ᱦᱚᱲ ᱠᱚᱫᱚ ᱯᱟᱹᱴᱤᱭᱟᱹ ᱪᱮᱛᱟᱱ ᱨᱮ ᱠᱚ ᱫᱩᱲᱩᱵᱟ ᱾[᱖] ᱡᱚᱢᱟᱜ ᱫᱚ ᱡᱚᱡᱚᱢ ᱛᱤ ᱛᱮᱠᱚ ᱡᱚᱢᱟ, ᱵᱤᱱᱟᱹ ᱪᱟᱹᱢᱩᱪ ᱛᱮ ᱾[᱖] ᱠᱟᱹᱴᱩᱵ ᱠᱚᱫᱚ ᱢᱤᱫ ᱞᱩᱣᱟᱹᱜ ᱞᱮᱠᱟᱛᱮ ᱠᱚ ᱵᱮᱱᱟᱣᱟ ᱾[᱖]

ᱢᱩᱬᱩᱛ ᱡᱚᱢᱟᱜ ᱫᱚ ᱤᱥᱤᱱ ᱫᱟᱠᱟ ᱠᱟᱱᱟ, ᱡᱟᱦᱟᱸ ᱫᱚ ᱮᱴᱟᱜ ᱩᱛᱩ ᱠᱚ/ᱠᱩᱴᱴᱟᱱ ᱥᱟᱶ ᱠᱚ ᱮᱢᱟᱜᱼᱟ ᱡᱟᱦᱟᱸ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱯᱟᱨᱤᱯᱯᱩ, ᱥᱟᱢᱵᱟᱨ, ᱨᱟᱥᱟᱢ, ᱯᱩᱞᱤᱥᱥᱮᱨᱤ ᱟᱨ ᱮᱴᱟᱜᱟᱜ ᱠᱚ ᱡᱮᱞᱮᱠᱟ ᱠᱟᱞᱟᱱ, ᱟᱵᱷᱤᱭᱟᱞ, ᱛᱷᱳᱨᱟᱱ, ᱳᱞᱟᱱ, ᱯᱟᱪᱟᱰᱤ, ᱠᱤᱪᱟᱰᱤ, ᱠᱩᱴᱴᱩᱠᱟᱨᱤ, ᱮᱨᱤᱥᱥᱮᱨᱤ, ᱩᱞ ᱟᱪᱟᱨ, ᱤᱱᱡᱤᱯᱩᱞᱤ, ᱢᱮᱡᱷᱩᱠᱠᱩᱯᱩᱨᱟᱴᱴᱤ, ᱱᱟᱨᱟᱝᱜᱟ ᱟᱪᱟᱨ (ᱞᱮᱢᱵᱩ ᱟᱪᱟᱨ), ᱚᱱᱟ ᱥᱟᱶᱛᱮ ᱯᱟᱯᱟᱰᱟᱢ, ᱠᱟᱭᱨᱟ ᱪᱤᱯᱥ, ᱥᱟᱨᱠᱟᱨᱟ ᱩᱯᱯᱮᱨᱤ, ᱠᱟᱭᱨᱟ, ᱥᱟᱫᱷᱟᱨᱚᱱ ᱫᱟᱹᱦᱤ ᱟᱨ ᱢᱟᱴᱷᱟ ᱾[᱕][᱗][᱘][᱙] ᱢᱟᱴᱷᱟ ᱫᱚ ᱵᱟᱹᱲᱛᱤ ᱠᱟᱛᱮ ᱡᱚᱢ ᱢᱩᱪᱟᱹᱫ ᱥᱮᱫ ᱠᱚ ᱮᱢᱟᱜᱼᱟ ᱾[᱕] ᱡᱚᱢ ᱢᱩᱪᱟᱹᱫ ᱨᱮ ᱮᱢᱚᱜ ᱠᱟᱱ ᱟᱹᱨᱤᱪᱟᱹᱞᱤ ᱦᱮᱲᱮᱢ ᱡᱚᱢᱟᱜ ᱡᱟᱦᱟᱸ ᱫᱚ ᱯᱟᱭᱟᱥᱟᱢ ᱠᱚ ᱢᱮᱛᱟᱜᱼᱟ, ᱚᱱᱟ ᱫᱚ ᱟᱭᱢᱟ ᱞᱮᱠᱟᱱᱟᱜ ᱛᱟᱦᱮᱸᱱᱟ[᱕] ᱟᱨ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱯᱮᱭᱟ ᱥᱮ ᱚᱱᱟ ᱠᱷᱚᱱ ᱵᱟᱹᱲᱛᱤ ᱠᱚ ᱮᱢᱟᱜᱼᱟ ᱾ ᱟᱫᱚᱢ ᱞᱮᱠᱟᱱᱟᱜ ᱠᱚᱫᱚ ᱦᱩᱭᱩᱜ ᱠᱟᱱᱟ ᱯᱟᱞᱟᱫᱟ ᱯᱨᱚᱫᱷᱚᱢᱚᱱ, ᱟᱫᱟ ᱯᱨᱚᱫᱷᱚᱢᱚᱱ, ᱯᱟᱨᱤᱯᱯᱩ ᱯᱨᱚᱫᱷᱚᱢᱚᱱ, ᱪᱟᱠᱠᱟ ᱯᱨᱚᱫᱷᱚᱢᱚᱱ, ᱜᱳᱛᱷᱟᱢᱯᱩ ᱯᱟᱭᱟᱥᱟᱢ, ᱯᱟᱞ ᱯᱟᱭᱟᱥᱟᱢ, ᱮᱢᱟᱱ ᱾ ᱟᱭᱢᱟ ᱞᱮᱠᱟᱱ ᱩᱛᱩ ᱠᱚᱫᱚ ᱡᱩᱫᱟᱹ ᱡᱩᱫᱟᱹ ᱥᱚᱵᱽᱡᱤ ᱠᱚᱛᱮ ᱵᱮᱱᱟᱣ ᱠᱚᱜᱼᱟ ᱟᱨ ᱚᱱᱟ ᱨᱮᱭᱟᱜ ᱟᱯᱱᱟᱨ ᱥᱤᱵᱤᱞ ᱛᱟᱦᱮᱸᱱᱟ ᱾ ᱟᱭᱢᱟ ᱞᱮᱠᱟᱱ ᱩᱛᱩ ᱫᱚ ᱠᱤᱥᱟᱹᱬ ᱟᱨ ᱱᱟᱯᱟᱭ ᱛᱟᱦᱮᱸᱱ ᱨᱮᱭᱟᱜ ᱪᱤᱱᱦᱟᱹ ᱠᱟᱱᱟ ᱾

ᱳᱱᱟᱢ ᱞᱟᱹᱜᱤᱫ ᱢᱤᱫ ᱥᱟᱫᱽᱭᱟ ᱮᱢᱚᱜ

ᱡᱚᱢᱟᱜ ᱠᱚᱫᱚ ᱠᱟᱭᱨᱟ ᱥᱟᱠᱟᱢ ᱨᱮᱭᱟᱜ ᱡᱩᱫᱟᱹ ᱡᱩᱫᱟᱹ ᱴᱷᱟᱶ ᱨᱮᱠᱚ ᱮᱢᱟᱜᱼᱟ ᱾[᱑᱐] ᱡᱮᱞᱮᱠᱟ, ᱟᱪᱟᱨ ᱫᱚ ᱪᱮᱛᱟᱱ ᱞᱮᱸᱜᱟ ᱠᱚᱬ ᱨᱮ ᱟᱨ ᱠᱟᱭᱨᱟ ᱫᱚ ᱞᱟᱛᱟᱨ ᱞᱮᱸᱜᱟ ᱠᱚᱬ ᱨᱮᱠᱚ ᱮᱢᱟᱜᱼᱟ, ᱡᱟᱦᱟᱸ ᱫᱚ ᱮᱢᱚᱜ ᱠᱩᱜ ᱠᱚ ᱟᱞᱜᱟ ᱛᱮ ᱪᱤᱱᱦᱟᱹᱣ ᱟᱨ ᱵᱟᱹᱲᱛᱤ ᱮᱢᱚᱜ ᱨᱮᱭᱟᱜ ᱜᱚᱴᱟ ᱨᱮ ᱜᱚᱲᱚ ᱮᱢᱟᱠᱚᱣᱟ ᱾ ᱡᱚᱛᱚ ᱡᱚᱢᱟᱜ ᱨᱮᱜᱮ ᱵᱟᱹᱲᱛᱤ ᱵᱮᱵᱷᱟᱨᱚᱜ ᱡᱤᱱᱤᱥ ᱫᱚ ᱱᱟᱹᱬᱠᱚᱲ ᱠᱟᱱᱟ ᱪᱮᱫᱟᱜ ᱥᱮ ᱠᱮᱨᱟᱞᱟ ᱨᱮ ᱱᱚᱣᱟ ᱟᱹᱰᱤ ᱵᱟᱹᱲᱛᱤ ᱧᱟᱢᱚᱜᱼᱟ ᱾ ᱟᱫᱚᱢ ᱡᱚᱢᱟᱜ ᱠᱚᱨᱮ ᱱᱟᱹᱬᱠᱚᱲ ᱛᱳᱣᱟ ᱠᱚ ᱵᱮᱵᱷᱟᱨᱟ, ᱟᱨ ᱵᱷᱟᱹᱡᱤ ᱞᱟᱹᱜᱤᱫ ᱱᱟᱹᱬᱠᱚᱲ ᱥᱩᱱᱩᱢ ᱠᱚ ᱵᱮᱵᱷᱟᱨᱟ ᱾

ᱴᱚᱴᱷᱟᱠᱤᱭᱟᱹ ᱟᱹᱨᱤᱪᱟᱹᱞᱤ ᱟᱨ ᱡᱤᱱᱤᱥ ᱧᱟᱢᱚᱜ ᱞᱮᱠᱟᱛᱮ ᱥᱟᱫᱽᱭᱟ ᱢᱮᱱᱩ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱧᱮᱞᱚᱜᱼᱟ ᱾ ᱦᱩᱫᱤᱥ ᱫᱚ ᱱᱚᱣᱟ ᱠᱟᱱᱟ ᱡᱮ ᱠᱮᱨᱟᱞᱟ ᱥᱮ ᱥᱤᱧᱚᱛ ᱨᱮᱭᱟᱜ ᱮᱛᱚᱢ-ᱯᱟᱪᱮ ᱫᱷᱟᱨᱮ ᱨᱮᱭᱟᱜ ᱟᱹᱨᱤᱪᱟᱹᱞᱤ ᱟᱨ ᱨᱤᱛᱩ ᱞᱮᱠᱟᱱ ᱥᱚᱵᱽᱡᱤ ᱵᱮᱵᱷᱟᱨᱚᱜ ᱠᱟᱱ ᱨᱮᱦᱚᱸ, ᱱᱮᱛᱟᱨ ᱫᱚ ᱜᱟᱡᱚᱨ, ᱟᱱᱟᱨᱚᱥ ᱟᱨ ᱵᱤᱱᱥ ᱞᱮᱠᱟᱱ ᱥᱚᱵᱽᱡᱤ ᱠᱚ ᱡᱚᱢᱟᱜ ᱨᱮ ᱥᱮᱞᱮᱫ ᱥᱟᱫᱷᱟᱨᱚᱱ ᱦᱩᱭ ᱟᱠᱟᱱᱟ ᱾ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱥᱟᱫᱽᱭᱟ ᱨᱮᱭᱟᱜ ᱡᱚᱢᱟᱜ ᱨᱮ ᱯᱮᱭᱟᱸᱡᱽ ᱥᱮ ᱨᱟᱹᱥᱩᱬ ᱵᱟᱝ ᱛᱟᱦᱮᱸᱱᱟ ᱾ ᱡᱚᱢ ᱛᱟᱭᱚᱢ ᱪᱩᱱ ᱟᱨ ᱜᱩᱣᱟᱹ ᱥᱟᱶ ᱵᱷᱮᱴᱴᱤᱞᱟ ᱢᱩᱨᱩᱠᱠᱟᱱ, ᱯᱟᱱ ᱥᱟᱠᱟᱢ[᱑᱑] ᱠᱚ ᱛᱚᱜᱚᱡᱽ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱫᱚ ᱡᱚᱢᱟᱜ ᱦᱚᱡᱚᱢ ᱨᱮ ᱜᱚᱲᱚᱭ ᱮᱢᱟ ᱟᱨ ᱢᱚᱪᱟ ᱥᱟᱯᱷᱟᱭᱟᱭ ᱾[᱑᱑]

ᱵᱷᱮᱜᱟᱨ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  • ᱛᱨᱤᱵᱮᱱᱫᱨᱚᱢ ᱥᱟᱫᱷᱭᱟ
  • ᱵᱷᱟᱞᱞᱟ ᱥᱟᱫᱷᱭᱟ

ᱥᱟᱯᱲᱟᱣ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱪᱟᱰᱤ ᱫᱚ ᱟᱫᱚᱢ ᱚᱠᱛᱚ ᱥᱟᱫᱽᱭᱟ ᱨᱮᱠᱚ ᱵᱮᱵᱷᱟᱨᱟ ᱾

ᱥᱟᱫᱽᱭᱟ ᱫᱚ ᱵᱟᱹᱲᱛᱤ ᱠᱟᱛᱮ ᱴᱤᱠᱤᱱ ᱡᱚᱢᱟᱜ ᱞᱟᱹᱜᱤᱫ ᱠᱚ ᱮᱢᱟᱜᱼᱟ,[᱑᱒] ᱮᱱᱦᱚᱸ ᱧᱤᱫᱟᱹ ᱡᱚᱢᱟᱜ ᱞᱟᱹᱜᱤᱫ ᱦᱚᱸ ᱢᱤᱫ ᱦᱟᱞᱠᱟ ᱞᱮᱠᱟᱱᱟᱜ ᱠᱚ ᱮᱢᱟᱜᱼᱟ ᱾ ᱥᱟᱯᱲᱟᱣ ᱫᱚ ᱢᱟᱲᱟᱝ ᱧᱤᱫᱟᱹ ᱠᱷᱚᱱ ᱮᱛᱚᱦᱚᱵᱚᱜᱼᱟ, ᱟᱨ ᱯᱟᱨᱟᱵᱽ ᱢᱟᱦᱟ ᱥᱮᱛᱟᱜ ᱜᱮᱞ ᱴᱟᱲᱟᱝ ᱢᱟᱲᱟᱝ ᱨᱮ ᱡᱚᱢᱟᱜ ᱠᱚ ᱵᱮᱱᱟᱣ ᱥᱟᱹᱛᱚᱜᱼᱟ ᱾ ᱱᱮᱛᱟᱨ ᱫᱚ, ᱥᱟᱫᱽᱭᱟ ᱴᱮᱵᱩᱞ ᱪᱮᱛᱟᱱ ᱨᱮᱠᱚ ᱮᱢᱟᱜᱼᱟ, ᱪᱮᱫᱟᱜ ᱥᱮ ᱦᱚᱲ ᱠᱚ ᱚᱛ ᱨᱮ ᱫᱩᱲᱩᱵ ᱵᱟᱝ ᱠᱚ ᱠᱩᱥᱤᱭᱟᱜ ᱠᱟᱱᱟ ᱾ ᱥᱟᱫᱽᱭᱟ ᱞᱟᱹᱜᱤᱫ ᱡᱤᱱᱤᱥ/ᱥᱟᱢᱟᱱ ᱠᱚ ᱡᱚᱜᱟᱲ ᱫᱚ ᱜᱩᱱᱢᱟᱱ ᱱᱤᱪᱚᱞ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱟᱨ ᱥᱚᱱᱛᱚᱨ ᱦᱚᱨᱟ ᱠᱟᱱᱟ ᱾ ᱥᱟᱫᱽᱭᱟ ᱵᱮᱱᱟᱣ ᱞᱟᱹᱜᱤᱫ ᱥᱮᱸᱜᱮᱞ ᱫᱚ ᱚᱜᱽᱱᱤ ᱴᱷᱮᱱ ᱱᱮᱦᱚᱸᱨ ᱛᱟᱭᱚᱢ ᱠᱚ ᱡᱩᱞᱟ, ᱟᱨ ᱯᱩᱭᱞᱩ ᱮᱢᱚᱜ ᱫᱚ ᱢᱤᱫ ᱡᱩᱞᱩᱜ ᱠᱟᱱ ᱱᱤᱞᱟᱵᱷᱤᱞᱟᱠᱠᱩ ᱥᱟᱢᱟᱝ ᱨᱮ ᱠᱟᱭᱨᱟ ᱥᱟᱠᱟᱢ ᱪᱮᱛᱟᱱ ᱨᱮ ᱜᱚᱱᱚᱯᱚᱛᱤ ᱴᱷᱮᱱ ᱠᱚ ᱪᱟᱞᱟᱜᱼᱟ ᱾

ᱥᱟᱫᱽᱭᱟ ᱨᱮ, ᱡᱚᱢᱟᱜ ᱠᱚᱫᱚ ᱢᱤᱫ ᱠᱟᱭᱨᱟ ᱥᱟᱠᱟᱢ ᱪᱮᱛᱟᱱ ᱨᱮᱠᱚ ᱮᱢᱟᱜᱼᱟ ᱾[᱕] ᱡᱚᱢ ᱢᱩᱪᱟᱹᱫ ᱛᱟᱭᱚᱢ ᱥᱟᱠᱟᱢ ᱫᱚ ᱠᱚ ᱜᱩᱴᱤᱭᱟ ᱟᱨ ᱠᱚ ᱵᱚᱸᱫᱚᱭᱟ ᱾[᱑᱓] ᱟᱫᱚᱢ ᱚᱠᱛᱚ ᱨᱮ, ᱥᱟᱠᱟᱢ ᱟᱯᱱᱟᱨ ᱥᱮᱫ ᱜᱩᱴᱤ ᱫᱚ ᱡᱚᱢᱟᱜ ᱨᱮᱭᱟᱜ ᱥᱩᱠ ᱮ ᱥᱚᱫᱚᱨᱟ, ᱟᱨ ᱟᱯᱱᱟᱨ ᱠᱷᱚᱱ ᱥᱟᱦᱟ ᱥᱮᱫ ᱜᱩᱴᱤ ᱫᱚ ᱡᱚᱢᱟᱜ ᱟᱨᱦᱚᱸ ᱱᱟᱯᱟᱭ ᱦᱩᱭ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱵᱩᱡᱷᱟᱹᱣᱜᱼᱟ ᱾[᱑᱓] ᱮᱱᱦᱚᱸ, ᱥᱟᱠᱟᱢ ᱜᱩᱴᱤ ᱨᱮᱭᱟᱜ ᱥᱮᱫ ᱫᱚ ᱠᱮᱨᱟᱞᱟ ᱨᱮᱭᱟᱜ ᱡᱩᱫᱟᱹ ᱡᱩᱫᱟᱹ ᱦᱟᱹᱴᱤᱧ ᱨᱮ ᱡᱩᱫᱟᱹ ᱡᱩᱫᱟᱹ ᱢᱮᱱᱮᱛ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾[᱑᱔]

ᱛᱟᱞᱢᱟ ᱛᱨᱟᱵᱷᱟᱱᱠᱳᱨ-ᱥᱴᱟᱭᱤᱞ ᱥᱟᱫᱽᱭᱟ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱱᱤᱭᱚᱢ ᱟᱨ ᱟᱹᱨᱤᱪᱟᱹᱞᱤ ᱛᱮ ᱛᱚᱞ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾[᱑᱕] ᱡᱚᱢᱟᱜ ᱮᱢᱚᱜ ᱨᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱢᱤᱫ ᱥᱟᱡᱟᱣ ᱠᱚ ᱢᱟᱱᱟᱣᱟ, ᱡᱟᱦᱟᱸ ᱫᱚ ᱯᱩᱭᱞᱩ ᱨᱮ ᱪᱤᱯᱥ ᱟᱨ ᱟᱪᱟᱨ ᱠᱷᱚᱱ ᱮᱛᱚᱦᱚᱵᱚᱜᱼᱟ ᱾[᱑᱐][᱙] ᱮᱱᱦᱚᱸ, ᱴᱚᱴᱷᱟᱠᱤᱭᱟᱹ ᱠᱩᱥᱤ ᱞᱮᱠᱟᱛᱮ ᱠᱮᱨᱟᱞᱟ ᱨᱮᱭᱟᱜ ᱡᱩᱫᱟᱹ ᱡᱩᱫᱟᱹ ᱦᱟᱹᱴᱤᱧ ᱨᱮ ᱡᱚᱢᱟᱜ ᱵᱮᱱᱟᱣ ᱟᱨ ᱮᱢᱚᱜ ᱨᱮᱭᱟᱜ ᱡᱩᱫᱟᱹ ᱡᱩᱫᱟᱹ ᱥᱴᱟᱭᱤᱞ ᱟᱨ ᱦᱚᱨᱟ ᱠᱚ ᱟᱯᱱᱟᱨᱚᱜᱼᱟ ᱾ ᱟᱨᱚᱱᱢᱩᱞᱟ ᱵᱷᱟᱞᱞᱟ-ᱥᱟᱫᱽᱭᱟ ᱫᱚ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱥᱟᱫᱽᱭᱟ ᱠᱟᱱᱟ ᱡᱟᱦᱟᱸ ᱨᱮ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱖᱔ ᱠᱷᱚᱱ ᱵᱟᱹᱲᱛᱤ ᱡᱚᱢᱟᱜ ᱠᱚ ᱮᱢᱟᱜᱼᱟ ᱾[᱑᱖]

ᱥᱟᱫᱷᱟᱨᱚᱱ ᱡᱤᱱᱤᱥ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱟᱱ ᱠᱚᱨᱮ ᱥᱮᱞᱮᱫ ᱢᱮᱱᱟᱜᱼᱟ:[᱑᱕][᱑᱗]

ᱥᱟᱫᱽᱭᱟ ᱡᱤᱱᱤᱥ ᱠᱚ ᱾ ᱪᱮᱛᱟᱱ ᱠᱷᱚᱱ ᱜᱷᱩᱲᱤ ᱠᱟᱸᱴᱟ ᱞᱮᱠᱟᱛᱮ: ᱯᱟᱭᱟᱥᱟᱢ (ᱢᱚᱜᱽ ᱨᱮ), ᱠᱟᱨᱞᱟ ᱛᱷᱳᱨᱟᱱ, ᱟᱵᱷᱤᱭᱟᱞ, ᱠᱟᱞᱟᱱ, ᱞᱮᱢᱵᱩ ᱟᱪᱟᱨ, ᱥᱟᱢᱵᱟᱨ, ᱢᱟᱴᱷᱟ, ᱛᱟᱞᱟ ᱨᱮ ᱤᱥᱤᱱ ᱫᱟᱠᱟ
  • ᱫᱟᱠᱟ: ᱱᱚᱣᱟ ᱫᱚ ᱥᱟᱫᱽᱭᱟ ᱨᱮᱭᱟᱜ ᱢᱩᱬᱩᱛ ᱡᱤᱱᱤᱥ ᱠᱟᱱᱟ ᱾ ᱱᱚᱣᱟ ᱫᱚ ᱵᱟᱹᱲᱛᱤ ᱠᱟᱛᱮ ᱠᱮᱨᱟᱞᱟ ᱟᱨᱟᱜ ᱪᱟᱣᱞᱮ (ᱟᱫᱷᱟ-ᱯᱳᱞᱤᱥ ᱟᱠᱟᱱ ᱤᱥᱤᱱ ᱟᱠᱟᱱ ᱵᱨᱟᱣᱩᱱ[᱑᱕][᱑᱘]) ᱠᱟᱱᱟ ᱡᱟᱦᱟᱸ ᱫᱚ ᱥᱟᱫᱽᱭᱟ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ, ᱢᱮᱱᱠᱷᱟᱱ ᱠᱮᱨᱟᱞᱟ ᱢᱟᱴᱴᱟ ᱪᱟᱣᱞᱮ ᱫᱚ ᱟᱫᱚᱢ ᱚᱠᱛᱚ ᱵᱮᱵᱷᱟᱨᱚᱜᱼᱟ ᱾[᱑᱙]
  • ᱯᱟᱨᱤᱯᱯᱩ: ᱢᱤᱫ ᱜᱟᱰᱷᱟ ᱩᱛᱩ ᱫᱟᱹᱞ ᱡᱚᱢᱟᱜ ᱾
  • ᱥᱟᱢᱵᱟᱨ: ᱫᱟᱹᱞ, ᱡᱚᱡᱚ, ᱥᱚᱵᱽᱡᱤ ᱡᱮᱞᱮᱠᱟ ᱢᱩᱱᱜᱟᱹ, ᱵᱤᱞᱟᱹᱛᱤ, ᱯᱤᱸᱰᱟᱹ ᱮᱢᱟᱱ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱜᱟᱰᱷᱟ ᱨᱟᱥᱮ, ᱟᱨ ᱦᱤᱝ ᱛᱮ ᱥᱤᱵᱤᱞ ᱵᱟᱹᱲᱛᱤ ᱟᱠᱟᱱᱟ ᱾
  • ᱨᱟᱥᱟᱢ: ᱡᱚᱡᱚ,[᱒᱐] ᱵᱤᱞᱟᱹᱛᱤ, ᱟᱨ ᱢᱚᱥᱞᱟ ᱡᱮᱞᱮᱠᱟ ᱜᱳᱞᱢᱚᱨᱤᱪ, ᱦᱤᱝ, ᱫᱷᱚᱱᱤᱭᱟ, ᱢᱟᱹᱨᱤᱪ, ᱮᱢᱟᱱ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱫᱟᱜ ᱫᱟᱜ ᱡᱚᱢᱟᱜ ᱾ ᱱᱚᱣᱟ ᱫᱚ ᱟᱹᱰᱤ ᱡᱷᱟᱞ ᱥᱤᱵᱤᱞᱟ ᱟᱨ ᱦᱚᱡᱚᱢ ᱨᱮ ᱜᱚᱲᱚᱭ ᱮᱢᱟ ᱾ ᱮᱱᱦᱚᱸ, ᱟᱫᱚᱢ ᱴᱚᱴᱷᱟ ᱨᱮᱫᱚ ᱨᱟᱥᱟᱢ ᱥᱟᱫᱽᱭᱟ ᱨᱮᱭᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱵᱟᱝ ᱠᱚ ᱞᱮᱠᱷᱟᱭᱟ ᱾
  • ᱟᱵᱷᱤᱭᱟᱞ: ᱟᱭᱢᱟ ᱞᱮᱠᱟᱱ ᱥᱚᱵᱽᱡᱤ ᱟᱨ ᱱᱟᱹᱬᱠᱚᱲ ᱨᱮᱭᱟᱜ ᱢᱤᱫ ᱜᱟᱰᱷᱟ ᱢᱮᱥᱟ, ᱱᱚᱣᱟ ᱫᱚ ᱠᱟᱹᱨᱤ ᱥᱟᱠᱟᱢ ᱟᱨ ᱱᱟᱹᱬᱠᱚᱲ ᱥᱩᱱᱩᱢ ᱛᱮ ᱪᱷᱩᱸᱠᱟᱹᱣ ᱠᱚᱜᱼᱟ ᱾[᱙]
  • ᱠᱟᱞᱟᱱ: ᱫᱟᱹᱦᱤ, ᱱᱟᱹᱬᱠᱚᱲ, ᱟᱨ ᱡᱟᱦᱟᱸ ᱜᱮ ᱢᱤᱫᱴᱟᱹᱝ ᱥᱚᱵᱽᱡᱤ ᱡᱮᱞᱮᱠᱟ "ᱱᱮᱱᱫᱽᱨᱟᱱ" ᱠᱟᱭᱨᱟ ᱥᱮ ᱫᱟᱜ ᱟᱞᱩ ᱞᱮᱠᱟᱱ ᱯᱤᱸᱰᱟᱹ ᱛᱮ ᱵᱮᱱᱟᱣ ᱠᱚᱜᱼᱟ ᱾ ᱱᱚᱣᱟ ᱫᱚ ᱟᱹᱰᱤ ᱜᱟᱰᱷᱟ ᱟᱨ ᱟᱹᱰᱤ ᱡᱚᱡᱚ ᱜᱮᱭᱟ, ᱟᱨ ᱫᱟᱜ ᱠᱚᱢ ᱛᱟᱦᱮᱸᱱ ᱠᱷᱟᱹᱛᱤᱨ ᱵᱟᱹᱲᱛᱤ ᱚᱠᱛᱚ ᱫᱷᱟᱹᱵᱤᱡ ᱴᱤᱠᱟᱹᱣᱜᱼᱟ ᱾[᱑᱗]
  • ᱳᱞᱟᱱ: ᱢᱤᱫ ᱦᱟᱞᱠᱟ ᱡᱚᱢᱟᱜ, ᱡᱟᱦᱟᱸ ᱫᱚ ᱯᱩᱸᱰ ᱠᱚᱦᱰᱟ ᱥᱮ ᱦᱮᱸᱫᱮ ᱢᱚᱴᱚᱨ, ᱱᱟᱹᱬᱠᱚᱲ ᱛᱳᱣᱟ, ᱟᱨ ᱟᱫᱟ ᱛᱮ ᱵᱮᱱᱟᱣ ᱠᱚᱜᱼᱟ ᱡᱟᱦᱟᱸ ᱫᱚ ᱱᱟᱨᱠᱚᱲ ᱥᱩᱱᱩᱢ ᱛᱮ ᱪᱷᱩᱸᱠᱟᱹᱣ ᱠᱚᱜᱼᱟ ᱾[᱙][᱑᱕]
  • ᱠᱩᱴᱴᱩᱠᱟᱨᱤ: ᱥᱚᱵᱽᱡᱤ ᱠᱚ ᱡᱮᱞᱮᱠᱟ ᱠᱟᱭᱨᱟ ᱥᱮ ᱯᱤᱸᱰᱟᱹ ᱡᱟᱦᱟᱸ ᱫᱚ ᱪᱷᱚᱞᱟ ᱫᱟᱹᱞ, ᱱᱟᱹᱬᱠᱚᱲ ᱟᱨ ᱜᱳᱞᱢᱚᱨᱤᱪ ᱥᱟᱶ ᱤᱥᱤᱱ ᱠᱚᱜᱼᱟ ᱾[᱒᱑]
  • ᱮᱨᱤᱥᱥᱮᱨᱤ: ᱠᱚᱦᱰᱟ, ᱦᱮᱸᱫᱮ-ᱢᱮᱫ ᱢᱚᱴᱚᱨ ᱟᱨ ᱱᱟᱹᱬᱠᱚᱲ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱜᱟᱰᱷᱟ ᱩᱛᱩ ᱾[᱒᱒][᱒᱓]
  • ᱯᱟᱪᱟᱰᱤ: ᱫᱟᱹᱦᱤ ᱛᱮ ᱵᱮᱱᱟᱣ ᱟᱠᱟᱱ ᱡᱚᱡᱚ ᱩᱛᱩ ᱟᱨ ᱵᱟᱹᱲᱛᱤ ᱠᱟᱛᱮ ᱛᱟᱦᱮᱨ ᱥᱮ ᱜᱮᱫ ᱟᱠᱟᱱ ᱯᱩᱸᱰ ᱠᱚᱦᱰᱟ ᱡᱟᱦᱟᱸ ᱫᱚ ᱛᱩᱲᱤ ᱡᱟᱝ ᱥᱟᱶ ᱨᱤᱫ ᱟᱠᱟᱱ ᱱᱟᱹᱬᱠᱚᱲ ᱨᱮ ᱤᱥᱤᱱ ᱠᱚᱜᱼᱟ ᱟᱨ ᱵᱷᱟᱹᱡᱤ ᱟᱠᱟᱱ ᱛᱩᱲᱤ ᱡᱟᱝ ᱟᱨ ᱠᱟᱹᱨᱤ ᱥᱟᱠᱟᱢ ᱛᱮ ᱪᱷᱩᱸᱠᱟᱹᱣ ᱠᱚᱜᱼᱟ ᱾[᱑᱗][᱒᱔]
  • ᱦᱮᱲᱮᱢ ᱯᱟᱪᱟᱰᱤ: ᱯᱟᱪᱟᱰᱤ ᱨᱮᱭᱟᱜ ᱢᱤᱫ ᱦᱮᱲᱮᱢ ᱨᱩᱯ, ᱡᱟᱦᱟᱸ ᱫᱚ ᱟᱱᱟᱨᱚᱥ, ᱠᱚᱦᱰᱟ ᱥᱮ ᱚᱝᱜᱩᱨ ᱫᱟᱹᱦᱤ ᱨᱮ ᱢᱮᱥᱟ ᱠᱟᱛᱮ ᱵᱮᱱᱟᱣ ᱠᱚᱜᱼᱟ ᱾[᱙] ᱨᱟᱥᱮ ᱢᱚᱥᱞᱟ ᱨᱮ ᱡᱤᱨᱟᱹ ᱟᱨ ᱵᱮᱨᱮᱞ ᱢᱟᱹᱨᱤᱪ ᱥᱟᱶ ᱨᱤᱫ ᱟᱠᱟᱱ ᱱᱟᱹᱬᱠᱚᱲ ᱛᱟᱦᱮᱸᱱᱟ ᱾[᱑᱗][᱒᱔]
  • ᱯᱩᱞᱤᱥᱥᱮᱨᱤ: ᱢᱤᱫ ᱡᱚᱡᱚ, ᱥᱟᱥᱟᱝ ᱨᱚᱝ ᱨᱮᱭᱟᱜ ᱯᱟᱛᱞᱟ ᱩᱛᱩ ᱡᱟᱦᱟᱸ ᱫᱚ ᱱᱟᱥᱮ ᱡᱚᱡᱚ ᱫᱟᱹᱦᱤ ᱟᱨ ᱛᱟᱦᱮᱨ ᱛᱮ ᱵᱮᱱᱟᱣ ᱠᱚᱜᱼᱟ ᱾[᱑᱐] ᱢᱟᱢᱯᱟᱡᱷᱟ-ᱯᱩᱞᱤᱥᱥᱮᱨᱤ ᱧᱩᱛᱩᱢᱟᱱ ᱢᱤᱫ ᱦᱮᱲᱮᱢ ᱞᱮᱠᱟᱱᱟᱜ ᱨᱮᱫᱚ ᱛᱟᱦᱮᱨ ᱵᱚᱫᱚᱞ ᱛᱮ ᱵᱤᱞᱤ ᱩᱞ ᱟᱨ ᱜᱩᱲ ᱨᱮᱭᱟᱜ ᱢᱮᱥᱟ ᱠᱚ ᱵᱮᱵᱷᱟᱨᱟ ᱾
  • ᱤᱱᱡᱤᱯᱩᱞᱤ: ᱟᱫᱟ, ᱡᱚᱡᱚ, ᱵᱮᱨᱮᱞ ᱢᱟᱹᱨᱤᱪ ᱟᱨ ᱜᱩᱲ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱦᱮᱲᱮᱢ ᱟᱪᱟᱨ, ᱡᱟᱦᱟᱸ ᱫᱚ ᱯᱩᱞᱤ-ᱤᱱᱡᱤ ᱦᱚᱸᱠᱚ ᱢᱮᱛᱟᱜᱼᱟ ᱾[᱒᱕]
  • ᱛᱷᱳᱨᱟᱱ: ᱜᱮᱫ ᱟᱠᱟᱱ ᱱᱟᱹᱬᱠᱚᱲ ᱥᱟᱶ (ᱵᱟᱹᱲᱛᱤ ᱠᱟᱛᱮ) ᱢᱚᱴᱚᱨ, ᱦᱟᱹᱨᱭᱟᱹᱲ ᱵᱤᱱᱥ, ᱵᱮᱨᱮᱞ ᱠᱟᱱᱴᱷᱟᱲ, ᱜᱟᱡᱚᱨ, ᱥᱮ ᱵᱟᱸᱫᱷᱟ ᱠᱳᱵᱤ ᱞᱮᱠᱟᱱ ᱵᱷᱟᱹᱡᱤ ᱥᱚᱵᱽᱡᱤ ᱨᱮᱭᱟᱜ ᱢᱤᱫ ᱡᱚᱢᱟᱜ ᱾
  • ᱢᱮᱡᱷᱩᱠᱠᱩᱯᱩᱨᱟᱴᱴᱤ: ᱢᱤᱫ ᱱᱤᱨᱟᱢᱤᱥ ᱡᱚᱢᱟᱜ ᱵᱮᱱᱟᱣ ᱨᱮᱭᱟᱜ ᱥᱴᱟᱭᱤᱞ ᱡᱟᱦᱟᱸ ᱨᱮ ᱥᱚᱵᱽᱡᱤ ᱫᱚ ᱢᱚᱥᱞᱟ ᱥᱟᱶ ᱠᱚ ᱵᱷᱟᱹᱡᱤᱭᱟ ᱾ ᱜᱮᱫ ᱟᱠᱟᱱ ᱯᱮᱭᱟᱸᱡᱽ ᱥᱮ ᱦᱩᱰᱤᱧ ᱯᱮᱭᱟᱸᱡᱽ ᱦᱚᱸ ᱵᱮᱵᱷᱟᱨ ᱫᱟᱲᱮᱭᱟᱜᱼᱟ ᱾
  • ᱟᱪᱟᱨ: ᱵᱮᱨᱮᱞ ᱩᱞ (ᱩᱞ ᱟᱪᱟᱨ),[᱕] ᱞᱮᱢᱵᱩ,[᱒᱐] ᱠᱟᱜᱽᱡᱤ ᱞᱮᱢᱵᱩ, (ᱱᱟᱨᱟᱝᱜᱟᱠᱟᱨᱤ) ᱮᱢᱟᱱ ᱨᱮᱭᱟᱜ ᱡᱷᱟᱞ ᱟᱪᱟᱨ ᱠᱚ ᱾
  • ᱯᱟᱯᱟᱰᱟᱢ: ᱫᱟᱹᱞ ᱦᱚᱞᱚᱝ ᱛᱮ ᱵᱮᱱᱟᱣ ᱟᱠᱟᱱ, ᱱᱚᱣᱟ ᱫᱚ ᱫᱟᱠᱟ ᱥᱟᱶ ᱠᱚ ᱡᱚᱢᱟ ᱟᱨ ᱨᱮᱸᱜᱮᱡ ᱵᱟᱲᱦᱟᱣᱜ ᱞᱟᱹᱜᱤᱫ ᱦᱚᱸ ᱡᱚᱢ ᱜᱟᱱᱚᱜᱼᱟ ᱾
  • ᱥᱟᱨᱠᱟᱨᱟ ᱩᱯᱯᱮᱨᱤ: ᱜᱩᱲ ᱥᱟᱶ ᱠᱟᱭᱨᱟ ᱪᱤᱯᱥ ᱾ [᱙]
  • ᱠᱟᱭᱟ ᱵᱷᱟᱨᱩᱛᱷᱟᱛᱷᱩ: ᱠᱟᱭᱨᱟ ᱪᱤᱯᱥ ᱾ [᱕]
  • ᱠᱟᱭᱨᱟ: ᱢᱤᱫ ᱵᱤᱞᱤ ᱠᱟᱭᱨᱟ ᱫᱚ ᱵᱟᱹᱲᱛᱤ ᱠᱟᱛᱮ ᱥᱟᱫᱽᱭᱟ ᱥᱟᱶ ᱠᱚ ᱮᱢᱟᱜᱼᱟ ᱡᱟᱦᱟᱸ ᱫᱚ ᱦᱮᱲᱮᱢ ᱡᱚᱢᱟᱜ, ᱯᱟᱭᱟᱥᱟᱢ ᱥᱟᱶ ᱡᱚᱢᱚᱜᱼᱟ ᱾
  • ᱪᱟᱢᱢᱟᱱᱛᱷᱤ ᱯᱳᱰᱤ: ᱨᱚᱦᱚᱲ ᱢᱚᱥᱞᱟ ᱥᱮ ᱪᱟᱴᱱᱤ ᱞᱮᱠᱟᱛᱮ ᱮᱢᱚᱜ ᱠᱟᱱ ᱱᱟᱹᱬᱠᱚᱲ ᱜᱩᱸᱰᱟᱹ ᱾
  • ᱥᱟᱢᱵᱷᱟᱨᱟᱢ, ᱡᱟᱦᱟᱸ ᱫᱚ ᱢᱳᱨᱩ ᱦᱚᱸᱠᱚ ᱢᱮᱛᱟᱜᱼᱟ: ᱵᱩᱞᱩᱝ ᱢᱮᱥᱟ ᱢᱟᱴᱷᱟ ᱥᱟᱶ ᱵᱮᱨᱮᱞ ᱢᱟᱹᱨᱤᱪ, ᱟᱫᱟ, ᱟᱨ ᱠᱟᱹᱨᱤ ᱥᱟᱠᱟᱢ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱧᱩᱣᱟᱜ, ᱱᱚᱣᱟ ᱫᱚ ᱦᱚᱡᱚᱢ ᱱᱟᱯᱟᱭ ᱞᱟᱹᱜᱤᱫ ᱠᱚ ᱧᱩᱭᱟ ᱟᱨ ᱵᱟᱹᱲᱛᱤ ᱠᱟᱛᱮ ᱡᱚᱢ ᱢᱩᱪᱟᱹᱫ ᱥᱮᱫ ᱠᱚ ᱮᱢᱟᱜᱼᱟ ᱾[᱕][᱒᱐]
  • ᱠᱟᱫᱩᱢᱟᱝᱜᱟ: ᱜᱮᱫ ᱟᱠᱟᱱ ᱩᱞ ᱟᱪᱟᱨ ᱾ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱥᱟᱫᱽᱭᱟ ᱨᱮᱭᱟᱜ ᱛᱮᱥᱟᱨ ᱢᱚᱥᱞᱟ ᱞᱮᱠᱟᱛᱮ ᱠᱚ ᱮᱢᱟᱜᱼᱟ ᱾

ᱱᱚᱣᱟ ᱥᱟᱭᱤᱰ ᱡᱚᱢᱟᱜ ᱠᱚ ᱛᱟᱭᱚᱢ ᱯᱨᱚᱫᱷᱚᱢᱚᱱ ᱟᱨ ᱯᱟᱭᱟᱥᱟᱢ ᱞᱮᱠᱟᱱ ᱦᱮᱲᱮᱢ ᱡᱚᱢᱟᱜ ᱠᱚ ᱛᱟᱦᱮᱸᱱᱟ ᱾[᱕]

ᱯᱨᱚᱫᱷᱚᱢᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱨᱚᱫᱷᱚᱢᱚᱱ ᱫᱚ ᱢᱤᱫ ᱜᱟᱰᱷᱟ ᱫᱟᱜ ᱞᱮᱠᱟᱱ ᱦᱮᱲᱮᱢ ᱡᱚᱢᱟᱜ ᱠᱟᱱᱟ; ᱯᱟᱭᱟᱥᱟᱢ ᱞᱮᱠᱟᱜᱮ, ᱢᱮᱱᱠᱷᱟᱱ ᱡᱤᱱᱤᱥ ᱠᱚ ᱨᱮᱭᱟᱜ ᱞᱮᱠᱟᱛᱮ ᱟᱨᱦᱚᱸ ᱵᱟᱹᱲᱛᱤ ᱟᱭᱢᱟ ᱞᱮᱠᱟᱱᱟᱜ ᱢᱮᱱᱟᱜᱼᱟ ᱟᱨ ᱟᱹᱰᱤ ᱱᱟᱯᱟᱭ ᱛᱮ ᱵᱮᱱᱟᱣ ᱠᱚᱜᱼᱟ ᱾ ᱱᱚᱣᱟ ᱫᱚ ᱯᱩᱸᱰ ᱪᱤᱱᱤ ᱥᱮ ᱜᱩᱲ ᱛᱮ ᱵᱮᱱᱟᱣ ᱠᱚᱜᱼᱟ ᱡᱟᱦᱟᱸ ᱨᱮ ᱱᱟᱹᱬᱠᱚᱲ ᱛᱳᱣᱟ ᱢᱮᱥᱟ ᱠᱚᱜᱼᱟ ᱾ ᱯᱨᱚᱫᱷᱚᱢᱚᱱ ᱟᱨ ᱯᱟᱭᱟᱥᱟᱢ ᱛᱟᱞᱟ ᱨᱮ ᱢᱩᱬᱩᱛ ᱵᱷᱮᱜᱟᱨ ᱫᱚ ᱱᱚᱣᱟ ᱠᱟᱱᱟ ᱡᱮ ᱯᱨᱚᱫᱷᱚᱢᱚᱱ ᱨᱮ ᱱᱟᱹᱬᱠᱚᱲ ᱛᱳᱣᱟ ᱵᱮᱵᱷᱟᱨᱚᱜᱼᱟ, ᱟᱨ ᱯᱟᱭᱟᱥᱟᱢ ᱨᱮᱭᱟᱜ ᱫᱟᱜ ᱞᱮᱠᱟᱱᱟᱜ ᱨᱮᱫᱚ ᱜᱟᱹᱭ ᱛᱳᱣᱟ ᱵᱮᱵᱷᱟᱨᱚᱜᱼᱟ ᱾

  • ᱯᱟᱞᱟᱫᱟ ᱯᱨᱚᱫᱷᱚᱢᱚᱱ ᱫᱚ ᱤᱥᱤᱱ ᱪᱟᱣᱞᱮ ᱟᱫᱟ ᱨᱮᱭᱟᱜ ᱪᱮᱯᱮᱴᱟᱜ, ᱛᱳᱣᱟ, ᱟᱨ ᱪᱤᱱᱤ ᱛᱮ ᱵᱮᱱᱟᱣ ᱠᱚᱜᱼᱟ ᱾[᱒᱖]
  • ᱯᱟᱡᱷᱟ ᱯᱨᱚᱫᱷᱚᱢᱚᱱ ᱫᱚ ᱤᱥᱤᱱ ᱟᱠᱟᱱ "ᱱᱮᱱᱫᱽᱨᱟ" ᱠᱟᱭᱨᱟ ᱜᱩᱲ ᱟᱨ ᱱᱟᱹᱬᱠᱚᱲ ᱛᱳᱣᱟ ᱨᱮ ᱵᱮᱱᱟᱣ ᱠᱚᱜᱼᱟ ᱾[᱒᱗][᱒᱘]
  • ᱜᱳᱛᱷᱟᱢᱯᱩ ᱯᱨᱚᱫᱷᱚᱢᱚᱱ ᱫᱚ ᱨᱟᱹᱯᱩᱫ ᱜᱚᱦᱚᱢ ᱛᱮ ᱵᱮᱱᱟᱣ ᱠᱚᱜᱼᱟ ᱾[᱗]
  • ᱯᱟᱨᱤᱯᱯᱩ ᱯᱨᱚᱫᱷᱚᱢᱚᱱ ᱫᱚ ᱦᱟᱹᱨᱭᱟᱹᱲ ᱢᱩᱝ ᱛᱮ ᱵᱮᱱᱟᱣ ᱠᱚᱜᱼᱟ ᱾[᱒᱙]
  • ᱪᱟᱠᱠᱟ ᱯᱨᱚᱛᱷᱚᱢᱚᱱ ᱫᱚ ᱠᱟᱱᱴᱷᱟᱲ ᱛᱮ ᱵᱮᱱᱟᱣ ᱠᱚᱜᱼᱟ ᱾[᱓᱐]
  • ᱟᱫᱟ ᱯᱨᱚᱫᱷᱚᱢᱚᱱ ᱫᱚ ᱪᱟᱣᱞᱮ-ᱟᱫᱟ (ᱪᱟᱣᱞᱮ ᱪᱮᱯᱮᱴᱟᱜ) ᱛᱮ ᱵᱮᱱᱟᱣ ᱠᱚᱜᱼᱟ ᱾[᱓᱑]
  • ᱠᱟᱫᱟᱞᱟ ᱯᱨᱚᱫᱷᱚᱢᱚᱱ ᱫᱚ ᱵᱩᱴ ᱫᱟᱹᱞ ᱛᱮ ᱵᱮᱱᱟᱣ ᱠᱚᱜᱼᱟ ᱾[᱓᱒]


ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ Kerala's Slow Food; The Indian banana leaf banquet that tastes like home by Shahnaz Habib AFAR March/ April 2014 page 49
  2. ↑ Iyer, Meenakshi (25 August 2018). "Onam 2018, here's why Sadya is the most balanced meal, full of nutritional value – more lifestyle". Hindustan Times. Archived from the original on 20 September 2018. Retrieved 20 September 2018.
  3. ↑ "How Onasadya traditions differ across Kerala". The Hindu (in Indian English). 2016-09-09. ISSN 0971-51X. Retrieved 2024-12-07. {{cite news}}: Check |issn= value (help)
  4. ↑ "Happy Onam 2020: 26 dishes in the Onam Sadhya feast, what they're called". Hindustan Times. Retrieved 26 June 2024.
  5. 1 2 3 4 5 6 7 8 9 "Happy Vishu 2017: Vishu Sadhya, Kerala's Grand New Year Feast". NDTV Food. 13 April 2017. Archived from the original on 20 September 2018. Retrieved 20 September 2018.
  6. 1 2 3 Vasu, S.S.L.; Kumar, R. (2017). Morning Glory Blossoms. Partridge Publishing Singapore. p. 21. ISBN 978-1-5437-4244-2. Retrieved 20 September 2018.
  7. 1 2 Rai, J. Curry Cookbook – Keralan Cuisine – Jay Rai's Indian Kitchen: करी व्यंजनों. Springwood media. p. pt4-5. ISBN 978-1-4761-2308-0. Retrieved 20 September 2018.
  8. ↑ Brien, C.O. (2013). The Penguin Food Guide to India. Penguin Books Limited. p. pt422. ISBN 978-93-5118-575-8. Retrieved 20 September 2018.
  9. 1 2 3 4 5 6 Punit, 27 lip-smacking, vegetarian dishes to try during Kerala’s grandest feast (28 August 2015). "Quartz India". Quartz India. Retrieved 20 September 2018.
  10. 1 2 3 Kannampilly, V. (2003). The Essential Kerala Cookbook. Penguin Books. p. 9. ISBN 978-0-14-302950-2. Retrieved 20 September 2018.
  11. 1 2 "Onam Sadya Items That Make the Traditional Recipe of Kerala Festival a Hit". India.com. 3 September 2017. Retrieved 20 September 2018.
  12. ↑ Basu, M. (2018). Masala: Indian Cooking for Modern Living. Bloomsbury Publishing. p. pt268. ISBN 978-1-4088-8687-8. Retrieved 20 September 2018.
  13. 1 2 "The festive feast". The Hans India. 11 September 2016. Retrieved 20 September 2018.
  14. ↑ Pillai, Pooja (14 September 2016). "God's Own Platter". The Indian Express. Retrieved 20 September 2018.
  15. 1 2 3 4 N. Satyendran (2010-08-10). "Onam on a leaf". The Hindu. Archived from the original on 2023-08-22. Retrieved 2016-09-14.
  16. ↑ "Sing out loud for a 64-dish sadya". The Times of India. 22 August 2015. Retrieved 20 September 2018.
  17. 1 2 3 4 "Onam special: Here's what a traditional Onam sadhya consists of". The Indian Express. 2016-09-13. Retrieved 2016-09-13.
  18. ↑ Ramya Menon. "God's Own Feast-ival!". Cucumbertown. Archived from the original on 2014-09-04.
  19. ↑ Tiwari, Nimisha (19 July 2018). "Flavours of India: Here's a look at a plethora of dishes that make festivals fun". The Economic Times. Retrieved 20 September 2018.
  20. 1 2 3 "Watch: Essential parts of an Onam Sadhya". Firstpost. 4 September 2017. Retrieved 20 September 2018.
  21. ↑ "Onam Sadya: Know Everything About It". Caringly Yours (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2020-08-09. Archived from the original on 24 June 2021. Retrieved 2020-08-13.
  22. ↑ "When kanji used to be the special item on wedding menu". OnManorama. 29 August 2018. Retrieved 20 September 2018.
  23. ↑ Kannan, A. (2011). From the South Delectable Home Cooking. DC Books. p. 1. ISBN 978-81-921926-2-8. Retrieved 20 September 2018.
  24. 1 2 N. Satyendran (6 July 2012). "Pachadi". Retrieved 2016-09-14. [permanent dead link]
  25. ↑ "Onam 2018: All the delicacies that make up the very vast Onam sadhya feast". The Indian Express. 24 August 2018. Retrieved 20 September 2018.
  26. ↑ Kannampilly, V. (2003). The Essential Kerala Cookbook. Penguin Books. p. 232. ISBN 978-0-14-302950-2. Retrieved 20 September 2018.
  27. ↑ James, Merin (31 August 2017). "It's sadhya time, let's feast!". The Asian Age. Retrieved 20 September 2018.
  28. ↑ Varghese, T. (2006). Stark World Kerala. Stark World Pub. p. 107. ISBN 978-81-902505-1-1. Retrieved 20 September 2018.
  29. ↑ Abram, D. (2010). The Rough Guide to Kerala. Rough Guides. p. pt86. ISBN 978-1-4053-8806-1. Retrieved 20 September 2018.
  30. ↑ "Chakka Maholsavam to feature jackfruit delicacies". The Hindu. 10 May 2018. Retrieved 20 September 2018.
  31. ↑ Nagarajan, Saraswathy (20 August 2021). "Payasam fetes usher in the sweet notes of Onam in Kerala". The Hindu.
  32. ↑ India Ministry of Tourism (2001). Explore India: The Official Newsletter of the Ministry of Tourism. Durga Das Publications Pvt. Limited. Retrieved 20 September 2018.

ᱵᱟᱦᱨᱮ ᱡᱚᱱᱚᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"https://sat.wikipedia.org/w/index.php?title=ᱥᱟᱫᱽᱭᱟ&oldid=199105" ᱠᱷᱚᱱ ᱧᱟᱢ ᱟᱹᱜᱩᱭ