ᱥᱟᱭᱨᱟ ᱵᱟᱱᱩ
ᱥᱟᱭᱨᱟ ᱵᱟᱱᱩ (ᱡᱟᱱᱟᱢ ᱒᱓ ᱚᱜᱚᱥᱴ ᱑᱙᱔᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ ᱾ ᱑᱙᱖᱐ ᱟᱨ ᱑᱙᱗᱐ ᱨᱮᱱᱟᱜ ᱮᱛᱚᱦᱚᱵ ᱚᱠᱛᱚ ᱨᱮ ᱩᱱᱤ ᱫᱚ ᱟᱹᱰᱤ ᱧᱩᱛᱩᱢᱟᱱ ᱮᱠᱴᱨᱮᱥ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟᱭ ᱾ ᱵᱟᱱᱩ ᱫᱚ ᱟᱡᱟᱜ ᱠᱮᱨᱤᱭᱚᱨ ᱨᱮ ᱯᱩᱱᱭᱟ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱧᱟᱢ ᱟᱠᱟᱫᱟᱭ ᱾
ᱵᱟᱱᱩ ᱫᱚ ᱡᱟᱝᱞᱤ (᱑᱙᱖᱑) ᱯᱷᱤᱞᱢ ᱨᱮ ᱠᱟ.ᱢᱤ ᱠᱟ.ᱢᱤ ᱮᱦᱚᱵ ᱞᱮᱫᱟ, ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱟᱠᱴᱨᱮᱥ ᱨᱮ ᱧᱩᱛᱩᱢ ᱮ ᱧᱟᱢ ᱞᱮᱫᱟ । ᱑᱙᱖᱗ ᱥᱟᱞ ᱨᱮ ᱥᱟᱜᱤᱨᱫᱽ (Shagird), ᱑᱙᱖᱗ ᱥᱟᱞ ᱨᱮ ᱫᱤᱣᱟᱱᱟ (Diwana) ᱟᱨ ᱑᱙᱗᱔ ᱥᱟᱞ ᱨᱮ ᱥᱟᱜᱤᱱᱟ (Sagina) ᱞᱟᱹᱜᱤᱫ ᱛᱮ ᱟᱨᱦᱚᱸ ᱯᱮᱭᱟ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱨᱮᱥ ᱧᱩᱛᱩᱢ ᱛᱮᱭ ᱩᱪᱷᱟᱹᱱ ᱞᱮᱱᱟ ᱾ ᱵᱟᱱᱩ ᱫᱚ ᱟᱭᱢᱟ ᱯᱷᱤᱞᱢ ᱠᱚᱨᱮ ᱠᱟ.ᱢᱤ ᱟᱠᱟᱫᱟᱭ ᱡᱮᱢᱚᱱ - ᱵᱞᱚᱯᱷ ᱢᱟᱥᱴᱟᱨ (᱑᱙᱖᱓), ᱟᱭᱤ ᱢᱤᱞᱟᱱ ᱠᱤ ᱵᱮᱞᱟ (᱑᱙᱖᱔), ᱡᱷᱩᱠ ᱜᱟᱭᱟ ᱟᱥᱢᱟᱱ (᱑᱙᱖᱘), ᱯᱟᱫᱳᱥᱚᱱ (᱑᱙᱖᱘), ᱵᱷᱤᱠᱴᱚᱨᱤᱭᱟ ᱱᱳ. ᱒᱐᱓ (᱑᱙᱗᱒), ᱦᱮᱨᱟ ᱯᱷᱮᱨᱤ (᱑᱙᱗᱖) ᱟᱨ ᱵᱟᱭᱨᱟᱡᱽ (᱑᱙᱗᱖) ᱾ ᱯᱷᱮᱭᱥᱞᱟ (᱑᱙᱘᱘) ᱫᱚ ᱟᱡᱟᱜ ᱯᱩᱪᱷᱤᱢ ᱯᱷᱤᱞᱢ ᱠᱟᱱᱟ ᱾
ᱵᱟᱱᱩ ᱫᱚ ᱑᱙᱖᱖ ᱥᱟᱞᱮ ᱨᱮ ᱟᱠᱴᱚᱨ ᱫᱤᱞᱤᱯ ᱠᱩᱢᱟᱨ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾ ᱱᱩᱠᱩ ᱵᱟᱯᱞᱟ ᱨᱮ ᱫᱚ ᱜᱤᱫᱽᱨᱟ. ᱵᱟ. ᱵᱟᱱᱩ ᱫᱚ ᱵᱷᱳᱡᱽᱯᱩᱨᱤ ᱯᱷᱤᱞᱢ ᱟᱵᱽ ᱴᱳ ᱵᱟᱸᱡᱟ ᱥᱟᱡᱚᱱᱣᱟ ᱦᱟᱢᱟᱨ (᱒᱐᱐᱖) ᱨᱮ ᱯᱨᱚᱰᱭᱩᱥᱚᱨ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫ-ᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱭᱨᱟ ᱵᱟᱱᱩ ᱫᱚ ᱒᱓ ᱚᱜᱚᱥᱴ ᱑᱙᱔᱔ ᱥᱟᱞᱮ ᱨᱮ ᱢᱩᱥᱥᱩᱨᱤ ᱨᱮ ᱮᱠᱴᱨᱮᱥ ᱱᱟᱥᱮᱢ ᱵᱟᱱᱩ ᱟᱨ ᱯᱨᱚᱰᱭᱩᱥᱚᱨ ᱢᱤᱭᱟᱱ ᱮᱦᱥᱟᱱ-ᱩᱞ-ᱦᱟᱠ ᱟᱜ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱱᱩᱭ ᱨᱮᱱ ᱢᱤᱫᱴᱮᱱ ᱵᱚᱭᱦᱟ, ᱥᱩᱞᱛᱟᱱ ᱚᱦᱢᱚᱫᱽ ᱩᱱᱤ ᱠᱷᱚᱱ ᱯᱮ ᱥᱮᱨᱢᱟ ᱢᱟᱨᱟᱝ ᱛᱟᱦᱮ ᱠᱟᱱᱟ᱾ ᱵᱟᱱᱩ ᱟᱜ ᱠᱩᱲᱤ ᱜᱤᱫᱽᱨᱟ. ᱥᱚᱦᱤᱱ ᱵᱟᱱᱩ ᱫᱚ ᱟᱠᱴᱚᱨ ᱥᱩᱢᱤᱛᱟ ᱥᱟᱭᱜᱚᱞ ᱥᱟᱶᱮ ᱵᱟᱯᱞᱟ ᱞᱮᱱᱟ । ᱟᱡ ᱟᱭᱳ ᱜᱤᱫᱽᱨᱟ. ᱥᱟᱭᱮᱥᱟ ᱦᱚᱸ ᱢᱤᱫ ᱯᱷᱤᱞᱢ ᱟᱠᱴᱨᱮᱥ ᱠᱟᱱᱟᱭ ᱟᱨ ᱯᱷᱤᱞᱢ ᱟᱠᱴᱨᱮᱥ ᱟᱨᱭᱟ ᱥᱟᱶ ᱵᱟᱯᱞᱟ ᱟᱠᱟᱱᱟᱭ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱱᱩ ᱫᱚ ᱑᱖ ᱥᱮᱨᱢᱟ ᱩᱢᱮᱨ ᱨᱮ ᱑᱙᱖᱐ ᱥᱮᱨᱢᱟ ᱨᱮ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟ.ᱢᱤ ᱮᱛᱚᱦᱚᱵ ᱞᱮᱫᱟ । ᱩᱱᱤ ᱫᱚ ᱢᱤᱫ ᱯᱨᱚᱜᱨᱟᱢ ᱨᱮ ᱢᱮᱱ ᱞᱮᱫᱟ ᱡᱮ ᱩᱱᱤᱭᱟᱜ ᱟᱥᱚᱞ ᱴᱮᱞᱮᱱᱴ ᱟᱨ ᱰᱮᱱᱥᱚᱨ ᱞᱮᱠᱟᱛᱮ ᱠᱚᱢ ᱜᱮ ᱠᱟᱹᱢᱤ ᱦᱚᱨᱟ ᱢᱮᱱᱟᱜᱼᱟ ᱾ ᱟᱡᱟᱜ ᱥᱟᱱᱟᱢ ᱦᱤᱸᱥ ᱠᱚᱫᱚ ᱠᱞᱟᱥᱤᱠᱟᱞ ᱞᱮᱠᱟᱛᱮ ᱥᱮᱪᱮᱫ ᱟᱠᱟᱱᱟ, ᱚᱱᱟᱛᱮ ᱩᱱᱤ ᱫᱚ ᱪᱮᱛᱟᱱ ᱞᱤᱜᱽ ᱨᱮ ᱵᱟᱭ ᱥᱮᱞᱮᱫ ᱞᱮᱱᱟ ᱾ ᱵᱟᱱᱩ ᱫᱚ ᱠᱟᱛᱷᱚᱠ ᱟᱨ ᱵᱷᱟᱨᱚᱛ ᱱᱟᱴᱭᱚᱢ ᱥᱮᱪᱮᱫ ᱮ ᱮᱛᱚᱦᱚᱵ ᱠᱮᱫ-ᱟ ᱟᱨ ᱱᱤᱡᱮ ᱱᱤᱡᱮ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱥᱮᱪᱮᱫ ᱮ ᱦᱟᱛᱟᱣ ᱠᱮᱫ-ᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱰᱮᱱᱥᱚᱨ ᱮ ᱵᱮᱱᱟᱣ ᱮᱱᱟ ᱟᱨ ᱩᱱᱤᱭᱟᱜ ᱯᱷᱤᱞᱢ ᱨᱮ ᱟᱡᱟᱜ ᱰᱮᱱᱥ ᱠᱚ ᱰᱷᱮᱨ ᱟ.
ᱵᱟᱱᱩ ᱫᱚ ᱑᱙᱖᱑ ᱥᱟᱞ ᱨᱮ ᱡᱚᱝᱜᱽᱞᱤ ᱯᱷᱤᱞᱢ ᱨᱮ ᱥᱚᱢᱢᱤ ᱠᱟᱯᱩᱨ ᱥᱟᱶ ᱟᱡᱟᱜ ᱯᱩᱭᱞᱩ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹ ᱡᱚᱛᱚ ᱠᱷᱚᱱ ᱱᱟᱯᱟᱭ ᱮᱱᱮᱡᱤᱭᱟ. ᱡᱚᱝᱜᱽᱞᱤ ᱫᱚ ᱟᱜᱷᱟᱡᱟᱱᱤ ᱠᱟᱥᱢᱤᱨᱤ (aka Kashmiri and Agha Jani) ᱦᱚᱛᱮᱛᱮ ᱚᱞ ᱟᱠᱟᱱᱟ, ᱡᱟᱦᱟᱸᱭ ᱫᱚ ᱞᱚᱠᱷᱱᱚᱣ ᱠᱷᱚᱱ ᱩᱨᱫᱩ ᱥᱟᱶᱦᱮᱫ ᱟᱨ ᱠᱮᱪᱮᱫ ᱟᱲᱟᱝ ᱨᱮ ᱟᱡᱟᱜ ᱯᱟᱛᱷᱟᱢ ᱧᱮᱞ ᱠᱟᱛᱮ ᱩᱨᱫᱩ ᱨᱚᱲ ᱥᱮᱞᱮᱫ ᱨᱮ ᱦᱚᱸᱭ ᱥᱮᱪᱮᱫ ᱟᱠᱟᱫ-ᱟ ᱾ ᱩᱱᱤᱭᱟᱜ ᱪᱤᱛᱟᱹᱨ ᱫᱚ ᱨᱳᱢᱟᱱᱴᱤᱠ ᱦᱤᱨᱳᱭᱤᱱ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱟᱭᱢᱟ ᱞᱮᱠᱟᱱ ᱨᱳᱢᱟᱱᱴᱤᱠ ᱱᱟᱜᱟᱢ ᱨᱮᱭ ᱠᱟ. ᱢᱚᱱᱢᱳᱦᱚᱱ ᱫᱮᱥᱟᱭᱤ ᱟᱜ ᱰᱤᱨᱮᱠᱥᱚᱱ ᱨᱮ ᱟᱡᱟᱜ ᱯᱩᱭᱞᱩ ᱦᱤᱨᱚ ᱥᱚᱢᱢᱤ ᱠᱟᱯᱩᱨ ᱥᱟᱶ ᱢᱤᱫᱴᱟᱝ ᱯᱷᱤᱞᱢ ᱵᱞᱚᱯᱷ ᱢᱟᱥᱴᱚᱨ ᱨᱮ ᱠᱟ.ᱢᱤ ᱟᱠᱟᱫᱟᱭ ᱾