ᱥᱟᱭ ᱯᱚᱞᱞᱚᱣᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱭ ᱯᱚᱞᱞᱚᱣᱤ
᱒᱐᱑᱖ ᱨᱮ ᱟᱣᱚᱨᱰ ᱥᱮᱨᱮᱢᱚᱱᱤ ᱨᱮ ᱥᱟᱭ ᱯᱚᱞᱞᱚᱣᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱥᱟᱭ ᱯᱚᱞᱞᱚᱣᱤ ᱥᱮᱱᱛᱷᱟᱢᱟᱨᱟᱭ
ᱠᱚᱴᱷᱟᱜᱤᱨᱤ, ᱛᱟᱢᱤᱞ ᱱᱟᱰᱩ, ᱥᱤᱧᱚᱛ
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟ
ᱥᱮᱪᱮᱫ ᱟᱠᱷᱲᱟᱛᱵᱤᱞᱤᱥᱤ ᱥᱴᱮᱴ ᱢᱮᱰᱤᱠᱟᱞ ᱭᱩᱱᱤᱵᱷᱟᱨᱥᱤᱴᱤ, ᱜᱚᱨᱡᱤᱭᱟ; ᱚᱞᱤᱵᱷᱟ ᱥᱠᱩᱞ ᱠᱚᱭᱢᱵᱟᱴᱚᱨ, ᱛᱟᱢᱤᱞ ᱱᱟᱰᱩ
ᱠᱟᱹᱢᱤ
  • ᱯᱟᱯᱟᱴᱤᱭᱟᱹ
  • ᱱᱟᱪᱚᱱᱤᱭᱟ
ᱟᱯᱟᱛ ᱮᱸᱜᱟᱛ
  • ᱥᱮᱱᱛᱷᱟᱢᱟᱨᱟᱭ ᱠᱚᱱᱱᱚᱱ (ᱵᱟᱵᱟ)
  • ᱨᱟᱫᱷᱟ ᱠᱚᱱᱱᱚᱱ (ᱟᱭᱳ)

ᱥᱟᱭ ᱯᱚᱞᱞᱚᱣᱤ ᱥᱮᱝᱴᱷᱟᱢᱟᱨᱟᱭ ᱟᱥᱚᱞ ᱫᱚ ᱥᱟᱭ ᱯᱚᱞᱞᱚᱣᱤ ᱧᱩᱛᱩᱢ ᱢᱮᱱᱛᱮᱭ ᱵᱟᱰᱟᱭᱮ ᱠᱟᱱᱟ ᱠᱚ, ᱱᱩᱭ ᱫᱚ ᱢᱤᱫ ᱥᱤᱧᱚᱛᱤᱭᱟ ᱯᱷᱤᱞᱢ ᱨᱮ ᱯᱟᱯᱟᱴᱤᱭᱟᱹ ᱟᱨ ᱱᱟᱪᱚᱱᱤᱭᱟ ᱠᱟᱱᱟᱭ᱾ ᱱᱩᱭ ᱫᱚ ᱟᱭᱢᱟ ᱜᱟᱱ ᱛᱟᱢᱤᱞ,ᱛᱮᱞᱩᱜᱩ ᱟᱨ ᱢᱚᱞᱭᱟᱞᱚᱢ ᱯᱟᱹᱨᱥᱤ ᱨᱮ ᱵᱟᱱᱟᱣ ᱟᱠᱟᱱ ᱯᱷᱤᱞᱢ ᱠᱚᱨᱮ ᱠᱟᱹᱢᱤ ᱵᱟᱲᱟ ᱟᱠᱟᱫᱟᱭ᱾ ᱱᱩᱭ ᱫᱚ ᱟᱭᱢᱟ ᱞᱮᱠᱟᱱ ᱥᱤᱨᱯᱷᱟᱹᱭ ᱧᱟᱢ ᱵᱟᱱᱟ ᱟᱠᱟᱫᱟ, ᱡᱟᱦᱟᱸ ᱫᱚ ᱯᱨᱮᱢᱚᱢ ᱟᱨ ᱯᱷᱤᱫᱟ ᱯᱷᱤᱞᱢ ᱨᱮ ᱟᱡᱟᱜ ᱯᱟᱴ ᱠᱟᱹᱢᱤ ᱠᱟᱨᱚᱱ ᱛᱮ ᱵᱟᱨᱭᱟ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹ ᱦᱚᱸ ᱥᱮᱞᱮᱫ ᱢᱮᱱᱟᱜ ᱛᱟᱭᱟ᱾

ᱱᱩᱭ ᱫᱚ ᱯᱩᱭᱞᱩ ᱫᱷᱟᱣ ᱦᱚᱲ ᱠᱚᱣᱟᱜ ᱱᱚᱡᱚᱨ ᱛᱟᱞᱟ ᱛᱮ ᱒᱐᱐᱕ ᱨᱮᱱᱟᱜ ᱢᱚᱞᱭᱟᱞᱚᱢ ᱯᱟᱹᱨᱥᱤ ᱛᱮ ᱵᱟᱱᱟᱣ ᱟᱠᱟᱱ ᱯᱷᱤᱞᱢ ᱯᱨᱮᱢᱚᱢ ᱨᱮ ᱟᱡᱟᱜ ᱢᱚᱞᱟᱨ ᱱᱟᱢᱚᱠ ᱠᱤᱨᱫᱚᱨ ᱠᱷᱟᱹᱛᱤᱨ ᱛᱮ ᱦᱮᱡ ᱞᱮᱱᱟᱭ᱾ ᱚᱱᱟ ᱛᱟᱭᱚᱢ ᱱᱩᱭ ᱫᱚ ᱠᱟᱞᱤ (᱒᱐᱑᱖) ᱧᱩᱛᱩᱢ ᱟᱱᱟᱜ ᱯᱷᱤᱞᱢ ᱨᱮ ᱧᱮᱞ ᱦᱩᱭ ᱞᱮᱱᱟ᱾ ᱱᱩᱭ ᱫᱚ ᱛᱮᱞᱩᱜᱩ ᱯᱟᱹᱨᱥᱤ ᱨᱮᱱᱟᱜ ᱯᱷᱤᱞᱢ ᱨᱮ ᱒᱐᱑᱗ ᱨᱮᱱᱟᱜ ᱯᱷᱤᱞᱢ ᱯᱷᱤᱫᱟ ᱥᱟᱶ ᱠᱚ ᱫᱚᱦᱚ ᱞᱮᱫᱮ ᱛᱟᱦᱮᱱᱟ᱾ ᱱᱚᱶᱟ ᱯᱷᱤᱞᱢ ᱨᱮ ᱱᱤᱭᱟᱹᱜ ᱯᱟᱴ ᱧᱩᱛᱩᱢ ᱫᱚ ᱵᱷᱟᱱᱩᱢᱚᱛᱤ ᱛᱟᱦᱮᱸᱜ ᱠᱟᱱ ᱛᱟᱭᱟ᱾ ᱱᱚᱶᱟ ᱨᱚᱢᱚᱡ ᱱᱟᱢᱚᱠ ᱟᱱᱟᱜ ᱯᱷᱤᱞᱢ ᱨᱮ ᱩᱱᱤ ᱣᱚᱨᱩᱱ ᱛᱮᱡᱽ ᱥᱟᱶ ᱯᱟᱴ ᱠᱟᱱ ᱛᱟᱦᱮᱱᱟᱭ᱾ ᱯᱷᱤᱫᱟ ᱯᱷᱤᱞᱢ ᱫᱚ ᱡᱚᱠᱷᱚᱱ ᱴᱤᱵᱷᱤ ᱨᱮ ᱧᱮᱞ ᱦᱩᱭ ᱞᱮᱱᱟ, ᱩᱱᱨᱮ ᱱᱚᱶᱟ ᱯᱷᱤᱞᱢ ᱠᱷᱚᱱ ᱵᱟᱹᱲᱛᱤ ᱴᱤ ᱟᱨ ᱯᱤ ᱧᱟᱢ ᱞᱮᱱᱟ, ᱡᱟᱦᱟᱸ ᱫᱚ ᱢᱚᱬᱮ ᱫᱷᱟᱣ ᱩᱫᱩᱜ ᱛᱟᱭᱚᱢ ᱦᱚᱸ ᱧᱮᱞ ᱞᱟᱹᱜᱤᱫ ᱛᱮ ᱞᱟᱜᱟᱣ ᱠᱚ ᱛᱟᱦᱮᱸᱜ ᱠᱟᱱᱟ᱾ ᱱᱩᱭ ᱫᱚ ᱛᱟᱢᱤᱞ ᱯᱷᱤᱞᱢ ᱨᱮᱱᱟᱜ ᱯᱩᱭᱞᱩ ᱠᱟᱹᱢᱤ ᱒᱐᱑᱘ ᱨᱮ ᱵᱟᱱᱟᱣ ᱞᱮᱱ ᱫᱤᱭᱟ ᱠᱷᱚᱱ ᱦᱩᱤ ᱞᱮᱱ ᱛᱟᱭᱟ, ᱡᱟᱦᱟᱸ ᱫᱚ ᱱᱚᱶᱟ ᱯᱷᱤᱞᱢ ᱨᱤᱱᱤᱡ ᱫᱤᱥᱟᱹ ᱩᱫᱩᱜᱤᱡ ᱵᱷᱤᱡᱚᱭ ᱮ ᱛᱟᱦᱮᱸᱜ ᱠᱟᱱᱟ᱾

ᱟᱡᱟᱜ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱭᱟᱜ ᱡᱟᱱᱟᱢ ᱫᱚ ᱠᱚᱴᱷᱟᱜᱤᱨᱤ[᱑], ᱛᱟᱢᱤᱞ ᱱᱟᱰᱩ ᱨᱮ ᱥᱮᱝᱴᱷᱟᱢᱟᱨᱟᱭ ᱠᱚᱱᱱᱚᱱ ᱟᱨ ᱨᱟᱫᱷᱟ ᱨᱮ ᱚᱱᱰᱮ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱱᱟ᱾ ᱱᱩᱭ ᱠᱷᱚᱱ ᱦᱩᱰᱤᱝ ᱢᱤᱥᱨᱟ ᱯᱩᱡᱟ ᱠᱟᱱᱟᱭ, ᱩᱱᱤ ᱦᱚᱸ ᱱᱩᱭ ᱞᱮᱠᱟ ᱜᱮ ᱯᱟᱯᱟᱴᱤᱭᱟᱹ ᱞᱮᱠᱟᱭ ᱠᱟᱹᱢᱤ ᱠᱟᱱᱟ᱾ ᱩᱱᱤᱭᱟᱜ ᱟᱥᱩᱞ ᱦᱟᱨᱟᱢ ᱵᱩᱨᱩ ᱟᱨ ᱥᱮᱬᱟ ᱥᱮᱪᱮᱫ ᱫᱚ ᱠᱚᱭᱚᱢᱵᱩᱨ ᱨᱮ ᱦᱩᱭ ᱞᱮᱱ ᱛᱟᱭᱟ᱾ ᱱᱩᱭ ᱫᱚ ᱛᱵᱤᱞᱤᱥᱤ ᱥᱴᱮᱴ ᱢᱮᱰᱤᱠᱟᱞ ᱭᱩᱱᱤᱵᱷᱟᱨᱥᱤᱴᱤ ᱠᱷᱚᱱ ᱒᱐᱑᱖ ᱨᱮ ᱢᱮᱵᱤᱠᱟᱞ ᱨᱮᱱᱟᱜ ᱥᱮᱬᱟ ᱪᱟᱵᱟ ᱠᱮᱫ-ᱟᱭ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Deepika, Jayaram (14 June 2016). "Sai Pallavi enjoys her breaktime at her hometown". IB Times. Retrieved 25 August 2016.