ᱥᱟᱯᱷᱛᱚᱢᱤ ᱜᱚᱣᱰᱟ
| ᱥᱟᱯᱷᱛᱚᱢᱤ ᱜᱚᱣᱰᱟ | |
|---|---|
 Gowda at Kantara success meet | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱥᱟᱯᱷᱛᱚᱢᱤ ᱜᱚᱣᱰᱟ ᱡᱩᱱ ᱘, ᱑᱙᱙᱖ ᱵᱮᱝᱞᱩᱨᱩ, ᱠᱚᱨᱱᱟᱴᱚᱠ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ | Bachelor of Engineering Civil Engineering |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 2020–ᱱᱤᱛ |
ᱥᱟᱯᱷᱛᱚᱢᱤ ᱜᱚᱣᱰᱟ (ᱡᱟᱱᱟᱢ ᱘ ᱡᱩᱱ ᱑᱙᱙᱖) ᱫᱚ ᱢᱤᱫ ᱥᱤᱧᱚᱛᱤᱭᱟ. ᱟᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱠᱚᱱᱱᱚᱰᱟ ᱥᱤᱱᱮᱢᱟ ᱨᱮᱭ ᱠᱟ.ᱢᱤ ᱟᱠᱟᱫᱟ । ᱒᱐᱒᱐ ᱥᱮᱨᱢᱟ ᱨᱮ ᱫᱟᱱᱤ ᱥᱩᱨᱤ ᱟᱜ ᱯᱷᱤᱞᱢ ᱯᱚᱯᱠᱳᱨᱱ ᱢᱚᱱᱠᱤ ᱴᱟᱭᱜᱟᱨ ᱨᱮ ᱟᱡᱟᱜ ᱮᱱᱮᱡ ᱮᱛᱚᱦᱚᱵ ᱞᱮᱫᱟᱭ ᱾ ᱒᱐᱒᱒ ᱥᱮᱨᱢᱟ ᱨᱮ ᱨᱤᱥᱟᱵᱽ ᱥᱮᱴᱴᱤ ᱟᱜ ᱯᱷᱤᱞᱢ ᱠᱚᱱᱴᱟᱨ ᱨᱮ ᱞᱤᱞᱟ ᱟᱜ ᱨᱳᱞ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟᱭ ᱾ ᱩᱱᱤ ᱫᱚ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱥᱟᱣᱛᱷ ᱟᱨ ᱵᱟᱨᱭᱟ ᱥᱤᱢᱟ ᱟᱣᱟᱨᱰ ᱧᱟᱢ ᱟᱠᱟᱫᱟᱭ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱯᱛᱷᱚᱢᱤ ᱫᱚ ᱤᱱᱥᱯᱮᱠᱴᱚᱨ ᱮᱥ. ᱠᱮ. ᱩᱢᱮᱥ ᱜᱚᱣᱰᱟ ᱟᱨ ᱥᱟᱱᱛᱟ ᱜᱚᱣᱰᱟ ᱛᱤᱠᱤᱱ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱑] ᱩᱱᱤ ᱫᱚ ᱫᱟᱜ ᱪᱮᱛᱟᱱ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱟᱨ ᱟᱭᱢᱟ ᱢᱮᱰᱟᱞ ᱠᱚᱭ ᱟᱢᱮᱴ ᱟᱠᱟᱫᱟ ᱾[᱒]
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱚᱣᱰᱟ ᱫᱚ ᱒᱐᱒᱐ ᱨᱮ ᱫᱟᱱᱱᱤ ᱥᱩᱨᱤ ᱟᱜ ᱰᱤᱨᱮᱠᱥᱚᱱ ᱨᱮ ᱦᱮᱡ ᱟᱠᱟᱱ ᱠᱚᱱᱱᱚᱰᱟ ᱯᱷᱤᱞᱢ ᱯᱚᱯᱠᱚᱨᱚᱱ ᱢᱚᱱᱠᱤ ᱴᱟᱭᱜᱚᱨ ᱨᱮ ᱟᱡᱟᱜ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫᱼᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱵᱞᱚᱠᱵᱟᱥᱴᱟᱨ ᱯᱷᱤᱞᱢ ᱠᱚᱱᱴᱨᱟ ᱨᱮ ᱞᱤᱞᱟ ᱨᱳᱞ ᱨᱮ ᱧᱮᱞ ᱞᱮᱱᱟᱭ ᱡᱟᱦᱟᱸ ᱫᱚ ᱩᱱᱤᱭᱟᱜ ᱧᱩᱛᱩᱢ ᱛᱟᱵᱚᱱ ᱞᱮᱫᱼᱟ ᱟᱨ ᱟᱹᱛᱩ ᱠᱩᱲᱤ ᱨᱳᱞ ᱨᱮ ᱟᱡᱟᱜ ᱮᱱᱮᱡ ᱞᱟᱹᱜᱤᱫ ᱛᱮ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱥᱚᱱᱛᱷᱳᱥ ᱟᱱᱚᱱᱫᱽᱨᱟᱢ ᱟᱜ ᱰᱤᱨᱮᱠᱥᱚᱱ ᱨᱮ ᱭᱩᱵᱟ ᱨᱮ ᱧᱮᱞ ᱞᱮᱱᱟᱭ ᱾ ᱭᱩᱵᱟ ᱨᱟᱡᱽᱠᱩᱢᱟᱨ (ᱨᱟᱜᱷᱚᱵᱮᱱᱫᱽᱨᱚ ᱨᱟᱡᱽᱠᱩᱢᱟᱨ ᱟᱜ ᱜᱤᱫᱽᱨᱟ. ᱮᱥ. ᱥᱤ. ᱥᱤ. ᱥᱤ. ᱟᱜ ᱰᱤᱨᱮᱠᱴᱚᱨᱤ ᱛᱮ ᱛᱮᱭᱟᱨᱚᱜ ᱠᱟᱱ ᱯᱷᱤᱞᱢ 'ᱠᱟᱞᱤ' ᱨᱮ ᱟᱡ ᱢᱤᱫ ᱫᱟᱲᱮᱭᱟᱱ ᱦᱤᱨᱳᱤᱱᱤ ᱦᱩᱭ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱯᱩᱭᱞᱩ ᱨᱮ ᱠᱚ ᱨᱚᱲ ᱮᱫᱟ ᱾
᱒᱐᱒᱓ ᱥᱟᱞ ᱨᱮ ᱵᱷᱤᱵᱮᱠ ᱚᱜᱽᱱᱤᱦᱳᱛᱨᱤ ᱟᱜ ᱰᱤᱨᱮᱠᱥᱚᱱ ᱨᱮ The Vaccine War ᱯᱷᱤᱞᱢ ᱨᱮ ᱠᱟ.ᱢᱤ ᱠᱟᱛᱮ ᱵᱚᱞᱤᱣᱩᱰ ᱨᱮᱭ ᱠᱟ.ᱢᱤ ᱞᱮᱱᱟ । ᱯᱷᱤᱞᱤᱢ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱨᱤᱴᱤᱝ ᱠᱚ ᱧᱟᱢ ᱞᱮᱫᱼᱟ ᱟᱨ ᱩᱱᱤᱭᱟᱜ ᱨᱳᱞ ᱫᱚ ᱠᱚᱢ ᱜᱮ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱚᱱᱟ ᱨᱤᱴᱤᱝ ᱠᱚ ᱧᱟᱢ ᱞᱮᱫᱼᱟ ᱾ ᱵᱷᱮᱱᱩ ᱥᱨᱤᱨᱟᱢ ᱟᱜ ᱰᱤᱨᱮᱠᱴᱚᱨᱤ ᱛᱮ "ᱛᱷᱩᱢᱩᱰᱩ" ᱯᱷᱤᱞᱢ ᱨᱮ ᱱᱤᱛᱤᱱ ᱟᱜ ᱥᱚᱢᱯᱚᱛᱤ ᱛᱮᱞᱩᱜᱩ ᱥᱤᱱᱮᱢᱟ ᱨᱮ ᱟᱡᱟᱜ ᱮᱛᱚᱦᱚᱵ ᱦᱩᱭᱩᱜᱼᱟ ᱾
ᱮᱴᱟᱜ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱠᱚᱨᱱᱟᱴᱚᱠ ᱥᱚᱨᱠᱟᱨᱟᱜ "ᱱᱟᱱᱟ ᱢᱚᱭᱛᱷᱨᱤ" ᱡᱚᱡᱚᱱᱟ ᱨᱮᱭᱟᱜ ᱟᱢᱵᱟᱥᱮᱰᱚᱨ ᱞᱮᱠᱟᱛᱮᱭ ᱵᱟᱪᱷᱚᱱ ᱟᱠᱟᱱᱟ, ᱡᱟᱦᱟᱸ ᱫᱚ ᱠᱚᱨᱱᱟᱴᱚᱠ ᱨᱮ ᱛᱤᱨᱞᱟᱹ ᱠᱩᱲᱤ ᱜᱤᱫᱨᱟᱹ ᱠᱚ ᱞᱟᱹᱜᱤᱫ ᱛᱮ ᱢᱚᱬᱮ ᱪᱟᱸᱫᱚ ᱨᱮᱱᱟᱜ ᱠᱟᱯ ᱮᱢᱚᱜ ᱠᱟᱱᱟ ᱾ ᱥᱚᱢᱚᱨᱛᱷᱚᱱᱚᱢ ᱴᱨᱚᱥᱴ ᱯᱷᱚᱨ ᱵᱞᱟᱭᱤᱱᱰ, ᱢᱤᱫ ᱱᱚᱱ-ᱯᱨᱳᱯᱷᱮᱴ ᱠᱟᱹᱢᱤ ᱦᱚᱨᱟ ᱡᱟᱦᱟᱸ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱫᱟᱲᱮᱭᱟᱜ ᱦᱚᱲ ᱠᱚ ᱥᱟᱥᱚᱱ ᱮᱢ ᱞᱟᱹᱜᱤᱫ ᱠᱟᱹᱢᱤ ᱠᱟᱱᱟ, ᱩᱱᱤ ᱫᱚ ᱵᱞᱟᱭᱤᱱᱰ ᱠᱨᱤᱠᱮᱴ ᱒᱐᱒᱒ ᱨᱮᱱᱟᱜ ᱓ ᱟᱱᱟᱜ ᱴᱤ-᱒᱐ ᱡᱮᱜᱮᱛ ᱠᱟᱯ ᱮᱰᱤᱥᱚᱱ ᱨᱮᱱᱟᱜ ᱵᱨᱟᱱᱰ ᱟᱢᱵᱟᱥᱮᱰᱚᱨ ᱞᱮᱠᱟᱛᱮ ᱦᱚᱸᱭ ᱵᱟᱪᱷᱚᱱ ᱞᱮᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Sapthami Gowda : ತಂದೆಯ ಜೊತೆ ಸಪ್ತಮಿಗೌಡ.. ಎಸ್.ಕೆ. ಉಮೇಶ್ ಯಾರು ಗೊತ್ತಾ..?". Zeenews. Retrieved 2024-05-04.
- ↑ "Did you know Kantara girl Sapthami Gowda is a National gold medalist in swimming?". OTTPlay (in ᱟᱝᱜᱽᱨᱮᱡᱤ). Retrieved 2023-11-03.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱟᱯᱷᱛᱚᱢᱤ ᱜᱚᱣᱰᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)