ᱥᱟᱱᱛᱟᱞ ᱯᱟᱨᱜᱟᱱᱟ ᱰᱤᱵᱤᱡᱚᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
1907-bengal-sikkim3

ᱥᱟᱱᱛᱟᱞ ᱯᱟᱨᱜᱟᱱᱟ ᱰᱤᱵᱤᱡᱚᱱ (ᱤᱝᱨᱟ.ᱡᱤ : Santal pargana Division) ᱫᱚ ᱡᱷᱟᱨᱠᱷᱟᱱᱰ ᱯᱚᱱᱚᱛ ᱨᱮᱭᱟᱜ ᱢᱚᱬᱮ ᱜᱚᱴᱟᱝ ᱰᱤᱵᱤᱡᱚᱱ ᱢᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟ ᱾ ᱱᱚᱣᱟ ᱡᱷᱟᱨᱠᱷᱟᱱᱰ ᱯᱚᱱᱚᱛ ᱨᱮᱭᱟᱜ ᱯᱩᱨᱩᱵᱽ ᱱᱟᱠᱷᱟ ᱨᱮ ᱢᱮᱱᱟᱜ ᱛᱮ ᱯᱩᱨᱩᱵᱽ ᱡᱷᱟᱨᱠᱷᱟᱱᱰ ᱦᱚᱠᱚ ᱢᱮᱛᱟᱜ ᱜᱮᱭᱟ᱾ ᱱᱤᱭᱟ ᱮᱥᱠᱟᱨ ᱜᱮ ᱜᱚᱴᱟ ᱫᱷᱟ.ᱨᱛᱤ ᱨᱮᱱ ᱥᱟᱱᱛᱟᱞ ᱠᱚᱣᱟᱜ Homeland ᱠᱟᱱᱟ᱾ ᱱᱚᱣᱟ ᱦᱚᱢᱞᱮᱱᱰ ᱧᱟᱢ ᱞᱟ.ᱜᱤᱫ ᱛᱤᱱᱟ.ᱜ ᱥᱟᱥᱟᱭ ᱥᱟᱱᱛᱟᱞ ᱪᱚᱝ ᱟᱠᱚᱣᱟᱜ ᱡᱤᱣᱤᱠᱚ ᱟᱞᱟᱭ ᱞᱮᱫᱟ ᱟᱨ ᱩᱝᱠᱚᱣᱟᱜ ᱢᱟᱭᱟᱢ ᱛᱮ ᱠᱤᱨᱤᱧ ᱪᱷᱟᱰᱟᱣ ᱟᱠᱟᱱᱟ ᱾

ᱚᱛᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱞ ᱯᱟᱨᱜᱟᱱᱟ ᱫᱚ ᱜᱚᱴᱟ ᱜᱮ ᱵᱤᱨ ᱵᱩᱨᱩ ᱛᱮ ᱥᱟᱡᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱛᱩᱨᱩᱭ ᱜᱚᱴᱮᱱ ᱡᱤᱞᱟ. ᱨᱮ ᱦᱟ.ᱴᱤᱧ ᱟᱠᱟᱱᱟ ᱾ ᱡᱮᱞᱮᱠᱟ : ᱫᱩᱢᱠᱟ. , ᱜᱚᱰᱰᱟ, ᱯᱟᱠᱩᱲ, ᱥᱟᱦᱮᱵᱽ ᱜᱚᱧᱡᱽ, ᱫᱮᱣᱜᱷᱟᱨ ᱟᱨ ᱡᱟᱢᱛᱟᱲᱟ ᱾ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱭᱟᱜ ᱯᱩᱨᱩᱵᱽ ᱨᱮᱫᱚ ᱯᱟᱥᱪᱷᱤᱢ ᱵᱟᱝᱜᱟᱞ ᱯᱚᱵᱴᱱᱚᱛ, ᱩᱛᱛᱟ.ᱨ ᱨᱮᱫᱚ ᱵᱤᱦᱟᱨ ᱯᱚᱱᱚᱛ, ᱯᱟᱥᱪᱷᱤᱢ ᱱᱟᱠᱷᱟ ᱨᱮᱫᱚ ᱵᱤᱦᱟᱨ ᱟᱨ ᱜᱤᱨᱤᱰᱤ ᱡᱤᱞᱟ. ᱟᱨ ᱫᱟ.ᱠᱷᱤᱱ ᱱᱟᱠᱷᱟ ᱨᱮᱫᱚ ᱫᱷᱟᱱᱵᱟᱫ ᱡᱤᱞᱟ. ᱠᱚ ᱢᱮᱱᱟᱜ-ᱟ᱾ ᱡᱮᱞᱮᱧ ᱫᱚ ᱩᱛᱛᱟ.ᱨ ᱫᱟ.ᱠᱷᱤᱱ ᱛᱮ ᱢᱮᱱᱟᱜ-ᱟ ᱾ ᱥᱟᱱᱛᱟᱞ ᱯᱟᱨᱜᱟᱱᱟ ᱚᱛ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ 14096 ᱪᱟ.ᱣᱠᱟ. ᱠᱤᱞᱚᱢᱤᱴᱟᱨ ᱠᱟᱱᱟ᱾        

ᱧᱤᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱞ ᱯᱟᱨᱜᱟᱱᱟ ᱫᱚ ᱵᱟᱨᱭᱟ ᱟ.ᱲᱟ. ᱢᱤᱞᱟ.ᱣ ᱠᱟᱛᱮ ᱧᱩᱛᱩᱢ ᱟᱠᱟᱱᱟ᱾ᱥᱟᱱᱛᱟᱞ ᱟᱨ ᱯᱟᱨᱜᱟᱱᱟ , ᱱᱚᱣᱟ ᱴᱚᱴᱷᱟ ᱨᱮᱱ ᱰᱷᱮᱨ ᱞᱮᱠᱷᱟᱜ ᱡᱟ.ᱛ ᱫᱚ ᱠᱚ ᱥᱟᱱᱛᱟᱞ ᱠᱟᱱᱟ ᱛᱟᱦᱟ ᱥᱟᱱᱛᱟᱞ ᱦᱩᱞ ᱛᱟᱭᱚᱢ ᱵᱨᱤᱴᱩᱥ ᱥᱚᱨᱠᱟᱨ ᱫᱚ ᱥᱟᱱᱛᱟᱞ ᱠᱚ ᱢᱟᱱᱚᱛ ᱮᱢᱟ ᱠᱚ ᱞᱟ.ᱜᱤᱫ ᱥᱟᱱᱛᱟᱞ ᱧᱩᱛᱩᱢᱮ ᱡᱚᱲᱟᱣ ᱠᱮᱫᱟ᱾ ᱟᱨ ᱢᱤᱫ ᱴᱮᱱ ᱫᱚ ᱦᱩᱭᱩᱜ ᱠᱟᱱᱟ ᱯᱟᱨᱜᱟᱱᱟ , ᱯᱟᱨᱜᱟᱱᱟ ᱫᱚ ᱥᱟᱱᱛᱟᱞ ᱥᱟᱶᱛᱟ ᱨᱮᱭᱟᱜ ᱢᱤᱫ ᱦᱩᱫᱟ. ᱠᱟᱱᱟ ᱾ ᱦᱩᱞ ᱛᱟᱭᱚᱢ ᱯᱟᱨᱜᱟᱱᱟ ᱠᱚ ᱢᱟᱱᱚᱛ ᱮᱢᱟ ᱠᱚ ᱞᱟ.ᱜᱤᱫ ᱱᱚᱣᱟ ᱫᱤᱟᱚᱢ ᱨᱮᱭᱟᱜ ᱧᱩᱛᱩᱢ ᱦᱚ ᱥᱟᱱᱛᱟᱞ ᱟ.ᱲᱟ. ᱥᱟᱶᱛᱮ ᱯᱟᱨᱜᱟᱱᱟᱭ ᱡᱚᱲᱟᱣ ᱠᱮᱫᱟ ᱾ ᱚᱝᱠᱟ ᱜᱮ ᱩᱨᱫᱩ ᱨᱟᱦᱟ ᱤᱨᱟᱱᱤ ᱯᱟ.ᱨᱥᱤ ᱛᱮ ᱯᱟᱨᱜᱟᱱᱟ ᱨᱮᱭᱟᱜ ᱢᱟᱱᱮ ᱫᱚ ᱡᱤᱞᱟ. ᱛᱟᱦᱟ ᱯᱚᱱᱚᱛ ᱦᱚ' ᱦᱩᱭᱩᱜ ᱠᱟᱱᱟ᱾       

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱞ ᱦᱩᱞ ᱛᱟᱭᱚᱢ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱦᱩᱞ ᱨᱮᱭᱟᱜ ᱚᱡᱮ ᱯᱟᱧᱡᱟ ᱧᱟᱢ ᱠᱮᱫᱟ ᱟᱨ ᱚᱱᱟ ᱞᱟ.ᱜᱤᱫ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ ᱠᱷᱚᱱ ᱵᱤᱨᱵᱷᱩᱢ ᱟᱨ ᱵᱷᱟᱜᱚᱞᱯᱩᱨ ᱡᱤᱞᱟ. ᱨᱮᱭᱟᱜ ᱟᱫᱚᱢ ᱦᱤ'ᱥ ᱜᱮᱫ ᱵᱮᱜᱟᱨ ᱠᱟᱛᱮ ᱥᱟᱱᱛᱟᱞ ᱯᱟᱨᱜᱟᱱᱟ ᱡᱤᱞᱟ. ᱠᱚ ᱥᱤᱨᱡᱟ.ᱣ ᱠᱮᱫᱟ ᱾ ᱫᱩᱢᱠᱟ. ᱫᱚ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱱᱟᱜ Head quarter ᱠᱚ ᱵᱮᱱᱟᱣ ᱠᱮᱫᱟ᱾

ᱥᱟᱱᱛᱟᱞ ᱦᱩᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱞ ᱯᱟᱨᱜᱟᱱᱟ ᱫᱚ ᱥᱟᱱᱛᱟᱞ ᱦᱩᱞ ᱧᱩᱛᱩᱢ ᱛᱮ ᱰᱟᱢᱰᱟᱦᱮ ᱜᱮᱭᱟ᱾30 ᱡᱩᱱ 1855 ᱥᱮᱨᱢᱟ ᱨᱮ ᱵᱷᱚᱜᱽᱱᱟ ᱰᱤᱦ ᱟᱛᱩ ᱨᱮᱱ ᱪᱩᱱᱩ ᱢᱩᱨᱢᱩ ᱦᱚᱯᱚᱱ ᱟᱨ ᱦᱚᱯᱚᱱ ᱮᱨᱟ ᱥᱤᱫᱚ ᱢᱩᱨᱢᱩ, ᱠᱟ.ᱱᱦᱩ ᱢᱩᱨᱢᱩ, ᱪᱟᱱᱫᱽ ᱢᱩᱨᱢᱩ, ᱵᱷᱟᱭᱨᱚ ᱢᱩᱨᱢᱩ ᱟᱨ ᱡᱷᱟᱱᱚ ᱢᱩᱨᱢᱩ , ᱯᱷᱩᱞᱚ ᱢᱩᱨᱢᱩ ᱥᱟᱶ ᱛᱮ ᱜᱮᱞ ᱥᱟᱥᱟᱭ ᱫᱤᱥᱚᱢ ᱦᱚᱲ ᱠᱚ ᱵᱨᱤᱴᱤᱥ ᱥᱚᱨᱠᱟᱨ ᱟᱨ ᱥᱩᱫᱽ ᱮᱢᱚᱜ ᱢᱟᱦᱟᱡᱚᱱ ᱠᱚ ᱵᱤᱨᱩᱫᱽ ᱨᱮ ᱦᱩᱞ ᱞᱟ.ᱜᱤᱫ ᱠᱤᱨᱭᱟ. ᱦᱟᱛᱟᱣ ᱞᱮᱫᱟ᱾ᱚᱱᱟ ᱦᱩᱞ ᱨᱮ ᱟᱢᱫᱟᱡᱽ ᱯᱮ ᱥᱟᱥᱟᱭ ᱠᱷᱚᱱ ᱦᱚ ᱵᱟ.ᱲᱛᱤ ᱠᱚ ᱜᱚᱡ ᱚᱪᱚ ᱞᱮᱱᱟ᱾ ᱟᱨ ᱟᱭᱢᱟ ᱥᱟᱱᱛᱟᱞ ᱟ.ᱛᱩ ᱠᱚᱠᱚ ᱟᱛᱟᱨ ᱜᱤᱰᱤ ᱞᱮᱫᱟ᱾ᱟᱭᱢᱟ ᱦᱚᱲ ᱵᱨᱤᱴᱤᱥ ᱠᱚᱣᱟᱜ ᱨᱚᱰᱚᱡ ᱠᱚᱪᱞᱚᱱ ᱵᱟᱠᱚ ᱥᱟᱦᱟᱣ ᱞᱮᱫ ᱛᱮ ᱩᱛᱛᱟ.ᱨ ᱵᱮᱝᱜᱚᱞ, ᱯᱩᱨᱩᱵᱽ ᱵᱮᱝᱜᱚᱞ ( ᱱᱟᱦᱟᱜ ᱵᱟᱝᱞᱟᱫᱮᱥᱚᱢ) , ᱱᱮᱯᱟᱞ, ᱟᱥᱟᱢ ᱮᱢᱟᱱ ᱛᱮ ᱠᱚ ᱧᱤᱨ ᱯᱷᱟᱨᱟᱠ ᱩᱛᱟ.ᱨ ᱮᱱᱟ᱾ 

ᱯᱟ.ᱨᱥᱤ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮᱱᱟᱜ ᱞᱮᱠᱷᱟᱡᱚᱠᱷᱟ ᱞᱮᱠᱟᱛᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱᱟᱜ ᱯᱟᱹᱨᱥᱤ ᱠᱚ

  ᱢᱚᱭᱛᱷᱤᱞᱤ ᱟᱨ ᱠᱚᱨᱴᱷᱟ ᱢᱚᱭᱛᱷᱤᱞᱤ (29.22%)
  ᱥᱟᱱᱛᱟᱲᱤ (25.13%)
  ᱦᱤᱱᱫᱤ (21.43%)
  ᱵᱟᱝᱞᱟ (16.11%)
  ᱩᱨᱫᱩ (5.06%)
  ᱮᱴᱟᱜᱟᱜ (3.05%)

ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱭᱟᱜ ᱥᱚᱨᱠᱟᱨᱤ ᱯᱟ.ᱨᱥᱤ ᱫᱚ ᱦᱤᱱᱫᱤ ᱠᱟᱱ ᱨᱮᱦᱚ ᱥᱟᱱᱛᱟᱞᱤ ᱯᱟ.ᱨᱥᱤ ᱜᱮ ᱵᱟ.ᱲᱛᱤ ᱵᱮᱵᱚᱦᱟᱨᱚᱜ ᱠᱟᱱᱟ᱾ᱱᱚᱣᱟ ᱪᱷᱟᱰᱟ ᱠᱟᱛᱮ ᱦᱚ ᱢᱟᱭᱛᱷᱟᱞᱤ , ᱵᱟᱝᱞᱟ,ᱵᱷᱩᱡᱽᱯᱩᱨᱤ, ᱠᱚᱨᱛᱷᱟ, ᱩᱨᱫᱩ, ᱠᱩᱲᱢᱟᱞᱤ ᱮᱱᱟᱢ ᱯᱟ.ᱨᱥᱤ ᱠᱚ ᱨᱚᱲᱚᱜᱚᱜ ᱠᱟᱱᱟ᱾ᱯᱟ.ᱦᱤᱞ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ ᱨᱮᱭᱟᱜ ᱢᱤᱫ ᱡᱤᱞᱟ. ᱛᱟᱦᱮ ᱠᱟᱱ ᱛᱮ ᱵᱟᱝᱞᱟ ᱯᱟ.ᱨᱥᱤ ᱱᱚᱱᱰᱮ ᱠᱟᱡᱟᱠ ᱪᱟᱞᱟᱜ ᱠᱟᱱ ᱛᱟᱦᱮᱱᱟ ᱾ ᱤᱱᱟ. ᱛᱟᱭᱚᱢ ᱵᱤᱦᱟᱨ ᱨᱮᱭᱟᱜ ᱦᱤᱥ ᱦᱩᱭᱮᱱ ᱛᱮ ᱵᱤᱦᱟᱨᱤ ᱠᱚᱣᱟᱜ ᱯᱟᱨᱥᱤ ᱵᱷᱚᱡᱽᱯᱩᱨᱤ ᱠᱟᱡᱟᱠ ᱛᱟᱞᱟᱜ ᱠᱟᱱ ᱛᱟᱡᱮᱱᱟ᱾