ᱥᱟᱱᱟ ᱤᱠᱵᱟᱞ
ᱥᱟᱱᱟ ᱤᱠᱵᱟᱞ (᱑᱖ ᱡᱟᱱᱩᱣᱟᱨᱤ ᱑᱙᱘᱗ – ᱒᱔ ᱚᱠᱴᱚᱵᱚᱨ ᱒᱐᱑᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱥᱳᱞᱳ ᱠᱩᱲᱤ ᱠᱨᱚᱥ-ᱠᱚᱱᱴᱨᱤ ᱵᱟᱭᱠᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱯᱱᱟᱨ ᱥᱳᱞᱳ ᱢᱤᱥᱚᱱ ᱨᱮ ᱥᱩᱭᱥᱟᱭᱤᱰ ᱟᱨ ᱰᱤᱯᱨᱮᱥᱚᱱ ᱪᱮᱛᱟᱱ ᱨᱮ ᱵᱟᱰᱟᱭ ᱮᱢ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱯᱷᱮᱥᱵᱩᱠ ᱯᱮᱡᱽ ᱨᱮ ᱠᱟᱣᱩᱱᱥᱤᱞᱤᱝ ᱮ ᱠᱚᱨᱟᱣ ᱮᱫ ᱛᱟᱦᱮᱸᱱᱟ ᱟᱨ ᱯᱟᱹᱴᱷᱩᱣᱟᱹ ᱠᱚ ᱱᱟᱯᱟᱭ ᱟᱨ ᱢᱮᱱᱤᱝᱯᱷᱩᱞ ᱡᱤᱭᱚᱱ ᱠᱚ ᱵᱤᱛᱟᱹᱣ ᱞᱟᱹᱜᱤᱫ ᱩᱱᱠᱩ ᱯᱨᱮᱠᱴᱤᱠᱮᱞᱤᱴᱤ ᱟᱨ ᱯᱳᱡᱤᱴᱤᱵᱤᱴᱤ ᱥᱮᱫ ᱰᱟᱦᱟᱨ ᱮ ᱩᱫᱩᱜ ᱟᱠᱚ ᱛᱟᱦᱮᱸᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱦᱟᱭᱫᱨᱟᱵᱟᱫᱽ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱥᱟᱱᱟ ᱫᱚ ᱮᱭᱟᱭ ᱠᱞᱟᱥ ᱠᱷᱚᱱ ᱜᱮ ᱵᱟᱭᱤᱠ ᱪᱟᱞᱟᱣ ᱟᱹᱰᱤ ᱜᱮᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱱᱟ᱾ ᱢᱤᱫ ᱞᱤᱵᱽᱨᱮᱞ ᱢᱩᱥᱞᱤᱢ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱠᱟᱛᱮᱫ, ᱩᱱᱤ ᱫᱚ ᱩᱱᱠᱟᱹᱱ ᱜᱚᱱ ᱥᱟᱶᱛᱮ ᱦᱟᱨᱟ ᱵᱩᱨᱩ ᱞᱮᱱᱟᱭ ᱡᱟᱦᱟᱸ ᱫᱚ ᱢᱟᱹᱱᱢᱤᱭᱟᱹᱛ ᱟᱨ ᱢᱚᱱᱮ ᱨᱮᱱᱟᱜ ᱥᱚᱯᱷᱟᱭ ᱪᱮᱛᱟᱱ ᱨᱮ ᱡᱩᱨ ᱮᱢ ᱮᱫ ᱛᱟᱦᱮᱸᱱᱟ᱾ ᱢᱤᱫ ᱟᱵᱤᱰ ᱵᱟᱭᱠᱚᱨ, ᱢᱤᱫ ᱰᱮᱰᱤᱠᱮᱴᱮᱰ ᱴᱨᱮᱱᱤᱝ ᱯᱨᱳᱯᱷᱮᱥᱚᱱᱟᱞ ᱟᱨ ᱥᱟᱭᱠᱳᱞᱳᱡᱤ ᱨᱮᱱᱟᱜ ᱯᱟᱹᱴᱷᱩᱣᱟᱹ ᱛᱟᱦᱮᱸ ᱠᱟᱛᱮᱫ ᱦᱚᱸ ᱩᱱᱤ ᱫᱚ 'ᱥᱚᱢᱟᱡᱽ ᱨᱮ ᱟᱹᱰᱤ ᱠᱚᱢ ᱜᱮ ᱩᱭᱦᱟᱹᱨᱚᱜ ᱠᱟᱱ ᱮᱥᱯᱮᱠᱴ' ᱮᱠᱡᱤᱠᱭᱩᱴ ᱞᱟᱹᱜᱤᱫ ᱮᱞᱤᱡᱤᱵᱽᱞ ᱮ ᱛᱟᱦᱮᱸ ᱠᱟᱱᱟ᱾[᱑][᱒]
ᱰᱤᱯᱨᱮᱥᱚᱱ ᱨᱮ ᱨᱤᱥᱯᱚᱱᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱵᱟᱭᱤᱠ ᱮᱠᱥᱤᱰᱮᱱᱴ ᱛᱟᱞᱟ ᱛᱮ ᱥᱩᱭᱥᱟᱭᱤᱰ ᱨᱮᱱᱟᱜ ᱠᱩᱨᱩᱢᱩᱴᱩ ᱞᱮᱫᱟ᱾ ᱒᱗ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱫᱚ ᱢᱤᱫ ᱵᱟᱥ ᱥᱮ ᱴᱨᱟᱠ ᱦᱚᱛᱮᱛᱮ ᱨᱟᱢ ᱦᱩᱭ ᱠᱟᱛᱮᱫ ᱜᱩᱡᱩᱜ ᱞᱟᱹᱜᱤᱫ ᱜᱩᱡᱽᱨᱟᱴ ᱮ ᱪᱟᱞᱟᱣ ᱞᱮᱱᱟ᱾ ᱱᱚᱣᱟ ᱡᱚᱨᱱᱤ ᱩᱱᱤ ᱫᱚ ᱵᱟᱰᱟᱭ ᱚᱪᱚ ᱠᱮᱫᱮᱭᱟ ᱡᱮ ᱥᱟᱱᱛᱤ ᱫᱚ ᱥᱟᱱᱛᱤ ᱛᱟᱞᱟ ᱛᱮ ᱜᱮ ᱧᱟᱢ ᱜᱟᱱᱚᱜᱼᱟ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱡᱟᱜ ᱠᱚᱥᱴᱚ ᱨᱮ ᱩᱫᱫᱮᱥᱭ ᱮᱢ ᱞᱟᱹᱜᱤᱫ ᱢᱤᱫ ᱡᱚᱨᱱᱤ ᱵᱮᱵᱷᱟᱨ ᱨᱮᱱᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱟ᱾
ᱟᱡᱟᱜ ᱰᱤᱯᱨᱮᱥᱚᱱ ᱵᱤᱨᱩᱫᱷ ᱞᱟᱹᱲᱦᱟᱹᱭ ᱩᱱᱤ ᱟᱭᱢᱟ ᱭᱩᱣᱟ ᱠᱚ ᱞᱟᱹᱜᱤᱫ ᱦᱤᱨᱳ ᱵᱮᱱᱟᱣ ᱠᱮᱫᱮᱭᱟ᱾ ᱩᱱᱤ ᱫᱚ ᱵᱟᱰᱟᱭ ᱪᱮᱛᱟᱱ ᱨᱮ ᱣᱚᱨᱠᱥᱚᱯ ᱮ ᱮᱢ ᱠᱮᱫᱟ ᱡᱮ "ᱥᱩᱭᱥᱟᱭᱤᱰ ᱫᱚ ᱥᱟᱢᱟᱫᱷᱟᱱ ᱵᱟᱝ ᱠᱟᱱᱟ"᱾ ᱟᱡᱟᱜ ᱣᱚᱨᱠᱥᱚᱯ ᱨᱮ ᱩᱱᱤ ᱫᱚ ᱡᱩᱣᱟᱹᱱ ᱢᱚᱱᱮ ᱠᱚ ᱡᱟᱦᱟᱸ ᱠᱚ ᱛᱚᱞᱟᱥ ᱮᱫᱟ ᱚᱱᱟ ᱠᱟᱛᱷᱟ ᱪᱮᱛᱟᱱ ᱨᱮ ᱮ ᱨᱚᱲ ᱮᱫ ᱛᱟᱦᱮᱸᱱᱟ: ᱡᱮᱞᱮᱠᱟ ᱮᱠᱱᱮ ᱠᱷᱚᱱ ᱥᱟᱹᱜᱟᱹᱭ, ᱠᱮᱨᱤᱭᱟᱨ, ᱵᱟᱯᱞᱟ, ᱰᱤᱯᱨᱮᱥᱚᱱ ᱟᱨ ᱥᱩᱭᱥᱟᱭᱤᱰ ᱞᱮᱠᱟᱱ ᱠᱟᱛᱷᱟ ᱠᱚ᱾ ᱩᱱᱤ ᱫᱚ ᱟᱡᱟᱜ ᱢᱤᱫ ᱯᱷᱮᱥᱵᱩᱠ ᱯᱮᱡᱽ ᱦᱚᱸ ᱢᱮᱱᱮᱡᱽ ᱮᱫ ᱛᱟᱦᱮᱸᱱᱟ ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱥᱩᱭᱥᱟᱭᱤᱰ ᱫᱚ ᱥᱟᱢᱟᱫᱷᱟᱱ ᱵᱟᱝ ᱠᱟᱱᱟ ᱟᱡ ᱨᱤᱱ ᱥᱩᱨ ᱜᱟᱛᱮ ᱟᱨ ᱱᱤᱛᱚᱜᱤᱡ ᱯᱷᱮᱥᱵᱩᱠ ᱯᱮᱡᱽ ᱨᱤᱱᱤᱡ ᱢᱟᱹᱞᱤᱠ ᱟᱨᱤᱯᱷ ᱟᱞᱤ ᱢᱚᱦᱚᱢᱢᱚᱫᱽ ᱦᱟᱛᱮᱛᱮ᱾ ᱱᱤᱛᱚᱜ ᱯᱷᱮᱥᱵᱩᱠ ᱯᱮᱡᱽ ᱨᱮ ᱑᱒᱐᱐᱐+ ᱠᱷᱚᱱ ᱵᱟᱹᱲᱛᱤ ᱯᱷᱚᱞᱳᱣᱟᱨ ᱢᱮᱱᱟᱜ ᱠᱚᱣᱟ ᱟᱨ ᱟᱨᱤᱯᱷ ᱫᱚ ᱚᱱᱟ ᱢᱮᱥᱮᱡᱽ ᱯᱟᱥᱱᱟᱣ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱮᱫᱟ ᱡᱟᱦᱟᱸ ᱥᱟᱱᱟ ᱩᱱᱤ ᱞᱟᱹᱜᱤᱫ ᱮ ᱟᱲᱟᱜ ᱴᱷᱚ ᱞᱮᱫᱟ᱾
ᱠᱨᱚᱥ-ᱠᱚᱱᱴᱨᱤ ᱨᱟᱭᱤᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱟ ᱵᱷᱟᱨᱚᱛ ᱨᱮᱱᱟᱜ ᱡᱚᱛᱚ ᱯᱚᱱᱚᱛ ᱨᱮ ᱠᱨᱚᱥ-ᱠᱚᱱᱴᱨᱤ ᱥᱳᱞᱳ ᱴᱨᱤᱯ ᱨᱮᱱᱟᱜ ᱯᱞᱟᱱ ᱞᱮᱫᱟ, ᱡᱟᱦᱟᱸ ᱫᱚ ᱱᱚᱵᱷᱮᱢᱵᱚᱨ, ᱒᱐᱑᱕ ᱨᱮ ᱜᱳᱣᱟ ᱠᱷᱚᱱ ᱮᱛᱚᱦᱚᱵ ᱞᱮᱱᱟ᱾ ᱩᱱᱤ ᱫᱚ ᱟᱡᱟᱜ ᱢᱤᱥᱚᱱ ᱑᱓ ᱡᱩᱱ ᱒᱐᱑᱖ ᱨᱮ ᱯᱩᱨᱟᱹᱣ ᱞᱮᱫᱟ, ᱟᱡ ᱠᱚᱲᱟ ᱜᱤᱫᱽᱨᱟᱹ ᱣᱟᱜ ᱯᱩᱭᱞᱩ ᱡᱟᱱᱟᱢ ᱢᱟᱦᱟᱸ ᱠᱷᱚᱱ ᱒ ᱫᱤᱱ ᱢᱟᱲᱟᱝ, ᱒ ᱫᱤᱥᱚᱢ, ᱑᱑᱑ ᱥᱚᱦᱚᱨ, ᱒᱙ ᱯᱚᱱᱚᱛ ᱟᱨ ᱕ ᱭᱩᱱᱤᱭᱚᱱ ᱴᱮᱨᱤᱴᱚᱨᱤ ᱓᱘,᱐᱐᱐ ᱠᱤᱞᱳᱢᱤᱴᱚᱨ ᱠᱷᱚᱱ ᱪᱮᱛᱟᱱ ᱴᱨᱟᱵᱷᱮᱞ ᱠᱟᱛᱮᱫ ᱡᱟᱦᱟᱸ ᱩᱱᱤ ᱫᱚ ᱖.᱕ ᱪᱟᱸᱫᱚ ᱦᱟᱛᱟᱣ ᱦᱩᱭ ᱟᱫᱮᱭᱟ, ᱑᱓᱕ ᱥᱮᱢᱤᱱᱟᱨ ᱮᱢ ᱚᱠᱛᱮ᱾ ᱩᱱᱤ ᱨᱤᱱ ᱞᱳᱠᱟᱞ ᱣᱚᱱᱰᱟᱨᱚᱨ ᱠᱞᱚᱵᱽ ᱦᱚᱛᱮᱛᱮ ᱟᱹᱰᱤ ᱢᱟᱨᱟᱝ ᱜᱮ ᱟᱭᱟᱜ ᱵᱟᱜᱟᱣ ᱨᱮᱱᱟᱜ ᱨᱤᱥᱮᱯᱥᱚᱱ ᱮᱨᱮᱸᱡᱽ ᱦᱩᱭ ᱞᱮᱱᱟ᱾ ᱱᱟᱜᱯᱩᱨ (ᱭᱩ.ᱮᱱ.ᱟᱭ.ᱰᱤ.ᱳ.) ᱟᱨ ᱠᱚᱞᱠᱟᱛᱟ (ᱤᱥᱴᱚᱨᱱ ᱵᱩᱞᱥ) ᱨᱤᱱ ᱵᱟᱨᱭᱟ ᱮᱴᱟᱜ ᱠᱞᱚᱵᱽ ᱦᱚᱸ ᱩᱱᱤ ᱥᱟᱶ ᱱᱟᱜᱯᱩᱨ ᱠᱷᱚᱱ ᱦᱟᱭᱫᱨᱟᱵᱟᱫᱽ ᱫᱷᱟᱹᱵᱤᱡ ᱠᱚ ᱨᱟᱭᱤᱰ ᱞᱮᱫᱟ᱾ ᱩᱱᱤᱭᱟᱜ ᱡᱚᱨᱱᱤ ᱟᱭᱢᱟ ᱜᱨᱩᱯ ᱟᱨ ᱠᱞᱚᱵᱽ ᱦᱚᱛᱮᱛᱮ ᱮᱠᱴᱤᱵᱽ ᱞᱮᱠᱟᱛᱮ ᱥᱚᱯᱚᱴ ᱦᱩᱭ ᱞᱮᱱᱟ, ᱢᱩᱬᱩᱛ ᱞᱮᱠᱟᱛᱮ ᱵᱷᱟᱨᱚᱛ ᱨᱮᱱᱟᱜ ᱵᱟᱭᱤᱠᱤᱝ ᱠᱚᱢᱭᱩᱱᱤᱴᱤ ᱦᱚᱛᱮᱛᱮ᱾
ᱯᱟᱨᱥᱚᱱᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱤᱫ ᱟᱭᱳᱭ ᱛᱟᱦᱮᱸ ᱠᱟᱱᱟ ᱟᱨ ᱵᱮᱦᱮᱵᱤᱭᱚᱨᱚᱞ ᱥᱠᱤᱞ ᱪᱮᱛᱟᱱ ᱨᱮ ᱠᱚᱨᱯᱳᱨᱮᱴ ᱴᱨᱮᱱᱤᱝ ᱥᱮᱥᱚᱱ ᱥᱟᱶᱛᱮ ᱥᱟᱭᱠᱳᱞᱳᱡᱤ ᱨᱮ ᱟᱡᱟᱜ ᱢᱟᱥᱴᱚᱨ ᱮ ᱯᱟᱲᱦᱟᱣ ᱮᱫ ᱛᱟᱦᱮᱸᱱᱟ᱾
ᱜᱩᱡᱩᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱔ ᱚᱠᱴᱚᱵᱚᱨ ᱒᱐᱑᱗ ᱥᱮᱛᱟᱜ ᱔ ᱵᱟᱡᱮ ᱩᱱᱤ ᱫᱚ ᱟᱡ ᱡᱟᱶᱟᱭ ᱱᱟᱫᱤᱢ ᱥᱟᱶ ᱢᱤᱫ ᱠᱟᱨ ᱨᱮ ᱴᱨᱟᱵᱷᱮᱞ ᱮᱫ ᱛᱟᱦᱮᱸᱱᱟ᱾ ᱱᱩᱠᱤᱱ ᱡᱩᱨᱤ ᱜᱮ ᱢᱤᱫ ᱮᱠᱥᱤᱰᱮᱱᱴ ᱥᱟᱶ ᱠᱤᱱ ᱧᱟᱯᱟᱢ ᱮᱱᱟ ᱚᱱᱟ ᱨᱮᱱᱟᱜ ᱚᱨᱡᱚ ᱩᱱᱤᱭᱟᱜ ᱜᱩᱡᱩᱜ ᱦᱩᱭ ᱮᱱᱟ᱾ ᱟᱡ ᱡᱟᱶᱟᱭ, ᱱᱟᱫᱤᱢ ᱫᱚ ᱮᱠᱥᱤᱰᱮᱱᱴ ᱠᱷᱚᱱ ᱮ ᱵᱟᱧᱪᱟᱣ ᱮᱱᱟ᱾ ᱱᱚᱣᱟ ᱮᱠᱥᱤᱰᱮᱱᱴ ᱫᱚ ᱛᱮᱞᱮᱝᱜᱟᱱᱟ ᱨᱮᱱᱟᱜ ᱱᱟᱨᱥᱤᱝᱜᱤ ᱜᱟᱱᱰᱤᱯᱮᱴ ᱰᱟᱦᱟᱨ ᱨᱮ ᱦᱩᱭ ᱞᱮᱱᱟ᱾ ᱮᱠᱥᱤᱰᱮᱱᱴ ᱛᱟᱭᱚᱢ ᱨᱮ ᱢᱤᱫ ᱠᱚᱱᱴᱨᱳᱵᱷᱚᱨᱥᱤ ᱨᱟᱠᱟᱵ ᱮᱱᱟ ᱡᱚᱠᱷᱚᱱ ᱩᱱᱤ ᱨᱤᱱ ᱟᱭᱳ ᱜᱚᱡ ᱨᱮᱱᱟᱜ ᱯᱳᱥᱤᱵᱤᱞᱤᱴᱤ ᱤᱫᱤ ᱠᱟᱛᱮᱫ ᱠᱚᱢᱯᱞᱮᱱ ᱠᱚ ᱨᱟᱠᱟᱵ ᱠᱮᱫᱟ᱾
ᱟᱡ ᱡᱟᱶᱟᱭ ᱫᱚ ᱟᱭᱤ.ᱯᱤ.ᱥᱤ. ᱓᱐᱔ᱮ ᱥᱮᱠᱥᱚᱱ (ᱵᱮᱫᱷᱭᱟᱱᱤ ᱦᱚᱛᱮᱛᱮ ᱜᱩᱡᱩᱜ ᱦᱩᱭ ᱚᱪᱚᱭᱮᱫ) ᱦᱚᱛᱮᱛᱮ ᱵᱩᱠ ᱦᱩᱭ ᱞᱮᱱ ᱛᱟᱦᱮᱸᱱᱟ ᱟᱨ ᱵᱮᱞ ᱨᱮ ᱪᱟᱞᱟᱣ ᱠᱟᱛᱮᱫ ᱠᱚ ᱟᱲᱟᱜ ᱠᱟᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ S, Priyadershini (2016-03-16). "Sana Iqbal on a mission of positivity for the youth". The Hindu (in Indian English). ISSN 0971-751X. Retrieved 2017-11-08.
- ↑ "'Biker Woman' Sana Iqbal rides on anti-suicide Mission -". Odisha News Insight (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2016-03-26. Retrieved 2017-11-08.