ᱥᱟᱵᱟ ᱟᱱᱡᱩᱢ ᱠᱟᱨᱤᱢ
ᱥᱟᱵᱟ ᱟᱱᱡᱩᱢ (ᱡᱟᱱᱟᱢ ᱑᱒ ᱡᱩᱱ ᱑᱙᱘᱕) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱟᱨᱮ ᱯᱷᱤᱞᱰ ᱦᱚᱠᱤ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱵᱷᱟᱨᱚᱛ ᱨᱤᱱ ᱛᱤᱨᱞᱟᱹ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱯᱷᱤᱞᱰ ᱦᱚᱠᱤ ᱴᱤᱢ ᱨᱮ ᱨᱮᱯᱨᱮᱡᱮᱱᱴ ᱟᱠᱟᱫᱟ᱾ ᱩᱱᱤ ᱫᱚ ᱢᱮᱱᱪᱮᱥᱴᱟᱨ ᱨᱮ ᱒᱐᱐᱒ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱦᱚᱠᱤ ᱠᱚᱢᱯᱤᱴᱤᱥᱚᱱ ᱨᱮ ᱡᱚᱛᱚ ᱠᱷᱚᱱ ᱦᱩᱰᱤᱧ ᱥᱮᱞᱮᱫᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾
ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱒᱐᱐᱐ ᱥᱟᱞ ᱨᱮ ᱑᱘ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱ ᱮ.ᱮᱪ.ᱮᱯᱷ. ᱠᱟᱯ ᱨᱮ ᱵᱷᱟᱨᱚᱛ ᱞᱟᱹᱜᱤᱫ ᱮ ᱠᱷᱮᱞ ᱞᱮᱫᱟ᱾ ᱢᱤᱫ ᱡᱚᱡᱚᱢ ᱯᱟᱦᱴᱟ ᱯᱷᱳᱨᱣᱟᱨᱰ ᱞᱮᱠᱟᱛᱮ, ᱩᱱᱤ ᱵᱷᱟᱨᱚᱛ ᱫᱚ ᱟᱭᱢᱟ ᱮᱴᱟᱜ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱴᱩᱨᱱᱟᱢᱮᱱᱴ ᱨᱮ ᱨᱮᱯᱨᱮᱡᱮᱱᱴ ᱟᱠᱟᱫᱟ, ᱡᱮᱞᱮᱠᱟ ᱮᱥᱤᱭᱟᱱ ᱜᱮᱢᱥ ᱚᱠᱴᱚᱵᱚᱨ ᱒᱐᱐᱒, ᱮᱥᱤᱭᱟ ᱠᱟᱯ ᱯᱷᱮᱵᱽᱨᱩᱣᱟᱨᱤ ᱒᱐᱐᱔ ᱫᱤᱞᱞᱤ, ᱠᱚᱢᱚᱱᱣᱮᱞᱛᱷ ᱜᱮᱢᱥ ᱒᱐᱐᱒ ᱟᱨ ᱒᱐᱐᱖, ᱢᱮᱱᱪᱮᱥᱴᱟᱨ, ᱡᱩᱱᱤᱭᱚᱨ ᱣᱚᱨᱞᱰ ᱠᱟᱯ ᱢᱮ ᱒᱐᱐᱑, ᱵᱩᱭᱮᱱᱟᱥ ᱟᱭᱨᱮᱥ ᱟᱨ ᱚᱥᱴᱨᱮᱞᱤᱭᱟᱱ ᱴᱮᱥᱴ ᱥᱤᱨᱤᱡᱽ ᱟᱨ ᱱᱤᱣᱡᱤᱞᱮᱱᱰ ᱴᱩᱨ᱾
ᱩᱱᱤ ᱫᱚ ᱠᱮᱞᱟᱵᱟᱰᱤ, ᱫᱩᱨᱜᱽ ᱠᱷᱚᱱ ᱮ ᱦᱮᱡ ᱟᱠᱟᱱᱟ᱾ ᱑ ᱱᱚᱵᱷᱮᱢᱵᱚᱨ ᱨᱮ, ᱩᱱᱤ ᱪᱷᱚᱛᱛᱤᱥᱜᱚᱰ ᱨᱮᱱᱟᱜ ᱪᱮᱛᱟᱱ ᱜᱩᱱᱰᱟᱫᱷᱩᱨ ᱥᱯᱳᱨᱴᱥ ᱥᱤᱨᱯᱷᱟᱹ ᱥᱟᱶᱛᱮ ᱠᱚ ᱢᱟᱱ ᱠᱮᱫᱮᱭᱟ᱾ ᱥᱮᱨᱢᱟᱠᱤᱭᱟᱹ ᱥᱤᱨᱯᱷᱟᱹ ᱫᱚ ᱢᱤᱫ ᱦᱚᱲ ᱮ ᱮᱢᱟᱭᱟ ᱡᱟᱦᱟᱸᱭ ᱫᱚ ᱡᱟᱹᱛᱤᱭᱟᱹᱨᱤ ᱟᱨ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮ ᱠᱷᱮᱞᱚᱸᱰ ᱨᱮᱱᱟᱜ ᱴᱚᱴᱷᱟ ᱨᱮ ᱯᱚᱱᱚᱛ ᱨᱮ ᱢᱟᱱ ᱮ ᱟᱹᱜᱩᱭᱟ᱾ ᱥᱤᱨᱯᱷᱟᱹ ᱫᱚ ᱐.᱑ ᱢᱤᱞᱤᱭᱚᱱ ᱨᱩᱯᱤᱥ ᱟᱨ ᱥᱤᱴᱮᱥᱚᱱ ᱥᱟᱶᱛᱮ ᱠᱚ ᱮᱢᱟ᱾ ᱪᱷᱚᱛᱛᱤᱥᱜᱚᱰ ᱥᱚᱨᱠᱟᱨ ᱩᱱᱤ ᱫᱚ ᱰᱮᱯᱩᱴᱤ ᱥᱩᱯᱨᱤᱱᱴᱮᱱᱰᱮᱱᱴ ᱚᱯᱷ ᱯᱩᱞᱤᱥ (ᱰᱤ.ᱮᱥ.ᱯᱤ.) ᱟᱜ ᱯᱚᱫᱽ ᱨᱮ ᱯᱩᱞᱤᱥ ᱰᱤᱯᱟᱨᱴᱢᱮᱱᱴ ᱨᱮ ᱯᱚᱥᱴᱤᱝ ᱮᱢ ᱠᱟᱛᱮ ᱠᱚ ᱢᱟᱱ ᱠᱮᱫᱮᱭᱟ᱾ ᱒᱐᱑᱓ ᱥᱟᱞ ᱞᱟᱹᱜᱤᱫ, ᱩᱱᱤ ᱫᱚ ᱵᱷᱟᱨᱚᱛ ᱨᱤᱱᱤᱡ ᱨᱟᱥᱴᱨᱚᱯᱚᱛᱤ ᱯᱟᱦᱴᱟ ᱠᱷᱚᱱ ᱟᱨᱡᱩᱱᱟ ᱥᱤᱨᱯᱷᱟᱹ ᱥᱟᱶᱛᱮ ᱠᱚ ᱢᱟᱱ ᱠᱮᱫᱮᱭᱟ᱾
ᱩᱱᱤ ᱫᱚ ᱒᱐᱑᱕ ᱥᱟᱞ ᱨᱮ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱠᱚ ᱮᱢᱟᱫᱮᱭᱟ, ᱡᱟᱦᱟᱸ ᱫᱚ ᱵᱷᱟᱨᱚᱛ ᱨᱮᱱᱟᱜ ᱯᱩᱱᱟᱜ ᱪᱮᱛᱟᱱ ᱥᱤᱵᱷᱤᱞᱤᱭᱟᱱ ᱥᱤᱨᱯᱷᱟᱹ ᱠᱟᱱᱟ᱾