ᱥᱟᱹᱠᱷᱤ ᱥᱤᱵᱟᱱᱚᱸᱫ
ᱥᱟᱹᱠᱷᱤ ᱥᱤᱵᱟᱱᱚᱸᱫ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱛᱮᱞᱩᱜᱩ, ᱛᱟᱢᱤᱞ, ᱠᱟᱱᱱᱟᱲᱟ, ᱢᱟᱞᱟᱭᱟᱞᱚᱢ ᱟᱨ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ᱾ ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱠᱟᱹᱢᱤ ᱫᱚ ᱦᱩᱭᱩᱜ ᱠᱟᱱᱟ "ᱟᱯᱠᱳ ᱯᱟᱦᱞᱮ ᱵᱷᱤ ᱠᱟᱦᱤᱸ ᱫᱮᱠᱷᱟ ᱦᱟᱭ" ᱡᱟᱦᱟᱸ ᱫᱚ ᱟᱱᱩᱵᱷᱟᱵᱽ ᱥᱤᱱᱦᱟ ᱫᱤᱥᱟᱹ ᱩᱫᱩᱜ ᱟᱠᱟᱫᱟ ᱟᱨ ᱯᱨᱤᱭᱟᱱᱥᱩ ᱪᱟᱴᱟᱨᱡᱤ, ᱚᱢ ᱯᱩᱨᱤ ᱟᱨ ᱯᱷᱟᱨᱤᱫᱟ ᱡᱟᱞᱟᱞ ᱥᱟᱶᱛᱮ ᱠᱚ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱥᱤᱱᱰᱨᱮᱞᱟ ᱨᱮᱱᱟᱜ ᱠᱟᱹᱦᱱᱤ "ᱫᱟ ᱥᱴᱳᱨᱤ ᱚᱯᱷ ᱥᱤᱱᱰᱨᱮᱞᱟ" ᱨᱮ ᱥᱤᱱᱰᱨᱮᱞᱟ ᱞᱟᱹᱜᱤᱫ ᱦᱚᱸ ᱟᱡᱟᱜ ᱟᱲᱟᱝ ᱮ ᱮᱢ ᱟᱠᱟᱫᱟ, ᱡᱟᱦᱟᱸ ᱫᱚ ᱵᱷᱟᱨᱚᱛ ᱨᱮ ᱥᱟᱦᱟᱨᱟ ᱴᱤᱵᱷᱤ ᱨᱮᱱᱟᱜ ᱡᱟᱥᱴ ᱠᱤᱰᱥ! ᱨᱮ ᱩᱪᱷᱟᱹᱱᱚᱜ ᱠᱟᱱ ᱢᱤᱫ ᱮᱱᱤᱢᱮᱥᱚᱱ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱤᱫ ᱯᱟᱱᱡᱟᱵᱤ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟᱭ᱾ ᱩᱱᱤ ᱢᱤᱫ ᱫᱷᱟᱣ ᱮ ᱞᱟᱹᱭ ᱟᱠᱟᱫᱟ ᱡᱮ ᱩᱱᱤ ᱨᱮᱱ ᱟᱯᱟᱛ ᱦᱟᱲᱟᱢ ᱠᱟᱠᱤᱱᱟᱰᱟ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ, ᱢᱮᱱᱠᱷᱟᱱ ᱱᱚᱣᱟ ᱫᱟᱹᱵᱤ ᱨᱮᱱᱟᱜ ᱥᱟᱹᱨᱤ ᱫᱚ ᱵᱟᱹᱲᱤᱡ ᱜᱮᱭᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱵᱟᱱᱚᱸᱫ ᱫᱚ ᱑᱙᱙᱖ ᱨᱮ ᱦᱤᱱᱫᱤ ᱨᱮ ᱮᱛᱚᱦᱚᱵ ᱠᱮᱫᱟ᱾ ᱟᱡᱟᱜ ᱮᱛᱚᱦᱚᱵ ᱠᱮᱨᱤᱭᱟᱨ ᱚᱠᱛᱚ ᱨᱮ, ᱩᱱᱤ ᱫᱚ ᱟᱫᱤᱛᱭᱟ ᱯᱟᱱᱪᱳᱞᱤ-ᱥᱴᱟᱨᱟᱨ ᱡᱟᱸᱡᱤᱨ (᱑᱙᱙᱘) ᱨᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱛᱮᱞᱩᱜᱩ ᱥᱤᱱᱮᱢᱟ ᱨᱮ ᱧᱩᱛᱩᱢ ᱮ ᱧᱟᱢ ᱠᱮᱫᱟ᱾ ᱩᱱᱤ ᱑᱙᱙᱓ ᱨᱮ ᱟᱱᱱᱟ ᱵᱟᱰᱤᱱᱟ ᱧᱩᱛᱩᱢᱟᱱ ᱢᱤᱫ ᱛᱮᱞᱩᱜᱩ ᱯᱷᱤᱞᱢ ᱨᱮ ᱢᱤᱫ ᱠᱟᱹᱴᱤᱡ ᱨᱳᱞ ᱥᱟᱶ ᱮᱛᱚᱦᱚᱵ ᱠᱮᱫᱟ ᱡᱟᱦᱟᱸ ᱨᱮ ᱠᱨᱤᱥᱱᱟᱢ ᱨᱟᱡᱩ ᱟᱨ ᱡᱟᱭᱟ ᱯᱨᱟᱫᱟ ᱢᱩᱬ ᱨᱳᱞ ᱨᱮ ᱠᱤᱱ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱵᱨᱮᱠᱛᱷᱨᱩ ᱨᱳᱞ ᱫᱚ ᱑᱙᱙᱗ ᱨᱮ ᱢᱟᱥᱴᱟᱨ ᱥᱟᱶ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱱᱟᱜᱟᱨᱡᱩᱱᱟ ᱥᱟᱶ ᱥᱤᱛᱟᱨᱟᱢᱟᱨᱟᱡᱩ, ᱵᱟᱞᱟᱠᱨᱤᱥᱱᱟ ᱥᱟᱶ ᱵᱟᱢᱥᱳᱫᱽᱫᱷᱟᱨᱟᱠᱩᱰᱩ, ᱨᱟᱡᱽᱥᱮᱠᱷᱟᱨ ᱥᱟᱶ ᱥᱤᱢᱦᱟᱨᱟᱥᱤ, ᱢᱟᱦᱮᱥ ᱵᱟᱵᱩ ᱥᱟᱶ ᱭᱩᱵᱷᱟᱨᱟᱡᱩ, ᱟᱵᱽᱵᱟᱥ ᱥᱟᱶ ᱨᱟᱡᱟᱦᱟᱢᱥᱟ ᱟᱨ ᱢᱳᱦᱟᱱ ᱵᱟᱵᱩ ᱥᱟᱶ ᱠᱚᱞᱮᱠᱴᱚᱨ ᱜᱟᱨᱩ ᱟᱨ ᱭᱟᱢᱟᱡᱟᱛᱷᱟᱠᱩᱰᱩ ᱨᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱒᱐᱐᱘ ᱨᱮᱱᱟᱜ ᱯᱷᱤᱞᱢ ᱦᱳᱢᱟᱢ ᱨᱮ ᱢᱤᱫ ᱟᱭᱴᱮᱢ ᱥᱮᱨᱮᱧ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱟ ᱡᱟᱦᱟᱸ ᱫᱚ ᱡᱮ.ᱰᱤ. ᱪᱟᱠᱨᱟᱵᱷᱟᱨᱛᱤ ᱫᱤᱥᱟᱹ ᱩᱫᱩᱜ ᱟᱠᱟᱫᱟ᱾
ᱩᱱᱤ ᱨᱮᱱ ᱦᱩᱰᱤᱧ ᱵᱚᱭᱦᱟ ᱥᱤᱞᱯᱟ ᱟᱱᱟᱸᱫ ᱦᱚᱸ ᱴᱮᱞᱤᱵᱤᱡᱚᱱ ᱮᱠᱴᱨᱮᱥ ᱠᱟᱱᱟᱭ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Sakshi Shivanand (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)