ᱥᱣᱟᱛᱷᱤ (ᱮᱠᱴᱨᱮᱥ)
ᱥᱣᱟᱛᱷᱤ ᱫᱚ ᱢᱤᱫ ᱢᱟᱨᱮ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱠᱤᱪᱷᱩ ᱛᱟᱢᱤᱞ, ᱠᱟᱱᱱᱟᱰᱟ, ᱦᱤᱱᱫᱤ ᱟᱨ ᱛᱮᱞᱩᱜᱩ ᱯᱷᱤᱞᱢ ᱨᱮ ᱧᱮᱞ ᱟᱠᱟᱱᱟᱭ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱙᱕ ᱨᱮ ᱵᱤᱡᱚᱭ ᱵᱤᱨᱩᱫᱽ ᱨᱮ ᱫᱮᱵᱟ ᱯᱷᱤᱞᱢ ᱥᱟᱶᱛᱮ ᱟᱡᱟᱜ ᱯᱷᱤᱞᱢ ᱮᱛᱚᱦᱚᱵ ᱠᱮᱫᱟ᱾ ᱥᱣᱟᱛᱷᱤ ᱫᱚ ᱟᱜᱟᱛᱷᱤᱭᱟᱱ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱ ᱵᱟᱱᱢᱟᱛᱷᱤ (᱑᱙᱙᱖) ᱨᱮ ᱟᱡᱤᱛᱷ ᱠᱩᱢᱟᱨ ᱥᱟᱶ ᱥᱠᱨᱤᱱ ᱥᱯᱮᱥ ᱮ ᱥᱮᱭᱟᱨ ᱠᱮᱫᱟ᱾
ᱵᱟᱱᱢᱟᱛᱷᱤ ᱨᱮᱱᱟᱜ ᱥᱟᱠᱥᱮᱥ ᱛᱟᱭᱚᱢ, ᱥᱣᱟᱛᱷᱤ ᱫᱚ ᱟᱡᱟᱜ ᱥᱮᱪᱮᱫ ᱯᱩᱨᱟᱹᱣ ᱞᱟᱹᱜᱤᱫ ᱦᱟᱭᱫᱽᱨᱟᱵᱟᱫᱽ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱯᱷᱤᱞᱢ ᱚᱯᱷᱚᱨ ᱠᱚᱭ ᱵᱟᱹᱜᱤ ᱠᱮᱫᱟ᱾ ᱩᱱᱤ ᱫᱚ ᱵᱟᱥᱟᱱᱛᱟ ᱵᱟᱥᱟᱞ (᱑᱙᱙᱖) ᱟᱨ ᱥᱮᱞᱵᱷᱟ (᱑᱙᱙᱖) ᱨᱮ ᱵᱤᱡᱚᱭ ᱵᱤᱨᱩᱫᱽ ᱨᱮᱭ ᱠᱷᱮᱞ ᱠᱮᱫᱟ᱾ ᱩᱱᱤ ᱫᱚ ᱢᱟᱯᱤᱞᱟᱭ ᱜᱚᱩᱱᱰᱟᱨ (᱑᱙᱙᱗) ᱨᱮ ᱯᱨᱚᱵᱷᱩ ᱥᱟᱶ ᱢᱤᱫ ᱜᱚᱲᱚ ᱨᱳᱞ ᱮ ᱠᱷᱮᱞ ᱠᱮᱫᱟ᱾
ᱛᱟᱢᱤᱞ ᱨᱮ ᱠᱤᱪᱷᱩ ᱯᱷᱤᱞᱢ ᱛᱟᱭᱚᱢ, ᱩᱱᱤ ᱫᱚ ᱦᱟᱛᱭᱟᱨᱟ (᱑᱙᱙᱘) ᱨᱮ ᱢᱤᱛᱷᱩᱱ ᱪᱚᱠᱨᱚᱵᱚᱨᱛᱤ ᱟᱨ ᱥᱩᱢᱟᱱ ᱨᱟᱝᱜᱟᱱᱟᱛᱷᱟᱱ ᱥᱟᱶ ᱦᱤᱱᱫᱤ ᱨᱮ ᱮᱛᱚᱦᱚᱵ ᱠᱮᱫᱟ᱾ ᱚᱱᱟ ᱥᱮᱨᱢᱟ ᱨᱮᱜᱮ, ᱩᱱᱤ ᱫᱚ ᱥᱩᱱᱫᱟᱨ ᱥᱤ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱ ᱩᱱᱱᱟᱭ ᱛᱷᱮᱰᱤ (᱑᱙᱙᱙) ᱨᱮ ᱟᱡᱤᱛᱷ ᱥᱟᱶ ᱮ ᱡᱩᱲᱟᱹᱣ ᱮᱱᱟ᱾ ᱩᱱᱤ ᱫᱚ ᱟᱱᱱᱟᱱ (᱑᱙᱙᱙) ᱨᱮ ᱨᱟᱢᱟᱨᱟᱡᱟᱱ ᱵᱤᱨᱩᱫᱽ ᱨᱮ ᱠᱚ ᱠᱟᱥᱴ ᱠᱮᱫᱮᱭᱟ᱾
᱒᱐᱐᱐ ᱨᱮ, ᱥᱣᱟᱛᱷᱤ ᱫᱚ ᱢᱤᱫ ᱦᱤᱱᱫᱤ ᱯᱷᱤᱞᱢ ᱠᱩᱨᱵᱟᱱᱤᱭᱟᱸ ᱨᱮ ᱧᱮᱞ ᱮᱱᱟ᱾ ᱚᱱᱟ ᱥᱮᱨᱢᱟ ᱨᱮᱜᱮ, ᱩᱱᱤ ᱫᱚ ᱡᱟᱥᱴᱤᱥ ᱪᱚᱣᱫᱷᱚᱨᱤ ᱨᱮ ᱢᱤᱛᱷᱩᱱ ᱪᱚᱠᱨᱚᱵᱚᱨᱛᱤ ᱵᱤᱨᱩᱫᱽ ᱨᱮᱭ ᱯᱮᱭᱟᱨ ᱮᱱᱟ᱾ ᱥᱣᱟᱛᱷᱤ ᱫᱚ ᱭᱟᱡᱟᱢᱟᱱᱟ ᱨᱮ ᱢᱤᱫ ᱦᱩᱰᱤᱧ ᱢᱮᱱᱠᱷᱟᱱ ᱢᱚᱡᱽ ᱨᱳᱞ ᱮ ᱧᱟᱢ ᱠᱮᱫᱟ, ᱵᱤᱥᱱᱩᱵᱚᱨᱫᱷᱟᱱ ᱥᱟᱶ ᱢᱤᱫ ᱠᱟᱱᱱᱟᱰᱟ ᱯᱷᱤᱞᱢ᱾ ᱒᱐᱐᱓ ᱨᱮ, ᱩᱱᱤ ᱫᱚ ᱠᱮ. ᱵᱷᱟᱜᱭᱟᱨᱟᱡ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱ ᱪᱷᱚᱠᱟ ᱛᱟᱝᱜᱟᱢ ᱨᱮ ᱵᱤᱡᱚᱭᱠᱟᱱᱛᱷ ᱥᱟᱶ ᱥᱠᱨᱤᱱ ᱥᱯᱮᱥ ᱮ ᱥᱮᱭᱟᱨ ᱠᱮᱫᱟ᱾ ᱒᱐᱐᱔ ᱨᱮ, ᱩᱱᱤ ᱫᱚ ᱛᱷᱮᱱᱫᱨᱟᱞ ᱨᱮ ᱜᱚᱲᱚ ᱨᱳᱞ ᱨᱮ ᱧᱮᱞ ᱮᱱᱟ᱾ ᱱᱚᱣᱟ ᱢᱩᱵᱷᱤ ᱨᱮ, ᱥᱣᱟᱛᱷᱤ ᱫᱚ ᱟᱨ. ᱯᱟᱨᱛᱷᱤᱵᱟᱱ ᱥᱟᱶ ᱥᱠᱨᱤᱱ ᱥᱯᱮᱥ ᱮ ᱥᱮᱭᱟᱨ ᱠᱮᱫᱟ᱾ ᱒᱐᱐᱘ ᱨᱮ, ᱩᱱᱤ ᱫᱚ ᱮᱡᱩᱛᱷᱤᱭᱟᱛᱷᱟᱨᱟᱰᱤ ᱨᱮ ᱜᱚᱲᱚ ᱨᱳᱞ ᱮ ᱠᱷᱮᱞ ᱠᱮᱫᱟ᱾
ᱩᱱᱤ ᱫᱚ ᱢᱩᱪᱟᱹᱫ ᱫᱷᱟᱣ ᱒᱐᱐᱙ ᱨᱮ ᱟᱢᱤᱨ ᱟᱜ ᱭᱳᱜᱤ ᱨᱮ ᱧᱮᱞ ᱮᱱᱟ ᱟᱨ ᱩᱱᱤ ᱫᱚ ᱮᱠᱴᱤᱝ ᱠᱮᱨᱤᱭᱟᱨ ᱠᱷᱚᱱ ᱵᱤᱫᱟᱹᱭ ᱦᱟᱛᱟᱣ ᱮ ᱵᱟᱪᱷᱟᱣ ᱠᱮᱫᱟ᱾
ᱯᱟᱨᱥᱚᱱᱟᱞ ᱞᱟᱭᱤᱯ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒ ᱰᱤᱥᱮᱢᱵᱚᱨ ᱒᱐᱐᱙ ᱨᱮ ᱦᱟᱭᱫᱽᱨᱟᱵᱟᱫᱽ ᱨᱮᱱᱟᱜ ᱢᱟᱨᱩᱛᱷᱤ ᱜᱟᱨᱰᱮᱱᱥ, ᱨᱮᱰ ᱦᱤᱞᱥ ᱨᱮ ᱠᱤᱨᱟᱱ ᱧᱩᱛᱩᱢᱟᱱ ᱢᱤᱫ ᱠᱚᱢᱯᱟᱹᱱᱤ ᱰᱤᱨᱮᱠᱴᱚᱨ ᱮ ᱵᱟᱯᱞᱟ ᱠᱮᱫᱮᱭᱟ᱾ ᱱᱩᱠᱤᱱ ᱡᱩᱨᱤ ᱫᱚ ᱢᱤᱫᱴᱟᱹᱝ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭ ᱛᱟᱠᱤᱱᱟ᱾