ᱥᱣᱟᱦᱤᱞᱤ ᱦᱚᱲ
ᱣᱟᱣᱩᱝᱜᱽᱣᱟᱱᱟ وَؤُنْڠوَانَ | |
|---|---|
 ᱥᱣᱟᱦᱤᱞᱤ ᱠᱩᱲᱤ ᱦᱚᱲ ᱠᱚ ᱥᱟᱡᱟᱣ ᱟᱠᱟᱱ ᱨᱩᱯ ᱨᱮ, ᱑᱘᱐᱐ ᱜᱮᱞᱟᱝ ᱥᱮᱨᱢᱟ ᱢᱩᱪᱟᱹᱫ ᱥᱮᱫ | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
| DRC (ᱟᱥᱚᱠᱟᱭ ᱛᱮ ᱢᱟᱱᱤᱭᱮᱢᱟ ᱟᱨ ᱠᱤᱥᱟᱱᱜᱟᱱᱤ)[᱒] | |
| ᱥᱣᱟᱦᱤᱞᱤ ᱫᱚᱨᱭᱟ ᱟᱨᱮ ᱟᱨ ᱰᱷᱤᱯ ᱠᱚ | ᱜᱚᱴᱟᱜᱩᱴᱤ ᱑.᱒ ᱢᱤᱞᱤᱭᱚᱱ |
 Tanzania | ᱙᱙᱖,᱐᱐᱐ |
 Kenya | ᱕᱖,᱐᱗᱔[᱓] |
 Mozambique | ᱒᱒,᱐᱐᱐[᱔] |
| ᱵᱟᱦᱨᱮ ᱫᱤᱥᱚᱢ ᱨᱮ | ᱜᱚᱴᱟᱜᱩᱴᱤ ᱐.᱘ ᱢᱤᱞᱤᱭᱚᱱ |
 Saudi Arabia | ᱔᱐᱐,᱐᱐᱐ |
 Madagascar | ᱑᱑᱓,᱐᱐᱐ |
 Oman | ᱑᱐᱐,᱐᱐᱐ |
 United States | ᱙᱐,᱐᱐᱐ |
| ᱯᱟᱹᱨᱥᱤ ᱠᱚ | |
| ᱫᱷᱚᱨᱚᱢ | |
| ᱤᱥᱞᱟᱢ ᱫᱷᱚᱨᱚᱢ (ᱥᱩᱱᱱᱤ, ᱥᱤᱭᱟ, ᱥᱩᱯᱷᱤᱵᱟᱫᱽ, ᱤᱵᱟᱫᱤ) | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
ᱥᱣᱟᱦᱤᱞᱤ ᱦᱚᱲ (, وَسوَحِيلᱤ) ᱫᱚ ᱢᱩᱬᱩᱛ ᱠᱟᱭᱛᱮ ᱵᱟᱱᱴᱩ, ᱟᱯᱷᱨᱳ-ᱟᱨᱚᱵᱽ, ᱟᱨ ᱠᱳᱢᱳᱨᱤᱭᱟᱱ ᱡᱟᱹᱛᱤ ᱜᱟᱫᱮᱞ ᱨᱮᱱ ᱦᱚᱲ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱥᱣᱟᱦᱤᱞᱤ ᱫᱚᱨᱭᱟ ᱟᱨᱮ ᱴᱚᱴᱷᱟ ᱨᱮᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱥᱟᱢᱟᱝ ᱟᱯᱷᱨᱤᱠᱟ ᱨᱮᱭᱟᱜ ᱫᱚᱨᱭᱟ ᱟᱨᱮ ᱥᱟᱶᱛᱮ ᱮᱛᱚᱢ ᱥᱳᱢᱟᱞᱤᱭᱟ, ᱠᱮᱱᱭᱟ, ᱛᱟᱱᱡᱟᱱᱤᱭᱟ, ᱟᱨ ᱠᱚᱭᱮ ᱢᱳᱡᱟᱢᱵᱤᱠ ᱦᱟᱹᱵᱤᱡ ᱯᱟᱥᱱᱟᱣ ᱢᱮᱱᱟᱜᱼᱟ ᱾ ᱱᱚᱣᱟ ᱵᱮᱜᱚᱨ ᱦᱚᱸ ᱫᱚᱨᱭᱟ ᱵᱷᱤᱛᱨᱤ ᱨᱮᱭᱟᱜ ᱰᱷᱤᱯ ᱠᱚ ᱡᱮᱞᱮᱠᱟ ᱡᱟᱱᱡᱤᱵᱟᱨ, ᱞᱟᱢᱩ, ᱟᱨ ᱠᱳᱢᱳᱨᱳ ᱰᱷᱤᱯ ᱠᱚᱨᱮ ᱦᱚᱸ ᱱᱩᱠᱩ ᱦᱚᱲ ᱫᱚ ᱢᱮᱱᱟᱜ ᱠᱚᱣᱟ ᱾[᱕] ᱢᱩᱲᱩᱛ ᱥᱣᱟᱦᱤᱞᱤ ᱦᱚᱲ ᱫᱚ ᱮᱴᱟᱜ ᱵᱟᱱᱴᱩ ᱡᱟᱹᱛᱤ ᱠᱷᱚᱱ ᱟᱯᱱᱟᱨ ᱛᱮ ᱵᱷᱮᱜᱟᱨ ᱩᱨᱩᱢᱚᱜ ᱞᱟᱹᱜᱤᱫ ᱣᱟᱣᱩᱝᱜᱽᱣᱟᱱᱟ (Waungwana - ᱥᱚᱥᱱᱚᱜ ᱦᱚᱲ) ᱢᱮᱱᱛᱮ ᱠᱚ ᱞᱟᱹᱭᱚᱜ ᱠᱟᱱ ᱛᱟᱦᱮᱸᱫ ᱾ ᱠᱤᱪᱷᱩ ᱴᱚᱴᱷᱟ ᱨᱮ, ᱡᱮᱞᱮᱠᱟ ᱞᱟᱢᱩ ᱰᱷᱤᱯ, ᱱᱚᱣᱟ ᱵᱷᱮᱜᱟᱨ ᱩᱨᱩᱢ ᱫᱚ ᱥᱟᱶᱛᱟ ᱟᱹᱨᱤ ᱟᱨ ᱪᱟᱸᱜᱟ ᱯᱟᱹᱨᱥᱤ ᱞᱮᱠᱟᱛᱮ ᱟᱹᱰᱤ ᱜᱟᱹᱦᱤᱨ ᱜᱮᱭᱟ ᱾ ᱱᱤᱛᱚᱜ ᱫᱚ "ᱥᱣᱟᱦᱤᱞᱤ" ᱢᱮᱱᱛᱮ ᱩᱱᱠᱩ ᱠᱚ ᱵᱩᱡᱷᱟᱹᱣᱚᱜᱼᱟ ᱡᱟᱦᱟᱸᱭ ᱟᱯᱷᱨᱤᱠᱟ ᱨᱮᱱ ᱠᱟᱱᱟ ᱠᱚ, ᱡᱟᱦᱟᱸᱭᱟᱜ ᱯᱩᱭᱞᱩ ᱯᱟᱹᱨᱥᱤ ᱫᱚ ᱥᱣᱟᱦᱤᱞᱤ ᱠᱟᱱᱟ, ᱡᱟᱦᱟᱸᱭ ᱢᱩᱥᱞᱤᱢ ᱠᱟᱱᱟ ᱠᱚ, ᱟᱨ ᱛᱟᱱᱡᱟᱱᱤᱭᱟ, ᱠᱮᱱᱭᱟ ᱫᱚᱨᱭᱟ ᱟᱨᱮ, ᱠᱚᱧᱮ ᱢᱳᱡᱟᱢᱵᱤᱠ ᱥᱮ ᱠᱳᱢᱳᱨᱳᱥ ᱨᱮᱭᱟᱜ ᱥᱚᱦᱚᱨ ᱠᱚᱨᱮ ᱠᱚ ᱛᱟᱦᱮᱸᱱᱟ ᱾[᱖]
"ᱥᱣᱟᱦᱤᱞᱤ" ᱧᱩᱛᱩᱢ ᱫᱚ ᱵᱟᱦᱨᱮ ᱦᱚᱲ ᱠᱚ ᱦᱚᱛᱮᱛᱮ ᱮᱢ ᱟᱠᱟᱱ ᱢᱤᱫ ᱧᱩᱛᱩᱢ ᱠᱟᱱᱟ, ᱡᱟᱦᱟᱸ ᱫᱚ ᱟᱨᱵᱤ ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱫᱚᱨᱭᱟ ᱟᱨᱮ" ᱾ ᱟᱭᱢᱟ ᱜᱟᱹᱠᱷᱩᱲᱤᱭᱟᱹ ᱠᱚᱣᱟᱜ ᱢᱮᱱ ᱞᱮᱠᱟᱛᱮ ᱥᱣᱟᱦᱤᱞᱤ ᱠᱚᱣᱟᱜ ᱢᱩᱲᱩᱛ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱣᱟᱝᱜᱚᱡᱤ, ᱟᱨ ᱩᱱᱠᱩ ᱫᱚ ᱠᱤᱝᱜᱚᱡᱤ ᱯᱟᱹᱨᱥᱤ ᱛᱮᱠᱚ ᱨᱚᱲᱮᱫ ᱛᱟᱦᱮᱸᱫ ᱾[᱗] ᱱᱤᱛᱚᱜᱟᱜ ᱢᱟᱱᱚᱠ ᱥᱣᱟᱦᱤᱞᱤ ᱫᱚ ᱡᱟᱱᱡᱤᱵᱟᱨ ᱨᱮᱭᱟᱜ ᱠᱤᱭᱩᱝᱜᱩᱡᱟ ᱪᱟᱸᱜᱟ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱮᱴᱟᱜ ᱡᱮᱜᱮᱛᱟᱹᱨᱤ ᱯᱟᱹᱨᱥᱤ ᱠᱚ ᱞᱮᱠᱟ ᱜᱮ, ᱥᱣᱟᱦᱤᱞᱤ ᱨᱮᱦᱚᱸ ᱟᱭᱢᱟ ᱵᱟᱦᱨᱮ ᱯᱟᱹᱨᱥᱤ ᱨᱮᱭᱟᱜ ᱟᱹᱲᱟᱹ ᱢᱮᱥᱟ ᱢᱮᱱᱟᱜᱼᱟ, ᱟᱥᱚᱠᱟᱭ ᱛᱮ ᱟᱨᱵᱤ, ᱯᱳᱨᱛᱩᱜᱤᱡᱽ, ᱯᱷᱟᱹᱨᱥᱤ, ᱦᱤᱱᱫᱤ, ᱤᱝᱞᱤᱥ ᱟᱨ ᱡᱟᱨᱢᱟᱱ ᱾
ᱥᱣᱟᱦᱤᱞᱤ ᱫᱚ ᱙ ᱥᱟᱭ ᱥᱮᱨᱢᱟ ᱠᱷᱚᱱ ᱜᱮ ᱥᱟᱢᱟᱝ ᱟᱯᱷᱨᱤᱠᱟ ᱨᱮᱭᱟᱜ ᱫᱚᱨᱭᱟ ᱟᱨᱮ ᱨᱮ ᱞᱤᱝᱜᱩᱣᱟ ᱯᱷᱨᱟᱱᱠᱟ ᱟᱨ ᱵᱮᱯᱟᱨᱤᱭᱟᱹ ᱯᱟᱹᱨᱥᱤ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱑᱘ ᱥᱟᱭ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱡᱟᱱᱡᱤᱵᱟᱨ ᱨᱮᱱ ᱵᱮᱯᱟᱨᱤᱭᱟᱹ ᱠᱚ ᱟᱯᱷᱨᱤᱠᱟ ᱨᱮᱭᱟᱜ ᱵᱷᱤᱛᱨᱤ ᱴᱚᱴᱷᱟ ᱛᱮ ᱠᱚ ᱥᱮᱱ ᱮᱱ ᱠᱷᱟᱹᱛᱤᱨ ᱱᱚᱣᱟ ᱯᱟᱹᱨᱥᱤ ᱫᱚ ᱜᱚᱴᱟ ᱥᱟᱢᱟᱝ ᱟᱯᱷᱨᱤᱠᱟ ᱨᱮ ᱯᱟᱥᱱᱟᱣ ᱮᱱᱟ ᱾ ᱚᱱᱟᱛᱮ ᱥᱣᱟᱦᱤᱞᱤ ᱫᱚ ᱟᱯᱷᱨᱤᱠᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱨᱚᱲᱚᱜ ᱠᱟᱱ ᱯᱟᱹᱨᱥᱤ ᱠᱟᱱᱟ ᱾
ᱫᱷᱚᱨᱚᱢ (Religion)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱥᱞᱟᱢ ᱫᱷᱚᱨᱚᱢ ᱫᱚ ᱙ ᱥᱟᱭ ᱥᱮᱨᱢᱟ ᱠᱷᱚᱱ ᱜᱮ ᱥᱟᱢᱟᱝ ᱟᱯᱷᱨᱤᱠᱟ ᱨᱮᱭᱟᱜ ᱫᱚᱨᱭᱟ ᱟᱨᱮ ᱴᱚᱴᱷᱟ ᱨᱮ ᱯᱟᱥᱱᱟᱣ ᱞᱮᱱᱟ ᱾ ᱱᱚᱣᱟ ᱚᱠᱛᱚ ᱨᱮ ᱜᱮ ᱵᱟᱱᱴᱩ ᱵᱮᱯᱟᱨᱤᱭᱟᱹ ᱠᱚ ᱫᱚᱨᱭᱟ ᱟᱨᱮ ᱨᱮ ᱵᱚᱥᱠᱚᱫ ᱠᱟᱛᱮ ᱥᱤᱧᱚᱛ ᱢᱟᱦᱟᱫᱚᱨᱭᱟ ᱨᱮᱭᱟᱜ ᱵᱮᱯᱟᱨ ᱥᱟᱶ ᱠᱚ ᱡᱚᱲᱟᱣ ᱞᱮᱱᱟ ᱾ ᱥᱣᱟᱦᱤᱞᱤ ᱦᱚᱲ ᱫᱚ ᱟᱥᱚᱠᱟᱭ ᱛᱮ ᱥᱩᱱᱱᱤ ᱤᱥᱞᱟᱢ ᱫᱷᱚᱨᱚᱢ ᱠᱚ ᱢᱟᱱᱟᱣᱟ ᱾[᱘]
ᱛᱟᱱᱡᱟᱱᱤᱭᱟ, ᱠᱮᱱᱭᱟ ᱟᱨ ᱢᱳᱡᱟᱢᱵᱤᱠ ᱨᱮᱱ ᱟᱭᱢᱟ ᱞᱮᱠᱷᱟ ᱨᱮ ᱥᱣᱟᱦᱤᱞᱤ ᱦᱚᱲ ᱫᱚ ᱦᱚᱡᱽ (Hajj) ᱟᱨ ᱩᱢᱨᱟᱦ (Umrah) ᱞᱟᱹᱜᱤᱫ ᱠᱚ ᱥᱮᱱᱚᱜᱼᱟ ᱾ ᱤᱥᱞᱟᱢᱤ ᱟᱹᱨᱤᱪᱟᱹᱞᱤ ᱞᱮᱠᱟᱱ ᱞᱤᱵᱟᱥ (dress) ᱡᱮᱞᱮᱠᱟ ᱡᱤᱞᱵᱟᱵᱽ (jilbab) ᱟᱨ ᱛᱷᱳᱵᱽ (thob) ᱫᱚ ᱥᱣᱟᱦᱤᱞᱤ ᱦᱚᱲ ᱠᱚ ᱢᱩᱫᱽ ᱨᱮ ᱟᱹᱰᱤ ᱧᱩᱛᱩᱢᱟᱱᱟ ᱾ ᱥᱣᱟᱦᱤᱞᱤ ᱦᱚᱲ ᱠᱚᱫᱚ ᱰᱤᱵᱷᱤᱱᱮᱥᱚᱱ ᱥᱮ ᱵᱷᱟᱹᱜᱤ-ᱵᱟᱹᱲᱤᱡ ᱞᱟᱹᱭ ᱞᱟᱹᱜᱤᱫ ᱦᱚᱸ ᱠᱚ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱨᱮ ᱟᱠᱚᱣᱟᱜ ᱢᱟᱨᱮ ᱦᱟᱯᱲᱟᱢ ᱠᱚᱣᱟᱜ ᱯᱟᱹᱛᱭᱟᱹᱣ ᱦᱚᱸ ᱢᱮᱥᱟ ᱢᱮᱱᱟᱜᱼᱟ ᱾ ᱡᱮᱞᱮᱠᱟ, ᱩᱱᱠᱩ ᱫᱚ ᱡᱤᱱ (djinn) ᱠᱚ ᱯᱟᱹᱛᱭᱟᱹᱣ ᱟᱠᱚᱣᱟ, ᱟᱨ ᱟᱭᱢᱟ ᱠᱚᱲᱟ ᱦᱚᱲ ᱜᱮ ᱠᱩᱨᱟᱱ ᱨᱮᱭᱟᱜ ᱟᱹᱭᱟᱹᱛ ᱚᱞ ᱟᱠᱟᱱ ᱛᱟᱵᱤᱡ ᱠᱚ ᱦᱚᱨᱚᱜᱟ ᱾
ᱠᱩᱨᱟᱱ ᱯᱟᱲᱦᱟᱣ ᱠᱟᱛᱮ ᱜᱮ ᱱᱚᱣᱟ ᱰᱤᱵᱷᱤᱱᱮᱥᱚᱱ ᱫᱚ ᱦᱩᱭᱩᱜᱼᱟ ᱾ ᱟᱭᱢᱟ ᱫᱷᱟᱣ ᱨᱟᱱ-ᱢᱩᱨᱜᱟᱹᱱ ᱞᱟᱹᱜᱤᱫ ᱦᱚᱸ ᱠᱩᱨᱟᱱ ᱨᱮᱭᱟᱜ ᱟᱹᱭᱟᱹᱛ ᱠᱚ ᱵᱮᱵᱷᱟᱨᱚᱜᱼᱟ ᱾ ᱚᱠᱟ ᱚᱠᱟ ᱡᱚᱠᱷᱚᱱ, ᱨᱩᱜᱤ ᱦᱚᱲ ᱫᱚ ᱠᱩᱨᱟᱱ ᱨᱮᱭᱟᱜ ᱟᱹᱭᱟᱹᱛ ᱚᱞ ᱟᱠᱟᱱ ᱠᱟᱜᱚᱡᱽ ᱫᱟᱜ ᱨᱮ ᱞᱚᱦᱚᱫ ᱠᱟᱛᱮ ᱚᱱᱟ ᱫᱟᱜ ᱛᱮ ᱩᱢᱚᱜ ᱥᱮ ᱧᱩ ᱞᱟᱹᱜᱤᱫ ᱠᱚ ᱢᱮᱛᱟ ᱠᱚᱣᱟ, ᱡᱮᱢᱚᱱ ᱩᱱᱠᱩ ᱠᱚ ᱵᱮᱥᱚᱜ ᱢᱟ ᱾ ᱱᱚᱣᱟ ᱥᱟᱶᱛᱟ ᱨᱮ ᱥᱩᱢᱩᱝ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱜᱟᱹᱠᱷᱩᱲᱤᱭᱟᱹ ᱟᱨ ᱢᱟᱪᱮᱛ ᱠᱚ ᱜᱮ ᱨᱟᱱ-ᱢᱩᱨᱜᱟᱹᱱ ᱮᱢ ᱨᱮᱭᱟᱜ ᱪᱷᱟᱹᱴᱤᱭᱟᱹᱨ ᱫᱚ ᱢᱮᱱᱟᱜ ᱛᱟᱠᱚᱣᱟ ᱾[᱙]
ᱠᱤᱪᱷᱩ ᱥᱣᱟᱦᱤᱞᱤ ᱦᱚᱲ ᱫᱚ ᱤᱥᱟᱹᱭ ᱫᱷᱚᱨᱚᱢ ᱦᱚᱸ ᱠᱚ ᱢᱟᱱᱟᱣᱟ ᱾[᱑᱐]
ᱯᱟᱹᱨᱥᱤ (Language)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱣᱟᱦᱤᱞᱤ ᱯᱟᱹᱨᱥᱤ ᱫᱚ ᱱᱟᱭᱡᱟᱨ-ᱠᱚᱱᱜᱳ ᱜᱷᱟᱨᱚᱸᱡᱽ ᱨᱮᱭᱟᱜ ᱵᱟᱱᱴᱩ ᱪᱟᱸᱜᱟ ᱜᱷᱟᱨᱚᱸᱡᱽ ᱨᱮᱱ ᱢᱤᱫ ᱥᱚᱦᱮᱫ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱥᱩᱨ ᱥᱟᱹᱜᱟᱹᱭ ᱟᱱ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱠᱳᱢᱳᱨᱳ ᱰᱷᱤᱯ ᱨᱮ ᱨᱚᱲᱚᱜ ᱠᱟᱱ ᱠᱳᱢᱳᱨᱤᱭᱟᱱ ᱟᱨ ᱠᱮᱱᱭᱟ ᱨᱮᱱ ᱢᱤᱡᱤᱠᱮᱱᱰᱟ ᱦᱚᱲ ᱠᱚᱣᱟᱜ ᱢᱤᱡᱤᱠᱮᱱᱰᱟ ᱯᱟᱹᱨᱥᱤ ᱾[᱑᱑]
ᱥᱣᱟᱦᱤᱞᱤ ᱯᱟᱹᱨᱥᱤ ᱨᱮᱱ ᱢᱩᱲᱩᱛ ᱨᱚᱲ ᱦᱚᱲ ᱠᱚᱫᱚ ᱡᱟᱱᱡᱤᱵᱟᱨ ᱟᱨ ᱠᱮᱱᱭᱟ ᱥᱟᱶᱛᱮ ᱛᱟᱱᱡᱟᱱᱤᱭᱟ ᱨᱮᱭᱟᱜ ᱫᱚᱨᱭᱟ ᱟᱨᱮ ᱴᱚᱴᱷᱟ ᱨᱮ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱥᱣᱟᱦᱤᱞᱤ ᱫᱚᱨᱭᱟ ᱟᱨᱮ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾[᱑᱒] ᱥᱣᱟᱦᱤᱞᱤ ᱫᱚ ᱟᱯᱷᱨᱤᱠᱟ ᱨᱮᱭᱟᱜ ᱢᱟᱨᱟᱝ ᱰᱟᱹᱦᱤ ᱴᱚᱴᱷᱟ (Great Lakes region) ᱨᱮᱭᱟᱜ ᱥᱚᱦᱚᱨᱤᱭᱟᱹ ᱦᱚᱲ ᱠᱚᱣᱟᱜ ᱯᱟᱹᱨᱥᱤ ᱵᱮᱱᱟᱣ ᱮᱱᱟ ᱟᱨ ᱛᱟᱭᱚᱢ ᱛᱮ ᱱᱚᱣᱟ ᱫᱚ ᱩᱯᱚᱱᱤᱵᱮᱥ ᱛᱟᱭᱚᱢ ᱚᱠᱛᱚ ᱨᱮ ᱢᱤᱫ ᱞᱤᱝᱜᱩᱣᱟ ᱯᱷᱨᱟᱱᱠᱟ ᱞᱮᱠᱟᱛᱮ ᱩᱛᱱᱟᱹᱣ ᱮᱱᱟ ᱾[᱑᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Swahili facts, information, pictures – Encyclopedia.com articles about Swahili". Encyclopedia.com. Retrieved 11 April 2017.
- ↑ "History, archaeology and memory of the Swahili-Arab in the Maniema, Democratic Republic of Congo". cambridge.org. June 2020. Retrieved 18 November 2025.
- ↑ "2019 Kenya Population and Housing Census Volume IV: Distribution of Population by Socio-Economic Characteristics" (PDF). Kenya National Bureau of Statistics. Archived from the original (PDF) on 9 October 2022. Retrieved 2 May 2021.
- ↑ "Swahili". Ethnologue. Retrieved 22 February 2025.
- ↑ "The People of the Swahili Coast". education.nationalgeographic.org. Retrieved 7 January 2025.
- ↑ Spear, Thomas (2000). "Early Swahili History Reconsidered". The International Journal of African Historical Studies. 33 (2): 257–290. doi:10.2307/220649. JSTOR 220649.
- ↑ Nasong'o, Wanjala S.; Amutabi, Maurice N.; Falola, Toyin (25 April 2023). The Palgrave Handbook of Contemporary Kenya. Springer Nature. ISBN 978-3-031-15854-4.
- ↑ "The People of the Swahili Coast". education.nationalgeographic.org. Retrieved 11 September 2023.
- ↑ "Swahili People". Archived from the original on 18 September 2006. Retrieved 16 September 2006.
- ↑ "Swahili Bantu of East Africa Coast". Pray Africa.
- ↑ Frawley, William J. (2003). International Encyclopedia of Linguistics. p. 181. doi:10.1093/acref/9780195139778.001.0001. ISBN 978-0-19-513977-8.
- ↑ Daniel Don Nanjira, African Foreign Policy and Diplomacy: From Antiquity to the 21st Century, ABC-CLIO, 2010, p. 114
- ↑ "BBC – Languages – Swahili – A Guide to Swahili – 10 facts about the Swahili language". bbc.co.uk. Retrieved 5 December 2024.