ᱥᱣᱟᱯᱱᱟ (ᱮᱠᱴᱨᱮᱥ)
ᱥᱣᱟᱯᱱᱟ ᱠᱷᱟᱱᱱᱟ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱟᱨᱮ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱑᱙᱘᱐ ᱜᱮᱞᱟᱝ ᱟᱨ ᱑᱙᱙᱐ ᱜᱮᱞᱟᱝ ᱨᱮᱱᱟᱜ ᱮᱛᱚᱦᱚᱵ ᱥᱮᱫ ᱠᱷᱚᱱ ᱢᱟᱞᱟᱭᱟᱞᱟᱢ, ᱛᱮᱞᱩᱜᱩ, ᱛᱟᱢᱤᱞ, ᱠᱟᱱᱱᱟᱰᱟ ᱟᱨ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ᱾ ᱩᱱᱤᱭᱟᱜ ᱧᱩᱛᱩᱢ ᱫᱚ ᱥᱣᱟᱯᱱᱟ ᱫᱚᱦᱚ ᱞᱮᱱᱟ, ᱢᱟᱲᱟᱝ ᱫᱚ ᱢᱚᱧᱡᱚᱨᱤ ᱰᱷᱳᱰᱤ, ᱟᱱᱤᱞ ᱥᱚᱨᱢᱟ ᱫᱟᱨᱟᱭ ᱛᱮ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱣᱟᱯᱱᱟ ᱫᱚ ᱯᱤ.ᱡᱤ. ᱵᱤᱥᱣᱟᱢᱵᱷᱚᱨᱟᱱ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱ ᱥᱟᱝᱜᱟᱨᱥᱚᱢ (᱑᱙᱘᱑) ᱥᱟᱶᱛᱮ ᱟᱡᱟᱜ ᱠᱮᱨᱤᱭᱟᱨ ᱮ ᱮᱛᱚᱦᱚᱵ ᱠᱮᱫᱟ ᱟᱨ ᱚᱱᱟ ᱛᱟᱭᱚᱢ ᱟᱭᱢᱟ ᱛᱟᱢᱤᱞ, ᱛᱮᱞᱩᱜᱩ ᱟᱨ ᱢᱟᱞᱟᱭᱟᱞᱟᱢ ᱯᱟᱹᱨᱥᱤ ᱨᱮᱱᱟᱜ ᱢᱩᱵᱷᱤ ᱨᱮ ᱠᱟᱹᱢᱤ ᱠᱮᱫᱟᱭ᱾ ᱩᱱᱤ ᱫᱚ ᱛᱮᱨᱤ ᱢᱮᱦᱮᱨᱵᱟᱱᱤᱭᱟᱸ, ᱰᱟᱠ ᱵᱟᱝᱞᱟ, ᱦᱩᱠᱩᱢᱟᱛ, ᱤᱡᱡᱟᱛᱫᱟᱨ, ᱡᱟᱱᱟᱢ ᱥᱮ ᱯᱮᱦᱞᱮ ᱟᱨ ᱮᱴᱟᱜ ᱞᱮᱠᱟᱱ ᱵᱚᱞᱤᱣᱩᱰ ᱯᱷᱤᱞᱢ ᱨᱮᱦᱚᱸ ᱚᱠᱟ ᱫᱚ ᱧᱮᱞ ᱧᱟᱢᱚᱜ ᱜᱮᱭᱟᱭ᱾ ᱩᱱᱤ ᱫᱚ ᱟᱫᱤᱛᱭᱟ ᱯᱟᱧᱪᱳᱞᱤ-ᱥᱴᱟᱨᱟᱨ ᱠᱟᱛᱤᱞ (᱑᱙᱘᱘) ᱨᱮ ᱜᱮᱥᱴ ᱥᱴᱟᱨ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱑᱙᱙᱓ ᱨᱮ ᱵᱟᱯᱞᱟ ᱛᱟᱭᱚᱢ ᱩᱱᱤ ᱫᱚ ᱯᱷᱤᱞᱢ ᱤᱱᱰᱚᱥᱴᱨᱤ ᱮ ᱵᱟᱹᱜᱤ ᱠᱮᱫᱟ ᱟᱨ ᱱᱤᱛᱚᱜ ᱫᱚ ᱟᱡᱤᱡ ᱡᱟᱶᱟᱭ ᱨᱚᱢᱚᱱ ᱠᱷᱟᱱᱱᱟ ᱥᱟᱶᱛᱮ ᱥᱟᱝᱜᱤᱱᱤ ᱮᱱᱴᱟᱨᱴᱮᱱᱢᱮᱱᱴ ᱧᱩᱛᱩᱢᱟᱱ ᱢᱤᱫ ᱤᱵᱷᱮᱱᱴ ᱢᱮᱱᱮᱡᱽᱢᱮᱱᱴ ᱠᱚᱢᱯᱟᱹᱱᱤ ᱨᱮ ᱮᱠᱴᱤᱵᱷ ᱞᱮᱠᱟᱛᱮ ᱥᱮᱞᱮᱫ ᱢᱮᱱᱟᱭᱟ, ᱡᱟᱦᱟᱸ ᱫᱚ ᱵᱟᱦᱨᱮ ᱫᱤᱥᱚᱢ ᱨᱮ ᱵᱚᱞᱤᱣᱩᱰ ᱟᱨ ᱵᱷᱟᱨᱚᱛᱤᱭᱚ ᱠᱞᱟᱥᱤᱠᱟᱞ ᱮᱱᱮᱡ ᱤᱵᱷᱮᱱᱴ ᱠᱚ ᱥᱟᱯᱲᱟᱣ ᱟᱨ ᱢᱮᱱᱮᱡᱽ ᱮᱫᱟᱭ᱾ ᱩᱱᱠᱩᱣᱟᱜ ᱠᱤᱪᱷᱩ ᱥᱳ ᱫᱚ ᱥᱟᱢ-ᱮ-ᱨᱚᱝᱜᱤᱱ ᱟᱨ ᱰᱨᱤᱢᱜᱚᱨᱞᱥ ᱳᱯᱷ ᱵᱚᱞᱤᱣᱩᱰ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱫᱟ᱾ ᱱᱚᱣᱟ ᱥᱟᱶᱛᱮ ᱩᱱᱤ ᱫᱚ "ᱫᱟ ᱵᱨᱩᱠ ᱮᱴ ᱠᱷᱟᱱᱱᱟᱥ" ᱧᱩᱛᱩᱢ ᱛᱮ ᱢᱤᱫ ᱨᱤᱥᱳᱨᱴ ᱦᱚᱸᱭ ᱪᱟᱞᱟᱣᱮᱫ ᱠᱟᱱᱟ, ᱡᱟᱦᱟᱸ ᱫᱚ ᱠᱟᱨᱡᱚᱛ, ᱢᱩᱢᱵᱟᱭ ᱨᱮ ᱢᱮᱱᱟᱜᱼᱟ᱾