ᱥᱤᱞᱞᱩᱠ ᱦᱚᱲ
ᱪᱳᱞᱞᱳ (Cøllø) | |
|---|---|
᱑᱙᱓᱖ ᱥᱮᱨᱢᱟ ᱨᱮ ᱮᱛᱚᱢ ᱥᱩᱫᱟᱱ ᱨᱮᱭᱟᱜ ᱢᱟᱞᱟᱠᱟᱞ ᱥᱩᱨ ᱨᱮ ᱵᱟᱨᱭᱟ ᱥᱤᱞᱞᱩᱠ ᱠᱚᱲᱟ ᱦᱚᱲ | |
| ᱜᱩᱴ ᱦᱚᱲ ᱮᱞ | |
| ᱕᱐᱐,᱐᱐᱐-᱗᱐᱐,᱐᱐᱐ | |
| ᱯᱟᱹᱨᱥᱤ ᱠᱚ | |
| ᱥᱤᱞᱞᱩᱠ, ᱤᱝᱞᱤᱥ | |
| ᱫᱷᱚᱨᱚᱢ | |
| ᱤᱥᱟᱹᱭ ᱫᱷᱚᱨᱚᱢ ᱟᱯᱷᱨᱤᱠᱟᱱ ᱦᱟᱯᱲᱟᱢ ᱫᱷᱚᱨᱚᱢ | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| ᱮᱴᱟᱜ ᱞᱩᱣᱳ ᱦᱚᱲ ᱠᱚ, ᱮᱴᱟᱜ ᱱᱤᱞᱳᱴᱤᱠ ᱦᱚᱲ ᱠᱚ |
ᱥᱤᱞᱞᱩᱠ ᱫᱚ ᱢᱤᱫ ᱢᱟᱨᱟᱝ ᱞᱩᱣᱳ ᱱᱤᱞᱳᱴᱤᱠ ᱡᱟᱹᱛᱤ ᱜᱟᱫᱮᱞ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱮᱛᱚᱢ ᱥᱩᱫᱟᱱ ᱨᱮᱭᱟᱜ ᱠᱚᱭᱮ-ᱥᱟᱢᱟᱝ ᱟᱯᱟᱨ ᱱᱟᱭᱤᱞ ᱯᱚᱱᱚᱛ ᱨᱮ, ᱯᱩᱸᱰ ᱱᱤᱞ ᱜᱟᱰᱟ ᱨᱮᱭᱟᱜ ᱯᱟᱪᱮ ᱟᱨᱮ ᱨᱮ ᱠᱚ ᱛᱟᱦᱮᱸᱱᱟ ᱾ ᱫᱚᱥᱟᱨ ᱥᱩᱫᱟᱱ ᱚᱲᱟᱜ ᱞᱟᱹᱲᱦᱟᱹᱭ ᱞᱟᱦᱟ ᱨᱮ, ᱥᱤᱞᱞᱩᱠ ᱦᱚᱲ ᱫᱚ ᱥᱳᱵᱟᱛ ᱜᱟᱰᱟ ᱨᱮᱭᱟᱜ ᱠᱚᱧᱮ ᱟᱨᱮ ᱨᱮᱦᱚᱸ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛᱚᱜᱟᱜ ᱵᱟᱞᱤᱭᱮᱛ ᱠᱟᱣᱩᱱᱴᱤ ᱴᱚᱴᱷᱟ ᱠᱟᱱᱟ ᱾ ᱢᱟᱨᱮ ᱥᱳᱵᱟᱛ ᱦᱚᱱᱚᱛ ᱫᱚ ᱱᱤᱛᱚᱜᱟᱜ ᱵᱟᱞᱤᱭᱮᱛ ᱠᱟᱣᱩᱱᱴᱤ, ᱟᱠᱳᱠᱟ ᱠᱟᱣᱩᱱᱴᱤ ᱟᱨ ᱢᱟᱞᱟᱠᱟᱞ ᱥᱚᱦᱚᱨ ᱱᱚᱜᱚᱨ ᱱᱤᱜᱟᱢ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱠᱚ ᱠᱟᱣᱩᱱᱴᱤ ᱨᱮᱱ ᱢᱩᱲᱩᱛ ᱵᱟᱥᱤᱱᱫᱟ ᱫᱚ ᱯᱟᱫᱟᱝ ᱰᱤᱱᱠᱟ ᱡᱟᱹᱛᱤ ᱨᱮᱱ ᱦᱚᱲ ᱠᱟᱱᱟ ᱠᱚ ᱾ ᱯᱟᱫᱟᱝ ᱦᱚᱲ ᱠᱚᱫᱚ ᱜᱚᱴᱟ ᱯᱩᱸᱰ ᱱᱤᱞ ᱨᱮᱭᱟᱜ ᱥᱟᱢᱟᱝ ᱟᱨᱮ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱨᱮᱱᱠ ᱠᱟᱣᱩᱱᱴᱤ ᱨᱮᱭᱟᱜ ᱥᱩᱫᱟᱱ ᱥᱤᱢᱟᱹ ᱦᱟᱹᱵᱤᱡ ᱠᱚ ᱵᱚᱥᱠᱚᱫ ᱟᱠᱟᱱᱟ ᱾ ᱯᱟᱫᱟᱝ ᱟᱨ ᱪᱳᱞᱞᱳ (ᱥᱤᱞᱞᱩᱠ) ᱨᱟᱡᱽ ᱨᱮᱭᱟᱜ ᱥᱤᱢᱟᱹ ᱫᱚ ᱦᱩᱭᱩᱜ ᱠᱟᱱᱟ ᱯᱩᱸᱰ ᱱᱤᱞ ᱜᱟᱰᱟ ᱾
ᱥᱤᱞᱞᱩᱠ ᱦᱚᱲ ᱫᱚ ᱮᱛᱚᱢ ᱥᱩᱫᱟᱱ ᱨᱮᱭᱟᱜ ᱛᱮᱥᱟᱨ ᱢᱟᱨᱟᱝ ᱡᱟᱹᱛᱤ ᱜᱟᱫᱮᱞ ᱠᱟᱱᱟ ᱠᱚ, ᱰᱤᱱᱠᱟ ᱟᱨ ᱱᱩᱭᱮᱨ ᱛᱟᱭᱚᱢ ᱾
ᱩᱱᱠᱩᱣᱟᱜ ᱯᱟᱹᱨᱥᱤ ᱫᱚ ᱫᱷᱚᱜᱽ ᱪᱳᱞᱞᱳ ᱠᱚ ᱢᱮᱛᱟᱜᱼᱟ, 'ᱫᱷᱚᱜᱽ' ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱯᱟᱹᱨᱥᱤ ᱟᱨ ᱢᱚᱪᱟ ᱾ ᱱᱚᱣᱟ ᱫᱚ ᱯᱟᱪᱮ ᱱᱤᱞᱳᱴᱤᱠ ᱪᱟᱸᱜᱟ ᱜᱷᱟᱨᱚᱸᱡᱽ ᱨᱮᱭᱟᱜ ᱞᱩᱣᱳ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱠᱟᱱᱟ ᱾
ᱱᱟᱜᱟᱢ (History)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱞᱞᱩᱠ ᱨᱟᱡᱽ (Shilluk kingdom)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱞᱞᱩᱠ ᱦᱚᱲ ᱫᱚ ᱑᱔᱕᱔ ᱥᱮᱨᱢᱟ ᱨᱮ ᱮᱛᱚᱢ ᱥᱩᱫᱟᱱ ᱨᱮ ᱱᱤᱛᱚᱜᱟᱜ ᱥᱤᱞᱞᱩᱠ ᱨᱟᱡᱽ ᱠᱚ ᱵᱮᱱᱟᱣ ᱞᱮᱫᱟ ᱾ ᱱᱟᱜᱟᱢ ᱞᱮᱠᱟᱛᱮ, ᱱᱚᱣᱟ ᱫᱚ ᱢᱤᱫ ᱵᱟᱵᱟ ᱦᱚᱲᱟᱜ ᱥᱟᱥᱚᱱ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱱ ᱢᱩᱠᱷᱤᱭᱟᱹ ᱫᱚ 'ᱨᱮᱛᱷ'ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱱᱤᱭᱤᱠᱟᱝ ᱧᱩᱛᱩᱢᱟᱱ ᱢᱤᱫ ᱟᱹᱨᱤᱪᱟᱹᱞᱤ ᱵᱤᱨᱣᱟᱜ ᱵᱚᱝᱥᱚ ᱨᱮᱱ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ, ᱟᱨ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱩᱱᱤ ᱜᱮ ᱫᱤᱥᱚᱢ ᱨᱮᱱ ᱦᱚᱲ ᱠᱚᱣᱟᱜ ᱦᱚᱲᱢᱚ ᱵᱮᱥ ᱫᱚᱦᱚ ᱨᱮᱭ ᱜᱚᱲᱚᱣᱟ ᱾ ᱩᱱᱠᱩᱣᱟᱜ ᱥᱟᱶᱛᱟ ᱫᱚ ᱞᱟᱦᱟ ᱛᱮ ᱛᱷᱟᱠ-ᱛᱷᱟᱠ ᱨᱮ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ—ᱨᱟᱡᱽ ᱜᱷᱟᱨᱚᱸᱡᱽ, ᱱᱮᱠᱷᱟᱱ ᱦᱚᱲ , ᱥᱟᱫᱷᱟᱨᱚᱱ ᱦᱚᱲ ᱟᱨ ᱫᱟᱥ ᱾[᱑] ᱱᱮᱛᱟᱨ ᱫᱚ ᱥᱤᱞᱞᱩᱠ ᱥᱟᱥᱚᱱ ᱫᱚ ᱢᱤᱫ ᱞᱚᱠᱛᱟᱱᱛᱨᱤᱠ ᱠᱟᱱᱟ, ᱡᱟᱦᱟᱸ ᱨᱮ ᱟᱹᱛᱩ ᱢᱩᱠᱷᱤᱭᱟᱹ ᱠᱚᱣᱟᱜ ᱢᱤᱫ ᱠᱟᱣᱩᱱᱥᱤᱞ ᱦᱚᱛᱮᱛᱮ ᱢᱤᱫ ᱢᱩᱠᱷᱤᱭᱟᱹ ᱠᱚ ᱵᱟᱪᱷᱚᱱ ᱮᱭᱟ ᱾[᱑]
ᱥᱤᱞᱞᱩᱠ ᱦᱚᱲ ᱫᱚ ᱟᱱᱩᱣᱟᱠ ᱟᱨ ᱞᱩᱣᱳ ᱱᱤᱞᱳᱴᱤᱠ ᱦᱚᱲ ᱠᱚ ᱥᱟᱶ ᱟᱹᱰᱤ ᱜᱟᱹᱦᱤᱨ ᱥᱟᱹᱜᱟᱹᱭ ᱢᱮᱱᱟᱜ ᱛᱟᱠᱚᱣᱟ ᱾ ᱥᱤᱞᱞᱩᱠ ᱯᱟᱹᱨᱥᱤ ᱨᱮᱭᱟᱜ ᱟᱭᱢᱟ ᱟᱹᱲᱟᱹ ᱜᱮ ᱟᱱᱩᱣᱟᱠ ᱯᱟᱹᱨᱥᱤ ᱥᱟᱶ ᱢᱮᱞ ᱢᱮᱱᱟᱜᱼᱟ ᱾
ᱡᱟᱹᱥᱛᱤ ᱜᱟᱱ ᱥᱤᱞᱞᱩᱠ ᱦᱚᱲ ᱫᱚ ᱢᱤᱫ ᱴᱷᱟᱶ ᱨᱮ ᱜᱤᱨᱟᱹᱵᱟᱥ ᱠᱟᱛᱮ ᱪᱟᱥ-ᱵᱟᱥ ᱠᱚ ᱠᱚᱨᱟᱣᱟ ᱾[᱑] ᱮᱴᱟᱜ ᱱᱤᱞᱳᱴᱤᱠ ᱜᱟᱫᱮᱞ ᱠᱚ ᱞᱮᱠᱟ ᱜᱮ, ᱜᱟᱹᱭ-ᱰᱟᱝᱜᱽᱨᱟ ᱟᱹᱥᱩᱞ ᱫᱚ ᱩᱱᱠᱩᱣᱟᱜ ᱠᱟᱹᱣᱰᱤᱼᱟᱹᱨᱤ ᱨᱮᱭᱟᱜ ᱢᱤᱫ ᱢᱟᱨᱟᱝ ᱦᱤᱥ ᱠᱟᱱᱟ; ᱮᱱᱛᱮ ᱨᱮᱦᱚᱸ, ᱮᱴᱟᱜ ᱠᱚ ᱠᱷᱚᱱ ᱫᱚ ᱱᱩᱠᱩ ᱴᱷᱮᱱ ᱪᱟᱥ-ᱵᱟᱥ ᱟᱨ ᱦᱟᱹᱠᱩ ᱥᱟᱵ ᱫᱚ ᱟᱹᱰᱤ ᱢᱟᱨᱟᱝ ᱠᱟᱹᱢᱤ ᱠᱟᱱᱟ ᱾ ᱠᱚᱲᱟ ᱟᱨ ᱠᱩᱲᱤ ᱵᱟᱱᱟᱨ ᱜᱮ ᱪᱟᱥ ᱠᱟᱹᱢᱤ ᱨᱮ ᱠᱚ ᱜᱚᱲᱚᱜᱼᱟ ᱾[᱑]
ᱟᱹᱨᱤᱪᱟᱹᱞᱤ (Culture)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱯᱞᱟ ᱟᱨ ᱜᱷᱟᱨᱚᱸᱡᱽ (Marriage and family)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱤᱞᱞᱩᱠ ᱠᱚ ᱢᱩᱫᱽ ᱨᱮ, ᱵᱟᱯᱞᱟ ᱫᱚ ᱢᱤᱫ ᱟᱹᱰᱤ ᱢᱟᱨᱟᱝ ᱟᱹᱨᱤᱪᱟᱹᱞᱤ ᱠᱟᱱᱟ, ᱡᱟᱦᱟᱸ ᱨᱮ ᱵᱟᱹᱦᱩ ᱜᱚᱱᱚᱝ ᱮᱢᱚᱜ ᱨᱮᱭᱟᱜ ᱟᱹᱨᱤ ᱢᱮᱱᱟᱜᱼᱟ ᱾ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱱᱚᱣᱟ ᱨᱮ ᱑᱐ ᱜᱚᱴᱟᱝ ᱜᱟᱹᱭ, ᱟᱭᱢᱟ ᱵᱷᱤᱰᱤ , ᱟᱨ ᱪᱤᱱᱦᱟᱹ ᱞᱮᱠᱟᱛᱮ ᱠᱟᱹᱯᱤ ᱠᱚ ᱮᱢᱚᱜᱼᱟ ᱾ ᱱᱚᱣᱟ ᱠᱚᱫᱚ ᱢᱤᱫ ᱟᱹᱨᱤ ᱠᱟᱱᱟ, ᱢᱮᱱᱠᱷᱟᱱ ᱡᱟᱶᱟᱭ ᱟᱜ ᱠᱟᱹᱣᱰᱤ ᱫᱟᱲᱮ ᱞᱮᱠᱟᱛᱮ ᱱᱚᱣᱟ ᱫᱚ ᱠᱚᱢ-ᱵᱟᱹᱲᱛᱤ ᱜᱟᱱᱚᱜᱼᱟ ᱾ ᱱᱚᱣᱟ ᱵᱟᱯᱞᱟ ᱨᱮ ᱟᱭᱢᱟ ᱟᱹᱨᱤ ᱠᱚ ᱢᱮᱱᱟᱜᱼᱟ—ᱜᱟᱹᱭ ᱮᱯᱮᱢ, ᱵᱟᱹᱦᱩᱣᱟᱜ ᱚᱲᱟᱜ ᱨᱮ ᱡᱚᱢ-ᱧᱩ, ᱵᱟᱨᱭᱟ ᱜᱷᱟᱨᱚᱸᱡᱽ ᱢᱩᱫᱽ ᱨᱮ ᱢᱤᱫ ᱪᱤᱱᱦᱟᱹᱣᱟᱱ ᱞᱟᱹᱲᱦᱟᱹᱭ, ᱟᱨ ᱛᱟᱭᱚᱢ ᱛᱮ ᱡᱩᱨᱤ ᱫᱚ ᱡᱟᱶᱟᱭ ᱚᱲᱟᱜ ᱛᱮ ᱦᱤᱡᱩᱜ ᱾ ᱵᱟᱹᱦᱩ ᱫᱚ ᱟᱡᱟᱜ ᱯᱩᱭᱞᱩ ᱜᱤᱫᱽᱨᱟᱹ ᱡᱟᱱᱟᱢ ᱞᱟᱹᱜᱤᱫ ᱟᱡ ᱵᱟᱵᱟ ᱛᱮᱠᱚ ᱚᱲᱟᱜ ᱮ ᱥᱮᱱᱚᱜᱼᱟ, ᱡᱟᱦᱟᱸ ᱫᱚ ᱵᱟᱱᱟᱨ ᱵᱚᱝᱥᱚ ᱨᱮᱭᱟᱜ ᱥᱟᱹᱜᱟᱹᱭ ᱮ ᱴᱷᱟᱹᱣᱠᱟᱹᱭᱟ ᱾[᱒]
ᱡᱩᱵᱟ ᱞᱮᱠᱟᱱ ᱥᱚᱦᱚᱨ ᱠᱚᱨᱮ ᱱᱚᱣᱟ ᱟᱹᱨᱤ ᱠᱚᱫᱚ ᱠᱤᱪᱷᱩ ᱵᱚᱫᱚᱞ ᱟᱠᱟᱱᱟ ᱾ ᱢᱤᱫ ᱢᱩᱠᱷᱤᱭᱟᱹ ᱞᱟᱹᱭ ᱟᱠᱟᱫᱟᱭ ᱡᱮ ᱜᱷᱟᱨᱚᱸᱡᱽ ᱠᱚᱫᱚ ᱱᱮᱛᱟᱨ ᱠᱚᱢ ᱜᱚᱱᱚᱝ ᱦᱚᱸ ᱠᱚ ᱦᱟᱛᱟᱣᱮᱫᱟ—ᱡᱮᱞᱮᱠᱟ ᱯᱮᱭᱟ ᱢᱮᱨᱚᱢ ᱥᱮ ᱠᱤᱪᱷᱩ ᱴᱟᱠᱟ-ᱯᱩᱭᱥᱟᱹ—ᱡᱟᱦᱟᱸ ᱛᱮ ᱡᱚᱩᱣᱟᱱ ᱠᱚ ᱞᱟᱹᱜᱤᱫ ᱵᱟᱯᱞᱟ ᱟᱞᱜᱟ ᱟᱠᱟᱱᱟ ᱾ ᱥᱟᱶᱛᱟ ᱨᱮ ᱟᱭᱢᱟ ᱦᱚᱲ ᱜᱚᱲᱚ ᱠᱟᱛᱮ ᱱᱚᱣᱟ ᱯᱚᱨᱚᱵᱽ ᱠᱚ ᱢᱟᱱᱟᱣᱟ ᱾ ᱠᱟᱹᱣᱰᱤᱟᱹᱨᱤ ᱵᱚᱫᱚᱞ ᱮᱱ ᱨᱮᱦᱚᱸ, ᱥᱤᱞᱞᱩᱠ ᱵᱟᱯᱞᱟ ᱫᱚ ᱢᱟᱱᱚᱛ, ᱥᱟᱹᱜᱟᱹᱭ ᱟᱨ ᱟᱹᱨᱤᱪᱟᱹᱞᱤ ᱵᱟᱧᱪᱟᱣ ᱫᱚᱦᱚ ᱨᱮ ᱢᱟᱨᱟᱝ ᱴᱷᱟᱶ ᱮ ᱮᱢᱚᱜ ᱠᱟᱱᱟ ᱾[᱓]
ᱫᱷᱚᱨᱚᱢ (Religion)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱹᱥᱛᱤ ᱜᱟᱱ ᱥᱤᱞᱞᱩᱠ ᱦᱚᱲ ᱫᱚ ᱤᱥᱟᱹᱭ ᱫᱷᱚᱨᱚᱢ ᱠᱚ ᱟᱯᱱᱟᱨ ᱟᱠᱟᱫᱟ, ᱢᱮᱱᱠᱷᱟᱱ ᱠᱤᱪᱷᱩ ᱦᱚᱲ ᱫᱚ ᱱᱤᱛᱚᱜ ᱦᱚᱸ ᱟᱠᱚᱣᱟᱜ ᱦᱟᱯᱲᱟᱢ ᱫᱷᱚᱨᱚᱢ ᱥᱮ ᱵᱟᱱᱟᱨ ᱫᱷᱚᱨᱚᱢ ᱢᱮᱥᱟ ᱠᱟᱛᱮ ᱠᱚ ᱢᱟᱱᱟᱣᱟ; ᱟᱨ ᱠᱤᱪᱷᱩ ᱦᱚᱲ ᱫᱚ ᱤᱥᱞᱟᱢ ᱫᱷᱚᱨᱚᱢ ᱛᱮᱠᱚ ᱵᱚᱫᱚᱞ ᱟᱠᱟᱱᱟ ᱾ ᱥᱩᱫᱟᱱ ᱨᱮᱭᱟᱜ ᱮᱯᱤᱥᱠᱳᱯᱟᱞ ᱜᱤᱨᱡᱟᱹ ᱞᱮᱠᱟᱛᱮ, ᱱᱚᱣᱟ ᱫᱚ ᱑᱙ ᱥᱟᱭ ᱥᱮᱨᱢᱟ ᱢᱩᱪᱟᱹᱫ ᱥᱮᱫ ᱦᱩᱭ ᱞᱮᱱᱟ, ᱡᱚᱠᱷᱚᱱ 'ᱪᱟᱨᱪ ᱢᱤᱥᱚᱱ ᱥᱳᱥᱟᱭᱴᱤ' ᱯᱩᱭᱞᱩ ᱫᱷᱟᱣ ᱫᱷᱚᱨᱚᱢ ᱯᱟᱥᱱᱟᱣᱤᱭᱟᱹ ᱢᱤᱥᱚᱱᱟᱨᱤ ᱠᱚ ᱠᱩᱞ ᱞᱮᱫ ᱠᱚᱣᱟ ᱾
ᱩᱯᱚᱱᱤᱵᱮᱥ ᱟᱹᱨᱤ ᱟᱨ ᱢᱤᱥᱚᱱᱟᱨᱤ ᱞᱟᱲᱟᱣᱱᱟ ᱠᱷᱟᱹᱛᱤᱨ ᱥᱤᱞᱞᱩᱠ ᱦᱚᱲ ᱫᱚ ᱠᱮᱛᱷᱚᱞᱤᱠ ᱟᱨ ᱯᱨᱳᱴᱮᱥᱴᱟᱱᱴ ᱵᱟᱨ ᱦᱟᱹᱴᱤᱧ ᱨᱮ ᱠᱚ ᱵᱷᱮᱜᱟᱨ ᱮᱱᱟ ᱾ ᱠᱮᱛᱷᱚᱞᱤᱠ ᱜᱤᱨᱡᱟᱹ ᱫᱚ ᱱᱟᱜᱟᱢ ᱞᱮᱠᱟᱛᱮ ᱱᱤᱞ ᱜᱟᱰᱟ ᱨᱮᱭᱟᱜ ᱯᱟᱪᱮ ᱟᱨᱮ ᱨᱮ ᱫᱷᱚᱨᱚᱢ ᱮ ᱯᱟᱥᱱᱟᱣ ᱞᱮᱫᱟ ᱾ ᱱᱩᱠᱩ ᱫᱚ ᱞᱩᱞ, ᱰᱮᱴᱣᱳᱠ, ᱴᱳᱱᱜᱟ, ᱟᱨ ᱭᱳᱭᱱᱤᱭᱟᱝ ᱠᱚᱨᱮ ᱢᱤᱥᱚᱱ ᱥᱴᱮᱥᱚᱱ ᱠᱚ ᱪᱟᱞᱟᱣ ᱮᱫ ᱛᱟᱦᱮᱸᱫ ᱾ ᱱᱚᱣᱟ ᱨᱮᱭᱟᱜ ᱩᱞᱴᱟᱹ, 'ᱟᱢᱮᱨᱤᱠᱟᱱ ᱤᱱᱞᱮᱱᱰ ᱢᱤᱥᱚᱱ' ᱫᱚ ᱰᱳᱞᱮᱭᱵᱽ ᱦᱤᱞ ᱨᱮ ᱢᱤᱫ ᱢᱤᱥᱚᱱ ᱥᱴᱮᱥᱚᱱ ᱮ ᱪᱟᱞᱟᱣ ᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱯᱟᱠᱟᱞ ᱨᱮᱭᱟᱜ ᱮᱛᱚᱢ ᱨᱮ ᱱᱤᱞ ᱨᱮᱭᱟᱜ ᱥᱟᱢᱟᱝ ᱥᱮᱫ ᱟᱨ ᱥᱳᱵᱟᱛ ᱜᱟᱰᱟ ᱟᱨᱮ ᱨᱮ ᱢᱮᱱᱟᱜᱼᱟ ᱾ ᱫᱚᱥᱟᱨ ᱥᱩᱫᱟᱱ ᱚᱲᱟᱜ ᱞᱟᱹᱲᱦᱟᱹᱭ ᱨᱮᱭᱟᱜ ᱡᱟᱹᱥᱛᱤ ᱜᱟᱱ ᱚᱠᱛᱚ ᱨᱮ, ᱥᱤᱞᱞᱩᱠ ᱦᱚᱲ ᱫᱚ 'ᱥᱩᱫᱟᱱ ᱯᱤᱯᱩᱞᱥ ᱞᱤᱵᱟᱨᱮᱥᱚᱱ ᱢᱩᱵᱽᱢᱮᱱᱴ' (SPLM) ᱨᱮ ᱠᱚᱢ ᱞᱮᱠᱷᱟ ᱨᱮ ᱠᱚ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱑᱙᱘᱐ ᱥᱮᱨᱢᱟ ᱢᱩᱪᱟᱹᱫ ᱥᱮᱫ ᱟᱨ ᱒᱐᱐᱔ ᱥᱮᱨᱢᱟ ᱨᱮᱭᱟᱜ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱩᱱᱠᱩᱣᱟᱜ ᱞᱮᱠᱷᱟ ᱫᱚ ᱰᱷᱮᱨ ᱞᱮᱱᱟ ᱾