ᱥᱤᱞᱟ ᱨᱟᱢᱟᱱᱤ
ᱥᱤᱞᱟ ᱨᱟᱢᱟᱱᱤ (᱒ ᱢᱟᱨᱪ ᱑᱙᱓᱒[᱑][᱒] – ᱑᱕ ᱡᱩᱞᱟᱭ ᱒᱐᱑᱕), ᱥᱤᱞᱟ ᱠᱮᱣᱟᱞᱨᱟᱢᱟᱱᱤ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱯᱷᱤᱞᱢ ᱵᱮᱱᱟᱣᱤᱡ ᱪᱮᱛᱟᱱ ᱟᱱᱚᱱᱫᱽ ᱦᱚᱛᱮᱛᱮ ᱵᱚᱞᱤᱣᱩᱰ ᱨᱮ ᱠᱚ ᱥᱮᱞᱮᱫ ᱞᱮᱫᱮ ᱛᱟᱦᱮᱸᱱᱟ᱾ ᱩᱱᱤ ᱫᱚ ᱴᱮᱠᱥᱤ ᱰᱨᱟᱭᱵᱷᱟᱨ ᱢᱩᱵᱷᱤ ᱨᱮ ᱟᱡᱟᱜ ᱨᱚᱞ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱ᱾ ᱩᱱᱤ ᱫᱚ ᱥᱤᱸᱫᱷ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱱ ᱟᱨ ᱥᱤᱸᱫᱷ ᱠᱷᱚᱱ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱥᱮᱞᱮᱫ ᱟᱠᱟᱱ ᱠᱤᱪᱷᱩ ᱮᱠᱴᱨᱮᱥ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾
ᱯᱟᱨᱥᱚᱱᱟᱞ ᱞᱟᱭᱤᱯᱷ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱢᱟᱱᱤ ᱫᱚ ᱑᱙᱕᱐ ᱜᱮᱞᱟᱝ ᱨᱮᱭᱟᱜ ᱮᱛᱚᱦᱚᱵ ᱨᱮ ᱢᱤᱥ ᱥᱤᱢᱞᱟ ᱞᱮᱠᱟᱛᱮ ᱠᱚ ᱛᱟᱹᱨᱩᱢ ᱞᱮᱫᱮ ᱛᱟᱦᱮᱸᱱ᱾ ᱩᱱᱤ ᱫᱚ ᱡᱟᱹᱥᱛᱤ ᱠᱟᱭᱛᱮ ᱟᱭᱢᱟ ᱢᱩᱵᱷᱤ ᱨᱮ ᱡᱟᱦᱟᱸ ᱨᱚᱞ ᱮ ᱨᱩᱯᱟᱹᱭ ᱞᱮᱫ ᱛᱟᱦᱮᱸᱱ ᱚᱱᱟ ᱨᱮ ᱟᱯᱟᱨ ᱠᱞᱟᱥ ᱢᱳᱰ ᱠᱩᱲᱤ ᱞᱮᱠᱟᱛᱮ ᱠᱚ ᱧᱮᱞ ᱮᱫ ᱛᱟᱦᱮᱸᱱ᱾[᱓] ᱩᱱᱤ ᱫᱚ ᱢᱤᱫ ᱯᱟᱠᱤᱥᱛᱟᱱᱤ ᱯᱷᱤᱞᱢ ᱨᱮ ᱞᱤᱰ ᱮ ᱯᱞᱮ ᱞᱮᱫ ᱛᱟᱦᱮᱸᱱ᱾ ᱨᱟᱢᱟᱱᱤ ᱫᱚ ᱵᱷᱟᱨᱚᱛ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱢᱩᱢᱵᱟᱭ ᱨᱮ ᱟᱨᱦᱚᱸ ᱯᱷᱟᱨᱫᱟᱨ ᱢᱩᱵᱷᱤ ᱨᱮ ᱠᱟᱹᱢᱤ ᱠᱮᱫᱟ᱾ ᱟᱡᱟᱜ ᱠᱮᱨᱤᱭᱟᱨ ᱨᱮᱭᱟᱜ ᱛᱟᱭᱚᱢ ᱦᱟᱹᱴᱤᱧ ᱨᱮ, ᱩᱱᱤ ᱫᱚ ᱟᱱᱠᱞᱤᱭᱟᱨ ᱯᱷᱤᱞᱢ ᱨᱮ ᱠᱚ ᱠᱚᱢ ᱠᱮᱫᱮᱭᱟ᱾[᱔]
ᱛᱟᱭᱚᱢ ᱛᱮ ᱟᱡᱟᱜ ᱡᱤᱭᱚᱱ ᱨᱮ ᱨᱟᱢᱟᱱᱤ ᱫᱚ ᱵᱟᱯᱞᱟ ᱠᱟᱛᱮ ᱡᱩᱱᱟᱭᱴᱮᱰ ᱥᱴᱮᱴᱥ ᱮ ᱪᱟᱞᱟᱣ ᱮᱱᱟ᱾ ᱩᱱᱤ ᱫᱚ ᱟᱡᱟᱜ ᱢᱩᱪᱟᱹᱫ ᱥᱮᱨᱢᱟ ᱢᱟᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱤᱱᱫᱳᱨ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱦᱩᱰᱤᱧ ᱠᱮᱱᱴᱚᱱᱢᱮᱱᱴ ᱥᱚᱦᱚᱨ ᱢᱟᱩ ᱨᱮᱭ ᱵᱤᱛᱟᱹᱣ ᱠᱮᱫᱟ᱾ ᱩᱱᱤ ᱫᱚ ᱑᱕ ᱡᱩᱞᱟᱭ ᱒᱐᱑᱕ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ᱾[᱕] ᱨᱟᱢᱟᱱᱤ ᱨᱤᱱᱤᱡ ᱡᱟᱶᱟᱭ ᱡᱟᱞ ᱠᱚᱣᱟᱥᱡᱤ, ᱢᱤᱫ ᱧᱩᱛᱩᱢᱟᱱ ᱤᱱᱰᱚᱥᱴᱨᱤᱭᱟᱞᱤᱥᱴ, ᱯᱮ ᱜᱮᱞᱟᱝ ᱢᱟᱲᱟᱝ ᱮ ᱵᱚᱸᱜᱟ ᱛᱟᱞᱟ ᱞᱮᱱᱟ᱾ ᱩᱱᱤ ᱫᱚ ᱟᱡ ᱨᱤᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱨᱟᱦᱩᱞ ᱟᱨ ᱡᱟᱞ ᱦᱚᱛᱮᱛᱮ ᱵᱟᱧᱪᱟᱣ ᱛᱟᱦᱮᱸ ᱠᱟᱱᱟ᱾[᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "50 के दशक की प्रसिद्ध अभिनेत्री शीला रमानी का निधन". 15 July 2015.
- ↑ "HH Shri Bhola Nathji Memories: Photos of Shila Ramani". 27 July 2012.
- ↑ Gupta, Ranjan (18 July 2008). "A brother remembers". The Hindu. Archived from the original on 4 August 2008. Retrieved 3 January 2013.
- ↑ "Sheila Ramani - Profile". Cine Plot. Retrieved 28 December 2012.
- ↑ "Heroine of famous Sindhi film 'Abbana' Sheila Ramani dies - the Sindh Times". Archived from the original on 17 November 2018. Retrieved 16 July 2015.
- ↑ Ghosh, Avijit; Jauhri, Rajesh (16 July 2015). "Sheila Ramani, 1950s star, no more". The Times of India. Retrieved 16 November 2018.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱤᱞᱟ ᱨᱟᱢᱟᱱᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)