ᱥᱤᱡᱟ ᱨᱳᱡᱽ
ᱥᱤᱡᱟ ᱨᱳᱡᱽ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱩᱬᱩᱛ ᱢᱟᱞᱟᱭᱟᱞᱚᱢ ᱟᱨ ᱛᱟᱢᱤᱞ ᱥᱤᱱᱮᱢᱟ ᱨᱮᱭ ᱠᱟᱹᱢᱤᱭᱟ᱾ ᱩᱱᱤ ᱫᱚ ᱒᱐᱑᱔ ᱥᱮᱨᱢᱟ ᱨᱮ ᱟᱢᱨᱤᱛᱟ ᱴᱤᱵᱷᱤ ᱨᱮ ᱴᱮᱞᱤᱵᱤᱡᱚᱱ ᱨᱤᱭᱮᱞᱤᱴᱤ ᱥᱳ ᱞᱮᱴᱥ ᱰᱟᱱᱥ ᱮ ᱦᱳᱥᱴ ᱞᱮᱫᱟ᱾ ᱥᱤᱡᱟ ᱫᱚ ᱯᱷᱞᱟᱣᱟᱨᱥ ᱴᱤᱵᱷᱤ ᱨᱮ ᱨᱤᱭᱮᱞᱤᱴᱤ ᱥᱳ ᱥᱴᱟᱨ ᱪᱮᱞᱮᱧᱡ ᱨᱮᱭ ᱦᱟᱛᱟᱣ ᱫᱟᱲᱮᱭᱟᱫᱟ᱾ ᱥᱤᱡᱟ ᱫᱚ ᱟᱡᱟᱜ ᱯᱩᱭᱞᱩ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱩᱥᱛᱟᱫ ᱦᱳᱴᱮᱞ ᱨᱮ ᱫᱩᱞᱠᱟᱨ ᱥᱚᱞᱢᱟᱱ ᱨᱮᱱ ᱢᱤᱥᱨᱟ ᱞᱮᱠᱟᱛᱮ ᱠᱟᱹᱴᱤᱡ ᱨᱳᱞ ᱮ ᱠᱷᱮᱞ ᱞᱮᱫᱟ᱾ ᱩᱱᱤ ᱒᱐᱑᱒ ᱥᱮᱨᱢᱟ ᱨᱮ ᱠᱳᱡᱷᱤ ᱠᱩᱵᱷᱩᱛᱷᱩ ᱢᱩᱵᱷᱤ ᱥᱟᱶ ᱛᱟᱢᱤᱞ ᱨᱮ ᱰᱮᱵᱩᱴ ᱮ ᱵᱮᱱᱟᱣ ᱞᱮᱫᱟ ᱛᱩᱞᱟᱥᱤ ᱧᱩᱛᱩᱢ ᱨᱮᱱ ᱢᱤᱫ ᱟᱹᱛᱩ ᱠᱩᱲᱤ ᱨᱳᱞ ᱮ ᱠᱷᱮᱞ ᱠᱟᱛᱮ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱡᱟ ᱟᱡᱟᱜ ᱥᱠᱩᱞᱤᱝ ᱢᱩᱥᱠᱟᱛ, ᱳᱢᱟᱱ ᱨᱮ ᱟᱞ ᱣᱟᱰᱤ ᱟᱞ ᱠᱟᱵᱤᱨ ᱤᱱᱰᱤᱭᱟᱱ ᱥᱠᱩᱞ ᱠᱷᱚᱱ ᱮ ᱯᱩᱨᱟᱹᱣ ᱞᱮᱫᱟ᱾ ᱥᱤᱡᱟ ᱨᱳᱡᱽ ᱟᱡ ᱵᱟᱵᱟ ᱦᱚᱨ ᱦᱚᱨᱟ ᱠᱟᱛᱮ ᱡᱚᱨᱱᱟᱞᱤᱡᱤᱢ ᱦᱟᱛᱟᱣ ᱥᱟᱱᱟᱭᱮ ᱛᱟᱦᱮᱸᱫ᱾ ᱩᱱᱤ ᱢᱩᱢᱵᱟᱭ ᱠᱷᱚᱱ ᱟᱡᱟᱜ ᱜᱽᱨᱮᱡᱩᱣᱮᱥᱚᱱ ᱮ ᱯᱩᱨᱟᱹᱣ ᱞᱮᱫᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱜᱽᱨᱮᱡᱩᱣᱮᱥᱚᱱ ᱯᱩᱨᱟᱹᱣ ᱠᱟᱛᱮ, ᱩᱱᱤ ᱪᱷᱩᱴᱤ ᱞᱟᱹᱜᱤᱫ ᱠᱮᱨᱟᱞᱟ ᱨᱮ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱚᱠᱛᱚ ᱨᱮ, ᱩᱱᱤ ᱢᱳᱰᱮᱞᱤᱝ ᱠᱚᱨᱟᱣ ᱨᱮᱭᱟᱜ ᱟᱣᱥᱟᱨ ᱮ ᱧᱟᱢ ᱞᱮᱫᱟ ᱟᱨ ᱠᱤᱪᱷᱩ ᱴᱤᱵᱷᱤ ᱠᱚᱢᱚᱨᱥᱤᱭᱟᱞ ᱨᱮ ᱧᱮᱞ ᱞᱮᱱᱟ ᱡᱟᱦᱟᱸ ᱫᱚ ᱩᱱᱤ ᱯᱷᱤᱞᱢ ᱚᱯᱷᱟᱨ ᱧᱟᱢ ᱨᱮ ᱤᱫᱤ ᱠᱮᱫᱮᱭᱟ᱾ ᱟᱡᱟᱜ ᱰᱮᱵᱩᱴ ᱯᱨᱳᱡᱮᱠᱴ ᱫᱚ ᱒᱐᱑᱒ ᱥᱮᱨᱢᱟ ᱨᱮ ᱠᱟᱱᱱᱟᱰᱟ ᱯᱷᱤᱞᱢ ᱢᱟᱜᱟᱰᱤ ᱛᱟᱦᱮᱸ ᱠᱟᱱᱟ᱾ ᱟᱡᱟᱜ ᱯᱩᱭᱞᱩ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱩᱥᱛᱟᱫ ᱦᱳᱴᱮᱞ ᱨᱮ, ᱩᱱᱤ ᱫᱩᱞᱠᱟᱨ ᱥᱚᱞᱢᱟᱱ ᱨᱮᱱ ᱢᱤᱥᱨᱟ ᱞᱮᱠᱟᱛᱮ ᱠᱟᱹᱴᱤᱡ ᱨᱳᱞ ᱮ ᱠᱷᱮᱞ ᱞᱮᱫᱟ᱾ ᱟᱨ ᱦᱚᱸ ᱒᱐᱑᱒ ᱨᱮ, ᱩᱱᱤ ᱠᱳᱡᱷᱤ ᱠᱩᱵᱷᱩᱛᱷᱩ ᱨᱮ ᱛᱟᱢᱤᱞ ᱰᱮᱵᱩᱴ ᱮ ᱵᱮᱱᱟᱣ ᱞᱮᱫᱟ, ᱛᱩᱞᱟᱥᱤ ᱧᱩᱛᱩᱢ ᱟᱹᱛᱩ ᱵᱮᱞ ᱮ ᱠᱷᱮᱞ ᱠᱟᱛᱮ᱾
᱒᱐᱑᱓ ᱥᱮᱨᱢᱟ ᱨᱮ, ᱩᱱᱤ ᱢᱤᱫ ᱢᱟᱦᱟᱸ ᱨᱮ ᱯᱮᱭᱟ ᱨᱤᱞᱤᱡ ᱛᱟᱦᱮᱸ ᱠᱟᱱᱟ ᱰᱮᱵᱩᱴ ᱰᱤᱨᱮᱠᱴᱚᱨ ᱮᱱ. ᱠᱮ. ᱜᱤᱨᱤᱥ ᱟᱜ ᱱᱤ ᱠᱳ ᱮᱱᱡᱮ ᱪᱟ, ᱟᱱᱱᱟᱭᱩᱢ ᱨᱟᱥᱩᱞᱩᱢ ᱟᱨ ᱨᱟᱡᱮᱥ ᱟᱢᱟᱱᱟᱠᱟᱨᱟ ᱟᱜ ᱮᱱᱴᱨᱤ᱾ ᱡᱚᱠᱷᱚᱱ ᱩᱱᱤ ᱱᱤ ᱠᱳ ᱮᱱᱡᱮ ᱪᱟ ᱨᱮ ᱯᱷᱤᱢᱮᱞ ᱞᱤᱰ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱩᱱᱤ ᱦᱳᱴᱮᱞ ᱨᱤᱥᱮᱯᱥᱤᱱᱤᱥᱴ ᱟᱜ ᱨᱳᱞ ᱮ ᱠᱚᱨᱟᱣ ᱞᱮᱫᱟ, ᱩᱱᱤ ᱫᱚ ᱟᱱᱱᱟᱭᱩᱢ ᱨᱟᱥᱩᱞᱩᱢ ᱟᱨ ᱮᱱᱴᱨᱤ ᱨᱮ ᱥᱚᱯᱳᱨᱴᱤᱝ ᱨᱳᱞ ᱨᱮ ᱧᱮᱞ ᱞᱮᱱᱟ᱾ "ᱱᱚᱣᱟ ᱢᱤᱫ ᱥᱟᱫᱷᱟᱨᱚᱱ ᱠᱩᱲᱤ ᱵᱟᱵᱚᱛ ᱢᱮᱱᱟᱜᱼᱟ ᱡᱟᱦᱟᱸᱭ ᱵᱷᱟᱨᱚᱛᱤᱭᱚ ᱠᱟᱞᱪᱟᱨ ᱟᱨ ᱴᱨᱮᱰᱤᱥᱚᱱ ᱮ ᱢᱟᱱ ᱵᱟᱛᱟᱣ ᱮᱫᱼᱟ", ᱮᱠᱴᱨᱮᱥ ᱮ ᱢᱮᱱ ᱞᱮᱫᱟ᱾ ᱟᱡᱟᱜ ᱞᱟᱦᱟ ᱵᱟᱨᱭᱟ ᱨᱤᱞᱤᱡ ᱛᱟᱢᱤᱞ ᱯᱷᱤᱞᱢ ᱢᱟᱥᱟᱱᱤ ᱟᱨ ᱢᱟᱫᱷᱟᱵᱷᱟᱱᱩᱢ ᱢᱟᱞᱟᱨᱵᱷᱤᱡᱤᱭᱩᱢ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱨᱮ ᱩᱱᱤ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱧᱮᱞ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱨᱟᱡᱮᱥ ᱯᱤᱞᱟᱭ ᱥᱟᱶ ᱦᱤᱱᱫᱤ ᱯᱷᱤᱞᱢ ᱴᱨᱟᱯᱷᱤᱠ ᱞᱟᱹᱜᱤᱫ ᱢᱤᱫ ᱟᱥᱤᱥᱴᱮᱱᱴ ᱰᱤᱨᱮᱠᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ ᱟᱨ ᱱᱚᱣᱟ ᱢᱩᱫ ᱚᱠᱛᱚ ᱨᱮ ᱡᱟᱦᱟᱸ ᱱᱟᱣᱟ ᱮᱠᱴᱤᱝ ᱚᱯᱷᱟᱨ ᱵᱟᱭ ᱢᱟᱱᱟᱣ ᱵᱟᱛᱟᱣ ᱠᱮᱫᱟ᱾ ᱴᱨᱟᱯᱷᱤᱠ ᱨᱮᱭᱟᱜ ᱯᱩᱨᱟᱹᱣ ᱦᱩᱭ ᱠᱟᱛᱮ ᱩᱱᱤ ᱟᱡᱟᱜ ᱛᱟᱭᱚᱢ ᱯᱷᱤᱞᱢ ᱥᱟᱭᱤᱱ ᱠᱮᱫᱟ, ᱵᱤᱡᱤᱛ ᱵᱟᱞᱟ ᱟᱜ ᱰᱮᱵᱩᱴ ᱵᱷᱮᱱᱪᱟᱨ ᱱᱮᱞᱤᱠᱟ ᱡᱟᱦᱟᱸ ᱨᱮ ᱩᱱᱤ ᱯᱨᱤᱭᱟᱭ ᱠᱷᱮᱞᱟ, ᱞᱤᱰ ᱮᱠᱴᱚᱨ ᱫᱤᱯᱟᱠ ᱨᱮᱭᱟᱜ ᱫᱩᱞᱟᱹᱲ ᱵᱷᱟᱹᱜᱤ ᱾ ᱩᱱᱤ ᱮᱱᱱᱩ ᱱᱤᱱᱛᱮ ᱢᱳᱭᱫᱤᱱ ᱯᱤᱨᱤᱭᱚᱰ-ᱰᱨᱟᱢᱟ ᱦᱚᱸᱭ ᱥᱟᱭᱤᱱ ᱮᱫᱟ ᱡᱟᱦᱟᱸ ᱫᱚ ᱢᱳᱭᱫᱤᱱ ᱟᱨ ᱠᱟᱸᱪᱟᱱᱟᱢᱟᱞᱟ ᱨᱮᱭᱟᱜ ᱥᱟᱹᱨᱤ ᱡᱤᱭᱚᱱ ᱞᱟᱹᱵᱽ ᱥᱴᱳᱨᱤ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ᱾
᱒᱐᱑᱔ ᱥᱮᱨᱢᱟ ᱨᱮ, ᱩᱱᱤ ᱟᱢᱨᱤᱛᱟ ᱴᱤᱵᱷᱤ ᱨᱮ ᱨᱤᱭᱮᱞᱤᱴᱤ ᱴᱮᱞᱤᱵᱤᱡᱚᱱ ᱥᱳ ᱞᱮᱴᱥ ᱰᱟᱱᱥ ᱮ ᱦᱳᱥᱴ ᱞᱮᱫᱟ᱾