ᱥᱤᱢᱞᱟᱯᱟᱞ
| ᱥᱤᱢᱞᱟᱯᱟᱞ Simlapal | |
|---|---|
| ᱦᱚᱲ ᱞᱮᱠᱷᱟ ᱥᱚᱦᱚᱨ | |
  ᱥᱤᱢᱞᱟᱯᱟᱞ | |
| Coordinates: 22°55′N 87°04′E / 22.92°N 87.07°ECoordinates: 22°55′N 87°04′E / 22.92°N 87.07°E | |
| ᱫᱤᱥᱚᱢ |  India |
| ᱯᱚᱱᱚᱛ | ᱯᱚᱪᱷᱤᱢ ᱵᱟᱝᱞᱟ |
| ᱦᱚᱱᱚᱛ | ᱵᱟᱸᱠᱩᱲᱟ |
| ᱥᱟᱵᱽᱰᱤᱵᱷᱤᱡᱚᱱ | ᱠᱷᱟᱛᱲᱟ |
| ᱥᱤᱰᱤ ᱵᱚᱞᱚᱠ | ᱥᱤᱢᱞᱟᱯᱟᱞ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱗᱒᱐᱖ |
| ᱯᱟᱹᱨᱥᱤ ᱠᱚ* | |
| • ᱥᱚᱨᱠᱟᱨᱤ | ᱥᱟᱱᱛᱟᱲᱤ, ᱵᱟᱝᱞᱟ, ᱤᱝᱞᱤᱥ |
| IST (ᱭᱩᱴᱤᱥᱤ+᱕:᱓᱐) | |
| ᱯᱤᱱ ᱠᱳᱰ | ᱗᱒᱒᱑᱕᱑ |
ᱥᱤᱢᱞᱟᱯᱟᱞ (English: Simlapal) ᱫᱚ ᱥᱤᱧᱚᱛ ᱫᱤᱥᱚᱢ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱵᱟᱸᱠᱩᱲᱟ ᱦᱚᱱᱚᱛ ᱨᱮᱱᱟᱜ ᱠᱷᱟᱛᱲᱟ ᱥᱟᱵᱽᱰᱤᱵᱷᱤᱡᱚᱱ ᱨᱮ ᱢᱮᱱᱟᱜ ᱥᱤᱢᱞᱟᱯᱟᱞ ᱥᱤᱰᱤ ᱵᱚᱞᱚᱠ ᱨᱮᱱᱟᱜ ᱢᱤᱫ ᱦᱚᱲ ᱞᱮᱠᱷᱟ ᱥᱚᱦᱚᱨ ᱠᱟᱱᱟ᱾
ᱚᱛᱱᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱢᱞᱟᱯᱟᱞ ᱨᱮᱱᱟᱜ ᱴᱷᱟᱶ ᱫᱚ ᱦᱩᱭᱩᱜ ᱠᱟᱱᱟ 22°55′N 87°04′E / 22.92°N 87.07°E᱾ ᱱᱚᱣᱟ ᱫᱚ ᱥᱤᱞᱟᱵᱚᱛᱤ ᱜᱟᱰᱟ (ᱥᱤᱞᱟᱹᱭ ᱜᱟᱰᱟ) ᱟᱲᱮ ᱨᱮ ᱢᱮᱱᱟᱜᱼᱟ᱾
ᱴᱚᱴᱷᱟ ᱧᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱟᱛᱲᱟ ᱥᱟᱵᱽᱰᱤᱵᱷᱤᱡᱚᱱ ᱫᱚ ᱢᱤᱫ ᱢᱟᱞᱵᱷᱩᱢᱤ ᱴᱚᱴᱷᱟ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱚᱛ ᱫᱚ ᱫᱷᱤᱨᱤ ᱟᱨ ᱟᱹᱰᱤ ᱩᱥᱩᱞ ᱧᱚᱜ ᱜᱮᱭᱟ᱾ ᱱᱚᱣᱟ ᱴᱚᱴᱷᱟ ᱨᱮ ᱵᱩᱨᱩ ᱠᱚ ᱦᱚᱸ ᱢᱮᱱᱟᱜᱼᱟ᱾ ᱥᱤᱢᱞᱟᱯᱟᱞ ᱫᱚ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱯᱟᱦᱴᱟ ᱨᱮ ᱢᱮᱱᱟᱜᱼᱟ᱾
ᱪᱟᱪᱞᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱞᱤᱥ ᱥᱴᱮᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱢᱞᱟᱯᱟᱞ ᱯᱩᱞᱤᱥ ᱥᱴᱮᱥᱚᱱ ᱨᱮᱱᱟᱜ ᱟᱹᱭᱫᱟᱹᱨᱤ ᱫᱚ ᱥᱤᱢᱞᱟᱯᱟᱞ ᱥᱤᱰᱤ ᱵᱚᱞᱚᱠ ᱪᱮᱛᱟᱱ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱯᱩᱞᱤᱥ ᱥᱴᱮᱥᱚᱱ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱓᱐᱙.᱒᱗ ᱪᱟᱹᱣᱠᱟᱹ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱟᱨ ᱱᱚᱰᱮ 127,429 ᱜᱟᱱ ᱦᱚᱲ ᱠᱚ ᱛᱟᱦᱮᱸᱱᱟ᱾[᱑]
ᱥᱤᱰᱤ ᱵᱚᱞᱚᱠ ᱦᱮᱰᱠᱩᱣᱟᱴᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱢᱞᱟᱯᱟᱞ ᱥᱤᱰᱤ ᱵᱚᱞᱚᱠ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱥᱤᱢᱞᱟᱯᱟᱞ ᱨᱮᱜᱮ ᱢᱮᱱᱟᱜᱼᱟ᱾[᱒]
ᱦᱚᱲ ᱞᱮᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱥᱤᱢᱞᱟᱯᱟᱞ ᱨᱮ ᱜᱩᱴ ᱗,᱒᱐᱖ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱩᱱᱠᱩ ᱢᱩᱫᱽ ᱨᱮ ᱓,᱖᱘᱗ (᱕᱑%) ᱠᱚᱲᱟ ᱟᱨ ᱓,᱕᱑᱙ (᱔᱙%) ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ᱾ ᱖ ᱥᱮᱨᱢᱟ ᱠᱷᱚᱱ ᱞᱟᱛᱟᱨ ᱨᱮᱱ ᱫᱚ ᱘᱐᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱥᱤᱢᱞᱟᱯᱟᱞ ᱨᱮ ᱥᱤᱠᱷᱱᱟᱹᱛ ᱦᱚᱲᱟᱜ ᱜᱩᱴ ᱮᱞ ᱫᱚ ᱕,᱐᱓᱒ (᱖ ᱥᱮᱨᱢᱟ ᱠᱷᱚᱱ ᱪᱮᱛᱟᱱ ᱦᱚᱲᱟᱜ ᱗᱘.᱕᱕%) ᱛᱟᱦᱮᱸ ᱠᱟᱱᱟ᱾[᱓]
ᱦᱮᱡ ᱥᱮᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱱᱚᱛ ᱨᱟᱡᱽ ᱰᱟᱦᱟᱨ ᱒ (ᱵᱟᱸᱠᱩᱲᱟ ᱠᱷᱚᱱ ᱢᱟᱞᱚᱧᱪᱚ) ᱟᱨ ᱯᱚᱱᱚᱛ ᱨᱟᱡᱽ ᱰᱟᱦᱟᱨ ᱙ (ᱫᱩᱨᱜᱟᱯᱩᱨ ᱠᱷᱚᱱ ᱱᱟᱭᱟᱜᱨᱟᱢ) ᱫᱚ ᱥᱤᱢᱞᱟᱯᱟᱞ ᱨᱮ ᱧᱟᱯᱟᱢ ᱟᱠᱟᱱᱟ ᱟᱨ ᱚᱸᱰᱮ ᱠᱷᱚᱱ ᱯᱟᱨᱚᱢ ᱟᱠᱟᱱᱟ᱾[᱔]
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱢᱞᱟᱯᱟᱞ ᱨᱮᱱᱟᱜ ᱥᱮᱪᱮᱫ ᱜᱟᱶᱛᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ:
- ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱥᱢᱨᱤᱛᱤ ᱢᱚᱦᱟᱵᱤᱫᱽᱭᱟᱞᱚᱭ: ᱱᱚᱣᱟ ᱫᱚ ᱑᱙᱘᱖ ᱥᱟᱞ ᱨᱮ ᱵᱟᱲᱟᱜᱟᱹᱲᱤ ᱨᱮ ᱛᱷᱟᱯᱚᱱ ᱞᱮᱱᱟ᱾ ᱱᱚᱣᱟ ᱠᱚᱞᱮᱡᱽ ᱫᱚ ᱵᱟᱸᱠᱩᱲᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ᱾ ᱱᱚᱰᱮ ᱵᱟᱝᱞᱟ, ᱥᱟᱱᱛᱟᱲᱤ, ᱤᱝᱞᱤᱥ, ᱥᱚᱸᱥᱠᱨᱤᱛ, ᱚᱛᱱᱚᱜ, ᱱᱟᱜᱟᱢ, ᱨᱟᱡᱽᱟᱹᱨᱤ ᱥᱟᱬᱮᱥ, ᱧᱮᱱᱮᱞ (ᱯᱷᱤᱞᱚᱥᱚᱯᱷᱤ), ᱠᱚᱢᱯᱤᱭᱩᱴᱟᱨ ᱥᱟᱬᱮᱥ, ᱮᱞᱠᱷᱟ, ᱯᱷᱤᱡᱤᱠᱥ (ᱫᱩᱨᱤᱵᱽ ᱥᱟᱬᱮᱥ), ᱠᱮᱢᱤᱥᱴᱨᱤ (ᱨᱟᱥᱟᱭᱚᱱ ᱥᱟᱬᱮᱥ), ᱠᱟᱹᱣᱰᱤ ᱟᱹᱨᱤ, ᱵᱤᱨ ᱥᱟᱬᱮᱥ ᱨᱮ ᱚᱱᱟᱨᱥ ᱟᱨ ᱥᱟᱬᱮᱥ ᱟᱨ ᱟᱨᱴᱥ ᱨᱮ ᱡᱮᱱᱟᱨᱮᱞ ᱠᱳᱨᱥ ᱯᱟᱲᱦᱟᱣ ᱦᱩᱭᱩᱜᱼᱟ᱾ ᱱᱚᱰᱮ ᱵᱟᱝᱞᱟ, ᱥᱟᱱᱛᱟᱲᱤ, ᱡᱤᱭᱳ-ᱤᱱᱯᱷᱚᱨᱢᱮᱴᱤᱠᱥ, ᱚᱛᱱᱚᱜ ᱟᱨ ᱟᱹᱛᱩ ᱩᱛᱱᱟᱹᱣ ᱟᱨ ᱯᱚᱨᱤᱠᱚᱞᱯᱚᱱᱟ ᱨᱮ ᱯᱳᱥᱴ-ᱜᱨᱮᱡᱩᱭᱮᱴ ᱠᱳᱨᱥ ᱦᱚᱸ ᱢᱮᱱᱟᱜᱼᱟ᱾[᱕]
- ᱥᱤᱢᱞᱟᱯᱟᱞ ᱠᱚᱞᱮᱡᱽ ᱚᱯᱷ ᱮᱰᱩᱠᱮᱥᱚᱱ: ᱱᱚᱣᱟ ᱫᱚ ᱢᱤᱫ ᱵᱮ-ᱥᱚᱨᱠᱟᱨᱤ ᱠᱚᱞᱮᱡᱽ ᱠᱟᱱᱟ ᱡᱟᱦᱟᱸ ᱨᱮ ᱵᱮᱪᱮᱞᱚᱨ ᱚᱯᱷ ᱮᱰᱩᱠᱮᱥᱚᱱ (ᱵᱤ.ᱮᱰ) ᱰᱤᱜᱽᱨᱤ ᱞᱟᱹᱜᱤᱫ ᱑ ᱥᱮᱨᱢᱟ ᱨᱮᱱᱟᱜ ᱠᱳᱨᱥ ᱪᱟᱞᱟᱜ ᱠᱟᱱᱟ᱾[᱖]
- ᱥᱤᱢᱞᱟᱯᱟᱞ ᱢᱚᱫᱚᱱ ᱢᱚᱦᱚᱱ ᱦᱟᱭ ᱤᱥᱠᱩᱞ: ᱱᱚᱣᱟ ᱫᱚ ᱑᱙᱓᱘ ᱥᱟᱞ ᱨᱮ ᱛᱷᱟᱯᱚᱱ ᱟᱠᱟᱱ ᱢᱤᱫ ᱵᱟᱝᱞᱟ ᱢᱤᱰᱤᱭᱟᱢ ᱥᱮᱪᱮᱫ ᱛᱟᱞᱢᱟ ᱠᱟᱱᱟ᱾ ᱱᱚᱰᱮ ᱕ ᱪᱟᱱᱚᱪ ᱠᱷᱚᱱ ᱑᱒ ᱪᱟᱱᱚᱪ ᱦᱟᱹᱵᱤᱡ ᱯᱟᱲᱦᱟᱣ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ᱾ ᱱᱚᱣᱟ ᱟᱥᱲᱟ ᱨᱮ ᱒᱕ ᱜᱚᱴᱟᱝ ᱠᱚᱢᱯᱤᱭᱩᱴᱟᱨ, ᱒,᱑᱐᱐ ᱜᱚᱴᱟᱝ ᱯᱚᱛᱚᱵ ᱥᱟᱶᱛᱮ ᱢᱤᱫ ᱯᱚᱛᱚᱵ ᱢᱩᱨᱟᱹᱭ (ᱞᱟᱭᱵᱨᱮᱨᱤ) ᱟᱨ ᱢᱤᱫ ᱠᱷᱮᱞᱚᱸᱰ ᱴᱟᱺᱰᱤ ᱢᱮᱱᱟᱜᱼᱟ᱾
- ᱥᱤᱢᱞᱟᱯᱟᱞ ᱢᱚᱝᱜᱚᱞᱢᱚᱭᱤ ᱵᱟᱞᱤᱠᱟ ᱵᱤᱫᱽᱭᱟᱢᱚᱱᱫᱤᱨ: ᱱᱚᱣᱟ ᱫᱚ ᱑᱙᱘᱖ ᱥᱟᱞ ᱨᱮ ᱛᱷᱟᱯᱚᱱ ᱟᱠᱟᱱ ᱢᱤᱫ ᱵᱟᱝᱞᱟ ᱢᱤᱰᱤᱭᱟᱢ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱟᱥᱲᱟ ᱠᱟᱱᱟ᱾ ᱱᱚᱰᱮ ᱕ ᱪᱟᱱᱚᱪ ᱠᱷᱚᱱ ᱑᱒ ᱪᱟᱱᱚᱪ ᱦᱟᱹᱵᱤᱡ ᱯᱟᱲᱦᱟᱣ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ᱾ ᱱᱚᱣᱟ ᱟᱥᱲᱟ ᱨᱮ ᱓ ᱭᱟ ᱠᱚᱢᱯᱤᱭᱩᱴᱟᱨ ᱟᱨ ᱓᱐᱐ ᱜᱚᱴᱟᱝ ᱯᱚᱛᱚᱵ ᱥᱟᱶᱛᱮ ᱢᱤᱫ ᱯᱚᱛᱚᱵ ᱢᱩᱨᱟᱹᱭ ᱢᱮᱱᱟᱜᱼᱟ᱾
ᱦᱚᱲᱢᱚ ᱥᱟᱶᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱢᱞᱟᱯᱟᱞ ᱨᱮ ᱢᱮᱱᱟᱜ ᱥᱤᱢᱞᱟᱯᱟᱞ ᱵᱚᱞᱚᱠ ᱯᱨᱟᱭᱢᱟᱨᱤ ᱦᱮᱞᱛᱷ ᱥᱮᱱᱴᱟᱨ (᱖᱐ ᱜᱚᱴᱟᱝ ᱵᱮᱰ) ᱫᱚ ᱥᱤᱢᱞᱟᱯᱟᱞ ᱥᱤᱰᱤ ᱵᱚᱞᱚᱠ ᱨᱮᱱᱟᱜ ᱢᱩᱬᱩᱛ ᱥᱚᱨᱠᱟᱨᱤ ᱦᱟᱥᱯᱟᱛᱟᱞ ᱠᱟᱱᱟ᱾[᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Simlapal Police Station". Bankura Police. Retrieved 14 October 2016.
- ↑ "District Census Handbook: Bankura" (PDF). Directorate of Census Operations, West Bengal, 2011. p. 19.
- ↑ "2011 Census – Primary Census Abstract Data Tables" (PDF). Registrar General and Census Commissioner, India. 2011. Retrieved 25 August 2024.
- ↑ "List of State Highways in West Bengal". West Bengal Traffic Police. Retrieved 23 August 2016.
- ↑ "ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱥᱢᱨᱤᱛᱤ ᱢᱚᱦᱟᱵᱤᱫᱽᱭᱟᱞᱚᱭ". ᱯᱤ.ᱟᱨ.ᱮᱢ.ᱮᱥ.ᱮᱢ. Retrieved ᱒᱕ ᱚᱜᱚᱥᱴ ᱒᱐᱒᱔.
{{cite web}}: Check date values in:|accessdate=(help) - ↑ "ᱥᱤᱢᱞᱟᱯᱟᱞ ᱠᱚᱞᱮᱡᱽ ᱚᱯᱷ ᱮᱰᱩᱠᱮᱥᱚᱱ". ᱮᱥ.ᱥᱤ.ᱤ. Retrieved ᱒᱖ ᱮᱯᱨᱤᱞ ᱒᱐᱑᱙.
{{cite web}}: Check date values in:|accessdate=(help) - ↑ "Health & Family Welfare Department" (PDF). Government of West Bengal. Retrieved 14 April 2019.