ᱥᱤᱢᱨᱚᱱ ᱥᱟᱨᱢᱟ

ᱥᱤᱢᱨᱚᱱ ᱥᱟᱨᱢᱟ (ᱡᱟᱱᱟᱢ ᱙ ᱱᱚᱵᱷᱮᱢᱵᱚᱨ ᱑᱙᱙᱙) ᱫᱚ ᱢᱤᱫ ᱧᱮᱞ ᱨᱮ ᱟᱱᱟᱴ ᱟᱱ ᱯᱟᱨᱟᱼᱮᱛᱷᱞᱤᱴ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱐ ᱢᱤᱴᱚᱨ ᱴ᱑᱒ ᱤᱵᱷᱮᱱᱴ ᱨᱮ ᱢᱤᱫ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱑᱐᱐ ᱢᱤᱴᱚᱨ ᱴ᱑᱒ ᱨᱮ, ᱩᱱᱤ ᱫᱚ ᱟᱡᱟᱜ ᱦᱤᱴ ᱨᱮ ᱑᱒.᱓᱓ ᱥ ᱨᱮᱱᱟᱜ ᱥᱤᱡᱚᱱ ᱵᱮᱥᱴ ᱥᱟᱶ ᱯᱩᱭᱞᱩ ᱴᱷᱟᱶ ᱮ ᱦᱟᱢᱮᱴ ᱞᱮᱫ ᱛᱟᱦᱮᱸᱫ ᱢᱮᱱᱠᱷᱟᱱ ᱑᱒.᱓᱑ ᱥ ᱨᱮᱱᱟᱜ ᱚᱠᱛᱚ ᱛᱟᱦᱮᱸ ᱠᱟᱛᱮ ᱦᱚᱸ ᱯᱷᱟᱭᱱᱟᱞ ᱨᱮ ᱔ ᱟᱱᱟᱜ ᱴᱷᱟᱶ ᱮ ᱧᱟᱢ ᱞᱮᱫ ᱛᱟᱦᱮᱸᱫ᱾^[᱑]^[᱒]

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

ᱥᱟᱨᱢᱟ ᱫᱚ ᱵᱩᱨᱟᱨᱤ, ᱫᱤᱞᱞᱤ ᱠᱷᱚᱱ ᱠᱟᱱᱟᱭ᱾ ᱩᱱᱤ ᱫᱚ ᱥᱟᱵᱤᱛᱟ ᱥᱟᱨᱢᱟ ᱟᱨ ᱢᱚᱱᱳᱡᱽ ᱥᱟᱨᱢᱟ ᱴᱷᱮᱱ ᱮ ᱡᱟᱱᱟᱢ ᱞᱮᱱᱟ᱾ ᱒᱙ ᱱᱚᱵᱷᱮᱢᱵᱚᱨ ᱒᱐᱑᱗ ᱨᱮ, ᱩᱱᱤ ᱫᱚ ᱟᱡᱤᱡ ᱠᱳᱪ ᱱᱟᱭᱤᱠ ᱜᱟᱡᱮᱱᱫᱽᱨᱚ ᱥᱤᱝ ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾ ᱩᱱᱤ ᱫᱚ ᱟᱨᱢᱤ ᱥᱟᱨᱵᱷᱤᱥ ᱠᱳᱨᱯᱥ ᱨᱮᱱᱟᱜ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱒᱒᱗ ᱠᱚᱢᱯᱟᱹᱱᱤ ᱨᱮᱭ ᱯᱳᱥᱴ ᱟᱠᱟᱱᱟ᱾ ᱩᱱᱤ ᱫᱚ ᱛᱩᱨᱩᱭ ᱟᱨ ᱚᱫᱷᱟ ᱪᱟᱸᱫᱚ ᱨᱮᱱᱟᱜ ᱚᱠᱛᱚ ᱛᱟᱭᱚᱢ ᱞᱟᱦᱟ ᱠᱟᱛᱮ ᱟᱨ ᱧᱮᱞ ᱨᱮ ᱟᱱᱟᱴ ᱥᱟᱶ ᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱛᱩᱨᱩᱭ ᱪᱟᱸᱫᱚ ᱞᱟᱹᱜᱤᱫ ᱤᱱᱠᱩᱵᱮᱴᱚᱨ ᱨᱮᱭ ᱛᱟᱦᱮᱸ ᱠᱟᱱᱟ᱾ ᱟᱡ ᱵᱟᱵᱟ ᱢᱚᱱᱳᱡᱽ ᱥᱟᱨᱢᱟ ᱫᱚ ᱠᱷᱮᱞ ᱮᱛᱚᱦᱚᱵ ᱞᱟᱹᱜᱤᱫ ᱩᱱᱤ ᱜᱚᱲᱚ ᱮᱢᱟᱫᱮ ᱛᱟᱦᱮᱸᱫ᱾ ᱩᱱᱤ ᱫᱚ ᱮᱥ ᱮ ᱟᱭ ᱡᱮ ᱮᱞ ᱮᱱ ᱥᱴᱮᱰᱤᱭᱚᱢ, ᱱᱟᱶᱟ ᱫᱤᱞᱞᱤ ᱨᱮᱭ ᱴᱨᱮᱱᱤᱝ ᱮᱫᱟ᱾ ᱩᱱᱤ ᱫᱚ ᱢᱳᱫᱤᱱᱟᱜᱟᱨ, ᱜᱟᱡᱤᱭᱟᱵᱟᱫᱽ ᱨᱮ ᱨᱩᱠᱢᱟᱱᱤ ᱢᱳᱫᱤ ᱢᱟᱦᱤᱞᱟ ᱤᱱᱴᱚᱨ ᱠᱚᱞᱮᱡᱽ ᱨᱮ ᱟᱡᱟᱜ ᱜᱨᱮᱡᱩᱣᱮᱥᱚᱱ ᱮ ᱪᱟᱹᱞᱩ ᱟᱠᱟᱫᱟ᱾

ᱠᱮᱨᱤᱭᱚᱨ

ᱥᱟᱨᱢᱟ ᱫᱚ ᱒᱐᱒᱑ ᱨᱮ ᱪᱤᱱ ᱜᱨᱟᱸᱰ ᱯᱨᱤ ᱟᱨ ᱫᱩᱵᱟᱭ ᱨᱮ ᱣᱟᱨᱞᱰ ᱯᱟᱨᱟ ᱜᱨᱟᱸᱰ ᱯᱨᱤ ᱨᱮ ᱦᱟᱹᱴᱤᱧ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱒᱐᱒᱑ ᱨᱮ ᱴᱳᱠᱭᱳ ᱯᱟᱨᱟᱞᱤᱢᱯᱤᱠᱥ ᱞᱟᱹᱜᱤᱫ ᱠᱣᱟᱞᱤᱯᱷᱟᱭᱤᱝ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱯᱟᱨᱟ ᱮᱛᱷᱞᱤᱴ ᱮ ᱵᱮᱱᱟᱣ ᱞᱮᱱᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱪᱮᱫ ᱦᱚᱸ ᱢᱮᱰᱟᱞ ᱵᱟᱭ ᱧᱟᱢ ᱫᱟᱲᱮᱭᱟᱫᱟ᱾ ᱩᱱᱤ ᱫᱚ ᱒᱐᱒᱒ ᱮᱥᱤᱭᱟᱱ ᱯᱟᱨᱟ ᱜᱮᱢᱥ ᱨᱮ ᱵᱷᱟᱨᱚᱛᱤᱭᱚ ᱴᱤᱢ ᱨᱮ ᱨᱮᱯᱨᱮᱡᱮᱸᱴ ᱞᱟᱹᱜᱤᱫ ᱮ ᱵᱟᱪᱷᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱦᱟᱝᱡᱩ, ᱪᱤᱱ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱡᱟᱦᱟᱸᱨᱮ ᱩᱱᱤ ᱫᱚ ᱑᱐᱐ ᱢᱤᱴᱚᱨ ᱟᱨ ᱒᱐᱐ ᱢᱤᱴᱚᱨ ᱴ᱑᱒ ᱤᱵᱷᱮᱸᱴ ᱨᱮ ᱵᱟᱨᱭᱟ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱮᱥᱤᱭᱟᱱ ᱜᱮᱢᱥ ᱨᱮ, ᱩᱱᱤ ᱫᱚ ᱒᱔ ᱚᱠᱴᱚᱵᱚᱨ ᱒᱐᱒᱓ ᱨᱮ ᱑᱐᱐ ᱢᱤᱴᱚᱨ ᱞᱟᱹᱜᱤᱫ ᱑᱒.᱖᱘ ᱥᱮᱠᱮᱸᱰ ᱟᱨ ᱒᱖ ᱚᱠᱴᱚᱵᱚᱨ ᱒᱐᱒᱓ ᱨᱮ ᱒᱐᱐ ᱢᱤᱴᱚᱨ ᱞᱟᱹᱜᱤᱫ ᱒᱖.᱑᱒ ᱥᱮᱠᱮᱸᱰ ᱮ ᱚᱞ ᱞᱮᱫ ᱛᱟᱦᱮᱸᱫ᱾^[᱓]^[᱔]

ᱢᱮ ᱒᱐᱒᱔ ᱨᱮ, ᱩᱱᱤ ᱫᱚ ᱠᱳᱵᱮ, ᱡᱟᱯᱟᱱ ᱨᱮ ᱣᱟᱨᱞᱰ ᱯᱟᱨᱟ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱚᱱᱥᱤᱯ ᱨᱮ ᱢᱤᱫ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾

ᱥᱟᱹᱠᱷᱭᱟᱹᱛ

↑ "Simran enters final of women's 200m T12 race at Paris Paralympics". The Times of India. 2024-09-07. ISSN 0971-8257. Retrieved 2024-09-07.
↑ "Meet Simran Sharma: Delhi Girl Who Defied All Odd to Clinch a Paralympic Bronze in Paris". News18 (in ᱟᱝᱜᱽᱨᱮᱡᱤ). 2024-09-07. Retrieved 2024-09-08.
↑ "Army jawan's wife wins two silver medals at Para Asian Games". The Times of India. 2023-10-28. ISSN 0971-8257. Retrieved 2024-01-04.
↑ Sportstar, Team (2024-08-14). "India at Paris Paralympics 2024: Complete list of 84 athletes at Paralympic Games". Sportstar (in ᱟᱝᱜᱽᱨᱮᱡᱤ). Retrieved 2024-08-27.

ᱵᱟᱦᱨᱮ ᱡᱚᱱᱚᱲ

[1] "Simran enters final of women's 200m T12 race at Paris Paralympics". The Times of India. 2024-09-07. ISSN 0971-8257. Retrieved 2024-09-07.

[:1-2] "Meet Simran Sharma: Delhi Girl Who Defied All Odd to Clinch a Paralympic Bronze in Paris". News18 (in ᱟᱝᱜᱽᱨᱮᱡᱤ). 2024-09-07. Retrieved 2024-09-08.

[:2-3] "Army jawan's wife wins two silver medals at Para Asian Games". The Times of India. 2023-10-28. ISSN 0971-8257. Retrieved 2024-01-04.

[4] Sportstar, Team (2024-08-14). "India at Paris Paralympics 2024: Complete list of 84 athletes at Paralympic Games". Sportstar (in ᱟᱝᱜᱽᱨᱮᱡᱤ). Retrieved 2024-08-27.

[᱑]

[᱒]

[᱓]

[᱔]