ᱥᱤᱢᱲᱤᱯᱟᱲ
| ᱥᱤᱢᱤᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ | |
|---|---|
IUCN category II (national park) | |
 ᱞᱩᱞᱩᱝ ᱥᱩᱨ ᱨᱮ ᱢᱮᱱᱟᱜ ᱯᱚᱲᱯᱚᱲᱟ ᱜᱟᱰᱟ, ᱥᱤᱢᱤᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ | |
  ᱥᱤᱢᱤᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ, ᱳᱰᱤᱥᱟ | |
| Location | ᱳᱰᱤᱥᱟ, ᱵᱷᱟᱨᱚᱛ |
| Nearest city | ᱵᱟᱹᱨᱯᱟᱫᱟ |
| Coordinates | 21°50′N 86°20′E / 21.833°N 86.333°ECoordinates: 21°50′N 86°20′E / 21.833°N 86.333°E |
| Area | 2,750 km2 (1,060 sq mi) |
| Established | 1980 |
| Governing body | Ministry of Environment and Forests, Government of India |
| Website | www |
ᱥᱤᱢᱲᱤᱯᱟᱲ-:ᱥᱤᱢᱲᱤᱯᱟᱲ ᱫᱚ ᱢᱤᱫ ᱡᱟ.ᱛᱤᱭᱟ.ᱨᱤ ᱯᱟᱨᱠ ᱦᱚᱸ ᱠᱟᱱᱟ|ᱱᱚᱶᱟ ᱫᱚ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨ ᱵᱷᱚᱸᱡᱽ ᱡᱤᱞᱞᱟ ᱨᱮ ᱢᱮᱱᱟᱜ-ᱟ|ᱥᱤᱢᱲᱤᱯᱟᱲ ᱵᱤᱨ ᱪᱮ ᱵᱩᱨᱩ ᱫᱚ ᱟ.ᱰᱤ ᱢᱟᱨᱟᱝ ᱤᱞᱟ.ᱠᱟ ᱠᱟᱱᱟ|ᱵᱮᱲᱦᱟᱭ ᱥᱤᱢᱲᱤᱯᱟᱲ ᱡᱚᱭᱵᱚ ᱢᱚᱱᱰᱚᱲ ᱤᱞᱟ.ᱠᱟ ᱟᱭᱚᱛᱚᱱ ᱔᱓᱖᱔ ᱵᱚᱨᱜᱚ ᱠᱤᱞᱚᱢᱤᱴᱟᱨ ᱢᱮᱱᱟᱜ-ᱟ|ᱱᱚᱶᱟ ᱫᱚ ᱯᱮᱭᱟ ᱡᱚᱱ ᱨᱮ ᱦᱟ.ᱴᱤᱧ ᱟᱠᱟᱱᱟ|᱑-ᱠᱳᱨ ᱡᱳᱱ-ᱚᱱᱟ ᱨᱮᱭᱟᱜ ᱟᱭᱚᱛᱚᱱ ᱫᱚ᱘᱔᱕.᱗᱐ ᱵᱚᱨᱜᱚ ᱠᱤ.ᱢᱤ. ᱒-ᱠᱳᱨ ᱡᱚᱱ ᱵᱮᱲᱦᱟᱭ ᱢᱮᱱᱟᱜ( ᱵᱳᱯᱷᱚᱨ ᱡᱳᱱ)-ᱱᱚᱶᱟ ᱨᱮᱱᱟᱜ ᱟᱭᱚᱛᱚᱱ ᱫᱚ ᱒᱑᱒᱙ ᱵᱚᱨᱜᱚ ᱠᱤ.ᱢᱤ ᱓-ᱵᱳᱯᱷᱚᱨ ᱡᱚᱱ ᱑᱐ ᱠᱤ.ᱢᱤ ᱳᱥᱟᱨ ᱛᱮ ᱮᱴᱮᱫ ᱟᱠᱟᱱ(ᱴᱨᱟᱧᱡᱤᱥᱱᱟᱞ ᱡᱳᱱ)-ᱱᱚᱶᱟ ᱨᱮᱱᱟᱜ ᱟᱭᱚᱛᱚᱱ ᱫᱚ᱑᱔᱐᱐ ᱵᱚᱨᱜᱚ ᱠᱤ.ᱢᱤ.|ᱥᱤᱢᱲᱤᱯᱟᱲ ᱵᱩᱨᱩ ᱨᱮᱱᱟᱜ ᱡᱚᱛᱚᱠᱷᱚᱱ ᱩᱥᱩᱞ ᱵᱩᱨᱩ ᱫᱚ ᱠᱷᱚᱭᱨᱤ ᱵᱩᱨᱩ|ᱩᱥᱩᱞ ᱫᱚ ᱑᱑᱗᱘ᱢᱤᱴᱟᱨ|ᱫᱚᱥᱟᱨᱟᱜ ᱩᱥᱩᱞ ᱨᱟᱜᱷᱟ ᱵᱩᱨᱩ ᱫᱚ ᱢᱮᱜᱷᱟᱥᱚᱱ|ᱩᱥᱩᱞ ᱫᱚ᱑᱑᱕᱙ ᱢᱤᱴᱟᱨ|ᱥᱮᱨᱢᱟ ᱡᱟᱠ ᱞᱤᱝᱜᱤᱱ ᱠᱟᱱ ᱡᱤᱣᱤᱫ ᱡᱤᱭᱟ.ᱲ ᱵᱩᱨᱩ ᱡᱷᱟᱨᱱᱟ ᱟᱨ ᱡᱚᱨᱚᱜ ᱫᱟᱜ ᱦᱚᱸ ᱢᱮᱱᱟᱜ-ᱟ|ᱧᱮᱞ ᱡᱚᱝ ᱞᱮᱠᱟᱱᱟᱜ ᱵᱟᱨᱭᱟ ᱡᱚᱨᱚᱜ ᱫᱟᱜ ᱟᱨ ᱵᱟᱝ ᱡᱚᱲᱚᱯᱨᱚᱯᱟᱛ ᱦᱚᱸᱵᱚ ᱢᱮᱛᱟᱜ ᱠᱟᱱᱟ|ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ ᱵᱚᱨᱮᱦᱤᱯᱟᱬᱤ ᱟᱨ ᱡᱚᱨᱚᱱᱫᱟ|ᱵᱚᱨᱮᱦᱤᱯᱟᱬᱤ ᱨᱮᱱᱟᱝ ᱩᱥᱩᱞ ᱫᱚ ᱒᱑᱗ ᱢᱤᱴᱟᱨ ᱟᱨ ᱡᱚᱨᱚᱱᱫᱟ ᱨᱮᱱᱟᱝ ᱩᱥᱩᱞ ᱫᱚ ᱑᱘᱑ ᱢᱤᱴᱟᱨ|ᱵᱚᱨᱮᱦᱤᱯᱟᱬᱤ ᱡᱚᱨᱚᱜ ᱫᱟᱜ ᱫᱚ ᱵᱟ.ᱨᱟ.ᱦᱤ ᱵᱟᱵᱮᱨ ᱞᱮᱠᱟ ᱧᱮᱞᱚᱜ-ᱟ|ᱵᱷᱟᱨᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱥᱤᱢᱲᱤᱯᱟᱲ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱤᱨᱟ.ᱞ ᱟᱱᱟᱜ ᱡᱚᱭᱵᱚ ᱢᱚᱱᱰᱚᱲ ᱢᱟ.ᱱ ᱪᱟᱞᱟᱣᱮᱱ ᱡᱩᱱ ᱒᱒ ᱑᱙᱙᱔ ᱥᱟᱞᱮ ᱨᱮ ᱮᱢ ᱟᱠᱟᱫ-ᱟ|ᱡᱮᱜᱮᱛᱟ.ᱨᱤ ᱥᱟᱪᱟᱨᱦᱮ ᱨᱩᱠᱷᱭᱟ.ᱟᱨ ᱵᱟᱝ ᱡᱚᱜᱟᱣ ᱡᱚᱛᱚᱱ ᱫᱚᱦᱚ ᱞᱟ.ᱜᱤᱱ ᱡᱮᱜᱮᱛ ᱡᱟᱠᱟᱛ ᱡᱟ.ᱛᱤᱭᱟ.ᱨᱤ ᱡᱩᱢᱤᱫ ᱜᱟᱶᱛᱟ(UNO)ᱜᱚᱱᱚᱴᱷᱚᱱ UNESCO ᱫᱚ ᱒᱐᱐᱙ ᱨᱮ ᱡᱚᱭᱵᱚ ᱢᱚᱱᱰᱚᱲ ᱛᱟ.ᱞᱠᱟ. ᱨᱮ ᱥᱮᱞᱮᱫ ᱟᱠᱟᱫ-ᱟ|ᱨᱤᱞᱟ.ᱢᱟᱞᱟ ᱞᱤᱞ ᱥᱮᱨᱢᱟ ᱞᱟᱛᱟᱨ ᱨᱮ ᱧᱟᱞᱟᱜ ᱜᱮ ᱧᱮᱞᱚᱜ ᱮᱛᱚᱢ ᱠᱚᱧᱮ ᱜᱚᱴᱟ ᱜᱮ ᱢᱟᱨᱟᱝ ᱵᱮᱲᱦᱟᱭ ᱛᱮ ᱟᱴᱮᱫ ᱟ.ᱪᱩᱨ ᱟᱠᱟᱱ,ᱥᱮᱨᱢᱟᱭ ᱡᱚᱴᱮᱫ ᱮᱫ ᱞᱮᱠᱟ ᱧᱮᱞᱚᱜ ᱩᱥᱩᱞ ᱥᱟᱨᱡᱚᱢ ᱫᱟᱨᱮ ᱜᱟᱡᱟᱲ,ᱚᱱᱟ ᱛᱟᱞᱟ ᱨᱮ ᱥᱤᱧ ᱪᱟᱸᱫᱚᱣᱟᱜ ᱛᱮᱨᱟᱝ ᱛᱟᱨᱟᱥ,ᱧᱤᱸᱫᱟ. ᱪᱟᱸᱫᱚᱣᱟᱜ ᱛᱮᱨᱫᱮᱡ ᱢᱟᱨᱥᱟᱞ ᱟᱦᱞᱟ ᱛᱤᱱᱟ.ᱜ ᱢᱚᱡ ᱜᱮ ᱨᱚᱢᱚᱡ ᱜᱮᱵᱮᱲᱦᱟᱭ ᱵᱩᱨᱩ ᱛᱟᱞᱟᱨᱮ ᱦᱟ.ᱨᱭᱟ.ᱲ ᱫᱟᱥᱱᱟ ᱠᱷᱚᱱ ᱱᱤᱪᱚᱞ ᱡᱷᱟᱨᱱᱟ ᱦᱟᱜ ᱥᱚᱠᱚᱲ ᱵᱚᱠᱚᱲ ᱞᱤᱝᱜᱤᱱ ᱥᱟᱰᱮ ᱥᱮᱠᱮᱡ ᱥᱮᱵᱚᱡ ᱥᱟᱶᱛᱮ ᱵᱟᱨᱚ ᱵᱚᱨᱚᱱ ᱡᱟ.ᱛᱤ ᱨᱤᱱ ᱪᱮᱬᱮ ᱪᱤᱯᱩᱡ ᱠᱚᱣᱟᱜ ᱠᱮᱱᱮ ᱠᱚᱛᱮ ᱨᱟᱜ ᱪᱚᱦᱚᱲ ᱛᱮ ᱵᱤᱨ ᱜᱚᱴᱟ ᱟᱸᱫᱚᱲ ᱠᱚᱜ-ᱟ|ᱵᱤᱨ ᱡᱟᱱᱣᱟᱨ ᱠᱚᱣᱟᱜ ᱱᱤᱨᱡᱟᱞᱟ ᱫᱟᱬᱟ ᱡᱚᱝ ᱨᱟ.ᱥᱠᱟ.,ᱜᱚᱴ ᱜᱚᱴ ᱦᱟ.ᱛᱤ ,ᱪᱮᱴᱨᱟ,ᱛᱟ.ᱨᱩᱵ,ᱥᱩᱠᱨᱤ ,ᱥᱤᱞᱤᱵ ᱮᱢᱟᱱ ᱠᱚ ᱥᱟᱶᱛᱮᱢᱟᱨᱟᱜ,ᱵᱩᱨᱩ ᱥᱤᱢ,ᱞᱮᱴᱠᱟ ᱪᱮᱬᱮ ᱠᱷᱚᱱ ᱮᱦᱚᱵ ᱠᱟᱛᱮ ᱵᱟᱨᱚ ᱵᱚᱨᱚᱱ ᱱᱤᱥᱚᱱ ᱵᱤᱨ ᱡᱚᱸᱜᱚᱞ ᱛᱟᱞᱟᱨᱮ ᱱᱤᱨᱡᱟᱞᱟ ᱛᱟᱦᱮᱸ ᱡᱚᱝ ᱨᱮ ᱡᱮᱢᱚᱱ ᱢᱟᱨᱟᱝ ᱵᱩᱨᱩ ᱡᱟᱦᱮᱨ ᱟᱭᱳ ᱟᱨ ᱵᱩᱠᱩ ᱵᱚᱸᱜᱟ ᱠᱚᱜᱮ ᱠᱚ ᱜᱩᱯᱤ ᱭᱮᱫ ᱠᱚᱣᱟ|ᱥᱟ.ᱨᱤ ᱜᱮ ᱥᱤᱥᱤᱨᱡᱟᱣᱤᱡᱟᱜ ᱦᱟᱦᱟᱲᱟ ᱵᱷᱮᱭᱟᱬ ᱵᱟᱝ ᱢᱮᱱᱚᱜᱚᱜ ᱠᱷᱟᱱ ᱟᱨ ᱪᱮᱫ ᱦᱩᱭ ᱠᱚᱜ ᱛᱮ ? ᱥᱤᱢᱲᱤᱯᱟᱲ ᱨᱮ ᱟ.ᱰᱤ ᱞᱮᱠᱟᱠᱟᱱ ᱫᱟᱨᱮ ᱱᱟ.ᱬᱤ ᱠᱚᱛᱮ ᱯᱮᱨᱮᱡ ᱢᱮᱱᱟᱜ ᱛᱮ ᱨᱮᱭᱟᱲ ᱜᱚᱢᱦᱮᱲ ᱜᱮ ᱟ.ᱭᱠᱟ.ᱣᱜ-ᱟ|ᱥᱟᱨᱡᱚᱢ,ᱟᱛᱱᱟᱜ, ᱦᱮᱥᱮᱞ ᱢᱩᱨᱜᱟ., ᱠᱟ.ᱣᱦᱟ., ᱮᱫᱮᱞ,ᱢᱟᱛᱠᱚᱢ, ᱵᱟ.ᱦᱩ, ᱨᱚᱞ ,ᱢᱮᱨᱟᱞ ᱟᱨ ᱦᱚᱸ ᱮᱢᱟᱱ ᱮᱢᱟᱱ ᱨᱟᱱ ᱫᱟᱨᱮ ᱠᱚᱦᱚᱸ ᱢᱮᱱᱟᱜ-ᱟ|ᱡᱚᱛᱚᱛᱮ ᱑᱐᱗᱖ᱡᱟ.ᱛᱤ ᱫᱟᱨᱮ ᱠᱚ ᱢᱮᱱᱟᱜ-ᱟ|᱙᱖ ᱡᱟ.ᱛᱤ ᱚᱨᱠᱤᱰ ᱟᱨ ᱵᱟᱝ ᱨᱟᱥᱱᱟ ᱡᱟ.ᱛᱤ ᱫᱟᱨᱮ ᱧᱮᱞᱚᱜ-ᱟ| ᱕᱕ᱡᱟ.ᱛᱤ ᱨᱤᱱ ᱛᱚᱣᱟ ᱧᱩ (ᱥᱛᱚᱱᱚᱯᱟᱭᱤ)ᱡᱤᱭᱟ.ᱞᱤ,᱓᱐᱔ ᱡᱟ.ᱛᱤ ᱨᱤᱱ ᱪᱮᱬᱮ ,᱑᱒ ᱫᱟᱜ ᱟᱨ ᱜᱷᱩᱴᱩ (ᱩᱵᱷᱚᱭᱪᱚᱨᱚ) ᱡᱤᱭᱟ.ᱞᱤ ᱢᱮᱱᱟᱜ ᱠᱚᱣᱟ|ᱥᱮᱨᱢᱟ ᱯᱤᱪᱷᱤ ᱱᱚᱵᱷᱮᱢᱵᱚᱨ ᱠᱷᱚᱱ ᱡᱩᱱ ᱫᱷᱟ.ᱵᱤᱡ ᱥᱤᱢᱲᱤᱯᱟᱲ ᱧᱮᱞ ᱞᱟ.ᱜᱤᱫ ᱫᱩᱣᱟ.ᱨ ᱠᱷᱩᱞᱟ. ᱛᱟᱦᱮᱸᱱᱟ|ᱦᱟᱡᱟᱨ ᱦᱟᱡᱟᱨ ᱞᱟᱠ ᱞᱟᱠ ᱧᱮᱞ ᱡᱚᱝ ᱦᱚᱲ ᱠᱚ ᱦᱤᱡᱩᱜ-ᱟ|ᱵᱟ.ᱨᱤᱯᱚᱫᱟ ᱠᱷᱚᱱ᱒᱒ᱠᱤ.ᱢᱤ. ᱥᱟᱺᱜᱤᱧ ᱯᱤᱴᱷᱟᱵᱚᱴᱟ ᱜᱮᱴ ᱟᱨ ᱵᱟᱝ ᱠᱷᱟᱱ ᱙᱘ ᱠᱤ.ᱢᱤ. ᱥᱟᱺᱜᱤᱧᱟ ᱡᱚᱥᱤᱯᱩᱨ ᱜᱮᱴ ᱠᱷᱚᱱ ᱴᱤᱠᱤᱴ ᱦᱟᱛᱟᱣ ᱠᱟᱛᱮ ᱥᱮᱛᱟᱜ ᱖ ᱴᱟᱲᱟᱝ ᱠᱷᱚᱱ ᱑᱒ ᱴᱟᱲᱟᱝ ᱵᱷᱤᱛᱨᱟ. ᱨᱮ ᱥᱤᱢᱲᱤᱯᱟᱲ ᱧᱮᱞ ᱨᱮᱱᱟᱜ ᱫᱟᱣ ᱧᱟᱢᱚᱜ-ᱟ|ᱪᱚᱦᱞᱟ,ᱞᱩᱞᱩᱝ,ᱡᱳᱨᱚᱱᱫᱟ,ᱜᱩᱨᱜᱩᱰᱤᱭᱟ. ᱠᱚᱨᱮ ᱡᱤᱨᱟ.ᱣᱜ/ᱵᱟᱥᱟᱜ ᱞᱟ.ᱜᱤᱫ ᱵᱟᱝᱞᱟ ᱠᱚ ᱵᱮᱱᱟᱣ ᱟᱠᱟᱫ-ᱟ|