ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ
.jpg)
ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱫᱚ ᱟᱭᱢᱟ ᱩᱫᱩᱜᱤᱭᱟᱹ ᱠᱚ ᱛᱟᱞᱟ ᱛᱮ ᱧᱮᱞ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱫᱚ ᱚᱛᱱᱚᱜ, ᱥᱟᱶᱛᱟ-ᱠᱟᱹᱣᱰᱤᱟᱹᱨᱤ ᱚᱵᱚᱥᱛᱷᱟ ᱟᱨ ᱞᱟᱠᱪᱟᱨ ᱡᱟᱹᱱᱤ ᱵᱷᱮᱜᱟᱨ ᱵᱷᱮᱜᱟᱨ ᱛᱟᱦᱮᱸᱱᱟ ᱾[᱑] ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚ ᱣᱟᱜ ᱦᱚᱲᱢᱚ ᱥᱟᱶᱟᱨ ᱱᱟᱯᱟᱭ ᱛᱮ ᱥᱩᱫᱷᱟᱹᱨ ᱞᱟᱹᱜᱤᱫ ᱠᱷᱟᱱ ᱡᱮᱜᱮᱛᱟᱹᱨᱤ ᱦᱚᱲᱢᱚ ᱥᱟᱶᱟᱨ ᱜᱷᱩᱸᱴ ᱟᱨ ᱥᱤᱧᱚᱛ ᱨᱤᱱ ᱠᱚᱲᱟ ᱠᱚ ᱥᱟᱶ ᱛᱩᱞᱟᱹᱡᱚᱠᱷᱟ ᱠᱟᱛᱮ ᱱᱟᱯᱟᱭ ᱛᱟᱦᱮᱸᱱ ᱨᱮᱱᱟᱜ ᱟᱭᱢᱟ ᱦᱟᱹᱴᱤᱧ ᱠᱚ ᱱᱚᱡᱚᱨ ᱮᱢ ᱞᱟᱹᱠᱛᱤᱭᱟ ᱾ ᱦᱚᱲᱢᱚ ᱥᱟᱶᱟᱨ ᱫᱚ ᱢᱤᱫ ᱞᱟᱹᱠᱛᱤᱭᱟᱱ ᱠᱟᱨᱚᱱ ᱠᱟᱱᱟ ᱡᱟᱦᱟᱸ ᱫᱚ ᱢᱟᱹᱱᱢᱤᱭᱟᱜ ᱱᱟᱯᱟᱭ ᱛᱟᱦᱮᱸᱱ ᱟᱨ ᱠᱟᱹᱣᱰᱤᱟᱹᱨᱤ ᱞᱟᱦᱟᱱᱛᱤ ᱨᱮ ᱮᱱᱮᱢ ᱮ ᱮᱢᱟ ᱾[᱒]
ᱱᱤᱛᱚᱜ, ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚ ᱟᱭᱢᱟ ᱦᱚᱲᱢᱚ ᱥᱟᱶᱟᱨ ᱟᱱᱟᱴ ᱠᱚ ᱥᱟᱢᱟᱝ ᱮᱫᱼᱟ, ᱡᱟᱦᱟᱸ ᱫᱚ ᱢᱩᱪᱟᱹᱫ ᱨᱮ ᱫᱤᱥᱚᱢ ᱨᱮᱱᱟᱜ ᱜᱩᱴ ᱠᱟᱹᱣᱰᱤᱟᱹᱨᱤ ᱚᱨᱡᱚ ᱨᱮ ᱚᱨᱥᱚᱝ ᱮ ᱮᱢᱟ ᱾ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱨᱮ ᱢᱮᱱᱟᱜ ᱡᱟᱱᱟᱝ, ᱛᱷᱚᱠ ᱟᱨᱵᱟᱝ ᱡᱟᱹᱛᱤᱭᱟᱹᱨᱤ ᱵᱷᱮᱜᱮᱫ ᱠᱚ ᱥᱟᱢᱵᱽᱲᱟᱣ ᱠᱟᱛᱮ ᱟᱨ ᱦᱚᱲᱢᱚ ᱥᱟᱶᱟᱨ ᱚᱨᱡᱚ ᱠᱚ ᱥᱩᱫᱷᱟᱹᱨ ᱠᱟᱛᱮ ᱱᱟᱯᱟᱭ ᱢᱟᱹᱱᱢᱤ ᱥᱚᱢᱵᱚᱞ ᱵᱮᱱᱟᱣ ᱟᱨ ᱰᱮᱦᱮᱨ ᱥᱟᱧᱪᱟᱣ ᱟᱨ ᱤᱱᱵᱷᱮᱥᱴᱢᱮᱱᱴ ᱛᱟᱞᱟ ᱛᱮ ᱠᱟᱹᱣᱰᱤᱟᱹᱨᱤ ᱞᱟᱦᱟᱱᱛᱤ ᱨᱮ ᱮᱱᱮᱢ ᱮᱢ ᱦᱩᱭ ᱫᱟᱲᱮᱭᱟᱜᱼᱟ ᱾[᱒]
ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱧᱟᱢ ᱨᱮ ᱡᱟᱱᱟᱝ ᱵᱷᱮᱜᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ].jpg)
ᱡᱟᱹᱛᱤ ᱜᱟᱫᱮᱞ ᱫᱚ ᱥᱤᱧᱚᱛ ᱢᱤᱫ ᱛᱟᱞᱟ-ᱟᱨᱡᱟᱣ ᱟᱱ ᱫᱤᱥᱚᱢ ᱞᱮᱠᱟᱛᱮᱭ ᱥᱟᱹᱵᱩᱛ ᱟᱠᱟᱫᱼᱟ ᱾[᱓] ᱡᱮᱜᱮᱛ ᱠᱟᱹᱣᱰᱤᱟᱹᱨᱤ ᱢᱚᱸᱪᱚ ᱠᱷᱚᱱ ᱧᱟᱢ ᱟᱠᱟᱱ ᱚᱨᱡᱚ ᱞᱮᱠᱟᱛᱮ, ᱥᱤᱧᱚᱛ ᱫᱚ ᱡᱟᱱᱟᱝ ᱵᱟᱝ-ᱥᱚᱢᱟᱱᱚᱛ ᱵᱟᱵᱚᱛ ᱛᱮ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱤᱡ ᱫᱤᱥᱚᱢ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾[᱔] ᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱡᱟᱹᱛᱤ ᱜᱟᱫᱮᱞ ᱩᱛᱱᱟᱹᱣ ᱠᱟᱹᱢᱤ ᱦᱚᱨᱟ ᱣᱟᱜ ᱢᱟᱹᱱᱢᱤ ᱩᱛᱱᱟᱹᱣ ᱨᱤᱯᱳᱨᱴ ᱨᱮ ᱥᱤᱧᱚᱛ ᱫᱚ ᱡᱟᱱᱟᱝ ᱵᱟᱝ-ᱥᱚᱢᱟᱱᱚᱛ ᱵᱟᱵᱚᱛ ᱛᱮ ᱑᱘᱗ ᱜᱚᱴᱟᱝ ᱫᱤᱥᱚᱢ ᱢᱩᱫᱽ ᱨᱮ ᱑᱓᱒ ᱟᱱᱟᱜ ᱴᱷᱟᱶ ᱨᱮᱭ ᱫᱚᱦᱚ ᱞᱮᱫᱼᱟ ᱾ ᱱᱚᱣᱟ ᱟᱭᱢᱟ ᱦᱟᱹᱴᱤᱧ ᱟᱱ ᱩᱫᱩᱜᱤᱭᱟᱹ, ᱡᱟᱱᱟᱝ ᱵᱟᱝ-ᱥᱚᱢᱟᱱᱚᱛ ᱩᱫᱩᱜᱤᱭᱟᱹ ᱨᱮᱱᱟᱜ ᱢᱟᱹᱱ ᱫᱚ ᱟᱭᱢᱟ ᱠᱟᱨᱚᱱ ᱪᱮᱛᱟᱱ ᱨᱮ ᱵᱷᱚᱨᱥᱟ ᱟᱠᱟᱱᱟ, ᱡᱮᱞᱮᱠᱟ ᱮᱸᱜᱟᱛ ᱜᱩᱨ ᱫᱚᱨ, ᱡᱩᱣᱟᱹᱱ ᱠᱚᱣᱟᱜ ᱜᱤᱫᱽᱨᱟᱹ ᱡᱟᱱᱟᱢ ᱫᱚᱨ, ᱥᱮᱪᱮᱫ ᱟᱢᱮᱴ ᱟᱨ ᱠᱟᱹᱢᱤᱭᱟᱹ ᱫᱟᱲᱮ ᱨᱮ ᱥᱮᱞᱮᱫ ᱫᱚᱨ ᱾ ᱥᱤᱧᱚᱛ ᱨᱮ ᱡᱟᱱᱟᱝ ᱵᱟᱝ-ᱥᱚᱢᱟᱱᱚᱛ ᱨᱮᱱᱟᱜ ᱢᱤᱫ ᱢᱟᱨᱟᱝ ᱪᱤᱱᱦᱟᱹ ᱫᱚ ᱦᱩᱭᱩᱜ ᱠᱟᱱᱟ ᱛᱤᱨᱞᱟᱹ ᱠᱚᱣᱟᱜ ᱠᱚᱢ ᱚᱞ-ᱯᱟᱲᱦᱟᱣ ᱫᱟᱲᱮ, ᱥᱮᱪᱮᱫ ᱛᱚᱸᱜᱮ ᱵᱟᱝ ᱫᱚᱦᱚ ᱟᱨ ᱠᱟᱹᱢᱤ ᱠᱚᱨᱮ ᱠᱚᱢ ᱥᱮᱞᱮᱫ ᱾[᱔]
ᱡᱟᱱᱟᱝ ᱫᱚ ᱦᱚᱲᱢᱚ ᱥᱟᱶᱟᱨ ᱨᱮᱱᱟᱜ ᱢᱤᱫ ᱢᱩᱲᱩᱛ ᱥᱟᱶᱛᱟᱣᱟᱱ ᱠᱟᱨᱚᱱ ᱠᱟᱱᱟ — ᱡᱟᱦᱟᱸ ᱨᱮ ᱥᱟᱶᱛᱟᱣᱟᱱ, ᱠᱟᱹᱣᱰᱤᱟᱹᱨᱤ ᱟᱨ ᱨᱟᱡᱽᱟᱹᱨᱤ ᱠᱟᱨᱚᱱ ᱠᱚ ᱥᱮᱞᱮᱫ ᱢᱮᱱᱟᱜᱼᱟ — ᱡᱟᱦᱟᱸ ᱫᱚ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱟᱨ ᱥᱤᱧᱚᱛ ᱨᱮ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱧᱟᱢ ᱨᱮ ᱢᱟᱨᱟᱝ ᱮᱱᱮᱢ ᱮ ᱮᱢᱟ ᱾[᱕] ᱚᱱᱟᱛᱮ, ᱥᱤᱧᱚᱛ ᱨᱮ ᱡᱟᱱᱟᱝ ᱵᱟᱝ-ᱥᱚᱢᱟᱱᱚᱛ ᱨᱮᱱᱟᱜ ᱪᱮᱛᱟᱱ ᱛᱷᱚᱠ ᱫᱚ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱨᱮ ᱵᱟᱹᱲᱤᱡ ᱚᱨᱥᱚᱝ ᱮ ᱮᱢᱟ ᱾ ᱯᱚᱲᱦᱚᱱ ᱠᱚᱨᱮ ᱧᱮᱞ ᱟᱠᱟᱱᱟ ᱡᱮ ᱠᱩᱲᱤ ᱜᱤᱫᱽᱨᱟᱹ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱠᱚᱲᱟ ᱜᱤᱫᱽᱨᱟᱹ ᱠᱚᱫᱚ ᱦᱚᱲᱢᱚ ᱥᱟᱶᱟᱨ ᱛᱟᱞᱢᱟ ᱠᱚᱨᱮ ᱞᱚᱜᱚᱱ ᱤᱞᱟᱹᱡᱽ ᱠᱚ ᱧᱟᱢᱟ ᱾[᱖]
ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱧᱟᱢ ᱨᱮ ᱡᱟᱱᱟᱝ ᱨᱮᱱᱟᱜ ᱮᱱᱮᱢ ᱫᱚ ᱜᱷᱟᱨᱚᱸᱡᱽ ᱟᱨ ᱦᱚᱲ ᱛᱟᱞᱟ ᱨᱮ ᱥᱚᱢᱵᱚᱞ ᱦᱟᱹᱴᱤᱧ ᱧᱮᱞ ᱠᱟᱛᱮ ᱵᱟᱰᱟᱭ ᱫᱟᱲᱮᱭᱟᱜᱼᱟ ᱾ ᱡᱟᱱᱟᱝ ᱵᱷᱮᱜᱮᱫ ᱫᱚ ᱡᱟᱱᱟᱢ ᱢᱟᱲᱟᱝ ᱠᱷᱚᱱ ᱜᱮ ᱮᱛᱚᱦᱚᱵᱚᱜᱼᱟ; ᱥᱤᱧᱚᱛ ᱨᱮ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱜᱮ ᱡᱚᱛᱚ ᱠᱷᱚᱱ ᱰᱮᱦᱮᱨ ᱜᱚᱨᱵᱷᱚᱯᱟᱛ ᱦᱩᱭᱩᱜᱼᱟ ᱾[᱗] ᱡᱩᱫᱤ ᱢᱤᱫ ᱠᱩᱲᱤ ᱵᱷᱩᱨᱩᱬ ᱟᱜ ᱜᱚᱨᱵᱷᱚᱯᱟᱛ ᱵᱟᱝ ᱦᱩᱭᱩᱜ ᱨᱮᱦᱚᱸ, ᱮᱸᱜᱟᱛ ᱞᱟᱹᱜᱤᱫ ᱦᱟᱢᱟᱞ ᱦᱚᱲᱢᱚ ᱚᱠᱛᱚ ᱫᱚ ᱟᱹᱰᱤ ᱪᱤᱱᱛᱟᱹ ᱨᱮᱱᱟᱜ ᱚᱠᱛᱚ ᱦᱩᱭ ᱫᱟᱲᱮᱭᱟᱜᱼᱟ, ᱪᱮᱫᱟᱜ ᱥᱮ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱠᱚᱲᱟ ᱜᱤᱫᱽᱨᱟᱹ ᱜᱮ ᱠᱚ ᱠᱷᱚᱡᱚᱜᱼᱟ ᱾[᱘] ᱡᱟᱱᱟᱢ ᱛᱟᱭᱚᱢ, ᱠᱩᱲᱤ ᱜᱤᱫᱽᱨᱟᱹ ᱠᱚᱫᱚ ᱠᱚᱲᱟ ᱜᱤᱫᱽᱨᱟᱹ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱠᱚᱢ ᱡᱚᱢᱟᱜ ᱠᱚ ᱧᱟᱢ ᱮᱫᱼᱟ, ᱵᱤᱥᱮᱥ ᱠᱟᱛᱮ ᱡᱚᱠᱷᱚᱱ ᱜᱷᱟᱨᱚᱸᱡᱽ ᱨᱮ ᱢᱟᱲᱟᱝ ᱠᱷᱚᱱ ᱜᱮ ᱟᱭᱢᱟ ᱠᱩᱲᱤ ᱜᱤᱫᱽᱨᱟᱹ ᱠᱚ ᱛᱟᱦᱮᱸᱱᱟ ᱾[᱙][᱑᱐] ᱛᱤᱨᱞᱟᱹ ᱠᱚ ᱡᱚᱠᱷᱚᱱ ᱡᱩᱣᱟᱹᱱ ᱚᱠᱛᱚ ᱨᱮ ᱠᱚ ᱥᱮᱴᱮᱨᱚᱜᱼᱟ, ᱩᱱ ᱚᱠᱛᱚ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱧᱟᱢ ᱨᱮ ᱟᱭᱢᱟ ᱴᱷᱟᱠᱮᱫ ᱠᱚ ᱦᱤᱡᱩᱜᱼᱟ, ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱨᱮ ᱛᱤᱨᱞᱟᱹ ᱟᱨ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱞᱟᱛᱟᱨ ᱴᱷᱟᱶ ᱠᱷᱟᱹᱛᱤᱨ ᱦᱩᱭᱩᱜᱼᱟ, ᱵᱤᱥᱮᱥ ᱠᱟᱛᱮ ᱟᱹᱛᱩ ᱟᱨ ᱨᱮᱸᱜᱮᱡ ᱴᱚᱴᱷᱟ ᱠᱚᱨᱮ ᱾[᱔]
ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱞᱟᱛᱟᱨ ᱴᱷᱟᱶ ᱟᱨ ᱵᱷᱮᱜᱮᱫ ᱨᱮᱱᱟᱜ ᱠᱟᱨᱚᱱ ᱫᱚ ᱟᱭᱢᱟ ᱞᱟᱠᱪᱟᱨ ᱱᱤᱭᱚᱢ ᱠᱟᱱᱟ ᱾ ᱥᱟᱶᱛᱟ ᱨᱮᱱᱟᱜ ᱯᱤᱛᱨᱤᱥᱚᱛᱛᱟ ᱫᱟᱲᱮ, ᱦᱟᱹᱴᱤᱧ ᱟᱨ ᱟᱭᱢᱟ ᱯᱤᱲᱤ ᱨᱮᱱᱟᱜ ᱜᱷᱟᱨᱚᱸᱡᱽ ᱫᱚ ᱥᱤᱧᱚᱛᱤᱭᱟᱹ ᱡᱟᱱᱟᱝ ᱮᱱᱮᱢ ᱠᱚ ᱵᱮᱱᱟᱣ ᱨᱮ ᱜᱚᱲᱚᱣᱟᱜᱼᱟ ᱾ ᱠᱚᱲᱟ ᱦᱚᱲ ᱫᱚ ᱰᱮᱦᱮᱨ ᱥᱩᱵᱤᱫᱷᱟ ᱟᱨ ᱪᱮᱛᱟᱱ ᱟᱹᱭᱫᱟᱹᱨᱤ ᱵᱮᱵᱷᱟᱨ ᱠᱟᱛᱮ ᱢᱤᱫ ᱵᱟᱝ-ᱥᱚᱢᱟᱱ ᱥᱟᱶᱛᱟ ᱠᱚ ᱵᱮᱱᱟᱣᱟ, ᱡᱟᱦᱟᱸ ᱨᱮ ᱛᱤᱨᱞᱟᱹ ᱠᱚ ᱴᱷᱮᱱ ᱫᱚ ᱪᱮᱫ ᱦᱚᱸ ᱫᱟᱲᱮ ᱵᱟᱝ ᱛᱟᱦᱮᱸᱱᱟ ᱾[᱑᱑] ᱱᱚᱣᱟ ᱥᱟᱶᱛᱟᱣᱟᱱ ᱰᱷᱟᱸᱪᱟ ᱫᱚ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱥᱚᱝᱥᱚᱫᱽ ᱟᱨ ᱠᱟᱹᱢᱤᱭᱟᱹ ᱫᱟᱲᱮ ᱨᱮ ᱛᱤᱨᱞᱟᱹ ᱠᱚᱣᱟᱜ ᱠᱚᱢ ᱥᱮᱞᱮᱫ ᱛᱮ ᱧᱮᱞᱚᱜᱼᱟ ᱾[᱓]
ᱵᱟᱯᱞᱟ ᱨᱮᱱᱟᱜ ᱫᱟᱹᱭᱵᱷᱟᱨ ᱠᱷᱟᱹᱛᱤᱨ ᱛᱤᱨᱞᱟᱹ ᱠᱚᱫᱚ ᱜᱷᱟᱨᱚᱸᱡᱽ ᱞᱟᱹᱜᱤᱫ ᱠᱚᱢ ᱜᱚᱱᱚᱝ ᱟᱱ ᱞᱮᱠᱟᱛᱮ ᱦᱚᱸ ᱠᱚ ᱧᱮᱞᱚᱜᱼᱟ ᱾ ᱮᱱᱛᱮ ᱨᱮᱦᱚᱸ ᱱᱚᱣᱟ ᱫᱚ ᱵᱮ-ᱟᱹᱭᱤᱱᱤ ᱠᱟᱱᱟ, ᱥᱤᱧᱚᱛᱤᱭᱟᱹ ᱞᱟᱠᱪᱟᱨ ᱱᱤᱭᱚᱢ ᱠᱚᱫᱚ ᱡᱟᱣᱟᱭ ᱟᱜ ᱜᱷᱟᱨᱚᱸᱡᱽ ᱨᱮ ᱫᱟᱦᱮᱡᱽ ᱮᱢᱚᱜ ᱞᱟᱹᱜᱤᱫ ᱠᱚ ᱵᱟᱫᱷᱭᱚ ᱠᱚᱣᱟ ᱾ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱟᱜᱟᱢ ᱨᱮᱱᱟᱜ ᱠᱟᱹᱣᱰᱤ ᱦᱟᱢᱟᱞ ᱠᱷᱟᱹᱛᱤᱨ ᱜᱷᱟᱨᱚᱸᱡᱽ ᱨᱮ ᱠᱚᱲᱟ ᱜᱤᱫᱽᱨᱟᱹ ᱠᱚ ᱜᱮ ᱡᱟᱹᱥᱛᱤ ᱠᱚ ᱠᱷᱚᱡᱚᱜᱼᱟ ᱾ ᱚᱱᱟ ᱥᱟᱶᱛᱮ, ᱛᱤᱨᱞᱟᱹ ᱠᱚᱫᱚ ᱦᱟᱲᱟᱢ ᱵᱚᱭᱚᱥ ᱨᱮ ᱟᱭᱳ-ᱵᱟᱵᱟ ᱠᱚ ᱡᱚᱛᱚᱱ ᱞᱟᱹᱜᱤᱫ ᱵᱟᱝ ᱠᱚ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱢᱤᱫ ᱵᱷᱟᱵᱽᱱᱟ ᱢᱮᱱᱟᱜᱼᱟ, ᱡᱟᱦᱟᱸ ᱠᱷᱟᱹᱛᱤᱨ ᱠᱚᱲᱟ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱟᱥᱟ ᱟᱨᱦᱚᱸ ᱰᱮᱦᱮᱨᱚᱜᱼᱟ ᱾[᱑᱒]
ᱱᱚᱣᱟ ᱠᱚ ᱡᱚᱛᱚ ᱢᱮᱥᱟ ᱠᱟᱛᱮ, ᱛᱤᱨᱞᱟᱹ ᱠᱚᱫᱚ ᱟᱥᱚᱠᱟᱭ ᱛᱮ ᱠᱚᱲᱟ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱠᱚᱢ ᱜᱚᱱᱚᱝ ᱟᱱ ᱞᱮᱠᱟᱛᱮ ᱠᱚ ᱧᱮᱞᱚᱜᱼᱟ ᱾ ᱦᱚᱲ ᱛᱟᱞᱟ ᱨᱮ ᱠᱚᱢ ᱥᱮᱞᱮᱫ — ᱡᱮᱞᱮᱠᱟ ᱠᱟᱹᱢᱤ ᱟᱨ ᱨᱟᱡᱽᱟᱹᱨᱤ ᱥᱮᱞᱮᱫ ᱫᱚᱨ — ᱟᱨ ᱜᱷᱟᱨᱚᱸᱡᱽ ᱵᱷᱤᱛᱤᱨ ᱨᱮ ᱠᱚᱢ ᱜᱚᱱᱚᱝ ᱨᱮᱱᱟᱜ ᱠᱟᱛᱷᱟ ᱠᱷᱟᱹᱛᱤᱨ ᱛᱤᱨᱞᱟᱹ ᱠᱚᱫᱚ ᱢᱤᱫ ᱵᱷᱮᱜᱟᱨ ᱞᱮᱠᱟᱱ ᱡᱟᱱᱟᱝ ᱵᱷᱮᱜᱮᱫ ᱠᱚ ᱥᱟᱢᱟᱝ ᱮᱫᱼᱟ ᱾
ᱡᱟᱱᱟᱝ ᱵᱟᱝ-ᱥᱚᱢᱟᱱᱚᱛ ᱫᱚ ᱛᱤᱨᱞᱟᱹ ᱠᱚᱣᱟᱜ ᱵᱟᱹᱲᱤᱡ ᱦᱚᱲᱢᱚ ᱥᱟᱶᱟᱨ ᱚᱨᱡᱚ ᱥᱟᱶ ᱥᱚᱡᱷᱮ ᱡᱚᱲᱟᱣ ᱢᱮᱱᱟᱜᱼᱟ ᱾[᱔] ᱟᱭᱢᱟ ᱯᱚᱲᱦᱚᱱ ᱠᱚᱨᱮ ᱧᱮᱞ ᱟᱠᱟᱱᱟ ᱡᱮ ᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱦᱩᱭᱩᱜ ᱨᱮᱱᱟᱜ ᱫᱚᱨ ᱫᱚ ᱡᱟᱱᱟᱝ ᱡᱟᱹᱱᱤ ᱟᱹᱰᱤ ᱵᱷᱮᱜᱟᱨ ᱜᱮᱭᱟ, ᱡᱟᱦᱟᱸ ᱨᱮ ᱠᱚᱲᱟ ᱦᱚᱲ ᱫᱚ ᱛᱤᱨᱞᱟᱹ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱰᱮᱦᱮᱨ ᱫᱷᱟᱣ ᱟᱥᱯᱟᱛᱟᱞ ᱠᱚ ᱥᱮᱱᱚᱜᱼᱟ ᱾[᱕] ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱧᱟᱢ ᱨᱮ ᱱᱚᱣᱟ ᱵᱷᱮᱜᱮᱫ ᱫᱚ ᱦᱩᱭᱩᱜ ᱠᱟᱱᱟ ᱪᱮᱫᱟᱜ ᱥᱮ ᱛᱤᱨᱞᱟᱹ ᱠᱚᱫᱚ ᱜᱷᱟᱨᱚᱸᱡᱽ ᱨᱮᱱᱟᱜ ᱥᱚᱢᱵᱚᱞ ᱨᱮ ᱠᱚᱢ ᱦᱤᱥ ᱠᱚ ᱧᱟᱢᱟ ᱟᱨ ᱚᱱᱟᱛᱮ ᱠᱚᱲᱟ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱦᱚᱲᱢᱚ ᱥᱟᱶᱟᱨ ᱥᱚᱢᱵᱚᱞ ᱠᱚᱢ ᱠᱚ ᱵᱮᱵᱷᱟᱨᱟ ᱾[᱑᱐]
ᱚᱢᱚᱨᱛᱭᱚ ᱥᱮᱱ ᱫᱚ ᱜᱷᱟᱨᱚᱸᱡᱽ ᱨᱮᱱᱟᱜ ᱠᱚᱢ ᱥᱚᱢᱵᱚᱞ ᱧᱟᱢ ᱨᱮᱱᱟᱜ ᱠᱟᱨᱚᱱ ᱫᱚ ᱜᱷᱟᱨᱚᱸᱡᱽ ᱵᱷᱤᱛᱤᱨ ᱨᱮ ᱩᱱᱠᱩᱣᱟᱜ ᱠᱚᱢ ᱵᱟᱨᱜᱮᱱᱤᱝ ᱫᱟᱲᱮ ᱢᱮᱱᱛᱮᱭ ᱞᱟᱹᱭ ᱟᱠᱟᱫᱼᱟ ᱾ ᱚᱱᱟ ᱥᱟᱶᱛᱮ, ᱱᱚᱣᱟ ᱦᱚᱸ ᱧᱮᱞ ᱟᱠᱟᱱᱟ ᱡᱮ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱠᱚᱫᱚ ᱟᱠᱚᱣᱟᱜ ᱟᱡᱟᱨ ᱵᱟᱵᱚᱛ ᱛᱮ ᱠᱚᱢ ᱠᱚ ᱞᱟᱹᱭᱟ ᱾ ᱟᱡᱟᱨ ᱠᱚᱢ ᱞᱟᱹᱭ ᱫᱚ ᱜᱷᱟᱨᱚᱸᱡᱽ ᱵᱷᱤᱛᱤᱨ ᱨᱮ ᱱᱚᱣᱟ ᱞᱟᱠᱪᱟᱨ ᱱᱤᱭᱚᱢ ᱟᱨ ᱡᱟᱱᱟᱝ ᱟᱥᱟ ᱠᱚ ᱠᱷᱟᱹᱛᱤᱨ ᱦᱩᱭ ᱫᱟᱲᱮᱭᱟᱜᱼᱟ ᱾ ᱡᱟᱱᱟᱝ ᱫᱚ ᱡᱟᱱᱟᱢ ᱢᱟᱲᱟᱝ ᱡᱚᱛᱚᱱ ᱟᱨ ᱴᱤᱠᱟᱹ ᱠᱚ ᱵᱮᱵᱷᱟᱨ ᱨᱮᱦᱚᱸ ᱟᱹᱰᱤ ᱢᱟᱨᱟᱝ ᱚᱨᱥᱚᱝ ᱮ ᱮᱢᱟ ᱾[᱕]
᱒᱐᱐᱖ ᱥᱮᱨᱢᱟ ᱨᱮ ᱪᱳᱭ ᱣᱟᱜ ᱢᱤᱫ ᱯᱚᱲᱦᱚᱱ ᱞᱮᱠᱟᱛᱮ ᱧᱮᱞ ᱟᱠᱟᱱᱟ ᱡᱮ ᱟᱹᱛᱩ ᱴᱚᱴᱷᱟ ᱨᱮ ᱠᱩᱲᱤ ᱜᱤᱫᱽᱨᱟᱹ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱠᱚᱲᱟ ᱜᱤᱫᱽᱨᱟᱹ ᱠᱚ ᱰᱮᱦᱮᱨ ᱴᱤᱠᱟᱹ ᱠᱚ ᱧᱟᱢ ᱮᱫᱼᱟ ᱾ ᱱᱚᱣᱟ ᱧᱮᱞ ᱠᱟᱛᱮ ᱠᱷᱚᱸᱫᱽᱨᱚᱫᱤᱭᱟᱹ ᱠᱚ ᱱᱚᱣᱟ ᱠᱚ ᱢᱟᱱᱟᱣ ᱮᱫᱼᱟ ᱡᱮ ᱜᱤᱫᱽᱨᱟᱹ ᱣᱟᱜ ᱡᱟᱱᱟᱝ ᱠᱷᱟᱹᱛᱤᱨ ᱟᱹᱛᱩ ᱴᱚᱴᱷᱟ ᱨᱮ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱨᱮᱱᱟᱜ ᱛᱷᱚᱠ ᱵᱷᱮᱜᱟᱨ ᱵᱷᱮᱜᱟᱨ ᱦᱩᱭᱩᱜ ᱠᱟᱱᱟ ᱾[᱑᱓] ᱥᱮᱱᱚᱜ-ᱦᱤᱡᱩᱜ ᱨᱮᱦᱚᱸ ᱡᱟᱱᱟᱝ ᱨᱮᱱᱟᱜ ᱢᱤᱫ ᱦᱤᱥ ᱢᱮᱱᱟᱜᱼᱟ ᱾ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱦᱚᱲ ᱛᱟᱞᱟ ᱨᱮ ᱥᱮᱱᱚᱜ-ᱦᱤᱡᱩᱜ ᱫᱚ ᱠᱚᱲᱟ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱰᱮᱦᱮᱨ ᱟᱱᱟᱴ ᱜᱮᱭᱟ, ᱡᱟᱦᱟᱸ ᱠᱷᱟᱹᱛᱤᱨ ᱥᱮᱵᱟ ᱠᱚ ᱧᱟᱢ ᱨᱮ ᱟᱹᱰᱤ ᱟᱱᱟᱴ ᱦᱩᱭᱩᱜᱼᱟ ᱾[᱑᱔]
ᱡᱟᱱᱟᱝ ᱵᱷᱮᱜᱮᱫ ᱨᱮ ᱜᱚᱲᱚ-ᱥᱚᱯᱚᱦᱚᱫ ᱠᱷᱮᱯᱟᱣ ᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱢᱚᱨᱛᱭᱚ ᱥᱮᱱ ᱟᱜ ᱡᱟᱱᱟᱝ ᱵᱷᱮᱜᱮᱫ ᱞᱟᱹᱜᱤᱫ ᱜᱚᱲᱚ-ᱥᱚᱯᱚᱦᱚᱫ ᱠᱷᱮᱯᱟᱣ ᱦᱚᱨᱟ ᱫᱚ ᱛᱤᱨᱞᱟᱹ ᱠᱚᱣᱟᱜ ᱡᱟᱱᱟᱝ ᱟᱱᱟᱴ ᱠᱚ ᱯᱮᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱨᱩᱣᱟᱹᱲ ᱛᱟᱞᱟ ᱛᱮᱭ ᱩᱫᱩᱜᱟ: ᱵᱨᱮᱠᱰᱟᱣᱩᱱ ᱱᱟᱯᱟᱭ-ᱛᱟᱦᱮᱸᱱ, ᱵᱩᱡᱷᱟᱹᱣ ᱟᱠᱟᱱ ᱞᱟᱵᱷ ᱟᱨ ᱵᱩᱡᱷᱟᱹᱣ ᱟᱠᱟᱱ ᱮᱱᱮᱢ ᱨᱩᱣᱟᱹᱲ ᱾ ᱵᱨᱮᱠᱰᱟᱣᱩᱱ ᱱᱟᱯᱟᱭ-ᱛᱟᱦᱮᱸᱱ ᱨᱩᱣᱟᱹᱲ ᱫᱚ — ᱡᱟᱦᱟᱸ ᱱᱮᱥ ᱤᱠᱩᱣᱤᱞᱤᱵᱽᱨᱤᱭᱚᱢ ᱠᱷᱚᱱ ᱦᱮᱡ ᱟᱠᱟᱱᱟ — ᱜᱚᱲᱚ-ᱥᱚᱯᱚᱦᱚᱫ ᱵᱟᱪᱷᱟᱣ ᱚᱠᱛᱚ ᱨᱮ ᱦᱚᱲ ᱠᱚ ᱛᱟᱞᱟ ᱨᱮ ᱵᱨᱮᱠᱰᱟᱣᱩᱱ ᱴᱷᱟᱶ ᱵᱟᱵᱚᱛ ᱛᱮᱭ ᱞᱟᱹᱭᱟ ᱾ ᱡᱚᱠᱷᱚᱱ ᱢᱤᱫ ᱦᱚᱲᱟᱜ ᱵᱨᱮᱠᱰᱟᱣᱩᱱ ᱴᱷᱟᱶ ᱫᱚ ᱮᱴᱟᱜ ᱦᱚᱲ ᱠᱷᱚᱱ ᱠᱚᱢ ᱛᱟᱦᱮᱸᱱᱟ, ᱮᱱᱠᱷᱟᱱ ᱡᱟᱦᱟᱸᱱᱟᱜ ᱠᱷᱮᱯᱟᱣ ᱨᱮᱱᱟᱜ ᱥᱚᱞᱦᱮ ᱫᱚ ᱢᱩᱪᱟᱹᱫ ᱨᱮ ᱯᱩᱭᱞᱩ ᱦᱚᱲ ᱞᱟᱹᱜᱤᱫ ᱠᱚᱢ ᱱᱟᱯᱟᱭ ᱚᱵᱚᱥᱛᱷᱟ ᱨᱮ ᱦᱤᱡᱩᱜᱼᱟ ᱾[᱑᱕] ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱵᱟᱵᱚᱛ ᱛᱮ, ᱛᱤᱨᱞᱟᱹ ᱠᱚ ᱥᱟᱢᱟᱝ ᱮᱫ ᱜᱩᱴ ᱡᱟᱱᱟᱝ ᱟᱱᱟᱴ — ᱡᱟᱦᱟᱸ ᱫᱚ ᱞᱟᱠᱪᱟᱨ ᱟᱨ ᱥᱟᱶᱛᱟᱣᱟᱱ ᱠᱟᱨᱚᱱ ᱠᱚ ᱛᱮ ᱠᱚᱲᱟ ᱠᱚ ᱜᱚᱲᱚᱣᱟ ᱠᱚᱣᱟ — ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱧᱟᱢ ᱞᱟᱹᱜᱤᱫ ᱩᱱᱠᱩᱣᱟᱜ ᱵᱟᱪᱷᱟᱣ ᱨᱮ ᱵᱟᱹᱲᱤᱡ ᱚᱨᱥᱚᱝ ᱮ ᱮᱢᱟ ᱾
ᱵᱩᱡᱷᱟᱹᱣ ᱟᱠᱟᱱ ᱞᱟᱵᱷ ᱨᱩᱣᱟᱹᱲ ᱫᱚ ᱢᱤᱫ ᱵᱟᱨᱜᱮᱱᱤᱝ ᱵᱟᱪᱷᱟᱣ ᱨᱮᱱᱟᱜ ᱚᱨᱡᱚ ᱵᱟᱵᱚᱛ ᱛᱮᱭ ᱞᱟᱹᱭᱟ, ᱡᱚᱠᱷᱚᱱ ᱢᱤᱫ ᱦᱚᱲ ᱟᱡᱟᱜ ᱱᱟᱯᱟᱭ ᱛᱟᱦᱮᱸᱱ ᱨᱮ ᱠᱚᱢ ᱜᱚᱱᱚᱝ ᱮ ᱮᱢᱟ ᱾ ᱡᱟᱦᱟᱸᱱᱟᱜ ᱵᱟᱨᱜᱮᱱᱤᱝ ᱥᱚᱞᱦᱮ ᱫᱚ ᱚᱱᱟ ᱦᱚᱲ ᱞᱟᱹᱜᱤᱫ ᱜᱮ ᱠᱚᱢ ᱱᱟᱯᱟᱭ ᱚᱨᱡᱚᱭ ᱟᱹᱜᱩᱭᱟ ᱡᱟᱦᱟᱸᱭ ᱟᱡᱟᱜ ᱱᱟᱯᱟᱭ ᱛᱟᱦᱮᱸᱱ ᱨᱮ ᱠᱚᱢ ᱜᱚᱱᱚᱝ ᱮ ᱮᱢᱟ ᱾[᱑᱕] ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱚᱵᱚᱥᱛᱷᱟ ᱫᱚ ᱵᱩᱡᱷᱟᱹᱣ ᱟᱠᱟᱱ ᱞᱟᱵᱷ ᱨᱩᱣᱟᱹᱲ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ, ᱪᱮᱫᱟᱜ ᱥᱮ ᱥᱟᱶᱛᱟᱣᱟᱱ ᱟᱨ ᱞᱟᱠᱪᱟᱨ ᱦᱚᱨᱟ ᱠᱚ ᱱᱚᱝᱠᱟᱱ ᱢᱤᱫ ᱯᱟᱨᱤᱵᱮᱥ ᱮ ᱵᱮᱱᱟᱣᱟ ᱡᱟᱦᱟᱸ ᱨᱮ ᱛᱤᱨᱞᱟᱹ ᱠᱚᱣᱟᱜ ᱟᱯᱱᱟᱨ ᱜᱚᱱᱚᱝ ᱫᱚ ᱠᱚᱲᱟ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱠᱚᱢ ᱜᱮ ᱛᱟᱦᱮᱸᱱᱟ ᱾ ᱚᱱᱟᱛᱮ, ᱜᱷᱟᱨᱚᱸᱡᱽ ᱵᱷᱤᱛᱤᱨ ᱨᱮ ᱦᱚᱲᱢᱚ ᱥᱟᱶᱟᱨ ᱵᱟᱪᱷᱟᱣ ᱨᱮᱱᱟᱜ ᱚᱨᱡᱚ ᱠᱚᱫᱚ ᱠᱚᱲᱟ ᱠᱚᱣᱟᱜ ᱜᱮ ᱜᱚᱲᱚᱭ ᱮᱢᱟ ᱠᱚᱣᱟ ᱾
ᱵᱩᱡᱷᱟᱹᱣ ᱟᱠᱟᱱ ᱮᱱᱮᱢ ᱨᱩᱣᱟᱹᱲ ᱫᱚ ᱢᱤᱫ ᱦᱚᱲᱟᱜ ᱱᱟᱯᱟᱭ ᱴᱷᱟᱶ ᱵᱟᱵᱚᱛ ᱛᱮᱭ ᱞᱟᱹᱭᱟ, ᱡᱚᱠᱷᱚᱱ ᱚᱱᱟ ᱦᱚᱲᱟᱜ ᱮᱱᱮᱢ ᱫᱚ ᱮᱴᱟᱜ ᱦᱚᱲ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱢᱤᱫ ᱜᱟᱫᱮᱞ ᱞᱟᱹᱜᱤᱫ ᱰᱮᱦᱮᱨ ᱢᱮᱱᱛᱮ ᱵᱩᱡᱷᱟᱹᱣᱚᱜᱼᱟ ᱾ ᱰᱮᱦᱮᱨ ᱱᱟᱯᱟᱭ ᱵᱩᱡᱷᱟᱹᱣ ᱫᱚ ᱵᱟᱨᱜᱮᱱᱤᱝ ᱥᱚᱞᱦᱮ ᱨᱮ ᱦᱚᱲ ᱢᱤᱫ ᱱᱟᱯᱟᱭ ᱚᱨᱡᱚᱭ ᱮᱢᱟᱭᱟ ᱾[᱑᱕] ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱵᱟᱵᱚᱛ ᱛᱮ, ᱜᱷᱟᱨᱚᱸᱡᱽ ᱨᱮᱱᱟᱜ ᱟᱨᱡᱟᱣ ᱨᱮ ᱠᱚᱲᱟ ᱦᱚᱲᱟᱜ ᱵᱩᱡᱷᱟᱹᱣ ᱟᱠᱟᱱ ᱮᱱᱮᱢ ᱫᱚ ᱛᱤᱨᱞᱟᱹ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱰᱮᱦᱮᱨ ᱜᱮᱭᱟ, ᱡᱟᱦᱟᱸ ᱫᱚ ᱢᱩᱪᱟᱹᱫ ᱨᱮ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱧᱟᱢ ᱞᱟᱹᱜᱤᱫ ᱛᱤᱨᱞᱟᱹ ᱠᱚᱣᱟᱜ ᱵᱟᱨᱜᱮᱱᱤᱝ ᱫᱟᱲᱮ ᱨᱮ ᱚᱨᱥᱚᱝ ᱮ ᱮᱢᱟ ᱾
ᱥᱤᱧᱚᱛ ᱨᱮᱱᱟᱜ ᱦᱚᱲᱢᱚ ᱥᱟᱶᱟᱨ ᱦᱚᱨᱟ ᱨᱮ ᱟᱱᱟᱴ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱑ ᱟᱱᱟᱜ ᱥᱟᱭ ᱥᱮᱨᱢᱟ ᱮᱛᱚᱦᱚᱵ ᱨᱮ ᱥᱤᱧᱚᱛ ᱨᱮᱱᱟᱜ ᱦᱚᱲᱢᱚ ᱥᱟᱶᱟᱨ ᱰᱷᱟᱸᱪᱟ ᱨᱮ ᱦᱚᱲᱢᱚ ᱥᱟᱶᱟᱨ ᱠᱟᱹᱢᱤᱭᱟᱹ ᱡᱮᱞᱮᱠᱟ ᱰᱚᱠᱴᱚᱨ ᱟᱨ ᱱᱟᱨᱥ ᱠᱚᱣᱟᱜ ᱞᱮᱠᱷᱟ ᱟᱹᱰᱤ ᱠᱚᱢ ᱜᱮᱭᱟ ᱟᱨ ᱱᱚᱣᱟ ᱰᱷᱟᱸᱪᱟ ᱫᱚ ᱟᱱᱟᱴ ᱨᱮ ᱢᱮᱱᱟᱜᱼᱟ ᱾ ᱦᱚᱲᱢᱚ ᱥᱟᱶᱟᱨ ᱰᱷᱟᱸᱪᱟ ᱫᱚ ᱰᱷᱮᱨ ᱠᱟᱭᱛᱮ ᱵᱟᱡᱟᱨ ᱴᱚᱴᱷᱟ ᱨᱮ ᱜᱮ ᱢᱮᱱᱟᱜᱼᱟ ᱾ ᱱᱚᱣᱟ ᱠᱷᱟᱹᱛᱤᱨ ᱟᱹᱛᱩ ᱴᱚᱴᱷᱟ ᱨᱤᱱ ᱟᱭᱢᱟ ᱦᱚᱲ ᱵᱤᱱ-ᱜᱟᱹᱠᱷᱩᱲᱤᱭᱟᱹ ᱨᱟᱱ ᱮᱢᱚᱜ ᱠᱚ ᱴᱷᱮᱱ ᱤᱞᱟᱹᱡᱽ ᱞᱟᱹᱜᱤᱫ ᱠᱚ ᱥᱮᱱᱚᱜᱼᱟ, ᱡᱟᱦᱟᱸ ᱨᱮᱱᱟᱜ ᱚᱨᱡᱚ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱦᱚᱸ ᱵᱟᱰᱟᱭ ᱟᱠᱟᱱᱟ ᱡᱮ ᱟᱭᱢᱟ ᱦᱚᱲ ᱡᱟᱦᱟᱸᱭ ᱟᱠᱚ ᱰᱚᱠᱴᱚᱨ ᱢᱮᱱᱛᱮ ᱠᱚ ᱞᱟᱹᱭᱟ, ᱩᱱᱠᱩ ᱴᱷᱮᱱ ᱥᱚᱨᱠᱟᱨᱤ ᱴᱨᱮᱱᱤᱝ ᱨᱮᱱᱟᱜ ᱚᱵᱷᱟᱣ ᱢᱮᱱᱟᱜᱼᱟ ᱾ ᱥᱩᱯᱩᱨ ᱒᱕ ᱥᱟᱭᱠᱚᱲᱟ ᱰᱚᱠᱴᱚᱨ ᱡᱟᱦᱟᱸᱭ ᱫᱚ ᱮᱞᱳᱯᱟᱛᱷᱤᱠ (ᱢᱩᱬᱩᱛ ᱢᱮᱰᱤᱠᱟᱞ) ᱥᱮᱵᱟ ᱮᱢᱚᱜ ᱠᱚ ᱞᱮᱠᱟᱛᱮ ᱠᱚ ᱞᱮᱠᱷᱟᱜᱼᱟ, ᱩᱱᱠᱩ ᱴᱷᱮᱱ ᱥᱟᱹᱨᱤ ᱛᱮᱫᱚ ᱡᱟᱦᱟᱸᱱᱟᱜ ᱢᱮᱰᱤᱠᱟᱞ ᱴᱨᱮᱱᱤᱝ ᱵᱟᱹᱱᱩᱜᱼᱟ; ᱱᱚᱣᱟ ᱦᱚᱨᱟ ᱫᱚ ᱚᱛᱱᱚᱜ ᱡᱟᱹᱱᱤ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾[᱑᱖]
ᱛᱤᱨᱞᱟᱹ ᱠᱚᱫᱚ ᱱᱤᱛᱚᱜᱟᱜ ᱥᱤᱧᱚᱛᱤᱭᱟᱹ ᱦᱚᱲᱢᱚ ᱥᱟᱶᱟᱨ ᱰᱷᱟᱸᱪᱟ ᱨᱮᱱᱟᱜ ᱚᱛᱱᱚᱜ ᱵᱷᱮᱜᱮᱫ ᱠᱷᱟᱹᱛᱤᱨ ᱵᱟᱹᱲᱤᱡ ᱚᱨᱥᱚᱝ ᱠᱚ ᱧᱟᱢ ᱮᱫᱼᱟ ᱾ ᱫᱤᱥᱚᱢ ᱨᱤᱱ ᱜᱩᱴ ᱦᱚᱲᱢᱚ ᱥᱟᱶᱟᱨ ᱠᱟᱹᱢᱤᱭᱟᱹ ᱠᱚ ᱢᱩᱫᱽ ᱨᱮ ᱥᱩᱯᱩᱨ ᱵᱟᱨ-ᱛᱮᱥᱟᱨ ᱫᱚ ᱠᱚᱲᱟ ᱠᱟᱱᱟ ᱠᱚ ᱾ ᱱᱚᱣᱟ ᱫᱚ ᱟᱥᱚᱠᱟᱭ ᱛᱮ ᱟᱹᱛᱩ ᱴᱚᱴᱷᱟ ᱨᱮ ᱚᱨᱥᱚᱝ ᱮᱢᱟ, ᱡᱟᱦᱟᱸ ᱨᱮ ᱧᱮᱞ ᱟᱠᱟᱱᱟ ᱡᱮ ᱥᱟᱱᱟᱢ ᱰᱚᱠᱴᱚᱨ ᱠᱚ ᱢᱩᱫᱽ ᱨᱮ ᱥᱩᱢᱩᱝ ᱖ ᱥᱟᱭᱠᱚᱲᱟ ᱜᱮ ᱛᱤᱨᱞᱟᱹ ᱠᱟᱱᱟ ᱠᱚ ᱾ ᱱᱚᱣᱟ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱟᱹᱛᱩ ᱴᱚᱴᱷᱟ ᱨᱮ ᱑᱐,᱐᱐᱐ ᱦᱚᱲ ᱨᱮ ᱥᱩᱢᱩᱝ ᱐.᱕ ᱛᱤᱨᱞᱟᱹ ᱮᱞᱳᱯᱟᱛᱷᱤᱠ ᱰᱚᱠᱴᱚᱨ ᱢᱮᱱᱟᱜ ᱠᱚᱣᱟ ᱾[᱑᱖]
ᱟᱹᱛᱩ ᱟᱨ ᱵᱟᱡᱟᱨ ᱨᱤᱱ ᱦᱚᱲ ᱠᱚ ᱛᱟᱞᱟ ᱨᱮ ᱮᱸᱜᱟᱛ ᱡᱚᱛᱚᱱ ᱧᱟᱢ ᱨᱮ ᱵᱷᱮᱜᱮᱫ ᱫᱚ ᱵᱟᱡᱟᱨ ᱨᱮ ᱡᱟᱹᱥᱛᱤ ᱢᱮᱰᱤᱠᱟᱞ ᱰᱷᱟᱸᱪᱟ ᱛᱟᱦᱮᱸᱱ ᱨᱮᱱᱟᱜ ᱢᱤᱫ ᱚᱨᱡᱚ ᱠᱟᱱᱟ ᱾[᱑᱗] ᱥᱤᱧᱚᱛ ᱥᱚᱨᱠᱟᱨ ᱟᱜ ᱡᱟᱹᱛᱤᱭᱟᱹᱨᱤ ᱜᱷᱟᱨᱚᱸᱡᱽ ᱦᱚᱲᱢᱚ ᱥᱟᱶᱟᱨ ᱥᱟᱨᱵᱷᱮ (NFHS II, ᱑᱙᱙᱘-᱑᱙᱙᱙) ᱞᱮᱠᱟᱛᱮ ᱟᱹᱛᱩ ᱴᱚᱴᱷᱟ ᱨᱮ ᱮᱸᱜᱟᱛ ᱜᱩᱨ ᱫᱚ ᱵᱟᱡᱟᱨ ᱴᱚᱴᱷᱟ ᱨᱮᱱᱟᱜ ᱮᱸᱜᱟᱛ ᱜᱩᱨ ᱛᱩᱞᱟᱹᱡᱚᱠᱷᱟ ᱨᱮ ᱥᱩᱯᱩᱨ ᱑᱓᱒ ᱥᱟᱭᱠᱚᱲᱟ ᱰᱮᱦᱮᱨ ᱜᱮᱭᱟ ᱾[᱑᱗]
ᱥᱤᱧᱚᱛ ᱥᱚᱨᱠᱟᱨ ᱫᱚ ᱱᱤᱛᱚᱜᱟᱜ ᱡᱟᱱᱟᱝ ᱵᱟᱝ-ᱥᱚᱢᱟᱱᱚᱛ ᱠᱚᱢ ᱞᱟᱹᱜᱤᱫ ᱠᱤᱪᱷᱩ ᱯᱟᱸᱡᱟᱭ ᱦᱟᱛᱟᱣ ᱟᱠᱟᱫᱼᱟ ᱾ ᱑᱙᱙᱒ ᱥᱮᱨᱢᱟ ᱨᱮ, ᱥᱤᱧᱚᱛ ᱥᱚᱨᱠᱟᱨ ᱫᱚ ᱡᱟᱹᱛᱤᱭᱟᱹᱨᱤ ᱛᱤᱨᱞᱟᱹ ᱠᱚᱢᱤᱥᱚᱱ ᱮ ᱛᱷᱟᱯᱚᱱ ᱞᱮᱫᱼᱟ ᱾ ᱱᱚᱣᱟ ᱠᱚᱢᱤᱥᱚᱱ ᱨᱮᱱᱟᱜ ᱡᱚᱥ ᱛᱟᱦᱮᱸ ᱠᱟᱱᱟ ᱛᱤᱨᱞᱟᱹ ᱠᱚ ᱥᱟᱢᱟᱝ ᱮᱫ ᱟᱭᱢᱟ ᱵᱟᱝ-ᱥᱚᱢᱟᱱᱚᱛ ᱠᱚ ᱥᱚᱞᱦᱮ, ᱵᱤᱥᱮᱥ ᱠᱟᱛᱮ ᱡᱟᱵᱚᱨᱡᱚᱥᱛᱤ, ᱜᱷᱟᱨᱚᱸᱡᱽ ᱟᱨ ᱜᱟᱰᱤᱭᱟᱱᱥᱤᱯ ᱵᱟᱵᱚᱛ ᱛᱮ ᱾ ᱮᱱᱛᱮ ᱨᱮᱦᱚᱸ, ᱵᱤᱪᱟᱹᱨ ᱰᱷᱟᱸᱪᱟ ᱨᱮ ᱵᱚᱫᱚᱞ ᱨᱮᱱᱟᱜ ᱵᱟᱹᱭ-ᱵᱟᱹᱭ ᱪᱟᱞᱟᱣ ᱟᱨ ᱞᱟᱹᱭ ᱟᱠᱟᱱ ᱞᱟᱠᱪᱟᱨ ᱱᱤᱭᱚᱢ ᱠᱚ ᱠᱷᱟᱹᱛᱤᱨ ᱠᱚᱲᱟ ᱟᱨ ᱛᱤᱨᱞᱟᱹ ᱠᱚ ᱛᱟᱞᱟ ᱨᱮ ᱥᱚᱢᱟᱱᱚᱛ ᱞᱟᱦᱟᱱᱛᱤ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱ ᱨᱟᱭ ᱠᱚ ᱯᱩᱨᱟᱹ ᱞᱮᱠᱟᱛᱮ ᱞᱟᱹᱜᱩ ᱨᱮ ᱴᱷᱟᱠᱮᱫ ᱦᱤᱡᱩᱜ ᱠᱟᱱᱟ ᱾[᱑᱘]
᱒᱐᱐᱕ ᱥᱮᱨᱢᱟ ᱨᱮ ᱥᱤᱧᱚᱛ ᱫᱚ ᱡᱟᱹᱛᱤᱭᱟᱹᱨᱤ ᱟᱹᱛᱩ ᱦᱚᱲᱢᱚ ᱥᱟᱶᱟᱨ ᱢᱤᱥᱚᱱ (NRHM) ᱮ ᱞᱟᱹᱜᱩ ᱞᱮᱫᱼᱟ ᱾ ᱱᱚᱣᱟ ᱨᱮᱱᱟᱜ ᱠᱤᱪᱷᱩ ᱢᱩᱲᱩᱛ ᱡᱚᱥ ᱛᱟᱦᱮᱸ ᱠᱟᱱᱟ ᱜᱤᱫᱽᱨᱟᱹ ᱜᱩᱨ ᱠᱚᱢ ᱟᱨ ᱮᱸᱜᱟᱛ ᱜᱩᱨ ᱨᱮᱱᱟᱜ ᱦᱤᱥᱟᱹᱵᱽ ᱦᱚᱸ ᱠᱚᱢ ᱾ ᱚᱱᱟ ᱥᱟᱶᱛᱮ, NHRM ᱨᱮᱱᱟᱜ ᱡᱚᱥ ᱫᱚ ᱛᱟᱦᱮᱸ ᱠᱟᱱᱟ ᱥᱟᱱᱟᱢ ᱦᱚᱲ ᱠᱚ ᱞᱟᱹᱜᱤᱫ ᱦᱚᱲ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱵᱮᱱᱟᱣ ᱟᱨ ᱡᱟᱱᱟᱝ ᱦᱤᱥᱟᱹᱵᱽ ᱥᱚᱢᱟᱱ ᱫᱚᱦᱚ ᱾[᱑᱙] ᱮᱱᱛᱮ ᱨᱮᱦᱚᱸ, ᱒᱐᱑᱑ ᱥᱮᱨᱢᱟ ᱨᱮ ᱱᱟᱭᱟᱨ ᱟᱨ ᱯᱟᱱᱰᱟ ᱦᱚᱛᱮᱛᱮ ᱦᱩᱭ ᱞᱮᱱ ᱢᱤᱫ ᱠᱷᱚᱸᱫᱽᱨᱚᱫᱽ ᱯᱚᱲᱦᱚᱱ ᱨᱮ ᱧᱮᱞ ᱟᱠᱟᱱᱟ ᱡᱮ ᱒᱐᱐᱕ ᱨᱮ NHRM ᱞᱟᱹᱜᱩ ᱮᱱ ᱛᱟᱭᱚᱢ ᱥᱤᱧᱚᱛ ᱫᱚ ᱮᱸᱜᱟᱛ ᱦᱚᱲᱢᱚ ᱥᱟᱶᱟᱨ ᱨᱮᱱᱟᱜ ᱠᱤᱪᱷᱩ ᱢᱟᱯ ᱨᱮ ᱥᱩᱫᱷᱟᱹᱨ ᱟᱠᱟᱫ ᱨᱮᱦᱚᱸ, ᱫᱤᱥᱚᱢ ᱫᱚ ᱟᱭᱢᱟ ᱮᱴᱟᱜ ᱞᱟᱦᱟᱱᱛᱤ ᱠᱟᱱ ᱠᱟᱹᱣᱰᱤᱟᱹᱨᱤ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱟᱹᱰᱤ ᱛᱟᱭᱚᱢ ᱨᱮ ᱜᱮ ᱛᱟᱦᱮᱸ ᱠᱟᱱᱟ ᱾[᱒᱐]
ᱚᱨᱡᱚ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱟᱱᱟᱴ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱮᱞᱮᱝᱜᱟᱱᱟ ᱨᱮᱱᱟᱜ ᱟᱫᱤᱞᱟᱵᱟᱫᱽ ᱨᱮ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱠᱚ ᱛᱟᱞᱟ ᱨᱮ ᱠᱚᱲᱟᱢ ᱨᱮ ᱴᱷᱮᱞᱟ ᱧᱮᱞᱚᱜ ᱨᱮᱱᱟᱜ ᱪᱮᱛᱟᱱ ᱦᱤᱥᱟᱹᱵᱽ ᱫᱚ ᱱᱚᱣᱟ ᱥᱟᱺᱜᱤᱧ ᱴᱚᱴᱷᱟ ᱨᱤᱱ ᱦᱚᱲ ᱠᱚ ᱞᱟᱹᱜᱤᱫ ᱟᱹᱰᱤ ᱢᱟᱨᱟᱝ ᱦᱚᱲᱢᱚ ᱥᱟᱶᱟᱨ ᱵᱚᱛᱚᱨ ᱮ ᱛᱷᱟᱯᱚᱱ ᱟᱠᱟᱫᱼᱟ ᱾ "ᱠᱚᱲᱟᱢ ᱠᱮᱱᱥᱚᱨ ᱟᱨᱵᱟᱝ ᱮᱴᱟᱜ ᱞᱮᱠᱟᱱ ᱠᱟᱨᱥᱤᱱᱳᱢᱟ ᱫᱚ ᱵᱟᱹᱜᱤᱭᱟᱜ ᱢᱮ, ᱜᱚᱱᱰ, ᱯᱚᱨᱫᱷᱟᱱ, ᱠᱳᱞᱟᱢ ᱟᱨ ᱛᱷᱚᱛᱛᱤ ᱞᱮᱠᱟᱱ ᱟᱹᱫᱤᱵᱟᱹᱥᱤ ᱦᱚᱲ ᱠᱚ ᱛᱟᱞᱟ ᱨᱮ ᱥᱟᱫᱷᱟᱨᱚᱱ ᱠᱚᱲᱟᱢ ᱤᱱᱯᱷᱮᱠᱥᱚᱱ ᱦᱚᱸ ᱵᱟᱝ ᱵᱟᱰᱟᱭ ᱛᱟᱦᱮᱸ ᱠᱟᱱᱟ," ᱱᱚᱣᱟ ᱠᱟᱛᱷᱟ ᱫᱚ ᱡᱤᱞᱞᱟᱹ ᱴᱤᱠᱟᱹ ᱚᱯᱷᱤᱥᱚᱨ ᱰᱨ. ᱛᱷᱳᱰᱥᱟᱢ ᱪᱟᱱᱫᱩᱭ ᱞᱟᱹᱭ ᱟᱠᱟᱫᱼᱟ, ᱡᱟᱦᱟᱸᱭ ᱫᱚ ᱟᱡ ᱦᱚᱸ ᱢᱤᱫ ᱜᱚᱱᱰ ᱠᱟᱱᱟᱭ ᱾[᱒᱑]
ᱠᱚᱢ ᱯᱩᱥᱴᱤ ᱟᱨ ᱟᱡᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱩᱥᱴᱤ ᱫᱚ ᱢᱤᱫ ᱦᱚᱲᱟᱜ ᱜᱩᱴ ᱦᱚᱲᱢᱚ ᱥᱟᱶᱟᱨ ᱨᱮ ᱢᱟᱨᱟᱝ ᱮᱱᱮᱢ ᱮ ᱮᱢᱟ; ᱢᱚᱱᱮ ᱥᱟᱬᱮᱥᱣᱟᱱ ᱟᱨ ᱦᱚᱲᱢᱚᱣᱟᱱ ᱥᱟᱶᱟᱨ ᱚᱵᱚᱥᱛᱷᱟ ᱫᱚ ᱟᱥᱚᱠᱟᱭ ᱛᱮ ᱠᱚᱢ ᱯᱩᱥᱴᱤ ᱠᱷᱟᱹᱛᱤᱨ ᱟᱹᱰᱤ ᱡᱳᱨ ᱮ ᱚᱨᱥᱚᱝᱚᱜᱼᱟ ᱾[᱒᱒] ᱥᱤᱧᱚᱛ ᱨᱮ ᱱᱤᱛᱚᱜ ᱞᱟᱦᱟᱱᱛᱤ ᱠᱟᱱ ᱫᱤᱥᱚᱢ ᱠᱚ ᱢᱩᱫᱽ ᱨᱮ ᱠᱚᱢ ᱯᱩᱥᱴᱤ ᱟᱱ ᱛᱤᱨᱞᱟᱹ ᱠᱚᱣᱟᱜ ᱞᱮᱠᱷᱟ ᱟᱹᱰᱤ ᱰᱮᱦᱮᱨ ᱜᱮᱭᱟ ᱾[᱒᱓] ᱒᱐᱐᱐ ᱥᱮᱨᱢᱟ ᱨᱮᱱᱟᱜ ᱢᱤᱫ ᱯᱚᱲᱦᱚᱱ ᱨᱮ ᱧᱮᱞ ᱟᱠᱟᱱᱟ ᱡᱮ ᱥᱩᱯᱩᱨ ᱗᱐ ᱥᱟᱭᱠᱚᱲᱟ ᱵᱤᱱ-ᱦᱟᱢᱟᱞ ᱛᱤᱨᱞᱟᱹ ᱟᱨ ᱗᱕ ᱥᱟᱭᱠᱚᱲᱟ ᱦᱟᱢᱟᱞ ᱛᱤᱨᱞᱟᱹ ᱠᱚᱫᱚ ᱟᱭᱨᱚᱱ ᱚᱵᱷᱟᱣ ᱠᱷᱟᱹᱛᱤᱨ ᱢᱟᱭᱟᱢ ᱠᱚᱢ ᱨᱩᱣᱟᱹ ᱨᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱢ ᱯᱩᱥᱴᱤ ᱨᱮᱱᱟᱜ ᱢᱤᱫ ᱢᱩᱲᱩᱛ ᱠᱟᱨᱚᱱ ᱫᱚ ᱦᱩᱭᱩᱜ ᱠᱟᱱᱟ ᱡᱚᱢᱟᱜ ᱥᱚᱢᱵᱚᱞ ᱦᱟᱹᱴᱤᱧ ᱨᱮ ᱡᱟᱱᱟᱝ ᱡᱟᱹᱱᱤ ᱵᱷᱮᱜᱮᱫ ᱾[᱒᱒]
᱒᱐᱑᱒ ᱥᱮᱨᱢᱟ ᱨᱮ ᱛᱟᱨᱳᱡᱤ ᱭᱟᱜ ᱢᱤᱫ ᱯᱚᱲᱦᱚᱱ ᱞᱮᱠᱟᱛᱮ ᱧᱮᱞ ᱟᱠᱟᱱᱟ ᱡᱮ ᱮᱛᱚᱦᱚᱵ ᱡᱩᱣᱟᱹᱱ ᱠᱚᱣᱟᱜ ᱯᱩᱥᱴᱤ ᱦᱟᱛᱟᱣ ᱫᱚ ᱥᱩᱯᱩᱨ ᱥᱚᱢᱟᱱ ᱜᱮᱭᱟ ᱾[᱒᱒] ᱮᱱᱛᱮ ᱨᱮᱦᱚᱸ, ᱛᱤᱨᱞᱟᱹ ᱠᱚ ᱡᱚᱠᱷᱚᱱ ᱦᱟᱨᱟ-ᱵᱩᱨᱩ ᱚᱵᱚᱥᱛᱷᱟ ᱨᱮ ᱠᱚ ᱥᱮᱴᱮᱨᱚᱜᱼᱟ, ᱩᱱ ᱚᱠᱛᱚ ᱠᱚᱢ ᱯᱩᱥᱴᱤ ᱨᱮᱱᱟᱜ ᱫᱚᱨ ᱫᱚ ᱰᱮᱦᱮᱨᱚᱜᱼᱟ ᱾[᱒᱓] ᱚᱱᱟ ᱥᱟᱶᱛᱮ, ᱡᱳᱥᱮ ᱮᱢᱟᱱ ᱠᱚ ᱧᱮᱞ ᱠᱮᱫᱼᱟ ᱡᱮ ᱵᱟᱯᱞᱟ ᱟᱠᱟᱱ ᱛᱤᱨᱞᱟᱹ ᱠᱚ ᱴᱷᱮᱱ ᱵᱤᱱ-ᱵᱟᱯᱞᱟ ᱛᱤᱨᱞᱟᱹ ᱠᱚ ᱛᱩᱞᱟᱹᱡᱚᱠᱷᱟ ᱨᱮ ᱠᱚᱢ ᱯᱩᱥᱴᱤ ᱰᱮᱦᱮᱨ ᱧᱮᱞᱚᱜᱼᱟ ᱾[᱒᱓]
ᱮᱸᱜᱟᱛ ᱠᱚᱣᱟᱜ ᱠᱚᱢ ᱯᱩᱥᱴᱤ ᱫᱚ ᱮᱸᱜᱟᱛ ᱜᱩᱨ ᱨᱮᱱᱟᱜ ᱵᱚᱛᱚᱨ ᱟᱨ ᱜᱤᱫᱽᱨᱟᱹ ᱣᱟᱜ ᱡᱟᱱᱟᱢ ᱠᱷᱚᱱ ᱟᱹᱭᱤᱵᱽ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾[᱒᱓] ᱠᱚᱢ ᱯᱩᱥᱴᱤ ᱨᱮᱱᱟᱜ ᱟᱱᱟᱴ ᱥᱚᱞᱦᱮ ᱞᱮᱠᱷᱟᱱ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱵᱟᱱᱟᱨ ᱞᱟᱹᱜᱤᱫ ᱜᱮ ᱱᱟᱯᱟᱭ ᱚᱨᱡᱚ ᱧᱟᱢᱚᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Chatterjee, A, and VP Paily (2011). "Achieving Millennium Development Goals 4 and 5 in India". BJOG. 118 (Suppl 2): 47–59. doi:10.1111/j.1471-0528.2011.03112.x. PMID 21951502. S2CID 31000506.
{{cite journal}}: CS1 maint: multiple names: authors list (link) - 1 2 Ariana, Proochista and Arif Naveed. An Introduction to the Human Development Capability Approach: Freedom and Agency. London: Earthscan, 2009. 228-245. Print.
- 1 2 United Nations. "Sustainability and Equity: A Better Future for All." Human Development Report 2011. (2011): n. page. Web. 12 April 2013.
- 1 2 3 4 Raj, Anita (2011). "Gender equity and universal health coverage in India". Lancet. 377 (9766): 618–619. doi:10.1016/s0140-6736(10)62112-5. PMID 21227498. S2CID 22151807.
- 1 2 3 Balarajan, Y; Selvaraj, S; et al. (2011). "Health care and equity in India". Lancet. 377 (9764): 505–15. Bibcode:2011Lanc..377..505B. doi:10.1016/s0140-6736(10)61894-6. PMC 3093249. PMID 21227492.
- ↑ Pandey, Aparna; Sengupta, Priya Gopal; Mondal, Sujit Kumar; Gupta, Dhirendra Nath; Manna, Byomkesh; Ghosh, Subrata; Sur, Dipika; Bhattacharya, S.K. (2002). "Gender Differences in Healthcare-seeking during Common Illnesses in a Rural Community of West Bengal, India". Journal of Health, Population, and Nutrition. 20 (4): 306–311. JSTOR 23498918. PMID 12659410.
- ↑ Raj, Anita (2011). "Sex selected abortion in India". Lancet. 378 (9798): 1217–1218. doi:10.1016/s0140-6736(11)61535-3. PMID 21962555. S2CID 20124955.
- ↑ Patel, Vikram; Rodrigues, Merlyn; et al. (2002). "Gender, Poverty and Postnatal Depression: A Study of Mothers in Goa India". Am J Psychiatry. 159 (1): 43–47. doi:10.1176/appi.ajp.159.1.43. PMID 11772688. S2CID 6479675.
- ↑ Khera, R; Jain, S; Lodha, R; Ramakrishnan, S (April 2014). "Gender bias in child care and child health: global patterns". Archives of Disease in Childhood. 99 (4): 369–74. doi:10.1136/archdischild-2013-303889. PMID 24344176. S2CID 36547372.
- 1 2 Sen, Gita; Iyer, Aditi (2012). "Who gains, who loses and how: Leveraging gender and class intersections to secure health entitlements". Social Science and Medicine. 74 (11): 1802–1811. doi:10.1016/j.socscimed.2011.05.035. PMID 21741737.
- ↑ Kimuna, Sitawa; Yanyi, Djamba (2012). "Domestic Violence in India: Insights From the 2005—2006 National Family Health Survey". Journal of Interpersonal Violence. 28 (4): 773–807. doi:10.1177/0886260512455867. PMID 22935947. S2CID 206562887.
- ↑ Singh, Ashish (2012). "Gender based within-household inequality in childhood immunisation in India: changes over time and across regions". PLOS ONE. 7 (4). Bibcode:2012PLoSO...735045S. doi:10.1371/journal.pone.0035045. PMC 3324412. PMID 22509379.
{{cite journal}}: Unknown parameter|article-number=ignored (help) - ↑ Choi, Jin; Lee, Sang-Hyop (2006). "Does prenatal care increase access to child immunisations? Gender bias among children in India". Social Science and Medicine. 63 (1): 107–17. doi:10.1016/j.socscimed.2005.11.063. PMID 16443313.
- ↑ Mechakra-Tahiri, Samia; Freeman, Ellen; et al. (2012). "The gender gap in mobility: A global cross-sectional study". BMC Public Health. 12. doi:10.1186/1471-2458-12-598. PMC 3506530. PMID 22856611.
{{cite journal}}: Unknown parameter|article-number=ignored (help) - 1 2 3 Sen, Amartya. "Gender and cooperative conflicts." Wider Working Papers. 18. (1987) Web. 28 April 2013.
- 1 2 Rao, Mohan; Rao, Krishna (2011). "Human resources for health in India". Lancet. 377 (9765): 587–98. doi:10.1016/s0140-6736(10)61888-0. PMID 21227499. S2CID 33914370.
- 1 2 Adamson, Paul; Krupp, Karl (2012). "Are marginalised women being left behind? A population-based study of institutional deliveries in Karnataka, India". BMC Public Health. 12. doi:10.1186/1471-2458-12-30. PMC 3269389. PMID 22240002.
{{cite journal}}: Unknown parameter|article-number=ignored (help) - ↑ Doshi, Sonal; Gandhi, Bindi (2008). "Women in India: The Context and Impact of HIV/AIDS". Journal of Human Behavior in the Social Environment. 17 (3–4): 413–442. doi:10.1080/10911350802068300. S2CID 216113851.
- ↑ Ministry of Health and Family Welfare, . "About NHRM." Archived ᱒᱓ ᱥᱮᱯᱴᱮᱢᱵᱚᱨ ᱒᱐᱑᱑ at the Wayback Machine. National Rural Health Mission. Government of India. Web. 28 April 2013.
- ↑ Nair, Harish; Panda, Rajmohan (2011). "Quality of maternal healthcare in India: Has the rural health mission made a difference". Journal of Global Health. 1 (1): 79–86. PMC 3484741. PMID 23198105.
- ↑ Singh, S. Harpal (13 April 2015). "Survey of tribal women shows up breast abnormalities". The Hindu – via thehindu.com.
- 1 2 3 Tarozzi, Alessandro (2012). "Some Facts about Boy versus Girl Health Indicators in India: 1992—2005". CESifo Economic Studies. 58 (2): 296–321. doi:10.1093/cesifo/ifs013.
- 1 2 3 4 Jose, Sunny, and K Navaneetham. "A Factsheet on Women's Malnutrtion in India." Economic and Political Weekly. 43.33 (2008): 61-67. Web. 21 February 2013.