ᱥᱤᱵᱟᱡᱤᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ
ᱥᱤᱵᱟᱡᱤ ᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ शिवाजी नगर रेल्वे स्थानक | |
|---|---|
| ᱯᱩᱱᱮ ᱥᱟᱵᱽ ᱟᱨᱵᱟᱱ ᱨᱮᱞᱣᱮ ᱥᱴᱮᱥᱚᱱ | |
 | |
| ᱢᱮᱱᱮᱞᱟ ᱠᱟᱛᱷᱟ | |
| ᱴᱷᱟᱶ | ᱣᱟᱠᱰᱮᱣᱟᱰᱤ, ᱥᱤᱵᱟᱡᱤᱱᱚᱜᱚᱨ, ᱯᱩᱱᱮ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 18°31′57″N 73°51′05″E / 18.5326°N 73.8514°ECoordinates: 18°31′57″N 73°51′05″E / 18.5326°N 73.8514°E |
| ᱩᱥᱩᱞ | 550.42 metres (1,805.8 ft) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ |
| ᱞᱟᱭᱤᱱ (ᱠᱚ) | ᱯᱩᱱᱮ ᱥᱟᱵᱽ ᱟᱨᱵᱟᱱ |
| ᱯᱞᱮᱴᱯᱷᱚᱨᱢ | ᱓ |
| ᱴᱨᱮᱠ | ᱕ |
| ᱵᱮᱱᱟᱣ | |
| ᱯᱟᱨᱠᱤᱝ | ᱦᱚᱭ |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | ᱠᱟᱹᱢᱤ |
| ᱥᱴᱮᱥᱚᱱ ᱠᱳᱰ | SVJR |
| ᱵᱷᱟᱲᱟ ᱴᱷᱟᱶ | ᱛᱟᱞᱢᱟ ᱨᱮᱞᱣᱮ |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱦᱚᱭ |
ᱥᱤᱵᱟᱡᱤᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ (ᱯᱩᱭᱞᱩ ᱫᱚ ᱵᱷᱟᱢᱵᱩᱨᱫᱮ ᱨᱮᱞᱣᱮ ᱥᱴᱮᱥᱚᱱ) ᱫᱚ ᱯᱩᱱᱮ ᱨᱮᱱᱟᱜ ᱥᱤᱵᱟᱡᱤ ᱱᱚᱜᱚᱨ (ᱯᱩᱭᱞᱩ ᱫᱚ ᱵᱷᱟᱢᱵᱩᱨᱫᱮ) ᱥᱚᱦᱚᱨ ᱨᱮ ᱢᱮᱱᱟᱜ ᱢᱤᱫ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱨᱮ ᱵᱟᱨᱭᱟ ᱯᱞᱮᱴᱯᱷᱚᱨᱢ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱯᱩᱱᱮ ᱨᱮᱱᱟᱜ ᱩᱯᱱᱚᱜᱽᱨᱤ ᱴᱨᱮᱱ ᱨᱮᱱᱟᱜ ᱦᱚᱞᱴ ᱠᱟᱱᱟ ᱾ ᱱᱚᱣᱟ ᱥᱴᱮᱥᱚᱱ ᱢᱩᱢᱵᱟᱭ CST ᱠᱷᱚᱱ ᱯᱩᱱᱮ ᱡᱚᱸᱠᱥᱚᱱ ᱫᱷᱟᱹᱨᱤᱡ ᱥᱮᱱᱚᱜ ᱠᱟᱱ ᱴᱨᱮᱱ ᱨᱮᱱᱟᱜ ᱦᱚᱞᱴ ᱦᱚᱸ ᱠᱟᱱᱟ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱚᱱᱟ ᱞᱟᱹᱠᱛᱤᱭᱟ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱯᱩᱱᱮ ᱨᱮᱱᱟᱜ ᱥᱮᱥᱚᱱ ᱠᱚᱨᱴ ᱟᱨ ᱟᱭᱢᱟ ᱜᱟᱱ ᱢᱩᱬ ᱵᱤᱞᱰᱤᱝ ᱡᱮᱞᱮᱠᱟ ᱠᱚᱞᱮᱡᱽ ᱚᱯᱷ ᱤᱸᱡᱤᱱᱤᱭᱚᱨᱤᱝ, ᱯᱤ. ᱮᱢ. ᱥᱤ. ᱵᱤᱞᱰᱤᱝ ᱮᱢᱟᱱ ᱠᱚᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱥᱴᱮᱥᱚᱱ ᱨᱮ ᱥᱮᱱᱚᱜ ᱠᱟᱱ ᱴᱨᱮᱱ ᱫᱚ ᱵᱟᱨ ᱠᱷᱚᱱ ᱯᱮ ᱴᱤᱯᱤᱡ ᱫᱷᱟᱹᱨᱤᱡ ᱛᱤᱸᱜᱩᱭᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱔᱘ ᱫᱚ ᱱᱚᱣᱟ ᱥᱴᱮᱥᱚᱱ ᱠᱷᱚᱱ ᱯᱟᱹᱪᱷᱞᱟᱹ ᱥᱮᱫ ᱛᱮ ᱪᱟᱞᱟᱜ ᱠᱟᱱᱟ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱯᱩᱱᱮ ᱡᱚᱸᱠᱥᱚᱱ ᱠᱷᱚᱱ ᱵᱟᱨ ᱠᱤᱞᱚᱢᱤᱴᱚᱨ (᱑.᱒ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱩᱯᱱᱚᱜᱽᱨᱤ ᱨᱮᱞᱜᱟᱹᱰᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱵᱟᱡᱤ ᱱᱚᱜᱚᱨ ᱠᱷᱚᱱ ᱞᱳᱱᱟᱣᱟᱞᱟ ᱞᱟᱹᱜᱤᱫ ᱵᱟᱨᱭᱟ ᱴᱨᱮᱱ ᱪᱟᱞᱟᱜᱼᱟ ᱟᱨ ᱞᱳᱱᱟᱣᱟᱞᱟ ᱠᱷᱚᱱ ᱵᱟᱨᱭᱟ ᱴᱨᱮᱱ ᱥᱤᱵᱟᱡᱤ ᱱᱚᱜᱚᱨ ᱨᱮ ᱢᱩᱪᱟᱹᱫᱚᱜᱼᱟ ᱾ ᱯᱩᱱᱮ ᱡᱚᱸᱠᱥᱚᱱ-ᱞᱳᱱᱟᱣᱟᱞᱟ-ᱯᱩᱱᱮ ᱡᱚᱸᱠᱥᱚᱱ ᱥᱮᱠᱥᱚᱱ ᱛᱟᱞᱟ ᱨᱮ ᱑᱕ ᱴᱨᱮᱱ ᱟᱨ ᱯᱩᱱᱮ ᱡᱚᱸᱠᱥᱚᱱ-ᱛᱮᱞᱮᱜᱟᱶ ᱫᱟᱵᱷᱟᱲᱮ-ᱯᱩᱱᱮ ᱡᱚᱸᱠᱥᱚᱱ ᱦᱟᱹᱴᱤᱧ ᱛᱟᱞᱟ ᱨᱮ ᱯᱮᱭᱟ ᱴᱨᱮᱱ ᱥᱮᱱᱚᱜᱼᱟ ᱾ ᱱᱚᱣᱟ ᱴᱨᱮᱱ ᱫᱚ ᱱᱚᱣᱟ ᱥᱴᱮᱥᱚᱱ ᱨᱮᱜᱮ ᱛᱤᱸᱜᱩᱭᱟ ᱾
- ᱯᱞᱮᱴᱯᱷᱚᱨᱢ ᱑A
ᱱᱚᱣᱟ ᱥᱴᱮᱥᱚᱱ ᱨᱮ ᱩᱯᱱᱚᱜᱽᱨᱤ ᱴᱨᱮᱱ ᱞᱟᱹᱜᱤᱫ ᱢᱤᱫ ᱱᱟᱣᱟ ᱯᱞᱮᱴᱯᱷᱚᱨᱢ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱱᱚᱣᱟ ᱥᱴᱮᱥᱚᱱ ᱨᱮ ᱛᱤᱱᱟᱹᱜ ᱜᱟᱱ ᱩᱯᱱᱚᱜᱽᱨᱤ ᱴᱨᱮᱱ ᱠᱚ ᱞᱟᱹᱜᱤᱫ ᱮᱛᱚᱦᱚᱵ ᱟᱨ ᱰᱮᱦᱮᱨᱚᱜ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱨᱮ ᱑᱒ ᱠᱳᱪ ᱨᱮᱱᱟᱜ ᱤ.ᱮᱢ.ᱭᱩ ᱴᱨᱮᱱ ᱛᱤᱸᱜᱩ ᱫᱟᱲᱮᱭᱟᱜᱼᱟ ᱾
ᱯᱟᱥᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱰᱮ ᱠᱷᱚᱱ ᱮᱛᱚᱦᱚᱵᱟᱜ ᱟᱨ ᱱᱚᱰᱮ ᱢᱩᱪᱟᱹᱫᱚᱜ ᱴᱨᱮᱱ ᱠᱚ ᱞᱟᱹᱜᱤᱫ ᱥᱴᱮᱥᱚᱱ ᱨᱮ ᱢᱤᱫᱴᱟᱹᱝ ᱱᱟᱣᱟ ᱯᱞᱮᱴᱯᱷᱚᱨᱢ ᱵᱮᱱᱟᱣ ᱨᱮᱱᱟᱜ ᱯᱨᱚᱯᱷᱚᱨᱢ ᱢᱮᱱᱟᱜᱼᱟ ᱾[᱑] ᱱᱚᱣᱟ ᱛᱮ ᱱᱚᱰᱮ ᱠᱷᱚᱱ ᱮᱛᱚᱦᱚᱵᱚᱜ ᱟᱨ ᱢᱩᱪᱟᱹᱫᱚᱜ ᱞᱚᱠᱟᱞ ᱴᱨᱮᱱ ᱠᱚ ᱛᱤᱸᱜᱩ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱯᱞᱮᱴᱯᱷᱚᱨᱢ ᱫᱚ ᱯᱞᱮᱴᱯᱷᱚᱨᱢ ᱑ ᱥᱩᱨ ᱨᱮ ᱵᱮᱱᱟᱣ ᱦᱩᱭᱩᱜᱼᱟ ᱾ ᱱᱚᱰᱮ ᱠᱷᱚᱱ ᱟᱹᱰᱤ ᱥᱟᱹᱜᱟᱹᱭ ᱨᱮᱱᱟᱜ ᱨᱮᱞ ᱥᱮᱵᱟ ᱠᱚᱦᱚᱸ ᱮᱛᱚᱦᱚᱵ ᱨᱮᱱᱟᱜ ᱠᱟᱹᱢᱤ ᱢᱮᱱᱟᱜᱼᱟ ᱾[᱒] ᱱᱚᱣᱟ ᱥᱴᱮᱥᱚᱱ ᱨᱮ ᱯᱮᱭᱟ ᱢᱟᱞᱴᱤ ᱥᱴᱚᱨᱤ ᱵᱤᱞᱰᱤᱝ ᱵᱮᱱᱟᱣ ᱦᱩᱭᱩᱜᱼᱟ ᱡᱟᱦᱟᱸ ᱫᱚ ᱥᱮᱵᱟ ᱠᱚ ᱞᱟᱹᱜᱤᱫ ᱯᱟᱨᱠᱤᱝ ᱴᱚᱴᱷᱟ, ᱣᱮᱴᱤᱝ ᱚᱲᱟᱜ ᱟᱨ ᱠᱚᱢᱚᱨᱥᱤᱭᱟᱞ ᱟᱣᱩᱴᱞᱮᱴ ᱞᱟᱹᱜᱤᱫ ᱛᱮ ᱛᱮᱭᱟᱨ ᱦᱩᱭᱩᱜᱼᱟ ᱾ ᱟᱹᱰᱤ ᱥᱩᱨ ᱥᱩᱯᱩᱨ ᱨᱮᱞᱣᱮ ᱨᱮᱱᱟᱜ ᱴᱟᱨᱢᱤᱱᱮᱥᱚᱱ ᱞᱟᱹᱜᱤᱫ ᱢᱤᱫᱴᱟᱹᱝ ᱴᱨᱮᱠ ᱵᱟᱹᱲᱛᱤ ᱦᱩᱭᱩᱜᱼᱟ ᱾ ᱯᱟᱴᱤᱞ ᱮᱥᱴᱮᱴ ᱥᱮᱫ ᱛᱮ ᱡᱟᱭᱜᱟ ᱦᱟᱛᱟᱣ ᱦᱩᱭᱩᱜᱼᱟ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱡᱮᱜᱮᱛ-ᱛᱷᱟᱨ ᱥᱴᱮᱥᱚᱱ ᱞᱟᱹᱜᱤᱫ ᱛᱮ ᱛᱮᱭᱟᱨᱚᱜ ᱠᱟᱱᱟ, ᱡᱟᱦᱟᱸ ᱫᱚ ᱪᱚᱱᱰᱤᱜᱚᱰ, ᱫᱤᱞᱞᱤ ᱨᱮ ᱵᱤᱡᱽᱵᱟᱥᱚᱱ ᱟᱨ ᱟᱱᱚᱱᱫᱽ ᱵᱤᱦᱟᱨ ᱴᱟᱨᱢᱤᱱᱟᱞ ᱟᱨ ᱵᱷᱚᱯᱟᱞ ᱨᱮ ᱦᱟᱵᱤᱵᱽᱜᱚᱸᱡᱽ ᱨᱮᱱᱟᱜ ᱮᱴᱟᱜ ᱯᱩᱱᱭᱟᱹ ᱥᱴᱮᱥᱚᱱ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾[᱓]
ᱱᱤᱛᱚᱜ ᱥᱴᱮᱥᱚᱱ ᱫᱚ ᱫᱷᱟᱥᱟᱣ ᱦᱩᱭᱩᱜᱼᱟ ᱟᱨ ᱱᱟᱣᱟ ᱥᱴᱮᱥᱚᱱ ᱵᱮᱱᱟᱣ ᱦᱩᱭᱩᱜᱼᱟ ᱾ ᱱᱚᱣᱟ ᱞᱟᱹᱜᱤᱫ ᱘.᱕ ᱮᱠᱚᱲ ᱡᱟᱭᱜᱟ ᱦᱚᱸ ᱞᱟᱹᱠᱛᱤᱭᱟᱜᱼᱟ ᱾ ᱱᱟᱣᱟ ᱥᱴᱮᱥᱚᱱ ᱯᱩᱱᱮ ᱢᱮᱴᱨᱚ ᱯᱨᱚᱡᱮᱠᱴ, ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱔᱘ ᱟᱨ ᱯᱩᱲᱥᱤ ᱵᱟᱥ ᱥᱴᱚᱸᱰ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾