ᱥᱤᱸᱫᱽᱨᱤ (ᱫᱷᱟᱱᱵᱟᱫᱽ)
| ᱥᱤᱸᱫᱽᱨᱤ | |
|---|---|
| ᱱᱚᱜᱚᱨ | |
 ᱵᱤ.ᱟᱭᱤ.ᱴᱤ. ᱥᱤᱸᱫᱽᱨᱤ | |
  ᱥᱤᱸᱫᱽᱨᱤ  ᱥᱤᱸᱫᱽᱨᱤ | |
| Coordinates: 23°40′50″N 86°29′15″E / 23.6805°N 86.4874°ECoordinates: 23°40′50″N 86°29′15″E / 23.6805°N 86.4874°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱫᱷᱟᱱᱵᱟᱫᱽ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱟᱬᱛᱮ ᱜᱚᱱᱚᱛᱚᱱᱛᱨᱚ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 24 ᱠᱤᱢᱤ২ (9 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 178 ᱢᱤᱴᱚᱨ (584 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱐᱑) |
| • ᱞᱮᱠᱷᱟᱜᱩᱴ | ᱘᱐,᱐᱐᱐ |
| • ᱰᱮᱱᱥᱤᱴᱤ | 3300/ᱠᱤᱢᱤ2 (8600/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ ᱠᱚ | |
| • ᱥᱚᱨᱠᱟᱨᱤ | ᱦᱤᱱᱫᱤ, ᱥᱟᱱᱛᱟᱲᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱒᱘᱒᱐᱔ |
| ᱴᱮᱞᱤᱯᱷᱚᱱ ᱠᱳᱰ | ᱙᱑ (᱐)᱓᱒᱖ |
| ᱜᱟᱹᱰᱤ ᱨᱤᱡᱤᱥᱴᱨᱤ | JH-10 |
| ᱣᱮᱵᱽᱥᱟᱭᱤᱴ | dhanbad |
ᱥᱤᱸᱫᱽᱨᱤ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱫᱷᱟᱱᱵᱟᱫᱽ ᱥᱚᱫᱚᱨ ᱥᱟᱵᱽᱰᱤᱵᱤᱡᱚᱱ ᱨᱮ ᱫᱷᱟᱱᱵᱟᱫᱽ ᱨᱮᱱᱟᱜ ᱢᱤᱫ ᱱᱚᱜᱚᱨ ᱠᱟᱱᱟ ᱾
ᱵᱤᱪᱷᱱᱟᱹᱛ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱸᱫᱽᱨᱤ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱫᱷᱟᱱᱵᱟᱫᱽ ᱱᱚᱜᱚᱨᱯᱟᱞᱤᱠᱟ ᱥᱤᱢᱟᱹ ᱛᱟᱞᱟ ᱨᱮ ᱢᱮᱱᱟᱜ ᱢᱤᱫ ᱤᱱᱰᱚᱥᱴᱨᱤᱭᱟᱞ ᱥᱮᱢᱤ ᱥᱚᱦᱚᱨᱤ ᱵᱚᱥᱛᱤ ᱠᱟᱱᱟ ᱾ ᱥᱤᱸᱫᱽᱨᱤ ᱫᱚ ᱤᱱᱰᱚᱥᱴᱨᱤᱭᱟᱞᱟᱭᱤᱡᱮᱥᱚᱱ ᱨᱮᱱᱟᱜ ᱮᱛᱚᱦᱚᱵ ᱚᱠᱛᱚ ᱨᱮ ᱵᱮᱱᱟᱣ ᱟᱠᱟᱱ ᱢᱤᱫ ᱢᱟᱨᱟᱝ ᱯᱷᱮᱨᱴᱤᱞᱤᱡᱟᱨ (ᱯᱷᱚᱨᱴᱤᱞᱟᱭᱤᱡᱚᱨ ᱠᱚᱨᱯᱚᱨᱮᱥᱚᱱ ᱚᱯᱷ ᱤᱱᱰᱤᱭᱟ ᱞᱤᱢᱤᱴᱮᱰ - ᱮᱯᱷ.ᱥᱤ.ᱟᱭᱤ. , ᱡᱟᱦᱟᱸ ᱫᱚ ᱒᱐᱐᱒ ᱥᱟᱞᱮ ᱨᱮ ᱵᱚᱸᱫᱽ ᱞᱮᱱᱟ) ᱠᱷᱟᱹᱛᱤᱨ ᱛᱮ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱵᱮᱜᱚᱨ ᱱᱚᱣᱟ ᱫᱚ ᱮᱴᱟᱜ ᱠᱚᱢᱯᱟᱹᱱᱤ ᱠᱚ ᱞᱟᱹᱜᱤᱫ ᱦᱚᱸ ᱵᱟᱰᱟᱭᱚᱜ ᱠᱟᱱᱟ ᱡᱮᱞᱮᱠᱟ - ᱮᱥᱤᱥᱤ ᱞᱤᱢᱤᱴᱮᱰ (ᱢᱟᱬᱟᱝ ᱨᱮ ᱮᱥᱚᱥᱤᱭᱮᱴᱮᱰ ᱥᱤᱢᱮᱱᱴ ᱠᱚᱢᱯᱟᱹᱱᱤ ᱞᱤᱢᱤᱴᱮᱰ), ᱤᱱᱰᱤᱭᱟᱱ ᱟᱭᱨᱚᱱ ᱟᱨ ᱥᱴᱤᱞ ᱠᱚᱢᱯᱟᱹᱱᱤ ᱞᱤᱢᱤᱴᱮᱰ (ᱟᱭᱤᱥᱠᱳ) ᱨᱮᱱᱟᱜ ᱠᱳᱞ ᱠᱟᱸᱰᱟ, ᱡᱟᱦᱟᱸ ᱫᱚ ᱥᱴᱤᱞ ᱚᱛᱷᱚᱨᱤᱴᱤ ᱚᱯᱷ ᱤᱱᱰᱤᱭᱟ ᱞᱤᱢᱤᱴᱮᱰ (ᱥᱟᱭᱤᱞ) ᱦᱚᱛᱮᱛᱮ ᱦᱟᱛᱟᱣ ᱟᱠᱟᱱᱟ, ᱟᱨ ᱯᱨᱚᱡᱮᱠᱴᱥ ᱮᱸᱰ ᱰᱮᱵᱽᱞᱚᱯᱢᱮᱱᱴ ᱤᱱᱰᱤᱭᱟ ᱞᱤᱢᱤᱴᱮᱰ (ᱯᱤᱰᱤᱟᱭᱤᱮᱞ), ᱡᱟᱦᱟᱸ ᱫᱚ ᱢᱟᱲᱟᱝ ᱮᱯᱷᱥᱤᱥᱤ ᱨᱮᱱᱟᱜ ᱯᱞᱟᱱᱤᱝ ᱟᱨ ᱩᱛᱱᱟᱹᱣ ᱰᱤᱵᱷᱤᱥᱚᱱ ᱛᱟᱦᱮ ᱸᱠᱟᱱᱟ, ᱟᱨ ᱠᱚᱞ ᱤᱱᱰᱤᱭᱟ ᱞᱤᱢᱤᱴᱮᱰ ᱨᱮᱱᱟᱜ ᱜᱚᱲᱚ ᱠᱟᱱ ᱵᱷᱟᱨᱚᱛ ᱠᱚᱠᱤᱝ ᱠᱚᱞ ᱞᱤᱢᱤᱴᱰ ᱨᱮᱱᱟᱜ ᱠᱚᱞᱭᱟ ᱠᱷᱟᱫᱟᱱ ᱛᱟᱦᱮᱸ ᱠᱟᱱᱟ ᱾ ᱟᱨ ᱢᱤᱫ ᱚᱛᱱᱚᱜ ᱞᱮᱠᱟᱛᱮ ᱞᱟᱹᱠᱛᱤᱭᱟᱱ ᱴᱷᱟᱶ ᱫᱚ ᱫᱟᱢᱳᱫᱚᱨ ᱜᱟᱰᱟ ᱨᱮᱱᱟᱜ ᱠᱟᱱᱟ, ᱚᱠᱟ ᱫᱚ ᱵᱟᱥᱟ ᱞᱟᱹᱜᱤᱫ ᱫᱟᱜ ᱟᱨ ᱵᱤᱡᱽᱞᱤ ᱵᱟᱱᱟᱨ ᱨᱮᱱᱟᱜ ᱯᱷᱮᱰᱟᱛ ᱛᱟᱦᱮᱸ ᱠᱟᱱᱟ ᱾ ᱫᱟᱢᱳᱫᱚᱨ ᱵᱷᱮᱞᱤ ᱠᱚᱨᱯᱚᱨᱮᱥᱚᱱ (ᱰᱤ.ᱵᱷᱤ.ᱥᱤ.) ᱧᱩᱛᱩᱢᱟᱱ ᱢᱤᱫᱴᱟᱹᱝ ᱫᱟᱜ ᱵᱤᱡᱽᱞᱤ ᱯᱨᱚᱡᱮᱠᱴ ᱥᱤᱸᱫᱽᱨᱤ ᱥᱩᱨ ᱨᱮ ᱢᱟᱭᱛᱷᱚᱱ ᱟᱨ ᱯᱚᱧᱪᱮᱛ ᱨᱮ ᱢᱮᱱᱟᱜᱼᱟ ᱾ ᱰᱤ.ᱵᱤ.ᱥᱤ. ᱫᱚ ᱟᱡᱟᱜ ᱜᱟᱶᱛᱟ ᱯᱚᱪᱷᱤᱢ ᱵᱟᱝᱞᱟ, ᱵᱤᱦᱟᱨ ᱟᱨ ᱳᱰᱤᱥᱟ ᱮᱢᱟᱱ ᱯᱚᱱᱚᱛ ᱠᱚᱨᱮ ᱱᱟᱯᱟᱭ ᱤᱥᱠᱩᱞ ᱮᱥᱠᱩᱞᱩᱴᱤ ᱮᱢᱚᱜᱼᱟ ᱾ ᱥᱤᱸᱫᱽᱨᱤ ᱫᱚ ᱵᱤ.ᱟᱭᱤ.ᱴᱤ. ᱥᱤᱸᱫᱽᱨᱤ ᱞᱟᱹᱜᱤᱫ ᱦᱚᱸ ᱧᱩᱛᱩᱢᱟᱱ ᱠᱟᱱᱟ, ᱡᱟᱦᱟᱸ ᱫᱚ ᱯᱩᱭᱞᱩ ᱫᱚ ᱵᱤᱦᱟᱨ ᱴᱮᱠᱱᱚᱞᱚᱡᱤ ᱤᱱᱥᱴᱤᱴᱭᱩᱴ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ, ᱛᱟᱭᱚᱢ ᱛᱮ ᱡᱚᱠᱷᱚᱱ ᱯᱚᱱᱚᱛ ᱫᱚ ᱵᱤᱦᱟᱨ ᱠᱷᱚᱱ ᱡᱷᱟᱨᱠᱷᱚᱸᱰ ᱨᱮ ᱵᱷᱮᱜᱟᱨ ᱮᱱᱟ, ᱚᱱᱟ ᱛᱟᱭᱚᱢ ᱱᱚᱣᱟ ᱨᱮᱱᱟᱜ ᱥᱩᱠᱨᱤᱴᱤ ᱧᱩᱛᱩᱢ ᱵᱤᱨᱥᱟ ᱴᱮᱠᱱᱚᱞᱚᱡᱤ ᱤᱱᱥᱴᱤᱴᱭᱩᱴ ᱧᱩᱛᱩᱢ ᱛᱮ ᱠᱚ ᱵᱷᱮᱜᱟᱨ ᱠᱮᱫᱼᱟ ᱾
ᱱᱚᱣᱟ ᱧᱩᱛᱩᱢ ᱨᱮᱭᱟᱜ ᱢᱩᱬ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱛᱚᱜ ᱵᱟᱝ ᱠᱟᱹᱢᱤ ᱠᱟᱱ ᱯᱷᱮᱨᱴᱤᱞᱤᱡᱟᱨ ᱯᱞᱟᱱᱴ (ᱮᱯᱷ ᱥᱤ ᱟᱭᱤ ᱮᱞ) ᱨᱮᱱᱟᱜ ᱚᱞ ᱞᱮᱠᱟᱛᱮ, ᱥᱤᱸᱫᱽᱨᱤ ᱧᱩᱛᱩᱢ ᱫᱚ ᱥᱤᱱᱫᱩᱨᱤ ᱟᱹᱲᱟᱹ ᱨᱮᱱᱟᱜ ᱢᱤᱫ ᱵᱷᱮᱜᱟᱨ ᱛᱟᱦᱮᱸ ᱠᱟᱱᱟ, ᱦᱤᱱᱫᱤ ᱛᱮ ᱥᱤᱸᱫᱽᱨᱤ ᱨᱮᱱᱟᱜ ᱢᱮᱱᱮᱛ ᱫᱚ ᱥᱩᱱᱫᱚᱨᱤ ᱦᱩᱭᱩᱜᱼᱟ ᱾ ᱢᱮᱱᱚᱜᱚᱜ ᱠᱟᱱᱟ ᱱᱚᱶᱟ ᱧᱩᱛᱩᱢ ᱫᱚ ᱱᱚᱰᱮᱱᱟᱜ ᱞᱟᱞᱤᱢᱟ ᱞᱟᱹᱜᱤᱫ ᱴᱚᱴᱷᱟᱣᱟᱨᱤ ᱟᱹᱫᱤᱵᱟᱹᱥᱤ ᱠᱚ ᱫᱚᱦᱚ ᱞᱮᱫᱟ ᱾ ᱴᱮᱠᱱᱤᱠᱟᱞ ᱞᱮᱠᱟᱛᱮ, ᱱᱚᱣᱟ ᱴᱚᱴᱷᱟ ᱨᱮ ᱧᱟᱢᱚᱜ ᱠᱟᱱ ᱫᱷᱤᱨᱤ ᱫᱚ ᱞᱮᱴᱮᱨᱟᱭᱤᱴ ᱠᱟᱱᱟ, ᱡᱟᱦᱟᱸ ᱨᱮ ᱫᱚ ᱵᱷᱟᱨᱢᱤᱞᱤᱭᱚᱱ ᱨᱚᱝ ᱥᱮ ᱟᱨᱟᱜ ᱨᱚᱝ ᱢᱮᱱᱟᱜᱼᱟ ᱾
ᱚᱱᱠᱟ ᱠᱚ ᱢᱮᱱᱮᱫᱟ ᱡᱮ ᱥᱤᱸᱫᱽᱨᱤ ᱟᱹᱲᱟᱹ ᱫᱚ ᱢᱩᱱᱰᱟᱨᱤ ᱯᱟᱹᱨᱥᱤ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱢᱩᱱᱰᱟᱨᱤ ᱯᱟᱹᱨᱥᱤ ᱫᱚ ᱫᱤᱥᱚᱢ ᱦᱚᱲ ᱠᱚ ᱨᱚᱲᱟ ᱚᱠᱚᱭ ᱫᱚ ᱟᱹᱰᱤ ᱜᱷᱟᱹᱲᱤᱡ ᱠᱷᱚᱱ ᱱᱚᱸᱰᱮ ᱠᱚ ᱛᱟᱦᱮᱱ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱢᱮᱱᱮᱛ ᱫᱚ "ᱵᱩᱨᱩ" ᱵᱟᱝᱠᱷᱟᱱ "ᱥᱤᱢᱟᱹ" ᱦᱩᱭᱩᱜ ᱠᱟᱱᱟ ᱾ ᱟᱭᱢᱟ ᱥᱟᱭ ᱥᱮᱨᱢᱟ ᱢᱟᱲᱟᱝ ᱥᱟᱱᱛᱟᱞ, ᱢᱩᱱᱰᱟ ᱟᱨ ᱠᱩᱰᱢᱤ ᱠᱚ ᱥᱤᱸᱫᱷᱩ ᱜᱟᱰᱟ ᱨᱮ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱸᱫ ᱚᱱᱟ ᱨᱮᱱᱟᱜ ᱠᱤᱪᱷᱩ ᱜᱚᱴᱟᱱ ᱠᱟᱛᱷᱟ ᱢᱮᱱᱟᱜᱼᱟ ᱾ ᱛᱟᱭᱚᱢ ᱛᱮ ᱟᱨᱭᱟᱱ ᱠᱚ ᱩᱱᱠᱩ ᱫᱤᱥᱚᱢ ᱨᱮᱱᱟᱜ ᱥᱟᱢᱟᱝ ᱦᱟᱹᱴᱤᱧ ᱥᱮᱫ ᱪᱟᱞᱟᱣ ᱞᱟᱹᱜᱤᱫ ᱠᱚ ᱫᱟᱵᱚᱱ ᱠᱮᱫ ᱠᱚᱣᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮ ᱫᱷᱟᱱᱵᱟᱫᱽ ᱥᱚᱫᱚᱨ ᱥᱟᱵᱽᱰᱤᱵᱤᱡᱚᱱ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜ ᱥᱚᱦᱚᱨ, ᱱᱚᱜᱚᱨ ᱟᱨ ᱴᱷᱟᱶ ᱠᱚ ᱮᱢ: ᱱᱚᱜᱚᱨ ᱯᱟᱞᱤᱠᱟ, ᱥᱤ.ᱴᱤ.: ᱦᱚᱲ ᱞᱮᱠᱷᱟ ᱱᱚᱜᱚᱨ, ᱮᱱ: ᱥᱩᱨ-ᱥᱩᱯᱩᱨ, ᱟᱨ: ᱫᱮᱦᱟᱛ/ ᱥᱚᱦᱨᱤ ᱛᱟᱞᱢᱟ, ᱰᱤ: ᱰᱮᱢ, ᱯᱤ: ᱯᱟᱣᱟᱨ ᱯᱞᱟᱱᱴ ᱦᱩᱰᱤᱧ ᱢᱟᱱ ᱪᱤᱛᱟᱹᱨ ᱨᱮ ᱡᱟᱭᱜᱟ ᱵᱟᱹᱱᱩᱜ ᱠᱷᱟᱹᱛᱤᱨ, ᱢᱟᱨᱟᱝ ᱢᱟᱱ ᱪᱤᱛᱟᱹᱨ ᱨᱮ ᱡᱟᱭᱜᱟ ᱵᱷᱮᱜᱟᱨ ᱜᱮᱭᱟ ᱾ |
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱸᱫᱽᱨᱤ ᱫᱚ 22°48′N 85°59′E / 22.8°N 85.98°E ᱨᱮ ᱢᱮᱱᱟᱜᱼᱟ ᱾ᱱᱚᱶᱟ ᱨᱮᱱᱟᱜ ᱩᱥᱩᱞ ᱫᱚ ᱑᱗᱘ ᱢᱤᱴᱚᱨ (᱕᱘᱓ ᱯᱷᱩᱴ) ᱠᱟᱱᱟ ᱾
ᱱᱳᱴ: ᱥᱟᱶᱛᱮ ᱢᱮᱱᱟᱜ ᱱᱚᱠᱥᱟ ᱫᱚ ᱚᱱᱟ ᱴᱚᱴᱷᱟ ᱨᱮᱱᱟᱜ ᱠᱤᱪᱷᱩ ᱩᱫᱩᱜᱚᱜ ᱞᱮᱠᱟᱱ ᱴᱷᱟᱶ ᱠᱚ ᱩᱫᱩᱜᱼᱟ ᱾ ᱱᱚᱠᱥᱟ ᱨᱮ ᱪᱤᱱᱦᱟᱹ ᱟᱠᱟᱱ ᱡᱚᱛᱚ ᱴᱷᱟᱶ ᱢᱟᱨᱟᱝ ᱯᱩᱨᱟᱹ ᱥᱠᱨᱤᱱ ᱱᱚᱠᱥᱟ ᱨᱮ ᱡᱩᱲᱟᱹᱣ ᱢᱮᱱᱟᱜᱼᱟ ᱾
ᱢᱟᱲᱟᱝ ᱱᱚᱴᱤᱯᱷᱤᱞᱰ ᱴᱚᱴᱷᱟ ᱫᱚ ᱒᱐᱐᱖ ᱥᱟᱞ ᱨᱮ ᱮᱴᱟᱜ ᱥᱚᱦᱚᱨ ᱜᱟᱫᱮᱞ ᱠᱚ ᱥᱟᱶ ᱢᱤᱞᱟᱹᱣ ᱠᱟᱛᱮ ᱫᱷᱟᱱᱵᱟᱫᱽ ᱱᱚᱜᱚᱨ ᱱᱤᱜᱟᱢ ᱵᱮᱱᱟᱣ ᱞᱮᱱᱟ ᱾
ᱥᱤᱸᱫᱽᱨᱤ ᱫᱚ ᱫᱷᱟᱱᱵᱟᱫᱽ ᱱᱚᱜᱚᱨ ᱱᱤᱜᱟᱢ ᱨᱮᱱᱟᱜ ᱣᱟᱨᱰ ᱮᱞ ᱕᱒, ᱕᱓ ᱟᱨ ᱕᱔ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱦᱟᱹᱴᱤᱧ ᱨᱮ ᱯᱟᱥᱱᱟᱣ ᱢᱮᱱᱟᱜᱼᱟ ᱾[᱑]
ᱴᱚᱴᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱱ ᱪᱤᱛᱟᱹᱨ ᱨᱮ ᱩᱫᱩᱜ ᱟᱠᱟᱱ ᱴᱚᱴᱷᱟ ᱫᱚ ᱠᱳᱭᱞᱟ ᱠᱷᱟᱫᱟᱱ ᱛᱮ ᱯᱟᱥᱱᱟᱣ ᱟᱠᱟᱱ, ᱦᱩᱰᱤᱧ ᱟᱨ ᱩᱥᱩᱞ ᱴᱚᱴᱷᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱪᱷᱳᱴᱟ ᱱᱟᱜᱽᱯᱩᱨ ᱢᱟᱪᱷᱟ ᱨᱮᱭᱟᱜ ᱥᱟᱱᱟᱢ ᱠᱷᱚᱱ ᱞᱟᱹᱠᱛᱤᱭᱟᱱ ᱜᱟᱰᱟ ᱫᱟᱢᱳᱫᱚᱨ ᱜᱟᱰᱟ ᱫᱚ ᱱᱚᱣᱟ ᱨᱮᱭᱟᱜ ᱮᱛᱚᱢ ᱥᱤᱢᱟᱹ ᱛᱮ ᱵᱟᱲᱦᱟᱣᱜ ᱠᱟᱱᱟ ᱾ ᱢᱟᱱ ᱪᱤᱛᱟᱹᱨ ᱨᱮ ᱩᱫᱩᱜ ᱟᱠᱟᱱ ᱴᱚᱴᱷᱟ ᱨᱮᱭᱟᱜ ᱢᱤᱫ ᱢᱟᱨᱟᱝ ᱦᱟᱹᱴᱤᱧ ᱫᱚ ᱫᱷᱟᱱᱵᱟᱫᱽ ᱢᱩᱱᱥᱤᱯᱟᱞ ᱠᱚᱨᱯᱚᱨᱮᱥᱚᱱ (ᱰᱤ. ᱮᱢ. ᱥᱤ.) ᱨᱮᱭᱟᱜ ᱥᱚᱦᱚᱨᱤ ᱴᱚᱴᱷᱟ ᱠᱟᱱᱟ ᱾ ᱰᱤ ᱮᱢ ᱥᱤ ᱴᱚᱴᱷᱟ ᱨᱮᱭᱟᱜ ᱴᱷᱟᱶ ᱠᱚ ᱫᱚ ᱟᱰᱮ ᱯᱟᱥᱮ ᱞᱮᱠᱟ ᱪᱤᱱᱦᱟᱹ ᱟᱠᱟᱱᱟ ᱾ ᱢᱟᱱ ᱪᱤᱛᱟᱹᱨ ᱨᱮ ᱩᱫᱩᱜ ᱟᱠᱟᱱ ᱴᱚᱴᱷᱟ ᱨᱮᱭᱟᱜ ᱯᱟᱪᱮ ᱦᱟᱹᱴᱤᱧ ᱫᱚ ᱫᱷᱟᱱᱵᱟᱫᱽ (ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ) ᱨᱮ ᱦᱤᱡᱩᱜ ᱠᱟᱱᱟ ᱾ ᱫᱷᱟᱱᱵᱟᱫᱽ ᱥᱤᱰᱤ ᱵᱞᱚᱠ ᱨᱮ ᱕᱗% ᱦᱚᱲ ᱫᱚ ᱟᱹᱛᱩ ᱨᱮ ᱟᱨ ᱔᱓% ᱦᱚᱲ ᱫᱚ ᱥᱚᱦᱚᱨ ᱨᱮ ᱠᱚ ᱛᱟᱦᱮᱸᱱᱟ ᱾ ᱢᱟᱱ ᱪᱤᱛᱟᱹᱨ ᱨᱮ ᱧᱮᱞᱚᱜ ᱠᱟᱱ ᱴᱚᱴᱷᱟ ᱨᱮᱭᱟᱜ ᱥᱟᱢᱟᱝ ᱛᱟᱞᱟ ᱴᱚᱴᱷᱟ ᱫᱚ ᱵᱟᱞᱤᱭᱟᱯᱩᱨ (ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ) ᱨᱮ ᱢᱮᱱᱟᱜᱼᱟ ᱾ ᱵᱟᱞᱤᱭᱟᱯᱩᱨ ᱥᱤᱰᱤ ᱵᱞᱚᱠ ᱨᱮ ᱘᱖% ᱦᱚᱲ ᱫᱚ ᱟᱹᱛᱩ ᱨᱮ ᱟᱨ ᱑᱔% ᱦᱚᱲ ᱫᱚ ᱥᱚᱦᱚᱨ ᱨᱮ ᱠᱚ ᱛᱟᱦᱮᱸᱱᱟ ᱾ ᱥᱤ.ᱰᱤ. ᱵᱞᱚᱠ ᱨᱮᱭᱟᱜ ᱡᱟᱭᱜᱟ ᱫᱚ ᱡᱟᱹᱥᱛᱤ ᱞᱮᱠᱟᱛᱮ ᱦᱚᱲ ᱞᱮᱠᱷᱟ ᱥᱚᱦᱚᱨ ᱠᱚ ᱢᱮᱛᱟᱜ ᱠᱟᱱᱟ ᱾ ᱵᱤ.ᱥᱤ.ᱥᱤ.ᱮᱞ. ᱨᱮᱭᱟᱜ ᱯᱮᱭᱟ ᱠᱟᱹᱢᱤ ᱴᱚᱴᱷᱟ ᱫᱚ ᱱᱚᱶᱟ ᱴᱚᱴᱷᱟ ᱨᱮᱜᱮ ᱢᱮᱱᱟᱜᱼᱟ ᱾ ᱯᱩᱴᱠᱤ ᱵᱟᱞᱤᱦᱟᱨᱤ ᱴᱚᱴᱷᱟ, ᱞᱳᱫᱽᱱᱟ ᱴᱚᱴᱷᱟ ᱟᱨ ᱥᱟᱢᱟᱝ ᱡᱷᱟᱨᱤᱭᱟ ᱴᱚᱴᱷᱟ ᱾ ᱯᱟᱪᱮ ᱡᱷᱟᱨᱤᱭᱟ ᱴᱚᱴᱷᱟ ᱨᱮᱱᱟᱜ ᱢᱩᱱᱤᱰᱤᱦ ᱴᱚᱴᱷᱟ ᱦᱚᱸ ᱱᱚᱣᱟ ᱴᱚᱴᱷᱟ ᱨᱮ ᱠᱟᱹᱢᱤ ᱠᱟᱱᱟ ᱾[᱒][᱓][᱔][᱕]
ᱯᱩᱞᱤᱥ ᱥᱴᱮᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱯᱚᱲᱟᱣ ᱟᱠᱟᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱸᱫᱽᱨᱤ ᱫᱚ ᱥᱚᱲᱚᱠ ᱟᱨ ᱨᱮᱞ ᱰᱟᱦᱟᱨ ᱤᱫᱤ ᱛᱮ ᱫᱷᱟᱱᱵᱟᱫᱽ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱟᱨ ᱵᱚᱠᱟᱨᱚ ᱥᱴᱤᱞ ᱥᱤᱴᱤ ᱠᱷᱚᱱ ᱖᱐ ᱠᱤᱞᱚᱢᱤᱴᱚᱨ (᱓᱗ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱯᱷᱮᱨᱴᱤᱞᱤᱡᱟᱨ, ᱥᱤᱢᱮᱱᱴ, ᱠᱳᱭᱞᱟ ᱟᱨ ᱨᱮᱛ ᱛᱮ ᱞᱟᱫᱮ ᱴᱨᱟᱠ ᱨᱮᱱᱟᱜ ᱨᱟᱠᱟᱵ ᱠᱷᱟᱹᱛᱤᱨ ᱥᱤᱸᱫᱽᱨᱤ ᱟᱨ ᱫᱷᱟᱱᱵᱟᱫᱽ ᱛᱟᱞᱟ ᱨᱮᱱᱟᱜ ᱥᱚᱲᱚᱠ ᱫᱚ ᱟᱥᱚᱠᱟᱭ ᱛᱮ ᱵᱚᱫᱚᱞᱚᱜᱼᱟ ᱾ ᱥᱤᱸᱫᱽᱨᱤ ᱟᱨ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱛᱟᱞᱟ ᱨᱮ ᱫᱤᱱ ᱨᱮ ᱟᱭᱢᱟ ᱫᱷᱟᱣ ᱞᱚᱠᱟᱞ ᱴᱨᱮᱱ ᱪᱟᱞᱟᱜᱼᱟ ᱾ ᱥᱤᱸᱫᱽᱨᱤ ᱴᱟᱣᱩᱱ ᱟᱨ ᱫᱷᱟᱱᱵᱟᱫᱽ ᱡᱚᱸᱠᱥᱚᱱ ᱛᱟᱞᱟ ᱨᱮ ᱒᱗ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱵᱨᱚᱰᱜᱮᱡᱽ ᱞᱟᱭᱤᱱ ᱨᱮ ᱯᱮᱭᱟ ᱦᱩᱰᱤᱧ ᱨᱮᱞᱣᱮ ᱥᱴᱮᱥᱚᱱ/ᱦᱟᱞᱴ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱠᱚᱫᱚ - ᱥᱤᱸᱫᱽᱨᱤ ᱢᱟᱨᱥᱟᱞᱤᱝ ᱭᱟᱨᱰ, ᱥᱤᱸᱫᱽᱨᱤ (ᱵᱞᱚᱠ ᱦᱟᱴ), ᱨᱚᱠᱷᱤᱛᱯᱩᱨ, ᱯᱨᱚᱫᱟᱱ ᱠᱷᱟᱸᱴᱟ ᱟᱨ ᱰᱳᱠᱨᱟ ᱵᱞᱚᱠ ᱦᱟᱞᱴ ᱾ ᱥᱤᱸᱫᱽᱨᱤ ᱨᱮ ᱥᱮᱴᱮᱨᱚᱜ ᱞᱟᱹᱜᱤᱫ ᱧᱮᱧᱮᱞᱤᱭᱟ ᱠᱚ ᱥᱤᱸᱫᱽᱨᱤ (ᱵᱞᱚᱠ ᱦᱟᱴ) ᱟᱨ ᱥᱤᱸᱫᱽᱨᱤ ᱴᱟᱣᱩᱱ ᱨᱮᱞᱣᱮ ᱥᱴᱮᱥᱚᱱ ᱛᱟᱞᱟ ᱨᱮ ᱵᱟᱠᱚ ᱵᱚᱫᱚᱞ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱨᱮᱞ ᱞᱟᱭᱤᱱ ᱥᱤᱸᱫᱽᱨᱤ (ᱫᱷᱟᱱᱵᱟᱫᱽ ᱞᱮᱠᱟᱛᱮ) ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱢᱩᱬ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ, ᱡᱟᱦᱟᱸ ᱨᱮ ᱠᱚᱞᱠᱟᱛᱟ, ᱱᱟᱶᱟ ᱫᱤᱞᱞᱤ, ᱢᱩᱢᱵᱟᱭ, ᱪᱮᱱᱱᱟᱭ, ᱡᱟᱵᱟᱞᱯᱩᱨ, ᱯᱟᱴᱱᱟ, ᱨᱟᱺᱪᱤ, ᱵᱚᱠᱟᱨᱚ, ᱜᱣᱟᱞᱤᱭᱚᱨ, ᱱᱟᱜᱽᱯᱩᱨ, ᱯᱩᱱᱮ, ᱡᱟᱢᱢᱩ, ᱚᱦᱢᱚᱫᱟᱵᱟᱫᱽ ᱟᱨ ᱴᱚᱴᱷᱟᱠᱤᱭᱟᱹ ᱤᱱᱰᱟᱥᱴᱨᱤᱭᱟᱞ ᱥᱚᱦᱚᱨ ᱡᱟᱢᱥᱮᱫᱽᱯᱩᱨ ᱥᱮᱞᱮᱫ ᱟᱠᱟᱱᱟ ᱾ ᱥᱤᱸᱫᱽᱨᱤ ᱠᱷᱚᱱ ᱪᱟᱞᱟᱣ ᱟᱠᱟᱱ ᱡᱚᱛᱚ ᱠᱷᱚᱱ ᱢᱩᱬᱩᱛ ᱴᱨᱮᱱ ᱫᱚ ᱥᱩᱵᱷᱚᱨᱱᱚᱨᱮᱠᱷᱟ ᱮᱠᱥᱯᱨᱮᱥ ᱠᱟᱱᱟ ᱾
ᱠᱚᱞᱠᱟᱛᱟ (᱒᱖᱐ ᱠᱤᱞᱚᱢᱤᱴᱚᱨ), ᱨᱟᱺᱪᱤ (᱑᱘᱐ ᱠᱤᱞᱚᱢᱤᱴᱚᱨ) ᱟᱨ ᱯᱟᱴᱱᱟ (᱒᱙᱐ ᱠᱤᱞᱚᱢᱤᱴᱚᱨ) ᱥᱤᱸᱫᱽᱨᱤ ᱨᱮ ᱩᱰᱟᱹᱱ ᱰᱟᱹᱦᱤ ᱡᱚᱲᱟᱣ ᱢᱮᱱᱟᱜᱼᱟ ᱾ ᱡᱟᱦᱟᱸ ᱫᱚ ᱫᱤᱞᱞᱤ, ᱢᱩᱢᱵᱟᱭ, ᱪᱮᱱᱱᱟᱭ, ᱱᱟᱜᱽᱯᱩᱨ, ᱠᱚᱞᱦᱟᱯᱩᱨ, ᱯᱩᱱᱮ, ᱤᱱᱫᱳᱨ ᱟᱨ ᱦᱟᱭᱫᱨᱟᱵᱟᱫᱽ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
ᱴᱮᱠᱱᱤᱠᱟᱞ ᱤᱱᱥᱴᱤᱴᱭᱩᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱔᱙ ᱥᱮᱨᱢᱟ ᱨᱮ ᱵᱮᱱᱟᱣ ᱟᱠᱟᱱ ᱵᱤ.ᱟᱭᱤ.ᱴᱤ. ᱥᱤᱸᱫᱽᱨᱤ ᱫᱚ ᱢᱤᱫᱴᱟᱹᱝ ᱴᱮᱠᱱᱤᱠᱚᱞ ᱤᱱᱥᱴᱤᱴᱭᱩᱴ ᱠᱟᱱᱟ ᱡᱟᱦᱟᱸ ᱫᱚ ᱟᱞ ᱤᱱᱰᱤᱭᱟ ᱴᱮᱠᱱᱤᱠᱟᱞ ᱮᱡᱩᱠᱮᱥᱚᱱ ᱠᱟᱣᱩᱱᱥᱤᱞ, ᱱᱟᱶᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱢᱟᱱᱚᱛ ᱟᱠᱟᱱ ᱤᱱᱡᱤᱱᱤᱭᱚᱨᱤᱝ ᱟᱨ ᱴᱮᱠᱱᱚᱞᱚᱡᱤ ᱨᱮᱱᱟᱜ ᱜᱮᱞ ᱜᱚᱴᱟᱝ ᱪᱟᱸᱜᱟ ᱨᱮ ᱟᱱᱰᱟᱨᱜᱨᱮᱡᱩᱣᱮᱴ ᱟᱨ ᱯᱚᱥᱴᱜᱨᱮᱡᱩᱣᱮᱴ ᱯᱟᱲᱦᱟᱣ ᱠᱚ ᱮᱢᱚᱜ ᱠᱟᱱᱟ ᱾ ᱤᱱᱥᱴᱤᱴᱭᱩᱴ ᱨᱮᱱᱟᱜ ᱠᱮᱢᱯᱟᱥ ᱫᱚ ᱔᱕᱐ ᱮᱠᱚᱨ ᱨᱮ ᱯᱟᱥᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱮᱯᱷ.ᱥᱤ.ᱟᱭᱤ.ᱮᱞ ᱥᱤᱸᱫᱽᱨᱤ ᱦᱚᱛᱮᱛᱮ ᱨᱟᱠᱷᱟ ᱫᱚᱦᱚ ᱟᱠᱟᱱᱟ, ᱟᱨ ᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱨᱮᱱᱟᱜ ᱥᱟᱬᱮᱥ ᱟᱨ ᱴᱮᱠᱱᱚᱞᱚᱡᱤ ᱰᱤᱵᱷᱤᱡᱟᱱ, ᱨᱟᱺᱪᱤ ᱨᱮᱱᱟᱜ ᱜᱚᱲᱚ ᱛᱮ ᱪᱟᱹᱞᱩᱜ ᱠᱟᱱᱟ ᱾ ᱵᱤ.ᱟᱭᱤ.ᱴᱤ. ᱥᱤᱸᱫᱽᱨᱤ ᱫᱚ ᱯᱩᱭᱞᱩ ᱫᱚ ᱵᱤᱦᱟᱨ ᱴᱮᱠᱱᱚᱞᱚᱡᱤ ᱤᱱᱥᱴᱤᱴᱭᱩᱴ, ᱥᱤᱸᱫᱽᱨᱤ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ ᱾ ᱱᱚᱵᱷᱮᱢᱵᱚᱨ ᱒᱐᱐᱐ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱵᱮᱱᱟᱣ ᱛᱟᱭᱚᱢ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱵᱤᱨᱥᱟ ᱴᱮᱠᱱᱚᱞᱚᱡᱤ ᱤᱱᱥᱴᱤᱴᱭᱩᱴ (ᱵᱤ.ᱟᱭᱤ.ᱴᱤ.) ᱥᱤᱸᱫᱽᱨᱤ ᱠᱚ ᱫᱚᱦᱚ ᱠᱮᱫᱼᱟ ᱾ ᱒᱐᱑᱘ ᱥᱮᱨᱢᱟ ᱦᱟᱹᱵᱤᱡ ᱵᱤᱱᱳᱵᱟ ᱵᱷᱟᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱒᱐᱑᱘ ᱥᱮᱨᱢᱟ ᱨᱮᱱᱟᱜ ᱵᱮᱪ ᱠᱷᱚᱱ ᱱᱚᱶᱟ ᱫᱚ ᱡᱷᱟᱨᱠᱷᱚᱸᱰ ᱴᱮᱠᱱᱚᱞᱚᱡᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱨᱟᱺᱪᱤ ᱠᱷᱚᱱ ᱥᱮᱞᱮᱫ ᱟᱠᱟᱱᱟ ᱾ ᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫᱴᱟᱹᱝ ᱥᱚᱨᱠᱟᱨᱤ ᱜᱚᱲᱚ ᱥᱚᱥᱛᱷᱟᱱ ᱠᱟᱱᱟ ᱾
ᱴᱚᱴᱷᱟ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱸᱫᱽᱨᱤ ᱥᱚᱦᱚᱨ ᱫᱚ ᱯᱮᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱯᱩᱭᱞᱩ ᱫᱚ ᱮᱯᱷ.ᱥᱤ.ᱟᱭᱤ.ᱮᱞ. ᱟᱨ ᱯᱤ.ᱰᱤ.ᱟᱭᱤ.ᱮᱞ. ᱨᱤᱱ ᱠᱟᱹᱢᱤᱭᱟᱹ ᱠᱚᱣᱟᱜ ᱚᱲᱟᱜ ᱟᱨ ᱫᱚᱥᱟᱨ ᱫᱚ ᱮ.ᱥᱤ.ᱥᱤ. ᱨᱤᱱ ᱠᱟᱹᱢᱤᱭᱟᱹ ᱠᱚᱣᱟᱜ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾ ᱯᱮᱭᱟ ᱦᱟᱹᱴᱤᱧ ᱫᱚ ᱵᱤᱦᱟᱨ ᱴᱮᱠᱱᱚᱞᱚᱡᱤ ᱤᱱᱥᱴᱤᱴᱭᱩᱴ (ᱵᱤ.ᱟᱭᱤ.ᱴᱤ. ᱥᱤᱸᱫᱽᱨᱤ) ᱨᱤᱱ ᱯᱟᱹᱴᱷᱩᱣᱟᱹ ᱟᱨ ᱠᱟᱹᱢᱤᱭᱟᱹ ᱠᱚᱣᱟᱜ ᱛᱟᱦᱮᱸ ᱠᱟᱱᱟ । ᱱᱚᱜᱚᱨ ᱫᱚ ᱴᱚᱴᱷᱟ ᱞᱮᱠᱟᱛᱮ ᱰᱳᱢᱜᱚᱲ, ᱨᱳᱦᱚᱨᱟᱵᱟᱸᱫᱷ, ᱥᱚᱦᱚᱨᱯᱩᱨᱟ, ᱢᱟᱱᱚᱦᱟᱨᱴᱟᱱᱰ, ᱜᱚᱣᱥᱟᱞᱟ ᱟᱨ ᱨᱟᱝᱜᱟᱢᱟᱛᱤ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾
ᱰᱳᱢᱜᱚᱲ ᱫᱚ ᱥᱤᱸᱫᱽᱨᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱟᱹᱫᱤᱵᱟᱹᱥᱤ ᱟᱹᱛᱩ ᱛᱟᱦᱮᱸ ᱠᱟᱱᱟ ᱾ ᱨᱳᱦᱨᱟᱵᱟᱸᱫᱷ, ᱰᱳᱢᱜᱚᱲ, ᱥᱚᱦᱟᱨᱯᱩᱨᱟ ᱟᱨ ᱨᱟᱝᱜᱟᱢᱟᱛᱤ ᱮᱢᱟᱱ ᱴᱚᱴᱷᱟ ᱨᱮ ᱫᱚ ᱮᱯᱷ.ᱥᱤ.ᱟᱭᱤ.ᱮᱞ ᱟᱨ ᱯᱤ.ᱰᱤ.ᱟᱭᱤ.ᱮᱞ. ᱨᱤᱱ ᱠᱟᱹᱢᱤᱭᱟᱹ ᱠᱚ ᱞᱟᱹᱜᱤᱫ ᱚᱲᱟᱜ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱚᱣᱥᱟᱞᱟ ᱫᱚ ᱵᱤ.ᱟᱭᱤ.ᱴᱤ. ᱥᱤᱸᱫᱽᱨᱤ ᱨᱮᱱᱟᱜ ᱵᱟᱦᱨᱮ ᱨᱮ ᱢᱮᱱᱟᱜᱼᱟ ᱾
ᱰᱮᱢᱚᱜᱨᱟᱯᱷᱤᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱑ ᱥᱮᱨᱢᱟ ᱨᱮᱱᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ[᱘] ᱥᱤᱸᱫᱽᱨᱤ ᱨᱮ ᱗᱖,᱘᱒᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱠᱚᱣᱟᱜ ᱞᱮᱠᱷᱟ ᱫᱚ ᱕᱔% ᱟᱨ ᱛᱤᱨᱞᱟᱹ ᱠᱚᱣᱟᱜ ᱞᱮᱠᱷᱟ ᱫᱚ ᱔᱖% ᱢᱮᱱᱟᱜ ᱠᱚᱣᱟ ᱾ ᱥᱤᱸᱫᱽᱨᱤ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱖᱘% ᱢᱮᱱᱟᱜᱼᱟ ᱾ ᱡᱟᱦᱟᱸ ᱫᱚ ᱡᱟᱹᱛᱤᱭᱟᱹᱨᱤ ᱕᱙.᱕% ᱦᱤᱥ ᱠᱷᱚᱱ ᱰᱮᱦᱮᱨ ᱢᱮᱱᱟᱜᱼᱟ ᱾ ᱠᱚᱲᱟ ᱥᱤᱠᱷᱱᱟᱹᱛ ᱫᱚ ᱗᱗% ᱟᱨ ᱛᱤᱨᱞᱟᱹ ᱥᱤᱠᱷᱱᱟᱹᱛ ᱫᱚᱨ ᱫᱚ ᱕᱗% ᱢᱮᱱᱟᱜᱼᱟ ᱾ ᱥᱤᱸᱫᱽᱨᱤ ᱨᱮ ᱑᱒% ᱦᱚᱲ ᱮᱞ ᱫᱚ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱ ᱢᱮᱱᱟᱜ ᱠᱚᱣᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Dhanbad Municipal Corporation". प्रादेशिक निर्वाचन क्षेत्रों की सूची (in Hindi). Jharkhand Government. Archived from the original on 28 October 2017. Retrieved 19 October 2017.
- ↑ "District Census Handbook Dhanbad" (PDF). Series 21, Part XIIA, pages 4-5, 5-6, 8. Directorate of Census Operations, Jharkhand. Retrieved 4 June 2019.
- ↑ "2011 Census C.D. Block Wise Primary Census Abstract Data(PCA)". Jharkhand – District-wise CD Blocks. Registrar General and Census Commissioner, India. Retrieved 8 October 2017.
- ↑ "Area". Bharat Coking Coal Limited. Archived from the original on 26 July 2019. Retrieved 2 July 2019.
- ↑ "Dhanbad Municipal Corporation". प्रादेशिक निर्वाचन क्षेत्रों की सूची (in Hindi). Jharkhand Government. Archived from the original on 28 October 2017. Retrieved 19 October 2017.
- ↑ "Jharkhand Police". Contact Numbers. JP. Archived from the original on 16 June 2019. Retrieved 17 June 2019.
- ↑ "Dhanbad – Welcome to the Coal Capital of India". Administrative Structure of Dhanbad District – List of Thana and Outpost of Dhanbad Outpost. Jharkhand Government. Archived from the original on 2017-10-24. Retrieved 17 June 2019.
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
2. Visit http://www.sindri.co.in Archived ᱒᱐᱒᱑-᱑᱒-᱒᱓ at the Wayback Machine.
- Pages with non-numeric formatnum arguments
- Wikipedia page with obscure country or subdivision
- Coordinates on Wikidata
- All articles with unsourced statements
- Articles with unsourced statements from April 2008
- Articles with invalid date parameter in template
- Pages with graphs
- Pages with disabled graphs
- Articles containing OSM location maps
- Webarchive template wayback links
- Wikipedia articles with LCCN identifiers
- Pages with red-linked authority control categories
- Wikipedia articles with VIAF identifiers
- Wikipedia articles with WorldCat-VIAF identifiers
- ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱥᱚᱦᱚᱨ ᱟᱨ ᱱᱚᱜᱚᱨ ᱠᱚ
- Pages using the Kartographer extension