ᱥᱨᱤᱢᱚᱛᱤ ᱠᱨᱤᱥᱱᱟ ᱫᱟᱥᱜᱩᱯᱛᱚ
| ᱥᱨᱤᱢᱚᱛᱤ ᱠᱨᱤᱥᱱᱟ ᱫᱟᱥᱜᱩᱯᱛᱚ | |
|---|---|
| ᱨᱮᱫ:Krishna Dasgupta.jpg ᱥᱨᱤᱢᱚᱛᱤ ᱠᱨᱤᱥᱱᱟ ᱫᱟᱥᱜᱩᱯᱛᱚ (শ্রীমতী কৃষ্ণা দাশগুপ্ত) | |
| ᱵᱤᱵᱚᱨᱚᱱ | |
| ᱡᱟᱱᱟᱢ ᱧᱩᱛᱩᱢ | ᱠᱨᱤᱥᱱᱟ ᱜᱟᱝᱜᱩᱞᱤ |
| ᱡᱟᱱᱟᱢ | ᱒᱙ ᱰᱤᱥᱮᱢᱵᱚᱨ ᱑᱙᱓᱗ ᱡᱚᱱᱟᱭ, ᱦᱩᱜᱽᱞᱤ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱵᱚᱝᱜᱟ ᱛᱟᱞᱟ | 2013 (aged 75–76) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱡᱮᱱᱨᱮᱥ | ᱯᱞᱮᱵᱮᱠ ᱥᱮᱨᱮᱧᱤᱭᱟᱹ |
| ᱚᱠᱩᱯᱮᱥᱚᱱ | ᱥᱮᱨᱮᱧᱤᱭᱟᱹ |
ᱠᱨᱤᱥᱱᱟ ᱫᱟᱥᱜᱩᱯᱛᱚ (ᱡᱟᱱᱟᱢ ᱠᱨᱤᱥᱱᱟ ᱜᱟᱝᱜᱩᱞᱤ, ᱒᱙ ᱰᱤᱥᱮᱢᱵᱚᱨ ᱑᱙᱓᱗ – ᱒᱐᱑᱓) ᱫᱚ ᱠᱳᱴᱟᱞᱤ ᱜᱷᱟᱨᱟᱱᱟ ᱨᱮᱱ ᱥᱚᱸᱜᱤᱛᱟᱪᱟᱨᱡᱚ ᱛᱟᱨᱟᱯᱚᱫᱚ ᱪᱚᱠᱨᱚᱵᱚᱨᱛᱤ ᱨᱮᱱ ᱢᱤᱫ ᱢᱟᱲᱟᱝ ᱥᱤᱥᱭᱚ ᱮ ᱛᱟᱦᱮᱸ ᱠᱟᱱᱟ ᱾[᱑] ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱢᱤᱫ ᱧᱩᱛᱩᱢᱟᱱ ᱵᱟᱝᱞᱟ ᱥᱟᱥᱛᱨᱤᱭᱚ ᱥᱮᱨᱮᱧᱤᱭᱟᱹ ᱟᱨ ᱥᱮᱨᱮᱧ ᱢᱟᱪᱮᱛᱟᱱᱤ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱕᱐, ᱖᱐ ᱟᱨ ᱗᱐ ᱜᱮᱞ ᱥᱮᱨᱢᱟ ᱠᱚᱨᱮ ᱵᱟᱝᱞᱟ ᱥᱤᱱᱮᱢᱟ ᱟᱨ ᱮᱴᱟᱜ ᱟᱭᱢᱟ ᱮᱞᱵᱟᱢ ᱠᱚᱨᱮ ᱥᱮᱨᱮᱧ ᱟᱠᱟᱫᱟ ᱾[᱒] ᱩᱱᱤ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ (AIR) ᱨᱮᱱᱟᱜ ᱧᱩᱛᱩᱢᱟᱱ ᱯᱨᱳᱜᱽᱨᱟᱢ ᱢᱚᱦᱤᱥᱟᱥᱩᱨᱚᱢᱚᱨᱫᱤᱱᱤ ᱨᱮ ᱟᱡᱟᱜ ᱨᱟᱦᱟ ᱮᱢ ᱞᱟᱹᱜᱤᱫ ᱟᱹᱰᱤ ᱜᱮ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾[᱓]
ᱥᱨᱤᱢᱚᱛᱤ ᱠᱨᱤᱥᱱᱟ ᱫᱟᱥᱜᱩᱯᱛᱚ ᱟᱜ ᱡᱤᱭᱚᱱ ᱟᱨ ᱥᱮᱨᱮᱧ ᱥᱟᱸᱜᱷᱟᱨ ᱤᱫᱤ ᱠᱟᱛᱮ ᱢᱤᱫ ᱰᱚᱠᱩᱢᱮᱱᱴᱟᱨᱤ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ "ᱦᱟᱨᱟᱱᱳ ᱥᱩᱨ" (Harano Sur) - "ᱫᱚ ᱯᱷᱚᱨᱜᱚᱴᱮᱱ ᱢᱮᱞᱳᱰᱤ" (The forgotten Melody) ᱾ ᱱᱚᱶᱟ ᱫᱚ ᱟᱡ ᱨᱮᱱ ᱥᱤᱥᱭᱚ ᱱᱚᱱᱫᱤᱱᱤ ᱥᱮᱱᱜᱩᱯᱛᱚ ᱪᱚᱠᱨᱚᱵᱚᱨᱛᱤ ᱮ ᱵᱮᱱᱟᱣ ᱟᱠᱟᱫᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱨᱤᱥᱱᱟ ᱫᱟᱥᱜᱩᱯᱛᱚ ᱫᱚ ᱒᱙ ᱰᱤᱥᱮᱢᱵᱚᱨ ᱑᱙᱓᱗ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱚᱱᱟᱭ, ᱦᱩᱜᱽᱞᱤ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱥᱟᱥᱛᱨᱤᱭᱚ ᱥᱮᱨᱮᱧᱤᱭᱟᱹ ᱟᱪᱟᱨᱡᱚ ᱛᱟᱨᱟᱯᱚᱫᱚ ᱪᱚᱠᱨᱚᱵᱚᱨᱛᱤ ᱟᱨ ᱩᱥᱛᱟᱫᱽ ᱟᱢᱤᱨ ᱠᱷᱟᱱ ᱨᱮᱱ ᱥᱤᱥᱭᱚ ᱮ ᱛᱟᱦᱮᱸ ᱠᱟᱱᱟ ᱾[᱔]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱨᱤᱥᱱᱟ ᱫᱟᱥᱜᱩᱯᱛᱚ ᱫᱚ ᱢᱤᱫ ᱫᱟᱲᱮᱭᱟᱱ ᱥᱮᱨᱮᱧᱤᱭᱟᱹ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱠᱷᱮᱭᱟᱞ, ᱴᱷᱩᱢᱨᱤ, ᱵᱷᱚᱡᱚᱱ ᱟᱨ ᱵᱟᱝᱞᱟ ᱱᱟᱦᱟᱜ ᱥᱮᱨᱮᱧ ᱠᱚᱨᱮ ᱯᱟᱹᱨᱩᱠᱷᱤᱭᱟᱹ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱚᱱᱰᱤᱛ ᱜᱽᱭᱟᱱ ᱯᱨᱚᱠᱟᱥ ᱜᱷᱳᱥ ᱟᱜ ᱥᱟᱯᱲᱟᱣ ᱛᱮ ᱥᱮᱨᱮᱧ ᱟᱠᱟᱫᱟ ᱾ ᱱᱚᱶᱟ ᱥᱟᱶᱛᱮ 'ᱚᱥᱚᱢᱟᱯᱛᱚ' (᱑᱙᱕᱖), 'ᱮᱠᱛᱟᱨᱟ' (᱑᱙᱕᱗), ᱨᱟᱡᱽᱞᱚᱠᱷᱢᱤ ᱳ ᱥᱨᱤᱠᱟᱱᱛᱚ (᱑᱙᱘), 'ᱵᱷᱨᱟᱱᱛᱤ', ᱱᱚᱫᱮᱨ ᱱᱤᱢᱟᱭ (᱑᱙᱖᱐) ᱟᱨ ᱵᱤᱯᱟᱥᱟ (᱑᱙᱖᱒) ᱞᱮᱠᱟᱱ ᱵᱟᱝᱞᱟ ᱥᱤᱱᱮᱢᱟ ᱠᱚᱨᱮ ᱯᱞᱮᱵᱮᱠ ᱮ ᱮᱢ ᱟᱠᱟᱫᱟ ᱾[᱒][᱔]
ᱩᱱᱤ ᱫᱚ ᱢᱚᱦᱟᱞᱚᱭᱟ ᱦᱤᱞᱚᱜ ᱯᱟᱥᱱᱟᱣᱚᱜ ᱠᱟᱱ ᱢᱚᱦᱤᱥᱟᱥᱩᱨᱚᱢᱚᱨᱫᱤᱱᱤ ᱨᱮᱰᱤᱭᱳ ᱯᱨᱳᱜᱽᱨᱟᱢ ᱨᱮ "ᱚᱠᱷᱤᱞᱳ ᱵᱤᱢᱟᱱᱮ ᱛᱚᱵᱳ ᱡᱚᱭᱚᱜᱟᱱᱮ" (Akhilo Bimane Tabo Jayagaane) ᱥᱮᱨᱮᱧ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾[᱕]
ᱜᱩᱨ ᱟᱨ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱨᱤᱥᱱᱟ ᱫᱟᱥᱜᱩᱯᱛᱚ ᱫᱚ ᱒᱐᱑᱓ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾[᱒]
ᱟᱡ ᱨᱮᱱ ᱢᱤᱫ ᱟᱪᱮᱛᱟᱱᱤ ᱱᱚᱱᱫᱤᱱᱤ ᱪᱚᱠᱨᱚᱵᱚᱨᱛᱤ, ᱡᱟᱦᱟᱸᱭ ᱫᱚ ᱧᱩᱛᱩᱢᱟᱱ ᱥᱤᱱᱮᱢᱟᱴᱳᱜᱽᱨᱟᱯᱷᱟᱨ ᱨᱚᱢᱟᱱᱚᱱᱫᱚ ᱥᱮᱱᱜᱩᱯᱛᱟ ᱨᱮᱱ ᱦᱚᱯᱚᱱ ᱮᱨᱟ ᱠᱟᱱᱟᱭ, ᱩᱱᱤ ᱫᱚ ᱠᱨᱤᱥᱱᱟ ᱫᱟᱥᱜᱩᱯᱛᱚ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮ 'ᱦᱟᱨᱟᱱᱳ ᱥᱩᱨ' ᱧᱩᱛᱩᱢᱟᱱ ᱰᱚᱠᱩᱢᱮᱱᱴᱟᱨᱤ ᱮ ᱵᱮᱱᱟᱣ ᱟᱠᱟᱫᱟ ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "History and Origin of Kotali Gharana and Kotalipara".
- 1 2 3 4 "Harano Sur is a tribute to my guru, Krishna Ganguly Dasgupta". Retrieved 2020-09-17.
- ↑ "Mahalaya Know the brains behind Mahishasuramardini recital — a timeless classic". Retrieved 2020-09-20.
- 1 2 "Esha Bandyopadhyay Biography". Archived from the original on 8 May 2021. Retrieved 17 September 2020.
- ↑ "Youtube - Akhilo Bimane Tabo Jayoi Gane by Krishna Dasgupta".
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱨᱤᱢᱚᱛᱤ ᱠᱨᱤᱥᱱᱟ ᱫᱟᱥᱜᱩᱯᱛᱚ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)