ᱥᱨᱤᱨᱩᱯᱟ ᱢᱤᱛᱨᱟ ᱪᱚᱣᱫᱷᱩᱨᱤ
ᱥᱨᱤᱨᱩᱯᱟ ᱢᱤᱛᱨᱟ ᱪᱚᱣᱫᱷᱩᱨᱤ (ᱡᱟᱱᱟᱢ ᱑᱘ ᱮᱯᱨᱤᱞ ᱑᱙᱖᱔) ᱫᱚ ᱱᱤᱨᱵᱷᱚᱭᱟ ᱫᱤᱫᱤ ᱧᱩᱛᱩᱢ ᱛᱮ ᱦᱚᱲ ᱠᱚ ᱵᱟᱰᱟᱭ ᱮᱭᱟ, ᱩᱱᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ᱾ ᱩᱱᱤ ᱫᱚ ᱢᱤᱫ ᱥᱟᱶᱛᱟ ᱠᱟᱹᱢᱤᱭᱟᱹ, ᱛᱤᱨᱞᱟᱹ ᱟᱹᱭᱫᱟᱹᱨᱤ ᱠᱟᱹᱢᱤᱭᱟᱹ ᱟᱨ ᱢᱟᱨᱮᱱ ᱥᱟᱜᱟᱲᱤᱭᱟᱹ ᱦᱚᱸ ᱠᱟᱱᱟᱭ᱾[᱑]
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱨᱤᱨᱩᱯᱟ ᱢᱤᱛᱨᱟ ᱪᱚᱣᱫᱷᱩᱨᱤ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱢᱟᱞᱫᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱵᱟᱞᱩᱪᱚᱨ ᱵᱟᱴᱞᱟ ᱠᱷᱚᱱ ᱮ ᱦᱮᱡ ᱟᱠᱟᱱᱟ᱾ ᱩᱱᱤ ᱫᱚ ᱯᱚᱥᱴ ᱜᱨᱟᱡᱩᱭᱮᱴ ᱠᱟᱱᱟᱭ ᱟᱨ ᱑᱙᱘᱗ ᱨᱮ ᱠᱚᱧᱮ ᱵᱟᱝᱞᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱟᱥᱴᱚᱨᱥ ᱚᱯᱷ ᱟᱨᱴᱥ ᱮ ᱯᱩᱨᱟᱹᱣ ᱟᱠᱟᱫᱟ᱾ ᱩᱱᱤ ᱫᱚ ᱟᱨ.ᱠᱮ. ᱢᱤᱛᱨᱟ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ᱾[᱒]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱔ ᱨᱮ ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱟᱹᱱ ᱥᱮᱪᱮᱫ ᱢᱤᱥᱚᱱ ᱮᱛᱚᱦᱚᱵ ᱨᱮ ᱥᱮᱞᱮᱫ ᱞᱮᱱᱟᱭ᱾ ᱒᱐᱐᱘ ᱫᱷᱟᱹᱵᱤᱡ ᱩᱱᱤ ᱫᱚ ᱟᱹᱱ ᱟᱨ ᱱᱤᱭᱟᱹᱢ ᱢᱚᱱᱛᱨᱤ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱟᱹᱱ ᱥᱮᱵᱟ ᱚᱛᱷᱚᱨᱤᱴᱤ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱩᱯᱟᱫᱮᱥᱴᱟ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟᱭ᱾ ᱒᱐᱑᱐ ᱫᱷᱟᱹᱵᱤᱡ ᱩᱱᱤ ᱫᱚ ᱮᱱ.ᱡᱤ.ᱚ ᱥᱩᱫᱤᱱᱟᱞᱚᱭ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ᱾[᱓]
ᱠᱚᱞᱠᱟᱛᱟ ᱨᱮ ᱱᱤᱨᱵᱷᱚᱭᱟ ᱫᱤᱫᱤ ᱧᱩᱛᱩᱢ ᱛᱮ ᱩᱯᱨᱩᱢᱚᱜ ᱠᱟᱱ, ᱩᱱᱤ ᱫᱚ ᱫᱟᱹᱲᱟᱹᱭ ᱟᱠᱟᱱ ᱛᱤᱨᱞᱟᱹ ᱠᱚᱣᱟᱜ ᱨᱤᱦᱮᱵᱤᱞᱤᱴᱮᱥᱚᱱ ᱟᱨ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱴᱚᱭᱞᱮᱴ ᱮ ᱮᱢ ᱨᱮ ᱥᱮᱞᱮᱫ ᱛᱟᱦᱮᱸ ᱠᱟᱱᱟᱭ᱾ ᱒᱐᱑᱒ ᱫᱤᱞᱞᱤ ᱜᱮᱝ ᱨᱮᱯ ᱛᱟᱭᱚᱢ ᱢᱟᱨᱟᱝ ᱢᱚᱱᱛᱨᱤ ᱢᱚᱱᱢᱚᱦᱚᱱ ᱥᱤᱝ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱫᱟᱹᱲᱟᱹᱭ, ᱦᱚᱲ ᱵᱮᱯᱟᱨ ᱟᱨ ᱛᱤᱨᱞᱟᱹ ᱵᱤᱨᱩᱫᱷ ᱨᱮ ᱦᱤᱝᱥᱟ ᱪᱮᱛᱟᱱ ᱨᱮ ᱵᱤᱥᱮᱥ ᱴᱟᱥᱠ ᱯᱷᱚᱨᱥ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ᱾ ᱰᱤᱥᱮᱢᱵᱚᱨ ᱒᱐᱑᱓ ᱨᱮ ᱩᱱᱤ ᱫᱚ ᱱᱚᱣᱟ ᱯᱚᱫᱽ ᱠᱷᱚᱱ ᱮ ᱨᱤᱡᱟᱭᱤᱱ ᱞᱮᱫᱟ, ᱡᱟᱦᱟᱸ ᱫᱚ ᱢᱟᱞᱫᱟ ᱥᱤᱴ ᱠᱷᱚᱱ ᱚᱞ ᱤᱱᱰᱤᱭᱟ ᱛᱨᱤᱱᱟᱢᱩᱞ ᱠᱚᱝᱜᱽᱨᱮᱥ ᱠᱮᱱᱰᱤᱰᱮᱴ ᱞᱮᱠᱟᱛᱮ ᱯᱟᱨᱞᱤᱭᱟᱢᱮᱱᱴ ᱞᱟᱹᱜᱤᱫ ᱫᱟᱹᱲ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱠᱟᱛᱷᱟ ᱯᱟᱥᱱᱟᱣ ᱞᱮᱱᱟ᱾[᱔]
ᱪᱚᱣᱫᱷᱩᱨᱤ ᱫᱚ ᱚᱞ ᱤᱱᱰᱤᱭᱟ ᱛᱨᱤᱱᱟᱢᱩᱞ ᱠᱚᱝᱜᱽᱨᱮᱥ ᱨᱤᱱᱤᱡ ᱠᱮᱱᱰᱤᱰᱮᱴ ᱞᱮᱠᱟᱛᱮ ᱧᱩᱛᱩᱢ ᱮᱢ ᱞᱮᱱᱟ ᱟᱨ ᱒᱐᱑᱔ ᱥᱟᱫᱷᱟᱨᱚᱱ ᱵᱟᱪᱷᱱᱟᱣ ᱨᱮ ᱠᱚᱧᱮ ᱫᱤᱞᱞᱤ ᱞᱚᱠᱥᱚᱵᱷᱟ ᱥᱤᱴ ᱨᱮ ᱘᱐᱓ ᱵᱷᱚᱴ ᱮ ᱧᱟᱢ ᱞᱮᱫᱟ᱾ ᱒᱐᱑᱙ ᱞᱚᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱴᱤᱠᱮᱴ ᱛᱮ ᱢᱟᱞᱫᱟᱦᱟ ᱫᱟᱹᱠᱷᱤᱱ ᱥᱤᱴ ᱠᱷᱚᱱ ᱮ ᱦᱮᱯᱨᱟᱣ ᱞᱮᱫᱟ᱾ ᱢᱮᱱᱠᱷᱟᱱ ᱟᱹᱰᱤ ᱠᱚᱢ ᱵᱷᱚᱴ ᱛᱮ ᱟᱵᱩ ᱦᱟᱥᱮᱢ ᱠᱷᱟᱱ ᱪᱚᱣᱫᱷᱩᱨᱤ ᱴᱷᱮᱱ ᱮ ᱦᱟᱨᱟᱣ ᱞᱮᱱᱟ᱾[᱕]
᱒᱐᱒᱑ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱪᱚᱣᱫᱷᱩᱨᱤ ᱫᱚ ᱤᱝᱞᱤᱥ ᱵᱟᱡᱟᱨ ᱠᱷᱚᱱ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱠᱮᱱᱰᱤᱰᱮᱴ ᱞᱮᱠᱟᱛᱮ ᱮ ᱦᱮᱯᱨᱟᱣ ᱞᱮᱫᱟ ᱟᱨ ᱴᱤ.ᱮᱢ.ᱥᱤ. ᱨᱤᱱᱤᱡ ᱥᱩᱨ ᱨᱤᱱᱤᱡ ᱦᱮᱯᱨᱟᱣᱤᱭᱟᱹ ᱦᱟᱨᱟᱣ ᱠᱟᱛᱮ ᱥᱤᱴ ᱮ ᱡᱤᱛᱠᱟᱹᱨ ᱞᱮᱫᱟ᱾[᱖][᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Akram, Maria (29 March 2014). "Beauty queen Ruby loses lustre in poll heat and dust". The Times of India (in ᱟᱝᱜᱽᱨᱮᱡᱤ). Retrieved 17 March 2021.
- ↑ "Sreerupa Mitra Chaudhury(Bharatiya Janata Party(BJP)):Constituency- MALDAHA DAKSHIN(WEST BENGAL) - Affidavit Information of Candidate". myneta.info. Retrieved 17 March 2021.
- ↑ Basu, Indrani (18 September 2010). "Mentally unwell woman locked up in dirty room for 3 years rescued". The Times of India (in ᱟᱝᱜᱽᱨᱮᱡᱤ). Retrieved 17 March 2021.
- ↑ "PM's Nirbhaya Task Force Chairperson Resigns". Echo of India. Archived from the original on 13 May 2014. Retrieved 17 March 2021.
- ↑ "Maldaha Dakshin Election Result 2019: Congress MP Abu Hasem defeats BJP, attains fourth term in Lok Sabha". Times Now (in ᱟᱝᱜᱽᱨᱮᱡᱤ). 24 May 2019. Retrieved 13 April 2021.
- ↑ "BJP candidate selection Anger elation in three districts". The Statesman. 19 March 2021. Retrieved 13 April 2021.
- ↑ De Sarkar, Soumya (11 April 2021). "Bengal Elections 2021: BJP frowns at Englishbazar". The Telegraph. Retrieved 13 April 2021.