ᱥᱩᱞᱚᱵᱷᱟ ᱫᱮᱥᱯᱟᱱᱰᱮ
| ᱥᱩᱞᱚᱵᱷᱟ ᱫᱮᱥᱯᱚᱟᱱᱰᱮ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1937 ᱵᱚᱢᱵᱮ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱨᱟᱡᱽ |
| ᱜᱩᱨ | ᱐᱔ ᱡᱩᱱ ᱒᱐᱑᱖ (Error: Need valid year, month, day ᱵᱚᱭᱚᱥ)
[᱑] ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 1960s–2016 |
| ᱡᱤᱭᱚᱱ ᱥᱚᱦᱮᱫ | ᱟᱨᱵᱤᱱᱫᱽ ᱫᱮᱥᱯᱚᱟᱱᱰᱮ (m. 1960; his death 1987) |
ᱥᱩᱞᱚᱵᱷᱟ ᱫᱮᱥᱯᱚᱟᱱᱰᱮ (Marathi: सुलभा देशपांडे; ᱑᱙᱓᱗ - ᱔ ᱡᱩᱱ ᱒᱐᱑᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱟᱨ ᱛᱷᱤᱭᱮᱴᱚᱨ ᱰᱟᱭᱨᱮᱠᱴᱚᱨ ᱠᱟᱱᱟᱭ ᱾ ᱢᱩᱢᱵᱟᱭ ᱨᱮ ᱢᱟᱨᱟᱴᱷᱤ ᱟᱨ ᱦᱤᱱᱫᱤ ᱛᱷᱤᱭᱮᱴᱚᱨ ᱵᱮᱜᱚᱨ ᱩᱱᱤ ᱫᱚ ᱗᱓ ᱜᱚᱴᱟᱝ ᱢᱩᱬᱩᱛ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫ-ᱟ । ᱩᱱᱤ ᱫᱚ ᱵᱷᱩᱢᱤᱠᱟ (᱑᱙᱗᱗), ᱚᱨᱵᱤᱱᱫᱽ ᱫᱮᱥᱟᱭ ᱠᱤ ᱟᱡᱤᱵᱽ ᱫᱟᱥᱛᱟᱱᱟ (᱑᱙᱗᱘), ᱟᱨ ᱜᱟᱢᱟᱱ (᱑᱙᱗᱘) ᱞᱮᱠᱟᱱ ᱟᱨᱴ ᱦᱟᱣᱩᱥ ᱥᱤᱱᱮᱢᱟ ᱨᱮ ᱢᱤᱫ ᱪᱚᱞᱚᱱ ᱪᱤᱛᱟᱹᱨ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱦᱚᱸᱭ ᱠᱟ.ᱢᱤ ᱟᱠᱟᱫ-ᱟ, ᱥᱟᱶᱛᱮ ᱟᱭᱢᱟ ᱜᱟᱱ ᱴᱤᱵᱷᱤ ᱥᱤᱨᱤᱡᱽ ᱟᱨ ᱮᱱᱮᱡ ᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫ-ᱟ ᱾[᱒][᱓] ᱑᱙᱖᱐ ᱥᱮᱨᱢᱟ ᱨᱮᱭᱟᱜ ᱮᱠᱥᱯᱮᱨᱢᱮᱱᱴᱟᱞ ᱛᱷᱤᱭᱮᱴᱚᱨ ᱨᱟᱡᱽ ᱨᱮ ᱩᱱᱤ ᱫᱚ ᱢᱤᱫ ᱢᱩᱬᱩᱛ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱨᱚᱝᱜᱟᱭᱟᱱ ᱟᱨ ᱵᱤᱡᱚᱭ ᱴᱮᱱᱰᱩᱞᱠᱟᱨ, ᱵᱤᱡᱚᱭᱟ ᱢᱮᱦᱛᱟ ᱟᱨ ᱥᱚᱛᱭᱚᱫᱮᱵᱽ ᱫᱩᱵᱮᱭ ᱥᱟᱶ ᱡᱩᱲᱟᱹᱣ ᱞᱮᱱᱟ ᱾ ᱑᱙᱗᱑ ᱥᱟᱞᱮ ᱨᱮ ᱟᱡᱤᱡ ᱦᱚᱯᱚᱱ ᱮᱨᱵᱤᱱᱫᱽ ᱫᱮᱥᱯᱟᱱᱰᱮ ᱥᱟᱶᱛᱮ ᱟᱣᱤᱥᱠᱚᱨ ᱛᱷᱤᱭᱮᱴᱚᱨ ᱜᱽᱨᱩᱯ (Avishkar theatre group) ᱮ ᱵᱮᱱᱟᱣ ᱞᱮᱫᱼᱟ ᱟᱨ ᱚᱱᱟ ᱨᱮᱱᱟᱜ ᱜᱤᱫᱽᱨᱟᱹ ᱠᱚᱣᱟᱜ ᱛᱷᱤᱭᱮᱴᱚᱨ ᱪᱚᱱᱫᱽᱨᱚᱥᱚᱞᱟ (Chandrashala) ᱦᱚᱸᱭ ᱮᱛᱚᱦᱚᱵ ᱞᱮᱫᱼᱟ, ᱡᱟᱦᱟᱸ ᱫᱚ ᱯᱨᱚᱯᱷᱮᱥᱚᱱᱟᱞ ᱜᱤᱫᱽᱨᱟᱹ ᱠᱚᱣᱟᱜ ᱛᱷᱤᱭᱮᱴᱚᱨ ᱠᱚ ᱮᱛᱚᱦᱚᱵ ᱞᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱡᱤ ᱞᱤ ᱡᱟᱨᱟ, ᱮᱠ ᱯᱟᱠᱮᱴ ᱩᱢᱮᱰ, ᱟᱥᱢᱤᱛᱟ ᱟᱨ ᱤᱝᱞᱤᱥ ᱵᱤᱝᱞᱤᱥ (᱒᱐᱑᱒) ᱯᱷᱤᱞᱢ ᱨᱮ ᱠᱟ.ᱢᱤ ᱞᱮᱭᱟ ।
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱩᱢᱵᱟᱭ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱢᱩᱢᱵᱟᱭ ᱨᱮᱭ ᱦᱟᱨᱟ ᱵᱩᱨᱩ ᱞᱮᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱫᱚ ᱢᱩᱢᱵᱟᱭ ᱨᱮᱭᱟᱜ ᱯᱷᱳᱨᱴ ᱨᱮ ᱥᱤᱰᱷᱚᱨᱛᱷᱟ ᱠᱚᱞᱮᱡᱽ ᱨᱮᱭ ᱯᱟᱲᱦᱟᱣ ᱞᱮᱱᱟᱭ ᱟᱨ ᱛᱟᱭᱚᱢ ᱛᱮ ᱥᱮᱪᱮᱫ ᱨᱮ ᱰᱤᱜᱽᱨᱤ ᱮ ᱧᱟᱢ ᱞᱮᱫᱼᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱮᱥᱯᱟᱱᱰᱮ ᱫᱚ ᱢᱩᱢᱵᱟᱭ ᱨᱮᱱᱟᱜ ᱫᱟᱫᱟᱨ ᱨᱮ ᱢᱮᱱᱟᱜ ᱪᱷᱟᱵᱤᱞᱫᱟᱥ ᱵᱚᱭᱤᱡᱽ ᱦᱟᱭ ᱥᱠᱩᱞ ᱨᱮ ᱢᱟᱪᱮᱛ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱚᱱᱰᱮ ᱠᱟᱹᱢᱤ ᱚᱠᱛᱚ ᱨᱮ ᱩᱱᱤ ᱫᱚ ᱧᱩᱛᱩᱢᱟᱱ ᱰᱨᱟᱢᱟᱣᱟᱨᱰ, ᱵᱤᱡᱚᱭ ᱴᱮᱱᱰᱩᱞᱠᱟᱨ ᱟᱡᱟᱜ ᱯᱚᱲᱦᱚᱱᱤᱭᱟᱹ ᱠᱚ ᱞᱟᱹᱜᱤᱫ ᱛᱮ ᱠᱤᱪᱷᱩ ᱰᱨᱟᱢᱟ ᱠᱚ ᱚᱞ ᱞᱮᱫᱮᱭᱟ ᱾ ᱱᱚᱶᱟ ᱫᱚ ᱛᱷᱤᱭᱮᱴᱚᱨ ᱥᱟᱶ ᱟᱡᱟᱜ ᱥᱟᱹᱜᱟᱹᱭ ᱮ ᱮᱛᱚᱦᱚᱵ ᱠᱮᱫᱼᱟ ᱟᱨ ᱑᱙᱖᱐ ᱥᱮᱨᱢᱟ ᱨᱮᱭᱟᱜ ᱮᱠᱥᱯᱮᱨᱢᱮᱱᱴᱟᱞ ᱛᱷᱤᱭᱮᱴᱚᱨ ᱨᱟᱡᱽ ᱨᱮ ᱟᱡ ᱫᱚ ᱢᱤᱫ ᱯᱟᱭᱱᱤᱭᱚᱨ ᱮ ᱵᱮᱱᱟᱣ ᱠᱮᱫᱼᱟ, ᱪᱮᱫᱟᱜ ᱥᱮ ᱩᱱᱤ ᱫᱚ ᱵᱤᱡᱚᱭᱟ ᱢᱮᱦᱛᱟ, ᱵᱤᱡᱚᱭ ᱴᱮᱱᱰᱩᱞᱠᱟᱨ, ᱟᱨᱵᱤᱱᱫᱽ ᱫᱮᱥᱯᱚᱟᱱᱰᱮ ᱟᱨ ᱥᱨᱤᱨᱟᱢ ᱞᱚᱜᱩ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱨᱚᱝᱜᱚᱭᱟᱱ ᱨᱮ ᱥᱮᱞᱮᱫ ᱮᱱᱟᱭ ᱾[᱔] ᱛᱟᱭᱚᱢ ᱟᱡᱟᱜ ᱮᱱᱮᱡ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱢᱚᱫᱷᱞᱚᱭ ᱵᱷᱤᱸᱴᱤ ᱟᱨ ᱥᱟᱥᱚ ᱟᱱᱤ ᱠᱟᱥᱚᱵᱽ ᱞᱮᱠᱟᱱ ᱮᱱᱮᱡ ᱠᱚᱨᱮ ᱯᱚᱱᱚᱛ-ᱵᱷᱤᱛᱨᱤ ᱨᱮ ᱡᱤᱛᱠᱟᱹᱨ ᱞᱮᱱ ᱠᱷᱟᱹᱛᱤᱨ ᱥᱟᱨᱦᱟᱣ ᱮ ᱧᱟᱢ ᱞᱮᱫ-ᱟ ᱾ ᱨᱚᱝᱜᱚᱭᱟᱱ ᱟᱜ ᱵᱟᱯᱞᱟ ᱛᱟᱭᱚᱢ, ᱩᱱᱤ ᱟᱡᱤᱡ ᱦᱚᱯᱚᱱ ᱟᱨᱵᱤᱱᱫᱽ ᱫᱮᱥᱯᱚᱸᱰᱮ ᱟᱨ ᱚᱨᱩᱱ ᱠᱟᱠᱮᱰᱮ ᱥᱟᱶᱛᱮ ᱑᱙᱗᱑ ᱨᱮ ᱚᱣᱤᱥᱠᱟᱨ ᱧᱩᱛᱩᱢ ᱛᱮ ᱢᱤᱫ ᱛᱷᱤᱭᱮᱴᱚᱨ ᱜᱽᱨᱩᱯ ᱮ ᱵᱮᱱᱟᱣ ᱞᱮᱫᱼᱟ ᱾ ᱵᱤᱡᱚᱭ ᱴᱮᱱᱰᱩᱞᱠᱟᱨ ᱟᱜ ᱧᱩᱛᱩᱢᱟᱱ ᱮᱱᱮᱡ ᱥᱟᱱᱛᱟᱲᱤ ᱨᱮ ᱞᱤᱞᱟ ᱵᱮᱱᱟᱨᱮ ᱟᱜ ᱢᱩᱬᱩᱛ ᱨᱳᱞ ᱮᱱᱮᱡ ᱟᱠᱟᱫᱟᱭ ᱾ ᱑᱙᱖᱗ ᱥᱟᱞᱮᱨᱮ ᱪᱚᱞᱩ ᱟᱦᱮ ᱫᱚ ᱟᱡᱟᱜ ᱠᱷᱟ. ᱛᱟᱭᱚᱢ ᱟᱡ ᱫᱚ ᱥᱚᱛᱭᱚᱫᱮᱵᱽ ᱫᱩᱵᱮᱭ ᱑᱙᱗᱑ ᱥᱟᱞᱮ ᱨᱮ ᱰᱤᱨᱮᱠᱴᱚᱨ ᱠᱟᱛᱮ ᱯᱷᱤᱞᱢ ᱨᱮ ᱮᱱᱮᱡ ᱮ ᱮᱦᱚᱵ ᱞᱮᱫ-ᱟ ᱾ ᱚᱱᱟ ᱛᱟᱭᱚᱢ ᱑᱙᱗᱐ ᱟᱨ ᱑᱙᱘᱐ ᱨᱮᱱᱟᱜ ᱤᱱᱰᱤᱭᱟᱱ ᱱᱩᱣᱟ ᱣᱮᱵᱽ ᱥᱤᱱᱮᱢᱟ ᱨᱮᱱᱟᱜ ᱩᱥᱩᱞ ᱚᱠᱛᱚ ᱨᱮ ᱥᱭᱟᱢ ᱵᱮᱱᱮᱜᱟᱞ ᱞᱮᱠᱟᱱ ᱰᱤᱨᱮᱠᱴᱚᱨ ᱥᱟᱶᱛᱮ ᱦᱤᱱᱫᱤ ᱟᱨ ᱢᱟᱨᱟᱴᱷᱤ ᱥᱤᱱᱮᱢᱟ ᱨᱮ ᱟᱹᱰᱤᱜᱟᱱ ᱠᱟᱹᱢᱤ ᱞᱮᱫᱟᱭ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Veteran actor, theatre person Sulabha Deshpande passes away". The Indian Express. 4 June 2016. Retrieved 4 June 2016.
- ↑ "Theatre guru Satyadev Dubey passes away". The Hindu. 25 December 2011. Retrieved 10 December 2012.
- ↑ "Interview : 'Reaction matters to me'". The Hindu. 16 November 2008. Archived from the original on 16 April 2010. Retrieved 10 December 2012.
- ↑ Vijay Tendulkar. Five Plays For Children. Scholastic India. p. introduction. ISBN 8184771339.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Awishkar website
- ᱥᱩᱞᱚᱵᱷᱟ ᱫᱮᱥᱯᱟᱱᱰᱮ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)