ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ

ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ
ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ
᱗ ᱟᱹᱱᱤᱡ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ
	ᱵᱟᱭᱴᱷᱮᱨ ᱟᱠᱟᱱᱤᱡ
	Assumed office ; ᱑᱑ ᱰᱤᱥᱮᱢᱵᱚᱨ ᱒᱐᱒᱒
ᱯᱚᱱᱚᱛᱤᱭᱟᱹ	ᱨᱟᱡᱮᱱᱫᱨᱚ ᱟᱨᱞᱮᱠᱟᱨ ; ᱥᱤᱵᱽ ᱯᱨᱚᱛᱟᱯ ᱥᱩᱠᱞᱟ
Deputy	ᱢᱩᱠᱮᱥ ᱟᱜᱽᱱᱤᱦᱳᱛᱨᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱡᱚᱭ ᱨᱟᱢ ᱴᱷᱟᱠᱩᱨ
ᱢᱚᱱᱛᱨᱤ ᱟᱨ ᱵᱤᱵᱷᱟᱜᱽ ᱠᱚ	ᱵᱟᱭᱴᱷᱮᱨ ᱟᱠᱟᱱᱤᱡ
Additional ministries
	ᱵᱟᱭᱴᱷᱮᱨ ᱟᱠᱟᱱᱤᱡ
	Assumed office ; ᱑᱑ ᱰᱤᱥᱮᱢᱵᱚᱨ ᱒᱐᱒᱒
ᱢᱚᱱᱛᱨᱤ ᱟᱨ ᱵᱤᱵᱷᱟᱜᱽ ᱠᱚ	Finance; General Administration; Home; Planning; Personnel; Other departments not allotted to any minister;
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱡᱚᱭ ᱨᱟᱢ ᱴᱷᱟᱠᱩᱨ
ᱦᱤᱢᱟᱪᱚᱞ ᱯᱨᱚᱫᱮᱥ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ
	ᱵᱟᱭᱴᱷᱮᱨ ᱟᱠᱟᱱᱤᱡ
	Assumed office ; ᱑᱘ ᱰᱤᱥᱮᱢᱵᱚᱨ ᱒᱐᱑᱗
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱵᱤᱡᱚᱭ ᱟᱜᱽᱱᱤᱦᱳᱛᱨᱤ
ᱵᱟᱪᱷᱱᱟᱣ ᱮᱞᱟᱠᱟ	ᱱᱟᱫᱳᱱ
	ᱟᱹᱢᱟᱹᱞᱤ ᱨᱮ; ᱖ ᱢᱟᱨᱪ ᱒᱐᱐᱓ – ᱒᱐ ᱰᱤᱥᱮᱢᱵᱚᱨ ᱒᱐᱑᱒
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱵᱟᱹᱵᱩ ᱨᱟᱢ ᱢᱟᱱᱫᱤᱭᱟᱞ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱵᱤᱡᱚᱭ ᱟᱜᱽᱱᱤᱦᱳᱛᱨᱤ
ᱵᱟᱪᱷᱱᱟᱣ ᱮᱞᱟᱠᱟ	ᱱᱟᱫᱳᱱ
ᱯᱟᱨᱥᱮᱛ, ᱦᱤᱢᱟᱪᱚᱞ ᱯᱨᱚᱫᱮᱥ ᱠᱚᱝᱜᱽᱨᱮᱥ ᱠᱚᱢᱤᱴᱤ
	ᱟᱹᱢᱟᱹᱞᱤ ᱨᱮ; ᱑᱕ ᱡᱟᱱᱩᱣᱟᱨᱤ ᱒᱐᱑᱓ – ᱑᱑ ᱡᱟᱱᱩᱣᱟᱨᱤ ᱒᱐᱑᱙
ᱡᱟᱹᱛᱤᱭᱟᱹᱨᱤ ᱯᱟᱨᱥᱮᱛ	ᱥᱚᱱᱤᱭᱟ ᱜᱟᱱᱫᱷᱤ; ᱨᱟᱦᱩᱞ ᱜᱟᱱᱫᱷᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱵᱤᱨᱵᱷᱚᱫᱽᱨᱚ ᱥᱤᱝ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱠᱩᱞᱫᱤᱯ ᱥᱤᱝ ᱨᱟᱴᱷᱳᱲ
ᱦᱤᱢᱟᱪᱚᱞ ᱯᱨᱚᱫᱮᱥ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱚᱲᱟᱜ ᱟᱹᱭᱩᱨᱤᱭᱟᱹ
	ᱵᱟᱭᱴᱷᱮᱨ ᱟᱠᱟᱱᱤᱡ
	Assumed office ; ᱑᱑ ᱰᱤᱥᱮᱢᱵᱚᱨ ᱒᱐᱒᱒
Deputy	ᱢᱩᱠᱮᱥ ᱟᱜᱽᱱᱤᱦᱳᱛᱨᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱡᱚᱭ ᱨᱟᱢ ᱴᱷᱟᱠᱩᱨ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱒᱗ ᱢᱟᱨᱪ ᱑᱙᱖᱔ (᱖᱑ ᱥᱮᱨᱢᱟ); ᱱᱟᱫᱳᱱ, ᱦᱤᱢᱟᱪᱚᱞ ᱯᱨᱚᱫᱮᱥ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞ	ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ
ᱡᱤᱭᱚᱱ ᱥᱚᱦᱮᱫ	ᱠᱚᱢᱞᱮᱥ ᱴᱷᱟᱠᱩᱨ
ᱦᱚᱯᱚᱱ	᱒
ᱚᱲᱟᱜ	ᱳᱠᱳᱵᱟᱨ, ᱥᱤᱢᱞᱟ
ᱥᱮᱪᱮᱫ ᱟᱠᱷᱲᱟ	ᱥᱚᱨᱠᱟᱨᱤ ᱠᱚᱞᱮᱡᱽ, ᱥᱟᱱᱡᱚᱣᱞᱤ, ᱥᱤᱢᱞᱟ; ᱦᱤᱢᱟᱪᱚᱞ ᱯᱨᱚᱫᱮᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ;
ᱠᱟᱹᱢᱤ	ᱨᱟᱡᱽᱟᱹᱨᱤᱭᱟᱹ

ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ (ᱡᱟᱱᱟᱢ ᱒᱗ ᱢᱟᱨᱪ ᱑᱙᱖᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾^[᱑]^[᱒] ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ,^[᱓] ᱩᱱᱤ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱱᱟᱫᱳᱱ ᱵᱤᱫᱷᱟᱱᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱯᱩᱱ ᱫᱷᱟᱣ ᱨᱤᱱᱤᱡ ᱱᱤᱛᱚᱜᱤᱡ ᱥᱚᱦᱮᱫ ᱠᱟᱱᱟᱭ ᱾^[᱔] ᱩᱱᱤ ᱫᱚ ᱒᱐᱑᱓ ᱠᱷᱚᱱ ᱒᱐᱑᱙ ᱫᱷᱟᱹᱨᱤᱡ ᱦᱤᱢᱟᱪᱚᱞ ᱯᱨᱚᱫᱮᱥ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾^[᱕]^[᱖]

ᱮᱛᱚᱦᱚᱵ ᱡᱤᱭᱚᱱ

ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ ᱫᱚ ᱒᱗ ᱢᱟᱨᱪ ᱑᱙᱖᱔ ᱥᱟᱞ ᱨᱮ ᱥᱣᱟᱨᱜᱤᱭᱚ ᱥᱨᱤ ᱨᱚᱥᱤᱞ ᱥᱤᱝ ᱤᱡ ᱜᱤᱫᱽᱨᱟᱹ ᱞᱮᱠᱟᱛᱮ ᱵᱷᱚᱵᱚᱨᱟᱱ ᱟᱹᱛᱩ, ᱯᱳ ᱠᱤᱴᱯᱟᱞ, ᱛᱚᱦᱥᱤᱞ ᱱᱟᱫᱟᱣᱩᱱ, ᱦᱚᱢᱤᱨᱯᱩᱨ ᱦᱚᱱᱚᱛ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱥᱮᱪᱮᱫ ᱫᱚᱦᱚ ᱞᱮᱫᱼᱟ ᱟᱨ ᱮᱢ.ᱮ. ᱟᱨ ᱮᱞ.ᱮᱞ.ᱵᱤ. ᱧᱟᱢ ᱟᱠᱟᱫᱟ ᱾ ᱥᱩᱠᱷᱵᱤᱱᱫᱚᱨ ᱥᱤᱝ ᱫᱚ ᱠᱚᱢᱞᱮᱥ ᱴᱷᱟᱠᱩᱨ ᱥᱟᱶ ᱵᱟᱯᱞᱟ ᱞᱮᱱᱟᱭ ᱟᱨ ᱩᱱᱤ ᱨᱤᱱ ᱫᱚ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾

ᱟᱡᱟᱜ ᱮᱛᱚᱦᱚᱵ ᱡᱤᱭᱚᱱ ᱨᱮ, ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ ᱫᱚ ᱟᱡᱟᱜ ᱢᱩᱬᱩᱛ ᱥᱤᱠᱷᱱᱟᱹᱛ ᱮ ᱩᱫᱩᱜ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱑᱙᱘᱒ ᱠᱷᱚᱱ ᱑᱙᱘᱓ ᱫᱷᱟᱹᱨᱤᱡ ᱥᱚᱨᱠᱟᱨᱤ ᱰᱤᱜᱽᱨᱤ ᱠᱚᱞᱮᱡᱽ, ᱥᱟᱱᱡᱳᱞᱤ, ᱥᱤᱢᱞᱟ ᱨᱮ ᱠᱞᱟᱥ ᱨᱤᱯᱨᱮᱡᱮᱱᱴᱮᱴᱤᱵᱷ (CR) ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤᱭᱟᱜ ᱢᱩᱬᱩᱛ ᱟᱹᱭᱫᱟᱹᱨᱤ ᱫᱚ ᱡᱮᱱᱮᱨᱟᱞ ᱥᱮᱠᱨᱮᱴᱟᱨᱤ ᱞᱮᱠᱟᱛᱮ ᱟᱨ ᱛᱟᱭᱚᱢ ᱛᱮ ᱥᱚᱨᱠᱟᱨᱤ ᱰᱤᱜᱽᱨᱤ ᱠᱚᱞᱮᱡᱽ, ᱥᱟᱱᱡᱳᱞᱤ, ᱥᱤᱢᱞᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱ ᱛᱟᱭᱚᱢ ᱦᱚᱸ ᱩᱱᱤ ᱫᱚ ᱢᱩᱬᱩᱛ ᱥᱚᱦᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱘᱓ - ᱑᱙᱘᱔ ᱟᱨ ᱑᱙᱘᱔ - ᱑᱙᱘᱕ ᱑᱙᱘᱕-᱑᱙᱘᱖ ᱨᱮ ᱦᱤᱢᱟᱪᱚᱞ ᱯᱨᱚᱫᱮᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱞᱚ ᱰᱤᱯᱟᱨᱴᱢᱮᱸᱴ ᱨᱤᱯᱨᱮᱡᱮᱱᱴᱮᱴᱤᱵᱷ (DR) ᱞᱮᱠᱟᱛᱮ ᱦᱚᱸᱭ ᱵᱟᱪᱷᱚᱱ ᱞᱮᱱᱟ ᱛᱟᱦᱮᱸᱫ ᱾

ᱨᱟᱡᱽᱟᱹᱨᱤ ᱡᱤᱭᱚᱱ ᱠᱟᱹᱢᱤ

ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩᱣᱟᱜ ᱨᱟᱡᱽᱟᱹᱨᱤ ᱡᱤᱭᱚᱱ ᱫᱚ ᱠᱚᱝᱜᱽᱨᱮᱥ ᱨᱤᱱᱤᱡ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱯᱟᱹᱴᱷᱩᱣᱟᱹ ᱜᱟᱶᱛᱟ (NSUI) ᱨᱮ ᱥᱮᱞᱮᱫ ᱞᱮᱱ ᱠᱷᱟᱱ ᱮᱛᱚᱦᱚᱵ ᱞᱮᱱᱟ ᱾ ᱩᱱᱤ ᱫᱚ ᱑᱙᱘᱙ ᱠᱷᱚᱱ ᱑᱙᱙᱕ ᱫᱷᱟᱹᱨᱤᱡ ᱮᱱ.ᱮᱥ.ᱤᱭᱩ.ᱟᱭᱤ. ᱨᱤᱱᱤᱡ ᱯᱚᱱᱚᱛ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱨᱟᱡᱽᱟᱹᱨᱤ ᱟᱨ ᱥᱟᱶᱛᱟᱹᱨᱤ ᱠᱟᱹᱢᱤ ᱨᱮ ᱟᱡᱟᱜ ᱠᱟᱹᱢᱤᱦᱚᱨᱟ ᱫᱚ ᱟᱨᱦᱚᱸ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱙᱕ ᱠᱷᱚᱱ ᱑᱙᱙᱘ ᱫᱷᱟᱹᱨᱤᱡ ᱯᱚᱱᱚᱛ ᱭᱩᱵᱷᱚ ᱠᱚᱝᱜᱽᱨᱮᱥ ᱨᱤᱱᱤᱡ ᱡᱮᱱᱮᱨᱟᱞ ᱥᱮᱠᱨᱮᱴᱟᱨᱤ ᱟᱨ ᱚᱱᱟ ᱛᱟᱭᱚᱢ ᱑᱙᱙᱘ ᱠᱷᱚᱱ ᱒᱐᱐᱘ ᱫᱷᱟᱹᱨᱤᱡ ᱱᱚᱣᱟ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾

ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ ᱫᱚ ᱯᱚᱲᱦᱚᱱᱤᱭᱟᱹ ᱟᱨ ᱛᱤᱨᱞᱟᱹ ᱨᱟᱡᱽᱟᱹᱨᱤ ᱨᱮ ᱟᱡᱟᱜ ᱠᱟᱹᱢᱤ ᱥᱟᱶᱛᱮ ᱑᱙᱙᱓-᱑᱙᱙᱘ ᱟᱨ ᱑᱙᱙᱘-᱒᱐᱐᱓ ᱫᱷᱟᱹᱨᱤᱡ ᱥᱤᱢᱞᱟ ᱢᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ ᱨᱮ ᱵᱟᱨ ᱫᱷᱟᱣ ᱥᱚᱦᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾

ᱠᱚᱝᱜᱽᱨᱮᱥ ᱯᱟᱨᱴᱤ ᱨᱮ ᱩᱱᱤᱭᱟᱜ ᱟᱹᱭᱩᱨ ᱞᱟᱦᱟ ᱪᱟᱞᱟᱣ ᱞᱮᱱᱟ ᱟᱨ ᱩᱱᱤ ᱒᱐᱐᱘ ᱠᱷᱚᱱ ᱒᱐᱑᱒ ᱫᱷᱟᱹᱨᱤᱡ ᱯᱨᱚᱫᱮᱥ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱮ ᱢᱟᱨᱟᱝ ᱥᱮᱠᱴᱨᱤ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟᱭ ᱾ ᱚᱱᱟ ᱛᱟᱭᱚᱢ, ᱩᱱᱤ ᱫᱚ ᱯᱨᱚᱫᱮᱥ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱤᱱᱤᱡ ᱯᱟᱨᱥᱮᱛ ᱦᱩᱭ ᱞᱮᱱᱟᱭ, ᱘ ᱡᱟᱱᱩᱣᱟᱨᱤ ᱒᱐᱑᱓ ᱠᱷᱚᱱ ᱑᱑ ᱡᱟᱱᱩᱣᱟᱨᱤ ᱒᱐᱑᱙ ᱫᱷᱟᱹᱨᱤᱡ ᱫᱚ ᱯᱟᱨᱴᱤ ᱨᱮᱱᱟᱜ ᱯᱚᱱᱚᱛ ᱜᱟᱫᱮᱞ ᱨᱮ ᱟᱹᱭᱩᱨ ᱞᱮᱫᱟᱭ ᱾

ᱵᱤᱫᱷᱟᱱ ᱥᱚᱵᱷᱟ ᱠᱟᱹᱢᱤ ᱡᱤᱭᱚᱱ

ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ ᱫᱚ ᱒᱐᱐᱓ ᱥᱟᱞ ᱨᱮ ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱟᱨ ᱒᱐᱐᱗ ᱟᱨ ᱒᱐᱑᱗ ᱥᱟᱞ ᱨᱮᱭ ᱵᱟᱪᱷᱚᱱ ᱮᱱᱟ ᱾ ᱟᱡᱟᱜ ᱵᱤᱫᱷᱟᱱ ᱥᱚᱵᱷᱟ ᱚᱠᱛᱚ ᱨᱮ, ᱩᱱᱤ ᱫᱚ ᱒᱐᱐᱗ ᱠᱷᱚᱱ ᱒᱐᱑᱒ ᱫᱷᱟᱹᱨᱤᱡ ᱠᱚᱝᱜᱽᱨᱮᱥ ᱵᱤᱫᱷᱟᱱ ᱥᱚᱵᱷᱟ ᱴᱷᱟᱹᱣᱠᱟᱹ ᱜᱟᱶᱛᱟ ᱨᱤᱱᱤᱡ ᱥᱩᱛᱨᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱩᱱᱤ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱠᱚᱢᱤᱴᱤ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸ ᱨᱮ ᱵᱤᱡᱽᱱᱮᱥ ᱟᱰᱵᱷᱤᱥᱮᱨᱤ ᱠᱚᱢᱤᱴᱤ, ᱞᱟᱭᱵᱨᱮᱨᱤ, ᱨᱤᱥᱟᱨᱪ ᱟᱨ ᱨᱮᱯᱷᱚᱨᱢᱮᱱᱥ ᱠᱚᱢᱤᱴᱤ, ᱟᱨ ᱫᱤᱥᱩᱣᱟᱹ ᱮᱱᱰᱟᱨᱴᱟᱭᱡᱮᱱᱥ ᱟᱨ ᱯᱨᱟᱭᱵᱷᱮᱞᱡ ᱠᱚᱢᱤᱴᱤ ᱠᱚ ᱢᱮᱱᱟᱜᱼᱟ ᱾

ᱰᱤᱥᱮᱢᱵᱚᱨ ᱒᱐᱒᱒ ᱨᱮ, ᱥᱩᱠᱷᱵᱤᱱᱫᱚᱨ ᱥᱤᱝ ᱥᱩᱠᱷᱩ ᱫᱚ ᱯᱩᱱ ᱫᱷᱟᱣ ᱯᱚᱱᱚᱛ ᱫᱚᱨᱵᱟᱨ ᱞᱟᱹᱜᱤᱫ ᱛᱮ ᱵᱟᱪᱷᱚᱱ ᱞᱮᱱᱟᱭ ᱾ ᱑᱑ ᱱᱚᱵᱷᱮᱢᱵᱚᱨ ᱒᱐᱒᱒ ᱨᱮ ᱩᱱᱤ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱨᱤᱭᱟᱹ ᱮ ᱦᱟᱛᱟᱣ ᱠᱮᱫᱼᱟ ᱾

ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ

ᱥᱩᱠᱷᱩ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮ ᱒᱐᱒᱒ ᱥᱟᱞ ᱨᱮᱱᱟᱜ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱠᱚᱝᱜᱽᱨᱮᱥ ᱞᱟᱹᱜᱤᱫ ᱢᱤᱫ ᱢᱩᱬᱩᱛ ᱯᱨᱚᱥᱟᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱦᱤᱢᱟᱪᱚᱞ ᱯᱨᱚᱫᱮᱥ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱑᱐ ᱱᱚᱵᱷᱮᱢᱵᱚᱨ ᱒᱐᱒᱒ ᱨᱮ ᱩᱱᱤ ᱫᱚ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱫ ᱛᱟᱦᱮᱸᱫ ᱾ ᱥᱤᱧᱚᱛᱤᱭᱟᱹ ᱠᱚᱝᱜᱽᱨᱮᱥ ᱫᱚ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱮᱱ ᱛᱟᱭᱚᱢ ᱩᱱᱤ ᱫᱚ ᱠᱤᱨᱤᱭᱟᱹ ᱦᱟᱛᱟᱣ ᱠᱮᱫᱼᱟ ᱾

ᱢᱚᱱᱛᱨᱤ ᱦᱟᱹᱴᱤᱧ

ᱦᱤᱢᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱮᱱ ᱛᱟᱭᱚᱢ, ᱥᱩᱠᱷᱩ ᱫᱚ ᱕ ᱜᱚᱴᱟᱝ ᱠᱷᱚᱱ ᱡᱟᱹᱥᱛᱤ ᱢᱚᱱᱛᱨᱤ ᱠᱚᱭ ᱥᱟᱢᱟᱝ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱠᱚᱫᱚ ᱦᱩᱭᱩᱜ ᱠᱟᱱᱟ, ᱠᱟᱹᱣᱰᱤᱟᱹᱨᱤ, ᱡᱮᱱᱮᱨᱟᱞ, ᱥᱟᱥᱚᱱ, ᱚᱲᱟᱜ, ᱡᱚᱡᱚᱱᱟ, ᱠᱟᱹᱢᱤ ᱠᱚ ᱟᱨ ᱮᱴᱟᱜ ᱡᱚᱛᱚ ᱵᱤᱵᱷᱟᱜᱽ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱚᱠᱟ ᱫᱚ ᱮᱴᱟᱜ ᱢᱚᱱᱛᱨᱤ ᱠᱚ ᱴᱷᱮᱱ ᱵᱟᱝ ᱮᱢ ᱟᱠᱟᱱᱟ ᱾

᱑᱓ ᱡᱟᱱᱩᱣᱟᱨᱤ ᱒᱐᱒᱓ ᱦᱤᱞᱚᱜ ᱠᱮᱵᱤᱱᱮᱴ ᱢᱟᱹᱪᱤ ᱨᱮ ᱠᱚᱝᱜᱽᱨᱮᱥ ᱟᱜ ᱵᱟᱪᱷᱱᱟᱣ ᱨᱮ ᱮᱢ ᱟᱠᱟᱱ ᱵᱤᱥᱮᱥ ᱠᱟᱛᱷᱟ ᱠᱚ ᱯᱩᱨᱟᱹᱣ ᱠᱟᱛᱮ ᱢᱟᱨᱮ ᱯᱮᱱᱥᱚᱱ ᱡᱚᱡᱚᱱᱟ ᱫᱚ ᱵᱚᱫᱚᱞ ᱦᱚᱪᱚ ᱨᱮᱱᱟᱜ ᱜᱚᱴᱟ ᱠᱮᱫᱟ ᱾ ᱠᱮᱵᱤᱱᱮᱴ ᱢᱚᱱᱛᱨᱤ ᱱᱤᱛᱚᱜ ᱡᱟᱦᱟᱸᱱ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ ᱠᱚ NPS ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ Defined Contribution Pension Scheme ᱨᱮ ᱥᱮᱞᱮᱫ ᱢᱮᱱᱟᱜ ᱠᱚᱣᱟ, ᱩᱱᱠᱩ ᱡᱚᱛᱚ ᱠᱚ OPS ᱮᱢᱚᱜ ᱨᱮᱱᱟᱜ ᱜᱚᱴᱟ ᱟᱠᱟᱫᱟ ᱾ ᱱᱚᱶᱟ ᱠᱷᱚᱱ ᱯᱚᱱᱚᱛ ᱨᱮᱱ ᱑.᱓᱖ ᱞᱟᱠᱷ ᱜᱟᱱ ᱮᱱ.ᱯᱤ.ᱮᱥ. ᱠᱟᱹᱢᱤᱭᱟᱹ ᱠᱚ ᱟᱭᱢᱟ ᱜᱟᱱ ᱜᱚᱲᱚᱭ ᱧᱟᱢᱟ ᱾

ᱥᱟᱹᱠᱷᱭᱟᱹᱛ

↑ "Sukhvinder Singh Sukhu - The organiser". The Hindu (in ᱟᱝᱜᱽᱨᱮᱡᱤ). 2022-12-18. Archived from the original on 19 December 2022. Retrieved 2022-12-18.
↑ "Sukhvinder Singh Sukhu named new Himachal CM, Mukesh Agnihotri is his deputy". The Indian Express (in ᱟᱝᱜᱽᱨᱮᱡᱤ). 2022-12-10. Archived from the original on 10 December 2022. Retrieved 2022-12-10.
↑ "Nadaun Election Result - Candidates, MLAs, Live Updates & News". elections.in. Archived from the original on 1 June 2022. Retrieved 1 June 2022.
↑ Election Commission of India. "Himachal Pradesh General Legislative Election 2017". eci.gov.in. Archived from the original on 9 July 2021. Retrieved 8 July 2021.
↑ "Sukhvinder Singh Sukhu appointed new HPCC chief". Hindustan Times (in ᱟᱝᱜᱽᱨᱮᱡᱤ). 2013-04-01. Archived from the original on 2 November 2022. Retrieved 2022-11-02.
↑ Vasudeva, Vikas (2019-01-13). "Cong. appoints new chief in Himachal to end factionalism". The Hindu (in Indian English). ISSN 0971-751X. Archived from the original on 2 November 2022. Retrieved 2022-11-02.

[TheOrganiser-1] "Sukhvinder Singh Sukhu - The organiser". The Hindu (in ᱟᱝᱜᱽᱨᱮᱡᱤ). 2022-12-18. Archived from the original on 19 December 2022. Retrieved 2022-12-18.

[:2-2] "Sukhvinder Singh Sukhu named new Himachal CM, Mukesh Agnihotri is his deputy". The Indian Express (in ᱟᱝᱜᱽᱨᱮᱡᱤ). 2022-12-10. Archived from the original on 10 December 2022. Retrieved 2022-12-10.

[elections-3] "Nadaun Election Result - Candidates, MLAs, Live Updates & News". elections.in. Archived from the original on 1 June 2022. Retrieved 1 June 2022.

[election2017-4] Election Commission of India. "Himachal Pradesh General Legislative Election 2017". eci.gov.in. Archived from the original on 9 July 2021. Retrieved 8 July 2021.

[5] "Sukhvinder Singh Sukhu appointed new HPCC chief". Hindustan Times (in ᱟᱝᱜᱽᱨᱮᱡᱤ). 2013-04-01. Archived from the original on 2 November 2022. Retrieved 2022-11-02.

[6] Vasudeva, Vikas (2019-01-13). "Cong. appoints new chief in Himachal to end factionalism". The Hindu (in Indian English). ISSN 0971-751X. Archived from the original on 2 November 2022. Retrieved 2022-11-02.

[᱑]

[᱒]

[᱓]

[᱔]

[᱕]

[᱖]