ᱥᱩᱡᱟᱛᱷᱟ ᱢᱳᱦᱚᱱ
| ᱥᱩᱡᱟᱛᱷᱟ ᱢᱳᱦᱚᱱ | |
|---|---|
.jpg) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 20th century |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
ᱥᱩᱡᱟᱛᱷᱟ ᱢᱳᱦᱚᱱ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱢᱮᱫ ᱰᱟᱠᱴᱚᱨ ᱠᱟᱱᱟᱭ᱾ ᱩᱱᱤ ᱫᱚ ᱪᱮᱱᱱᱟᱭ ᱨᱮᱭ ᱛᱟᱦᱮᱸᱱᱟ ᱟᱨ ᱩᱱᱤ ᱫᱚ ᱪᱮᱱᱱᱟᱭ ᱴᱚᱴᱷᱟ ᱨᱮ ᱢᱟᱜᱽᱱᱟ ᱛᱮ ᱢᱮᱫ ᱨᱮᱱᱟᱜ ᱧᱮᱞ ᱦᱟᱛᱟᱣ ᱨᱮ ᱯᱚᱨᱚᱯᱠᱟᱨᱤ ᱠᱟᱹᱢᱤ ᱞᱟᱹᱜᱤᱫ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱥᱤᱨᱯᱷᱟᱹ ᱛᱮᱠᱚ ᱥᱤᱨᱯᱷᱟᱹ ᱟᱠᱟᱫᱮᱭᱟ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱳᱦᱚᱱ ᱫᱚ ᱥᱤᱧᱚᱛ ᱨᱮᱱᱟᱜ ᱪᱮᱱᱱᱟᱭ ᱨᱮ ᱢᱮᱱᱟᱜ ᱥᱟᱝᱠᱟᱨᱟ ᱱᱮᱛᱷᱨᱟᱞᱟᱭᱟ ᱨᱮᱭ ᱯᱟᱲᱦᱟᱣ ᱟᱠᱟᱱᱟ᱾ ᱚᱸᱰᱮ ᱛᱟᱦᱮᱸᱱ ᱚᱠᱛᱚ ᱨᱮ ᱩᱱᱤ ᱫᱚ ᱑᱙᱘᱖ ᱥᱟᱞᱮ ᱨᱮ ᱟᱡᱤᱜ ᱵᱟᱹᱦᱩ ᱦᱚᱯᱚᱱ ᱮ ᱧᱟᱢ ᱠᱮᱫᱮᱭᱟ ᱟᱨ ᱩᱱᱠᱤᱱ ᱫᱚ ᱞᱟᱛᱟᱨ ᱥᱮᱨᱢᱟ ᱜᱮ ᱠᱤᱱ ᱵᱟᱯᱞᱟ ᱮᱱᱟ᱾
ᱩᱱᱤ ᱫᱚ ᱨᱟᱡᱟᱱ ᱟᱭᱤ ᱠᱮᱭᱟᱨ ᱦᱟᱥᱯᱟᱛᱟᱞ ᱨᱮᱱ ᱮᱠᱡᱤᱠᱭᱩᱴᱤᱵᱷ ᱢᱮᱰᱤᱠᱟᱞ ᱰᱤᱨᱮᱠᱴᱚᱨ ᱠᱟᱱᱟᱭ᱾ ᱚᱱᱟ ᱦᱟᱥᱯᱟᱛᱟᱞ ᱨᱮᱱᱟᱜ ᱢᱤᱫ ᱫᱟᱱ ᱦᱟᱹᱴᱤᱧ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱪᱮᱱᱱᱟᱭ ᱵᱷᱤᱡᱚᱱ ᱪᱮᱨᱤᱴᱮᱵᱚᱞ ᱴᱨᱚᱥᱴ ᱧᱩᱛᱩᱢ ᱛᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱠᱚᱧᱮ ᱥᱤᱧᱚᱛ ᱨᱮ ᱢᱮᱫ ᱠᱚ ᱵᱷᱟᱹᱜᱤ ᱞᱟᱹᱜᱤᱫ ᱚᱯᱨᱮᱥᱚᱱ ᱪᱟᱞ ᱨᱮᱱᱟᱜ ᱡᱚᱥ ᱢᱮᱱᱟᱜᱼᱟ᱾ ᱚᱱᱟ ᱴᱨᱚᱥᱴ ᱫᱚ ᱪᱮᱱᱱᱟᱭ ᱨᱮᱱᱟᱜ ᱵᱮᱥ ᱠᱷᱚᱱ ᱑᱕᱐ ᱠᱤᱞᱚᱢᱤᱴᱚᱨ (᱙᱓ ᱢᱟᱭᱤᱞ) ᱵᱷᱤᱛᱨᱤ ᱨᱮ ᱓,᱕᱐᱐ ᱢᱮᱫ ᱧᱮᱞ ᱚᱯᱨᱮᱥᱚᱱ ᱮ ᱵᱮᱱᱟᱣ ᱟᱠᱟᱫᱟ ᱡᱟᱦᱟᱸ ᱨᱮ ᱠᱟᱸᱪᱤᱯᱩᱨᱚᱢ, ᱛᱤᱨᱩᱣᱟᱞᱞᱩᱨ, ᱛᱤᱨᱩᱵᱟᱱᱟᱢᱟᱞᱟᱭ, ᱵᱮᱞᱞᱳᱨ ᱟᱨ ᱵᱷᱤᱞᱩᱯᱩᱨᱚᱢ ᱠᱚ ᱥᱮᱞᱮᱫ ᱢᱮᱱᱟᱜᱼᱟ᱾ ᱩᱱᱠᱩ ᱫᱚ ᱢᱤᱫ ᱢᱤᱞᱤᱭᱚᱱ ᱦᱚᱲ ᱠᱚᱣᱟᱜ ᱢᱮᱫ ᱠᱚ ᱧᱮᱞ ᱠᱮᱫᱟ ᱟᱨ ᱱᱚᱣᱟ ᱨᱮᱱᱟᱜ ᱚᱨᱡᱚ ᱫᱚ ᱦᱩᱭ ᱮᱱᱟ ᱑᱐᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱢᱳᱛᱤᱭᱟᱵᱤᱱᱫᱩ ᱚᱯᱨᱮᱥᱚᱱ, ᱗,᱐᱐᱐ ᱠᱚᱨᱱᱤᱭᱟᱞ ᱴᱨᱟᱱᱥᱯᱞᱟᱸᱴ ᱟᱨ ᱓᱐᱐,᱐᱐᱐ ᱡᱚᱲ ᱪᱟᱥᱢᱟ ᱪᱟᱞ ᱦᱩᱭ ᱮᱱᱟ᱾ ᱢᱳᱛᱤᱭᱟᱵᱤᱱᱫᱩ ᱚᱯᱨᱮᱥᱚᱱ ᱨᱮ ᱨᱩᱜᱤ ᱠᱚᱣᱟᱜ ᱢᱮᱫ ᱵᱷᱤᱛᱨᱤ ᱨᱮ ᱞᱮᱱᱥ ᱞᱟᱜᱟᱣ ᱦᱩᱭ ᱟᱠᱟᱱᱟ ᱟᱨ ᱱᱚᱣᱟ ᱥᱮᱵᱟ ᱫᱚ ᱨᱩᱜᱤ ᱠᱚ ᱞᱟᱹᱜᱤᱫ ᱫᱟᱢ ᱵᱟᱝ ᱦᱟᱛᱟᱣ ᱠᱟᱛᱮ ᱠᱚ ᱪᱟᱞ ᱟᱠᱟᱫᱟ᱾ ᱱᱚᱣᱟ ᱫᱚ ᱨᱳᱴᱟᱨᱤ ᱠᱞᱟᱵᱽ ᱦᱚᱛᱮᱛᱮ ᱥᱟᱹᱛ ᱠᱮᱫ ᱟᱠᱚ, ᱡᱟᱦᱟᱸᱭ ᱫᱚ ᱠᱚᱨᱱᱤᱭᱟᱞ ᱢᱮᱫ ᱴᱨᱟᱱᱥᱯᱞᱟᱸᱴ ᱟᱨ ᱢᱤᱫ ᱵᱷᱮᱱ ᱨᱮ ᱠᱟᱹᱣᱰᱤ ᱠᱚ ᱜᱚᱲᱚ ᱞᱮᱫᱟ, ᱡᱟᱦᱟᱸ ᱫᱚ ᱱᱚᱝᱠᱟ ᱥᱟᱡᱟᱣ ᱟᱠᱟᱱᱟ ᱡᱮ ᱩᱱᱠᱩ ᱚᱱᱟ ᱜᱟᱹᱰᱤ ᱵᱷᱤᱛᱨᱤ ᱨᱮᱜᱮ ᱢᱮᱫ ᱚᱯᱨᱮᱥᱚᱱ ᱠᱚ ᱠᱚᱨᱟᱣ ᱫᱟᱲᱮᱭᱟᱜᱼᱟ᱾
ᱢᱳᱦᱚᱱ ᱫᱚ ᱘ ᱢᱟᱨᱪ ᱒᱐᱑᱙ ᱨᱮ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱛᱮᱠᱚ ᱥᱤᱨᱯᱷᱟᱹ ᱠᱮᱫᱮᱭᱟ᱾ ᱒᱐᱑᱘ ᱥᱟᱞᱮ ᱨᱮᱱᱟᱜ ᱥᱤᱨᱯᱷᱟᱹ ᱫᱚ ᱥᱤᱧᱚᱛ ᱨᱮᱱ ᱨᱟᱥᱴᱨᱚᱯᱚᱛᱤ ᱦᱚᱛᱮᱛᱮ ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ ᱨᱮ ᱡᱮᱜᱮᱛ ᱠᱩᱲᱤ ᱢᱟᱦᱟᱸ ᱨᱮ ᱠᱚ ᱮᱢ ᱞᱮᱫᱟ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱠᱤᱱ ᱫᱚ ᱠᱤᱪᱷᱩ ᱫᱷᱟᱣ ᱡᱚᱢ ᱧᱩ ᱞᱟᱹᱜᱤᱫ ᱟᱨ ᱥᱤᱱᱮᱢᱟ ᱧᱮᱞ ᱞᱟᱹᱜᱤᱫ ᱠᱤᱱ ᱧᱟᱯᱟᱢ ᱮᱱᱟ ᱚᱱᱟ ᱛᱟᱭᱚᱢ ᱒᱖ ᱡᱟᱱᱩᱣᱟᱨᱤ ᱑᱙᱘᱗ ᱨᱮ ᱩᱱᱠᱤᱱ ᱨᱮᱱ ᱟᱭᱳ ᱵᱟᱵᱟ ᱠᱤᱱ ᱧᱟᱯᱟᱢ ᱮᱱᱟ᱾ ᱩᱱᱠᱩ ᱠᱚ ᱨᱟᱡᱤ ᱮᱱᱟ ᱟᱨ ᱩᱱᱠᱤᱱ ᱫᱚ ᱑᱙ ᱚᱜᱚᱥᱴ ᱑᱙᱘᱗ ᱨᱮ ᱠᱤᱱ ᱵᱟᱯᱞᱟ ᱮᱱᱟ᱾ ᱩᱱᱠᱤᱱ ᱨᱮᱱ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾[᱑]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Corporate Citizen". corporatecitizen.in. Retrieved 2021-01-05.