ᱥᱩᱢᱚᱛᱤ ᱢᱳᱨᱟᱨᱡᱤ

ᱥᱩᱢᱚᱛᱤ ᱢᱳᱨᱟᱨᱡᱤ
ᱥᱩᱢᱚᱛᱤ ᱢᱳᱨᱟᱨᱡᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱡᱟᱢᱩᱱᱟ; ᱑᱓ ᱢᱟᱨᱪ ᱑᱙᱐᱙; ᱵᱚᱢᱵᱮ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱒᱗ ᱡᱩᱱ ᱑᱙᱙᱘ (ᱩᱢᱮᱨ ᱘᱙ ᱥᱮᱨᱢᱟ); ᱢᱩᱢᱵᱟᱭ, ᱥᱤᱧᱚᱛ
ᱧᱩᱢᱱᱟᱢ	ᱥᱤᱱᱫᱤᱭᱟ ᱥᱴᱮᱢ ᱱᱟᱵᱤᱜᱮᱥᱚᱱ ᱠᱚᱢᱯᱟᱹᱱᱤ
ᱡᱤᱭᱚᱱ ᱥᱚᱦᱮᱫ	ᱥᱟᱱᱛᱤ ᱠᱩᱢᱟᱨ ᱱᱟᱨᱳᱛᱚᱢ ᱢᱳᱨᱟᱨᱡᱤ
ᱥᱤᱨᱯᱷᱟᱹ	ᱯᱚᱫᱽᱢᱚ ᱵᱤᱵᱷᱩᱥᱚᱬ (᱑᱙᱗᱑)
ᱵᱟᱹᱲᱛᱤ ᱠᱟᱛᱷᱟ

ᱥᱩᱢᱚᱛᱤ ᱢᱳᱨᱟᱨᱡᱤ (᱑᱓ ᱢᱟᱨᱪ ᱑᱙᱐᱙^[᱒] - ᱒᱗ ᱡᱩᱱ ᱑᱙᱙᱘^[᱓]), ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱥᱮᱵᱟ ᱨᱮᱱᱟᱜ ᱯᱩᱭᱞᱩ ᱛᱤᱨᱞᱟᱹ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ, ᱩᱱᱤ ᱫᱚ ᱡᱮᱜᱮᱛ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱞᱮᱠᱟᱛᱮ ᱠᱚ ᱢᱟᱱᱟᱣᱟ ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱥᱴᱮᱢᱥᱤᱯ ᱟᱣᱟᱨᱰ ᱟᱥᱳᱥᱤᱭᱮᱥᱚᱱ (ᱛᱟᱭᱚᱢ ᱛᱮ ᱤᱱᱰᱤᱭᱟᱱ ᱱᱮᱥᱱᱟᱞ ᱥᱤᱯᱳᱱᱚᱨᱥ ᱟᱥᱳᱥᱤᱭᱮᱥᱚᱱ ᱢᱮᱱᱛᱮ ᱧᱩᱛᱩᱢ ᱞᱮᱱᱟ) ᱨᱮᱱᱟᱜ ᱪᱮᱛᱟᱱ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱢᱤᱫ ᱠᱚᱲᱟ ᱵᱟᱥᱴᱚᱱ ᱛᱟᱦᱮᱸ ᱠᱟᱱᱟ ᱾^[᱔] ᱩᱱᱤ ᱫᱚ ᱟᱡᱟᱜ ᱥᱚᱨᱠᱟᱨᱤ ᱠᱟᱹᱢᱤ ᱞᱟᱹᱜᱤᱫ ᱛᱮ ᱑᱙᱗᱑ ᱥᱟᱞ ᱨᱮ ᱯᱚᱫᱽᱢᱚ ᱵᱤᱵᱷᱩᱥᱚᱬ, ᱥᱤᱧᱚᱛ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱢᱟᱨᱟᱝ ᱥᱤᱨᱯᱷᱟᱹ ᱮ ᱧᱟᱢ ᱞᱮᱫᱼᱟ ᱾^[᱕]

ᱡᱤᱭᱚᱱᱤ

ᱢᱳᱨᱟᱨᱡᱤ ᱫᱚ ᱵᱚᱢᱵᱮ ᱨᱮ ᱢᱚᱛᱷᱩᱨᱟᱫᱟᱥ ᱜᱳᱠᱩᱞᱫᱟᱥ ᱟᱨ ᱟᱡ ᱵᱟᱹᱦᱩ ᱯᱨᱮᱢᱟᱵᱟᱭ ᱟᱜ ᱠᱤᱥᱟᱹᱬ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤᱭᱟᱜ ᱧᱩᱛᱩᱢ ᱫᱚ ᱠᱨᱤᱥᱱᱟ ᱥᱟᱶ ᱡᱚᱲᱟᱣ ᱵᱷᱨᱤᱱᱰᱟᱵᱷᱟᱱ ᱨᱮᱭᱟᱜ ᱥᱚᱱᱚᱛ ᱜᱟᱰᱟ ᱡᱚᱢᱩᱱᱟ ᱧᱩᱛᱩᱢ ᱛᱮ ᱫᱚᱦᱚ ᱞᱮᱱᱟ ᱾ ᱥᱤᱧᱚᱛ ᱨᱮ ᱚᱠᱛᱚ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱠᱟᱹᱴᱤᱡ ᱩᱢᱮᱨ ᱨᱮ ᱩᱱᱤ ᱫᱚ ᱥᱤᱱᱫᱤᱭᱟ ᱥᱴᱤᱢ ᱱᱮᱵᱷᱤᱜᱮᱥᱚᱱ ᱠᱚᱢᱯᱟᱹᱱᱤ ᱨᱤᱱᱤᱡ ᱢᱤᱫ ᱦᱚᱯᱚᱱ ᱥᱟᱱᱛᱤ ᱠᱩᱢᱟᱨ ᱱᱚᱨᱳᱛᱚᱢ ᱢᱳᱨᱟᱨᱡᱤ ᱥᱟᱶ ᱵᱟᱯᱞᱟ ᱞᱮᱱᱟᱭ, ᱚᱠᱚᱭ ᱫᱚ ᱥᱤᱱᱫᱤᱭᱟ ᱥᱴᱤᱢ ᱱᱮᱵᱷᱤᱜᱮᱥᱚᱱ ᱠᱚᱢᱯᱟᱹᱱᱤ ᱨᱤᱱᱤᱡ ᱛᱷᱟᱯᱱᱟᱣᱤᱭᱟᱹ ᱱᱚᱨᱳᱛᱚᱢ ᱢᱳᱨᱟᱨᱡᱤ ᱨᱤᱱᱤᱡ ᱮᱠᱞᱟ ᱦᱚᱯᱚᱱ ᱛᱟᱦᱮᱸ ᱠᱟᱱᱟᱭ ᱾ ᱚᱱᱟ ᱫᱚ ᱛᱟᱭᱚᱢ ᱥᱤᱧᱚᱛ ᱨᱮ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱥᱤᱯᱤᱝ ᱠᱚᱢᱯᱟᱹᱱᱤ ᱦᱩᱭᱮᱱᱟ ᱾^[᱖]

ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱚᱨᱥᱚᱝ

ᱢᱳᱨᱟᱨᱡᱤ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱥᱟᱶ ᱨᱟᱠᱟᱵ ᱨᱮ ᱛᱟᱦᱮᱸ ᱠᱟᱱᱟᱭ ᱟᱨ ᱵᱟᱱᱟᱨ ᱜᱮ ᱟᱭᱢᱟ ᱫᱷᱟᱣ ᱠᱚ ᱧᱟᱯᱟᱢ ᱞᱮᱱᱟ ᱾ ᱱᱩᱠᱩ ᱛᱟᱞᱟ ᱨᱮ ᱦᱩᱭ ᱟᱠᱟᱱ ᱜᱟᱞᱢᱟᱨᱟᱣ ᱠᱷᱚᱵᱚᱨ ᱠᱟᱜᱚᱡᱽ ᱨᱮ ᱚᱞ ᱟᱠᱟᱱᱟ ᱾ ᱩᱱᱤ ᱫᱚ ᱟᱡᱟᱜ ᱡᱚᱛᱚ ᱠᱷᱚᱱ ᱥᱩᱨ ᱨᱤᱱᱤᱡ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱔᱒ ᱥᱮᱨᱢᱟ ᱠᱷᱚᱱ ᱑᱙᱔᱖ ᱥᱮᱨᱢᱟ ᱫᱷᱟᱹᱨᱤᱡ ᱩᱱᱤ ᱥᱟᱶᱛᱮ ᱥᱤᱧᱚᱛ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱚᱛ ᱦᱟᱥᱟ ᱨᱮ ᱥᱮᱞᱮᱫ ᱞᱮᱱᱟᱭ ᱾^[᱗] ᱟᱨ ᱯᱟᱨᱥᱮᱛ ᱚᱠᱛᱚ ᱨᱮ ᱦᱩᱭ ᱟᱠᱟᱱ ᱞᱟᱹᱲᱦᱟᱹᱭ ᱨᱮ ᱯᱟᱠᱤᱥᱛᱟᱱ ᱠᱷᱚᱱ ᱥᱤᱧᱚᱛ ᱨᱮ ᱥᱤᱱᱫᱷᱤ ᱦᱚᱲ ᱠᱚ ᱩᱪᱷᱟᱹᱱ ᱨᱮ ᱜᱚᱲᱚ ᱮ ᱮᱢ ᱞᱮᱫᱼᱟ ᱾ ᱩᱱᱤ ᱫᱚ ᱑᱙᱖᱕ ᱨᱮ ᱤᱱᱴᱚᱨᱱᱮᱥᱱᱟᱞ ᱥᱳᱥᱟᱭᱴᱤ ᱯᱷᱚᱨ ᱠᱨᱤᱥᱱᱟ ᱠᱚᱱᱥᱤᱭᱩᱥᱱᱮᱥ (ISKCON) ᱨᱤᱱᱤᱡ ᱯᱨᱚᱫᱷᱟᱱᱢᱚᱱᱛᱨᱤ ᱮ. ᱥᱤ. ᱵᱷᱚᱠᱛᱤᱭᱚᱵᱮᱫᱟᱱᱛ ᱥᱣᱟᱢᱤ ᱯᱨᱚᱵᱷᱩᱯᱚᱫᱟᱜ ᱟᱢᱮᱨᱤᱠᱟ ᱥᱮᱱᱚᱜ ᱞᱟᱹᱜᱤᱫ ᱦᱚᱸ ᱵᱮᱵᱚᱥᱛᱟ ᱞᱮᱫᱟᱭ ᱾^[᱘]

ᱥᱤᱱᱫᱤᱭᱟ ᱥᱴᱮᱢ ᱱᱟᱵᱤᱜᱮᱥᱚᱱ ᱠᱚᱢᱯᱟᱹᱱᱤ

ᱢᱳᱨᱟᱨᱡᱤ ᱫᱚ ᱑᱙᱒᱓ ᱥᱟᱞᱮ ᱑᱔ ᱥᱮᱨᱢᱟ ᱩᱢᱮᱨ ᱠᱟᱛᱮ ᱠᱚᱢᱯᱟᱹᱱᱤ ᱨᱤᱱᱤᱡ ᱢᱮᱱᱮᱡᱤᱝ ᱮᱡᱮᱱᱥᱤ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱞᱟᱦᱟ ᱠᱷᱚᱱ ᱜᱮ ᱵᱳᱨᱰ ᱚᱯᱷ ᱰᱟᱭᱨᱮᱠᱴᱚᱨ ᱨᱮ ᱛᱟᱦᱮᱸ ᱠᱟᱱᱟᱭ, ᱟᱨ ᱥᱤᱯᱤᱝ ᱵᱮᱯᱟᱨ ᱨᱮ ᱩᱱᱤᱭᱟᱜ ᱫᱟᱲᱮ ᱫᱚ ᱟᱭᱢᱟ ᱥᱮᱨᱢᱟ ᱛᱟᱭᱚᱢ ᱩᱛᱱᱟᱹᱣ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱑᱙᱕᱖, ᱑᱙᱕᱗, ᱟᱨ ᱑᱙᱖᱕ ᱨᱮ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱥᱴᱤᱢᱥᱤᱯ ᱢᱟᱹᱞᱤᱠ ᱮᱥᱚᱥᱤᱭᱟᱥ ᱨᱮ ᱵᱟᱪᱷᱟᱣ ᱞᱮᱱᱟᱭ ᱾ ᱩᱱᱤᱭᱟᱜ ᱜᱟᱞᱚᱪ ᱛᱮ ᱠᱚᱢᱯᱟᱹᱱᱤ ᱫᱚ ᱔᱓ ᱜᱚᱴᱟᱝ ᱡᱟᱦᱟᱡᱽ ᱛᱮᱭᱟᱨ ᱞᱮᱫᱟ, ᱡᱟᱦᱟᱸ ᱨᱮᱭᱟᱜ ᱜᱩᱴ ᱰᱮᱰ ᱣᱮᱴ ᱫᱚ ᱕᱕᱐,᱐᱐᱐ ᱴᱚᱱ ᱛᱟᱦᱮᱸ ᱠᱟᱱᱟ ᱾^[᱙] ᱩᱱᱤ ᱫᱚ ᱱᱚᱨᱳᱛᱚᱢ ᱢᱳᱨᱟᱨᱡᱤ ᱤᱱᱥᱴᱤᱴᱭᱩᱴ ᱚᱯᱷ ᱥᱤᱯᱤᱝ ᱨᱤᱱᱤᱡ ᱪᱮᱭᱟᱨᱯᱟᱨᱥᱚᱱ ᱦᱚᱸ ᱛᱟᱦᱮᱸ ᱠᱟᱱᱟᱭ ᱟᱨ ᱑᱙᱗᱐ ᱥᱟᱞ ᱨᱮ ᱫᱷᱟᱹᱨᱛᱤ ᱥᱤᱯᱤᱝ ᱯᱷᱮᱰᱮᱨᱮᱥᱚᱱ, ᱞᱚᱱᱰᱚᱱ ᱨᱮ ᱩᱯ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱵᱟᱪᱷᱟᱣ ᱞᱮᱱᱟᱭ ᱾

᱑᱙᱗᱙ ᱠᱷᱚᱱ ᱑᱙᱘᱗ ᱫᱷᱟᱹᱨᱤᱡ ᱩᱱᱤ ᱫᱚ ᱠᱚᱢᱯᱟᱹᱱᱤ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ, ᱡᱚᱠᱷᱚᱱ ᱥᱚᱨᱠᱟᱨ ᱥᱤᱱᱫᱷᱤᱭᱟ ᱥᱴᱤᱢ ᱱᱮᱵᱤᱜᱮᱥᱚᱱ ᱮ ᱦᱟᱛᱟᱣ ᱠᱮᱫᱼᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱑᱙᱙᱒ ᱥᱮᱨᱢᱟ ᱫᱷᱟᱹᱨᱤᱡ ᱠᱚᱢᱯᱟᱹᱱᱤ ᱨᱤᱱᱤᱡ ᱢᱟᱱᱚᱛᱟᱱ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱾

ᱜᱩᱨ

᱒᱗ ᱡᱩᱱ ᱑᱙᱙᱘ ᱥᱟᱞᱮ ᱨᱮ ᱘᱙ ᱵᱚᱪᱷᱚᱨ ᱩᱢᱮᱨ ᱨᱮ ᱩᱱᱤ ᱫᱚ ᱠᱟᱨᱰᱤᱭᱟᱠ ᱮᱨᱮᱥᱴ ᱠᱷᱟᱹᱛᱤᱨ ᱛᱮᱭ ᱜᱩᱨ ᱞᱮᱱᱟ ᱾

“

ᱱᱚᱣᱟ ᱫᱚ ᱥᱟᱹᱨᱤ ᱵᱮᱯᱟᱨ ᱞᱟᱹᱜᱤᱫ ᱫᱚ ᱵᱟᱝ ᱠᱟᱱᱟ ᱡᱮ ᱟᱵᱚ ᱛᱮᱦᱮᱧ ᱥᱤᱯᱤᱝ ᱨᱮ ᱢᱚᱱᱮ ᱵᱚᱱ ᱢᱮᱱᱮᱫᱟ ᱾ ᱟᱞᱮ ᱫᱚ ᱠᱷᱚᱡᱚᱜ ᱠᱟᱱᱟ ᱟᱞᱮ ᱨᱤᱱ ᱦᱚᱲ ᱵᱟᱦᱨᱮ ᱫᱤᱥᱚᱢ ᱠᱚ ᱪᱟᱞᱟᱜ ᱢᱟ ᱟᱨ ᱵᱟᱦᱨᱮ ᱫᱤᱥᱚᱢ ᱦᱚᱲ ᱠᱚ ᱟᱞᱮᱭᱟᱜ ᱢᱟᱨᱮ ᱫᱤᱥᱚᱢ ᱠᱚ ᱧᱮᱞ ᱢᱟ ᱾ ᱵᱟᱦᱨᱮ ᱫᱤᱥᱚᱢ ᱛᱮ ᱥᱚᱨᱮᱥ ᱡᱤᱱᱤᱥ ᱟᱲᱟᱜ ᱫᱚ ᱥᱤᱧᱚᱛ ᱨᱮᱱᱟᱜ ᱥᱮᱨᱣᱟ ᱠᱟᱱᱟ ᱾ ᱟᱞᱮ ᱥᱟᱭ ᱥᱟᱭ ᱥᱮᱨᱢᱟ ᱠᱷᱚᱱ ᱵᱮᱯᱟᱨ ᱡᱤᱱᱤᱥ ᱨᱮ ᱵᱮᱯᱟᱨ ᱞᱮ ᱠᱚᱨᱟᱣ ᱞᱮᱫᱟ, ᱢᱮᱱᱠᱷᱟᱱ ᱟᱞᱮᱭᱟᱜ ᱡᱚᱛᱚ ᱠᱷᱚᱱ ᱫᱟᱢᱟᱱ ᱡᱤᱱᱤᱥ ᱫᱚ ᱥᱟᱱᱟᱢ ᱵᱚᱭᱦᱟ ᱟᱨ ᱜᱟᱹᱦᱤᱨ ᱟᱫᱷᱭᱟᱱ ᱨᱮᱭᱟᱜ ᱵᱤᱪᱟᱹᱨ ᱠᱟᱱᱟ ᱾ . . . ᱥᱟᱱᱟᱢ ᱠᱚ ᱞᱟᱹᱜᱤᱫ ᱱᱚᱝᱠᱟᱱ ᱪᱮᱛᱟᱱ ᱥᱟᱹᱜᱩᱱ ᱢᱚᱱᱮ ᱨᱮᱭᱟᱜ ᱟᱵᱚᱣᱟᱜ ᱥᱮᱨᱣᱟ ᱫᱚ ᱥᱟᱨᱟ ᱜᱷᱟᱹᱲᱤᱡ ᱞᱮᱛᱟᱲ ᱢᱮᱱᱟᱜᱼᱟ ᱾

”

— ᱥᱩᱢᱚᱛᱤ ᱢᱳᱨᱟᱨᱡᱤ

ᱥᱟᱹᱠᱷᱭᱟᱹᱛ

↑ Satyaraja Dasa. "Passage from India: Sumati Morarjee and Prabhupada's Journey West | Back to Godhead". Btg.krishna.com. Archived from the original on 2013-11-04. Retrieved 2012-07-09.
↑ Manabendra Nath Roy (1999). The Radical Humanist. Maniben Kara. p. 38. Retrieved 22 March 2016.
↑ Fairplay. Fairplay Publications Limited. June 1998. p. 62. Retrieved 22 March 2016.
↑ "Sumati Morarjee, mother of Indian shipping, dies at 91". 29 June 1998. Retrieved 21 June 2012.
↑ Ministry of Communications and Information Technology. "List of Padma Vibhushan Awardees". Retrieved 21 June 2012.
↑ "Excerpts - Prem Rawat's Divine Incarnation Explanatio". NY Times. 8 April 1973. Retrieved 21 June 2012.
↑ "Gandhi: a photographic exhibition". nZine.co.nz. 2002-09-27. Archived from the original on 2013-02-18. Retrieved 21 June 2012.
↑ "How Sumati Morarji Fulfilled Her Father-in-law's Promise". www.radha.name. Retrieved 2025-05-20.
↑ "SHIPPING BOSS TO OPEN NEW SERVICE". The Straits Times. 22 November 1971. p. 8. Retrieved 21 June 2012.

ᱵᱟᱦᱨᱮ ᱡᱚᱱᱚᱲ

ᱢᱳᱨᱟᱨᱡᱤ ᱴᱷᱮᱱ ᱯᱨᱚᱵᱷᱩᱯᱚᱫᱟ ᱨᱮᱱᱟᱜ ᱚᱞ ᱠᱚ Archived ᱒᱐᱑᱗-᱐᱙-᱑᱕ at the Wayback Machine.
ᱥᱴᱨᱮᱴᱥ ᱴᱟᱭᱤᱢᱥ ᱠᱷᱚᱵᱚᱨᱠᱟᱜᱚᱡᱽ - ᱰᱤᱡᱤᱴᱟᱭᱤᱡᱽᱰ ᱠᱷᱚᱵᱚᱨᱠᱟᱜᱚᱡᱽ ᱟᱨᱠᱟᱭᱤᱵᱷ ᱨᱮ
"ᱯᱚᱫᱽᱢᱚ ᱥᱤᱨᱯᱷᱟᱹ ᱰᱟᱭᱨᱮᱠᱴᱚᱨᱤ (᱑᱙᱕᱔ - ᱒᱐᱐᱗) " ᱾ ᱚᱲᱟᱜ ᱠᱟᱹᱢᱤ ᱢᱟᱱᱛᱨᱟᱞᱟᱭ (ᱥᱤᱧᱚᱛ)

[1] Satyaraja Dasa. "Passage from India: Sumati Morarjee and Prabhupada's Journey West | Back to Godhead". Btg.krishna.com. Archived from the original on 2013-11-04. Retrieved 2012-07-09.

[Roy1999-2] Manabendra Nath Roy (1999). The Radical Humanist. Maniben Kara. p. 38. Retrieved 22 March 2016.

[3] Fairplay. Fairplay Publications Limited. June 1998. p. 62. Retrieved 22 March 2016.

[4] "Sumati Morarjee, mother of Indian shipping, dies at 91". 29 June 1998. Retrieved 21 June 2012.

[5] Ministry of Communications and Information Technology. "List of Padma Vibhushan Awardees". Retrieved 21 June 2012.

[6] "Excerpts - Prem Rawat's Divine Incarnation Explanatio". NY Times. 8 April 1973. Retrieved 21 June 2012.

[7] "Gandhi: a photographic exhibition". nZine.co.nz. 2002-09-27. Archived from the original on 2013-02-18. Retrieved 21 June 2012.

[8] "How Sumati Morarji Fulfilled Her Father-in-law's Promise". www.radha.name. Retrieved 2025-05-20.

[9] "SHIPPING BOSS TO OPEN NEW SERVICE". The Straits Times. 22 November 1971. p. 8. Retrieved 21 June 2012.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]