ᱥᱩᱢᱤᱛᱨᱟ ᱫᱮᱵᱤ
| ᱥᱩᱢᱤᱛᱨᱚ ᱫᱮᱵᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱱᱤᱞᱤᱢᱟ Chattopadhyay[᱑] ᱒᱒ ᱡᱩᱞᱟᱭ ᱑᱙᱒᱓[᱑][᱒] |
| ᱜᱩᱨ | ᱒᱘ ᱚᱜᱚᱥᱴ ᱑᱙᱙᱐ (ᱩᱢᱮᱨ ᱖᱗ ᱥᱮᱨᱢᱟ)
[᱑] ᱢᱩᱢᱵᱟᱭ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 1944–1964 1974–1977 |
| ᱡᱩᱜᱽ | 1940s 1950s |
| ᱡᱤᱭᱚᱱ ᱥᱚᱦᱮᱫ | ᱫᱮᱵᱤ ᱢᱩᱠᱷᱟᱨᱡᱤ[᱑] |
ᱥᱩᱢᱤᱛᱨᱟ ᱫᱮᱵᱤ (᱒᱒ ᱡᱩᱞᱟᱭ ᱑᱙᱒᱓ ᱼ ᱒᱘ ᱚᱜᱚᱥᱴ ᱑᱙᱙᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱔᱐ ᱟᱨ ᱑᱙᱕᱐ ᱨᱮ ᱦᱤᱱᱫᱤ ᱟᱨ ᱵᱟᱝᱞᱟ ᱥᱤᱱᱮᱢᱟ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾[᱓][᱔] ᱑᱙᱕᱒ ᱥᱟᱞ ᱨᱮ ᱫᱟᱫᱟ ᱜᱚᱱᱡᱚᱞ ᱟᱜ ᱦᱤᱱᱫᱤ ᱯᱷᱤᱞᱢ ᱢᱟᱢᱛᱟ ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱛᱮ ᱩᱱᱤᱭᱟᱜ ᱧᱩᱛᱩᱢ ᱫᱚ ᱵᱟᱰᱟᱭᱚᱜ ᱠᱟᱱᱟ ᱾ ᱩᱱᱤ ᱫᱚ ᱵᱟᱨ ᱫᱷᱟᱣ BFJA Award for Best Actress ᱥᱤᱨᱯᱷᱟᱹᱭ ᱟᱢᱮᱴ ᱟᱠᱟᱫ-ᱟ ᱾ ᱩᱱᱤ ᱫᱚ ᱟᱡᱟᱜ ᱚᱠᱛᱚ ᱨᱮᱭᱟᱜ ᱢᱤᱫ ᱧᱩᱛᱩᱢᱟᱱ ᱠᱩᱲᱤ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱯᱨᱚᱫᱤᱯ ᱠᱩᱢᱟᱨ ᱟᱨ ᱩᱛᱛᱚᱢ ᱠᱩᱢᱟᱨ ᱞᱮᱠᱟᱱ ᱵᱷᱮᱴᱮᱨᱟᱱ ᱠᱚ ᱫᱚ ᱩᱱᱤ ᱫᱚ ᱟᱡᱟᱜ ᱚᱠᱛᱚ ᱨᱮᱭᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱠᱩᱲᱤ ᱦᱚᱯᱚᱱ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾[᱕][᱖]
᱑᱙᱔᱓ ᱥᱟᱞᱮ ᱨᱮ ᱱᱤᱭᱩ ᱛᱷᱤᱭᱮᱴᱚᱨᱥ ᱚᱯᱷᱤᱥ ᱨᱮ ᱤᱱᱴᱟᱨᱵᱷᱤᱭᱩ ᱟᱨ ᱞᱩᱠ ᱴᱮᱥᱴ ᱞᱟᱹᱜᱤᱫ ᱠᱚ ᱵᱷᱮᱡᱟ ᱠᱮᱫᱮᱭᱟ ᱟᱨ ᱢᱩᱪᱟᱹᱫ ᱨᱮ ᱠᱟ. ᱮᱞ. ᱦᱮᱢᱪᱚᱱᱫᱚᱨ ᱪᱚᱱᱫᱚᱨᱟᱜ ᱢᱮᱨᱤ ᱵᱟᱦᱮᱱ (᱑᱙᱔᱔) ᱨᱮ ᱥᱟᱭᱜᱚᱞ ᱱᱚᱶᱟ ᱯᱷᱤᱞᱢ ᱵᱮᱱᱟᱣ ᱚᱠᱛᱚ ᱨᱮ ᱩᱱᱤ ᱫᱚ ᱟᱯᱩᱨᱵᱟ ᱢᱤᱛᱨᱚᱣᱟᱜ ᱵᱟᱸᱜᱽᱞᱟ ᱯᱷᱤᱞᱢ ᱥᱟᱱᱫᱷᱤ (᱑᱙᱔᱔) ᱨᱮ ᱢᱩᱬᱩᱛ ᱨᱳᱞ ᱮ ᱮᱱᱮᱡ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱯᱷᱤᱞᱢ ᱫᱚ ᱟᱹᱰᱤ ᱢᱟᱨᱟᱝ ᱩᱯᱨᱩᱢ ᱮ ᱧᱟᱢ ᱞᱮᱫᱼᱟ ᱟᱨ ᱑᱙᱔᱕ ᱥᱟᱞᱮ ᱨᱮ BFJA Award for Best Actress ᱮ ᱟᱢᱮᱴ ᱞᱮᱫᱼᱟ ᱾ ᱑᱙᱔᱐ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱵᱚᱞᱤᱣᱩᱰ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱟᱠᱴᱨᱮᱥ ᱞᱮᱠᱟᱛᱮ ᱟᱡᱟᱜ ᱴᱷᱟᱶ ᱮ ᱦᱟᱢᱮᱴ ᱞᱮᱫ-ᱟ ᱾ ᱩᱱᱤ ᱫᱚ ᱵᱚᱥᱤᱭᱚᱛᱱᱟᱢᱟ (᱑᱙᱔᱕), ᱵᱷᱟᱭ ᱫᱩᱡᱽ (᱑᱙᱔᱗), ᱳᱱᱪ ᱱᱤᱪ (᱑᱙᱔᱘) ᱟᱨ ᱵᱤᱡᱚᱭ ᱭᱟᱛᱨᱟ (᱑᱙᱔᱘) ᱮᱢᱟᱱ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫ-ᱟ ᱾ ᱩᱱᱤ ᱫᱚ ᱜᱚᱱᱡᱚᱞ ᱟᱜ ᱢᱟᱢᱛᱟ (᱑᱙᱕᱒) ᱨᱮ ᱢᱤᱫ ᱥᱚᱞᱤ ᱢᱟᱢᱮ ᱞᱮᱠᱟᱛᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱛᱮ ᱠᱚ ᱥᱟᱨᱦᱟᱣ ᱞᱮᱫᱮᱭᱟ ᱾ ᱯᱷᱤᱞᱢᱡᱟᱠ ᱫᱚᱭ ᱚᱞ ᱟᱠᱟᱫᱟ, " ᱩᱱᱤ ᱫᱚ ᱟᱡᱟᱜ ᱡᱚᱛᱚ ᱪᱮᱛᱟᱱ ᱥᱤᱠᱷᱱᱟᱹᱛ ᱜᱮ ᱟᱡᱟᱜ ᱨᱳᱞ ᱨᱮ ᱡᱤᱣᱤ ᱮᱢ ᱞᱟᱹᱜᱤᱫ ᱛᱮᱭ ᱵᱮᱵᱦᱟᱨ ᱞᱮᱫᱟ ᱾ ᱟᱡᱟᱜ ᱥᱩᱥᱟᱹᱨ, ᱟᱡᱟᱜ ᱟᱥᱚᱞ, ᱟᱡᱟᱜ ᱜᱚᱡ ᱟᱨ ᱡᱚᱛᱚ ᱡᱤᱱᱤᱥ ᱜᱮ ᱢᱤᱫᱴᱟᱹᱝ ᱨᱮᱭ ᱥᱮᱞᱮᱫ ᱞᱮᱱᱟ ᱾" ᱑᱙᱕᱒ ᱨᱮ ᱫᱤᱣᱟᱱ, ᱑᱙᱕᱒ ᱨᱮ ᱜᱷᱩᱝᱨᱩ, ᱑᱙᱕᱔ ᱨᱮ ᱢᱚᱭᱩᱨᱯᱚᱸᱠᱷ, ᱑᱙᱕᱔ ᱨᱮ ᱪᱳᱨ ᱵᱟᱡᱟᱨ, ᱑᱙᱕᱔ ᱨᱮ ᱨᱟᱡᱽ ᱭᱚᱜᱤ ᱵᱷᱟᱨᱚᱛᱨᱤ ᱟᱨ ᱑᱙᱕᱖ ᱨᱮ ᱡᱚᱜᱽᱛᱮ ᱨᱚᱦᱳ ᱮᱢᱟᱱ ᱯᱷᱤᱞᱢ ᱨᱮ ᱠᱟ.ᱢᱤ ᱞᱟᱹᱜᱤᱫ ᱛᱮ ᱩᱱᱤᱭᱟᱜ ᱧᱩᱛᱩᱢ ᱫᱚ ᱵᱟᱰᱟᱭ ᱞᱮᱱᱟ ।
ᱩᱱᱤ ᱫᱚ ᱟᱡᱟᱜ ᱠᱮᱨᱤᱭᱚᱨ ᱵᱟᱸᱜᱽᱞᱟ ᱥᱤᱱᱮᱢᱟ ᱨᱮ ᱚᱵᱷᱤ ᱡᱳᱜᱽ (᱑᱙᱔᱗), ᱯᱟᱛᱷᱚᱨ ᱫᱟᱵᱤ (᱑᱙᱔᱗), ᱯᱨᱚᱛᱤᱵᱟᱫᱽ (᱑᱙᱔᱘), ᱡᱚᱭᱡᱚᱛᱨᱟ (᱑᱙᱔᱘), ᱥᱣᱟᱢᱤ (᱑᱙᱔᱙), ᱫᱮᱵᱤ ᱪᱚᱣᱫᱷᱩᱨᱟᱱᱤ (᱑᱙᱔᱙), ᱥᱚᱢᱟᱨ (᱑᱙᱕᱐), ᱫᱟᱥᱭᱩ ᱢᱳᱦᱚᱱ (᱑᱙᱕᱕) ᱮᱢᱟᱱ ᱯᱷᱤᱞᱢ ᱠᱚᱨᱮ ᱦᱚᱸᱭ ᱥᱮᱞᱮᱫ ᱞᱮᱱᱟ ᱾ ᱠᱟᱨᱛᱤᱠ ᱪᱚᱴᱴᱳᱯᱟᱫᱷᱭᱟᱭ ᱟᱜ ᱠᱩᱞᱴ ᱠᱞᱟᱥᱤᱠᱟᱞ ᱥᱟᱦᱮᱵᱽ ᱵᱤᱵᱤ ᱜᱳᱞᱟᱢ (᱑᱙᱕᱖) ᱨᱮ ᱢᱤᱫ ᱚᱛᱱᱚᱜ ᱟᱜ ᱠᱩᱲᱤ ᱞᱮᱠᱟᱛᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱛᱮ ᱩᱱᱤᱭᱟᱜ ᱟᱭᱢᱟ ᱥᱟᱨᱦᱟᱣ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱤᱢᱚᱞ ᱢᱤᱛᱨᱟ ᱟᱜ ᱠᱞᱟᱥᱤᱠᱟᱞ ᱚᱱᱚᱬᱦᱮ ᱨᱮᱱᱟᱜ ᱟᱰᱟᱴᱮᱥᱚᱱ ᱠᱟᱱᱟ ᱾ ᱦᱚᱨᱤᱫᱟᱥ ᱵᱷᱟᱴᱟᱪᱟᱨᱭᱚ ᱟᱜ ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ ᱡᱤᱛᱠᱟᱹᱨ ᱟᱠᱟᱱ ᱵᱟᱸᱜᱽᱞᱟ ᱯᱷᱤᱞᱢ ᱟᱱᱫᱷᱮᱨ ᱟᱞᱳ (᱑᱙᱕᱗) ᱨᱮ ᱵᱤᱡᱽᱞᱤ ᱧᱩᱛᱩᱢᱟᱱ ᱢᱤᱫ ᱠᱩᱲᱤ ᱜᱤᱫᱽᱨᱟ. ᱞᱮᱠᱟᱛᱮ ᱟᱡᱟᱜ ᱩᱫᱩᱜ ᱫᱚ ᱟᱹᱰᱤ ᱱᱟᱯᱟᱭ ᱥᱟᱨᱦᱟᱣ ᱧᱟᱢ ᱞᱮᱫᱼᱟ ᱾ ᱑᱙᱕᱖ ᱨᱮ ᱮᱠᱫᱤᱱ ᱨᱚᱛᱨᱮ (Ekdin Ratre), ᱑᱙᱕᱗ ᱨᱮ ᱱᱤᱞᱟᱪᱚᱞᱮᱭ ᱢᱚᱦᱟᱯᱨᱚᱵᱷᱩ (Nilachaley Mahaprabhu), ᱑᱙᱕᱘ ᱨᱮ ᱡᱳᱛᱩᱠ (Joutuk) ᱟᱨ ᱑᱙᱖᱔ ᱨᱮ ᱠᱤᱱᱩ ᱜᱳᱣᱟᱞᱟᱨ ᱜᱚᱞᱤ (Kinu Gowalar Gali) ᱮᱢᱟᱱ ᱵᱟᱸᱜᱽᱞᱟ ᱯᱷᱤᱞᱢ ᱠᱚᱨᱮ ᱠᱟ.ᱢᱤ ᱠᱟ.ᱛᱮ ᱥᱟᱨᱦᱟᱣ ᱮ ᱧᱟᱢ ᱞᱮᱫᱟ । ᱑᱙᱕᱐ ᱥᱮᱨᱢᱟ ᱢᱩᱪᱟᱹᱫ ᱨᱮ, ᱩᱱᱤ ᱫᱚ ᱥᱤᱧᱚᱛ ᱠᱷᱚᱱ ᱢᱤᱫ ᱰᱮᱞᱤᱜᱮᱴ ᱞᱮᱠᱟᱛᱮ ᱪᱤᱱ ᱨᱮ ᱮᱥᱤᱭᱟᱱ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱠᱚ ᱧᱩᱢ ᱞᱮᱫᱮᱭᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱢᱤᱛᱨᱟ ᱫᱮᱵᱤ ᱫᱚ ᱑᱙᱒᱓ ᱥᱟᱞᱮ ᱨᱮ ᱵᱤᱨᱵᱷᱩᱢ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱥᱤᱣᱩᱨᱤ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱱᱤᱭᱟ. ᱫᱚ ᱱᱤᱞᱤᱢᱟ ᱪᱚᱴᱴᱳᱯᱟᱫᱷᱭᱟᱭ (Nilima Chattopadhyay) ᱧᱩᱛᱩᱢ ᱛᱮᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱢᱩᱨᱟᱞᱤ ᱪᱚᱴᱴᱳᱯᱟᱫᱷᱭᱟᱭ ᱫᱚ ᱢᱤᱫ ᱣᱟᱠᱤᱞ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱨᱚᱬᱡᱤᱛ ᱪᱚᱴᱴᱳᱯᱟᱫᱷᱭᱟᱭ ᱛᱟᱦᱮᱸ ᱠᱟᱱᱟ ᱾[᱑] ᱢᱩᱡᱚᱯᱷᱚᱨᱯᱩᱨ, ᱵᱤᱦᱟᱨ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱢᱩᱡᱚᱯᱷᱚᱨᱯᱩᱨ ᱨᱮ ᱟᱡᱟᱜ ᱚᱲᱟᱜ ᱟᱨ ᱮᱥᱴᱮᱴ ᱢᱤᱫ ᱢᱟᱨᱟᱝ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱠᱷᱟᱹᱛᱤᱨ ᱵᱚᱫᱚᱞ ᱮᱱ ᱛᱟᱭᱚᱢ ᱟᱡᱟᱜ ᱜᱷᱟᱨᱚᱸᱡᱽ ᱠᱚᱞᱠᱟᱛᱟ ᱨᱮᱭ ᱦᱮᱡ ᱞᱮᱱᱟ ᱾[᱑]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 4 5 6 "Sumitra Devi – Interview (1952)". cineplot.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-02-02.
- ↑ "Sumitra Devi". Friday Moviez. Archived from the original on 24 August 2019. Retrieved 2018-08-24.
- ↑ "Sumitra Devi movies, filmography, biography and songs - Cinestaan.com". Cinestaan. Archived from the original on 15 February 2018. Retrieved 2018-02-14.
- ↑ lyricstashan.com. "Best Sumitra Devi song lyrics collection - LyricsTashan". lyricstashan.com. Archived from the original on 2018-01-15. Retrieved 2018-01-15.
- ↑ "GoldenFrames: Sumitra Devi, the queen bee of Bengali cinema". photogallery.indiatimes.com. Retrieved 15 October 2021.
- ↑ "Sumitra Devi – The sedative and gorgeous Indian actress of 1940s to 1960s". My Words & Thoughts (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2019-06-18. Archived from the original on 2020-06-16. Retrieved 2019-07-23.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱥᱩᱢᱤᱛᱨᱟ ᱫᱮᱵᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱥᱩᱢᱤᱛᱨᱟ ᱫᱮᱵᱤ ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ
- Sumitra Devi on Facebook