ᱥᱩᱢᱮᱨᱟ ᱡᱟᱨᱤᱱ
ᱥᱩᱢᱮᱨᱟ ᱡᱟᱨᱤᱱ (ᱥᱤᱱᱫᱷᱤ: ثميره زرين ) (ᱯᱷᱮᱵᱨᱩᱣᱟᱨᱤ ᱑᱙᱔᱔ - ᱑᱓ ᱚᱜᱚᱥᱴ ᱑᱙᱗᱗) ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱥᱤᱱᱫᱷ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱠᱟᱹᱦᱱᱤ ᱚᱞᱤᱭᱟᱹ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱤᱱᱫᱷᱤ ᱥᱟᱶᱦᱮᱫ ᱨᱤᱱᱤᱡ ᱮᱛᱚᱦᱚᱵᱤᱭᱟᱹ ᱛᱤᱨᱞᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱟᱭᱢᱟ ᱚᱠᱛᱚ ᱨᱮ ᱥᱤᱱᱫᱷᱤ ᱥᱟᱶᱦᱮᱫ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱞᱮᱠᱟᱛᱮ ᱦᱚᱸᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱱᱟ᱾ ᱩᱱᱤᱭᱟᱜ ᱵᱟᱨᱭᱟ ᱠᱟᱹᱦᱱᱤ ᱠᱚᱣᱟᱜ ᱥᱟᱸᱜᱽᱨᱚᱦ ᱦᱚᱸ ᱩᱪᱷᱟᱹᱱ ᱟᱠᱟᱱᱟ᱾
ᱜᱤᱫᱽᱨᱟᱹ ᱚᱠᱛᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱢᱮᱨᱟ ᱡᱟᱨᱤᱱ ᱫᱚ ᱒᱒ ᱯᱷᱮᱵᱨᱩᱣᱟᱨᱤ ᱑᱙᱔᱔ ᱥᱟᱞᱮᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱥᱤᱱᱫᱷ ᱨᱮ ᱥᱤᱠᱟᱨᱯᱩᱨ ᱨᱮ ᱢᱤᱫ ᱥᱟᱶᱦᱮᱫ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾[᱑] ᱟᱡᱟᱜ ᱟᱥᱚᱞ ᱧᱩᱛᱩᱢ ᱫᱚ ᱥᱟᱠᱤᱱᱟ ᱟᱤᱣᱟᱱ ᱛᱟᱦᱮᱸ ᱠᱟᱱᱟ᱾ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱢᱩᱦᱚᱢᱢᱚᱫᱽ ᱟᱡᱟᱢ ᱟᱤᱣᱟᱱ ᱛᱟᱦᱮᱸ ᱠᱟᱱᱟ᱾ ᱟᱡ ᱦᱟᱲᱟᱢ ᱵᱟ ᱢᱩᱦᱚᱢᱢᱚᱫᱽ ᱟᱨᱤᱯᱷ ᱟᱤᱣᱟᱱ ᱫᱚ ᱩᱱ ᱚᱠᱛᱚ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱮ ᱛᱟᱦᱮᱸ ᱠᱟᱱᱟ᱾[᱒]
ᱥᱟᱶᱦᱮᱫ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱒ ᱥᱮ ᱑᱓ ᱥᱮᱨᱢᱟ ᱩᱢᱮᱨ ᱨᱮ ᱠᱟᱹᱦᱱᱤ ᱚᱞ ᱮ ᱮᱛᱚᱦᱚᱵ ᱠᱮᱫᱟ᱾ ᱟᱡᱟᱜ ᱯᱩᱭᱞᱩ ᱠᱟᱹᱦᱱᱤ ᱧᱩᱛᱩᱢᱟᱱ ᱥᱤᱱᱫᱷᱤ ᱢᱮᱜᱟᱡᱤᱱ ᱱᱟᱭᱤᱱ ᱡᱤᱱᱫᱚᱜᱤ (ᱱᱟᱣᱟ ᱡᱤᱭᱚᱱ) ᱨᱮ ᱩᱪᱷᱟᱹᱱ ᱞᱮᱱᱟ᱾ ᱩᱱᱤ ᱫᱚ ᱦᱤᱞᱟᱞᱼᱮᱼᱯᱟᱠᱤᱥᱛᱟᱱ ᱨᱤᱱ ᱫᱤᱱᱟᱹᱢ ᱜᱮ ᱛᱤᱨᱞᱟᱹ ᱠᱚᱣᱟᱜ ᱥᱟᱦᱴᱟ ᱨᱤᱱᱤᱡ ᱤᱱᱼᱪᱟᱨᱡᱽ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱜᱨᱮᱡᱩᱣᱮᱥᱚᱱ ᱛᱟᱭᱚᱢ ᱩᱱᱤ ᱫᱚ ᱤᱱᱥᱴᱤᱴᱭᱩᱴ ᱚᱯᱷ ᱥᱤᱱᱫᱷᱳᱞᱳᱡᱤ ᱨᱮ ᱢᱤᱫ ᱨᱤᱥᱚᱨᱪ ᱯᱷᱮᱞᱳ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱑᱙᱔᱗ ᱠᱷᱚᱱ ᱑᱙᱖᱐ ᱫᱷᱟᱹᱵᱤᱡ ᱱᱟᱭᱤᱱ ᱡᱤᱱᱫᱚᱜᱤ ᱢᱮᱜᱟᱡᱤᱱ ᱨᱮᱱᱟᱜ ᱠᱟᱹᱦᱱᱤ ᱠᱚ ᱥᱟᱯᱲᱟᱣ ᱠᱟᱛᱮ ᱩᱪᱷᱟᱹᱱ ᱠᱮᱫᱟ᱾ ᱥᱟᱸᱜᱽᱨᱚᱦ ᱨᱮᱱᱟᱜ ᱧᱩᱛᱩᱢ ᱫᱚ ᱢᱮᱦᱨᱟᱱ ᱡᱩᱱ ᱪᱷᱳᱞᱤᱭᱩᱱ (ᱥᱤᱱᱫᱷᱩ ᱨᱮ ᱛᱚᱨᱚᱝ) ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱫᱚ ᱑᱙᱖᱒ ᱥᱟᱞᱮᱨᱮ ᱩᱪᱷᱟᱹᱱ ᱞᱮᱱᱟ᱾ ᱑᱙᱗᱐ ᱥᱟᱞᱮᱨᱮ ᱟᱡᱟᱜ ᱠᱟᱹᱦᱱᱤ ᱥᱟᱸᱜᱽᱨᱚᱦ ᱜᱤᱛ ᱩᱡᱟᱭᱟᱞ ᱢᱚᱨᱮ ᱡᱟ (ᱛᱤᱨᱮᱥᱱᱟ ᱢᱚᱭᱩᱨ ᱨᱮᱱᱟᱜ ᱥᱮᱨᱮᱧ) ᱢᱟᱞᱤᱨ ᱟᱫᱟᱵᱤ ᱮᱠᱮᱰᱮᱢᱤ ᱦᱟᱭᱫᱨᱟᱵᱟᱫᱽ ᱦᱚᱛᱮᱛᱮ ᱩᱪᱷᱟᱹᱱ ᱞᱮᱱᱟ᱾ ᱩᱱᱤᱭᱟᱜ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱠᱟᱹᱦᱱᱤ ᱥᱟᱸᱜᱽᱨᱚᱦ ᱫᱚ ᱩᱱᱤ ᱜᱩᱨ ᱛᱟᱭᱚᱢ ᱩᱪᱷᱟᱹᱱ ᱦᱩᱭ ᱞᱮᱱᱟ:
- ᱟᱣᱩᱱ ᱩᱦᱟᱭ ᱢᱟᱨᱵᱷᱤ (ᱤᱧ ᱫᱚ ᱚᱱᱟ ᱢᱟᱨᱵᱷᱤ ᱜᱮ ᱠᱟᱹᱱᱟᱹᱧ)
- ᱨᱳᱥᱟᱱ ᱪᱷᱟᱸᱣᱨᱳ (ᱵᱟᱨᱟᱝ ᱥᱟᱠᱷᱟ)
ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱱᱟᱥᱤᱨ ᱢᱤᱨᱡᱟ ᱫᱚ ᱟᱡᱟᱜ ᱵᱟᱝ ᱩᱪᱷᱟᱹᱱ ᱟᱠᱟᱱ ᱠᱟᱹᱦᱱᱤ ᱟᱨ ᱟᱡᱟᱜ ᱯᱨᱳᱯᱷᱟᱭᱤᱞ ᱟᱡᱟᱜ ᱯᱚᱛᱚᱵ ᱠᱷᱚᱛᱴᱳᱱ ᱼ ᱮ ᱼ ᱟᱣᱟᱞ ᱠᱟᱦᱟᱱᱤᱠᱟᱨᱟ: ᱥᱩᱢᱮᱨᱟ ᱡᱟᱨᱤᱱ (ᱠᱟᱹᱦᱱᱤ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ: ᱥᱩᱢᱮᱨᱟ ᱡᱟᱨᱤᱱ) ᱨᱮ ᱥᱟᱯᱲᱟᱣ ᱟᱠᱟᱫᱟ᱾ ᱱᱚᱣᱟ ᱯᱚᱛᱚᱵ ᱫᱚ ᱒᱐᱑᱘ ᱥᱟᱞᱮᱨᱮ ᱩᱪᱷᱟᱹᱱ ᱟᱠᱟᱱᱟ᱾ ᱧᱩᱛᱩᱢᱟᱱ ᱥᱟᱶᱦᱮᱫ ᱢᱮᱜᱟᱡᱤᱱ ᱨᱟᱪᱱᱟ ᱒᱐᱑᱔ ᱥᱟᱞᱮᱨᱮ ᱟᱡᱟᱜ ᱩᱭᱦᱟᱹᱨ ᱨᱮ ᱢᱤᱫ ᱵᱤᱥᱮᱥ ᱮᱞᱮᱫ ᱮ ᱩᱪᱷᱟᱹᱱ ᱠᱮᱫᱟ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱢᱮᱨᱟ ᱡᱟᱨᱤᱱ ᱫᱚ ᱑᱓ ᱚᱜᱚᱥᱴ ᱑᱙᱗᱗ ᱥᱟᱞᱮᱨᱮ ᱵᱚᱸᱜᱟ ᱛᱟᱞᱟ ᱮᱱᱟ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Junejo, Abdul Jabbar (2006). سنڌي ادب جي تاريخ (History of Sindhi Literature) (in Sindhi). Hyderabad, Sindh, Pakistan: Sindhi Language Authority.
{{cite book}}: CS1 maint: unrecognized language (link) - ↑ "ثميره زرين : (Sindhianaسنڌيانا)". www.encyclopediasindhiana.org (in ᱥᱤᱱᱫᱷᱤ). Archived from the original on 2020-02-22. Retrieved 2020-03-10.
- ↑ Gul, Rizwan (2012). ,جديد سنڌي افساني جي سرموڙ ليکڪا ثميره زرين ساهت ڏيھ جا سرجڻهار. Dahap Publication.