ᱥᱩᱥᱟᱹᱨ ᱰᱟᱦᱟᱨ

*ᱥᱩᱥᱟᱹᱨ ᱰᱟᱦᱟᱨ*
ᱥᱟᱯᱲᱟᱣᱤᱡ	ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ (᱑᱙᱗᱒-᱗᱓); ᱢᱚᱦᱟᱫᱮᱵᱽ ᱦᱟᱸᱥᱫᱟ; ᱡᱟᱜᱚᱨᱚᱱ ᱥᱚᱨᱮᱱ
ᱛᱷᱚᱠ	ᱥᱟᱶᱦᱮᱫ ᱯᱟᱛᱷᱟᱢ
ᱯᱟᱨᱥᱟᱞ ᱚᱠᱛᱚ	ᱯᱮ ᱪᱟᱸᱫᱚᱠᱤᱭᱟᱹ (Quarterly)
ᱛᱷᱟᱯᱚᱱ ᱥᱮᱨᱢᱟ	᱑᱙᱗᱒
ᱠᱚᱢᱯᱟᱱᱤ	ᱥᱩᱥᱟᱹᱨ ᱜᱟᱶᱛᱟ
ᱫᱤᱥᱚᱢ	ᱥᱤᱧᱚᱛ
ᱯᱟᱹᱨᱥᱤ	ᱥᱟᱱᱛᱟᱲᱤ

ᱥᱩᱥᱟᱹᱨ ᱰᱟᱦᱟᱨ ᱫᱚ ᱑᱙᱗᱒ ᱥᱮᱨᱢᱟ ᱨᱮ ᱯᱩᱭᱞᱩ ᱩᱪᱷᱟᱹᱱ ᱞᱮᱱ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ ᱠᱟᱱᱟ᱾ ᱱᱚᱣᱟ ᱨᱮᱱᱤᱡ ᱯᱩᱭᱞᱩ ᱥᱟᱯᱲᱮᱛ ᱫᱚ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱟᱨ ᱰᱟᱹᱱ ᱵᱤᱨᱩᱫᱷ ᱞᱟᱹᱲᱦᱟᱹᱭ ᱨᱤᱱᱤᱡ ᱟᱹᱜᱽᱣᱟᱹᱱ ᱢᱟᱹᱱ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱛᱟᱦᱮᱸ ᱠᱟᱱᱟᱭ᱾^[᱑]

ᱱᱟᱜᱟᱢ

᱑᱙᱗᱐ ᱜᱮᱞ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱥᱮᱫ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱟᱜ ᱟᱹᱭᱩᱨ ᱛᱮ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱦᱟᱨᱟ ᱵᱩᱨᱩ ᱞᱟᱹᱜᱤᱫ ᱯᱩᱨᱩᱞᱤᱭᱟᱹ ᱡᱮᱞᱟ ᱨᱮᱱᱟᱜ ᱡᱳᱨᱳᱵᱟᱲᱤ ᱰᱟᱠᱚᱲᱟᱜ ᱛᱟᱹᱨᱤ ᱨᱮ ᱢᱮᱱᱟᱜ ᱫᱟᱬᱤᱠᱟᱰᱳᱵᱟ ᱟᱹᱛᱩ ᱨᱮ (ᱡᱟᱦᱟᱸ ᱫᱚ ᱚᱱᱚᱞᱤᱭᱟᱹ ᱟᱜ ᱡᱟᱱᱟᱢ ᱟᱹᱛᱩ ᱠᱟᱱᱟ) 'ᱥᱩᱥᱟᱹᱨ ᱜᱟᱶᱛᱟ' ᱧᱩᱛᱩᱢᱟᱱ ᱢᱤᱫ ᱥᱮᱢᱞᱮᱫ ᱵᱮᱨᱮᱫ ᱞᱮᱱᱟ᱾ ᱱᱚᱣᱟ ᱜᱟᱶᱛᱟ ᱦᱚᱛᱮᱛᱮ ᱜᱮ ᱑᱙᱗᱒ ᱥᱮᱨᱢᱟ ᱨᱮ 'ᱥᱩᱥᱟᱹᱨ ᱰᱟᱦᱟᱨ' ᱯᱟᱛᱷᱟᱢ ᱫᱚ ᱩᱪᱷᱟᱹᱱ ᱮᱦᱚᱵ ᱞᱮᱱᱟ᱾ ᱯᱩᱨᱩᱞᱤᱭᱟᱹ ᱡᱮᱞᱟ ᱨᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱞᱟᱲᱟᱣᱱᱟ ᱨᱮ ᱱᱚᱣᱟ ᱜᱟᱶᱛᱟ ᱟᱨ ᱯᱟᱛᱷᱟᱢ ᱨᱮᱱᱟᱜ ᱮᱱᱮᱢ ᱫᱚ ᱟᱹᱰᱤ ᱜᱮ ᱢᱟᱨᱟᱝᱼᱟ᱾^[᱑]

ᱥᱟᱯᱲᱮᱛ

᱑᱙᱗᱒-᱑᱙᱗᱓ ᱥᱮᱨᱢᱟ ᱫᱷᱟᱹᱵᱤᱡ ᱢᱤᱫ ᱥᱮᱨᱢᱟ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱱᱚᱣᱟ ᱨᱮᱱᱤᱡ ᱥᱟᱯᱲᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ᱾ ᱚᱱᱟ ᱛᱟᱭᱚᱢ ᱧᱩᱛᱩᱢᱟᱱ ᱥᱟᱶᱦᱮᱫᱤᱭᱟᱹ ᱟᱨ ᱠᱷᱚᱵᱚᱨᱤᱭᱟᱹ ᱢᱚᱦᱟᱫᱮᱵᱽ ᱦᱟᱸᱥᱫᱟ ᱱᱚᱣᱟ ᱨᱮᱱᱟᱜ ᱥᱟᱯᱲᱮᱛ ᱵᱷᱟᱨ ᱮ ᱜᱚᱜ ᱞᱮᱫᱟ᱾^[᱑] ᱚᱱᱚᱬᱦᱤᱭᱟᱹ ᱡᱟᱜᱚᱨᱚᱱ ᱥᱚᱨᱮᱱ ᱦᱚᱸ ᱠᱤᱪᱷᱩ ᱫᱤᱱ ᱞᱟᱹᱜᱤᱫ ᱱᱚᱣᱟ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ᱾^[᱒]

ᱥᱟᱶᱦᱮᱫ ᱮᱱᱮᱢ

ᱱᱚᱣᱟ ᱫᱚ ᱢᱤᱫ ᱯᱮ ᱪᱟᱸᱫᱚᱠᱤᱭᱟᱹ ᱥᱟᱶᱦᱮᱫ ᱯᱟᱛᱷᱟᱢ ᱠᱟᱱᱟ᱾ ᱱᱚᱣᱟ ᱨᱮ ᱥᱮᱨᱮᱧ, ᱚᱱᱚᱲᱦᱮ, ᱠᱟᱹᱦᱱᱤ ᱟᱨ ᱚᱱᱚᱞ ᱮᱢᱟᱱ ᱠᱚ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ᱾ ᱱᱮᱛᱟᱨ ᱨᱤᱱ ᱟᱭᱢᱟ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱟᱨ ᱜᱟᱭᱟᱱ ᱚᱱᱚᱞᱤᱭᱟᱹ ᱠᱚᱣᱟᱜ ᱚᱞ ᱯᱩᱭᱞᱩ ᱫᱷᱟᱣ ᱱᱚᱣᱟ ᱯᱟᱛᱷᱟᱢ ᱨᱮᱜᱮ ᱪᱷᱟᱯᱟ ᱞᱮᱱ ᱛᱟᱦᱮᱸᱫ᱾ ᱛᱟᱭᱚᱢ ᱛᱮ ᱱᱚᱣᱟ ᱯᱟᱛᱷᱟᱢ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱛᱮᱛᱨᱮ ᱫᱚᱦᱚ ᱞᱮᱱᱟ᱾

ᱟᱨᱦᱚᱸ ᱧᱮᱞ ᱢᱮ

ᱥᱟᱹᱠᱷᱭᱟᱹᱛ

1 2 3 ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (Santali Sahitya Itihas) (in Bengali). ᱠᱚᱞᱠᱟᱛᱟ: ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. 450.
↑ ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (Santali Sahitya Itihas) (in Bengali). ᱠᱚᱞᱠᱟᱛᱟ: ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. 265.

ᱵᱟᱦᱨᱮ ᱡᱚᱱᱚᱲ

[Hembram336-1] 1 2 3 ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (Santali Sahitya Itihas) (in Bengali). ᱠᱚᱞᱠᱟᱛᱟ: ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. 450.

[Hembram265-2] ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (Santali Sahitya Itihas) (in Bengali). ᱠᱚᱞᱠᱟᱛᱟ: ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. 265.

[᱑]

[᱒]