ᱥᱩᱥᱢᱟ ᱡᱳᱥᱤ

ᱥᱩᱥᱢᱟ ᱡᱳᱥᱤ
ᱡᱟᱱᱟᱢ	Kathmandu, Nepal
ᱠᱟᱹᱢᱤ	Writer filmmaker
ᱥᱮᱪᱮᱫ ᱟᱥᱲᱟ	Brown University New School for Social Research (NY)
ᱚᱱᱚᱞ ᱛᱷᱚᱠ	Fiction and non-fiction
ᱥᱟᱶᱦᱮᱫ ᱮᱱᱮᱢ	End of the World
ᱣᱮᱵᱽᱥᱟᱭᱤᱴ
sushmasfiction.blogspot.com

ᱥᱩᱥᱢᱟ ᱡᱳᱥᱤ (ᱱᱮᱯᱟᱞᱤ: सुष जोशी) ᱫᱚ ᱢᱤᱫ ᱱᱮᱯᱟᱞᱤ ᱚᱱᱚᱞᱤᱭᱟᱹ ᱟᱨ ᱯᱷᱤᱞᱢ ᱵᱮᱱᱟᱣᱤᱡ ᱠᱟᱱᱟᱭ ᱡᱟᱦᱟᱸ ᱫᱚ ᱠᱟᱴᱷᱢᱟᱱᱰᱩ, ᱱᱮᱯᱟᱞ ᱨᱮ ᱛᱟᱦᱮᱱ ᱠᱟᱱᱟᱭ ᱾ ᱩᱱᱤᱭᱟᱜ ᱯᱷᱤᱠᱥᱚᱱ ᱟᱨ ᱱᱚᱱ-ᱯᱷᱤᱠᱥᱚᱱ ᱫᱚ ᱱᱮᱯᱟᱞ ᱨᱮᱭᱟᱜ ᱥᱟᱸᱜᱷᱟᱨ ᱥᱟᱶ ᱥᱟᱶᱛᱮ ᱜᱞᱚᱵᱟᱞᱟᱥᱚᱱ, ᱢᱟᱭᱜᱽᱨᱮᱥᱚᱱ ᱟᱨ ᱰᱟᱭᱥᱯᱚᱨᱟᱥ ᱨᱮᱭᱟᱜ ᱠᱟᱹᱦᱱᱤ ᱠᱚ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ᱾

ᱩᱱᱤᱭᱟᱜ ᱠᱷᱟᱴᱚ ᱠᱟᱹᱦᱱᱤ ᱯᱚᱛᱚᱵ ᱮᱱᱰ ᱚᱯᱷ ᱫᱟ ᱣᱟᱨᱞᱰ ᱒᱐᱐᱙ ᱨᱮ ᱯᱷᱨᱮᱱᱠ ᱳ'ᱠᱚᱱᱚᱨ ᱤᱱᱴᱟᱨᱱᱮᱥᱱᱟᱞ ᱠᱷᱟᱴᱚ ᱠᱟᱹᱦᱱᱤ ᱥᱤᱨᱯᱟᱹ ᱞᱟᱹᱜᱤᱫ ᱞᱟᱹᱴᱩ ᱥᱩᱪᱤ ᱨᱮ ᱥᱮᱞᱮᱫ ᱛᱟᱦᱮᱸ ᱟᱠᱟᱱᱟ᱾ "The Prediction", ᱠᱷᱟᱴᱚ ᱠᱟᱹᱦᱱᱤ ᱨᱮᱭᱟᱜ ᱟᱨ ᱢᱤᱫ ᱯᱚᱛᱚᱵ ᱡᱟᱦᱟᱸ ᱫᱚ ᱯᱟᱨᱚᱢ ᱟᱨ ᱱᱟᱦᱟᱜ ᱨᱮᱭᱟᱜ ᱠᱟᱹᱦᱱᱤ ᱠᱚ ᱢᱤᱫ ᱴᱷᱟᱶ ᱨᱮ ᱫᱚᱦᱚ ᱠᱟᱱᱟ, ᱚᱱᱟ ᱫᱚ ᱒᱐᱑᱓ ᱥᱟᱞᱮ ᱨᱮ ᱪᱷᱟᱯᱟ ᱞᱮᱱᱟ᱾

ᱩᱱᱤᱭᱟᱜ ᱱᱚᱱ ᱯᱷᱤᱠᱥᱚᱱ ᱨᱤᱯᱚᱨᱴᱮᱡᱽ ᱠᱟᱴᱷᱟᱢᱟᱱᱰᱩ ᱯᱚᱥᱴ, ᱫᱟ ᱱᱮᱥᱚᱱ ᱣᱤᱠᱞᱤ, ᱤᱱᱰᱤᱭᱟᱱ ᱮᱠᱥᱯᱨᱮᱥ (USA), ᱨᱤᱯᱟᱵᱽᱞᱤᱠᱟ ᱟᱨ ᱮᱴᱟᱜ ᱯᱟᱹᱨᱥᱟᱞ ᱠᱚ ᱨᱮ ᱥᱟᱯᱲᱟᱣ ᱟᱠᱟᱱᱟ᱾

ᱠᱮᱨᱤᱭᱟᱨ

᱑᱙᱙᱘ ᱠᱷᱚᱱ ᱒᱐᱐᱐ ᱦᱟᱹᱵᱤᱡ ᱡᱳᱥᱤ ᱫᱚ ᱦᱟᱨᱣᱟᱨᱰ ᱥᱠᱩᱞ ᱚᱯᱷ ᱯᱟᱵᱽᱞᱤᱠ ᱦᱮᱞᱥ ᱥᱟᱶ ᱥᱚᱦᱚᱫ ᱠᱟᱛᱮ ᱫᱟᱠᱷᱤᱱ ᱮᱥᱤᱭᱟ ᱨᱮ ᱜᱞᱚᱵᱟᱞ ᱨᱤᱯᱨᱚᱰᱚᱠᱴᱤᱵᱷ ᱦᱮᱞᱛᱷ ᱯᱷᱚᱨᱚᱢ ᱞᱟᱹᱜᱤᱫ ᱢᱤᱫ ᱥᱣᱟᱥᱛᱷ ᱟᱨ ᱟᱫᱷᱤᱠᱟᱨ ᱠᱟᱹᱢᱤᱦᱚᱨᱟ ᱠᱚ ᱮᱛᱚᱦᱚᱵ ᱠᱮᱫᱟ᱾ ᱱᱚᱶᱟ ᱡᱟᱱᱟᱢ ᱦᱚᱲᱢᱚ ᱟᱨ ᱦᱚᱠ ᱱᱮᱴᱣᱟᱨᱠ ᱨᱮ ᱯᱟᱨᱴᱱᱟᱨ ᱠᱚᱣᱟᱜ ᱢᱤᱫ ᱯᱷᱟᱭᱞᱟ ᱜᱟᱫᱮᱞ ᱢᱤᱫ ᱴᱷᱟᱶ ᱨᱮ ᱟᱹᱜᱩ ᱞᱟᱹᱜᱤᱫ ᱩᱱᱤ ᱫᱚ ᱢᱩᱵᱟᱭ, ᱫᱤᱞᱤ ᱟᱨ ᱰᱷᱟᱠᱟ ᱥᱮᱱ ᱮᱱᱟᱭ᱾ ᱩᱱᱤ ᱫᱚ ᱨᱤ/ᱯᱨᱚᱰᱟᱠᱥᱚᱱ ᱦᱚᱸ ᱮ ᱪᱟᱞᱩ ᱠᱮᱫᱟ, ᱱᱚᱣᱟ ᱚᱠᱛᱚ ᱨᱮ ᱦᱚᱲᱢᱚ ᱟᱨ ᱟᱹᱭᱫᱟᱹᱨᱤ ᱪᱮᱛᱟᱱ ᱨᱮ ᱢᱤᱫ ᱯᱟᱛᱷᱟᱢ ᱾ ᱩᱱᱤᱭᱟᱜ ᱠᱷᱚᱱᱫᱽᱨᱚᱝ ᱫᱚ ᱰᱤᱡᱤᱴᱟᱞ ᱞᱟᱭᱵᱨᱮᱨᱤ ᱨᱮ ᱥᱟᱠᱟᱢ ᱞᱮᱱᱟ ᱟᱨ ᱮᱥᱮᱱᱰᱤᱴᱤ ᱛᱤᱨᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱢᱩᱢᱵᱟᱭ ᱴᱷᱮᱱ ᱮᱢ ᱞᱮᱱᱟ᱾ ᱦᱚᱲᱢᱚ ᱟᱨ ᱦᱚᱠ ᱨᱮ ᱠᱟᱹᱢᱤ ᱠᱟᱱ ᱖᱐᱐ ᱠᱟᱹᱢᱤᱭᱟᱹ ᱟᱨ ᱯᱨᱚᱯᱷᱮᱥᱚᱱᱟᱞ ᱠᱚ ᱥᱟᱶᱛᱮ ᱢᱤᱫ ᱞᱤᱥᱴ-ᱥᱮᱨᱵᱷ ᱵᱚᱞ ᱮᱢ ᱪᱟᱞ ᱟᱫᱮ ᱛᱟᱦᱮᱸᱱᱟᱭ᱾

ᱥᱤᱨᱯᱟᱹ

ᱡᱳᱥᱤ ᱫᱚ ᱒᱐᱐᱐ ᱨᱮ Bread Loaf Writers' Conference ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱢᱤᱫ ᱟᱱᱚᱞᱤᱭᱟᱹ ᱯᱷᱮᱞᱳᱥᱤᱯ ᱮ ᱧᱟᱢ ᱞᱮᱫ-ᱟ ᱾ ᱒᱐᱐᱕ ᱥᱟᱞ ᱨᱮ, ᱩᱱᱤ ᱫᱚ ᱢᱚᱠᱟᱨᱛᱷᱚᱨ ᱯᱷᱚᱸᱰᱮᱥᱚᱱ ᱠᱷᱚᱱ ᱢᱤᱫ ᱨᱤᱥᱟᱨᱪ ᱟᱨ ᱚᱞᱚᱜ ᱯᱷᱮᱞᱳᱥᱤᱯ ᱮ ᱧᱟᱢ ᱞᱮᱫᱼᱟ ᱾ ᱒᱐᱐᱖ ᱨᱮ ᱩᱱᱤ ᱫᱚ ᱵᱮᱞᱡᱤᱭᱳ, ᱤᱴᱟᱞᱤ ᱨᱮ ᱨᱚᱠᱯᱷᱮᱞᱟᱨ ᱯᱷᱚᱸᱰᱮᱥᱚᱱ ᱦᱚᱛᱮᱛᱮ ᱥᱯᱚᱱᱥᱟᱨ ᱟᱠᱟᱱ ᱵᱮᱞᱡᱤᱭᱳ ᱥᱮᱱᱴᱟᱨ ᱨᱮ ᱨᱤᱡᱮᱰᱮᱱᱥᱤ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱡᱳᱥᱤ ᱒᱐᱐᱙ ᱨᱮ ᱩᱵᱩᱫᱽ ᱨᱟᱭᱴᱚᱨᱥ ᱟᱨ ᱨᱤᱰᱚᱨᱥ ᱯᱷᱮᱥᱴᱤᱵᱷᱮᱞ ᱨᱮ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱭ ᱛᱟᱦᱮᱸ ᱠᱟᱱᱟ ᱾ ᱒᱐᱑᱑ ᱨᱮ, ᱩᱱᱤ ᱫᱚ ᱮᱥᱤᱭᱟᱱ ᱯᱷᱮᱞᱳᱭ ᱛᱟᱦᱮᱸ ᱠᱟᱱᱟᱭ ᱟᱨ ᱮᱥᱤᱭᱟᱱ ᱥᱠᱚᱞᱟᱨᱥᱤᱯ ᱯᱷᱚᱸᱰᱮᱥᱚᱱ ᱨᱮᱱᱟᱜ ᱥᱚᱲᱚᱠ ᱛᱮ ᱱᱮᱯᱟᱞᱤ ᱤᱢᱨᱟᱡᱤ ᱠᱚ ᱵᱟᱵᱚᱛ ᱢᱤᱫ ᱯᱚᱛᱚᱵ ᱨᱮ ᱯᱟᱲᱦᱟᱣ ᱞᱟᱹᱜᱤᱫ ᱛᱷᱟᱭᱞᱮᱱᱰ ᱟᱨ ᱵᱚᱨᱢᱟ ᱨᱮᱭ ᱫᱟᱬᱟ ᱞᱮᱱᱟ ᱾ ᱩᱱᱤ ᱫᱚ ᱴᱳᱭᱳᱴᱟ ᱯᱷᱚᱸᱰᱮᱥᱚᱱ, ᱞᱩᱰᱵᱷᱤᱜᱽ ᱵᱷᱳᱜᱮᱞᱥᱴᱟᱭᱤᱱ ᱯᱷᱚᱸᱰᱮᱥᱚᱱ ᱠᱷᱚᱱ ᱯᱷᱮᱞᱳᱥᱤᱯ ᱦᱚᱸᱭ ᱧᱟᱢ ᱟᱠᱟᱫᱟ, ᱚᱱᱟ ᱥᱟᱶᱛᱮ ᱱᱮᱫᱟᱨᱞᱮᱱᱰᱥ ᱨᱮ ᱦᱩᱵᱚᱨᱴ ᱵᱟᱞᱥ ᱯᱷᱚᱸᱰ ᱠᱷᱚᱱ ᱢᱤᱫ ᱥᱤᱰ ᱯᱷᱚᱸᱰ ᱦᱚᱸᱭ ᱧᱟᱢ ᱟᱠᱟᱫᱟ ᱾