ᱥᱩᱥᱤᱞᱟ ᱥᱟᱢᱟᱫᱽ

ᱥᱩᱥᱤᱞᱟ ᱥᱟᱢᱟᱫᱽ ᱥᱮ ᱥᱩᱥᱤᱞᱟ ᱥᱟᱢᱟᱱᱛᱟ (Hindi: सुशीला सामद) (᱗ ᱡᱩᱱ ᱑᱙᱐᱖ – ᱑᱐ ᱰᱤᱥᱮᱢᱵᱚᱨ ᱑᱙᱖᱐) ᱫᱚ ᱢᱤᱫ ᱟᱹᱫᱤᱵᱟᱹᱥᱤ ᱦᱤᱱᱫᱤ ᱚᱱᱚᱲᱦᱤᱭᱟᱹ, ᱠᱷᱚᱵᱚᱨᱤᱭᱟᱹ, ᱥᱟᱯᱲᱟᱣᱤᱡ ᱟᱨ ᱩᱪᱷᱟᱹᱱᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱤᱱᱤᱡ ᱢᱤᱫ ᱮᱠᱴᱤᱵᱷ ᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱞᱚᱣᱡᱳᱰᱟ ᱟᱹᱛᱩ ᱨᱤᱱᱤᱡ ᱢᱩᱱᱰᱟ ᱟᱹᱫᱤᱵᱟᱹᱥᱤ ᱜᱷᱟᱨᱚᱸᱡᱽ ᱨᱤᱱᱤᱡ ᱠᱟᱱᱟᱭ᱾

ᱡᱤᱭᱚᱱ ᱪᱟᱨᱤᱛ

ᱩᱱᱤ ᱫᱚ ᱟᱭᱳ ᱞᱟᱞᱢᱚᱱᱤ ᱥᱟᱱᱰᱤᱞ ᱟᱨ ᱵᱟᱵᱟ ᱢᱳᱦᱚᱱ ᱨᱟᱢ ᱥᱟᱱᱰᱤᱞ ᱟᱜ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱑᱙᱓᱑ ᱥᱮᱨᱢᱟ ᱨᱮ ᱥᱩᱥᱤᱞᱟ ᱥᱟᱢᱟᱫᱽ ᱫᱚ ᱯᱨᱚᱭᱟᱜᱽ ᱢᱟᱦᱤᱞᱟ ᱵᱤᱫᱽᱭᱟᱯᱤᱴᱷ ᱠᱷᱚᱱ ᱯᱩᱭᱞᱩ ᱛᱷᱚᱠ (first class) ᱨᱮ ᱵᱤᱱᱤᱰ ᱮ ᱯᱟᱥ ᱞᱮᱫᱟ᱾ ᱑᱙᱓᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱵᱤᱱᱳᱫᱤᱱᱤ ᱟᱨ ᱑᱙᱓᱔ ᱥᱮᱨᱢᱟ ᱨᱮ ᱵᱤᱫᱩᱥᱤ (ᱵᱤ.ᱮ. ᱚᱱᱟᱨᱥ) ᱥᱮᱪᱮᱫ ᱮ ᱯᱩᱨᱟᱹᱣ ᱞᱮᱫᱟ᱾ ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ 'ᱦᱤᱱᱫᱤ ᱵᱤᱫᱩᱥᱤ' ᱮ ᱵᱮᱱᱟᱣ ᱞᱮᱱᱟ᱾^[᱑]

᱑᱙᱒᱕ ᱠᱷᱚᱱ ᱑᱙᱓᱐ ᱥᱮᱨᱢᱟ ᱫᱷᱟᱹᱵᱤᱡ, ᱩᱱᱤ ᱫᱚ ᱥᱟᱶᱛᱟ ᱟᱨ ᱥᱟᱶᱦᱮᱫ ᱯᱟᱛᱷᱟᱢ ᱪᱟᱸᱫᱽᱱᱤ (Chandni) ᱮ ᱥᱟᱯᱲᱟᱣ ᱟᱨ ᱩᱪᱷᱟᱹᱱ ᱞᱮᱫᱟ᱾ ᱩᱱᱤ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱨᱤᱱᱤᱡ ᱢᱤᱫᱴᱟᱹᱝ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ 'ᱥᱩᱨᱟᱡᱤ' (ᱯᱷᱩᱨᱜᱟᱹᱞ ᱵᱤᱨ) ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ MLC ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱞᱮᱫᱟᱭ^[᱒] ᱟᱨ ᱥᱟᱶᱛᱟ-ᱞᱟᱠᱪᱟᱨ ᱟᱨ ᱥᱟᱶᱦᱮᱫ ᱨᱮᱱᱟᱜ ᱟᱹᱭᱫᱟᱹᱨᱤ ᱠᱚᱭ ᱛᱚᱣᱟᱣ ᱞᱮᱫᱟ᱾ ᱩᱱᱤᱭᱟᱜ ᱵᱟᱨᱭᱟ ᱚᱱᱚᱲᱦᱮ ᱛᱩᱢᱟᱹᱞ ᱫᱚ ᱦᱩᱭᱩᱜ ᱠᱟᱱᱟ ᱯᱨᱚᱞᱟᱯ (᱑᱙᱓᱕) ᱟᱨ ᱥᱟᱯᱱᱮ ᱠᱟ ᱥᱟᱱᱥᱟᱨ (᱑᱙᱔᱘)᱾

ᱥᱟᱹᱠᱷᱭᱟᱹᱛ

↑ Tete, Vandna (31 January 2017). PRALAP (प्रलाप) (in ᱦᱤᱱᱫᱤ). Pyara Kerketta Foundation. pp. 7–8. ISBN 9789381056684.
↑ (India), Bihar (1959). The Bihar Gazette (in ᱟᱝᱜᱽᱨᱮᱡᱤ). p. 546.

ᱪᱷᱟᱸᱪ:India-journalist-stub ᱪᱷᱟᱸᱪ:India-poet-stub

[1] Tete, Vandna (31 January 2017). PRALAP (प्रलाप) (in ᱦᱤᱱᱫᱤ). Pyara Kerketta Foundation. pp. 7–8. ISBN 9789381056684.

[2] (India), Bihar (1959). The Bihar Gazette (in ᱟᱝᱜᱽᱨᱮᱡᱤ). p. 546.

[᱑]

[᱒]