ᱥᱩᱥᱤᱞᱟ ᱪᱮᱭᱱ ᱛᱨᱮᱦᱟᱱ

ᱥᱩᱥᱤᱞᱟ ᱪᱮᱭᱱ ᱛᱨᱮᱦᱟᱱ (᱑ ᱡᱩᱞᱟᱭ ᱑᱙᱒᱓ – ᱒᱘ ᱥᱮᱯᱴᱮᱢᱵᱚᱨ ᱒᱐᱑᱑) ᱢᱤᱫ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱭᱟᱹ ᱟᱨ ᱛᱤᱨᱞᱟᱹ ᱠᱟᱹᱢᱤᱭᱟᱹ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱜᱩᱨ ᱫᱷᱟᱹᱵᱤᱡ ᱯᱟᱧᱡᱟᱵᱽ ᱨᱮᱱ ᱛᱤᱨᱞᱟᱹ ᱠᱚ ᱥᱮᱪᱮᱫ ᱟᱨ ᱯᱷᱩᱨᱜᱟᱹᱞ ᱵᱮᱱᱟᱣ ᱨᱮ ᱠᱟᱹᱢᱤ ᱞᱮᱫᱟ᱾^[᱑]^[᱒]

ᱮᱛᱚᱦᱚᱵ ᱡᱤᱭᱚᱱ

ᱛᱨᱮᱦᱟᱱ ᱫᱚ ᱯᱟᱴᱷᱟᱱᱠᱚᱴ ᱨᱮ ᱡᱟᱱᱟᱢ ᱞᱮᱱᱟ ᱟᱨ ᱯᱩᱱᱭᱟᱹ ᱵᱚᱭᱦᱟ ᱢᱤᱥᱨᱟ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱦᱩᱰᱤᱧ ᱮ ᱛᱟᱦᱮᱸ ᱠᱟᱱᱟ᱾ ᱟᱡ ᱵᱟᱵᱟ ᱢᱟᱛᱷᱩᱨᱟᱫᱟᱥ ᱛᱨᱮᱦᱮᱱ, ᱢᱤᱫ ᱠᱚᱱᱴᱨᱟᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡᱟᱜ ᱴᱚᱴᱷᱟ ᱨᱮ ᱠᱟᱝᱜᱽᱨᱮᱥ ᱯᱟᱨᱴᱤ ᱨᱮᱱ ᱵᱩᱱᱤᱭᱟᱹᱫᱤᱭᱟᱹ ᱥᱚᱦᱮᱫ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱟᱨ ᱟᱨᱭᱟ ᱥᱚᱢᱟᱡᱽ ᱨᱮᱱ ᱢᱩᱬ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱛᱨᱮᱦᱟᱱ ᱫᱚ ᱥᱟᱢᱟᱝ ᱯᱟᱧᱡᱟᱵᱽ ᱤᱥᱛᱨᱤ ᱥᱚᱵᱷᱟ ᱨᱮᱱ ᱢᱤᱫ ᱟᱹᱭᱩᱨᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ᱾^[᱓]

ᱛᱨᱮᱦᱟᱱ ᱫᱚ ᱟᱡ ᱵᱟᱵᱟ ᱩᱠᱩ ᱦᱟᱞᱚᱛ ᱨᱮ ᱜᱩᱨ ᱮᱱ ᱠᱷᱟᱹᱛᱤᱨ ᱜᱷᱟᱨᱚᱸᱡᱽ ᱫᱚ ᱟᱠᱚᱣᱟᱜ ᱟᱨᱡᱟᱣ ᱟᱨ ᱫᱩᱞᱟᱹᱲ ᱠᱚ ᱟᱫ ᱠᱮᱫᱟ᱾

ᱛᱨᱮᱦᱟᱱ ᱫᱚ ᱪᱮᱭᱱ ᱥᱤᱝ ᱪᱮᱭᱱ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱠᱤᱨᱭ ᱯᱟᱨᱴᱤ ᱨᱮᱱ ᱵᱩᱱᱤᱭᱟᱹᱫᱤᱭᱟᱹ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ᱾

ᱠᱟᱹᱢᱤᱭᱟᱹ ᱞᱮᱠᱟᱛᱮ ᱠᱮᱨᱤᱭᱟᱨ

ᱛᱨᱮᱦᱟᱱ ᱫᱚ ᱟᱨᱭᱟ ᱥᱚᱢᱟᱡᱽ ᱨᱮ ᱢᱤᱫ ᱠᱤᱥᱳᱨ ᱞᱮᱠᱟᱛᱮ ᱥᱮᱞᱮᱫ ᱞᱮᱱᱟ ᱡᱚᱠᱷᱚᱱ ᱢᱤᱫ ᱡᱷᱤᱡ ᱧᱟᱯᱟᱢ ᱨᱮ ᱥᱮᱞᱮᱫ ᱦᱚᱲ ᱠᱚ ᱯᱩᱞᱤᱥ ᱠᱚ ᱜᱷᱮᱨᱟᱣ ᱠᱮᱫ ᱠᱚᱣᱟ ᱟᱨ ᱠᱚ ᱫᱟᱞ ᱠᱮᱫ ᱠᱚᱣᱟ᱾ ᱛᱨᱮᱦᱟᱱ ᱫᱚ ᱚᱱᱟ ᱩᱢᱮᱨ ᱨᱮ ᱜᱮ ᱵᱟᱹᱲᱤᱡ ᱵᱤᱨᱩᱫᱷ ᱞᱟᱹᱲᱦᱟᱹᱭ ᱨᱮᱱᱟᱜ ᱮ ᱜᱚᱴᱟ ᱠᱮᱫᱟ᱾

ᱛᱨᱮᱦᱟᱱ ᱫᱚ ᱢᱤᱫ ᱨᱟᱡᱽᱟᱹᱨᱤ ᱠᱟᱹᱢᱤᱭᱟᱹ ᱵᱮᱱᱟᱣ ᱮᱱᱟ ᱟᱨ ᱑᱙᱔᱑ ᱨᱮ ᱞᱟᱦᱳᱨ ᱨᱮᱱᱟᱜ ᱠᱚᱢᱭᱩᱱᱤᱥᱴ ᱯᱟᱨᱴᱤ ᱦᱮᱰᱠᱣᱟᱴᱟᱨ ᱨᱮᱭ ᱥᱮᱱ ᱮᱱᱟ᱾ ᱚᱱᱟ ᱚᱠᱛᱚ ᱩᱱᱤ ᱫᱚ ᱵᱤᱵᱤ ᱨᱟᱜᱷᱵᱤᱨ ᱠᱚᱣᱨ ᱥᱟᱶ ᱠᱟᱹᱢᱤ ᱠᱟᱱ ᱛᱟᱦᱮᱸᱱᱟ, ᱡᱟᱦᱟᱸᱭ ᱫᱚ ᱯᱟᱧᱡᱟᱵᱽ ᱯᱚᱱᱚᱛ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱠᱤᱨᱛᱤ-ᱜᱷᱟᱫᱟᱨ ᱯᱟᱨᱴᱤ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱚᱠᱛᱚ ᱛᱟᱹᱵᱤᱡ ᱛᱨᱮᱦᱟᱱ ᱫᱚ ᱚᱲᱟᱜ ᱮ ᱟᱲᱟᱜ ᱠᱟᱫᱟ ᱟᱨ ᱥᱟᱠᱩᱱᱛᱟᱞᱟ ᱟᱡᱟᱫᱽ ᱥᱟᱶ ᱥᱮᱞᱮᱫ ᱠᱟᱛᱮᱫ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱡᱟᱦᱟᱸ ᱫᱚ ᱯᱩᱸᱡᱤᱵᱟᱫᱤ ᱥᱤᱥᱴᱚᱢ ᱨᱮ ᱛᱟᱦᱮᱸ ᱠᱟᱱᱟ ᱚᱱᱟ ᱵᱤᱨᱩᱫᱷ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱭᱟᱹ ᱠᱚ ᱥᱟᱶ ᱮ ᱥᱮᱞᱮᱫ ᱞᱮᱱᱟ᱾

ᱛᱟᱭᱚᱢ ᱛᱮ ᱛᱨᱮᱦᱟᱱ ᱫᱚ ᱟᱭᱢᱟ ᱵᱤᱨᱳᱫᱷ ᱛᱟᱭᱚᱢ ᱠᱤᱨᱛᱤ ᱯᱟᱨᱴᱤ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱩᱱᱤ ᱫᱚ ᱚᱱᱟ ᱚᱠᱛᱚ ᱨᱮᱱᱟᱜ ᱵᱨᱤᱴᱤᱥ ᱨᱟᱡᱽ ᱯᱩᱞᱤᱥ ᱦᱚᱛᱮᱛᱮ ᱵᱟᱹᱲᱤᱡ ᱵᱤᱨᱩᱫᱷ ᱨᱮ ᱫᱟᱞ ᱟᱨ ᱞᱟᱴᱷᱤ ᱪᱟᱨᱡ ᱵᱚᱨᱫᱟᱥᱛ ᱠᱟᱛᱮᱫ ᱟᱡᱟᱜ ᱫᱟᱲᱮᱭ ᱩᱫᱩᱜ ᱠᱮᱫᱟ᱾

ᱥᱟᱶᱛᱟ ᱠᱟᱹᱢᱤ

ᱛᱨᱮᱦᱟᱱ ᱫᱚ ᱯᱟᱧᱡᱟᱵᱽ ᱨᱮᱱᱟᱜ ᱥᱟᱹᱜᱤᱧ ᱟᱹᱛᱩ ᱠᱚᱨᱮ ᱥᱮᱱ ᱠᱟᱛᱮᱫ ᱛᱤᱨᱞᱟᱹ ᱠᱚ ᱩᱛᱥᱟᱹᱦᱚ ᱠᱚ ᱮᱢᱟᱫ ᱠᱚᱣᱟ ᱵᱟᱥᱟᱝ ᱠᱚ ᱨᱟᱯᱟᱪ ᱟᱨ ᱠᱚ ᱯᱷᱟᱨᱪᱟᱭ ᱢᱮᱱᱛᱮ᱾ ᱱᱚᱣᱟ ᱫᱚ ᱚᱱᱟ ᱚᱠᱛᱚ ᱨᱮ ᱟᱯᱱᱟᱨ ᱛᱮ ᱱᱤᱨᱵᱷᱚᱨ ᱛᱟᱦᱮᱸ ᱨᱮᱱᱟᱜ ᱯᱟᱹᱛᱭᱟᱹᱣ ᱞᱟᱦᱟ ᱤᱫᱤ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ, ᱡᱚᱠᱷᱚᱱ ᱛᱤᱨᱞᱟᱹ ᱠᱚ ᱯᱷᱩᱨᱜᱟᱹᱞ ᱛᱟᱦᱮᱸᱱ ᱞᱟᱹᱜᱤᱫ ᱮᱱᱮᱢ ᱵᱟᱠᱚ ᱮᱢᱟᱣᱟᱫ ᱠᱚ ᱛᱟᱦᱮᱸᱱᱟ᱾ ᱥᱤᱧᱚᱛ ᱯᱷᱩᱨᱜᱟᱹᱞ ᱛᱟᱭᱚᱢ, ᱛᱨᱮᱦᱟᱱ ᱫᱚ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱥᱮᱪᱮᱫ ᱞᱟᱦᱟ ᱤᱫᱤ ᱛᱚᱝᱜᱮ ᱫᱚᱦᱚ ᱠᱮᱫᱟ ᱟᱨ ᱯᱮᱭᱟ ᱠᱩᱲᱤ ᱟᱥᱲᱟ ᱟᱨ ᱢᱤᱫ ᱠᱳ-ᱮᱡᱩᱠᱮᱥᱚᱱ ᱮ ᱡᱷᱤᱡ ᱠᱮᱫᱟ᱾

ᱛᱨᱮᱦᱟᱱ ᱫᱚ ᱫᱟᱫᱩᱣᱟᱞ ᱨᱮᱱᱟᱜ ᱟᱡᱟᱜ ᱟᱹᱛᱩ ᱯᱟᱸᱪᱟᱭᱚᱛ ᱠᱟᱣᱩᱱᱥᱤᱞ ᱨᱮ ᱯᱩᱭᱞᱩ ᱛᱤᱨᱞᱟᱹ ᱯᱟᱸᱪ ᱮ ᱛᱟᱦᱮᱸ ᱠᱟᱱᱟ᱾ ᱒᱐᱑᱑ ᱨᱮ ᱜᱩᱨ ᱫᱷᱟᱹᱵᱤᱡ, ᱩᱱᱤ ᱫᱚ ᱵᱩᱱᱤᱭᱟᱹᱫᱤ ᱛᱷᱚᱠ ᱨᱮᱱᱟᱜ ᱥᱟᱶᱛᱟᱠᱤᱭᱟᱹ ᱮᱴᱠᱮᱴᱚᱬᱮ ᱠᱚ ᱥᱟᱢᱟᱝ ᱠᱮᱫᱟ - ᱡᱩᱛᱩᱜᱽ, ᱚᱲᱟᱜ ᱦᱤᱸᱥᱟᱹ, ᱡᱟᱹᱛᱤᱵᱟᱫᱽ ᱟᱨ ᱡᱟᱹᱛᱤ ᱵᱷᱤᱛᱨᱤ ᱵᱟᱯᱞᱟ᱾

ᱟᱯᱱᱟᱨᱟᱜ ᱡᱤᱭᱚᱱ

ᱪᱮᱭᱱ ᱟᱨ ᱛᱨᱮᱦᱟᱱ ᱫᱚ ᱟᱠᱚ ᱡᱟᱦᱟᱸ ᱠᱟᱹᱢᱤ ᱨᱮ ᱯᱟᱹᱛᱭᱟᱹᱣ ᱛᱟᱦᱮᱸ ᱠᱟᱱᱟ ᱚᱱᱟ ᱞᱟᱹᱜᱤᱫ ᱢᱤᱫ ᱴᱷᱟᱶ ᱠᱷᱚᱱ ᱮᱴᱟᱜ ᱴᱷᱟᱶ ᱛᱮ ᱠᱤᱱ ᱫᱟᱹᱲ ᱟᱨ ᱠᱤᱱ ᱩᱠᱩ ᱮᱱᱟ᱾ ᱟᱠᱚ ᱯᱮᱭᱟ ᱜᱤᱫᱽᱨᱟᱹ ᱠᱚ ᱟᱫ ᱠᱮᱫ ᱠᱚᱣᱟ ᱟᱨ ᱟᱠᱚᱣᱟᱜ ᱢᱤᱫ ᱵᱟᱧᱪᱟᱣ ᱮᱱ ᱠᱩᱲᱤ ᱜᱤᱫᱽᱨᱟᱹ ᱥᱟᱵᱤᱛᱟ ᱫᱚ ᱥᱟᱹᱜᱟᱹᱭ ᱦᱚᱲ ᱠᱚ ᱦᱟᱨᱟ ᱵᱩᱨᱩ ᱞᱟᱹᱜᱤᱫ ᱠᱚ ᱟᱲᱟᱜ ᱠᱮᱫᱮᱭᱟ᱾

ᱥᱟᱹᱠᱷᱭᱟᱹᱛ

↑ "Sushila Chain Trehan - Women Freedom Fighter". The Better India. 28 October 2014. Retrieved 1 November 2017.
↑ "Sushila - Women Rights leader". 11 August 2017. Archived from the original on 7 November 2017. Retrieved 1 November 2017.
↑ "A Great Punjabi Woman – Sushila Chayn 1923-2011". Uddari Weblog (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2011-10-05. Retrieved 2017-11-01.

ᱵᱟᱦᱨᱮ ᱡᱚᱱᱚᱲ

[:0-1] "Sushila Chain Trehan - Women Freedom Fighter". The Better India. 28 October 2014. Retrieved 1 November 2017.

[:1-2] "Sushila - Women Rights leader". 11 August 2017. Archived from the original on 7 November 2017. Retrieved 1 November 2017.

[:2-3] "A Great Punjabi Woman – Sushila Chayn 1923-2011". Uddari Weblog (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2011-10-05. Retrieved 2017-11-01.

[᱑]

[᱒]

[᱓]