ᱥᱩᱨᱡᱚᱢᱩᱠᱟᱨ ᱡᱟᱫᱚᱵᱽ

ᱥᱩᱨᱡᱚᱠᱩᱢᱟᱨ ᱡᱟᱫᱚᱵᱽ
	ᱡᱟᱫᱚᱵᱽ ᱒᱐᱒᱔ ᱨᱮ
ᱟᱯᱱᱟᱨᱟᱜ ᱠᱟᱛᱷᱟ
ᱯᱩᱨᱟᱹ ᱧᱩᱛᱩᱢ	ᱥᱩᱨᱡᱚᱠᱩᱢᱟᱨ ᱚᱥᱚᱠ ᱡᱟᱫᱚᱵᱽ
ᱡᱟᱱᱟᱢ	᱑᱔ ᱥᱮᱯᱴᱮᱢᱵᱚᱨ ᱑᱙᱙᱐ (᱓᱕ ᱥᱮᱨᱢᱟ); ᱵᱚᱢᱵᱮ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱦᱚᱦᱚ ᱧᱩᱛᱩᱢ	ᱢᱤᱥᱴᱚᱨ ᱓᱖᱐
ᱵᱮᱴᱤᱝ	ᱡᱚᱡᱚᱢ-ᱛᱤ
ᱵᱚᱞᱤᱝ	ᱡᱚᱡᱚᱢ-ᱛᱤ ᱚᱯᱷ ᱵᱽᱨᱮᱠ
ᱯᱟᱴ	ᱵᱮᱴᱚᱨ
ᱡᱮᱜᱮᱛᱟᱹᱨᱤ ᱠᱟᱛᱷᱟ
ᱡᱟᱹᱛᱤᱭᱟᱹᱨᱤ ᱯᱟᱥᱴᱟ	ᱥᱤᱧᱚᱛ (᱒᱐᱒᱑–ᱱᱤᱛ);
ᱠᱷᱟᱹᱞᱤ ᱴᱮᱥᱴ (ᱠᱮᱯ ᱓᱐᱔)	᱙ ᱯᱷᱮᱵᱽᱨᱩᱣᱟᱨᱤ ᱒᱐᱒᱓ ᱵ ᱚᱥᱴᱨᱮᱞᱤᱭᱟ
ᱮᱛᱚᱦᱚᱵ ᱳ.ᱰᱤ.ᱟᱭ (cap ᱒᱓᱖)	᱑᱘ ᱡᱩᱞᱟᱭ ᱒᱐᱒᱑ ᱵ ᱥᱨᱤᱞᱚᱝᱠᱟ
ᱢᱩᱪᱟᱹᱫ ᱳ.ᱰᱤ.ᱟᱭ	᱑᱙ ᱱᱚᱵᱷᱮᱢᱵᱚᱨ ᱒᱐᱒᱓ ᱵ ᱚᱥᱴᱨᱮᱞᱤᱭᱟ
ᱳ.ᱰᱤ.ᱟᱭ ᱥᱟᱨᱴ ᱮᱞ	᱖᱓
ᱴᱤ᱒᱐ᱟᱭ ᱮᱛᱚᱦᱚᱵ (ᱠᱮᱯ ᱘᱕)	᱑᱔ ᱢᱟᱨᱪ ᱒᱐᱒᱑ v ᱤᱝᱞᱚᱸᱰ
ᱢᱩᱪᱟᱹᱫ ᱴᱤ᱒᱐ᱟᱭ	᱘ ᱢᱟᱨᱪ ᱒᱐᱒᱖ ᱵ ᱱᱤᱣᱡᱤᱞᱮᱱᱰ
ᱴᱤ᱒᱐ᱟᱭ ᱥᱟᱨᱴ ᱮᱞ	᱖᱓
ᱚᱲᱟᱜ ᱫᱚᱞ ᱨᱮᱭᱟᱜ ᱠᱟᱛᱷᱟ
᱒᱐᱐᱙–ᱱᱤᱛ	ᱯᱟᱨᱥᱤ ᱡᱤᱢᱠᱷᱟᱱᱟ
᱒᱐᱑᱐–ᱱᱤᱛ	ᱢᱩᱢᱵᱟᱭ
᱒᱐᱑᱒–᱒᱐᱑᱓, ᱒᱐᱑᱘–ᱱᱤᱛ	ᱢᱩᱢᱵᱟᱭ ᱤᱱᱰᱤᱭᱟᱱᱥ
᱒᱐᱑᱔–᱒᱐᱑᱗	ᱠᱚᱞᱠᱟᱛᱟ ᱱᱟᱭᱤᱴ ᱨᱟᱭᱰᱚᱨᱥ
ᱠᱟᱹᱢᱤ ᱦᱚᱨᱟ ᱥᱴᱮᱴᱟᱥᱴᱤᱠ
	ᱯᱷᱮᱰᱟᱛ: ᱤᱮᱥᱯᱤᱮᱱᱠᱨᱤᱠᱤᱱᱯᱷᱳ, ᱘ ᱢᱟᱨᱪ ᱒᱐᱒᱖

ᱥᱩᱨᱡᱚᱠᱩᱢᱟᱨ ᱚᱥᱚᱠ ᱡᱟᱫᱚᱵᱽ (ᱡᱟᱱᱟᱢ ᱑᱔ ᱥᱮᱯᱴᱮᱢᱵᱚᱨ ᱑᱙᱙᱐), ᱡᱟᱦᱟᱸᱭ ᱫᱚ ᱟᱡᱟᱜ ᱤᱱᱤᱥᱤᱭᱟᱞ SKY (ᱮᱥᱹᱠᱮᱹᱣᱟᱭ) ᱧᱩᱛᱩᱢ ᱛᱮᱦᱚᱸᱭ ᱵᱟᱰᱟᱭᱚᱜᱼᱟ, ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱨᱤᱠᱮᱴᱚᱨ ᱟᱨ ᱢᱟᱨᱮ ᱠᱟᱯᱴᱮᱱ ᱠᱟᱱᱟᱭ ᱴᱣᱮᱱᱴᱤ᱒᱐ ᱤᱱᱴᱚᱨᱱᱮᱥᱱᱟᱞ ᱴᱤᱢ ᱨᱤᱱᱤᱡ, ᱡᱟᱦᱟᱸ ᱨᱳᱞ ᱨᱮ ᱩᱱᱤ ᱛᱟᱦᱮᱸ ᱠᱟᱱᱟᱭ ᱡᱚᱠᱷᱚᱱ ᱥᱤᱧᱚᱛ ᱒᱐᱒᱖ ᱠᱚᱲᱟ ᱠᱚᱣᱟᱜ ᱴᱤ᱒᱐ ᱣᱟᱨᱞᱰ ᱠᱚᱯ ᱟᱨ ᱒᱐᱒᱕ ᱮᱥᱤᱭᱟ ᱠᱚᱯ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱴᱤᱢ ᱨᱤᱱᱤᱡ ᱦᱤᱸᱥ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱒᱐᱒᱔ ᱠᱚᱲᱟ ᱠᱚᱣᱟᱜ ᱴᱤ᱒᱐ ᱣᱟᱨᱞᱰ ᱠᱚᱯ ᱟᱨ ᱒᱐᱒᱓ ᱮᱥᱤᱭᱟ ᱠᱚᱯ ᱮ ᱡᱤᱛᱠᱟᱹᱨ ᱞᱮᱱᱟ ᱾

ᱡᱟᱫᱚᱵᱽ ᱫᱚ ᱢᱩᱢᱵᱟᱭ ᱠᱨᱤᱠᱮᱴ ᱴᱤᱢ ᱨᱮ ᱵᱟᱪᱷᱚᱱᱚᱜ ᱢᱟᱬᱟᱝ ᱨᱮ ᱢᱩᱢᱵᱟᱭ ᱨᱮ ᱠᱞᱚᱵᱽ ᱠᱨᱤᱠᱮᱴ ᱮ ᱮᱱᱮᱡ ᱮᱦᱚᱵ ᱞᱮᱫᱼᱟ ᱾ ᱩᱱᱤ ᱫᱚ ᱯᱷᱮᱵᱽᱨᱩᱣᱟᱨᱤ ᱒᱐১০ ᱨᱮ ᱢᱩᱢᱵᱟᱭ ᱞᱟᱹᱜᱤᱫ ᱞᱤᱥᱴ ᱮ ᱰᱮᱵᱽᱭᱩ ᱞᱮᱫᱼᱟᱭ, ᱚᱱᱟ ᱥᱮᱨᱢᱟ ᱜᱮ ᱯᱷᱟᱨᱥᱴ-ᱠᱞᱟᱥ ᱟᱨ ᱴᱤ᱒᱐ ᱰᱮᱵᱽᱭᱩ ᱢᱟᱬᱟᱝ ᱨᱮ ᱾ ᱢᱟᱨᱪ ᱒᱐᱒᱑ ᱨᱮ, ᱩᱱᱤ ᱫᱚ ᱟᱡᱟᱜ ᱴᱤ᱒᱐ ᱟᱭ (T20I) ᱰᱮᱵᱽᱭᱩ ᱞᱮᱫᱼᱟᱭ ᱟᱨ ᱛᱟᱭᱚᱢ ᱛᱮ ᱚᱱᱟ ᱥᱮᱨᱢᱟ ᱨᱮᱱᱟᱜ ᱡᱩᱞᱟᱭ ᱪᱟᱸᱫᱚ ᱨᱮ ᱳᱰᱤᱟᱭ (ODI) ᱰᱮᱵᱽᱭᱩ ᱞᱮᱫᱼᱟᱭ ᱾ ᱩᱱᱤ ᱫᱚ ᱥᱤᱧᱚᱛ ᱞᱟᱹᱜᱤᱫ ᱢᱩᱬᱩᱛ ᱞᱮᱠᱟᱛᱮ ᱞᱤᱢᱤᱴᱮᱰ-ᱳᱵᱷᱚᱨ ᱠᱨᱤᱠᱮᱴ ᱮ ᱮᱱᱮᱡ ᱟᱠᱟᱫᱼᱟ, ᱯᱷᱮᱵᱽᱨᱩᱣᱟᱨᱤ ᱒᱐᱒᱓ ᱨᱮ ᱟᱡᱟᱜ ᱮᱠᱞᱟ ᱴᱮᱥᱴ ᱢᱮᱪ ᱮ ᱮᱱᱮᱡ ᱞᱮᱫᱼᱟ ᱾ ᱱᱚᱵᱷᱮᱢᱵᱚᱨ ᱒᱐᱒᱓ ᱨᱮ ᱩᱱᱤ ᱯᱩᱭᱞᱩ ᱫᱷᱟᱣ ᱥᱤᱧᱚᱛᱤᱭᱟᱹ ᱴᱤᱢ ᱨᱤᱱᱤᱡ ᱠᱟᱯᱴᱮᱱ ᱞᱮᱠᱟᱛᱮ ᱧᱩᱛᱩᱢ ᱮ ᱧᱟᱢ ᱞᱮᱫᱼᱟ ᱟᱨ ᱡᱩᱞᱟᱭ ᱒᱐᱒᱔ ᱨᱮ ᱥᱤᱧᱚᱛᱤᱭᱟᱹ ᱴᱤ᱒᱐ ᱟᱭ ᱴᱤᱢ ᱨᱤᱱᱤᱡ ᱠᱟᱯᱴᱮᱱ ᱞᱮᱠᱟᱛᱮ ᱫᱚᱦᱲᱟ ᱵᱟᱦᱟᱞ ᱞᱮᱱᱟᱭ ᱛᱤᱱ ᱡᱚᱠᱷᱚᱱ ᱢᱟᱨᱮ ᱠᱟᱯᱴᱮᱱ ᱨᱚᱦᱤᱛ ᱥᱚᱨᱢᱟ ᱴᱤ᱒᱐ ᱟᱭ ᱠᱷᱚᱱ ᱡᱤᱨᱟᱹᱣ ᱨᱮᱱᱟᱜ ᱮ ᱜᱷᱚᱥᱬᱟ ᱠᱮᱫᱼᱟ ᱾

ᱟᱜᱚᱥᱴ ᱒᱐᱒᱔ ᱫᱷᱟᱹᱨᱤᱡ, ᱡᱟᱫᱚᱵᱽ ᱫᱚ ᱡᱮᱡᱟᱹᱛᱤᱭᱟᱹᱨᱤ ᱠᱨᱤᱠᱮᱴ ᱨᱮ ᱯᱩᱱᱭᱟᱹ ᱥᱮᱱᱪᱩᱨᱤ ᱥᱟᱶᱛᱮ ᱓,᱐᱐᱐ ᱠᱷᱚᱱ ᱡᱟᱹᱥᱛᱤ ᱨᱟᱱ ᱮ ᱵᱮᱱᱟᱣ ᱟᱠᱟᱫᱼᱟ ᱾ ᱟᱡᱟᱜ ᱠᱮᱨᱤᱭᱚᱨ ᱨᱮᱱᱟᱜ ᱗᱕% ᱠᱷᱚᱱ ᱡᱟᱹᱥᱛᱤ ᱨᱟᱱ ᱟᱨ ᱡᱚᱛᱚ ᱥᱮᱱᱪᱩᱨᱤ ᱫᱚ ᱴᱤ᱒᱐ ᱟᱭ ᱢᱮᱪ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱟᱡᱟᱜ ᱯᱩᱱᱭᱟᱹ ᱴᱤ᱒᱐ ᱟᱭ ᱥᱮᱱᱪᱩᱨᱤ ᱫᱚ ᱡᱟᱦᱟᱸᱭ ᱵᱮᱴᱚᱨ ᱦᱚᱛᱮᱛᱮ ᱫᱚᱥᱟᱨ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱠᱟᱱᱟ ᱾ ᱩᱱᱤ ᱫᱚ ᱚᱠᱴᱚᱵᱚᱨ ᱒᱐᱒᱒ ᱠᱷᱚᱱ ᱡᱩᱱ ᱒೦᱒᱔ ᱫᱷᱟᱹᱨᱤᱡ ᱴᱤ᱒᱐ ᱟᱭ ᱞᱟᱹᱜᱤᱫ ᱟᱭᱥᱤᱥᱤ ᱠᱚᱲᱟ ᱠᱚᱣᱟᱜ ᱯᱞᱮᱭᱟᱨ ᱨᱮᱝᱠᱤᱝ ᱨᱮ ᱪᱮᱛᱟᱱ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾ ᱩᱱᱤ ᱫᱚ ᱒᱐᱒᱒ ᱟᱨ ᱒᱐᱒᱓ ᱨᱮ ᱟᱭᱥᱤᱥᱤ ᱠᱚᱲᱟ ᱠᱚᱣᱟᱜ ᱴᱤ᱒᱐ ᱟᱭ ᱠᱨᱤᱠᱮᱴᱚᱨ ᱚᱯᱷ ᱫᱤ ᱤᱭᱚᱨ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟᱭ, ᱟᱨ ᱒᱐᱒᱒ ᱟᱨ ᱒᱐᱒᱓ ᱨᱮ ᱟᱭᱥᱤᱥᱤ ᱠᱚᱲᱟ ᱠᱚᱣᱟᱜ ᱴᱤ᱒᱐ ᱟᱭ ᱴᱤᱢ ᱚᱯᱷ ᱫᱤ ᱤᱭᱚᱨ ᱨᱮᱦᱚᱸ ᱧᱩᱛᱩᱢ ᱮ ᱧᱟᱢ ᱞᱮᱫᱼᱟ ᱾

ᱡᱟᱫᱚᱵᱽ ᱫᱚ ᱥᱤᱧᱚᱛᱤᱭᱟᱹ ᱰᱚᱢᱮᱥᱴᱤᱠ ᱠᱨᱤᱠᱮᱴ ᱨᱮ ᱢᱩᱢᱵᱟᱭ ᱞᱟᱹᱜᱤᱫ ᱮ ᱮᱱᱮᱡᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱢᱟᱲᱟᱝ ᱨᱮ ᱠᱟᱯᱴᱮᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱩᱢᱵᱟᱭ ᱤᱱᱰᱤᱭᱟᱱᱥ ᱞᱟᱹᱜᱤᱫ ᱮ ᱮᱱᱮᱡᱟ ᱟᱨ ᱢᱟᱲᱟᱝ ᱨᱮ ᱤᱱᱰᱤᱭᱟᱱ ᱯᱨᱤᱢᱤᱭᱟᱨ ᱞᱤᱜᱽ ᱨᱮ ᱠᱚᱞᱠᱟᱛᱟ ᱱᱟᱭᱤᱴ ᱨᱟᱭᱰᱚᱨᱥ ᱞᱟᱹᱜᱤᱫ ᱮ ᱮᱱᱮᱡ ᱞᱮᱫᱼᱟ, ᱟᱨ ᱒᱐᱑᱔ ᱨᱮ ᱠᱚᱞᱠᱟᱛᱟ ᱥᱟᱶ ᱢᱤᱫᱴᱟᱹᱝ ᱴᱟᱭᱴᱮᱞ ᱟᱨ ᱒᱐᱑᱙ ᱟᱨ ᱒᱐᱒᱐ ᱨᱮ ᱢᱩᱢᱵᱟᱭ ᱥᱟᱶ ᱵᱟᱨᱭᱟ ᱴᱟᱭᱴᱮᱞ ᱮ ᱡᱤᱛᱠᱟᱹᱨ ᱟᱠᱟᱱᱟ ᱾

↑ "ᱥᱩᱨᱡᱚᱠᱩᱢᱟᱨ ᱡᱟᱫᱚᱵᱽ ᱟᱜ ᱮᱛᱚᱦᱚᱵ ᱠᱟᱹᱦᱱᱤ: ᱪᱮᱫ ᱞᱮᱠᱟᱨᱮ SKY ᱢᱤᱥᱴᱚᱨ ᱓᱖᱐ ᱵᱮᱱᱟᱣ ᱮᱱᱟᱭ". ᱥᱯᱳᱨᱴᱥᱴᱟᱨ. ᱓ ᱚᱠᱴᱚᱵᱚᱨ ᱒᱐᱒᱓. Retrieved ᱑ ᱡᱩᱱ ᱒᱐᱒᱔. {{cite web}}: Check |url= value (help); Check date values in: |access-date= and |date= (help)^{[permanent dead link]}
↑ "ᱫᱤ ᱢᱮᱛᱷᱚᱰ ᱮᱱᱰ ᱫᱤ ᱢᱮᱱ - ᱪᱮᱫ ᱞᱮᱠᱟᱨᱮ ᱥᱤᱧᱚᱛᱤᱭᱟᱹ ᱵᱮᱴᱚᱨ ᱥᱩᱨᱡᱚᱠᱩᱢᱟᱨ ᱡᱟᱫᱚᱵᱽ ᱚᱱᱟᱭ ᱠᱟᱹᱢᱤᱭᱟ ᱡᱟᱦᱟᱸ ᱫᱚ ᱩᱱᱤ ᱥᱩᱢᱩᱝ ᱜᱮᱭ ᱫᱟᱲᱮᱭᱟᱜᱼᱟ". ᱤᱮᱥᱯᱤᱮᱱᱠᱨᱤᱠᱤᱱᱯᱷᱳ. ᱘ ᱡᱟᱱᱩᱣᱟᱨᱤ ᱒᱐᱒᱓. Archived from the original on ᱑᱑ ᱡᱟᱱᱩᱣᱟᱨᱤ ᱒᱐᱒᱔. Retrieved ᱑ ᱰᱤᱥᱮᱢᱵᱚᱨ ᱒᱐᱒᱓. {{cite web}}: Check date values in: |access-date=, |date=, and |archive-date= (help)

[Mr.360-1] "ᱥᱩᱨᱡᱚᱠᱩᱢᱟᱨ ᱡᱟᱫᱚᱵᱽ ᱟᱜ ᱮᱛᱚᱦᱚᱵ ᱠᱟᱹᱦᱱᱤ: ᱪᱮᱫ ᱞᱮᱠᱟᱨᱮ SKY ᱢᱤᱥᱴᱚᱨ ᱓᱖᱐ ᱵᱮᱱᱟᱣ ᱮᱱᱟᱭ". ᱥᱯᱳᱨᱴᱥᱴᱟᱨ. ᱓ ᱚᱠᱴᱚᱵᱚᱨ ᱒᱐᱒᱓. Retrieved ᱑ ᱡᱩᱱ ᱒᱐᱒᱔. {{cite web}}: Check |url= value (help); Check date values in: |access-date= and |date= (help)^{[permanent dead link]}

[Cric_360-2] "ᱫᱤ ᱢᱮᱛᱷᱚᱰ ᱮᱱᱰ ᱫᱤ ᱢᱮᱱ - ᱪᱮᱫ ᱞᱮᱠᱟᱨᱮ ᱥᱤᱧᱚᱛᱤᱭᱟᱹ ᱵᱮᱴᱚᱨ ᱥᱩᱨᱡᱚᱠᱩᱢᱟᱨ ᱡᱟᱫᱚᱵᱽ ᱚᱱᱟᱭ ᱠᱟᱹᱢᱤᱭᱟ ᱡᱟᱦᱟᱸ ᱫᱚ ᱩᱱᱤ ᱥᱩᱢᱩᱝ ᱜᱮᱭ ᱫᱟᱲᱮᱭᱟᱜᱼᱟ". ᱤᱮᱥᱯᱤᱮᱱᱠᱨᱤᱠᱤᱱᱯᱷᱳ. ᱘ ᱡᱟᱱᱩᱣᱟᱨᱤ ᱒᱐᱒᱓. Archived from the original on ᱑᱑ ᱡᱟᱱᱩᱣᱟᱨᱤ ᱒᱐᱒᱔. Retrieved ᱑ ᱰᱤᱥᱮᱢᱵᱚᱨ ᱒᱐᱒᱓. {{cite web}}: Check date values in: |access-date=, |date=, and |archive-date= (help)

[᱑]

[᱒]